Post: #1
Title: ياجماعة انا اسمي منو ؟
Author: ALZOLZATOO
Date: 07-08-2009, 08:15 AM
طبعا في ناس بيعرفوا الاسامي اكتر من اسياد الشئ ذاته
وانا من زمان شاكي في اسمي ده انا ولا ما انا
اسع بالله اي زول عندو كاشف اسامي ولا زول يكون قريب لينا اقرب من صندوق البريد يورينا اسمنا منو
بعد ماتورونا اسمنا منو نوريكم تعملوا شنو
تحياتي
زاتوووو
|
Post: #2
Title: Re: ياجماعة انا اسمي منو ؟
Author: جعفر محي الدين
Date: 07-08-2009, 08:16 AM
Parent: #1
أمدرماني
|
Post: #4
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 08:19 AM
Parent: #2
صااااااح
ياحبيبنا جعفر ومن الثورة ما من حته تانية اسمع الكلام مني شخسيا
زاتوووو
|
Post: #5
Title: Re: ياجماعة انا اسمي منو ؟
Author: ياسر بيناوي
Date: 07-08-2009, 08:20 AM
Parent: #2
اسمك الماعارفو
الناس دي كلها عارفة
ببساطة شديدة اسمك الزول زاااااااااااااااااااااااااااااااتوووووووووووووووووو
|
Post: #6
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 08:28 AM
Parent: #5
حبيبنا ياسر بناوي
يوم عجوة ويوم صينية مكربة
الزول زاتوو النك نيم عايزين نعرف المانك نيم شنو
وسمح الاسم من خشم سيدو
زاتوووو
|
Post: #3
Title: Re: ياجماعة انا اسمي منو ؟
Author: انور التكينة
Date: 07-08-2009, 08:19 AM
Parent: #1
اريتو الزول يزاول
يا حكم صفر ده فاول
.
.
.
و ده مش فاول ...
ده بلنتى عديل
و عدم شغلة و عدم موضوع ...
.
.
قال انا اسمى منو ؟
التعديل لخطأ املائى
|
Post: #7
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 08:40 AM
Parent: #3
حبيبنا انور ود التكينة
ياخي ده فاول لكن تكنكال فاول
ممكن يكون عدم موضوع وعدم شغلة
لكن طالما انت جادي نسالك سؤال جادي زول كاتب اسم حركي وبيكتب بيهو في المنبر
في داعي الناس تمشي تفتش من وراهو اسمو منو وتجي تكتبوا قدام الناس يعني انا اسمي رايح مني وكاتب نك نيم اكيد عارف اسمي جيدا ومرتاح بالاسم البكتب بيهو بس لشئ في نفس يعقوب ماعايز اوريكم اسمي خسوسا كمان العضوات من المنبر .
انت قالوا ليك نحن مابنعرف اساميهم منو بنعرف اسامي معظمهم ومتواصلين معاهم لكن داخل البورد تتم المخاطبة بالنك نيم .
نتمنى مع المايكروفنات الكتيرة دي تسمعنا صوتك لوووووووووول يكه
تحياتي العميقة
زاتوووو
|
Post: #8
Title: Re: ياجماعة انا اسمي منو ؟
Author: العوض المسلمي
Date: 07-08-2009, 08:40 AM
Parent: #3
يا زول اسال البندر وانت تعرف اسمك ’’
|
Post: #9
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 08:47 AM
Parent: #8
حبيبنا العوض
انا زاتي قلت كده لكن البندر اليومين ديل الالياف الضوئية بتاعتو ضاربة واختلط الحابل بالنابل
مانقوم نسالوا يطلعنا شريفة الفاضل شريفة حرم المرحوم شريف حسن شريف كااااااك
تحياتي
زاتوووو
|
Post: #10
Title: Re: ياجماعة انا اسمي منو ؟
Author: حذيفه ابراهيم الكباشي
Date: 07-08-2009, 08:55 AM
Parent: #9
| Quote: قريب لينا اقرب من صندوق البريد يورينا اسمنا منو |
والله القرب خشم بيوت
..
|
Post: #13
Title: Re: ياجماعة انا اسمي منو ؟
Author: قيقراوي
Date: 07-08-2009, 09:06 AM
Parent: #10
Quote: طبعا في ناس بيعرفوا الاسامي اكتر من اسياد الشئ ذاته
وانا من زمان شاكي في اسمي ده انا ولا ما انا
اسع بالله اي زول عندو كاشف اسامي ولا زول يكون قريب لينا اقرب من صندوق البريد يورينا اسمنا منو
بعد ماتورونا اسمنا منو نوريكم تعملوا شنو
تحياتي
زاتوووو |
غايتو اسمك الحقيقي ما بعرفو!!
لكن انا اسمي الحقيقة - الكضب خيبة ، تاني ما بعمل كدا - اسمي الحقيقي " كلتوم اباتشي " و بدلعوني " مريم ذخيرة " مرات مرات كدا .
للضمان كدا باقي البطاقة الشخصية :
محاسب لكن ما نحرير و ما عندي علاقة بجبهة التحرير الارترية
اي معلومات اخرى عارفين تجيبوها من وين . . . صاح ؟
ما تصدقوا غيرو . . . سمح ؟
|
Post: #17
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 09:46 AM
Parent: #13
حبيبنا قيقراوي
من امبارح بحاول بعرف في كلمة نحرير دي يعني شنو ماعارف غايتو في مصطلحات المحاسبة ما اظنها موجودة اليوم نفتش عبد المجيد الصححاح نشوف معناها شنو
لكن الزول ده برضو استفدنا منو كلمة نحرير ان كان لها معني او لم يكن لها معني
معلوماتك بنجيبها يامعلم سنة 1996 مابعيدة انت مش كنت مجكس عشة سجارة دي ح تفتك لينا فت السنين
دي يوم لاقت واحد صاحبنا طابق في شارع المدارس واحد مشى قال ليها اشتغلي لينا صلاح ده عامل مابعرفها
اها كوركت ليهو يا صلاح يا صلاح اها صلاح والجكس بتاعو اتلفتو للصوت النسائي اها قالت ليهو انا اموت واعرف انت خليتني لي شنو كااااااااااك لحدي ما الجكس وصلاح زاتوو اصيبوا بالدهشة
تحياتي يا تحرير
زاتوووو
|
Post: #14
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 09:31 AM
Parent: #10
حبيبنا حذيفة
خشم بيوت ساكت
اها شوف جنس القرب ده
الطيب سيخة لمن ودوهو والي لي دارفور واحد بيرحب بيهو قال ليهو
ابشر الطيب ود اب سيخة
ابشر ابو فلجة بعشوم الغابة
قال ليهو بقيت لينا قريب قُرب دُبر الحلاب للواطة
اها عليك الله شوف قرب دبر الحلاب للواطة دي خشم شنو كااااااك
تحياتي
زاتوووو
|
Post: #11
Title: Re: ياجماعة انا اسمي منو ؟
Author: انور التكينة
Date: 07-08-2009, 08:58 AM
Parent: #9
Quote: في داعي الناس تمشي تفتش من وراهو اسمو منو وتجي تكتبوا قدام الناس
يعني انا اسمي رايح مني وكاتب نك نيم اكيد عارف اسمي جيدا ومرتاح بالاسم البكتب
بيهو بس لشئ في نفس يعقوب ماعايز اوريكم اسمي خسوسا كمان العضوات من المنبر . |
فى دى معاك حق ...
و الحاج وراق زاتو
و قرشى عوض
مافى داعى الناس تشمشر ما دام الزول زاتو ملتزم بكل ادبيات الكتابة و بى رصانة كمان ....
لكن يعقوب الفى نفسو شنو تجاه عضوات المنبر ؟؟؟
اها قمنا على اللخبتة ؟
ما كنا كويسين !!!!
|
Post: #12
Title: Re: ياجماعة انا اسمي منو ؟
Author: HAIDER ALZAIN
Date: 07-08-2009, 09:04 AM
Parent: #11
اسمك شفيق ...
بتعرف شفيق ايوووووة اللي كان وقت الناس تقول سلام عليكم يقول وعليكم والسلام ..
شفيق يا راااااجل اللي كان وقت يطلع الطابق التالت يوصل التالت ....
شفيق اللي كان وقت ما يعرفش اسمع الواحد يسال منه ...
ولو سال واحد وهو ما بيعرفش يسأل واحد تاني .. ولو واحد ادالو اسم يجي جاري ويكتبه بالمنبر...
شفيق يارااااااجل .. اللي كان ويقت يتلخبط ما بيعرفش انه صاااح ...
|
Post: #15
Title: Re: ياجماعة انا اسمي منو ؟
Author: انور التكينة
Date: 07-08-2009, 09:40 AM
Parent: #12
اها هاك الاجابة الما خمج ...
و لا يأتيها الباطل من بين يديها
زى القال للسيجنال ابان احدى ازمات الندرة ايام نميرى :
تفوتنا و تمشى بى غادى
و تمش تندس فى الرادى
سمعنا كلامك الفاضى
و فتحنا الرادى مالقيناك
خلاس يا انتا خليناك
بنرجع تانى للمسواك
لاننا نحن ما بنسواك
و اصلو شبهنا للتمباك و لمسواك
User Profile
الملف الشخصي ل ALZOLZATOO
اللقب: ALZOLZATOO
: .
عدد البوستات: 2672
تاريخ التسجيل: 14-03-2002
محل الاقامة: امدرمان- السودان - الشرقية - السعودية
: Not shown
عنوان مكتبتى بسودانيزاونلاين دوت كم :
اكلات مفضلة: اي حاجة إلا الميتة والدم ولحم الخنزير
----------------------------------------------------
الاسم الحقيقى: أبوبكر عثمان
----------------------------------------------------
التلفون: sorry
الجامعة/المعهد: جامعةالسودان للعلوم والتكنلوجيا
الحالة الاجتماعية: Married
العنوان الدائم: السودان - امدرمان الثورة
الفنان المفضل: كل الاغاني الجميلة مفضلة
اللون السياسى: اي حكومة لمصلحة ا لشعب
النوع: Male
الهوايات المفضلة: كرة القدم
الوظيفة: محلل مالي
تاريخ الميلاد: 21 يونيو في حكومة نميري
درست المرحلة الابتدائية فى ......و سنة....: امدرمان
درست المرحلة الثانوية فى ......و سنة....: امدرمان
درست المرحلة المتوسطة فى ......و سنة....: امدرمان - الثورة
شاعرك المفضل: التجاني يوسف بشير
عدد الاطفال: 2
معلومات اضافية:
مكان العمل: السعودية
مكان الميلاد فى السودان: الخرطوم
صورتى:
|
Post: #20
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 10:20 AM
Parent: #15
حبيبنا ود التكينة
بالله هو البروفايل ده وصل التكينة انا كنت مفتكر بكوري براهو البيشوفوا اتاريهو شاريهو للناس
اسع انا اودي وشي وين كاااااك يعني عادي بعد ده زول يقول لي تتذكر لمن احتفلنا بي عيد ميلادك في باريس وانا باريس دي فاتحه على وين ذاته ماعارفها المشكلة مش ح تكون في عيد الميلاد
المشكلة في الناس البتصدق الكلام كاااك وواحدين يقولوا ليك طيب الزول ده يعني كاتب الكلام ده كده من راسو ساكت
لكن رايك شنو في البروفايل ده ياحبيبنا انور مش مفروض يستاهل مكتبة لانو لمن سجلنا المعلومات دي بكوري قال اي زول معلوماتو مامكتملة ما ح نديهو مكتبة ودخلنا نطلب مكتبة لقيناها فيها رسوم وكده واخوك لسع شايل بطاقة طالب وكده اها وحاتك لي اسع ما ادانا مكتبة مع انو الناس الناس الاتجندو في الجيش سنة الفين وتلاته وصلو رقيب اول كاااااااك
بعدين السيجنال مافي ابو صفقة موجود مع انو كان معجون سخن سخانة السوسة والعافية المدسوسة تخاف منو
تحياتي
زاتوووو
|
Post: #16
Title: Re: ياجماعة انا اسمي منو ؟
Author: حذيفه ابراهيم الكباشي
Date: 07-08-2009, 09:44 AM
Parent: #12
| Quote: اها عليك الله شوف قرب دبر الحلاب للواطة دي خشم شنو كااااااك |
هههههههههههههههههههههههاااااااااااااااااااااااااااايييييييييييييييي
والله كلام
دحين اقرب ليك صندوق البريد ولا اقرب لي حبل الوريد ولا اقرب ليك الواطة
..
|
Post: #19
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 10:10 AM
Parent: #12
حبيبنا حيدر
شفيق الكان بيمشي في الشارع
طيب ما احمد بيمشي في الشارع وشريفة بتمشي في الشارع وفاضل بيمشي في الشارع
ده ما الكان بيمر من جنبهم ياراجل وفي رواية اخرى كان عامل معاهم adhere عديل كده
تحياتي
زاتوووو
|
Post: #18
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 09:57 AM
Parent: #11
Quote: فى دى معاك حق ...
و الحاج وراق زاتو
و قرشى عوض
مافى داعى الناس تشمشر ما دام الزول زاتو ملتزم بكل ادبيات الكتابة و بى رصانة كمان ....
لكن يعقوب الفى نفسو شنو تجاه عضوات المنبر ؟؟؟
اها قمنا على اللخبتة ؟
ما كنا كويسين !!!! !!! |
حبيبنا انور
لمن بدينا في البورد معظم الناس كانت مسجلة بي النك بيم يعني ما اسامي حقيقية لكن الناس بتتعارف بي اساميها الحقيقية خلف السايبر والمنبر كان ايام الزمن الجميل
هنالك لوائح للمنبر اذا مفروض يلتزم العضؤ او العضوة بها ده الكلام الصاح وصح لسانك
اسع اذا حب انور التكينة يتعرف على زاتوو مثلا او العكس صحيح يقوم اي واحد يرسل مسج بسيط ياخي انا مشبهك اها ويبدا التعارف
بعدين في ناس مستخدمة اسامي وهمية لاشياء كثيرة لا يحق لنا معرفتها مالم يصرح لنا صاحب الاسم المعني
ناهيك عن سرد الاسامي والصفات والتجاوزات
شفته اللخبته بتبدا بي حاجة صغيرة وتنتهي بي جريمة كبيرة
والله انا مبسوط بي مداخلتك واشعارك الخفيفة الظريفة بس ماقلت لي ابوك اسمو منو كاااااااك
تحياتي
زاتوووو
|
Post: #21
Title: Re: ياجماعة انا اسمي منو ؟
Author: جعفر محي الدين
Date: 07-08-2009, 12:11 PM
Parent: #18
تصدق يا زاتوووو كنت أتمنى أن لا أعرف اسمك الحقيقي لأنو راسم ليك كم صورة لناس من أمدرمان في رأسي
وأمدرمان دي حبيبة علينا طلعت فيها جنسيتي سنة 78 والعسكري كتب لي مكان الميلاد / أم درمان وأنا لم أرى أم درمان إلا سنة 74 [إذا عايز تحسب العمر شوف البروفايل].
| Quote: تاريخ الميلاد: 21 يونيو في حكومة نميري |
تصور أنا شايف صورتك البتشبه صورة الطيب صالح دي قلت الزول دا عجوز خلاص
| Quote: لمن بدينا في البورد معظم الناس كانت مسجلة بي النك بيم يعني ما اسامي حقيقية |
أنا كان عندي نك نيم في بورد بكري دا ما اتهنيت بيه أبدا الخطفوا شنو ما عارف !
بعد ملاححة بكري كتر خيره سجلنا باسمنا زاتوووووووووووووو بس نقز من اسم الوالد ذي الما حصل حاجة.
ــــــــــــــــــــــــ
أها إن شاء الله اشتريت طيارة الرش
عشان يمكن نجي نسلفها منك ندي أم درمان الجديدة (أمبدة) رشة.
|
Post: #22
Title: Re: ياجماعة انا اسمي منو ؟
Author: حيدر حسن ميرغني
Date: 07-08-2009, 12:34 PM
Parent: #21
تم الناقصة يا هكروز
|
Post: #23
Title: Re: ياجماعة انا اسمي منو ؟
Author: إبراهيم عبد الحليم
Date: 07-08-2009, 01:25 PM
Parent: #22
معليش تخريمة
أخى الزول زاتو
الألبوم فى الطريق وياريت لو أديت واحد لأخونا ود الصايم وأخونا الشاعر هاشم أحمد خلف الله الأتنين معاك بالسعودية
إبراهيم عبد الحليم
|
Post: #25
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 03:06 PM
Parent: #23
الاخ ابراهيم
شكرا ليك كتير على الاهتمام
في انتظار البريد ، اول من نستلم نسلم طوالي
تحياتي
زاتوووو
|
Post: #26
Title: Re: ياجماعة انا اسمي منو ؟
Author: الفاتح الصادق حامد
Date: 07-08-2009, 03:15 PM
Parent: #23
زااااتو
قالت ليه اسمى سعدية لكن بدلعونى بقولوا لى زكريا
يعقوب دة منو ؟ ما يكون يعقوب دة هو صلاح البسوق البتاع دة؟
|
Post: #29
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 03:31 PM
Parent: #26
حبيبنا الفاتح
معقولة بتعرف زكريا ومابتعرف يعقوب
بعدين صلاح البسوق البتاع ده الحطب الجوة اللوري ده كلو ماكفاهو رابط ليهو شوية بي وراء
قالوا الطمع ودر ماجمع اسع يمكن يدوهو مخالف عشان الحطب الزائد ده
لكن يامعلم يعقوب كان ذا بصيرة بالرغم من غشاوة عينيه
اها في ناس مفتحين وحتاجين لي قميص يوسف
تحياتي
زاتوووو
|
Post: #27
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 03:16 PM
Parent: #22
حبيبنا حيدر
MY NAME IS BOW WOW
مش كان في اغنية زي دي وفي اغنية اظنها بتاعة الدستني جايلد بتقول
SAY MAY NAME SAY MY NAME IF NO ONE IS AROUND YOU BABY SAY I LOVE YOU
تحياتي
زاتوووو
|
Post: #24
Title: Re: ياجماعة انا اسمي منو ؟
Author: ALZOLZATOO
Date: 07-08-2009, 03:04 PM
Parent: #21
حبيبنا جعفر
اول حاجة داير اقول ليك حاجة سميها كسير تلج كسير حطب اي حاجة
في ناس من تشوفها كده سبحان الله بترتاح ليها ومن ضمن الناس صورتك دي صدقني انا جادي
لو عايز صورتي الحقيقية ادينا الايميل بتاعك وارسلها ليك طوالي طالما انت ود امدرمان
يمكن يوم نتلاقى في باص ولا حافلة ولا في حفلة الظروف مامعروفها والدنيا ضيقة جدا
شخصيا انا متابع كتاباتك كلها
عشان كده طيارة الرش ماكتيرة عليك تشيها وتشدها وترش من الحارة 19 امبدة لحدي ا لمشروع ومن حمد النيل لحدي فتاشة
تحياتي
زاتوووو
|
Post: #28
Title: Re: ياجماعة انا اسمي منو ؟
Author: أيمن دياب
Date: 07-08-2009, 03:27 PM
Parent: #24
انت اسمك الدكتور..
|
Post: #30
Title: Re: ياجماعة انا اسمي منو ؟
Author: الزوول
Date: 07-08-2009, 03:40 PM
Parent: #24
السلام عليكم
...
زمان كلمة زول دي داخلة في كترة نيكات
الزوول ، زول واحد ، زول ساكت ، الزول زاتو ، يازول يا زول ، زول بن زول
الحكاية دي كانت تخلي الناس متشربكة فينا طوالي
ومرات ينسبو ليك حاجات كويسة وغالباً حاجات كعبة ...كااااااااااك
هسع شايفهم ماشين على انقراض
كلهم هجروا البورد
فضلنا أنا وانت يا أبوبكر عثمان
شايف اغراء المكتبة غلبك
ما بطال معاي
القشة ما تعتر ليك
|
Post: #31
Title: Re: ياجماعة انا اسمي منو ؟
Author: ombadda
Date: 07-08-2009, 03:52 PM
Parent: #30
الزول زاتوو
والزوول
أنا غايتو إتوصلت لحل وسط..ألصق ديباجة جنب النيك نيم وخلاص..
بصراحة الزمن إتغير والناس بقت تخاف من النك نيم..والمواكبة فى الحالة دى
واجبة...
تحياتى
|
|