الرّاجِل الخايِس و المرة الفاتِيّة

دي مصطلحات طرقت آذاننا زمناً غير قصير علمنا منها أن الرجل الخايس يمكن أن يتمثّل في أكثر من صورة و هيئة ، أولها أنه يمكن أن يتشبّه بالنسوة من حيث الشكل و الهيئة كتمليس الشعر أو تمشيطه ، أو أن يرتدي أقمِشةً ذات طابع نسائي كالهزاز و الرقّاش و الفاقعٌ لونه و الحرير أو السلاسل حول العُنُق و يا سبحن الله فلبعضهم (عنقرة) و رغماً عنها يتسحسحون و يتمايصون!!!
و من بعض علامات الرجل الخايس أيضاً التِعِجِّن كما البنات و الجِلِّيع و التغنُّج و تدليل نفسه الأمّارة بالسوء ، و من ذلكم طريقة جلوسه كأن يجلس كما فنّانات الدلوكة و ما أدراك ما جلسة الدلُّوكة للمرأة لما فيها من أنوثة و غنج لا تتماشى مع ذلكم العِلّق بأيّتُها حال ثم المشية التي يحاول فيها أن يحاكي تلكم التي لكأن مِشيتها من بيت جارتها مرُّ السحابة لا ريثٌ ولا عجلُ فكيف له كعجلٍ ذو قرون أن يتثنّى في مشيته و كيف تسنّى له ذلك!!!؟
ثُمّ الرقص الخليع و التِجِدِّع في الحفلات و النياصة و المياصة و الشحررة ، و توريد الخدود لوجه الطوربيد ذو التجعيدة الأخدود





يتبع...

Quote: يتبع...

غايتو لو ما تبع يكون احسن..صلي على النبي يا مولانا.

Quote: الرقص الخليع و التِجِدِّع في الحفلات و النياصة و المياصة و الشحررة

دا كلو عرفناه ..

لكن الشحررة دي شنو يا ربي ..

غايتو يا علاء فايق ورايق وكلك حركات ..

شامبيون

Quote: كلك حركات ..

ود الباوقة سلام

Quote: غايتو يا علاء فايق ورايق وكلك حركات ..

Quote: غايتو لو ما تبع يكون احسن..صلي على النبي يا مولانا.

Quote: غايتو لو ما تبع يكون احسن..صلي على النبي يا مولانا.

عليه أفضل الصلاة و التسليم
يا عمّك
خلينا ننداح شوية ياخ

و الرجُل الخايس أو كما يسمونه أحياناً (الباطِل) حتى في حديثه له القدرة على تمييع صوته الأجِش كما النسوة ليُرقِّقه و يُليِّنه و يُلوِّنه كيفما يفعلن و يتقمّص شخصِياتهِن و يتمادى في تأنيث نفسه لدرجة مريعة تفوقهن مرّات و مرّات ليصبح بغلاً بمعنى الكلمة هجيناً بروح أُنثى و أفاعيل ذكر ، لتمتزج مياعة الأنثى مع شراسة الذكر و تتكون لديه ههُنا ما نُسميه بـخاصية (المقابضة) و قد رأيتهم/ن بأم عيني في الهند ذات مرة و ما أكثرهم/ن ، فقط أولئك قد بلغ منهم الفجور مبلغاً أن لا حياء في الشُذوذ فارتدوا ملابسهن و استخدموا أدوات مكياجهن ولا زال في (حقِّننا) بعضٌ من خوف (لا حياء) فغلاظ اليد العتاريس لا يزالون بيننا ممن لا يرتضون الحال المائل ، إلا أنهم لم يحولوا دون تواجدهم بيننا و في مجتمعاتنا تؤويهم بعض جيوب المجتمع كما الحمائم و يُضاري عليه بعض الصقور بأجنحتهم.





يتبع...

بعضهم يُنسبُ لقوم لوط و آخرون يُطلِقون عليهم ألقاباً كثيرة منها (الكداينة) و في هذه أذكُر طُرفةً في إحدى مُدن المهاجر للمجتمعات السودانية و قد كان قريباً لنا من مِنطقة تنقاسي ممن تغلُب عليهم البساطة لدرجة الفكاهة فما كان من أمرِ ه أنّه قد سمِع مراراً و تكراراً من زملاء السكن أقرباءه بمطعمٍ ما في إحدى مدن تلكم الدولة يُدعى مطعم (.....) وهي كلمة أقرب لكلمة الكداينة و كانوا لا يقولون إلا (مطعم الكداينة) و كان يسمع ولا يعي ، فقد كان من يديرونه فيهم بعضٌ من ملامح الخياسة و المياعة التي أصبحت قصةً للتندُّر بين المجتمعات السودانية هُنالِك ، فطرق صاحبنا ذات جوعة أجبرته ، باب مطعمهم و طلب فقدُّموا له مأكولات من أشهى ما يمكن لمثله أن يتذوّقه في دار غربة من الأكلات السودانية المُحبّبة إلى النفس ، و بعد أن أكل و شرِب و تجشّأ و دفع قيمة ما ابتلع قال للكاشير (وهو منهم) :
- والله عاد أكِلكُم ما فيهو كلِمةً تِتقال عِلِّي اسمكم شين خلاس آناس.

فقال له صاحبنا:
- و اسمنا مالو !!!؟
فقال قريبنا ببراءة طفل عُمرو لِسّة ما تمّ السماية وهو يُشير للافِتة:
-واللهِ شين اسمكم عاد دايرين الجد ولا الكِضِب ؟ تسمُّوهو مطعم الكداينِي!!!!؟
و عينك ما تشوف إلا النور تكالبت عليه الكُمش و تكأكأت عليه الصحون و اجتمع عليه القوم و مرق بكرامة البليلة ، و عاد للسكن في قِمة الفزع و الإنزعاج وفي ثورة عارِمة و نفس غاضب ساءل أقرباء السكن ممكن حشروا في رأسه ذلكم المُسمّى لذاك المطعم:
- إنتو يا عولاق تقولوا لي الكدايني الكدايني لمن عايزين تضيِّعوا رِقيبتي!!!؟ هي النصيبي الكدايني دي يعني شنو!!!؟
فيتساءلون عن النبأ العظيم لينداح و يحكي و تتعالى الضحكات و لا ينام أحد يومها





يتبع...

تنبيه لحين يتبع..
هذا البوست برعاية شامبيون

و يُقال أحياناً في وصف أحدهم (دة راجل جلابية ساي) أي أنه لا يهِش و لا ينِش على قول أولاد بمبة ، و الأخيب إن كان ممن يعضون طرف الجلباب بألسنتهم أو يتأبّطونه فيصحُّ فيه القول:

قالوا لنا تيسا فقلت وان يكن

تيسا ففي بعض التيوس حليب

إن ما ترونَ جمالنا استنوقت

والشمس من قبل الشروق تغيبُ

والداء لا الرقيا تفيد ولا الدوا

يجدي ولا وجد العلاجَ طبيبُ

وهذا من العينة التي حتى و إن قلت لها ما قاله ود بادي:

هوي يا وِليد يا دلوعة يا مرنوعة
اعدل ايدك المفدوعة
واتلحلح
وهات سدرك مع سدري
,,,
فلا حياة لِمن تُنادي

و أذكُر أن قريبةً لنا ممن يتحلّين بالحكمة و الموعظة الحسنة في أحلك الظروف و المواقف و أقساها و أقصاها وهي من الشلوخ يتّضِح جلياً لأي القبائل تنتمي ، ذهبت لسوق الحي الشعبي لتتبضّع من أحد التجار و كان صدفةً من ذات القبيلة أم شلوخ و يعلو صوت مُغنِّي طمبور من جهاز تسجيل في دكانة صاحبنا هذا ، و لِصقه أحدهم ممن يجلِس خلف صاج طعمِيّة يدردِم و يرمي ليبيع منتوجه ، وقفت قريبتنا أمام التاجر المعني و في ذات الوقت ترجّل صاحبنا بائع الطعمية من مكانه ليشتري شيئاً لنفسه ووجد قريبتنا تقوم بتملية التاجر بعض الطلبات فلما ملّ من دقائق الإنتظار التي يُلزِمه ترتيبه كحضور من بعد قريبتنا بالتحمُّل بدأ يتضجر و يتململ و تلبّسته روحٌ أُخرى لا تُشبِه الرجال في شيء فقال في صوت مائع للتاجر:
- ياخ أصلو مااااااااااااااا ممكن ، الببيع شايقي و البتشتري شايقية و البغنِّي في المُسجِّل شايقي ، والله محنتونا معاكم.
رمقته قريبتنا بنظرة متوجِّسة و لم تُعِره بعدها اهتماماً وواصلت تمليتها لطلباتها من التاجر ، فلم يكن من شأن بائع الطعمية إلا و أن أردف:
- هو ذااااااااااااتو مُش قالوا الشايقي كان نجح للطورية و كان سقط للعسكريااااااااا (بجرجرة صوت)
و هُنا نفذ صبر قريبتنا و بلغ السيل الرُبى فالتفتت إليه التفاتة كاملة و قالت له في غضب و حنق و استياء:
- شوف يا راجل (للمناداة فقط)العسكرية شغلة رجال و الطورية شغلة رجُال لكن رمِي الطعمية تششششششششششششش دة حق منو!!!!؟.
فأُسقِط في يد صاحبنا وتوارى خجلاً مع تعالي ضحكات صاحب الدكانة و كل من سمِع العبارة


يتبع...

و له عُدة أوجه تتراءى أمام مُخيلتي منها وجه (تالِتِن)
تالِتِن .. يتونّسِن يتضاحكِن
تلقاهو زووووط في نصهن
بيحبهِن و بعيرو عاشق ناقتِن
ولداًً حبيب شايلاتنو هِن في صفحتِن
ما بقولة لأ ما شفتو مرة مغالتِن
و كان هازرِن يضحك يقوم و يشلِّتن
ياهو الخزين و سيد غناهن و نمّتِن
زولاً ظريف مأمور دوام بي كِلمتِن
و تالِتِن ياهو الزعيم في سيرتِن

......
و قد نجِدُ من هُنا مدخلنا للشِق الثاني للموضوع وهو المرة الفاتِيّة



يتبع...

و حتى نُفرِّق ما بين المرأة العادية و الفاتِيّة لابد أن استبِق مدخلي بهذه القصة التي سمعتها عن الشيخ عائض القرني يوماً
إذ قال أن شيخاً خطيباً كان يتوجُّه بحديثه لمجموعة من النسوة عن المرأة و الرجل و المعاملة و ما إلى ذلك فقامت إحداهُن من ذوات الوزن الثقيل بشكل غير كريم من وسط الحضور و كانت مثار اشمئزاز الشيخ من طريقة المداخلة و الكلام و اللبس فقالت له:
- أولم يقل رسول الله (ص) رفقاً بالقوارير!!!؟
فناظرها الشيخ باستغراب لما أسلفت من شأنها ، وقال:
- نعم قال رِفقاً بالقوارير لا بالبراميل

يتبع...

Quote: و كانوا لا يقولون إلا (مطعم الكداينة)

ابو علوة

المطعم ده في حتة اسمها جايي من الغبار في بلاد الريال

مشيتو ليهو مرة عشان اشتري صاعوت

ياخي الخرمة ذاتا طارت مني

الحبيب علاء
أستحلفك بالله ان تكتفي بما أوردت حتي الان.

المسكوت عنــه فى الثقافــة السودانية ...


* عــدم الرضـــا بالنــوع ( ذكر / انثى ) هل يندرج فى اطار الامراض النفسية ؟


* لماذا بضاعة الفقــه الاسلامى فيها من نذر يسير ( الميراث ) للجنس الثالث ان جازت التسمية


من ( خنثــى مشكل ) ( عنيــن ) ..؟


* هل هــى من الكســب البشرى ام جبـلـه خلق عليها الانسان ؟

بدر الدين
حمد لله على سلامة العودة
أكشح العندك ساي
دة بوست للفضفضة الصريحة

الصور ؟؟؟؟

Quote: - نعم قال رِفقاً بالقوارير لا بالبراميل

لا أعتقد أنه قالها.
فإن قالها ،
فقدأساء الأدب.

تحياتي

Quote: الحبيب علاء أستحلفك بالله ان تكتفي بما أوردت حتي الان.

يا شباب نواصل ولا نقيف!!!؟
يادووووووووووب جايين للحتة المحتاجة رعاية شركات أمنية و كدة

Quote: لا أعتقد أنه قالها. فإن قالها ، فقدأساء الأدب.

بل قالها القرني منسوبة لآخر
تسلم

Quote: الصور ؟؟؟؟

أنا شايف و إنت شايف
صح!!؟

Quote: مشيتو ليهو مرة عشان اشتري صاعوت ياخي الخرمة ذاتا طارت مني

حاسي بيك والله يا حيدر

و لنعبر الجسر ما بين طرفي الهاوية ،هاوية السقوط ما بين الخياسة و الفاتِيّة سأحكي منتقلاً في الجسر ما بين المرحلة الأولى من البوست و الثانية قصةً حدثت في أرض مهجر ما بين سوداني و سودانية
حيث يبدو أن الشيطان قد اختلا بهما
إختلفا يوماً أمام جمعٍ من الناس
قال لها:
- كمان دايرة تتكلمي ؟ كان ما ....... كان قلتي شنو!!!؟
فردت:
- بييييييييييي شنو ياااااااااااا حسرة هو إنت أنا لقيتك عندك حاجة!!!؟ و كان ما بتقوم دفرة كان قلت شنو!!!؟

يا سيادتو

قطع شك البوست ده ما بببيت للصباح

الواحد كان عاوز يدلو بدلوه لكن الدولو ذاته شكله ابي بتدلدل

عليه

ودعتك الله لمن تجيب الصور لووووووووووووووول يكه


ـــــــــــــــــــــــــــــــــــــــــــــــ
جاييك بكره في زيارة تفقدية

و الفاتِيّة هي الفتاة القاهِر أو الجاسر و من تُوصف بأقذع ألفاظ الشذوذ و الخروج عن جادة طريقها كأنثى مُلتزِمة بأنوثتها مُراعية لها و لنفسها حافظة:
شوفة كيفن مُنعّمة
و بالعفاف كيف مُعمعمة
الحرير زيُّو و أنعما
و الحسود عينو بالعمى
و الفطرة السليمة و التي تقتضي مبدأ المحافظة كديدن (في كل الأديان)
كل من تخالفها و تنحو ناحية الشذوذ في السلوك و الممارسات تنطبق عليها صِفة الفاتِيّة
و لا زلت أذكر كيف كُنّا ننظر لعزيزة كوموندوز (و الأخير هو لقبها) و اللقب المنسوب إليها يوحي من أي صنفٍ من الفتيات قد تكون هذا إن لم تكن كلمة (الأخ) التي كُنّا نصفها بها قد أنقصت نون النسوة إحداهُن.
و كوموندوز كانت (كاسرة قيد) و قاهر بكل ما تحمل الكلمة من معان للدرجة التي كانت تُجالِس فيها قادة مُحشِّشي الحِلّة و تمتطي معهم الموتوسيكلات جيئة و ذهاباً نهاراً لضفاف النيل حيث الأجواء الملائمة صيفاً لتدخين البنقو و ولوازمه من مزّة و عضّة و هُنا يأتي الدور الثانوي لكومندوز و من ثم ليلاً لفسحة الحِلّة النائية التي تكون ساحةً للرياضة عصراً و مرتعاً لذوي الحاجات الشاذة ليلاً و منهم كومندوز و شُلّتها.
و الغريب في الأمر أن كومندوز لم تكُن (شماسية) تفتقد المأوى و السكن و تصيع في الشوارع لتضيع في زحمة الحياة و مشاكلها أو تُجبر لمثل هكذا ممارسات بل كانت تسكُن مع أسرتها المُقتدِرة تماماً لوالدٍ ذو مسئوليات مهنية عالية.
و الأغرب هو أنها قد كانت من أوائل المتزوجات ممن هم في مثل عُمرها و لا زلت أذكر تعليقات بعضهم و بعضهن المطابقة لمقولة (لم يترك أبناء الحرام لأولاد الحلال شيئا) فكانت الهمسات تقول إنو:
( البت الما نافعة هي البتمرُق و تظل بت الناس مش غريبة بالله!!!؟)
هذا ليس سؤالاً أوجهه لنفسي أو لأحد ، لكنه لسان حال كثيرين و كثيرات سمعته في تلكم الفترات أيام كوموندوز
و مع كوموندوز و مثيلاتها من المثليين ضاعت أغنية النعام آدم و ما عادت لِتُسمع و إن سُمِعت لن تُفهم:
حور في سور و سيدو معلِّي سورو
و الجيران ما قادرين يزوروا




يتبع...

علاء مطنشني مالك ..

رد علي .. عليك الله ترد ..

Quote: رد علي .. عليك الله ترد

يا عمك

والله اسمع نصيحتي اعمل شخيت واقيف بعيد

المعلم ده مهكر الايام دي ( وش بتاع اشاعات)

بعدبن احتمال ينط واحد من (المزمزغين )فجأه كده ويالقصه تجوط لوووووووول


بالجد كده يا ود الباوقه مزمزغين يعني شنو ؟؟؟

ود الباوقة
سلامات
إنت ما الراجل البطنِّشوك
رديت عليك فوق
لكن بالنسبة للسؤال فالشحررة جاية من شحرور و الشحرور من شحرورة
الشحرورة صباح
ما سمعتة بيها
دة لقب رسمي و إعلامي للصبوحة

وهو نوع من الطيور ذات الصوت الجميل

في بيتنا المعمور يا طائر الشحرور
باللحن و المشهور غرد لنا التغريد
في زيه المبشور باد على الأرجوح
باللحن للمغمور كم أطرب الأسماع
في الشمس كالمنشور شحرورنا الصداح
و اللون كالحبرور أنعم بها ألحان

الواحد ممكن يتكلم بكل ثقة وفصاحة فى التلفزيون وفى الأذاعة ويكتب فى كل المنابر عن العاهرات والمثيليين والسحاقيات
بس لما يترجم الكلأم الفوق ده للهجة الدارجية المحلية يصبح الكلأم عيب وقلة ادب
مع انو المعنى واحد
وبالعكس اللهجة الدارجية مفهومة اكثر .
يعنى ممكن اي واحد يمشى السوق العربي ويوقف اي شخص ويقول ليهو يا مثيلي ويمشى منو عادي
بس لو راجل يترجما


واصل يا علأء

بعدبن احتمال ينط واحد من (المزمزغين )فجأه كده ويالقصه تجوط لوووووووول

نحن دايرنها تجوط ..

اين انت يا علاء ...

و من نائبات الدهر و مصائب الزمن لو تلاقت مصالح (فاتِيّتان) في راجل واحد
الله لا ورّاكم و ربنا بس يكرِم السامعين فهن لا كبير لهن إطلاقاً خاصة كان الواحدة تحزّمت و تلزّمت و الفعل الماضي لحالها هو أنها كانت قد تأزّمت و حدث الإشتباك ، ود أبرك ذااااااااااااتو لن يخرج إلا و بعض الكدمات الجسدية و النفسية تكون قد وجدت لنفسها فيه موطئ وجعة.
ولا تزال في الذاكرة قصة نفيسة طوطش (لقبها) مع ساكنة الحي الجديدة مروى الجات من محلّها مقدِّداها ، و أول ما وصلت للحلة ما نشوفة إلا كل يوم من ركشة لي التانية و الحلة اتملت ركشات ركشة طالعة و ركشة خاشة ، و أجمل ما في الموضوع إنو شباب الحِلّة يا مودِّعين الركشة وواحد فيهم لِقى ليهو طريقة تلّب فيها ، يا في وفد المُقدِّمة لاستقبال مروى ، و مع الركشات النازلة و الطالعة كاروشة تنطلِق في نفيسة طوطش تخلِّيها تِتحشِك و تِتمشِك خاصة حين تسمع بأنو (ود الجعلِيّة) الجكس بتاعة و حبيب القلب قد تم رصده كضحية لإحدى الغارات الركشاوية من مروى و هي تتصيد فرائسها من أولادالحي البكّايين ، و فجأة تعلو الزيطة و نركب الحيطة لنتاوق و نتابع أقوى أفلام الآكشن ما بين فاتِيتين مُخضرمات شبه متقولعات وهن يتقالعن في ود الجعلية وهو في النص لا يدري كيف يمكن للأرض أن تميد تحت قدماه أو تنشق ليختفي قبل الفضيحة.

يتبع...

Quote: يتبع...

يا علاء ياخ يتبع من غير صور كده زي الفول من غير زيت (سمسم)

الصور يا عمك الصور

علاء الدين

بالغت عدييييييل كدة والله كفاية كدة على الاستاذ ..!!!!

الفاضل/ علاء

Quote: قالوا لنا تيسا فقلت وان يكن تيسا ففي بعض التيوس حليب

كيف يكون الحال لو كان احدهم موظف عندك
واخر مسئول من (الميز ) طبيخ ونظافة


حدث معى ذلك وانا منقول لمدينة بالاقاليم فجاءة انتبهت ان زوار مكتبى كثيروون ولاتربطنى بهم علاقة معرفة سابقة او عمل
سالت الموظف المعنى عنهم حيث لم انتبه لسلوكه فى البداية
الا من خلال رده التالى
(حبايبنا وبيزورونا وانت الجديد مجافينا)

Quote: الصور يا عمك الصور

الله يلعن الشيطان...
يا جماعة خلونا فراجة أحسن!!!

Quote: يا علاء ياخ يتبع من غير صور كده زي الفول من غير زيت (سمسم) الصور يا عمك الصور

فيصل
لمن يمشي الخور بتجيبو لي
خلّش الصور الصور

Quote: بالغت عدييييييل كدة والله كفاية كدة على الاستاذ ..!!!!

أبا جوان
تحياتي
هذا البوست عباءة حاوي مختلفة المقاسات
تحتوي كل من يجد نفسه فيها طق طرق
يتحدث عن أحوال شتى
و للناس أحوال و أحوال

Quote: (حبايبنا وبيزورونا وانت الجديد مجافينا)

الأخ الكريم صلاح الدين
سلامات
ديل بينطبِق عليهم الشِق الأول من العنوان عن جدارة و استحقاق

Quote: يا جماعة خلونا فراجة أحسن!!!

معناها نواصل يا مكاوي؟

جداً

بوست كعب شديد ..

..
..

قول خمسة ..

..
..

يا جماعة بالله البنعلمو يقيف بالجنبة ..
سمح ..!!

Quote: يعنى ممكن اي واحد يمشى السوق العربي ويوقف اي شخص ويقول ليهو يا مثيلي ويمشى منو عادي بس لو راجل يترجما

شكراً للمرور أشرف الباقر
المسكوت عنه كثير و كثير
و البدارجي دة ذااااااااااااتو زي ما قلتة إنت ممكن نقولوا بالفصيح
لكن ما نقدر نترجمو بالدارجي و دة أنا بتفق معاك فيهو
أعتقد إنو إنت بتتفق معاي إنو البشر البنشوفم ديل
بيتصرفوا نفس التصرفات دي بس بالفصحى ما بالدارجي
يعني على حداثة شوية
يعني بس الصورة مقلوبة في الكلام و التصرفات
ولا ما معاي!!!؟

و الفاتِيّة كان شاكلت راجل شكلا كعب خلاص
بتجيب آخرك بالفضيحة لأنها زولة فضايح ساي ما عندها كبير غير يد عتريسية واااااااااااااحدة بتكون مجرّباها قبّال كِدة لأنو زي نوعها دة بيكون شِبع من الضرِب ، و ديل أصلاً اللي مفروض يضربُن الضريب ، لأنو بنات الناس الرايقات و الراقيات الكلمة بس بالنسبة ليهن رصاصة
أما زي عينة ديل هن من ينطبِق عليهن قول الطبل يجمعهم و السوط يردعهم
زيطة و زمبليطة و كواريك و قِلّة حياء و فجور و خلاعة
و العجب لو إتلبّطت ليها في راجل في مكان عام يخاف على كل شيء
على نفسه و على من حوله ، على سمعته و سمعه و سمع الآخرين من ألفاظ الفاتِيّة
و بعضهن استغلن هذه الميزة في الرجال الجد جد البيتجنّبوا الوباء الإسمو الفاتِيّة
لدرجة أنها قد أصبحت ظاهرة لفترة من الزمن و لا تزال في الشارع العام
تقف الفاتية في طرف الشارع و تُؤشِّر (مِلِح) نظام الأوتو ستوب لسائق سيارة ما ، و أول ما تنجعِص معاهو في الكرسي القدام تقول ليهو:
- أسمع هِنا ، تطلِّع العِندك كلللللللللللللو هسي ولا أصرِّخ ألِم فيك خلق الله و أقول إنّك هابشتني و تعديت علي و و و و ...
أها يعمل شنو المسكين لو كان قصدو خير أو شر من التوصيلة
وقع في شر أعمالو
الغريبة عملتة واحدة بليدة مع شقيقي و في سيارة أُجرة و يبدو إنو كانت فاتِيّة تحت التمرين
يعني لِسع مااااااا وِصلت مرحلة الفضيحة و تحمُّل تبِعاتها
لأنو لمن عملتة لأخوي قال لي ضِحكتة ووقّفتة الأمجاد جنبة و قلت ليها بكل بساطة كوركي و أنا بكورك معاك
لمن إندهشت لتصرُّفو و عدم خوفو ما أداها فرصة بل بنهرة واحدة :
- أنزلي يا بت الكلب
و مافي أي فرضية لفاتية تحت التمرين غير ارتعاد فرائضها و فتحت الباب و شتات يا فردة
و الإبتزاز دة ممكن يكون من الفاتِيّة لأكثر من شيء
و في أكثر من مكان و بأكثر من شكل
لقرِش أو لهرِش


يتبع...

و الفاتِيّة معمِيّة العين مطبولة القلب غادر العقل فاخورة رأسها و ذهب مع الريح و ما أعفن ريح كيرها الذي تنفخ به نار حقدها لتنفثه على أخريات و آخرين
فهي إن حسدت إمرأة و قالت عنها حرفاً لن يكن غير خرجِ كيرها
و ينطبِق عليها بيت الشعر:
إذا أتتك مذمّتي من ناقصٍ فهي الشهادة لي بأني كامُلُ

فهي ناقصة عقل و دين و أدب و تربية و أخلاق و تعليم و أسرة و بيئة النشأة الأولى
ولو كانت حُرةً من سلالة طاهرٍ ما كانت لتهتك حرمة من لم تجد مثل ما وجدت تلكم المحصنة الغافلة العفيفة
تأكل لحمها و تغتابها و تنهش عرضها و شرفها لأنه لا لحم لها فقد أكلته الكلاب الضالة حتى شبعت منه و عافته ، و لأنه لا عِرض لها فقد باعت شرفها في سوق النخاسة و ما عادت ليُكتب عنها في قسيمة الزواج (البِكر) فقد أصبحت البكّارة في خبر كان حين بكّرت بالتوظُّف في المهنة القديمة طوعاً و اختيارا.
لعبوا بها باسم الحُب فتغنّت مع الشيطان:
بإسم الحُب أقدِّم ليك حياتي
و قدمت كل شيء
فأصبحت تحسد الأخريات على أي شيء يملكنه ولا تملكه
و أول المفقودات الشرف

علاء

سلامات

ما عرفته!!!!!

[/UOTE]الغريبة عملتة واحدة بليدة مع شقيقي و في سيارة أُجرة [/QUOTE

اغلب الظن يده ناشفة شوية هاهاهاهاهاهاهاهاهاى

Quote: الرّاجِل الخايِس و المرة الفاتِيّة

يا علاء سلام
ما عارف وحى البوست ده جاك من وين ..

الوصف المحتاج شرح وكان معروف فى أمدرمان وهو "الرجل الفاتية"

الوصف كما هو واضح من التأنيث .. الفاتية صاحبة اللقب أقرب "للمعلمة" فى الأفلام المصرية .. فهى مرأة قد تكون كاملة الأنوثة ولكنها سقط منها الحياء بإسترجال متسلط يصل حد التعذيب والضرب المبرح .. وصاحبة سطوة على النساء والرجال وشرها المدان لا يجرؤ أن يجاهر به أحد ..

أما الوصف الفريد "الرجل الفاتية" هو خائب لا محالة ولكن عينه قوية .. ولسانه مطرقة بدون خوف .. قد تكون "شردحته" نسوية فى تركيبتها .. ولكن تصاحبها جسارة وهجوم وضرب لا يهاب ..
كان فى أمدرمان أحدهم ملقب بحسن "الفتا" وهى الفتاة باللهجة السوانية .. يمشى مكسورآ يتأبط ثوبه .. لكنه "يفرتف" الحفلة فى ثوانى .. ضربته ترمى ثلاثة رجال ..

وهؤلاء النوعية فى السلم من الظرفاء فى الدعابة اللاذعة .. وتجدهم كرماء وأصحاب أصول وفضل ولكن بطريقة أنثوية فى الإستعراض ..

كفاك ولا أزيدك .. عن مؤامرتهم بطابع الجريمة المنظمة