Post: #1
Title: القرير...ولتحكي الصور
Author: AL GURAIR
Date: 07-07-2009, 09:23 PM
Parent: #0
|
Post: #2
Title: Re: القرير...ولتحكي الصور
Author: AL GURAIR
Date: 07-07-2009, 09:33 PM
Parent: #1
|
Post: #3
Title: Re: القرير...ولتحكي الصور
Author: AL GURAIR
Date: 07-07-2009, 09:36 PM
Parent: #2
|
Post: #4
Title: Re: القرير...ولتحكي الصور
Author: AL GURAIR
Date: 07-07-2009, 09:38 PM
Parent: #3
|
Post: #5
Title: Re: القرير...ولتحكي الصور
Author: AL GURAIR
Date: 07-07-2009, 09:41 PM
Parent: #4
|
Post: #6
Title: Re: القرير...ولتحكي الصور
Author: AL GURAIR
Date: 07-07-2009, 09:44 PM
Parent: #5
|
Post: #7
Title: Re: القرير...ولتحكي الصور
Author: AL GURAIR
Date: 07-07-2009, 09:47 PM
Parent: #6
|
Post: #8
Title: Re: القرير...ولتحكي الصور
Author: Al-Mansour Jaafar
Date: 07-07-2009, 09:58 PM
Parent: #7
القرير مهد الصفاء والجمال والمحنة
|
Post: #9
Title: Re: القرير...ولتحكي الصور
Author: maman
Date: 07-07-2009, 10:43 PM
Parent: #8
Quote: أصلك ياالقرير جنة
اتهنوبا ياهلنا
شوفوالريلة تتنى…
وفرحان فوق نخيلوالطير
…
ليلاتكم فرح وسرور
غنن يابنات الحور
عثمان نقرالطمبور
ياصبيان أضربوا الكف…
وابشر ياعريس بالخير |
القرير
لك التحية، الأبيات من قصيدة لحسون محمد سعيد (من الوادي يا هلنا)
|
Post: #10
Title: Re: القرير...ولتحكي الصور
Author: mahmed alhassan
Date: 07-07-2009, 11:23 PM
Parent: #9
عشــــان كــــــدة تـدفق الفـــن والابـــداع
فــي القريــر وفاح عطــــر ربيعــــه فــي
ربوع الســودان 0
وتفـــرد انســـان القريـــر بالاصالــــــة
والقيــم النبيلـــة 0 هـــذه الطبيعــــة
الساحـــرة الاخاذه هـــي ســــر هذا التفرد
الذي خص بــه المولي القرير 0
-----مامان وسيف الدين الامين (غايتو مفروض مايقعدكم في الغربة الا الشديد القـوي )
|
Post: #11
Title: Re: القرير...ولتحكي الصور
Author: suliman ibrahim
Date: 07-08-2009, 01:11 AM
Parent: #1
الاخ /الفاتح
كل الاماكن وكل الصور تتسرب من بين (شقوق)الذاكرة التي تزاحمت عليها صور
متعدده لاماكن لا ننتمي اليها لكن نعيش فيها ...
لكن هذا المكان ظل محفور في جدار الذاكرة كلما امهلك الزمن سانحه اخرجته
لتلوح به في وجه غابات الاسمنت والاسفلت واشارات المرور....
كل صباح تتراقص امواج الاطلنطي في مد وجزر مياه يقولون عنها (تركواز)
معجبون بلونها هم ..لكن انا دوما احن الى امواج ذلك النهر العظيم بلونها
الداكن ...
وقفت امام كنتين (ود الفقير) قبل عام على وجه التحديد استرجع بعضا من
سنوات وبعضا من طفولة ...هجمت عوامل متعددة على ملامح المكان اشجار
الجميز العتيقة استسلمت متحسره وماتت واقفة.. (الحفير) شريان المكان
هو هو لم ينسى يوما منبعه او يتوه عن مصبه ..تغير المكان حوله لكنه يبدو
غير مكترث فهو صانع حياة ان ماتت نخلة غرس غيرها..
الاخ /الفاتح
فتحت هذه الصوره الباب امام قطار الزكريات ونفضت غبار السفر عنها رغم
شدهات الزمن واحواله اتحفنا بالله عليك علنا نرجع صغارا على (مصطبة)
ود الفقير نراقب الجلاء وكربكان والزهرة في رحلتها قبلي او بحري او (البنطون)
وهو يخرج من جوفه الباعه والسبابه في طريقهم الي سوق القرير او تسمع
(ادريس عمر) وهو يمدح (احمد دقر السمايم تعال لا تبقي نايم)...
سليمان ابراهيم سليمان
|
Post: #12
Title: Re: القرير...ولتحكي الصور
Author: osman righeem
Date: 07-08-2009, 05:34 AM
Parent: #11
قريرنا متيله ما خلقوه للليل
وحتي للبلد الشعاره مركب الفيل
لينا ما رفعو الصهاريج و البراميل
نشرب سلسبيل من صرة النيل
|
Post: #13
Title: Re: القرير...ولتحكي الصور
Author: ABU QUSAI
Date: 07-08-2009, 06:18 AM
Parent: #12
منقة وبرتكان وقرين فرت متاكي بالشيل
نخيلنا تمود وكرش وبركاوي وقنديل
ألا رحم الله حسن الدابي ...
الله يا القرير ... أماني ما ولعت جنس نيران ..
أبو قصي
|
Post: #14
Title: Re: القرير...ولتحكي الصور
Author: حمزاوي
Date: 07-08-2009, 06:35 AM
الرايقة شتيلة قرير
في الفجر نبح بوابير
كواريك شفع المغرب
يقلبوا في الجمر قنقر
أدنقر فوق تراب أهلي
وأشيل بايدي في رحلي
تراب فيه يسوى الكون
|
Post: #15
Title: Re: القرير...ولتحكي الصور
Author: عبدالمجيد الكونت
Date: 07-08-2009, 06:39 AM
القرير جوهرة الشمال وانت داريها محاسنا
فى المقام زى ذات العماد هيبتها وعزة ساكنا
ياحبيبنا عليك الله ماتنزل بي المحطة هناك وتجيب كمان صور من جروف مقاشي القصادكم
|
Post: #16
Title: Re: القرير...ولتحكي الصور
Author: أبو الحسين
Date: 07-08-2009, 07:16 AM
Parent: #15
نوري + القرير = جنة الله على الأرض...
عبرك يا الحبيب التحية والتقدير والسلام بالكوم لكل أهلنا الطيبين في القرير من الصلحاب ليييييييييييي حي الصفاء... وكمان لي قدام جزيرة السيد علي مساوي الحبيبة...
عوداً حميداً يا القرير...
أبو الحُسين...
|
Post: #17
Title: Re: القرير...ولتحكي الصور
Author: AL GURAIR
Date: 07-08-2009, 02:15 PM
Parent: #16
مشتاق لوقفة على الحفير ساعة العصير ... والناس تفوت بجاي وجاي مشغولة راكبين الحمير
والموية بالبربخ تفوت ...تتنى شان تسقي الخدير ..( محمد سعيد دفع الله)
عندما ( دلقت ) نهر الجمال هذا ...كنت اعلم بانني ( انصب ) شراكي ..للجميلين ...( والحبّان)...هم الذين سوف يأتون الى هنا ...يرددون نشيد ( سعيد الدنيا يدّي قريرو طوفه ...ينزل فوق جداولو يمر يشوفا....
شكرا ..المنصور جعفر،مامان ،محمد الحسن،سليمان ...العريس،عثمان رغيم،ابوقصي،حمزاوي ،عبد المجيد ( والولي) ابوحسين...
وهناك المزيد ...اجلسوا فقط....لتشاهدوا كيف ( تسرّبت) هذه الطبيعة ...بين (سبيقات ) النخل والمنقة .لتعزف اجمل الاوتار ....والالحان...
الفاتح عبد الله طه/القرير
|
Post: #18
Title: Re: القرير...ولتحكي الصور
Author: مؤيد شريف
Date: 07-08-2009, 02:22 PM
Parent: #17
مافي صور من قوز قرافي؟
تحياتي
|
Post: #19
Title: Re: القرير...ولتحكي الصور
Author: AL GURAIR
Date: 07-08-2009, 02:29 PM
Parent: #17
|
Post: #20
Title: Re: القرير...ولتحكي الصور
Author: AL GURAIR
Date: 07-08-2009, 02:32 PM
Parent: #19
|
Post: #21
Title: Re: القرير...ولتحكي الصور
Author: أحمد الشايقي
Date: 07-08-2009, 03:14 PM
Parent: #20
مناظـر في غاية الجمال
أحمد الشايقي
|
Post: #22
Title: Re: القرير...ولتحكي الصور
Author: Adil Hamza
Date: 07-08-2009, 03:38 PM
Parent: #21
صور جميلة
هيجت زكريات
تحياتى لك يا الفاتح و جميع المتداخلين
عادل عبدالحميد
القرير - قوزهندى
|
Post: #23
Title: Re: القرير...ولتحكي الصور
Author: الزوول
Date: 07-09-2009, 11:53 AM
Parent: #22
السلام عليكم
....
Quote: قال الجاحظ :"ما غلبنى احد الا امراة جميلة رايتها فاعجبت يها وذات يوم جاءت الى وانا على باب دارى
فقالت :لى اليك حاجة واريد ان تمشى معى لقضائها ............ففرحت وقمت معها الى ان اتت بى
صائغا يهوديا وقالت له :"مثل هذا " وتركتنى وانصرفت!!!!!!!!!!!
فسالت الصائغ عن قولها فقال :انها اتت الى بفص خاتم وامرتنى ان انقش عليه صورة الشيطان !!
فقلت لها : يا سيدتى ما رايت شيطانا قط ...فاتت بك وقالت :"مثل هذا " |
......
ما رأينا الجنة قط
ولكن لو قيل لنا تخيلوا صورة للجنة
ما فاق خيالنا مثل هذا الجمال
ربنا يحفظ القرير وأهل القرير
.....
|
Post: #24
Title: Re: القرير...ولتحكي الصور
Author: Muna Khugali
Date: 07-09-2009, 12:11 PM
Parent: #23
والله دي الجنه عديل..
ممكن امشي بعد المعاش اعيش فيها مرتاااحه!
لكن أظني بمشي الزومة!
|
Post: #25
Title: Re: القرير...ولتحكي الصور
Author: نصار
Date: 07-09-2009, 12:30 PM
Parent: #24
بعد عشرين حسبتها يوم فوق يوم و عامم فوق عام
نزلت ازور قرير اهالي الشام فقيرهم فنجري و عزام
.
.
.
.حلفوا الشافوا قدحه الجار
و شافوا كتار و ما هو كضب
قالوا وساعه مركب زان و خرسه هلب
عفيت منك يا ود بادري و عفيت من جدك سعيد ود بادي العكودابي
السر عثمان الطيب فسر رهافة مشاعر اهل القرير و شاعريتهم المقطوعة النظير
بتمتعهم بالماء و الخضرة و الوجه الحسن
دا كلام عجيب يا القرير اخوي
وين الحي بك
|
Post: #26
Title: Re: القرير...ولتحكي الصور
Author: معتصم ود الجمام
Date: 07-09-2009, 03:19 PM
Parent: #25
القرير وطن الجدود .. وطن الجمال
شكرا الاخ الفاتح علي الصور الجميلة
مؤيد الشريف ... قوز قرافي عديل ... يا زول اوعى تقول لي
قريبك كمان ...
سلامي عبر هذا البوست الى اهلي المساعيد هناك في وسط قوز قرافي
لكم جل حبي ... والحجاب عموم
|
Post: #27
Title: Re: القرير...ولتحكي الصور
Author: AL GURAIR
Date: 07-09-2009, 05:41 PM
Parent: #26
مرحب(بضيوف) الجمال ...والقرير.....
مؤيد شريف،احمد الشايقي،عادل حمزة،الزول،منى خوجلي،نصار ،ومعتصم ود الجمام....
تعالوا نحتفي ...ونحكي قصص ( الطبيعة ) ..
يا نسمة كيف أحوال أهلنا وحيّنا؟
أحكيلي..
عاد ما باقي طوّلوا مِنّنا
زي ما زمان طارنّهُن طَارنّنا؟
زي ماب نشيلُن في القلوب..شايلنّنا؟
حتي البعاد فتّق جروحُن زيّنا؟
**************
يا نسمه ما تدسّي المكَتّم عنّنا..
تمراتنا كيف؟
يا نسمه عرجونا انتنَى؟
شيلاً.. تقيل..
فوقو الدّباس رسّل غُنا..
لمْلَم عويشو مع الصباح
للعش بنَى حضن الجنا؟
الساقي كيف؟
جدولنا كيف؟
البوغة كيف؟
يانسمه..
ماشفتي المَتَرْ سايقِنّو صيف؟
عرباً بُعاد.. يانسمة كيف؟
ما قالوا ليك..
بيُوضه..رشّاها الخريف؟
*************
يانسمه قولي بدون بُكا..
المنقة كيف؟
والبرتكان
يانسمة صِح شال وانتَكى؟
يانسمه..
مالِك ساكتي؟ماقلبي اشتكَى..
يانسمه قُولي..
فترتَ اْنَا..
احكيلي..
عن ناس حَيّنا..
شيلي السلام..
يا نسمه بالكوم منّنا..
ودّيهو ليهُنْ..
في الشمال من عندنا
وان شاء الله توصلي..
بالسلامة..بدون عَنَا
(السر عثمان الطيب)
|
Post: #28
Title: Re: القرير...ولتحكي الصور
Author: AL GURAIR
Date: 07-09-2009, 05:47 PM
Parent: #27
|
|