|
كلمة الميدان بقلم صلاح قوش
|
لى معرفة طلعوه ناس الانقاذ على المعاش. الراجل لملم مكافآتو على مدخراتو و فتح ليهو ورشة نجارة كبيرة بالمنطقة الصناعية ام درمان.
الورشة كانت تنتج كل انواع المفروشات واستطاع صديقنا هذا الاستفاده من شبكة معارفه الشخصية الكبيرة و ا نجاح عمله منذ البداية. بعد كم شهر كده لمو فيهو ناس الضرائب بتقديراتهم الجزافية جيب عشرين مليون ادفع بعدين اشتكى جيب 30 مليون وهكذا دورت الجباية. الراجل فى ظرف سنتين لقلى نفسو تقريبا على البلاطة.
لمن مروا عليهو ناس الضرائب وهو بالحالة دى و قدروا ليهو ضريبتو ب 10 مليون قال ليهم عندى ليكم اقتراح: ايه رايكم تجو تشغلوا الورشة دى و تدونى انا القروش البتشيلوها دى!!!!
القصة دى خلتنى افكر فى اقتراح جيد للصحف المستقلة و الحزبية:
بدل الجهجهة و مصادرة الجرايد و حذف المقالات اقترحوا على ناس الأمن يشغلوا الصحف دى هم و يكتبوا مقالاتها مثلا كلمة الميدان بقلم صلاح قوش وهكذا و بذا يستريح ناس الامن من ازعاج الصحافة و ناس الجرايد من شغلها.
|
|
|
|
|
|
|
|
Re: كلمة الميدان بقلم صلاح قوش (Re: هشام المجمر)
|
Quote: بدل الجهجهة و مصادرة الجرايد و حذف المقالات اقترحوا على ناس الأمن يشغلوا الصحف دى هم و يكتبوا مقالاتها مثلا كلمة الميدان بقلم صلاح قوش وهكذا و بذا يستريح ناس الامن من ازعاج الصحافة و ناس الجرايد من شغلها.
|
.. الاستاذ هشام.. تحياتي.. تصدق فكرة روعة جدا جدا..اتخيل الآن ناس صلاح قوش بفكروا في الاقتراح سيما وان الجماعة هنا فرع المنبر بكونوا من قبيل شالوا البوست ورفعوه للجماعة هناك.. أنا حا انتظر..الآن الاقتراح في طاولة الزعيم.. وانت انتظر معاي ..لكن حقوا ناس الأمن يدفعوا عليك مبلغ كبير جدا جدا على الاقتراح ده. ياخي عليك الله في زول بقدم اقتراحات كده مجاني وعلى الهواء.. والله بااااااااااااااااااااااااالغت عديل كده..
| |
|
|
|
|
|
|
Re: كلمة الميدان بقلم صلاح قوش (Re: هشام المجمر)
|
اقتراح وجيه جدا يا هشام
قيل أن فاطمة أحمد ابراهيم كان مخصص لها عنصرين من عناصر الامن بعربة مرابطين دوما أمام منزلها وكلما تخرج وتؤجر عربة هم يتبعونها حتى مكان وصولها وهكذا دوما ويوم من الايام جاءتهم وقالت لهم بدل ما أخسر عربة مؤجرة وخسارة سيارتين أحسن أركب معكم فى سيارتكم كل مرة توصلونى مكان وصولى وهكذا تعرفوا اين مشيت وانا اركب معكم مجان ويا دار ما دخلك شر.
| |
|
|
|
|
|
|
Re: كلمة الميدان بقلم صلاح قوش (Re: wadalzain)
|
Quote: قيل أن فاطمة أحمد ابراهيم كان مخصص لها عنصرين من عناصر الامن بعربة مرابطين دوما أمام منزلها وكلما تخرج وتؤجر عربة هم يتبعونها حتى مكان وصولها وهكذا دوما ويوم من الايام جاءتهم وقالت لهم بدل ما أخسر عربة مؤجرة وخسارة سيارتين أحسن أركب معكم فى سيارتكم كل مرة توصلونى مكان وصولى وهكذا تعرفوا اين مشيت وانا اركب معكم مجان ويا دار ما دخلك شر. |
فاطمة مرة نجيضة يا ود الزين
شكرا على المؤازرة ومعا حتى يكتب الامن جميع افتتاحيات الصحف و مقالاتها المهمة ويقرر كمان فى اخبارها هم مش الحكومة!!!!!يعنى بتاعين الصحافة ديل حيعرفو اكثر من الحكومة!!!!
| |
|
|
|
|
|
|
Re: كلمة الميدان بقلم صلاح قوش (Re: Faisal Al Zubeir)
|
لمن قريت العنوان ... كنت قايل الحزب الشيوعى بطّل يستخدم الميدان كواجهة علاقات عامة ... وقرر يستخدما كواجهة صحافية! ودعى "صلاح قوش" للكتابة فى موضوع معين ... أو أجرى معاه لقاء "صحفى" ...
... النكتة مضحكة ومحبطة فى آن واحد ...
يعنى هى وينا "الصحافة" المانعا الأمن دى ... بئس الكديسة ... وبئس الفار ... وبئس اللعبة ...
... المهم ...
| |
|
|
|
|
|
|
Re: كلمة الميدان بقلم صلاح قوش (Re: تبارك شيخ الدين جبريل)
|
ممكن اقترح ؟؟
عشان صلاح قوش بكون مشغول بأمور عالمية ومستقبلية
اقترح تكوين مجلس متخصص يشتري المقالات بالفلوس ويرسلها للصحف
والمجلس يوظف هيئة استشارية تقترح الموضوعات الهامة
مثال : كيفية الاستفادة من جلود الأضاحي .. ومميزات الشواء في الهواء
| |
|
|
|
|
|
|
|