Post: #1
Title: الخبر الأكيد الليلة جابو ال Yahoo
Author: عثمان محمد كرار
Date: 07-05-2009, 02:00 PM
طه الضرير والطيب ود ضحوية في طريقهما إلى أبو دليق وكان طه يبحث في اللاب توب بتاعه في الإنترنيت بال Wireless عن رد من محبوبته. فوجد رداً قصيراً. فأنشد قائلاً: شديت ال HP واصبح يبرطع جايط وال Internet دقش قلبتو صايت صايت على ام شعراً حلال ما طولنو وسائط وعطشان الغرام ما بيرونو 2 G.Bite فرد عليه الطيب قائلاً: الفيك يا طه Virus والله الكريم الشافي ومفيدك طبيب حتى إنبقيت Mc Kafi غير لخلوخة الهرفة أم قليباً جافي وأركز للتجيك يا طه Options مافي استسلم طه وأنشد: إيميلك وصل زود علي الهم والفكر انشغل ال Ram عليك وال ROM يالصلاح جميع أنا والحبيب نتلم ويا ساكن الضريح سيدى الحسنDot Com الليلة ام شلوخ لاقيتا عند ال Chat و Virus ضرب قلبي ومحى الفايلات يوم شافني الفقير البكتب البخرات قال Defrag ما بفيد أحسن To Reformat بعد ما كت فقير بخراتي Word و Excel دقشتني أم رشوم خلت درايفي إختل Mother Board القلب الكان زمان Intel بقى Chipset رخيص كل ما ربطو أنحل الخبر الأكيد الليلة جابو ال Yahoo وقال ست البنات إيميلنا مي طارياهو ست القوام Hardware نظامو براهو غرامك Virus الهجعة البقرض الجاهو
|
Post: #2
Title: Re: الخبر الأكيد الليلة جابو ال Yahoo
Author: عثمان محمد كرار
Date: 07-05-2009, 06:29 PM
Parent: #1
كلاما سمح بالحيل
|
Post: #3
Title: Re: الخبر الأكيد الليلة جابو ال Yahoo
Author: Hassan Makkawi
Date: 07-05-2009, 07:17 PM
Parent: #2
Quote: غرامك Virus الهجعة البقرض الجاهو |
الليلة الخبر تشاهو لى ال Yahoo والkeyboard شرد خلانى زى الراحو الMouse نكر قال للكدايس ياهو email السواد أطلق عدونا صراحو
________________
will I بجيك تانى!!!
|
Post: #4
Title: Re: الخبر الأكيد الليلة جابو ال Yahoo
Author: انور التكينة
Date: 07-05-2009, 07:26 PM
Parent: #3
Quote: الخبر الأكيد الليلة جابو ال Yahoo وقال ست البنات إيميلنا مي طارياهو ست القوام Hardware نظامو براهو غرامك Virus الهجعة البقرض الجاهو |
الخبر الاكيد الليلة جابو ال hotmail و قال شعرك درر عندو القلوب بميل عثمان كرار اجدت و كيفتنى بالحيل يسلم فاهك انت النطقو كلو جميل
|
Post: #5
Title: Re: الخبر الأكيد الليلة جابو ال Yahoo
Author: Hassan Makkawi
Date: 07-05-2009, 08:16 PM
Parent: #4
شديت البشارى الفوقو كايس Signal و لل wifi بكوس الليلة داير أرحل ال laptop حرن قالى نحنا بنزعل وال Google خجل قالى شوية اتمهل
_________________
Kaaaaak
|
Post: #6
Title: Re: الخبر الأكيد الليلة جابو ال Yahoo
Author: انور التكينة
Date: 07-06-2009, 03:45 PM
Parent: #5
Quote: وال Google خجل قالى شوية اتمهل |
يا سلام يا حسن مكاوى
|
|