نحن نؤيد حزب السيد (سيد الكورة والفنايل ..... )

زمااااااااااااان في الحلة سيد الكورة او الكفر هو البكون مسيطر على مقاليد الامور في فريق الكورة واذا زعلان منك او من

مجموعة منكم ممكن عاااااادي يشيل كورته ويمشي وتلقائياً القيم انتهي او يطردك بره التمرين وكذا الحال بالنسبة لسيد الفنايل

خصوصا اذا في لعبة مع اولاد حلة تانية بي مزاجه ممكن يخت التشكيلة انشاء الله كلها مدافعين !!!!!!!!!!!!!!

الاستثناء الوحيد لو بقي سيد الكورة والفنايل ولد حكنوش ممكن الجماعة يهرشوه ويشيلوا الكورة او يكفي شرهم بشراء الفنايل

لخطب ودهم.......... لكن اذا اجتمعت السلطة مع الثروة تسكت تعاين بس.

اها باقي لي سيد الكورة والفنايل هنا من النوع الاول شفت ومقرم وزول بهرشو مافي عشان كده انا لو محلوا بعمل لائحة من مليون

مادة ........ وزول يقول بغم مافي.

و تاني قام جاب سيرة البحر

أّذكرك يا عمر "نحن نأيد... حزب السيد" رددها شُرفاء بلادي هكذا...

"عاش أبو هاشم حوض العاشم..."
مرحبتين يا جايي وراسم
فوق الشوق الفجر الباسم ...
خفٌو المزن الزفٌو مواسم..
غوث يالخـتم الجدُو الخاتِم

أهلاً بيك يا زين يا طيِّب ...
يا حَبُّوب للظَن مابْخَيِّب
يا المبروك كُلْما انتَ قِرَيِّب ...
فالْنا مطيرةْ خير وهِبَيِّبْ
نَدَّت حالنا الأزمن كاتِم..
يا عوَّاض شعبك ما فاتُو ...
يا رَوَّاض للريح وشتاتُو
يا بيَّاض ظاهرو ونِيَّاتُو ...
السودان عادْ بيك بي ذاتُو
ضوُوا ليالِي الهوُوا عواتم...
قابِض جمرك وين ما رُحتَ ...
إتْجَرَّحت جَدعْ ما نُحْتَ
شِنَّ النار يا صندَل فُحْتَ ...
بي سر ألَقَك بُحْتَ ولُحْتَ
يا التَخَرَجْتَنا راقي وعازم..
نفسك مسك الكلمة الطيبه..
الكلمة الطيبه بخو الباطن..
ياتو المدي رفيقو الهيبه؟؟!!
وطنك ولا نقاكــ يامواطن..
أم براك الحضرة يناغم..
عاشق عصر أشجانُو وساطن..
أم براق القبلي يباطن..
ضهر الغيم الدًر العاطن
بَردو أشواق الدَرت الراطن..
شال شبال الزيفة نسايم..

حلفا تزِف لي نمولي قدومك ...
بارا تبارك لي سَلُّومك..
النيلين قَلَدَنْ خرطومك ...
يا تاريخ إتقيف يومك..
يوم السَّعْد اب مُوج متلاطم..

جِيدْ بي جيتَك عُودَة وفُودة ...
يا تُو طيوراً تنسى بِلُودا؟؟!!
زي ما مكة اتْلَفُّو وِفُودا ...
الخرطوم ازدانَتْ قُوده
عديلة مَنَفَّل زين وعفارم..
دي المريودة البيك موروده..
والآماله.. ظلٌم ...موؤدة...
المرفودة غٌبن موقودة...
ولسَه النار بين عنبر جوده....
بينكـ وبين احلامه ملاحم..

شعبكـ حُبَّك وربك عالم ...
قلبكـ حاني انساني مُسالم..
دُوغري واماني مُو صارم وحازم...
وكيف حقاني عليهو الظالم ...
واليتفلهم خارم بارم..
ياسجانة حنفضل نفتلْ ..
في صنانة نصارع وننْتل..
غاية القيد مايصدأ وينصلْ..
غُوث ومدد والحاصل يحصلْ..
للفي القلب منُو البيهادم؟
بالنبوت بالبوت بالطلقة..
بالشلٌوت بالعلْقة .. الشنْقة..
وكتم الصوت الزنقة الخنقة..
أبينا نموت يآخر سرقة..
وآخر هاكم فك الباكم.
أصحي يانايم سمَ الدايم..
الحياة حق أسرفنا ميآتم..
رايمو جدار الحزن الكاتم..
خلُوا يخشُ على روضنا نسايم..
طلْ وفراش والوردة تتايم..
عصفورين في الوطن إتْحبُو..
عاشو سوي ويوم حكمت غبُو..
طاهر اسمر سما لي ربُو...
وطائر أخضر همي لي شعبُو..
أسمى السما؟؟!!
ولا أهمَي القادم؟؟
جانا ابو هاشم جانا الناهم..
غيم الغيث للوادي الجاهم..
جانا الراعي الواعي الفاهم..
دَرب الصاح من زَرب الواهم..
شَيْ لله ياحوض العاشم.
كتَر خيركن.. سُودانية..
يُوت لي غيركن صافين نيَة..
قاشر طيركن في حُريَة..
عازم الدنيا ديمقراطية..
ورادم ثمر الجدل الطاعم..

ياتُو وفاق سوداني بيبْقى ؟؟...
وين الوحدة بدونَك تلقى؟؟!!
لونا الأسمر شفق الشرقة...
كُونا اللَّخَدر تُوب المَرْقة...
يامشهاد الوطن السالم..
أغلى سلام على فكرة سلامك ...
أحلى كلام لي بُكرة كلامك..
يا اللِّي تواضْعَك علاَّ مقامك ...
سودانية دي ولا مسامك!!
سَيْ يا اْبْكَرَماً بغَّر "حاتِم"
وسَيْ يالسمح اللازم اللازم..

جِيدَنْ جيت يا جاد يا جيِّد ...
منو جديد يا دابنَا نعيِّد..
أفتَح بابك الحضْرة وقيِّد ...
"نحن نأيِّد حزب السيِّد""
عاش أبو هاشم حوض العاشم
ـــــــــــــــــــــــ

أما سيد الكُورة والفنايل دا إنشاء الله بس تلقالك "باص" في كورة الهوان دي معاهُو!!!