العنوان فقرة اعلانية لشركة سوداني عبر بث الاثير الاذاعي الترجمة جنوب صينية القندول. الاستاذ شبكة والاعلامي المميز محي الدين جبريل. افراد مساحة من خلال اجهزة الاعلام للعامية المصرية بصورة مكثقة في شكل إعلانات (الراديو والتلفزيون) وبإعتبار ان هناك ارضية صلبة للعامية المصرية من خلال الانتاج الدرامي (مسلسلات افلام وغيره) عبر القنوات السودانية ياتي كل ذلك خصما علي الانتاج المحلي (الذى تعرقله القيود ) فالتكلفة العالية مثلا إضافة الي قوانين مضحكة ومبكية فى ان واحد إضافة الي وأد المواهب (الهجرة خارج البلاد). ولكن اهم من ذلك صورتنا وصوتنا نحن السودانين فى الاعلام المصري فهل لنا نفس المساحة والحيز والنصيب دعوة للنقاش
07-05-2009, 09:16 AM
جعفر محي الدين جعفر محي الدين
تاريخ التسجيل: 11-12-2008
مجموع المشاركات: 3649
تحياتي الأستاذ عمر الحاج يبدو أن الإعلام لا يمثل سوى رأس جبل الجليد وأن الزحف المصري قد تعدى شاشات التلفزيون ووصل بالفعل إلى كيس الخضار وحلة الملاح التي نطبخ عليها وقد شاهدت في قناة الجزيرة في إحدى حلقات حكاية الوادي ذلك النائب المصري والمستثمر الذي حصل على آلاف الفدادين الصالحة للزراعة وهو يخطب في حشد من الفلاحين وبمعية بعض المسؤولين السودانيين (أظنهم من سفارتنا في القاهرة) ويحثهم بل يدفعهم للهجرة جنوبا. لا شك أننا لا نمانع أن تحتل قضايا السودان أو قضايا مصر حيزا في إعلام الدولتين ولكن أن نرفض محاولة تشكيل الوعي السوداني بثقافة مصرية تماما مثل رفضنا لاستبدال المزارع السوداني بشقيقه المصري.
07-05-2009, 10:16 AM
omar alhag omar alhag
تاريخ التسجيل: 10-03-2006
مجموع المشاركات: 2339
كنت متواجدا بالقاهرة اثناء تصوير مسلسل امير الشرق و(كانت كارثة السناريو) لولا وجود الاستاذ الرائع مصطفي احمد الخليفة والاستاذ عبد العظيم حمدنالله لضاع التاريخ السوداني برمته فكاتب السناريو مصرى الجنسية يصر إصرارا ويلح إلحاحا بان عثمان دقنة من مواليد (بنها) والادهي والامر بان المؤسسة المنفذة (مؤسسة الفداء) مؤسسة سودانية وكادت بان تعصف بالعمل برمته، وحتي هذا العمل ووجود الممثلين السودانيين لم يجد حظا من الاعلام علي الرغم من انه عمل مشترك، والمضحك المبكي تهافت القنوات علي فتيات الاعلان المصريات اللهلوبات (حجاب وهز وسط) وتمنع لقطات عن مباريات كرة التنس (للسيدات والرجال) فى نشرات الاخبار مثلا فالمعادلة مقلوبة تماما، كثرة الشكاوى ( للسفارة السودانية بالقاهرة) عن صورة السوداني فى الافلام المصرية ( وبتجاهل تام قابلت السفارة الشكاوي) السودان فى الاعلام المصرى يمر عبر مرحلتين الاولي مجاعة وكوارث و حرب وسلام ومفاوضات المرحلة الثانية (فهلوة واكل عيش)
07-05-2009, 11:14 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: فكاتب السناريو مصرى الجنسية يصر إصرارا ويلح إلحاحا بان عثمان دقنة من مواليد (بنها)
ياخبر أبيض ( بنها ) أنا والله فاكروا مالزأزيق أأأأأأأأأأأأأأأه ممكن (المهدي ) نفسوا كأن مالاسكندرية
أيه يابن النيل ياخي ما يجرأش حاجة مصر والسودان حّته وأحدة بعدين أنت زعلان ليه ؟؟؟ عشان الكام أعلان دول يأخي الاصوات المصرية واللهجة المصرية ( أشيك وأحلى ) محنا في الاخر طلعنا ما بنتكلمش وما لناش لهجة خالص طيب نجيب كلام ولهجة من وين أكيد من ( مصر ) أى والله دلوأتي بأخد كورسات في الكلام ( المصري )
يلا خليك ( عصري ) وما تتلككش في أى حاجه ده في ناس من عنديكوا بتجي مصر مخصوص عشان تشرب م النيل -------------------
أستني كام سنة كده ونشيد العلم زاتوا حيكون( مافيش حاجة كده وأرجع زي زمان ....أى والله )
قتكو بعافية **
07-05-2009, 11:56 AM
omar alhag omar alhag
تاريخ التسجيل: 10-03-2006
مجموع المشاركات: 2339
الاستاذ عبد الناصر (ابو دم خفيف) شكرا للمرور والتعليق في العام 2003 بمشي الدكان والله بتعب شديد عشان اشترى حاجة (شئ هزة راس ) ومرات اشاور بيدى وغايتو بشتنا شديدة. لكن الموضوع الاساسي (ليس تهكما علي المصريين) ولكن نحن من يكمن فينا الضعف واديك طرفة جميلة لواحد من اولاد كسلا مصر يستخدم العامية المصرية وفي واحد بشاغل فيهو ولمن زهج منو قال ليهو (اسكت ماتنضمشي معاي تاني) تخيل (مـــــــــــاتنضمشي)والله دى لو ودها المعمل ما تنعرف يا لغة. نواصل
07-05-2009, 12:25 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
ياعمر ياخوي ما (خفة دم) لكين من العلينا , بنتصرف في حاجات كتيرة من غير ما نفهم معانيعها ولا بتودينا وين من الحاجات دي تبنينا المستمر لثقافة (غيرنا) وأستنساخهم في الكلام والأسلوب وممكن طريقة الحياة وبعد كدة عوزين نقول للناس نحنه ( أمة عظيمة ) ليها ثقافته وحاجاته طيب كيف تجي ؟؟؟ ممكن الحته أوضح لينا في الغربة تلاقي كتار مننا حتى في الكلام متقبل يلقط من غيروا وتلاقي كلاموا مع السعودي سعودي ومع المصري مصري ومع الشامي شامي مع أنو ياخي كلامنا وأضّح ومفهوم وما حصل أتكلمنا مع ناس قالوا ( ما مفهوم ليهم ) وبالجد لو ما عندنا غيوا حيفهموا لكين لو أتعودوا يسمعونا بكلامهم عمرهم ما يجتهدوا يفهموا أها بعد ده تلقيهم يشتكوا رواتبنا ( قليلة ) أوضاعنا ما مقّيمه وووووووووووووو ( لاخر القائمة إياها )
- في الدنيا دي لو ماكنت فعلا مالى مركزك ومحسس الناس بحاجاتك عمرك ما تتقيم *ومن أهم حاجاتك دي شخصيتك بكل حاجاته هي البتحدد قيمتك ومكانك كأنسان وكأمه والمؤسف في شعوب تلاقينا مستعلين عليها وعاملين نفسنا أحسن منهم ألف مرة وتلاقيهم فاهمين الحقيقة دي وما سكين في حاجاتهم ... وتلاقي الناس بتحترمهم
--------------------------------------------------------- لقينا العذر وقلنا الغربة مرات بتجّبر ناس طيب ناسنا الهناك الفي عزهم مالهم والجابرهم شنو ؟؟؟؟؟؟ عشان كدة بالجد الواحد من هسه يشوف لى كورسات لغات ( مصري /شامي /خليجي )
الاستاذ عبد الناصر المشكلة تكمن فى انو الناس البنقلدم ديل (مصر او دول الخليج) ونتيح ليهم مساحة فى الاعلام هل يعاملوننا بالمثل . واكتب عن مصر تحديدا حيث يتم التجاهل التام من قبل الاعلام المصرى فزيارات الاستاذ الفنان محمد الامين مثلا لاتحظي ولو بقليل من الاهتمام وزيارة واحدة للمثل هاني سلامة للخرطوم الدنيا ( قعدت وقامت) وهاني سلامة قال وهاني سلامة ترك وفعل وفى النهاية هاني سلامة قال الشعب السوداني بشبه الشعب الاسواني
07-06-2009, 12:20 PM
omar alhag omar alhag
تاريخ التسجيل: 10-03-2006
مجموع المشاركات: 2339
فى العام 2006 اقيمت ندوة بنقابة الصحفيين بالقاهرة (تدشين المنظمة المصرية من اجل السودان) الدعوة وجهت لكل الفعاليات السياسية بالقاهرة إضافة الي عدد من الناشطين فى منظمات العمل المدني ولفيف المصريين من المهتمين بالشأن السوداني وبداية وبعد الكتيب الذى وزع اتضح انها مسألة سياسية بحتة بقيادة هاني رسلان ود.اماني الطويل والاستاذة اسماء الحسيني مع العلم بانهم ذكرو بان الدعوة لتفعيل الدبلوماسية الشعبية بين البلدين وبعدها خرج علينا محمد بدر منسق اللجنة بالجهاد ضد القوات الدولية فى دارفور وضرب المنصة بكلتا يديه واعلان الجهاد من داخل القاعة وسط إستغراب السودانيين الحاضرين، فتقدم احد الحضورمن المصريين بسؤال هام ياجماعة فيكم واحد بعرف شعراءسودانيين او فنايين سودانيين فاحرج من بالمنصة وذكر لهم بان السودان غير موجود ومغيب فى اجهزة الاعلام المصري فكيف تكون الدبلوماسية الشعبية بين البلدين ومن الافيد ترك السياسة السودانية للسودانين ذات نفسهم فهم الاقدر علي حل مشاكلهم .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
omar alhag
جعفر محي الدين
فيس بوك
تويتر
انستقرام
يوتيوب
بنتيريست