Post: #1 Title: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 07-04-2009, 10:17 PM Parent: #0
لمفجأتي السعيدة، أرسل لي الصديق العزيز وليد عبدالعزيز رسالة إلكترونية مرفق معها الرابط ادناه لحفل كنا قد أقمناه نحن مجموعة من الموسيقيين السودانيين بالعاصمة السويسرية (جنيف) و الله العظيم كان سنة 1985 و كتب التعليق التالي: (شوف دي يا تمساح بحر أبيض حفلة في جنيف قبل 45 سنة....)
و أنا في دي بستنجد بالناس الحضروا الحفلة دي و على رأسهم السيد الكريم الكبير الفنان الاخ عبدالعزيز فرج و الذي بفضله تم كل هذا الجمال و كرم العم العظيم حسن أرباب الرجل الأرباب و الدفعة الاخ على ود بحر أبيض ود الكنوز الكنز العظيم و كثيرين كريمين قد تفلتوا من الذاكرة...
و هي حصلت يا وليد قدر ده 45 سنة كمان.... ليه أنا أصلا دفعة عبدالعزيز ود الصول ولا شنو؟؟؟؟؟؟ و الله كلهن 24 سنة و شهيرات.......
و يا ناس جنيف الكانوا حاضرين الحفلة دي: عليكم الله قولوا النصيحة.....
Post: #2 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 07-04-2009, 10:35 PM Parent: #1
هذه الرحلة كانت بقيادة عميد الفن السوداني الاستاذ أحمد المصطفى و عضوية كل من: الأستاذ عبدالكريم الكابلي الاستاذ على اليمني الأستاذ بشير عباس الأستاذ عبدالله عربي الاستاذ عمر يوسف ميشيل الأستاذ الزبير محمد الحسن ازهري عبدالقادر نورالهدى
في الأصل، نحن كنا في زيارة لفرنسا في بعثة فنية رسمية بدعوة كريمة من وزارة الثقافة الفرنسية و قد تخلف من رحلة سويسرا الأساتذة عثمان مصطفى نسبة لوعكة ألمت به و بقي معه الأستاذ عبدالقادر سالم بباريس مرافقا...
Post: #3 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 07-06-2009, 07:17 PM Parent: #2
الشكر و التقدير الشديد للأخ (عظيمو) الذي جعل مشاهدة هذا ممكنا و الذي أخرج الحفل إخراجا جميلا و الذي قام بتحويله و لولاه لما أمكن مشاهدته بعد كل هذه السنوات....
له الشكر الجزيل و كامل التقدير......
Post: #4 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: نادر السوداني Date: 07-07-2009, 02:00 AM Parent: #3
أول حاجة ازيك يا أبو الزهور وتاني حاجة أللة يديك طولة العمر راجين منك الكتير وتالت حاجة يعني انت كنتة بتضحك علينا / يوم اختبار المهارات الفنية / وعامل فيها الود سقنتوتي وجديد لنج لسة جاي من الدويم / اتاريك كنت معلم كبير ونحنة ما ناقشين الفلم دة ...............ها ها ها
Post: #5 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 07-07-2009, 10:58 AM Parent: #4
يا سوداني يا حبيب الشوق مطرة الصحة و الأحوال و العيال و أم العيال، نعلكم كلكم عافية تمام؟؟؟ مع تحياتي للجميع و كيف صحة العم الحبيب عبدالمنعم الجزولي بطرفكم بلغه تحياتي بالله.....
نجي للجد بقى.... - أولا ما تحاول تصـطاد في الماء العكر - الحفلة أعلاه كانت سنة 1985 - الجاب إختبار القدرات للموضوع ده شنو و على القسم إنت و صاحبك داك نحن لامن جينا من الدويم أولاد صغار بعد إمتحانات الشهادة إنتوا كنتوا لا خليتوا اليونان و لا رومانيا.... بس أحسن ليك ما تخليني أطلع المخبأ...و خلي الطابق مستور أنا بشوف كده أحسن للجميع.... و لا شنو هاك المطره دي.... تسلم يا الحبيب
Post: #6 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: tmbis Date: 07-07-2009, 11:07 AM Parent: #5
Quote: و لكن ما 45 سنة يا وليد عبدالعزيز
.. يا ابوالزهور يا لذيذ حسع الكلام البتقول فوقو دا براهو خمسة وسبعين سنـة.. ياخ انا اخليك ( خنــفس ) .. اجي اللقاك من غير ( خنفس ) ..؟ إنت بتخنفس على كيفك .. وما بتخنفس على كيفك ..؟ ..
وين زولك دا عامل أبو النوم كدا .. دي وعودك معانا ؟؟
عوضنا صاحب العوض في اهل العوووض
Post: #7 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 07-08-2009, 05:36 PM Parent: #6
أسمع: أنا عاجبني ناس منصور الشيخ ديل الكلهم خنافس...و خلالاتهم تتطاقش
بعدين النبذ البي الطوالا ده شنو يعني؟؟!!..حاجة عجيبة و الله....
بس ما تقصر المشوار و تقول لي يا أزهري أبصلعة عديل كده ده
بعدين إنت وريني حتزوغ من الصلعة دي وين ما حارياك و متحرياك....و راجياك.....
بس كل ما الواحد يحاول يعمل حركة كده ده تجوا تعملوا ليه نفسيات
قوم كده ده بالله و هو زاتو عمر منصور نحنا كان قدامنا بأربع سنوات و عديل كده أكبر مننا بكتير....
كان ما عجبك شفت شنو..........
بعدين بيني و بينك تحت تحت كده مسعول من الخير: إنت صاحبنا الظريف حاتم بيمول من العرس ...و عيييييييك الحاصل شــــــنو؟؟
* طبعا التحتو خط ده على فهم إياك أعني فأسمعي يا جارة...و الله يا حليلو..
Post: #8 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 07-20-2009, 11:56 PM Parent: #7
المشى ما زي الجاي، و المشى كتير بس الجاي أقصر و أقل و طبعا ما حنعيش زمنا و زمن غيرنا بس و الله زمنا كان جميل برغم المعاناة و التي كانت تزيده حلاوة و تعطيه طعم خاص......
Post: #9 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 07-21-2009, 00:10 AM Parent: #8
صورة في مطار جنيف تجمعني مع الزميل عمر يوسف ميشيل لاحظ الشعر و القجج و الشباب النضير:
Post: #10 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: tmbis Date: 07-22-2009, 11:06 AM Parent: #7
Quote: أسمع: أنا عاجبني ناس منصور الشيخ ديل الكلهم خنافس...و خلالاتهم تتطاقش بعدين النبذ البي الطوالا ده شنو يعني؟؟!!..حاجة عجيبة و الله.... بس ما تقصر المشوار و تقول لي يا أزهري أبصلعة عديل كده ده بعدين إنت وريني حتزوغ من الصلعة دي وين ما حارياك و متحرياك....و راجياك.....
يا ابو الزهور ياخ انا لو عايز اقوليك يا اب صلعة كان كتبتها ليك في سلم صول راسه عديل كدا لكن زي ما شايف انا خليت ليك مازورة كاملة تتحرك فيها بي سهولة.. يعني براك جيت غنيت .. تعرف نظريتك دي فاشلة .. نحن شغالين بي نظام الجلحات .. ونظام الجلحات زي ما عارف بيديك مساحة كويسة انك تجازف المسالة وتتحايل على الشغلانة تحلق خفيف مثلا .. تخنفس وترجعو قدام .. تعمل راستـا وهكذا.. يعني لما تصل مرحلة العلماء والفلاسفة ديل يحلها الف حلال ..
Quote: بس كل ما الواحد يحاول يعمل حركة كده ده تجوا تعملوا ليه نفسيات قوم كده ده بالله و هو زاتو عمر منصور نحنا كان قدامنا بأربع سنوات و عديل كده أكبر مننا بكتير....
اقوليك حاجة يا ابوالزهور ..؟ عمر دا زاتو شيلو معاك وعندنا خالنا كدا جلحاتو جات بالعكس .. جايه من الخلف عامل لينا نفسيات عديل كدا ما عارفو لفحه لينا من وين الجلحات الخلفية دي .. نحن نزوغ من الاعمام يطلع ليك خال .. ياخ فتاح الجاي بعد عمر مباشرة بقى يغسل وشو من ضهرو بي وراء ..
Quote: بعدين بيني و بينك تحت تحت كده مسعول من الخير: إنت صاحبنا الظريف حاتم بيمول من العرس ...و عيييييييك الحاصل شــــــنو؟؟ * طبعا التحتو خط ده على فهم إياك أعني فأسمعي يا جارة...و الله يا حليلو..
صاحبك دا يا ازهري بقى يلعب في الزمن الضايع .. بقى زول كيس وبطيخـه وجريدة يجي داخل البيت مغطي بيها راسو من الشمش
Post: #11 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 08-02-2009, 09:29 PM Parent: #10
Quote: صاحبك دا يا ازهري بقى يلعب في الزمن الضايع .. بقى زول كيس وبطيخـه وجريدة يجي داخل البيت مغطي بيها راسو من الشمش
عقبالك إنشاء الله و يكون سريع و قريب و أجي أحضر في أم درمان دي و معاي كدوص..... إجازة عيد الضحية الجاية دي قادر و مريد يا رب....
Post: #12 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: khaleel Date: 08-02-2009, 09:32 PM Parent: #11
ابو الزهور
انتظرتك كثيرا في الغياب
لانني انتظر منك ذكري رحيل ابو داوؤد والبوست الوعد
Post: #13 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Emad Abdulla Date: 08-02-2009, 09:37 PM Parent: #12
هأأأأأأأوو .. نطلب شهادة عبدالله ود السجانة .
...... و .. المرحوم قِرعِم .
Post: #15 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 08-02-2009, 09:54 PM Parent: #13
Quote: هأأأأأأأوو .. نطلب شهادة عبدالله ود السجانة .
ما الطيور على اشكالها تقع جيبوا وتعال دفعتك ده..... دنيا و الله كمان أنا بقيت قدر ده... هـأأأأأأأأوين ما واحدة و أنا قاعد هنا للصباح الليلة...
و بعدين أحمد محمد أحمد قرعم حي يرزق... آها عاد الليلة وين... و سلامات يا صاحبي.....
Post: #14 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 08-02-2009, 09:45 PM Parent: #12
خلي العيش حرام
سلامات يا حبيب و الله هو بعد بكره و أنا جاهز بس إنت عليك ضربة البداية... و بنجيك....
Post: #16 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Emad Abdulla Date: 08-02-2009, 10:02 PM Parent: #14
الليلة وين ...
Quote: أحمد محمد أحمد قرعم حي يرزق
عارفينو شيخ أحمد حي .. نحنا دايرين قرعم سيد الإسم .. عمك محمد أحمد قرعم زاااااااتو .. و بالله غني ليهو معاك : يا نديدي .
..... و الفورة الف - يا قول تمبس -
Post: #17 Title: Re: الذي مضى من عمري ليس بقدر الآتي... و لكن ما 45 سنة يا وليد عبدالعزيز Author: Azhari Nurelhuda Date: 08-03-2009, 00:26 AM Parent: #16
ما قلت راجي شهادة ود السجانة جيبوا هنا ده... و أنا قاعد...
..
