Post: #1
Title: السودان بيضيع مننا يا جماعة ..
Author: عبداللطيف محجوب
Date: 07-04-2009, 11:49 AM
Parent: #0
ما عارف أبدأ من وين .. ؟
كلو منتهي كلو مدمر ..
ما في شغل .. في قراية لكن مناهج قديمة من سنة دو .. بنقو رااااااااقد سكر شديد فارغة وقلة أدب .. تصريحات بعدم وجود بنقو في السودان وإنعدام متعاطينه .. وهنا أخبار كل يوم قاضبين شوالات .. مئات .. أطنان ..
قريبي جاب 89% وعاد لأنه ما دخل هندسة كهرباء الخرطوم .. وود الجيران جاب 80 دخل جامعة الخرطوم كهرباء ؟؟
تصريحات ما في مكانها .. حرامية خزن إختلاس وتزوير وواسطات .. إنتخابات تتأجل .. وديمقراطية مسلوبة .. إعتقالات وكفيت .. الحركة الشعبية قالت ما دايرة ..المؤتمرالوطني يقول ده كلو من الحركة الشعبية .. الشريكان يتشاكلو ويتضاربو ويتخامشو.. والمعارضة حاكاها معاهم.. الترابي والمهدي ونقد والباقين واقفين ستاند باي .. تخطيط للإنقلاب .. الشعب راضي .. الشعب تعبان فقران مسكين .. 5 عيشات بألف .. رطل السكر بألف وكمان بقينا نستورد ..
نجي لوزارة الطاقة .. بترول وكهرباء .. سد مروي وميثانول كنانة .. والكهرباء لسه بتقطع .. ويييييييييييييييك ..
وزارة المالية .. الميزانية فيها عجز .. شدو حيلك .. وزارة التربية وين الكتب والمقاعد والفصول والمدارس الجديدة .. بل أين المدرسين .. والله ياخ وزارة المالية ما أدتنا قروووش ؟؟ ..
وأخيراً وليس آخراً يا إنفصال .. يا ما عارف شنو ..
تأزم الوضع كثيراً .. يا نلحقو يا ما نلحقو ..
|
Post: #2
Title: Re: السودان بيضيع مننا يا جماعة ..
Author: سلمى الشيخ سلامة
Date: 07-04-2009, 01:37 PM
عبد اللطيف ازيك
الغريبة قالو فى تصنيع طائرات
ياكوريا الشمالية يا
قافلين ليها المطار يوم الاحد للترويج
ومرات يقول ليك ايثانول
للطاقة
وفى ناس الموية ما داخلة عندهم فى الحسابات
بيردوا ليها عشرات الاميال
وناس حق العيش ما عندهم
وناس بتموت بالسرطانات فى الشمالية بالكوم
وناس ساكنين الصى ليهم سنين
وناس عايشة فى القصور
شفت كيف؟
يعنى لسه السودان ماضاع ؟
لمن يكون فى زول واحد عنده بنك فى بيته ؟يعنى ياخوى فى "احسن من كدا؟"
ويجيك الريس "بالفم المليان فى التلفزيون يكذب يوم 29 يونيو ؟"
ويقول انهم جاءوا لانقاذ السودان
نكتة بايخة مش؟
ولسه ارصد ليك التعليم وانهياره ولا الخدمة المدنية ولا السجون البقت خمسة نجوم لاصحاب الشيكات الطايرة
ولا شنو ولا شنو ؟
بلد ما عندها وجيع
|
Post: #3
Title: Re: السودان بيضيع مننا يا جماعة ..
Author: مؤيد شريف
Date: 07-04-2009, 05:39 PM
Parent: #2
السودان يُضيع منذ 20 عاما يوم أن استولت عليه بليل جماعة باطنية تحكم باسم الدين وهو منها براء وفعلها لا يشبهه في شيء
تحياتي
|
|