Post: #1
Title: ود بيوت الطين
Author: فاروق أبوحوه
Date: 07-04-2009, 10:06 AM
أنا ود بيوت ..
ما فيها زولاً صاري وشو
البت صبي ..
والجاره أم ..
الأم أبو ..
كالبدر تم ..
الخاله عم ..
والعم أبو إتعالا رشو
واجب الضيوف حافضنو تب
ما اتغابو دربو ومره طشو
بيتنا طين مفروش حنين
وجريد نخلنا الرامي عرشو
شايلين مخالينا ومناجل
زي حماماً قالو زاجل
الخبير الجانا عاجل :
البلح الليله حشو
هيصة بطان زي روب هناك
وواصلني خشو
تالا البحر جارين سريع
واحداً نصيح شايل كسيح
شافع صغير شايل رضيع
سابق الرضيه علي الهدية
علي الفريع
ينشاف رهاب
خايف الكبار لا يبقوا غشو
لاحق العجيوه الفي الجريد
خايف القوي والعاصي قرشو
أصلو السنينات فننه
راجي الغزال يديهُ ضرسو
بين التناقيش منحشر
لاهمَّ شوك لا عقرب
أو دابي بيقرصو
داك الجني كان أنا
قبل الزمن ..
ما ينخر العود والقنا
قبل الهموم ..
ما ترمي ساسه والبنا
،،، ،،،
وأنا ود بيوت ..
فيهن سماحأً ما اتوجد..
إن كان روكّب أو صريف..
يسعن يمين حلم البلد..
غيرن وحات المولي جد..
دنيايا زي ود اللحد..
وأيه غير محنتنا البكون
أطول من الهامات إذاً
دافرين قلوبنا علي الوطن..
والفي العيون لا بد يكون..
شوفاً ينسينا الحزن..
يا صاحبي الهطال
سألتك بالذي سواك..
تسلِّم لي علي الحلاّل..
من ملاحة الزينين..
ولاعند نسري والشلال..
ناساً زي عشا الفقرا..
سماح سمحين ..
كرام طيبين ..
ومستورين
حال.
والشوق كمان ..
لي شُلة الحله..
رفاقة الصحبة والأيام..
ولي زولاً مشي أندلي
علي جرفاً ندي وسالام
يقابلك بي بشاشة الأم
وبي عافية شذي النسام
سلام للسمحه تتبسم..
ترد حالي السلام قوّام..
ممتن يا وطن
يمين ممتن ..
علي القول السمح.
علي الغيمات ..
وحسن الظن
بنرجع يا أخو الترحال..
إن قصر الزمن أو طال.
تروق الروح من الساساق..
ويبرد جرحنا البتاق..
يفارق دربنا الحراق
زماناً عنجهي وبطال
رغم انتظارك يا دعاش
رغم المسافات ..
الطشاش..
الشوق أكيد ..
نيلين ..
وقاش..
بين الغمامات
سايقنا ماش
فوق المسافات
ارتعاش
وأنا ود بيوت..
ما صابحت جواي
غباش.
|
Post: #2
Title: Re: ود بيوت الطين
Author: فاروق أبوحوه
Date: 07-06-2009, 08:51 PM
Parent: #1
الشوق أكيد..
نيلين ..
وقاش ..
|
Post: #3
Title: Re: ود بيوت الطين
Author: حافظ حسن ابراهيم
Date: 07-06-2009, 09:03 PM
Parent: #2
سلام يا ود ابو حوا
ككلام جميل و الي القلب دون اذن احد
Quote: بنرجع يا أخو الترحال..
إن قصر الزمن أو طال.
تروق الروح من الساساق..
ويبرد جرحنا البتاق..
يفارق دربنا الحراق
زماناً عنجهي وبطال
رغم انتظارك يا دعاش
رغم المسافات ..
الطشاش..
|
والاجمل هنالك امل يا ود امي حوا.... تسلم وعليك الله واصل محتاجنك بشده والله
|
Post: #4
Title: Re: ود بيوت الطين
Author: فاروق أبوحوه
Date: 07-08-2009, 09:29 AM
Parent: #3
Quote: سلام يا ود ابو حوا
ككلام جميل و الي القلب دون اذن احد
|
الحافظ ..
سلام يا أخو الترحال..
كل الإمتنان علي الكلام الطاعم| Quote: والاجمل هنالك امل يا ود امي حوا.... تسلم وعليك الله واصل محتاجنك بشده والله |
غربة روح ..
وشوق مجروح ..
زهور محرومه ..
من النيل ..
وكيف بتفوح؟
يا حافظ الغربه (مُرّه ومؤلمه)..
لكن الأمل يحلق بأجنحة العودة
وإن طال السفر ..
ما انكسر فينا الترجي
ولا ملّت براحاتنا الأمنيات.
كل الموده
|
Post: #5
Title: Re: ود بيوت الطين
Author: Gafar Bashir
Date: 07-08-2009, 12:29 PM
Parent: #4
وأيه غير محنتنا البكون
أطول من الهامات إذاً
دافرين قلوبنا علي الوطن..
والفي العيون لا بد يكون..
سلامات فاروق ..
دافرين عمرنا علي الوطن ...
وشكرا للكلام الطاعم
|
Post: #6
Title: Re: ود بيوت الطين
Author: فاروق أبوحوه
Date: 07-11-2009, 05:48 PM
Parent: #5
Quote: سلامات فاروق ..
دافرين عمرنا علي الوطن ...
وشكرا للكلام الطاعم |
قطع برقك رحط غيمك
طمح موجك
عرج للشط تساب القلب
قدح قزحك
رزاز اللون
مرق منخم
شهيق الكون
فتح طاقة شجونو .النم
دخل
طاعم
الدعاش
للحب.
أبو الجعافر..
حبابك يا صديق..
وبلا شك هي
الغربة
وفعل الشوق الحريق
ولكن هو بوصلتنا.
الوطن
ذاك الذي:
جرح جرتق غناه الليل
نطق صمتو المدفق شو
يتاكي الضل
قصاد الضو
ركز نخل البلد للسيل
ثبت والجايه شِن بتسو؟
وقف جرق
جريدو ييشيل
موات الحيل
سبايط
ضد
مبيت
القو.
(وانا أصلي عايش كل منايا
ألقي في حبك مصير)
مودتي ..
وأشياء أخري
|
Post: #7
Title: Re: ود بيوت الطين
Author: فاروق أبوحوه
Date: 07-16-2009, 09:02 PM
Parent: #6
*
|
Post: #8
Title: Re: ود بيوت الطين
Author: فاروق أبوحوه
Date: 07-21-2009, 08:45 PM
Parent: #7
لمزيد من القراءة
|
Post: #9
Title: Re: ود بيوت الطين
Author: فاروق أبوحوه
Date: 09-03-2009, 02:46 PM
Parent: #8
رمضان كريم
|
Post: #10
Title: Re: ود بيوت الطين
Author: الطيب شيقوق
Date: 09-03-2009, 06:29 PM
Parent: #9
المسنوح الكلام ده صنعتو كيف عندك سف........؟
|
Post: #11
Title: Re: ود بيوت الطين
Author: mohmed khalail
Date: 09-03-2009, 11:30 PM
Parent: #10
Quote:
أنا ود بيوت ..
ما فيها زولاً صاري وشو
البت صبي ..
والجاره أم ..
الأم أبو ..
كالبدر تم ..
الخاله عم ..
والعم أبو إتعالا رشو |
ابو حوة يا فاروق
يا زول يا حنين
مافي اجمل من كده
رمضان كريم
|
Post: #13
Title: Re: ود بيوت الطين
Author: فاروق أبوحوه
Date: 09-05-2009, 01:46 AM
Parent: #11
Quote: ابو حوة يا فاروق
يا زول يا حنين
مافي اجمل من كده
رمضان كريم |
محمد يا خليل ..
وينك يا طيب ؟
لسه قلوبنا عامره محنه..
وليك يا حنين نحن أحنّ ..
رمضانك كريم
وما في أجمل منك
مودتي
|
Post: #12
Title: Re: ود بيوت الطين
Author: فاروق أبوحوه
Date: 09-05-2009, 01:42 AM
Parent: #10
| Quote: المسنوح الكلام ده صنعتو كيف عندك سف........؟ |
مقطوع الطاري السف .... اللحقك أمات طه قول آمين..
سويتني مجنون شكيتك علي منو نان..؟
ما ني ساعلك بس
مشتاقين يا ناس البترول انتو
ما تجيب قرمه ياخ..
مودتي
|
|