Post: #1
Title: اساسى .. رشا أدوها إجازة .. ارتحتا ؟
Author: يوسف محمد يوسف
Date: 07-04-2009, 08:48 AM
اساسى ..
لم تظهر المذيعة اللامعة رشا الرشيد على شاشة النيل الأزرق طول الأمسيات الماضية !!
أكيد اساسى كجر بت الناس !!
نرجو أن يكون المانع خير !!
لكن يا اساسى ما بسألك .. أنت خطر .. طفشت البنت عديل كدا !!
انتو يا ناس برى تتجازو !!
|
Post: #2
Title: Re: اساسى .. رشا أدوها إجازة .. ارتحتا ؟
Author: محمد الشيخ أرباب
Date: 07-04-2009, 08:58 AM
Parent: #1
اعمل حسابك يا محمد يوسف ناس السماني ديل اولاد مشائخ
يروبوا الموية
|
Post: #3
Title: Re: اساسى .. رشا أدوها إجازة .. ارتحتا ؟
Author: يوسف محمد يوسف
Date: 07-04-2009, 09:26 AM
Parent: #2
محمد الشيخ
كلام صاح 100% ...
الزول دا نقا فى البنت لمن طفشها !!
انا من الصباح بحاول الاتصال على اخونا / محمد عكاشة عشان
اطمئنكم عليها !!
ديل يروبو " ... ابو جمل "
تحياتى
|
Post: #4
Title: Re: اساسى .. رشا أدوها إجازة .. ارتحتا ؟
Author: اساسي
Date: 07-04-2009, 05:24 PM
Parent: #3
Quote: اساسى ..
لم تظهر المذيعة اللامعة رشا الرشيد على شاشة النيل الأزرق طول الأمسيات الماضية !!
أكيد اساسى كجر بت الناس !!
نرجو أن يكون المانع خير !!
لكن يا اساسى ما بسألك .. أنت خطر .. طفشت البنت عديل كدا !!
انتو يا ناس برى تتجازو !! |
الريس يوسف
ياخ حرام عليك تلبسني تهمة قدر كدا , انت ما شفت الهتيفة بتاعين رشا في البورد قدر كيف , اخشي ما اخشاه ان يهدر دمي البوردي ويتفرق بين القبائل الاسفيرية
لكن النصيحة لله لو ادوها اجازة يكونوا عملوا خير علي الاقل تقدر تستعيد نضارة بشرتها بعيدا عن كشافات الاستديوهات وايضا كشافات عيونكم ههههه
ـــــــــــــ
ود الشيخ تحياتي
تعرف يا ريس ود الشيخ دا الفكي حقنا زاتو وشيخ طريقتنا في بري ويكفيك الاسم ود الشيخ
قلت لي يروبوا الموية 
ياخي الموية بس انحنا نروب ليك الفرح المعبأ في قناني زاتو
|
Post: #5
Title: Re: اساسى .. رشا أدوها إجازة .. ارتحتا ؟
Author: يوسف محمد يوسف
Date: 07-04-2009, 09:07 PM
Parent: #4
اساسى ..
اقول ليك يا حبيب الايام دى ما تقرب على حوش سودانيز اون لاين
ناس جمال السنوسى .. اصدروا فتوة فى حقك اخطر من فتوة " سلمان رشدى "..!!
انت الشلاقة العليك شنو ؟ يعنى ما لقيت الا رشا الرشيد .. اها خم و صر !!
انت عايز تورينى ناس برى .. انتو ملوك الاناطين !!
مرة كنا لاعبين " نيل / برى " فى استاد الخرطوم .. زانقبن ليك برى من قولت تيت حتى الدقيقة 89 .. و قدر
ما شتنافى قون برى كان الحارس " النور مرحوم " .. اليوم داك تقول عندو عشرة ايدين ..و حلفت ما تخش
فى الدقيقة 89 " حسبو الصغير " شات ليه كورة دخلت قون و طلعوا غلبننا واحد - صفر
عمنا الطيب شيخ ادريس " عليه رحمة الله " .. قال لينا ما لازم نغلبكم .. برى كلها " قبب " انتو عندكم
شنو ؟؟
المهم .. خلى ود اشيخ يشوف ليك حجاب كارب يحلك من ورطة رشا الرشيد الوقعته فيها دى !!
سلام
|
Post: #6
Title: Re: اساسى .. رشا أدوها إجازة .. ارتحتا ؟
Author: اساسي
Date: 07-05-2009, 06:43 AM
Parent: #5
يا ريس تصدق انه الكلام دا حقيقة
امس قاعد ليك في التلفزيون ومعاي المدام بنحضر في قناة النيل الازرق , طبعا عندها خلفية بالبوست , اها قام برنامج مافي مشكلة البتقدمه (كالعادة) رشا الرشيد بدا , وبدات التقديم مذيعة ما عندها علاقة بالبرنامج لابسة ليها سفنجة ( حيرتني ) في راسي , اها اول ما بدأت التقديم قالت:
ارجو انكم تتحملوني الايام القادمة واتمني اجازة سعيدة للاستاذة رشا الرشيد , المدام اتلفتت علي كدا وانفجرنا بالضحك
|
Post: #7
Title: Re: اساسى .. رشا أدوها إجازة .. ارتحتا ؟
Author: خالد حامد الجزولي
Date: 07-05-2009, 08:54 AM
Parent: #6
أساسي
| Quote: واتمني اجازة سعيدة للاستاذة رشا الرشيد , المدام اتلفتت علي كدا وانفجرنا بالضحك |
آمنننننننننننا
ويا ريس نظرتك عسكرية ثاقبة
ويا أساسي تتجازى
أها نقتك الكبيرة
طفت شاشة النيل الأزرق
أوعى تقبل ليك كمان على قناة تانية
تخلينا نقاطع الفضائيات السودانية
ههههه
تحياتي لك والأسرة الكريمة
أبو الجزل
|
Post: #8
Title: Re: اساسى .. رشا أدوها إجازة .. ارتحتا ؟
Author: يوسف محمد يوسف
Date: 07-05-2009, 09:38 AM
Parent: #7
خالد كيف حالك
عليك الله يا خالد اساسى مش خطر ؟
عارف المشكلة انا عملت ليه عضوية فى الملتقى .. الله يستر !!
انا مفكر اقنعه ليتحول الى قناة الـ MBC .. خلى يخارجنا من الجماعة الاتراك
القدونا بمسلاسلاتهم العجيبة .. خاصة مسلسل ( موسم المطر ) .. فيه واحدة ممثلة
اسمها " ايلول " .. دايرنو يكجها !!
|
|