Post: #1
Title: المحاسبين بالغربية - منطقة مكة - لقاء تاريخي يوم الخميس 16/07/2009م
Author: اساسي
Date: 07-04-2009, 07:35 AM
Parent: #0
دعوة من جمعية المحاسبين السودانيين بمنطقة مكة المكرمة
تدعو جمعية المحاسبين السودانيين بمنطقة مكة المكرمة جميع أعضاء الجمعية المسجلين وغير المسجلين إلى لقاء تفا كرى وترفيهي للمحاسبين وأسرهم الكريمة وذلك من أجل :
1. تكملة إجراءات فتح ملفات العضوية لجميع المحاسبين ( تمهيداً لإصدار بطاقات العضوية).
2. إطلاع الأخوة المحاسبين على ما تم إنجازه خلال الفترة الماضية، ومناقشة القضايا المشتركة وتبادل الآراء حول الجمعية .إكمال مشوار ومساعي الجمعية للحصول على قطع أراضى للمحاسبين ، والذي بدأته مع سعادة الأمين العام لجهاز السودانيين العاملين بالخارج (د/كرار التهامي) في ( جدة و الخرطوم )
3. العمل على تجهيز المستندات المطلوبة حتى نتمكن من إعداد الأرانيك و تقديم القوائم بأسماء المحاسبين الراغبين لجهات الاختصاص في جهاز السودانيين بالخرطوم لتنفيذ الخطة حسب الاتفاق وهي:
• صورة من الإقامة سارية المفعول .
• الصفحات الثلاثة الأولى من جواز السفر .
• خلو طرف من الضرائب .
ويعقب اللقاء التفا كري حفل ساهر ترفيهي للأخوة المحاسبين وأسرهم الكريمة.
الزمان : الخميس الموافق 16/07/2009 م الساعة التاسعة مساء .
المكان : استراحة درة الصالحية / الخط السريع الطالع ( طريق الحرمين ) / محطة السلمى بعد كبري الحجاج
( توجد خريطة توضح المكان ) .
للاستفسار يرجى الاتصال بالأستاذين :
1/ الأستاذ / فتح الرحمن الصادق جوال 0568261335
2/ الأستاذ / فارس الأمين جوال .0594286247
نرجو من جميع الأخوة المحاسبين الحرص على الحضور لإنجاح هذا اللقاء الهام .
والله الموفق
اللجنة التنفيذية
جمعية المحاسبين السودانيين بمنطقة مكة المكرمة
|
Post: #2
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: احمد التجانى احمد
Date: 07-04-2009, 08:26 AM
Parent: #1
| Quote: تدعو جمعية المحاسبين السودانيين بمنطقة مكة المكرمة جميع أعضاء الجمعية المسجلين وغير المسجلين إلى لقاء تفا كرى وترفيهي للمحاسبين وأسرهم الكريمة |
الحبيب اساسى
يا اخوى جهجهتوا الاسر الكريمة دى والله كدة مابقدروا يركزوا فى تكوين علاقات ممتدة يوم البورداب ويوم المنتدى ويوم التشكيليين ويوم المحاسبين ويوم المبدعين
واوع من يوم المصرجين
هسة ايدك معانا عشان نجتاز الكورس بتاع ال accounting وبعدها نسجل معاكم ان شاء الله يطلع لى كشك فى المسيد
الحكاية باقى لى الا تتلقط بالطريقة دى
|
Post: #3
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: بكري اسماعيل
Date: 07-04-2009, 10:15 AM
Parent: #2
سلامات يا أساسي
جمعية المحاسبين بالمنطقة الغربية لم أسمع بها إلا قبل كم يوم من خلال بوست العميد يوسف محمد يوسف ، لو أمكن شوية تنوير عن نشاط الجمعية
وكيفية الإنضمام إليها
ولكم جزيل الشكر
|
Post: #4
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-04-2009, 03:05 PM
Parent: #3
سلام يا اساسي
و بعد اذنك بس توضيح بسيط
Quote: سلامات يا أساسي
جمعية المحاسبين بالمنطقة الغربية لم أسمع بها إلا قبل كم يوم من خلال بوست العميد يوسف محمد يوسف ، لو أمكن شوية تنوير عن نشاط الجمعية
وكيفية الإنضمام إليها
ولكم جزيل الشكر |
سلام / استاذ بكري اسماعيل
عفواً للتصحيح فقط الجمعية " بمنطقة مكة المكرمة " و ليس كما ورد بمداخلتك بالمنطقة الغربية
جمعية المحاسبين السودانين بمنطقة مكة المكرمة كيان قائم، تم تاسيسه في مايو 2007 م .
لمزيد من المعلومات عن الجمعية و نشاطاتها الرجاء زيارة الرابط http://sudansas.com/
كما نرجو كريم تفضلكم بالتسجيل في المنتديات : http://sudansas.com/vb/showthread.php?p=173&posted=1#post173
اما مسألة الانضمام فدي بسيطة جداً ، اتصل على رقم اخونا استاذ / فارس الامين من الاعلان اعلاه وهو امين العضوية و سيقوم باطلاعك بالمعلومات المطلوبة . و خليك حريص تحضر يوم الخميس 16 يوليو ح يتم استكمال اجراءات التسجيل و الحصر للعضوية .
احمد تجاني
يا هندسة البخليك تقرأ الـ Accounting شنو ؟
مرحب بيك كتير و الله و الجمعية فيها امانة تدريب تحت اشراف استاذ / محمد بابكر ( اكاديمية التربية العالمية ) . و الاستاذ / مجدي شبندر
بس انت ابقى تعال و بتستفيد محاسبة جد . لكن يا حريف الاكشاك ان بردت فهي للمحاسبين بس 
نكرر ليكم الدعوة مرة تانية و لاسركم الكريمة - برضو يا هندسة - للمشاركة باليوم المفتوح الخميس 16 يوليو09 بدرة الصالحية - السلمي . ح نجيب ليكم خريطة
فتح الرحمن حمودي
|
Post: #5
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: احمد التجانى احمد
Date: 07-04-2009, 11:40 PM
Parent: #4
| Quote: يا هندسة البخليك تقرأ الـ Accounting شنو ؟ |
الحبيب قيقراوى - سلامات
والله اللقافة (الشلاقة) بس الخلتنى اقرا البتاعة دى
Quote: مرحب بيك كتير و الله و الجمعية فيها امانة تدريب تحت اشراف استاذ / محمد بابكر ( اكاديمية التربية العالمية ) . و الاستاذ / مجدي شبندر
بس انت ابقى تعال و بتستفيد محاسبة جد . لكن يا حريف الاكشاك ان بردت فهي للمحاسبين بس |
ايوة دة الكلام اللى حنا نبيه
عليك الله ياقيقا احجز لى عند الناس ديل او افتح ليهم اضانهم
باقى عندكم حاجات كدة اسمها ال Bonds زى الطلاسم كدة
الحبيب اساسى
يا اخوى بوست ناس الفكة دة ما جاب دخل ماله؟
|
Post: #7
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: اساسي
Date: 07-05-2009, 07:13 AM
Parent: #3
الاخ بكري اسماعيل
صباح الخير
الاخ فتح الرحمن قيقراوي اداك المفيد , ويا ليت نشوفك مشرفنا في اليوم المفتوح
|
Post: #6
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: اساسي
Date: 07-05-2009, 07:11 AM
Parent: #2
Quote:
الحبيب اساسى
يا اخوى جهجهتوا الاسر الكريمة دى والله كدة مابقدروا يركزوا فى تكوين علاقات ممتدة يوم البورداب ويوم المنتدى ويوم التشكيليين ويوم المحاسبين ويوم المبدعين
واوع من يوم المصرجين
هسة ايدك معانا عشان نجتاز الكورس بتاع ال accounting وبعدها نسجل معاكم ان شاء الله يطلع لى كشك فى المسيد
الحكاية باقى لى الا تتلقط بالطريقة دى |
صباخ الخير يا ود التجاني
ويا اريت لو الاسر دي يوم واحد تمانع او تحتج انه العلاقات كترت , في النهاية بيقع الفاس في راس ( سواق العايلة) يا (سديق).
بعدين شايفك داخل علي طمع ( عايز تاخد كورس تضايقنا في مهنتنا وكمان داير اكشاكنا ) انحنا موافقين علي الشروط دي كلها
نفرغ ليك زي ما قال قيقراوي واحد من فطاحلة الحسابات في الجمعية بس شرط بسيط كدا تجيب لينا ديل لعضوية الجمعية (عالبرادو) بدون دفعة اولي
وباسعار مغرية وترحيل ثلاثة اقساط زي ما بيعملوا ناس نيسان , وبالمناسبة السعيدة دي نسيان كان صدرها رحب جدا تجاهي والان اخوك قاب قوسين او ادني
منها .
|
Post: #8
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: ALZOLZATOO
Date: 07-05-2009, 07:16 AM
Parent: #6
حبيبناالاساسي
بلاي سجل اسمك معاك مادام الحكاية فيها اراضي
تحياتي
زاتوووو
|
Post: #9
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-05-2009, 09:16 AM
Parent: #8
Quote: ايوة دة الكلام اللى حنا نبيه
عليك الله ياقيقا احجز لى عند الناس ديل او افتح ليهم اضانهم
باقى عندكم حاجات كدة اسمها ال Bonds زى الطلاسم كدة |
حبيبنا و مهندسنا
تحية و انحناءة يابانية اصلية ياخ
و الله حكاية الـ Bonds دي كدا يابسة انا ذاتي صرجتها ! غايتو الا تدخلا لينا في جملة مفيدة زي مثلاً كدا " جميس بوند " او ما شابه
لكن بسال ليك عنها، زي ما تفضل حبيبنا اساسي فطاحلة الـ Accounting مهنة و علم كلهم بي جاي
بالمناسبة تحية عظيمة لاستاذنا و استاذ اساتذتنا و استاذ الاجيال /القاسم رزق الله ابو القاسم ( عضو مجلس الجمعية ) قدم لنا النصح و كل الدعم حتى غادر الى السودان الحبيب ترعاه العناية الالهية و حبنا و جزيل شكرنا و دعواتنا له بدوام الصحة و العافية و ربنا يحفظو .
و كذلك تحياتنا تصل اعضاء المجلس الاستشاري :
| Quote: تم إلحاق كشف إضافي لمجلس استشاري للمجلس الثلاثيني ضم عشرة من الأساتذة الرواد في مجال المهنة وهم : |
Quote:
الدكتور / عبد القادر بانقـــــــــــــــــا
الدكتور / حسين شريف
الأستاذ / المغداد حامد الرشيد
الأستاذ/ عمر أحمد تكيل
الأستاذ/ عبد الكريم هارون عبد الكريم
الأستاذ/ عمر محمد عبدالله
الأستاذ/ فيصل زين العابدين
الأستاذ /فيصل إبراهيم
الأستاذ / محمد صالح
الأستاذ/ مصطفى مكي |
من نحن
دا الـ " لوقو " بتاع الجمعية
" طريقك لتطوير قدراتك "
لاحظ النجوم اعلى الدرب
تعال و ما بتندم
-------------
يا هندسة موضوع الكورسات و أي معلومةات في المحاسبة " تحتاجها، اتصل تصل . اديها رنة بس
|
Post: #10
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: بكري اسماعيل
Date: 07-05-2009, 09:18 AM
Parent: #8
تحياتي أساسي وقيقراوي
يا ناس إنتو من زمان كنتو وين ؟؟؟ لو بقت الجمعية تبع مكة أو كل الغربية نحن جايين جايين
لكم الود حتى نلتقي بإذن الله ...
|
Post: #11
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-05-2009, 04:36 PM
| Quote: يا ناس إنتو من زمان كنتو وين ؟؟؟ لو بقت الجمعية تبع مكة أو كل الغربية نحن جايين جايين |
دا الكلام
في راجاكم
بالمناسبة حقيقي كان في تقصير في حتة الاعلام دي شوية من جانب اللجنة التنفيذية لكن دائماً كان العائق شح الامكانات .
على كلٍ
معاً لرفعة الجمعية و انت بدورك قوم بلفت نظر الحولك و كل المهتمين في منطقتك
و الله اسي بكري ( سيد الفنايل ) دا لو ما منع الالتماسات كان فتحنا بوستين زي السم :
يا بكري للمرة الثالثة : عبد العزيز الكنزي " مقرر المجلس " لا يستطيع الدخول
لكن الله غالب احمونا . و قالو ما في زول يقول بغم ! نعمل شنو ؟
و برضو امينا الاعلامي الاستاذ / محمد ادريس زمراوي خارج الفورمة يا ريس . . . النبي فيك
الشكية لي بيدن قوية بس
يا بكري اسماعيل يدك معانا ، و ما تنقطع من البوست دا
بكرة نجي نكمل حكي عن الجمعية و اليوم المفتوح . . . سمح ؟
وين باقي الشباب ؟
|
Post: #12
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: اساسي
Date: 07-05-2009, 04:40 PM
Parent: #11
الاخ قيقراوي
جميل جدا متابعتك للموضوع ورفده بالشروحات والتفصيلات اللازمة والاجابة علي التساؤلات المطروحة
اتصل علي في تلفوني احد الاخوة ( سيف الدين) وذكر بانه قرأ البوست وفرح بهذا التجمع ولكنه للاسف سيكون علي سفر يوم الاحتفالية
وهذه بادرة جيدة في ان المنبر يقراه من غير المشتركين في المنبر ولديهم الرغبة في التفاعل
الموضوع دا علي نار هادئة ليكون عاليا دائما في الصفحة الاولي ليقرا ويتواصل من فاتته القراءة الاولي
|
Post: #13
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: محمد حسن العمدة
Date: 07-05-2009, 09:07 PM
Parent: #12
Quote: اللجنة التنفيذية
جمعية المحاسبين السودانيين بمنطقة مكة المكرمة |
والله يا اساسي وقيقراوي لامن اقرا لي جميعة ولا جالية ومختومة باسم منطقة مكة او الغربية بتجيني كاروشة عديييييييل
يا اخوانا الهامش دا في اي مكان لو ما الناس ادتو حقوقو الثورات بتقوم والسكلبة بتقع تب
نحنا في الطائف جنس حقارة عمري ما شفتها
زمان كان ناس ناس تاج السر حامد كل ما يعملو حاجة في جدة يلصقو اسم منطقة مكة وتلقى كل الناس من جدة !!!
والله يا ناس جدة نملاكم حجار من فوق البحر ما يحلكم ...
الشي شنو ؟
الجالية منطقة مكة تلقاهم ناس جده
رابطة نهر النيل وشنو ما عارف منطقة مكة وهم من جدة
رابطة الاعلامين منطقة مكة وتلقاهم من جدة وفي فد صالون !!!
محمد حسن العمدة عن اللجنة التمهيدية لتكوين جمعية المحاسبين والجالية السودانية بمنطقة مكة المكرمة - هييييييييع -
|
Post: #14
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-06-2009, 08:14 AM
Parent: #13
سلامين يا ود العمدة
كدي براحة براحة نتفاهم
كلامك القلتو امكن لحد بعيد يكون صاح ، لكن يا عمك نحن في المحاسبين اجتهدنا قدر قدرتنا في جسر المسافات الجغرافية . حضر الجمعية العمومية لجمعية المحاسبين المنعقدة في فندق الكعكي - جدة في 25 مايو 2007 م لفيف - حلوة لفيف دي مش ؟ - من اخوتنا المحاسبين من مكة " العاصمة المقدسة " .
و تم اختيار اخونا " وليد خليل " السكرتير الرياضي ( السابق ) و تكليفه ممثل للجنة التنفيذية بمكة المكرمة .
يدك معانا بدل الهيييييييع بتاعتك دي شوف لينا محاسبين الطائف ، و شوف واحد منهم يدق سدرو
تحياتي يا ود كوستينا و ابقى اظهر
|
Post: #15
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: بكري اسماعيل
Date: 07-06-2009, 09:41 AM
Parent: #14
يا بكري للمرة الثالثة : عبد العزيز الكنزي " مقرر المجلس " لا يستطيع الدخول
و برضو امينا الاعلامي الاستاذ / محمد ادريس زمراوي خارج الفورمة يا ريس . . . النبي فيك
يا قيقراوي الناس ديل لو حريصين على الباسوورد خليهم يرشوا الريس بكري ايميلات لمن يعرف جاجة و ما يرفعوا لو ما استجاب ..
وبالمناسبة دخلت على المنتديات ويظهر أن التسجيل متعطل في الوقت الحالي
|
Post: #16
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-06-2009, 03:35 PM
Parent: #15
اهي دي الخريطة يا شباب
الما بحفظ يعمل برنت أوت . . .
اها ارقدوا طيبين و لي باكر
------------------
غايتو الله يستر . . . البورد بقى مؤلم جداً !!!
|
Post: #17
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-07-2009, 07:27 AM
Parent: #16
صباح الخير
|
Post: #18
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-07-2009, 04:26 PM
Parent: #15
| Quote: وبالمناسبة دخلت على المنتديات ويظهر أن التسجيل متعطل في الوقت الحالي |
يا بكري اسماعيل
هل مازالت المشكلة قائمة ؟
حاول مرة تانية
ما اعتقد في اي مشكلة في التسجيل !
ناس ود العمدة ديل سجلوا زي الترتيب و كمان جونا ينظروا !
و قبليهو اتشرفنا كتير بالصديقة د. رحاب خليفة
تشكرات كميات يا شباب
|
Post: #19
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: بكري اسماعيل
Date: 07-07-2009, 09:03 PM
Parent: #18
سلامات يا قيقراوي
جربت أكتر من عشرة مرات ودوبي مجرب لمن أرسل نموذج التسجيل بستلم رسالة :
الأخطاء التالية حدثت أثناء تسجيلك
الإحالة المحددة خاطئة ، يظهر أن هناك مشكلة ما ..
|
Post: #20
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: اساسي
Date: 07-12-2009, 05:38 PM
Parent: #19
.
|
Post: #21
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: عبدالكريم الامين احمد
Date: 07-12-2009, 06:48 PM
Parent: #20
هلا يا محاسبة..
ويا قيقا واساسي صحبي ابو صلعة ده بالله وقعو ليهو (البوندس) دي كويس
وانا عارف انو كورتو بتاعة القراية فكت ليها خمسة سنوات ونص ولكن نقول شنو مع اللقافة واللفافة...
تحية للجميع ولقدام
|
Post: #22
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-14-2009, 12:02 PM
Parent: #21
Quote: هلا يا محاسبة..
ويا قيقا واساسي صحبي ابو صلعة ده بالله وقعو ليهو (البوندس) دي كويس
وانا عارف انو كورتو بتاعة القراية فكت ليها خمسة سنوات ونص ولكن نقول شنو مع اللقافة واللفافة...
تحية للجميع ولقدام
|
هلا يا كيكي يا حبيب
عمك احمد تجاني دا بنجضموا ليك بس هو الليجينا
ناس البوندس قاعدين ، الا نحن ناس تلاتة لكاشر في الاسبوع . غايتو بنطربوا ليك تمام
ح نوريه باقي الاربع يوم في الاسبوع كنا بنعمل فيها شنو ؟
يا هندسة احمد كلامك صاح في تجمعات جدة لكن المحاسبين غير
سمعت عن / بـ " محمد عجبنا عز العرب " او سمعتو هو ذاتو ؟
و ح نعزف اورقن برانا كمان طالما " خالد الامين " معانا
اها باقي الدهشة ما بتتقال بكلمات . . . تعالوا بالدرب ساي
و الله مشتاقين يا شباب
|
Post: #23
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: سليمان الرفاعي
Date: 07-14-2009, 07:00 PM
Parent: #22
نهنئكم ونشد من أزركم...
بالتأكيد ستكون من الجمعيات المتميزة ووجود أمانة للتدريب سيجعلها أكثر تميزاً ..
إلي الأمام..
|
Post: #25
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: بشير حسـن بشـير
Date: 07-14-2009, 07:21 PM
Parent: #23
.
حبايبنا............
أساسى وقيقراوى
بقية الأخوه المتداخلين
زملاء المهنه الكرام
أساسى وقيقراوى ........ حاضرين إنشاء الله
محاسب / بشير حسـن بشير
جوال / 0501708070
جـده .
.
|
Post: #27
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-15-2009, 08:11 AM
Parent: #25
تمام التمام يا بشير
مرحب بيك و باسرتك الكريمة
|
Post: #30
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-15-2009, 10:23 AM
Parent: #23
| Quote: نهنئكم ونشد من أزركم... |
سلام اخ / سليمان
كدي اول خلينا نهنيك بسلامة دخول البورد بعد طول معافرة و تحية لاخونا د. بشير
مرحب بيك كتير بوردابي غير
و مرحب بيك و باسرتك - طبعاً مقصود الشيخ و حمودي - يوم الخميس
رسلنا ليك دعوة مع الشيخ الرفاعي ما وصلتك ؟
عشان ما تجي كمان تدق طارنا مع الريس و ابو قصي
بيني و بينك خليك حريف و صلح علاقاتك مع ريس بورداب جدة سعادتو يوسف . . .
نحنا ذاتنا بنجي ندهن السير اسي
تشكرات كميات يا حبيب و الف مرحب بيك
|
Post: #24
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: خالد العطا
Date: 07-14-2009, 07:16 PM
Parent: #1
اساسي
سلام جااااااااااااااااااااك
اخوي انا محاسب في مكة ياخي ده عمل جميل منكم لاكن مايكون شغل سياسي وشربكة السياسة دي انا مابحبها
تاني حاجة
هل في اعلام بالموضوع ده لكل الناس وفي كشوفات وكده ولا الجمعية من زمان ولا يادوب اسستوها
المهم نتمنى ليكم التوفيق
وانا من ناس مكة بس المشوار بعيد جدة ما بنقدر نجهج شفعنا تعالوا انتو لينا في مكة
|
Post: #26
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: يوسف محمد يوسف
Date: 07-14-2009, 10:00 PM
Parent: #24
قيقا / اساسى
كويس و الله .. انتو قايلين ممكن تشتغلوا من وراى كده ساكت ؟؟
رئيسكم فى بورداب جدة .. سكرتيركم فى الملتقى .. و راح اتعلم المحاسبة عشان ما اديكم اى فرصة
تظهروا عضلاتكم التبش دى ..
واحد فيكم ما قال لى يا رئيس ياخ .. اتفصل معنا !! .. انتو قايلين روحكم المحاسبين وما فى غيركم ؟
على العموم انا بعرف بجى كيف !! .. عايزين تنوموا بالاكشاك براكم ؟
العزيز احمد التجانى .. لازم تجى يا هندسة .. با فيها و لا نفسفسها كيتا فى اساسى و قيقا !!
يا قيقا .. ما عندكم قسم نسائى .. انا عندى هنا" ام محمد " مراقب مالى خطير .. شوفوا لى طريقة
خلوها تفك الحظر المالى الفارضها علينا ياخ !!
جاين..جاين .. ح تقولوا ما محاسبين .. بنعرف نحسب " النزول " اها رأيكم شنو ؟
انتو اهل " الفكه " معقول نخليكم براكم كده !!
تحياتى و نتمنى لكم التوفيق
|
Post: #28
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: ABU QUSAI
Date: 07-15-2009, 08:19 AM
Parent: #26
| Quote: واحد فيكم ما قال لى يا رئيس ياخ .. اتفصل معنا !! |
يا ريس ديل الفيهم معروفة المحاسبة علمتهم (قربطة الفلوس) ..
تصدق الناس ديل أنا أجرت ليهم الاستراحة باسمي ودفعت ليهم العربون وما ضايقتهم لمابراهم جوا وحاسبوني ، ويومين جاري ليهم في ايجار الكراسي لما أجرتها ليهم .. واليوم سايقني معاهم الاستراحة قالوا عشان خايفين الحارس ما يعرفهم وعشان يتفقوا معاه على موعد وصول الكراسي وكمان الريس حقتهم كلفني دعيت ليهم ناس من المحاسبين حقنهم ، ولحد يومي ويومك ده مافيهم واحد كشكر لي قال لي انتي معزوم معانا .. أها ده يقولوا فيهو شنو؟
رايكم شنو يا أساسي وقيقا؟
أبو قصي
|
Post: #29
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: يوسف محمد يوسف
Date: 07-15-2009, 08:41 AM
Parent: #28
ابو قصى " كتى "
تحياتى
قيقا دا عارفنو " شايقى " .. اساسى دا يقولوا عليه شنو ؟؟
بالمناسبة اساسى عضويته فى الملتقى ما زالت بقلم الرصاص !!
رأيك شنو .. امسحو ؟؟
سيبك منهم ديل محاسبين صغار نحنا معزومين من شيوخهم نتقابل بكره
|
Post: #31
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: اساسي
Date: 07-15-2009, 11:00 AM
Parent: #29
الاحبة
الزول زاتو
يا مان شوف ناس الساحل الشرقي او اطلب نقلية للغربية ونضمن ليك كشك خلف خلاف وطبلية قدامه بس اطلع لينا من الدمام دي شوية
الاخ بكري
علي موعدنا ان شاء الله غدا
ود العمدة
قلت لي الجالية بتعمل ليك كاروشة هاهاها ياخي خلي الجالية انا الرفاعي زاتو داير اخسره عشان سيرته مربوطة بالجالية
نشوفك بكرة ان شاء الله , خليك انت الخفيف
كيكي
ياخي الباشمهندس انسخط وباع مقاهينا ورجع للقراية بصورة يحسد عليها , اخشي ما اخشاه ان يجيني يوم بي ( ردا) ويقول داير يبدأ من المتوسطة
صاحبنا الايام ما بتهبش كان سلمت عليهو يسب لي صحاري نجد وقاطنيها
الاخ سليمان الرفاعي
نسال الله ان تكون جمعية عملاقة تمثل طموحنا وتحقق احلامنا الاكاديمية والاقتصادية والاجتماعية
العزيز بشير
اكيد حضورك يكبر كومنا
الاخ خالد العطا
ياخي تجهج شفعك كيف جيب الشفع وتعال وانحنا جايبين شفعنا وجاين خلي الشفع يجهجهونا كلنا , حضورك واسرتك مطلب اساسي
الزعيم يوسف
منو القال ليك بنتحمل فراق عينيك , ما سمعت المثل البيقول الما عنده كبير يسوى ليهو كبير , نحمد الله انك من كبارنا وقادتنا , طبعا مفروض تعزمنا انت لانك في مقام ( الراعي الرسمي للحدث) بعدين انت جاينا من فوق ( اسقاط مظلي) عرفت من اين تؤتى الكتف وجبتها من النهاية يعني ما ضيعت زمنك في المحاسبين الصغار وجيتها من شيوخها , بالتأكيد شرف لينا حضورك ولكل محاسب صغير او شيخ
ابو قصي
ياخي يعزموا ليك شنو , عيب زاتو لو عزموك , اول حاجة انت زول صاحب حارة مفروض تعزم , ويكفي تلفونك المنور الخريطة , بعدين انتو ما ناس بنوك ؟ يعني ماليين , بالمناسبة الموضوع كما علمت لا يخص المحاسبين فقط بل كل اصحاب المهن الاقتصادية . يعني سيك سيك _ من ناحية تانية خالص _ تفك فيني الجماعة اليوم داك ياخي انا يومين يزرزروا فيني 
|
Post: #32
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: ABU QUSAI
Date: 07-15-2009, 07:38 PM
Parent: #31
| Quote: ويكفي تلفونك المنور الخريطة |
دجااااااااااال وبتعرف تحنك كويس (تحنك دي بالمناسبة من لغة قالوا اسمها الرندوك) .
لكن كدي خلي واحد من جماعتكم ديل يضرب لي كان ما أحوله ليكم الاتجاه المعاكس .
وتسلم يا صاحبي من الزرزرة .
أبو قصي
|
Post: #33
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: قيقراوي
Date: 07-15-2009, 08:03 PM
Parent: #32
| Quote: قيقا دا عارفنو " شايقى " .. |
يا ريس انا من جماعة عمك ازهري . . . ياهون ديل الشايقية :
| Quote: لكن كدي خلي واحد من جماعتكم ديل يضرب لي كان ما أحوله ليكم الاتجاه المعاكس . |
يا ابو قصي و الله عنية كدا ابيت اغير الرقم في الخريطة رغم تنبيه عم / فتحي الصادق من اول يوم
تشكرات كتيرة و الله يا شباب
و النجيضة اداكم ليها اساسي ، ها ناس تعزمونا و لا نعزمكم ؟!
و بالله امانة وصلوا الدعوات للبروف ميرغني عبد العزيز و د. صلاح التجاني و بقية عقد الملتقى الفريد بحق
و يا بورداب سودانيز الغير . . . اها انتوا برضوا راجين عزومة ؟
|
Post: #34
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: مجدي عبدالرحيم فضل
Date: 07-16-2009, 10:30 AM
Parent: #33
نصلكم ما تجونا نعزمكم ماتوصلونا (مفترق طرق توصل حسابياً لمربط الفرس ومنزل الأحلام)
أساسي ،قيقراوي ،عبدالعزيز كنزي درجة ثالثة مامعانا أولي وناصية حباب الأحباب.
،،،،أبوقصي،،،،
|
Post: #35
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: يوسف محمد يوسف
Date: 07-16-2009, 11:24 AM
Parent: #34
قيقا
( عزومة مراكبية )
احنا ذاتنا الدخلنا مع المحاسبين الصغار ديل شنو !!
يا " جربنديا " ... جربنديا دى حلوة مش كدا .. انا ذاتى اتكيفت منها
المهم
امس شيوخكم الكبار " ازهرى ابو عشة و فتحى الصادق " اتصلوا امس و لمدة
اكثر من ساعة بعتذروا .. و قالوا لى معليش الجماعة ديل لسه " صغار "
اعذروهم ... اها ما جبتو النضم لروحكم ؟ .. تستاهلوا انت و اساسى
|
Post: #36
Title: Re: المحاسبين بالغربية - منطقة مكة - لقاء تاريخي يوم الخميس 16/07/2009م
Author: محمد حسن العمدة
Date: 07-16-2009, 03:53 PM
Parent: #35
اوع من الشكل بس
ربنا يتمم علي خير
|
|