Post: #1
Title: دعوة عامة لحفل الجالية بانتوربن(بلجيكا)
Author: waleed dawash
Date: 06-27-2009, 01:57 PM
Parent: #0
بسم الله الرحمن الرحيم
يسر اللجنة التنفيذية للجالية السودانية (انتوربن) دعوتكم
لحضورالحفل المقام بمدينة انتوربن
في تمام الثامنة مساء يوم الاثنين
الموافق 6/ يوليو 2009
ويحيي الحفل الفنانة هاجر كباشي
والفنان عبدالله البعيو
ويسبق ذلك لقاء وفد جهاز شؤن العاملين بالخارج
باعضاء الجالية .
والدعوة مفتوحة لكل السودانيين واصدقائهم
ببلجيكا والدول المجاورة.
وشكرا
اللجنة التنفيذية للجالية السودانية
(انتوربن) بلجيكا
المكان
Adolf Martelmansstraat 18,
2160Wommelgem
|
Post: #2
Title: Re: دعوة عامة لحفل الجالية بانتوربن(بلجيكا)
Author: Sidgi mattar
Date: 06-27-2009, 06:44 PM
Parent: #1
الاخوان باللجنه التنفيذيه بانتويرب
تمنياتنا لكم بالتوفيق
وجالية بروكسل معاكم باذن الله
تخريمه..............
اخوى وليد الصوره دى بتاعتك
|
Post: #3
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 06-27-2009, 11:28 PM
Parent: #2
وليد تمنياتنا بالتوفيق لذلك اليوم خاصه ان انتويرب تحتضن احتفال بهذا الحجم للمره الثانيه
بعد الاحتفال الضخم الذي احياه الفنان القامه عبدالقادر سالم بالمركز الثقافي لمدينة انتويرب
|
Post: #4
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 06-27-2009, 11:30 PM
Parent: #3
Quote: تخريمه..............
اخوى وليد الصوره دى بتاعتك |
تدفع كم وافك لك الشمار !!!!!!؟؟؟؟؟
|
Post: #5
Title: Re: دعوة عامة لحفل الجالية بانتوربن(بلجيكا)
Author: mohamed kabbar
Date: 06-28-2009, 01:21 AM
الاخوان فى انتويرب
معاكم فى مهرجان الفرح و مذيدا من الابداعB]
|
Post: #6
Title: Re: دعوة عامة لحفل الجالية بانتوربن(بلجيكا)
Author: waleed dawash
Date: 06-28-2009, 09:41 AM
Parent: #5
الاخ صدقي
لازم وضروري تكونو معانا.
| Quote: اخوى وليد الصوره دى بتاعتك |
لا لا ياخ ماتظلمني انا ما قدر كده ياخ..هه
دي صورة ابن عمي واخي عادل(ابوحسين) احدضحايا
ثورة التصحيح بالمنبر.
|
Post: #8
Title: Re: دعوة عامة لحفل الجالية بانتوربن(بلجيكا)
Author: waleed dawash
Date: 06-28-2009, 09:51 AM
Parent: #5
Quote: الاخوان فى انتويرب
معاكم فى مهرجان الفرح و مذيدا من الابداعB |
شكرا يا دكتور ووجودكم يسعدنا .
|
Post: #7
Title: Re: دعوة عامة لحفل الجالية بانتوربن(بلجيكا)
Author: waleed dawash
Date: 06-28-2009, 09:47 AM
| Quote: تدفع كم وافك لك الشمار !!!!!!؟؟؟؟؟ |
نحن بندفع ليك وبنشمشرك بس تعال يوم الاثنين.
|
Post: #9
Title: Re: دعوة عامة لحفل الجالية بانتوربن(بلجيكا)
Author: waleed dawash
Date: 06-28-2009, 07:31 PM
Parent: #7
والله يابكري لو رفعت البوست ده
فوق , تكون ما قصرت تب.
|
Post: #10
Title: Re: دعوة عامة لحفل الجالية بانتوربن(بلجيكا)
Author: خالد حاكم
Date: 06-28-2009, 07:46 PM
Parent: #9
Quote: ويسبق ذلك لقاء وفد جهاز شؤن العاملين بالخارج
باعضاء الجالية .
|
الاخ وليد داواش
سلامات
جهاز شئون العاملين بالخارج عندو شنو عندكم عشان ما تلتقى باعضاء الجالية؟
|
Post: #11
Title: Re: دعوة عامة لحفل الجالية بانتوربن(بلجيكا)
Author: waleed dawash
Date: 06-28-2009, 10:00 PM
Parent: #10
الاخ خالد حاكم
وعليكم السلام والرحمة والبركة
| Quote: جهاز شئون العاملين بالخارج عندو شنو عندكم عشان ما تلتقى باعضاء الجالية؟ |
نحن من طلبنا لقائهم.
عليه يكون السؤال..... نحن عندنا شنو عندهم؟
|
Post: #12
Title: Re: دعوة عامة لحفل الجالية بانتوربن(بلجيكا)
Author: Sidgi mattar
Date: 06-29-2009, 01:03 AM
Parent: #11
جاينكم انشاء الله يا وليد
حمزه
منتظرين الشمار
|
Post: #13
Title: Re: دعوة عامة لحفل الجالية بانتوربن(بلجيكا)
Author: waleed dawash
Date: 06-29-2009, 05:34 PM
Parent: #12
|
Post: #14
Title: Re: دعوة عامة لحفل الجالية بانتوربن(بلجيكا)
Author: Sidgi mattar
Date: 06-29-2009, 05:42 PM
Parent: #13
باقى ايام يابكرى
خلى البوستات قوق
|
Post: #15
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 06-29-2009, 08:06 PM
Parent: #14
Quote: لا لا ياخ ماتظلمني انا ما قدر كده ياخ..هه
دي صورة ابن عمي واخي عادل(ابوحسين) احدضحايا
ثورة التصحيح بالمنبر. |
ماتصدق ياصدقي .......... ادفع وبديك الاكيده
|
Post: #16
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 06-29-2009, 10:43 PM
Parent: #15
Quote: الاخوان فى انتويرب
معاكم فى مهرجان الفرح و مذيدا من الابداع |
دكتور كبار
التحايا لك ولشباب قنت
|
Post: #17
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 06-30-2009, 08:56 AM
Parent: #16
Quote: باقى ايام يابكرى
خلى البوستات قوق |
|
Post: #18
Title: Re: دعوة عامة لحفل الجالية بانتوربن(بلجيكا)
Author: mohamed kabbar
Date: 06-30-2009, 12:00 PM
Parent: #14
الاخ بكرى
خلى
البوستات قوق علشان كل الناس الحلوين يشرفونا و يشاركونا فى مهرجان الفرح
|
Post: #19
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 06-30-2009, 03:49 PM
Parent: #18
*
|
Post: #20
Title: Re: دعوة عامة لحفل الجالية بانتوربن(بلجيكا)
Author: خالد حاكم
Date: 06-30-2009, 06:34 PM
Parent: #19
Quote: نحن من طلبنا لقائهم.
عليه يكون السؤال..... نحن عندنا شنو عندهم؟ |
الاخ وليد
ماشى يا عزيزى , لكن فى كل الاحوال انا ا قصد الهدف شنو من اللقاء ؟ وعلاقة الجالية بالجهاز؟
ياريت لوتكرمت بالاجابة
مع خالص الشكر
|
Post: #21
Title: Re: دعوة عامة لحفل الجالية بانتوربن(بلجيكا)
Author: إبراهيم عبد الحليم
Date: 06-30-2009, 08:33 PM
Parent: #20
سهرة ناجحة
بس الأثنين صعيب
الشغل يا عمك
إبراهيم عبد الحليم
|
Post: #22
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 06-30-2009, 08:55 PM
Parent: #21
Quote: بس الأثنين صعيب
الشغل يا عمك |
اعمل كرانك ياعمك
|
Post: #24
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 07-01-2009, 07:45 PM
Parent: #23
Quote: أخى حمزة
الظا هر نسيتنى جيناكم مرة كاريبو وأنا فى انتويرب
كدى هاك أسمع الأغنية دى
أغنية للأطفال أهداء لأبنك |
ابراهيم لك التحايا مجددا
والله شكلنا عجزنا وبقينا ننسي
ولك الشكر بلا حدود علي الاغنيه الجميله ...... وجميله بحق
وبابكر ولدي بقول لك برضو مشكووووور كميات
|
Post: #25
Title: Re: دعوة عامة لحفل الجالية بانتوربن(بلجيكا)
Author: ود الباوقة
Date: 07-01-2009, 07:50 PM
Parent: #24
موفقون بعون الله ..
|
Post: #32
Title: Re: دعوة عامة لحفل الجالية بانتوربن(بلجيكا)
Author: mohamed kabbar
Date: 07-04-2009, 04:24 PM
Parent: #25
اخونا و د الباوقة سلام
كنا دايرنك تجى عشان الصقرية
معليش المر الجاية
|
Post: #26
Title: Re: دعوة عامة لحفل الجالية بانتوربن(بلجيكا)
Author: عمر سعد
Date: 07-01-2009, 07:51 PM
Parent: #24
طبعا جاليه بلجيكا من الجاليات القليله المدعومه من جهاز المغتربين هى وجاليه ليبيا
فلازم تكون فى مشاورات ...................................
يا اخوانا انتو عندكم الفنان مدنى لية ما خاتينو فى البرنامج
ولا لا كرامه لنبى فى قومه.....
قدمو لجهاز المغتربين العندكم مش\ العندهم ..
|
Post: #27
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 07-01-2009, 08:37 PM
Parent: #26
عمر سعد تحياتي لك
| Quote: طبعا جاليه بلجيكا من الجاليات القليله المدعومه من جهاز المغتربين هى وجاليه ليبيا |
يعني من كل السودانيين الفي الغربه وجالياتهم ..... بس بلجيكا وليبيا الراضي عنها السلطان ؟؟؟؟؟؟
|
Post: #28
Title: Re: دعوة عامة لحفل الجالية بانتوربن(بلجيكا)
Author: waleed dawash
Date: 07-01-2009, 10:04 PM
Parent: #27
الاخ خالد
| Quote: وعلاقة الجالية بالجهاز؟ |
جهاز السودانيين العاملين بالخارج.
ونحن سودانيين عاملين بالخارج.
|
Post: #29
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 07-02-2009, 06:57 PM
Parent: #28
فوق
|
Post: #30
Title: Re: دعوة عامة لحفل الجالية بانتوربن(بلجيكا)
Author: خالد حاكم
Date: 07-02-2009, 09:09 PM
Parent: #29
Quote: جهاز السودانيين العاملين بالخارج.
ونحن سودانيين عاملين بالخارج. |
الاخ وليد
هل معنى كلامك كل السودانيين فى جاليتكم سودانيين عاملين بالخارج بمفهوم الجهاز?
|
Post: #31
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 07-04-2009, 01:21 PM
Parent: #30
Quote: الاخ وليد
هل معنى كلامك كل السودانيين فى جاليتكم سودانيين عاملين بالخارج بمفهوم الجهاز? |
الاخ خالد حاكم تحياتي لك
ردا علي سؤالك بالتأكيد ليس كلهم ولكن النسبه الاكبر منهم بمفهوم الجهاز ..... نعم سودانيين عاملين بالخارج .
ولكي اوضح لك اكتر
اذا كنت ترمي الى امر اللجوء فالنسبه الاكبر من السودانيين ببلجيكا خارج دائرة اللجوء !!
اما اذا كنت ترمي الي شئ اخر فالرجاء توضيحه لكي نفيدك .
سؤال جانبي
هل انت موجود بهولندا ؟؟؟؟
|
Post: #33
Title: Re: دعوة عامة لحفل الجالية بانتوربن(بلجيكا)
Author: waleed dawash
Date: 07-04-2009, 09:47 PM
Parent: #31
الاخ خالد حاكم
زي ما قال ليك الاخ حمزة
لو عندك حاجة ياريت تقولها بوضوح.
و اسلوب الدردقه ده مابجدي معاي.
|
Post: #34
Title: Re: دعوة عامة لحفل الجالية بانتوربن(بلجيكا)
Author: خالد حاكم
Date: 07-05-2009, 01:58 PM
Parent: #33
Quote: الاخ خالد حاكم تحياتي لك
ردا علي سؤالك بالتأكيد ليس كلهم ولكن النسبه الاكبر منهم بمفهوم الجهاز ..... نعم سودانيين عاملين بالخارج .
ولكي اوضح لك اكتر
اذا كنت ترمي الى امر اللجوء فالنسبه الاكبر من السودانيين ببلجيكا خارج دائرة اللجوء !!
اما اذا كنت ترمي الي شئ اخر فالرجاء توضيحه لكي نفيدك .
سؤال جانبي
هل انت موجود بهولندا ؟؟؟؟ |
الاخ حمزة
شكرا ليك على الافادة
لم اقصد اللاجئين فقط ما انو اليوم النسبة الكبيرة من السودانيين المتواجدين فى اوربا الغربية وامريكا واستراليا وكندا لاجئين , منهم من خرج من دائرة اللجوء بمنحه جنسية تلك الدولة ومنهم مازال مقيما باقامة اللجوء كما تعلم , لكن اقصد الاخرين من غير الطلبة, (موظفى المنظمات والسفارات والاطباء والمهندسين والمستشارين واساتذة الجامعات وغيرهم من العاملين المقيمين بواسطة الجهة المخدمة فى بلدان اقامتهم وهؤلاء فئة اقدم بعشرات السنين فى اوربا وامريكا من اللاجئين وبالضرورة تجنسوا بجنسية تلك الدول حسب شروط العاملين وليس اللاجئين مع الاحتفاظ بجنسيتهم السودانية والكثيرين منهم يستخدمون جوازاتهم الاجنبية فى حلهم وترحالهم من والى السودان ودول اخرى فى العالم لسهولة الحركة بالجواز الاجنبى , ولهذه الاسباب استغربت كيف يوجد فى بانتوربن عاملين سودانيين بمستوى جالية عندها علاقة بجهاز العاملين بالخارج مثلهم مثل العاملين السودانيين بدول الخليج . !
نعم انا فى هولندا
التعديل لتصحيح خطا املائى لاسم المدينة البلجيكية كما هو مكتوب بعنوان البوست
|
Post: #35
Title: Re: دعوة عامة لحفل الجالية بانتوربن(بلجيكا)
Author: خالد حاكم
Date: 07-05-2009, 02:26 PM
Parent: #34
Quote: الاخ خالد حاكم
زي ما قال ليك الاخ حمزة
لو عندك حاجة ياريت تقولها بوضوح.
و اسلوب الدردقه ده مابجدي معاي. |
الاخ وليد
يا سيدى
لا دردقة لا يحزنون
مااتخيلت انو يكون فى عاملين سودانيين تابعين لجهاز العاملين بالخارج وعلى مستوى جالية فى مدينة اونتوربن وغير كده اول مرة اسمع سودانى مغترب فى اوربا والا امريكا والا استراليا وكندا جاب سيرة الجهاز , لكن سمعت بشئون الاجانب التابع لوزارة الداخلية السودانية , وقبل اكثر من عام كان فى وفد منهم فى امريكا للترويج لبطاقة الاجانب وسط السودانيين هناك لعلمهم ان هؤلاء لا علاقة لهم بجهاز شئون العاملين بالخارج ولابد من ايجاد وسيلة للجباية منهم باسم بطاقة الاجنبى !
شكرا ليك وماتتضايق!
|
Post: #36
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 07-06-2009, 01:44 AM
Parent: #35
Quote: الاخ حمزة
شكرا ليك على الافادة
لم اقصد اللاجئين فقط ما انو اليوم النسبة الكبيرة من السودانيين المتواجدين فى اوربا الغربية وامريكا واستراليا وكندا لاجئين , منهم من خرج من دائرة اللجوء بمنحه جنسية تلك الدولة ومنهم مازال مقيما باقامة اللجوء كما تعلم , لكن اقصد الاخرين من غير الطلبة, (موظفى المنظمات والسفارات والاطباء والمهندسين والمستشارين واساتذة الجامعات وغيرهم من العاملين المقيمين بواسطة الجهة المخدمة فى بلدان اقامتهم وهؤلاء فئة اقدم بعشرات السنين فى اوربا وامريكا من اللاجئين وبالضرورة تجنسوا بجنسية تلك الدول حسب شروط العاملين وليس اللاجئين مع الاحتفاظ بجنسيتهم السودانية والكثيرين منهم يستخدمون جوازاتهم الاجنبية فى حلهم وترحالهم من والى السودان ودول اخرى فى العالم لسهولة الحركة بالجواز الاجنبى , ولهذه الاسباب استغربت كيف يوجد فى بانتوربن عاملين سودانيين بمستوى جالية عندها علاقة بجهاز العاملين بالخارج مثلهم مثل العاملين السودانيين بدول الخليج . !
نعم انا فى هولندا |
الاخ خالد تحياتي لك مجددا
ابدا لك من حيث انتهيت (وجودك في هولندا) هذا الامر سوف يقصر لي المسافه ويقلل لي الكثير بالنسبه للتوضيح .
بدأت بلجيكا منذ عام 2000 بتشريع مايعرف بي regularisatie او مايعرف وسط السودانيين بالتسويه وهذا الامر
اشبه الي حدما بالباردون عندكم في هولندا والاختلاف بينه وبين الباردون انه يتم منحه في جواز سفر بلدك الاصلي
والباردون في جواز سفر قائم بزاته ويسمح لك هذا التشريع بالتنقل بين بلدك الاصلي وبلجيكا دون قيود
ويسافر الناس الي السودان من البوابة الرئيسيه ويعودون الي بلجيكا من بوابتها الرئيسي وليس (كرباوي) .
هذا التشريع استفاد منه الكثير من السودانيين واخذوا علي ضوءه الاقامه بغض النظر عن سبب وجوده ببلجيكا
حتي الذين كانوا لاجئين بمجرد منحهم تلك الاقامه يتم قفل ملفهم بتاع اللجوء بالضبه والمفتاح .
كذلك هنالك فئة المتزوجون ويحملون اقامات في جواز سفرهم السوداني بسبب الزواج .
وطالما انك بتذهب الي السودان بجواز سفرك (السوداني) يبقي تعاملك في السودان حايكون مع جهاز المغتربين
اذا سوف تصبح من فيئة السودانيين العاملين بالخارج .
طيب ياخالد اخدني انا كحالة وقيم هل يتوجب ان تكون هنالك علاقه ام لا ؟؟؟!!!
لمدة 4 سنوات تقريبا او اقل قليلا كنت احمل الاقامة علي الجواز السوداني وسافرت الي السودان
3 مرات وفي كل مره كنت اذهب لكي احصل علي تاشيرة الخروج وتأشيرة الخروج عند جهاز المغتربين
ويتوجب عليك دفع ضرائب وزكاة وخدمات والذي منه حتي تتحصل عليها ...... اذا اصبحت مسجل لدي
جهاز المغتربين انك مغترب او عامل بالخارج .
الان انا احمل الجنسية البلجيكيه .... هل بمجرد حصولي عليها ارمي جهاز المغتربين وراء ظهري ؟؟؟؟
مع العلم ان البلدين الذَين احمل جنسيتهم يسمحان بازدواجية الجنسيه !!!!
طيب طالما اني كنت في يوم الايام بدفع ضرائب لجهاز المغتربين والان جهاز المغتربين جاء حتي بابي
هل اغلق الباب في وجهه بحجة اني احمل الجنسية البلجيكيه ام افتحهه امامه واستفيد منه ؟؟؟؟؟؟
| Quote: وقبل اكثر من عام كان فى وفد منهم فى امريكا للترويج لبطاقة الاجانب وسط السودانيين هناك لعلمهم ان هؤلاء لا علاقة لهم بجهاز شئون العاملين بالخارج ولابد من ايجاد وسيلة للجباية منهم باسم بطاقة الاجنبى ! |
اتفق معك انها وسيلة جبايه لكن ياخالد تعال نحسبها ونشوف الخسران منو والربحان منه ؟؟؟!!!
قيمة البطاقة حوالي 150 يورو ومدتها خمسه سنوات والرحلة الواحده للسودان وانت لاتملك تلك البطاقه
يكلفك 58 يورو قيمة الفيزا زايدا مبلغ تسدده في السودان لشئون الاجانب يعادل تقريبا على ما اعتقد 20 يورو
الحساب الاجمالي لرحلة واحده للسودان تقريبا 78 يورو ضف الي ذلك السفر والتلتله للمدينة التي تكون فيها
السفاره السودانيه للذهاب اليها والحصول علي الفيزا لانك تعلم اخي خالد ليس كل السودانيين يقطنون في لاهاي
او بروكسل او برلين الى ماشابه ذلك ....... يعني البطاقة دي تقريبا بتمن رحلتين وقس علي ذلك انه ممكن خلال
الخمس سنوات انك تسافر 5 مرات وانا شخصيا اعرف اشخاص يذهبون للسودان كل عام وهنالك بعض الحالات
اكثر من مره في العام !!!!!!
صدقني نحن الكسبانين .
|
Post: #37
Title: Re: دعوة عامة لحفل الجالية بانتوربن(بلجيكا)
Author: احمد محمد بشير
Date: 07-06-2009, 02:16 AM
Parent: #36
سلامات يا ناس بالجيكا..
قولنا نجي نلقي تسجيلات وصور لحفلة بروكسل
وكيــدا بس ما لقينا شي..!!
لقينا القصة جوازات و جنسية وما شابه..
شدو حيلكم شوية يا وليد والكوبي و ما تبخلوا
علينا...
تحياتي
|
Post: #38
Title: Re: دعوة عامة لحفل الجالية بانتوربن(بلجيكا)
Author: mohamed kabbar
Date: 07-06-2009, 04:39 PM
Parent: #1
يلا يا شباب شاركوا ناس انتويرب الفرح
|
Post: #39
Title: Re: دعوة عامة لحفل الجالية بانتوربن(بلجيكا)
Author: خالد حاكم
Date: 07-11-2009, 03:12 PM
Parent: #38
Quote: الان انا احمل الجنسية البلجيكيه .... هل بمجرد حصولي عليها ارمي جهاز المغتربين وراء ظهري ؟؟؟؟
|
الاخ حمزة الكوبى
تحياتى
يا عزيزى هؤلاء حتى ان تمت تسوية امر اقامتهم خارج سياسة اللجوء , لا ينفى عنهم صفة اللاجئ وطلبهم للجؤء فى بلجيكا ووصولهم كلاجئين فيها مهما كانت المبررات , المغترب الذى اقصده هو من اتى الى بلجيكا بعقد عمل تابع لمنظمة او جامعة او مستشفى او شركة ما, للعمل فيها !
شنو جهاز المغتربين , ما يترمى وراء الظهر؟ يا سيدى مافى مغترب بيطيق جهاز المغتربين , واسال الغالبية من اخواننا المغتربين فى مركز ثقل اغترابنا فى دول الخليج , يا عزيزى الناس مجبورة على هذا الجهاز , لو كان لقوا طريقة فكوها عكس التيار اليوم قبل الغد , ماهى فائدة جهاز المغتربين غير الجباية والاهانة وتعطيل مصالح المغتربين , اوعك تقول لى الاراضى المطروحة من قبلهم اليومين ديل , ياخى دى اراضى فى قيزان ابوضلوع وقهوة التمتام فى طريق شريان الشمال فى طريقك لمروى ودنقلا , يعنى كخطة اسكانية عشان تتعمر وتكون فيها خدمات وحياة , احفادك ما يحضروا اليوم داك , وما معروف اليوم داك المناطق دى حتكون تابعة للشمالية والا الخرطوم, وبعدين ادارة الجهاز اجتمع بلجنة مايسمى ب (البيت السودانى بهولندا ) ووعدهم بمنحهم اراضى , والشئ الذى اعرفه , مافى واحد من لجنة البيت السودانى بهولندا عندو علاقة بجهاز المغتربين غير علاقتهم بالمؤتمر الوطنى ! اذن تعامل الجهاز ببعض مجموعات من السودانيين فى بلجيكا وهولندا وغيرها فى اوربا او حتى امريكا وكندا , ما عندها علاقة بجهاز المغتربين وقانون جهاز المغتربين , انما التعامل من اجل مواقف سياسية تدعم حكومة حزب المؤتمر الوطنى الحاكم والذى ينتمى اليه الامين العام , وهذه المجموعات بالفعل بدات بالمواقف السياسية التى تخدم حزب المؤتمر الوطنى الحاكم بتنظيم مسيرات هنا وهناك , وتكوين اجسام مساندة له!
التعديل بسبب تصحيح اسم الامين العام من الرئيس
|
Post: #40
Title: Re: دعوة عامة لحفل الجالية بانتوربن(بلجيكا)
Author: حمزه بابكر الكوبي
Date: 07-12-2009, 00:17 AM
Parent: #39
| Quote: المغترب الذى اقصده هو من اتى الى بلجيكا بعقد عمل تابع لمنظمة او جامعة او مستشفى او شركة ما, للعمل فيها ! |
الاخ خالد تحياتي مجددا
بغض النظر عن الكيفيه التي جاء بها الشخص الي بلجيكا في النهاية المطاف طالما يحمل جواز
سوداني ...... شاء ام ابي فهو يتعامل مع جهاز المغتربين !!!!
|
Post: #41
Title: Re: دعوة عامة لحفل الجالية بانتوربن(بلجيكا)
Author: خالد حاكم
Date: 07-20-2009, 09:54 PM
Parent: #40
Quote: الاخ خالد تحياتي مجددا
بغض النظر عن الكيفيه التي جاء بها الشخص الي بلجيكا في النهاية المطاف طالما يحمل جواز
سوداني ...... شاء ام ابي فهو يتعامل مع جهاز المغتربين !!!! |
الاخ حمزة
تحياتى
هم شاءوا ولم يابو ,والدليل على ذلك طلبكم للاجتماع بهم ,وارجوك ما تقول لى هم ما لاجئين ! , يا سيدى حملهم لاى نوع من انواع الجواز لا ينفى بانهم طالبى لجوء فى هذه الدول!
بالله عليك الله قول لى , اذا اجتمع بكم هذا الجهاز بصفتكم عاملين بالخارج ( مغتربين) كما قلت , اذن فباى صفة اجتمع باعضاء اللجنة التنفيذية ببيت ما يسمى السودانى ؟ !
يا عزيزى اتى رئيس جهاز المغتربين واعضاء حكومته الى اوربا لتكملة ما قاموا به افراد جهاز الامن فى السفارات السودانية فى هذه الدول من تجنيد لبعض السودانيين واستقطابهم لعمل اجسام موالية للمؤتمر الوطنى بتمويلهم بالمال اللازم وبتذليل كل الصعوبات التى تواجههم!
يا عزيزى اعداد واشراف مثل المهرجانات من صميم عمل وزارة الثقافة فى كل بلدان العالم بالتنسيق مع سفاراتها, وليس من اختصاص اى جهة اخرى فى الدولة , لكن تبنى جهاز المغتربين اشراف هذا المهرجان وحضور الامين العام شخصيا كانت لمارب سياسية تخدم حزب المؤتمر الوطنى , وسؤاله الدائم لرئيس ما يسمى بالبيت السودانى , السيد فكرى حسن احمد , والاشادة به , واجتماعه باعضاء لجنته التنفيذية الذين لا يمتون بصلة بجهاز العاملين بالخارج ووعدهم بمنحهم اراضى سكنية تؤكد هذه الفرضية!
|
|