سودانيس اون لاين . نمازج !! حَصري .. ولا مابقُلو كِده .. يالتريلاااااا ..

كل (رُبع) وانتم طَيبون وطيبات ..

هذا البوست سيحمل نمازح مُستوحاء روحياً من هذا المنتدى ، لكنها لتمد بصلة بأحد بعينه .. فيها فقط روح .. رووووح بس !
ونعتزر مقدماً احتياطياً لأي شئ ..

واقول قولي هذا واستغفر الله لي ولكم وللقراء ..




ونواصل ..

وايضاً نرحب بعود كُل الموقوفين .. ولنسعد بالبقية قريباً يامجيب ..


ــ
وعُقبال رُبع خالي من اي توترات ولا مناتلات !! وكل الأرباع والأرادب القادمة
يااااااااارب ..

نموزج اولاني ..

واثناء وقوفها في محطة البص لاحَظت انهو ينظر لها بأهتمام .. فأخذت نظرته بإستحسان وبخجل القوارير احالت عِينها ارضاً ومن ثَم في الفضاء
وأشغلت تفكيرها بعيد ! .. ولكن في داخل البص لاحظت مجدداً انه ينظر لها بإهتمام بالغ فأمعتعضتها هذه المرة ولم تستحسنها من ما اشاع لمحة غضب ـ جعلت لبراءة وجهها وجماله شكل لورايته لدعوت الى ان يجعل الله كل غضب الدنيا كغضبت وجهها!! .. وأحنقها بشَدة نزوله خلفها في المحطة .. فتوقفت ملتفته بغضبتهاالسيرياليه ، فباغتها ....
ـ السلام عليكم ، انتي موش الأستاذة (.....) الـ (.....) الـ (بتكتبي في سودانيز اون لاين) ؟؟!! ..
ـ نعم ! .. يامرحب ..
ـ في الحقيقة انا اسف للإزعاج لكن والله عشمان لي في طلب ..
ـ طلب شنو ؟! .. {مع إستخراج قرنين الإستشمار} ..
ـ لا في الحقيقة انا كُنت كتبتَ لي بكري ابوبكر !! كم مرة وماشغلبينا الشغلة !! وطبعاً انتي عارفة بكري ده عاوز ليهو دفرة ! ممكن
تساعديني بخدمة تثنيتي عند بكري ووالله انا مابخزلك وبكتب حِلو !! .. قلت شنو ياستاذة ؟! .. وانتي طبعاً وضعك هناك ماشاء الله عيني باردَة ..
ـ {في سِرها} .. الله ينعل سودانيز اون لاين وسنين .... ـ {وبضحكة مصتنعة تايوني} ... لا ، مافي مشكلة برسل لي بكري رسالة، اكتب لي اسمك وايميلك بس ! {ونظرت لساعتها} !! ..
ـ ياسلااااام ياأستاذة وشرع في كتابة الإيميل .. وبإستحسان ورضاء شافي سلمها ايميله وغادرها بعد ان مَلاها فَقُر اعتزارات وتشكرات !!


ونواصل ..

بديت اشك انو في ناس هنا مكشوف عنها الحجاب و بتشوف !

واصل و امتعنا

Quote: بديت اشك انو في ناس هنا مكشوف عنها الحجاب و بتشوف !

تعرفي ياعزاز كشف الحجاب والشوف بيجيبو جنس {طَلتك*} دي ..
ونحمد الله ان وجدتي من هترشاتانا ماأمتعك

وإنشاء الله سأواصل في {الويك اند} كان الله سهل ..



وممنون الطلة* ياحرف ..

والتاني من النمازج ..

ادخل ضيفه غرفته بعد ان فرغاء من وجبة الغداء ، وجلس هو بجانب كمبيوتره واجلس ضيفه بجانبه ، وبوضع يده على الموس
ظهرت صفحة سودانيس اون لاين على الشاشه .. فقراء صاحبنا الضيف الترويسة وبادر بدهشة ..!!
ـ الموقع ده انا سمعت بيهو ! لكن دي اول مرة اشوفو ! ياسلام !!! ده قالوا بكتبوا فيهو ناس كبار وفضاحلة كتار !!
ـ انا زاتو بكتب فيهو !!
ـ يازول !!! عليك الله انت بتكتب فيه؟!! .. اسمع ده موش الأستاذ (.....) الفنان ؟!!
ـ اي بكتب معانا هنا!!! .. { وكلك ضغط على بوست للأستاذ (.....) يتحدث عن اثر الموسيقى السودانية في المجتمعات الغربية }..
وصاحبنا الضيف فاغر فاه بطريقة ياااااحلاوة يولاد بتاعت المصرين ..
ودخل كاتبنا البوست ومرره بدون ان يقراء مافيه حتى وصل لا أخر مداخلة وضغط ايقونة رد !!
وكتب الأتي ..... يا(....) !! .. امتعنا يافنان !! لك موتي !! .. وكليك اضف الرد !!..
ـ بالله انت بتعرفوا ؟ ياسلام !! ..
ـ كيف ياااخي ده فرده !! ..
وقراء صاحبنا الضيف ايضاً .. بعض من الشخصيات المعروفة العامة !!
ـ والأستاذ (....) برضو ؟ , وياسلام و (....) برضو ؟ ..
ـ كيف ياأخي ديل كُلهم فرد!!!! ..
ـ شايف الأستاذ (....) ردَ عليك ..
وكلك ..

وجاء رد الأستاذ (....) كعادته مع الجميع رقيق وودود ..
كيف ياحبيب متعك الله بالصحة .. وواصل معانا في البوست ده ..
ودمت ياغالي ..

فخرج صاحبنا الضيف وهو يردد في سِره { بختو والله محظوظ بعرف ناس قامات وفضاحلة .. عامل راسو المصرج ده !! }




وسنواصل ..

وتتوالى النمازج ..


تررررن ترررررن .. تررررن ترررررن
ـ الو يامرحب
ـ الو سلام .. انا (.....) راجع إيميلك الأخ بكري رسليك باسويرد ! .. يلا سلام ومبروك ! وريني الحاصل !! .. وتاني نتلاقى بي قادي !! ..
ـ يااسلااااام .. ياأخي ده خبر الموسم !! .. اشكرك كتير .. ياسلأااااااام !! .. طيب .. طيب يلا سلام ...

وعند اقرب انترنت كافي عرج داخلة وبفرحة اطفال بقدوم عيد.. تقدم للكومبيوتر بعد ان اشار اليه صاحب المقهى ، وجلس بكل خلجات يغمرها احساس سعادة بالغة ونشوة ، زادت واينعت بعد رؤيته لأيميل من بكري على ايمله يعلن له بمنحه باسويرد كذا ..... وانتفخت ازدياداً بعد ان استعمل الباسويرد داخل المنتدي وجاءه {براوزر} مرحباً (.....) !! .. فغمره احساس ان يقف ويتفَنِس بزغرودة بمنتصف المقهى لكن سرعان ماابعدها فهو لا يملك الشجاعة لذلك !! .. لكنه اطلقها بداخله ايووووووووووو يووووووووووو يووووووووو !!!!!! .. وبسرعة جرب المفتاح الجديد على كم بوست من شاكلة العزاءات والتهاني وعلق في بوست عن كورة بسطرين .. وفي كل بوست نزل مداخلتين مكررات ويمكن ثلاثة !! ..
ولم يساين اوت وغادر المقهى وهو كما ستقام مراسيم زواجه اليوم مساءاً !! .. وعند اول المنحنى لبرندات السوق قابل بنت خالته وصديقتها ..
ـ هي يا (.....) بتتحاوم بجاي مالك ؟!! ..
ـ كيفكم .. جاين من وين ؟ انا ماشي مشوار ..
ـ سلم طيب !! ده (...) ابن خالتي دي (...) صحبتي ..
ـ اتشرفنا يامرحب ..

وأستاذنت بنت الخالة لجلب مجلة من المكتبة القريبة ..

وهنا باغتة (الصاحبة) صاحبنا بسؤال !....
انت شغال وين ؟!!!
ـ انا ؟ أنا صحفي !!!
ـ وين ؟ بتكتب وين في يتو جريدة ؟!!
ـ انا؟ انا بكتب في سودانيز اون لاين !!!!!!!!!

انتو البوست ده ممسَح بزيت تدليك !!!! شنو زييييييييظ الصفحة الثانية !!!!

Quote: وهنا باغتة (الصاحبة) صاحبنا بسؤال !.... انت شغال وين ؟!!! ـ انا ؟ أنا صحفي !!! ـ وين ؟ بتكتب وين في يتو جريدة ؟!! ـ انا؟ انا بكتب في سودانيز اون لاين !!!!!!!!!

ود الجزولي

سلامات

اول ضحكة في نهار الأحد هذا..

بوست خفيف الظل وظريف..

نتابع..

تحياتي

Quote: اول ضحكة في نهار الأحد هذا..

اخي عبد العزيز تضحك دائماً نهاراتك حتى تبَان طوارسها ..
وسِعدن ايامك يابا ..

فائق تقديري
وامواج سعادتي تعلو وانت على شواطئنا

ومشكور على المرور

Quote: اخي عبد العزيز تضحك دائماً نهاراتك حتى تبَان طوارسها .. وسِعدن ايامك يابا .. فائق تقديري وامواج سعادتي تعلو وانت على شواطئنا ومشكور على المرور

الأخ الجزولي


أسعد الله اوقاتك.

الساعة 8م الآن والأمطار ما زالت مستمرة منذ الظهر.. الجو صفا.. وأحلى كمان لما تجد ما يسر في المنبر..


نتابع معك.. وننتظر مزيدا من النماذج..



تحياتي
عبدالعزيز

Quote: كمان لما تجد ما يسر في المنبر..

شكراً ياأخي عبد العزيز وانت تزيد التواصل سقَيان ..

تعرف برغم المابيسُر الكتير ده ! تلاقي هناك البِسُر وبالكوم والردوم .. هههه
لا تتابع بقراءة عناوين البوستات اولاً اقراء الكُتَاب اولاً .. طريقة اتابعها منذ امد مع هذا المنبر واتية بنجعان مفيد !! ..
حاول جًربها ولن تندم ..

وطبعأً حأواصل في نهاية الأسبوع لأن الويك اند انتهى ومعمعة بداية الكبسيبة الحياتية بدت .. فنوعدكم بمزيد من النمازج بقدرة كريم ..

وكل اسبوع وانت طيب .. ياطيب يازين ..


في امانة الوديع ..

الظاهر راس (البوست) هبش !!



ـــ
هبش ارومو

مرحب بـ(الويك إند) والقَزقزَه هنا ...

.
.

نموذج فنتازي ..




اخونا ( م) .. سودانيزاوي .. دَخلَ المنبر من مكتبة صباحاً وكتب البوست التالي ...

.. (اني اتهمك يا(ط) في شرفك !!) ..

وشحن البوست بصفائح شتائم واكياس سِباب .. ونعلَ سلسفسين اجداد وحبوبات ناس (ط) وعشائر جيرانهم !! ..

وكِلك .. تووووف الصفحة الأولى ! ..

وباشر مهام يوميه العملية بعادية .. وانهى دوام يومه .. وغادر صوب المنزل .. وفي الطريق عرج على الـ{انترنيت كافي} وأخذ مجلس
وفتح صفحة الموقع {سودانيز اون لاين} وطالعَه البوست {اني اتهمك يا(ط) في شرفك} يحمل 140 مداخلة ! و 13613 مشاهدة ! فإبتسم بخبث !!! ..

وأدخل مداخلة هذه المرة بأسم (ط) تقول الأتي ...

يا (ك) لك الله يارجل
اني اعفو عنك
عسى الله يغفر لك


..

وأدرك (شهيار ابوبكر) الصباح
فكان
البوست
في
الخور ! ..


*

متعكـ الله بالصحة والعافية ياخ!

الاخ الجزولي
متعك الله بالصحة والعافية
حقيقي دا حاصل معانا
سودانيز اونلاين فضلها كبييييييير علي انا شخصيا
واليك هذه المواقف الحقيقية اللي حصلت معاي
على سبيل المثال لا للحصر
ونحن بنعد العدة للمجئ لماليزيا
دخلوا الجوازات عند القنصل
وكان معاه نائبه والسكرتيرة بتاعته
المهم بعملوا جيك اب على الجوازات للتاشيرة وكدا
فاذا به لمن جاء الدور على جوازي .. وقف عنده كتيييييير ... وقعد يتكلم بلغتهمم مع السكرتيره المعاه....
زولنا الشايل الجوازات قلق وساله في شنو!!!!!!
رد ليه الزول المعاه بالعربي انو بيقول لي : عرف اسمي وصورتي من سودانيز اونلاين........


الموقف التاني : (براية مووش... ههههه)
بعد ما وصلنا ماليزيا... معاي واحدة سودانية زميلة ... اتصلت عليها قريبتها من استراليا...
وبتسال في زميلتي ...
اها وصلتوا كيف.. وجيتوا كم نفر .... وووو
زميلتي ردت ليها معاي ( ) شخص .... ونحن ( ) نساء... فلانه وفلانه وميادة
قالت ليها ميادة كمال ولامن
زميلتي اتخلتعت وقالت ليها والله ما متاكدة
المتصلة قعدت توصف فيني من خلال صورتي اللي شافتها في المنبر........
ووووووو ... غيرها من المواقف


فاذا بمنبر بكري ابو بكر السبب في اني اضفت صداقات ومعارف كتثيرة في قاموس حياتي
والفضل يرجع لبكري ابو بكر.... بعد الله سبحانه وتعالي

Quote: عرف اسمي وصورتي من سودانيز اونلاين ........

الأخت ميادة كمال

حمد لله على السلامة العودة للمنبر .. وحمد لله البلغت اقدامك مرماها بالأراضي (الماليزياَ) .. بالنجاحات والتوفيق ..

بعدين تعالي هنا انتي خَاته صورتك واسمك بتاعين البروفايل المنبر ! في الجواز ؟! ..
غير كده الزول ده قَطع شَك بِكتب هنا !
كدي النشوف الموضوع ده مع د. نجاة !! ..

Quote: (براية مووش ... ههههه ) ..

مووش شدييييييد ! هههه {ماتتحسسي} ..

وشكراً ميادة المرور والمساهمة ..
خالص تقديري

Quote: متعكـ الله بالصحة والعافية ياخ!

ود الصائم

ياأخي .. متع الله ايامك بالصحة
والعافية
والهنا
وراحة البال
وينال
من
ذلك
النصيب
كل من تحب


عشان تِأامِن


ـــ
وتشكرات ..

اخوي بالتواتر

الله يديك العافية انت عمي عوض رحمة الله عليه جيناتو دي فيهاجن كلكي كتابة ولاشنو؟

غايتوما قصر معاكم وانتو ما تقصروا معانا
اكتبو ما تقيفو تب

سمح؟

تعرف بقرأ ليك (تقريبا) كل مداخلاتك بالاضافة لي بوستاتك , وما من قريب من زمان , لكن في الغالب ما بشاركك فيها لاني عارف انك زول لئيم ومسيخ , متابع بوستك دا ليس كالعادة او زي ما بتابعك زمان وبقرا وامشي , المرة دي تابعته من لحظة كتابتك ليهو يعني اقدر اقول بارتياح اول واحد دخل البوست دا انا واحتمال سبعين من الثلاثمائة وخمسين الشافوا البوست دا تكون زياراتي ليهو , طبعا ما تابعته حبا في مساختك ولا رغبة في رؤية لآمتك , ولكن طمعا في انه القي لي (مقص ) مناسب , يعني بالعربي كنت متربص بيك وانت عارف طبعا ليه , للاسف الشديد ولسؤ حظك كيفني جدا كلامك الكتبته فوق دا , لا ما كدا بس حسيته وقع لي في جرح , يعني بارتياح اقدر افصل نفسي علي مداخلتك عن الصحفي الذي يكتب في سودانيز اون لاين .
الحاجة الوحيدة الدعتني لانه احترم ناس عمك حسن زلابية هي وصلهم باللآمة والمساخة الي مداها يعني منجضنها , فانت كمان ما دام طارح نفسك تجاهي زول لئيم ومسيخ اتوقع منك انك تنضج شغلتك , يعني علي احسن الفروض تتجاهل مداخلتي دي او ترد عليها بما يليق ومساختك ولآمتك , او تتجاهل البوست دا كلو كلو وما تجيهو تاني لا ويك اند جاي او ما جاي وكانك ما كتبتو زاتو , طبعا لازم تعرف انه حبيت اجربك بالمداخلة دي اشوفك سوداني ساكت زيك وبقيتنا الذين يعشقون الاطراء وحسن الثناء عليهم , ولا زول عندك مبادئ راسخة لا تهتم وتروهات الشكر والاطراء ؟

لحين عَودة !

.
.

ــ
حتى تبقى القراءةَ الـ 71 !!!

اختي عديييل الدكتورة نجاة ..


انتي طبعاً خاصَ لا ينتظر لنهاية الإسبوع للرد عليكم ..

تسلمي كتير .. بس ! ما تغلطي وتختيني مع الفطاحلة ديك عشان مايجيكي {تورم مَخزَلي} في المستقبل !!
وجنس كلاماتك دي البجيب الهواء ! كان ما جَابتو {اوريدي}!! ... كدي اتلفتي !!!! ..

وسعيدين عثوركم على شئ هنا !! ..

بوست في السلك يا محمد يا جزولي

Quote: وطبعاً انتي عارفة بكري ده عاوز ليهو دفرة

اول حاجة عايز ودالصايم يجي هنا يرشق كم سن للإبتسامة

ثم
جاهزين للدفرسوار

خالنا ابو ٍ{الناجحة دوماً} ساندرا والزمَل ..

ولا يخفى على نظرك القابع خلف النظارات انك ايضاً من الذين تُرفع لهم المشغوليات للرد ..

Quote: جاهزين للدفرسوار

هو رجع الحُكم! تااااني ؟! ..{حقوق الوشيش محفوظة لود الصائم} ! ..


وتسلم ياجميل ..

بوست يضرس :).


----

القريبة الردد على المدخلات فى بوست النمازج ده ما بطضرص. خليك كونسيستن ياخى.

Quote: بوست يضرس :).

الأخت ندى

(جاري) التشحيم و التَزيت !! ..


فقط !!

التوضيح في ادناه حتى يتثنى لنا عمل {اللازم} !! ..

Quote: ---- القريبة الردد على المدخلات فى بوست النمازج ده ما بطضرص. خليك كونسيستن ياخى.

وتُشكَري على المرور ..

جمعة مباركة انشاء الله .. بتوقيت استراليا !!



.
.


ولنا عودة ,,

*
نموزج فنتازي { قصير} ..


جلسوا خَمستهم محلقين حول مائدة طعام فاخر في مناسبة لأحد زوي الأنعام ، وبعد ان التهموا المطايب في صمت صوفئ ! وفرغوا منها .. توجهوا في توالي للعناية بغسل الأيادي ومضمضة الأفواه وتسليك الأسنان من الحواشر .. وعادوا برضى الروح من الشبع ، ليجلسوا متقاربين مرة اخرى في صالون منزل المناسبة الفخيم .. لتناول الشاي المنكه وتبعاتهُ ...

فبادر احدهم مع إنصباب الشاي وكان الأكبرهم سناً.. شكلاً ومضموناً ....

ـ ياخوانا نتعرف ... عمكم (...) محاسب بشركة (...)
ـ انا (...) طبيب بمستشفى (...)
ـ (...) صيدلي مقيم بكندا في اجازة
{بصوت جماعي } حمد لله على السلامة ياخي ..
ـ (...) موظف بالمطار
ـ انا(...) بكتـ.... بكتب في سودانيز اون لاين مع ناس المهندس بكري ابو بكر !!!! ...

.
.

ونواصل ...








ــــ
* إهداء الى شقيق وتوأم الغربة
وصحبي {نزار عبد الوهاب عبد الجليل} ابن اتبره ..
{قِرقيشْشْشْشْ تلج لمن غلط} ! ..

Quote: إهداء الى شقيق وتوأم الغربة وصحبي {نزار عبد الوهاب عبد الجليل} ابن اتبره ..

نسينا إضافة قارئ ومتابع البورد النَهِم !! ..











ــــ
{ ما قُلت ليك قِرقيشش بالطريقة الصاح } !

ونستطيع بإرتياح ان نقول جمعة مباركة للجميع بكل التواقيت ..
معدا امريكا شاء لها ان نبارك لهم الجمعة يوم السبت ! ..


وسنواصل في النمازج ..

والنمازج تتوالى ..

والفنتازيا تسترسل ..


دَخلوا علية في كافتيريتهُ ، وكانوا التسعة اشخاص .. فرحب بهم كسائر الزبائن الجُدد ، وزاد في ترحيب حَلاَ {فتسعة زبائن غنيمة؟} ..
وتقافز التسعة للجلوس على كراسي التربيزة بمرح وضحك ومشاغلات حميمة ، وكميات من الطلبات لمنتجات الكافتيريا .. ودردشوا ، وإلتقطوا لبعضهم الصور! ، وتحادثوا في تلفوناتهم السيارة ، وإلتقطوا لبعضهم الصور ! .. وكان صاحبنا كل ما دنى لمجلسهم بالطلبات تراخى لسمعة .. وبكثرة .....

ـ سودانيز اون لاين !......... جماعة سودانيز اون لاين !............ مبروك قِبلوك في سودانيز اون لاين !........... فلان دَخل سودانيز اون لاين !.............
سودانيز او لاين !.......
سودا !.....
سو !...
سـ !..

وصاحبنا من زوي الدَخل المحدود ويكاد يكون معدوم بعوالم الأسافير ودنيا الأنترنيت وحياة الكُمبيوتر !! ..

واستمرت جلستهم لساعات طِوال ، وغادروا بعدها ، و بعد ان اثقلوا ايادي صاحبنا بمنسوب مال يتحزم الرضى له رقصاً وطربا ..
وأطلقوا لعرباتهم الفاره العنان ......

.. .. ..
ولم ينقضي الأسبوع حتى عاودوا التسعة الكَرة للكافتيرا ، وهذه المرة بحوزتهم اربعة اشخاص اخرون .. فما من رأى صاحبنا مقدمهم حتى هرع لإستقبالهم مهلاً ومكبراَ ومتملساً ومتلحساً !! بقدومهم الميمون .. وفي رمش من البصر كان قد اعدى مكان وسيع ومريح لمجلسهم .. وهذه المرة كانوا اكثر مرحاً وضحكاً وسعادة ، فأتخذوا مجلسهم ، وفي سرعة مدَّربة تقافزت فلاشات كميراتهم لإلتقاط الصور لبعضهم البعض !! .. وصاحبنا بسعادة الأطفال اذا ما أتاهم ضيفٌ سخي ! مهرولاً لجلب طلباتهم المتزاحمة ! .. وهذه المرة تراخة لسمعه المشرئب دوماً ، ... نغمة جديدة .... !!
سودانيز اون لاين بورداب جدة !
والضيوف الأربعة من .... سودانيز اون لاين ... جدة ... !

.. .. ..
توالوا في الزياريات للكافتيريا وتنوعت الوفود ، وتزايدت الأعداد .....
سودانيز اون لاين امريكا ! ......... سودانيز اون لاين السعودية ! ...... سودانيز اون لاين تبوك ! ....... سودانيز اون لاين جُزر القمر ! ......... سودانيز اون لاين أُم بَهايماً سُمان ! ........ سودانيز اون لاين ترعة القريحيطة ! .......... سودانيز اون لاين من كل فجٍ عميق ! ..........

رجالاً ونساءاً ، شابات وشباب .. وجلاليب وتياب وجينز وإسكيرتات وطِرح {وتي شيرتات}! وجهابيز نسائم العطور حريمي ورجالي وتلفونات سيارة وسيارات فارهه نظارات وحقائب يد وكتف وماركات مختلفة من الـ الكميرات !! .. و تـاااااء تصوير !! ..

وصاحبنا تنضح مسامات خلجاته بسعادة بالغة ، تجاوزت حِدودها و تحت تأثير جُرعة زائدة منها ، هبت له فكرة ! ... ان يستأجر المحلات المجاورة للكافتيريا وفتحها بِرومتها على بعض !! .. للتوسيع !! ... وسرعان مانفضها بحسرة لإستحالتها، وضيق الميزانية ! .. وإستبدلها بخاطرة اخرى إختمرها لحين قدوم ناس ... سودانيز اون لاين !! .. وهكذا كانت كَينونتهم ـن له !! ..


.. .. ..
ولم ينقضي زمن ، واتو ناس سودانيز اون لاين !! ..
وهذه المرة كانو اربعة من الثابتين! .. فأستلا صاحبنا سيف الترحيب من جفيره وهو يلمع بمايختمره !! ... واثناء رصه للطلبات على تربيزتهم كان سمعهِ مرتاح لحديث القِلة ... لكنه ! .... لم يفتح الله عليه باي فهم من ما كانو يتَجازبوه .......!
....... الهكرز ........ !
.......الماسينجر ....... !
.......ايقونات بكري .... !
........ تكويت ...... !
...... البروفايل .... !

فسال وجه صاحبنا بلاهة وتقطرت عيناه غباءاً !! .. واستدركه بهمسة سريعة على أُذن من كان يعتقده انه رئيسهم وكان يَلقبهُ في سره بـ {أب زِنقيلةَ} يطلبهُ فيها على جَنبٍ في اَمر خاص !!! فاستأذن الرئيس {المزعوم من قبل صاحبنا} من قومهِ! .. وتنحى به صاحبنا جانباً ..

ـ والله في الحقيقة انا كُنت داير لي منك خِدمة !
ـ انشـ انشاء الله خِير .. بس على الله تكون في مقدوري ههه !{مع إستعدال للنظارت النظر}
ـ والله كُنت دايرك تشغلي ولدي معاكم ؟ ... وانشاء الله تسفره اييييي حته !
ـ اشـ.. اشغل !... ولدك وين ؟.... ونسفروا وين ؟ !
ـ تشغلوووه في سودانيز اون لاين ! .... وتسفروه اي حته فيها ناسكم ديل ! ...

.
.

.. .. ..
سؤال {ويكنداوي}! كده ولا يقل فنتازيا من زي قبل !!

هل نتطلع ليوم نرى فيه نموزج كهذا باي اللغات ملصَق على احدى مركبات الداخِل او الخارج ؟!! ..

*

"(جاري) التشحيم و التَزيت !! ."

Loools. wash mayit min al dihik.

Quote: al dihik

محتاجين ليهو شديد في زمنا ده ! ولاشنو؟!



ـــ
شكراً

ـــ
*

جني وجن البوست ده....يحتل تحت!!
فـــــــــــــوق..


حبينا نقول سلام...
ونتابع...
و...
بس!!

احترامي وتقديري
هواري

Quote: حبينا نقول سلام...

وحابين ايضاً نكُبو سلام ليك

اخوي هواري

وتسلم يابهيج على المرور

بوست جميل واجمل ما فيهو الحقائق

غايتو ياناس الخرطوم ما ختيتوا بتاع الكافتيريا الزول دا بسحركم وبفرتقكم يا الاربعة






كبيت حبة زيت عشان ما يتزلق للصفحة الخامسة

اختنا SHIBKA

سلامات وشاكرين على الوقوف بهنا ..





ــــ

Quote: غايتو يانسا الخرطوم ما ختيتوا بتاع الكافتيريا الزول دا بسحركم وبفرتقكم يا الاربعة

مالِك دايرة تجيبلينا { شيبكة} مع اهلنا الحُنان ديل .. عشان كده قُولنا نمازج مستوحاااااااء ساكت .. ساكت .. !!





ــ

ومشكورة تاني عَلى الــ { زيت}..

ابقىَ ناطي ..

.

محمد الجزولي
سلامات
وجمعة مباركة ياحبيب

هارون دياب

سلامات ياحبيب
وجمعة مباركة وطيبة لك وللجميع حولك ..


وسعيد بالمرور

*

حامي حمى البورد من الهكر

ود الصائم ..

تسلم يارجل ...

ليك ياعمر جينكس ... فوووووق