Post: #1
Title: عليك الإقلاع وعلينا الزواج ................. ( إمرأة تساوي سيجارة ! )
Author: وليد التلب
Date: 07-03-2009, 08:00 AM
مسابقة الجمعية الخيرية لمكافحة التدخين السعودية نشرت إعلان وعليه العنوان بخط عريض ؟؟ وعندما قدمت الإحتجاجات عليه فند الامين العام للجمعية ( سليمان الصبي ) حيثيات الشعار وقال ليس المقصود ان مكافأة ترك التدخين هو اعطاء المقلع إمرأة ! وهو ما فهم من الإعلان . وان شعار العام الذي مضي هو كان ( عليك الإقلاع .....وعلينا الحج ) فهل الحج يساوي السيجارة ؟ .
من المعلوم سلفا ان الفهم البدوي للمرأة هو فهم خاطئ تماما ، وقد مورست علي المرأة اصناف عديدة من الضغوطات والتفريقات بينها وبين الرجل في هذا المجتمع الذكوري البشع . وطوعت حتي النصوص الدينية لتوافق اهوائهم واغراض انفسهم الدنيئة ، مما جعل المرأة في هذه البلاد كائن درجة رابعة ، وجعلها كالسلعة تباع وتشتري ؟ فهي ممنوعة حتي من كشف وجهها كابسط الحقوق الانسانية ، وممنوعة من قيادة السيارات ؟ ووصل بهم الحال الي عدم نطق اسمها في حالة وجود قراءة لكشف الطالبات للصعود لباص المدرسة مثلا !!! فهم يكتفون بذكر اسم الاب والجد والعائلة لتصعد الطالبة الي بص المدرسة .
|
Post: #2
Title: Re: عليك الإقلاع وعلينا الزواج ................. ( إمرأة تساوي سيجارة ! )
Author: وليد التلب
Date: 07-03-2009, 08:13 AM
Parent: #1
من هي المرأة برايك ؟
هي أمي وأمك
أختي وأختك
زوجتي وزوجتك
ابنتي وابنتك
فلماذا نرضي لها بهذا الذل والتعامل بدونية رخيصة !
في احد فروع بنك الراجحي بجدة تقدمت سودانية عجوز لتستلم حوالة مرسلة من ابنها المقيم بالرياض ، وعندما قدمت الجواز لاستلام الحوالة قال لها احد الملتحين الاشاوش ( غطي وجهك ياحرمة ؟ ) فما كان منها الا ان ردت عليه بقولها :
... أنا ماغطيتو من الرجال ابان عمم ؟ أغطيو من الرجال ابان طرح ديل...
|
Post: #3
Title: Re: عليك الإقلاع وعلينا الزواج ................. ( إمرأة تساوي سيجارة ! )
Author: HAIDER ALZAIN
Date: 07-03-2009, 08:44 AM
Parent: #2
| Quote: ... أنا ماغطيتو من الرجال ابان عمم ؟ أغطيو من الرجال ابان طرح ديل... |
هههههه بتجيب الهواء
بالمناسبة يا وليد وبعد جمعة مباركة وكدة ...
انت عارف شماغات السعوديين ديل لبسهم ليها الحجاج بن يوسف ؟؟!!
في مقولته الشهيرة :
والله لالبسنكم كساء نسائكم وعقال بعيركم !!
|
Post: #4
Title: Re: عليك الإقلاع وعلينا الزواج ................. ( إمرأة تساوي سيجارة ! )
Author: jini
Date: 07-03-2009, 09:00 AM
Parent: #3
| Quote: عليك الإقلاع وعلينا الزواج ................. |
ولو داير تطلق ترجع لى التدخين!
جنى
|
Post: #6
Title: Re: عليك الإقلاع وعلينا الزواج ................. ( إمرأة تساوي سيجارة ! )
Author: وليد التلب
Date: 07-03-2009, 11:58 AM
Parent: #4
| Quote: ولو داير تطلق ترجع لى التدخين! |
ياجني المشكلة بعد الطلاق ترجعها وين ؟
بيت ابوها وللا الجمعية
|
Post: #5
Title: Re: عليك الإقلاع وعلينا الزواج ................. ( إمرأة تساوي سيجارة ! )
Author: وليد التلب
Date: 07-03-2009, 11:21 AM
Parent: #3
حيدر الزين الصديق بنكهة العدو
جمعة جامعة وكلمة سامعة
امال لو قلت ليك التانية كان وديتنا في حديد !
قال ليك برضو سودانية واقفة في مجمع تجاري كده مر بيها واحد من الجماعة عمر سبعطاشر داك والدقينة يادوب خاتة ومعاها مسواك بالجنب ، قال ليها تغطي يا أمة الله ؟ زولتك طوالي قالت ليهو : ما اتغطيت انت الاسمح مني ، تقول لي اتغطي !
دي البتجيب الهواء
|
Post: #7
Title: Re: عليك الإقلاع وعلينا الزواج ................. ( إمرأة تساوي سيجارة ! )
Author: salah ismail
Date: 07-04-2009, 01:43 AM
Parent: #5
اولا سجاره حمره ولا خدره...
والمصيبه انو في ناس بدت التدخين عشان تبطل
|
|