Post: #1
Title: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:17 AM
Parent: #0
لا بنعرف كورة ..
ولا سياسة ..
ولا معارضة ..
ولا ذوق ..
ولا علم ..
ولا فهم ..
ولا أدب ..
ولا دين ..
ولا صعلة زاتها ما بنعرف !!
|
Post: #2
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:26 AM
Parent: #1
ولا بنعرف نحب ..
ولا نكره ..
ولا نخاصم ..
ولا نصالح !!
|
Post: #3
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:28 AM
Parent: #2
نحن السودانيين ..
نحن المنظراتية ..
ملوك التنظير !!
|
Post: #4
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:30 AM
Parent: #3
مافى حاجة بتعجبنا ..
ولافى شئ بملى عينا ..
فصاحة ساكت وطولة لسان !
|
Post: #5
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:32 AM
Parent: #4
فى الكورة ..
كلنا مدربين ..
شياب وشباب وشابات وبنين !!
|
Post: #6
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:38 AM
Parent: #5
فى السياسة ..
كلنا معارضين ..
عارضنا الديمقراطيتين ..
وعارضنا الشريعة ..
وعارضنا العسكريين !!
عارضنا عبود ..
وعارضنا أزهرى ..
وعارضنا النميرى !
وعارضنا المهدى ..
وعارضنا الترابى !
وعارضنا البشير !
وعارضنا المحكمة الدولية !!
حتى حكم الله عارضناه !!
|
Post: #7
Title: Re: والله نحن ما بنعرف أى حاجة ..!!
Author: الكباشى البكرى
Date: 03-29-2009, 09:38 AM
Parent: #5
صلاح
سلام
يازول بشيشك مالك علينا؟
|
Post: #8
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:42 AM
Parent: #7
| Quote: يازول بشيشك مالك علينا؟ |
الكباشى !!
خلينى ياخ والله أنا قفلت معاى !
|
Post: #9
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:45 AM
Parent: #8
داير تبنى ..
كل الناس تبقى ليك مهندسين ..
تحفر كيف ؟
تسقف كيف ما عارف !!
لازم تعمل بيم داير ما يدور !
تبنى بالطوب !
تبنى بالبلوك !
|
Post: #10
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:49 AM
Parent: #9
داير تشترى عربية ...
إشترى تايوتا !!
لا إشترى بوكس عشان بشيل ناس كتار ..
ما تشترى عربية كورية !!
ما تشترى عربية أوتوماتيك !
فى عربات طلعت جديدة !
|
Post: #11
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 09:49 AM
Parent: #9
عيان ..
أمشى لى دكتور فلان ..
دكتور فلان ما تمشى ليهو ..
والله فى مستشفى فتحت جديدة ..
والله المعمل الفلانى داك رهيب ..
ياخ دكتور شنو ؟
أنا عندى ليك وصفة سحرية ..
أسمع عسل نحل ما عندك ؟؟!
|
Post: #12
Title: Re: والله نحن ما بنعرف أى حاجة ..!!
Author: محمد الطيب حسن
Date: 03-29-2009, 09:50 AM
Parent: #8
Quote:
الكباشى !!
خلينى ياخ والله أنا قفلت معاى |
صلاح تعال خش الضل طيب
|
Post: #13
Title: Re: والله نحن ما بنعرف أى حاجة ..!!
Author: معتصم عبدالرحيم
Date: 03-29-2009, 10:08 AM
Parent: #12
وكيف نكون .... الشعب المعلم
لو مابنعــرف كل الحاجات دي كلها
*
*
*
يا ابوالشباب ...توووب واستغفر....
وشيل ...الصبر ... وامسك في يا لطييييييف الطف
دُم في عافيه والاشبال احسن تلبسهم هلال ...( نصيحه اخوية)....
معتصم العربي
|
Post: #20
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 11:00 AM
Parent: #13
Quote: دُم في عافيه والاشبال احسن تلبسهم هلال ...( نصيحه اخوية)....
|
أها ياجماعة !!
شفتو معتصم ده قصدو شنو؟؟
يا أخوانا رايكم شنو ؟
يلبسوا هلال ولّ مريخ ولّ يمشوا عريانين ؟
ولّ أخليهم لغاية ما يكبروا ويختاروا براهم ؟
ويجيك واحد تانى يقول ليك ..
هما إثنين لماذا تخاطبهما بلغة الجمع ؟؟
|
Post: #24
Title: Re: والله نحن ما بنعرف أى حاجة ..!!
Author: معتصم عبدالرحيم
Date: 03-29-2009, 11:40 AM
Parent: #20
| Quote: شفتو معتصم ده قصدو شنو؟؟ |
قصدو شــــريف.....
وواحد من الشعب المُلَم( المعلم )
برضو دُم بعافية.....والعيال...مابنسألك تاني....
العربي
|
Post: #14
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 10:11 AM
Parent: #12
عاوز تتزوج ..
عرّس جعلية ..
والله الشوايقة ديل أحسن نسب ..
لازم تتزوج واحدة طويلة ..
ياخ ما تعرس بت ناس فلان ..
أوعى تكون داير تعرس ..
إنت جنيت ؟؟
والله الدنقلاوية بالها طويل !!
أحسن تتزوج جنوبية من هسى عشان ما تجى تدبل بيها بعدين !!
تانى إنت عملت شنو لأمك وأبوك عشان تتزوج ؟
عليك الله عرّس لى أخواتك ديل بعدين فكّر فى العرس !
|
Post: #15
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 10:15 AM
Parent: #14
والوصف الشائع ..
ياخ ده جنو كورة !
ياخ ده جنو بيع !!
ياخ ده جنو عرس !
ياخ ده جنو نسوان !
ياخ ده جنو صلاة (إتخيلوا بالله) !
ياخ ده جنو قراية !
ياخ ده جنو عرقى !
ياخ ده جنو صيام !
ياخ ده جنو حوامة !
ياخ ده جنو قوالة !
ياخ ده جنو أكل !
ياخ ده جنو كوشتينة !
|
Post: #16
Title: Re: والله نحن ما بنعرف أى حاجة ..!!
Author: الكباشى البكرى
Date: 03-29-2009, 10:20 AM
Parent: #15
Quote:
الكباشى !!
خلينى ياخ والله أنا قفلت معاى |
يازول استهدي بالله
اخليك وانت في الحاله دي كيف ؟
|
Post: #25
Title: Re: والله نحن ما بنعرف أى حاجة ..!!
Author: صلاح أبودية
Date: 03-29-2009, 12:01 PM
Parent: #12
| Quote: صلاح تعال خش الضل طيب |
محمد الطيب !!
كيف حالك ياخ ..
جيت أخش الضل لقيت واحد دفق فوقو موية الغسيل ..
قال عشان زول يخش الضل مافى !
وعمل زيت راجع فى اللستك !
|
Post: #17
Title: ما قلت الا الحقيقة
Author: قرشـــو
Date: 03-29-2009, 10:26 AM
Parent: #1
الأخ صلاح
الفين سلام
والله شرحتنا تشريح دقيق جدا
يسلم لسانك
وفكرك يا سيدى
لكن الحل شنو بس ؟؟؟؟؟
|
Post: #18
Title: Re: ما قلت الا الحقيقة
Author: صلاح أبودية
Date: 03-29-2009, 10:47 AM
Parent: #17
حافظين تاريخ أى دولة ..
السكان الأصليين كانوا فى سدنى !!
ما عارف الدول الإسكندونافية كانت بتبيع العرقى !
ناس برشلونة كانوا أحسن ناس بصلحوا الجزم !
وما عارف منو قتل أبو وجاب ناس الكنيسة ..
وسيطر على العمال والفلاحين !!
وحزب الموظفين غلب حزب العمال !
والمحرقة ..
وتشرشل وموسلينى وهتلر مات بالسم وقتلتو مرتو !
ولو ما راسبتوين كان القاش غرق الرهد !
|
Post: #19
Title: Re: ما قلت الا الحقيقة
Author: صلاح أبودية
Date: 03-29-2009, 10:54 AM
Parent: #18
ولو زول مات ساى ..
دون الدخول فى أسباب موته..
ياخ أدفنو فى حمد ..
لا المرحوم قال أدفنو فى شرفى ..
الصيوان دقوا هنا عشان الشارع ..
لا الصيوان ده لازم يفتح شرق غرب عشان الهواء ..
وفى المقابر ..
الزول ده ما بعرف يحفر ..
ياجماعة جهزوا المطمورة أول !
لا يا زول الواسوق ما هسى الواسوق بعدين !!
يا جماعة الزول ده ما حفر قبر قبل كده !
وين ولد المرحوم ؟؟
يا فلان المرحوم أذاعوا فى نشرة كم ؟
لا لا .. غلط ياخ غلط أمشى جاى ..
لا زح وراء تعال تعال !!
سيبوا ياجماعة !
الفاتحة الفاتحة !
|
Post: #21
Title: Re: ما قلت الا الحقيقة
Author: صلاح أبودية
Date: 03-29-2009, 11:10 AM
Parent: #19
لو بتحب أولادك ..
يقولوا ده بوظ أولادو بالدلع !
لو بتحب أمك ..
يقولوا ده ود امو !
لو بتحب مرتك ..
يقولوا ده بخاف من مرتو !
لو بتحب أبوك ..
يقولوا ده ما عندو شخصية أبو قاطع قلبو !
|
Post: #22
Title: Re: ما قلت الا الحقيقة
Author: صلاح أبودية
Date: 03-29-2009, 11:17 AM
Parent: #21
لو ضحكت ..
يقولوا عليك قليل أدب !!
ولو بكيت .. شيل شيلتك ..
إنت ممكن تكون ضعيف ..
أو زى النسوان ..
أو قلبك خفيف ..
أو ...
بكّاى !
لو إتكلمت ..
كلامك كتير وبرّاى ..
لو سكت ..
ده واحد متخلف ..
بغم ما قالها !!
|
Post: #23
Title: Re: ما قلت الا الحقيقة
Author: صلاح أبودية
Date: 03-29-2009, 11:27 AM
Parent: #22
وتعالوا شوفوا الفتاوى ..
يجوز الوضوء فى الحمام ..
والأخوان والأخوات من الرضاعة ..
والجمع بين الوظيفتين !
والهدى والعقيقة والوكيرة !!
وسنة ختان الإناث !
والصلاة فى البيت ..
وده كلوا كوم ..
واحد بكامل قواه العقلية يقول ليك فى عز رمضان ..
ياخ أنت ما مفروض تصوم !
|
Post: #30
Title: Re: ما قلت الا الحقيقة
Author: صلاح أبودية
Date: 03-29-2009, 01:31 PM
Parent: #17
Quote: والله شرحتنا تشريح دقيق جدا
لكن الحل شنو بس ؟؟؟؟؟ |
قرشو ..
تحية طيبة !
لسه الدور بتاع العلماء والعباقرة ما جاء !!
|
Post: #26
Title: آها!!
Author: عبد اللطيف بكري أحمد
Date: 03-29-2009, 12:27 PM
Parent: #1
ياود انت بقيت تسطل ولا شنو؟
قال دنقلاوية بالها طويل قال!!
|
Post: #27
Title: Re: آها!!
Author: elfadl abdellatif
Date: 03-29-2009, 12:33 PM
Parent: #26
الاخ ابو دية
تحياتي
والله نحن بنعرف كل حاجة
ولو مغالطني انتظرني بكرة حأجيك بالروقة كدة .. بس داير احجز لي مقعد عشان البوست ما يروح مني
والى اللقاء
|
Post: #29
Title: Re: آها!!
Author: صلاح أبودية
Date: 03-29-2009, 12:46 PM
Parent: #27
الفاضل ..
تحياتى !
Quote: والله نحن بنعرف كل حاجة
ولو مغالطني انتظرني بكرة حأجيك بالروقة كدة .. |
أغالطك ؟؟
أنا جنيت إنتو بتغالطوا ؟؟
|
Post: #28
Title: Re: آها!!
Author: صلاح أبودية
Date: 03-29-2009, 12:40 PM
Parent: #26
| Quote: ياود انت بقيت تسطل ولا شنو؟ |
تفتح بوست زى ده ..
عبداللطيف يقول الزول ده بقى يسطل !!
أخبار الجلا شنو؟؟
|
Post: #31
Title: Re: آها!!
Author: صلاح أبودية
Date: 03-29-2009, 01:53 PM
Parent: #28
وأوعك تغلط تقول ..
الحاجة دى أنا ما بعرفها..
إطلعوا ليك مليون عبقرى !!
واحد يقول ليك تعمل كده ..
والتانى يقول ليك لا أوعى تعمل كده !
وواحد عالم يقول ليك .ز
إنت زمنك ده كلو قاعد وين كنت ؟؟
|
Post: #32
Title: Re: آها!!
Author: صلاح أبودية
Date: 03-29-2009, 02:06 PM
Parent: #31
ومالين راسنا بمعلومات عجيبة وغريبة !
عارفين مساحة أى دولة فى العالم ..
وطقسها طول السنة ..
وإسم رئيسها وإسم رئيس الوزراء ..
ونوع الحكم ..
غير الشخصيات المهمة فى الدولة ..
ناس عارفين ليلى علوى أمها منو وماتت متين وكيف ..
وأمها ولدت فى الدايات ولّ فى عين شمس ؟
وأم كلثوم بتبقى ليها شنو فى الحسبة !
ياخ نحن عارفين طريق سكة حديد يسير من أقصى شرق الإتحاد السوفيتى
إلى أقصى غربه بالمحطات !
الروس زاتم ما عارفنو !
|
Post: #33
Title: Re: آها!!
Author: بدر الدين اسحاق احمد
Date: 03-29-2009, 02:32 PM
Parent: #32
يا ود ابوديــــة
اول حاجة قول بسم الله
ثانيا استغفر
حســــى عليك الله فى زول عاقل ونصيح يسكن شمال الحلفايا
ما احسن ليك الشعبية مربع 4/5
وفى زول نصيح بيشتغل فى الخرطوم ..بحرى دى ماله عيبها ليــه .
وما احسن ليك تعرس من الشرق ..
ترمـــــــــــــــــات سوداناوية :
اخوى ديــل نحنا ...الله خلقنا كــدى
بنعرف نتكلم فى اى حاجـــة
وكمان ما بنعرف مقولات مثل ( الله اعلم ...ما عارف ..ما فاهم )
|
Post: #34
Title: Re: آها!!
Author: صلاح أبودية
Date: 03-30-2009, 07:31 AM
Parent: #33
يادفعة ..
كل سنة وإنت طيب !
| Quote: اول حاجة قول بسم الله |
بسم الله
إستغفرتك يا مالك روحى !
Quote: حســــى عليك الله فى زول عاقل ونصيح يسكن شمال الحلفايا
ما احسن ليك الشعبية مربع 4/5 |
المهم أكون جوة بحرى !
Quote: اخوى ديــل نحنا ...الله خلقنا كــدى
بنعرف نتكلم فى اى حاجـــة
وكمان ما بنعرف مقولات مثل ( الله اعلم ...ما عارف ..ما فاهم )
|
والله يادفعة لو عرفنا الكلمات دى كان فعلا بقينا بنعرف أى حاجة !!
|
Post: #35
Title: Re: آها!!
Author: عبدالله كع
Date: 03-30-2009, 07:52 AM
Parent: #34
ابوديه لقيتك ....... عارف اي حاجه
ما انت زاااااااااااااااااااتك زينا .. مالك مقوم نفسك كدا
!!!
ازيك يا هميم ..
|
Post: #36
Title: Re: آها!!
Author: صلاح أبودية
Date: 03-30-2009, 08:59 AM
Parent: #35
كع !
وين إنت يا زول ؟
| Quote: ما انت زاااااااااااااااااااتك زينا .. مالك مقوم نفسك كدا |
ما دى المشكلة زاتها !!
بس منو البعترف زيى وزيك ؟
|
Post: #37
Title: Re: آها!!
Author: elfadl abdellatif
Date: 03-30-2009, 11:07 AM
Parent: #36
Quote: أغالطك ؟؟
أنا جنيت إنتو بتغالطوا ؟؟ |
والله نحن نغالطك في اسمك لو ما عاجبك !! وكمان كلامنا كلو صواب غير قابل للخطأ .. ونحن الرسول جدنا .. ونهر النيل دة النهر الوحيد في العالم ونشرب منه الصفو اما ناس اثيوبيا ومصر ويوغندا ديل قاعدين يشربو كدرا وطينا
كفاك ولا ازيدك
ياخي يقول ليك طبيعة وجمال وخضرة وما شافو السيشيل ولا حتى كينيا العفينة دي.. يقول اجمل النساء وما شافو ناس الشام واليمن
الانسان اذا عايز يتطور لازم في الاول يشوف هو واقف وين ويعرف عيوبه عشان يصلحها ويتصالح مع نفسو ويكون صادق معاها ..
اها كمان فهمنا في الطب والهندسة والذرة كوم وفهمنا في السياسة كوم .. اي واحد مننا وهو قاعد يشرب في كباية شاي ممكن يحل مشاكل العالم كلها ويقول للمستشارين بتاعين اوباما انتو بتعرفو شنو ..
اها تعال شوف الكضب والنفاق واعتقد انو اصدق وصف للسودانيين هو قول شاعر المؤتمر علي النور
كل امرئ يحتل في السودان غير مكانه
فالمال عند بخيله والسيف عند جبانه
والمرء ليس بأصغريه بقلبه ولسانه
بل بأكتمال نفاقه وريائه ودهانه
|
Post: #38
Title: Re: آها!!
Author: صلاح أبودية
Date: 03-30-2009, 12:00 PM
Parent: #37
Quote: اها كمان فهمنا في الطب والهندسة والذرة كوم وفهمنا في السياسة كوم ..
اي واحد مننا وهو قاعد يشرب في كباية شاي ممكن يحل مشاكل العالم كلها
ويقول للمستشارين بتاعين اوباما انتو بتعرفو شنو ..
|
الأخ الفاضل !
لك التحية والشكر !
ده غير إستخدام المصطلحات العلمية والإنجليزية ..
وإستخدام الإيدين فى الوصف !
و(الحتة دى) عذبوها عذاب !
|
Post: #39
Title: Re: آها!!
Author: MOHAMMED ELSHEIKH
Date: 03-30-2009, 12:51 PM
Parent: #38
والله بي سجمن ورمادون دا تفكهم ما تلقى احسن منهم
|
Post: #40
Title: Re: آها!!
Author: صلاح أبودية
Date: 03-31-2009, 08:02 AM
Parent: #39
على الصعيد العرقى العالمى :
عندنا راى فى العرب ..
أجلاف وجهلة وما بفهموا أى حاجة !
وعندنا راى فى الأفارقة ..
أسكت ساى خليهو ..
وعندنا راى فى الخواجات :
نجسين ووسخانين ..
وبخافوا من الموت ..
والواحد فيهم ما بعرف غير الحاجة البدرسها !
عندنا راى فى ناس شرق آسيا ..
عيون صغار وبياكلوا الحمير وما عندهم ضمير !
وخليك من راينا فى جيرانا ..
المصريين والحبش والفلاتة !
|
Post: #41
Title: Re: آها!!
Author: طلال جبير جابر
Date: 03-31-2009, 01:56 PM
Parent: #40
ربنا يصلح الحال
غايتو الصبر بس
الحمد لله
|
Post: #43
Title: Re: آها!!
Author: صلاح أبودية
Date: 04-01-2009, 09:13 AM
Parent: #41
Quote: ربنا يصلح الحال
غايتو الصبر بس
الحمد لله |
طلال !
سعيد بمرورك هنا !
ربنا يزيد ويبارك !
|
Post: #42
Title: Re: آها!!
Author: صلاح أبودية
Date: 04-01-2009, 07:18 AM
Parent: #39
محمد الشيخ !
لك التحية والود !
| Quote: والله بي سجمن ورمادون دا تفكهم ما تلقى احسن منهم |
كلام ..
حصل مرّة بره السودان لقيت فكة لقروش سودانية؟
|
Post: #45
Title: Re: آها!!
Author: عبدالكريم أحمد الامين
Date: 04-01-2009, 12:59 PM
Parent: #42
| Quote: حصل مرّة بره السودان لقيت فكة لقروش سودانية؟ |
العزيز ود ابو ديه
** وهى ذاتا البيطلعا بره شنو عشان تلقى ليها فكه _ والله بره ماعارفين شكلها كيف..
** وبرضو نحنا العشنا الحضاره بأثر رجعى..
** ونحنا لما عرفنا السفر العرب والافارقه كانو بخافوا من الحمار خليك من الطياره..
** ولما لعبنا الكوره - الناس التانين كانوا بيعتبروها رجس من عمل الشيطان...
** ونحنا لما الحج كان عندنا قبل ماينقلوه السعوديه كنا بندخل الحُجاج بدون تأشيرات..
** ونحنا أفهم مننا فى العالم مافى..
** ونحنا اساس الحضاره البشريه..
** ونحنا ونحنا لغايت مالقينا البلد كلها مشت الخووووووووووووووووووور..
## وقومى باالمرا موتى...........................
(ودام الود بيننا)
(ابو محمد فؤاد)
|
Post: #46
Title: Re: آها!!
Author: صلاح أبودية
Date: 04-01-2009, 06:54 PM
Parent: #45
| Quote: وقومى باالمرا موتى........................... |
أبو محمد فؤاد !
كيف حالك ؟
والمرة دى القتلا شنو ؟
|
Post: #47
Title: Re: آها!!
Author: Bakhaf
Date: 04-02-2009, 02:08 AM
Parent: #46
.
شكرا كتير جدا علي نقل صورة واقعية لحالنا
=====================
مقال الفاتح جبرا مبالغة عديل
.
|
Post: #48
Title: Re: آها!!
Author: انور التكينة
Date: 04-02-2009, 02:46 AM
Parent: #47
صلاح ازيك
ها جنا امانتا فى ذمتك من الله خلقك
حمت فى اى مدينة عربية ولا افرنجية
و ملت مناخيرك ريحة دلكة ؟؟؟؟؟
و طيب ؟؟؟؟
حصل فى اى مكان فى العالم لقيت الدخان
عاكل زى حفر الطلح العندنا ؟؟؟؟
امال ايه ؟؟؟؟
خلى عربيتك تبطل فى مكان فى العالم
و شوف كان تلقى زول يدفر معاك ...
حصل غير السودان شفت ليك كشف عرس
و لا بكاء ؟؟؟؟
نحن كلنا علماء و نفتى باطمئنان
و نتحدى شيخ الازهر ...
و نحن القلتو فينا كلو صاح ...
و ده الميزنا عن العالم ....
بس عيبنا واحد بس ...
اننا ما عارفين قدر انفسنا ...
دمت بعافية
التعديل لتصحيح خطأ املائى
|
Post: #51
Title: Re: آها!!
Author: صلاح أبودية
Date: 04-04-2009, 07:43 AM
Parent: #48
أنور التكينة !
كيف حالك ياخ ..
Quote: حصل فى اى مكان فى العالم لقيت الدخان
عاكل زى حفر الطلح العندنا ؟؟؟؟ |
والله فى دى صدقت ..
والله نحن حلتنا بعد صلاة المغرب يطلق عليها غزّة ..
لكثرة الدخاخين المنبعثة من حفر الطلح !!
|
Post: #49
Title: Re: آها!!
Author: صلاح أبودية
Date: 04-02-2009, 07:39 AM
Parent: #47
Bakhaf
لك التحية والشكر !
Quote: شكرا كتير جدا علي نقل صورة واقعية لحالنا
|
ربنا يعلم إنو الغرض أن نصلح الحال !
ونكتفى بما نجيد !
وأن لا نفتى فى ما لا نعلم!
|
Post: #50
Title: Re: آها!!
Author: nazar hussien
Date: 04-02-2009, 09:13 AM
Parent: #49
Quote: أغالطك ؟؟
أنا جنيت إنتو بتتغالطوا ؟؟ |
هههههههههههههههههههه
صدقت ايما صدق يا صلاح
اي موضوع للغلاط بنقلب جر حبل...
|
Post: #52
Title: Re: آها!!
Author: صلاح أبودية
Date: 04-06-2009, 10:57 AM
Parent: #50
نذار تحياتى !
| Quote: اي موضوع للغلاط بنقلب جر حبل... |
جر حبل ؟
ده كان ما البونية دّورت !
والعكاكيز والحليفة بالطلاق والحرام !
|
Post: #53
Title: Re: آها!!
Author: عبد اللطيف بكري أحمد
Date: 04-06-2009, 11:03 AM
Parent: #52
المهم إن شاء الله منتصر فاهم حاجة؟؟
انحنا خلينا،،
العالم العندنا دا ح يجي اول السودان ،، فاهم اي حاجة ،،
وبرضو شنو؟
كلام!!
|
Post: #54
Title: Re: آها!!
Author: صلاح أبودية
Date: 04-06-2009, 11:12 AM
Parent: #53
لطفى إزيّك ياخينا ..
Quote: المهم إن شاء الله منتصر فاهم حاجة؟؟
العالم العندنا دا ح يجي اول السودان ،، فاهم اي حاجة ،، |
والله العباقرة ديل حا يعملوها فينا !
ربك يستر !
|
Post: #55
Title: Re: آها!!
Author: صلاح أبودية
Date: 04-12-2009, 08:17 AM
Parent: #54
شوفو دى !
لاقانى واحد صاحبى ومعاهو قريبو ..
صاحبى : ياخ ما شلت حسنا ..
قريبو : كيف ؟
صاحبى : ياخ الزول ده كاتب كلام عن السودانيين فى الإنترنيت !
قريبو : قال شنو ؟
صاحبى : قال نحن كذا وكذا وكذا !!
وكانت تبدو على ملامح الرجل صرامة وجدية فايتة الحد !
قلت الليلة أنا وقعت فى شر أعمالى ده ما ح يخلى جنبة أرقد عليها !
قام العبقرى خلى الكلام ده كلو وقال : هو زاتو كان بكتب زمان فى سودانيز أون لاين !
فرحت وقلت الزول بوردابى الحمد لله !
وسألتو : اليوزر نيم بتاعك شنو؟؟
قال لى : ما متذكر والله لكن هسى خليت الكتابة !!!!!!!!!!!
أنا : ياخ ممكن تسأل بكرى عشان ترجع تانى تكتب !!
العبقرى : بكرى منو؟؟؟؟؟؟؟؟؟؟؟؟؟؟؟؟؟
|
Post: #56
Title: Re: آها!!
Author: صلاح أبودية
Date: 04-13-2009, 01:36 PM
Parent: #55
Quote: يا خوي كدي ما نِناصحك ... إتْ الوِليدات ديل ما تخليهُم يِكبرو شِوَية ويِفهمو حاجة
وبعدين مَخَيرين أكان لِبسو < أحمر > ولا < أزرق > ولا قعدو مِتلي < مِن غير علم >
كَدي مو أخير ... علشان نِجنِبُم < الإسْتِلاب > ونَفعِل فوقُم < الديموقراطِية > والحاجات دي يعني |
شوفو دفعتى العالم ده بقول فى شنو؟
عزّام عازمك علم!!
|
Post: #57
Title: Re: آها!!
Author: صلاح أبودية
Date: 07-23-2009, 09:58 AM
Parent: #56
ما يدور فى البورد منذ أمس عن أبيي ..
يثبت تماما إنو نحن مابنعرف أى حاجة !
والأدهى والأمر ..
نحن ما بنفرف صليحنا من عدونا !!
الله المستعان !
|
Post: #58
Title: Re: آها!!
Author: معاوية المدير
Date: 07-23-2009, 10:23 AM
Parent: #57
Quote: بس عيبنا واحد بس ...
اننا ما عارفين قدر انفسنا ...
دمت بعافية |
وما دايرين نعترف باننا غير منظمين,
واكتر ناس همجيين, وما بنعرف نعبر عن
نفسنا. تخيل واحد يقول لك:
نحن التاية والانداية!!!
يا صلاح, ارفع كراعك من البنزين شوية...
|
Post: #59
Title: Re: آها!!
Author: محمد عبد الماجد الصايم
Date: 07-23-2009, 11:34 AM
Parent: #58
| Quote: ولا صعلة زاتها ما بنعرف !! |
هسي الصعلة دي شنو؟
____________
دا نوع من الوهمة برضو
|
Post: #61
Title: Re: آها!!
Author: صلاح أبودية
Date: 07-27-2009, 09:18 AM
Parent: #59
ود الصايم !
لك التحية !
المقصود الصعلكة وما حبيت أعدل !
قلت أشوف الصعاليل وأصحاب الصلع ح يقولوا شنو!!
أما أهلنا عرب الصعلة فأنا رسلت ليهم باقة سمن !!
|
Post: #60
Title: Re: آها!!
Author: صلاح أبودية
Date: 07-23-2009, 11:45 AM
Parent: #58
| Quote: نحن التاية والانداية!!! |
أها عليك الله يا معاوية شوف جنس ده !!
ده كلام ناس نصاح ؟؟
|
|