Quote:
عندنا الحلفاويين بيقولوا إبيييا لايقا
كوجنن كسفي
إيكا تيسليوني
Quote:
اودودتون ويرانقا
والباقي غلبني عديييييييييييييييييييييل
|
Post: #15
Title: Re: كلام النســوان .. * عيب *
Author: د.محمد حسن
Date: 09-17-2007, 09:53 AM
Parent: #1
| Quote: دى ملاحظة سمعتها فى زمن قديم من صديق سودانى من أصل "إغريقى/B] |
ان كان من آل اندريه
هناك من هاجر منهم في كند ا واتقدهم
Quote: والموضوع مافيهو أى جندرة
] |
جندرني في عز الشهر
وانت في ابوست بتمر
وانت عارف انو عارف
قلبي ما بحمل سهر
احلى كلمة بنوتية بيقولوا بنات اسكندرية
( احييييييييييي)
بتدووووووووووووووووووووب با رافت قبال ما البت تكمل وحوحتها
|
Post: #17
Title: Re: كلام النســوان .. * عيب *
Author: Shayma
Date: 09-17-2007, 10:18 AM
Parent: #15
| Quote: والموضوع مافيهو أى جندرة |
يعني نحنا ما نجي ولا شنو؟
كان كدة الرماد كال خشمنا
والتراب كال خشم البوست
في الحقيقة الكلمات دي او معظمها في طريقه للانقراض الشباب (اقصد الفيميلز) بقوا ما بيستعملوها ويمكن بيتحاشوها كمان في مجتمعاتهم الشابة.
عشان كدة حقو نلحقها بي قاموس سريع قبل ما تنقرض (قاموس اللهجة العامية لي عون الشريف فيهو ذكر للكلمات دي؟) لانو لو انقرضت كُر علينا وسجم خشم تراثنا اللفظي.
الاخ رافت تحية وكل عام وانت بخير
شَيْماء
|
Post: #26
Title: Re: كلام النســوان .. * عيب *
Author: رأفت ميلاد
Date: 09-17-2007, 12:36 PM
Parent: #17
شيماء
صباحك ورد
Quote: يعني نحنا ما نجي ولا شنو؟
كان كدة الرماد كال خشمنا
والتراب كال خشم البوست |
تنورى البوست بس إنتى باين ما بتعرفى الجندريات . مهابشة الحريم بالسالب بقلبوا فى راسك التربيزة محل تقبل ما تلقاهو عشان كدة بنفدم السبت 
Quote: في الحقيقة الكلمات دي او معظمها في طريقه للانقراض الشباب (اقصد الفيميلز) بقوا ما بيستعملوها ويمكن بيتحاشوها كمان في مجتمعاتهم الشابة.
عشان كدة حقو نلحقها بي قاموس سريع قبل ما تنقرض (قاموس اللهجة العامية لي عون الشريف فيهو ذكر للكلمات دي؟) لانو لو انقرضت كُر علينا وسجم خشم تراثنا اللفظي. |
والله عوجة . هى لغة تلقائية ومميزة وقريبه من الروح . فيها ريحة الوالده والخالة العمة و الحبوبة الجارة وإنتماء كامل .
كنت يوم فى لندن فى "مول" كبير فيه تخفيضات وزحمة . طبعآ الناس كلهم سود وما بنفرزوا . قدامى سودانيتين عند الصراف وأنا مصهين منهم . بيتشاكلوا فى قميص لراجل واحده منهم . واحدة تقول سمح وواحدة تقول شين . قالت ليها "برى يختى مجغمز" فقعتها ضحكة وعرفونى سودانى
كل سنة وإنتى بألف خير
|
Post: #24
Title: Re: كلام النســوان .. * عيب *
Author: رأفت ميلاد
Date: 09-17-2007, 12:17 PM
Parent: #15
حبيبنا د. محمد حسن
كل سنة إنت والبنيات وأم البنيات بخير وعافية
Quote: ان كان من آل اندريه
هناك من هاجر منهم في كند ا واتقدهم |
إسمو "مانوس" هاجر اليونان ويعانى هناك من الإضهاد وبسموهم "اليونانين العرب" . إمتهنوا كلهم شغل البواخر لوجود أكبر "Drydock " فى اليونان ومتخصصين فى السفن لعربية وبيستفيدوا من اللغة .
قابلتو فى السعودية فى شركة بواخر مع آخر إغريقى من أصل مصرى . كانوا يتكلموا مع بعض باليونانى ولما يتشاكلوا يقلبوا عربى واحد بلهجة سودانية والتانى مصرية وبأقبح الألفاظ
Quote: جندرني في عز الشهر
وانت في ابوست بتمر
وانت عارف انو عارف
قلبي ما بحمل سهر |
الله يكملو ليك الشهر بدون خسائر Quote: ( احييييييييييي)
بتدووووووووووووووووووووب با رافت قبال ما البت تكمل وحوحتها |
قول واحد ... دى قبل ولا بعد الفطور .. أيوووووووو
|
Post: #16
Title: Re: كلام النســوان .. * عيب *
Author: Elmuez
Date: 09-17-2007, 10:10 AM
Parent: #1
الكلمة الوحيدة و التي فلتت , في ما أظن,
و أصبحت مشتركة دون أن ينتبه ليها الرجال
و ظلوا يستخدمونها مع أنها تستخدمها النساء عندنا
هي كلمة " عاد " .. عاد ياخواني , عاد لكن , و عاد يا بنات أمي .. إلخ
هي كلمة شينة في فم الرجال .. و لا تجد إنتباه مثل مثيلاتها المذكورات فوق ديل .. أم هي كلمة دبل هورمون !
فهل هناك ما يسمى باللغة النسوية و الأخرى الرجالية ?!
أم مجرد تعابير !
رأفت إزيك 
|
Post: #18
Title: Re: كلام النســوان .. * عيب *
Author: سلمى الشيخ سلامة
Date: 09-17-2007, 10:59 AM
Parent: #16
وما تنسى
عشا البايتات
ويبقى لى السم
صباح خيرى
ود امى ـ بت امى
حبيب قساى
ضو البيت
ود بطنى ـ بت بطنى
صباح العافية
نور عينى
امى الله يرحما كانت دى من كلماتها الحفظناها عنها
مرة جات ضيفة عندنا قدمنا للضيفة عصير لمن خلصت العصير
امى عليها الرحمة قالت للضيفة
ـ هنيا
الضيفة ردت بقولها
ـ آممم
وبالمناسبة معظم هذه النداءات بدات تندثر بين الناس وحلت محلها مفردات مصرية وشامية
مطرح مايسرى يمرى مثلا
او كما قال سعيد صالح فى العيال كبرت(مطرح مايمشى يمشى )
عندنا فى بربر بتستخدم النساء دائما للتعبير عن الدهشة قولهن
نوح من دا ،او نوح منك
لا اعرف هل هو سيدنا نوح ام نوح اخر
الحكاية جرت
عندى زول صحبى طوالى بقول (وتربة ابوى)
يوم قاعد مع ابوه وبتونس معاهو فاذا به يقول
ـ وتربة ابوى
الابو طبعا انبهم
قال
ـ يا ولد خلينى اموت بعدين احلف بى تربتى
اقعد عافية
|
Post: #28
Title: Re: كلام النســوان .. * عيب *
Author: رأفت ميلاد
Date: 09-17-2007, 01:43 PM
Parent: #18
سلمى الشيخ سلامة
طلتك تشرح القلب
Quote:
عشا البايتات
ويبقى لى السم
صباح خيرى
ود امى ـ بت امى
حبيب قساى
ضو البيت
ود بطنى ـ بت بطنى
صباح العافية
نور عينى |
عليك الله دى ما قصيدة هسة ! كلام سمح جد Quote: امى الله يرحما كانت دى من كلماتها الحفظناها عنها
مرة جات ضيفة عندنا قدمنا للضيفة عصير لمن خلصت العصير
امى عليها الرحمة قالت للضيفة
ـ هنيا
الضيفة ردت بقولها
ـ آممم |
الله يرحما ويحسن قبولا . ناس هداوة بال ومافى صرمعة الزمن ده . بس (آممم) دى جديدة . Quote: وبالمناسبة معظم هذه النداءات بدات تندثر بين الناس وحلت محلها مفردات مصرية وشامية
مطرح مايسرى يمرى مثلا
او كما قال سعيد صالح فى العيال كبرت(مطرح مايمشى يمشى )
عندنا فى بربر بتستخدم النساء دائما للتعبير عن الدهشة قولهن
نوح من دا ،او نوح منك
لا اعرف هل هو سيدنا نوح ام نوح اخر
الحكاية جرت |
يا ريت تجر طوالى ونوثق كلامك الجميل . الكلمات الوافدة (موضة) وتختفى لكن يبقى الأصل Quote: عندى زول صحبى طوالى بقول (وتربة ابوى)
يوم قاعد مع ابوه وبتونس معاهو فاذا به يقول
ـ وتربة ابوى
الابو طبعا انبهم
قال
ـ يا ولد خلينى اموت بعدين احلف بى تربتى
اقعد عافية |
زولك ده الله يجيبو ليهو قوى
الله يعافيك
وكل سنة وإنتى طيبة (مرتين)
|
Post: #27
Title: Re: كلام النســوان .. * عيب *
Author: رأفت ميلاد
Date: 09-17-2007, 01:02 PM
Parent: #16
المعز ليك الشوق كلو
وكل سنة وإنت طيب
Quote: الكلمة الوحيدة و التي فلتت , في ما أظن,
و أصبحت مشتركة دون أن ينتبه ليها الرجال
و ظلوا يستخدمونها مع أنها تستخدمها النساء عندنا
هي كلمة " عاد " .. عاد ياخواني , عاد لكن , و عاد يا بنات أمي .. إلخ
هي كلمة شينة في فم الرجال .. و لا تجد إنتباه مثل مثيلاتها المذكورات فوق ديل .. أم هي كلمة دبل هورمون ! |
تعرف "عاد" ما شينة طوالى . فى ناس بدلعو بيها الكلام خاصة مع الجنس اللطيف .
كنا مراجعين حسابات وبنحوم على الشركات فى بحرى . ود أبو سن رئيس التيم زول ظريف وكلامو بتاع ناس البطانة الحلو داك . فى الفطور بقول كتروا الروب "الزبادى" . كان فى سكريرة قبطية سمحة بتداهما فى الفطور . وقعت فى الزبادى وقالت ليه "كملت عليك الروب يا شيخ العرب " قال ليليها" ونان مالو عاد الروب وين يلقى خشيمك الحلو ده" ضحكت لامن الزبادى شرقا Quote: فهل هناك ما يسمى باللغة النسوية و الأخرى الرجالية ?!
أم مجرد تعابير ! |
فى لغة حريم سمحة وما مدسوسة . فى لغة رجال من شناتا بدسوها . وفى لغة مشتركة .
مودتى
|
Post: #21
Title: Re: كلام النســوان .. * عيب *
Author: محمد مكى محمد
Date: 09-17-2007, 11:45 AM
Parent: #1
ردا على العزيز بكرى الصايغ
عندنا فى بلاد النوبه,مجموعه من الكلمات تستخدم لتعبر عن :-
الدهشه والكونفيوز:- هيلو helo!!!!
الحزن :- وى بييو waybeyu ...كما لاحظت عن موت شخص عزيز مثلا أن حبوباتنا لايعرفن البكاء بالعربى ويستخدمن عبارة"هيلو هيلو وي قرى"helo helo way garry.
|
Post: #29
Title: Re: كلام النســوان .. * عيب *
Author: رأفت ميلاد
Date: 09-17-2007, 02:12 PM
Parent: #21
Quote: ردا على العزيز بكرى الصايغ
عندنا فى بلاد النوبه,مجموعه من الكلمات تستخدم لتعبر عن :-
الدهشه والكونفيوز:- هيلو helo!!!!
الحزن :- وى بييو waybeyu ...كما لاحظت عن موت شخص عزيز مثلا أن حبوباتنا لايعرفن البكاء بالعربى ويستخدمن عبارة"هيلو هيلو وي قرى"helo helo way garry. |
والله برضو مواكب والترجمة بولندية ولا نوبى
تسلم يا أمير
مودتى
|
Post: #23
Title: Re: كلام النســوان .. * عيب *
Author: معتز جعفر الحسن
Date: 09-17-2007, 11:51 AM
Parent: #1
رأفت جميل وخفيف
ما عارف اتذكرت يوم قاعدنى مع واحد لبنانى عطس صاحبى قال ليهو يرحمكم الله رد ليهو (حبيب البى ).
شكرا على البوست الرائع
|
Post: #25
Title: Re: كلام النســوان .. * عيب *
Author: Muna Khugali
Date: 09-17-2007, 12:21 PM
Parent: #23
ازيك رأفت ..وكل سنة وانت طيب وكذلك زوارك الكرام..
نرجع لك فيما بعد باذن الله..
|
Post: #32
Title: Re: كلام النســوان .. * عيب *
Author: رأفت ميلاد
Date: 09-17-2007, 02:43 PM
Parent: #25
وييييينك يا منى ومشتاقين والله
هملتوا لينا البلد بى جاى ونحن جاينكم زيارة
كل سنة وإنتى طيبة وتحياتى للوالدة
| Quote: نرجع لك فيما بعد باذن الله.. |
إنشاء الله برجعة ما زى بتاعة منال
منتظرنك
مودتى
|
Post: #31
Title: Re: كلام النســوان .. * عيب *
Author: رأفت ميلاد
Date: 09-17-2007, 02:34 PM
Parent: #23
معتز جعفر الحسن حبيب ألبى
كل سنة وأنت طيب وتعود الأيام
| Quote: ما عارف اتذكرت يوم قاعدنى مع واحد لبنانى عطس صاحبى قال ليهو يرحمكم الله رد ليهو (حبيب البى ). |
اللبنانين والسوريين لسانم ناعم وحلو لكن فى سفاهة الكلام برضو أسطوات . الغريبة جر الكلام فى لسانم ما تحس بيه "ميوعة"
عندى صديقى سريانى عراقى زوجته تقابلك بترحاب تشرح قلبك أول كلمة تقابلك بيها كيفك ياعيونى . فى شعوب جميلة فعلآ .
كل سنة وأنت بخير وعافية
|
Post: #30
Title: Re: كلام النســوان .. * عيب *
Author: عزيز عيسى
Date: 09-17-2007, 02:34 PM
Parent: #1
الأخ العزيز رأفت،
تحياتي،
في عام 1980 كنت بتمشى في شارع كوينزواي Queensway وهو شارع مشهور
في لندن بالقرب من الهايدبارك Hyde Park تكثر فيه الجنسيات العربية
والمسلمة نسبة لوجود المطاعم التي تبيع الأكل الحلال..
وعندما وصلت بالقرب من نادي قديم للتزحلج Skating Club
صادفت في أثناء سيري ستات إثنين لونهن أسمر واحدة فيهن كانت
تدفع عربة صغيرة Baby Stroller تحمل عليها طفل. توقفت الست
الثانية وفتحت محفظتها وأخرجت فكة ودفعتها لرجل شحاد كان
بيغني ويعزف بالجيتار للناس المارة.
قامت الثانية صاحت فيها وقالت ليها:
ووب علي.. وحات الله الراجل دا نصيييييح وما عميان
ليه أديتي قروش؟
لما سمعت كلمة (ووب علي) ضحكت وعرفت أنهن سودانيات.
|
Post: #33
Title: Re: كلام النســوان .. * عيب *
Author: رأفت ميلاد
Date: 09-17-2007, 06:43 PM
Parent: #30
عزيزى عزيز عيسى
رمضان كريم تصوم وتفطر على خير
Quote: في عام 1980 كنت بتمشى في شارع كوينزواي Queensway وهو شارع مشهور
في لندن بالقرب من الهايدبارك Hyde Park تكثر فيه الجنسيات العربية
والمسلمة نسبة لوجود المطاعم التي تبيع الأكل الحلال..
وعندما وصلت بالقرب من نادي قديم للتزحلج Skating Club
صادفت في أثناء سيري ستات إثنين لونهن أسمر واحدة فيهن كانت
تدفع عربة صغيرة Baby Stroller تحمل عليها طفل. توقفت الست
الثانية وفتحت محفظتها وأخرجت فكة ودفعتها لرجل شحاد كان
بيغني ويعزف بالجيتار للناس المارة.
قامت الثانية صاحت فيها وقالت ليها:
ووب علي.. وحات الله الراجل دا نصيييييح وما عميان
ليه أديتي قروش؟
لما سمعت كلمة (ووب علي) ضحكت وعرفت أنهن سودانيات. |
فعلآ كمية الملونين فى إنجلترا تجعل التعارف على السودانين صعب والسودانيين يحملون كل الألوان ولكن لغتنا السودانية النسائية متفردة . هو فعلآ فرز الأهل سهل لكن مع النساء الموريتانيات وبعض الأثيوبيات والصوماليات وزنزبار دايرين ينضمن عشان تفرزن .
طبعآ نحن هنا لقلة عددنا عندما يصل سودانى يزيع الخبر ويعم القرى والحضر فى يومين
مودتى
|
Post: #34
Title: Re: كلام النســوان .. * عيب *
Author: Kamal Karrar
Date: 09-17-2007, 10:49 PM
Parent: #1
رأفت سلامات...
"قبلك وحححححدك"...
البوست خفيف..وفعلا..بدأت هذه اللهجة والكلمات النسائية الخالصة في الإنقراض...وأصبح كثير من الحبوبات الآن خريجات جامعيات ومن حملة الدكتوراة..وبقى السجم أفرنجي..ولاتيني...وحال التاباني بقي بقدرة قادر undesireable condition
وخلاص..تلك التعابير المشبعة بالاحساس غاية ما نتمناه أن تؤرشف (من الأرشفة) للرجوع الأجيال القادمة.. أو ستحنط مثل اللغة الهروغلوفية أو القبطية القديمة...
تخريمة:-
ورد أن عبارة "بعد قلبي/ أو بعد عمري" لبنانية.. والصحيح أنها خليجية..
شكرا أخي رأفت
|
Post: #36
Title: Re: كلام النســوان .. * عيب *
Author: رأفت ميلاد
Date: 09-18-2007, 08:54 AM
Parent: #34
مرحب كمال كرار
كل سنة وأنت طيب
Quote: وفعلا..بدأت هذه اللهجة والكلمات النسائية الخالصة في الإنقراض...وأصبح كثير من الحبوبات الآن خريجات جامعيات ومن حملة الدكتوراة..وبقى السجم أفرنجي..ولاتيني...وحال التاباني بقي بقدرة قادر undesireable condition
وخلاص..تلك التعابير المشبعة بالاحساس غاية ما نتمناه أن تؤرشف (من الأرشفة) للرجوع الأجيال القادمة.. أو ستحنط مثل اللغة الهروغلوفية أو القبطية القديمة... |
يا ريت الإعتناء بها وياريت يضعها النساء تحت أجندة الدفاع عن النفس والمحافظة على الإرث ,
عندما يشب البنات فى المراهقة ومقتبل العمر يتمردن على هذه اللغة بأنها نوع من التخلف ومن الجيل الماضى الأقل تفتحآ . عند النضوج يعدن لها بحنين وإنتماء . فهى لغة محببة ومن الحزن أن تزول وهى بلا شك تضيف على الأنوثة دلال وتميز .| Quote: ورد أن عبارة "بعد قلبي/ أو بعد عمري" لبنانية.. والصحيح أنها خليجية.. |
والله كتبتها خليجية لكن الحجة غالطننى . تقافتها بقت ضعيفة
تحياتى
|
Post: #35
Title: Re: كلام النســوان .. * عيب *
Author: osman righeem
Date: 09-18-2007, 08:53 AM
Parent: #1
لك التحية و الود الخ العزيز رأفت
بوست حلو في نهار رمضان الطويل
بس ملاحظتي انه كلام نسوان العاصمة القومية
كلام نسوان الاقاليم فيهو اضافات حلوة
وخاصة عندما تنتقل احداهن من الاقاليم الي العاصمة
وعندما ترجع الي هنالك لاي مناسبة
تتهم بإنها قلبت حسها
|
Post: #39
Title: Re: كلام النســوان .. * عيب *
Author: رأفت ميلاد
Date: 09-18-2007, 10:03 AM
Parent: #35
سلامات يا عثمان رغيم
كل سنة وإنت طيب
Quote: بس ملاحظتي انه كلام نسوان العاصمة القومية
كلام نسوان الاقاليم فيهو اضافات حلوة
وخاصة عندما تنتقل احداهن من الاقاليم الي العاصمة
وعندما ترجع الي هنالك لاي مناسبة
تتهم بإنها قلبت حسها |
يقولوا ليك "من ما راحت الخرتوم إتفرنجت ولسانا إتلكن وماصنقرت فى الو اطة تانى "
نساء الأقاليم حاجة تانية الصوت فيه جرا زيادة ووصافاااات والكلام مقعد ويبدأ بالتشويق والقطيعة المكاوا فيها لويح باليدين ولولوة بالخشم ويمكن تقوم تحاكيها وتكعوجا بهزهزة الصلب
تصوم وتفطر على خير
|
Post: #37
Title: Re: كلام النســوان .. * عيب *
Author: تماضر الخنساء حمزه
Date: 09-18-2007, 09:15 AM
Parent: #1
ماتنسى الخصيم يارأفت
فيو كلمات وعبارات طريفة
النبي
الرسول
اليقيف ليك في السكة
اليعتر ليك
هي النبي فيك
طلبتك بالرسول
يدشدشك
عرّضتك القطاعة
إقيف ليك جبل
إزاول ليك
|
Post: #41
Title: Re: كلام النســوان .. * عيب *
Author: رأفت ميلاد
Date: 09-18-2007, 11:10 AM
Parent: #37
تماضر حمزة
يامراحب وأهلآ بيك
Quote: فيو كلمات وعبارات طريفة
النبي
الرسول
اليقيف ليك في السكة
اليعتر ليك
هي النبي فيك
طلبتك بالرسول
يدشدشك
عرّضتك القطاعة
إقيف ليك جبل
إزاول ليك |
إنتى عاد لا تتهدى لا تتمدي
خسمتك بالشيخ أب شرا أموت ليك وتدفنينى ما تطولى الغيبة تانى
رمضان كريم وكل سنة وإنتى طيبة
|
Post: #38
Title: Re: كلام النســوان .. * عيب *
Author: Ishraga Haimoura
Date: 09-18-2007, 09:50 AM
Parent: #1
وما تنسي الحليفة:
وحات وليداتي
أعدم جناي
وحات نظري وعافيتي
وحات سماعاتي ودماعاتي
وحاتك إنت الما بحلف بيك بالكضب
|
Post: #40
Title: Re: كلام النســوان .. * عيب *
Author: فدوى الشريف
Date: 09-18-2007, 10:48 AM
Parent: #38
Quote: كر على
ووب على
أجى يا ولدى
حال التابانى
سجمى وسجم خشمى
بريه يا يمه
أبرى وأستبرى
أريتو بالتابانى
مقطعاو فى حشاي
يخربنى
|
وااا شريري يا رأفت يا ود أمي
الحنية القامت عليك شنو
|
Post: #42
Title: Re: كلام النســوان .. * عيب *
Author: بابكر عثمان مكي
Date: 09-18-2007, 11:35 AM
Parent: #40
الاخ الكريم
رافت الميلاد
كل عام وانت بخير
ارى انها وبرغم كونها عبارات انثوية الا انها تدل على حنان جارف فى كثير من الاحيان
رجولتنا السودانية ارتوت من العبارات الانثوية الحنينة من الام والحبوبة بالتحديد
مثل ان تلحظك الام وانت قادم من مشوار بعيد وتقول لك
كر على شوف الولد ده خشمو اغبش كيف من الجوع
او ان تشكرك امرأة عجوز اسديت لها خدمة بان تقول لك
كتر خيرك ياحشاى
باختصار هى عبارات اثوية ذات دلالات حنينة اورثتنا الرحمة على بعضنا والاهتمام ببعضنا
يجب ان تبقى ولا تندثر
لك تقديرى واحترامى
بابكر زيكو
|
Post: #49
Title: Re: كلام النســوان .. * عيب *
Author: رأفت ميلاد
Date: 09-18-2007, 12:33 PM
Parent: #42
سلام يا بابكر زيكو
وكل سنة وإنت طيب
Quote: ارى انها وبرغم كونها عبارات انثوية الا انها تدل على حنان جارف فى كثير من الاحيان
رجولتنا السودانية ارتوت من العبارات الانثوية الحنينة من الام والحبوبة بالتحديد
مثل ان تلحظك الام وانت قادم من مشوار بعيد وتقول لك
كر على شوف الولد ده خشمو اغبش كيف من الجوع
او ان تشكرك امرأة عجوز اسديت لها خدمة بان تقول لك
كتر خيرك ياحشاى
باختصار هى عبارات اثوية ذات دلالات حنينة اورثتنا الرحمة على بعضنا والاهتمام ببعضنا
يجب ان تبقى ولا تندثر |
والله كتر خيرك يا بابكر . فعلآ أمهاتنا علمننا المودة والإنتماء . وزمان فى أمدرمان كان لفظ أمى يعنى عميق المحنة والمحبة وتجد النساء تحديدآ يوزعنه على كل النساء الكريمات . أمى فلانة وأمى فلانة . الواحدة عندها عشرين أم . وكلمات الوالدة و فى المرض فى الحزن تكون تعزية كاملة وفى الفرح والنجاح أجمل هدية .
فعلآ لغة قريبة من القلب وجامعة للشمل
عميق ودى
|
Post: #48
Title: Re: كلام النســوان .. * عيب *
Author: رأفت ميلاد
Date: 09-18-2007, 12:21 PM
Parent: #40
فدوى الشريف
سلام
| Quote: وااا شريري يا رأفت يا ود أمي |
طلعتى شايقية
أها الشوايقة نسوانم أديهم اللسان . فى المودة والحنية لسانن يقطر عسل ولكن كان كجننك لسانن زى سيطان العنج يحلك الله .
أدينا شوية من معجم الشوايقة
كل سنة وإنتى طيبة
|
Post: #43
Title: Re: كلام النســوان .. * عيب *
Author: رأفت ميلاد
Date: 09-18-2007, 11:38 AM
Parent: #38
إشراقة الإشراق
تحياتى
Quote: وحات وليداتي
أعدم جناي
وحات نظري وعافيتي
وحات سماعاتي ودماعاتي
وحاتك إنت الما بحلف بيك بالكضب |
لكن لقيتك وصاااافة
تربية حبوبتا
بس نسيتى
وحات أبو الوليدات سندى ودخرى
يقوم الراجل يدق سدرو ويدبل قفة الخضار
كل سنة وإنتى بألف خير
|
Post: #44
Title: Re: كلام النســوان .. * عيب *
Author: Ishraga Haimoura
Date: 09-18-2007, 11:50 AM
Parent: #1
يا رأفت | Quote: وحات أبو الوليدات سندى ودخرى |
البقولن سندي ودخري ديل ما بقولوا أبو الوليدات لأنه الاحترام عندهن يقتضي عدم ذكره مباشرة لكن بقولن: وحات سيد بيتي
|
Post: #47
Title: Re: كلام النســوان .. * عيب *
Author: رأفت ميلاد
Date: 09-18-2007, 12:08 PM
Parent: #44
إشراقة
سلام تانى| Quote: البقولن سندي ودخري ديل ما بقولوا أبو الوليدات لأنه الاحترام عندهن يقتضي عدم ذكره مباشرة لكن بقولن: وحات سيد بيتي |
ديل قدام شوية يا حليلن هسة الإسم بقى مجرد كان ما فيه نهرة .
زمان المرأة ما بتجيب إسم زوجها ونسيبا . عندى صحبى إسمو وقيع الله عثمان وقيع الله . أمو يتناديه ياسين وبقى إسموا المعروف بيه .
وشكرآ على المغلومة
ودى
|
Post: #45
Title: Re: كلام النســوان .. * عيب *
Author: osman righeem
Date: 09-18-2007, 12:02 PM
Parent: #1
نساء الأقاليم حاجة تانية الصوت فيه جرا زيادة ووصافاااات والكلام مقعد ويبدأ بالتشويق
العزيز رأفت
غايتو كلام الدعي ( و ليس الدعاء) لذيذ
بس رمضان وكمان ما يجونا ناس الهامش بأي اتهام
خد عندك
يا ولد قوم من هني تقوم قبل النبي
يابت انسلي يسل رقبتك
تعال هني تجيك الجاتني في ابوي
النايملها شنو نومة اهل القبب
امرقي مروق الدخان
يا يابا كدي يهردك اللا نام و لا اكل الطعام
الليلي بي يركة من صلي وقال يا الله تتكعوج عليك شقيش ما تقبل
ماني عافالك لبن شطري
و نشوف بعد رمضان رموز القطيعة
|
Post: #50
Title: Re: كلام النســوان .. * عيب *
Author: رأفت ميلاد
Date: 09-18-2007, 12:56 PM
Parent: #45
Quote: يا ولد قوم من هني تقوم قبل النبي
يابت انسلي يسل رقبتك
تعال هني تجيك الجاتني في ابوي
النايملها شنو نومة اهل القبب
امرقي مروق الدخان
يا يابا كدي يهردك اللا نام و لا اكل الطعام
الليلي بي يركة من صلي وقال يا الله تتكعوج عليك شقيش ما تقبل
ماني عافالك لبن شطري |
والله يا عثمان حافظ .. لكن كلامن ما بزعل ومن ورا القلب
الشافع كان حصلت ليو حاجة تقلب و تبقى فى سجمى ووب على
والدتى الله يرحما كان لما تقول ليها أدينى آكل تقول ليك تاكل الحمت رمت
وكان قلت جعان تقول ليك جوعة بت الغرب الشوت رحطا
ده غير الضريب شقاق االعناقريب ويشوى العنقرة
| Quote: و نشوف بعد رمضان رموز القطيعة |
ياخوى بكرة الأرشفة وبوستى دايرنى أسكوا لى بعد رمضان . قطيعتك كان تقيلة خليها بعد الفطور
مودتى
|
Post: #46
Title: Re: كلام النســوان .. * عيب *
Author: تيسير عووضة
Date: 09-18-2007, 12:07 PM
Parent: #1
لغاية ما أجيكم بعدين ..
|
Post: #51
Title: Re: كلام النســوان .. * عيب *
Author: رأفت ميلاد
Date: 09-18-2007, 01:01 PM
Parent: #46
تيسير عووضة
كيفك وكل سنة وإنتى طيبة
| Quote: لغاية ما أجيكم بعدين .. |
مستننك ما تتأخرى
الأرشفة بكرة
مودتى
|
Post: #52
Title: Re: كلام النســوان .. * عيب *
Author: othman mohmmadien
Date: 09-18-2007, 01:23 PM
Parent: #46
حبيبنا رأفت....
الوصية بالمهلة ...
ما نوصيك علي أخوي ...
"الوصية بالمهلة هذه أيضاً أكثر أنوثية..فقط من العجايز/ الحبوبات"
الرجال أخي رأفت في الكثير من المرات يستخدمون نفس المصطلحات بس بحرفنة ..... شديدة
أنظر لهذاالشاعر:
الليل والنهار واحد على العميان **** واللوم والشكر واحد على السجمان
وأنظر لهذا حينما قال:
إبكنَّك بنات والدك وبت والديك******وقالن ووب علينا وطال حُزُنّا عليك ..
باب الشتائم:
يضربك الضريب اليسل روحك .
هل الضريب هناالمقصود بيه أبوفرار= السحائي؟
وهل هنالك تفسير للكثير من الكلمات المستعصاة
مثل كر (ماذا تعني؟) - وأجي أيضاً
==============================
قيل بأنه في مدينة رفاعة جابوا واحدة متقرضمة من الموظفات المتفلهمات للولادة.
من باب المستشفى شابكا ليك الناس "اللهُ ليِ) - ضامة هاء الله وكاسرة ياء لي.
عمك غفير المستشفى حرقته ليك المسألة.
وراح متابعة ليك لغاية مادخلوها العملية ووقف بالشباك.
بعد شوية - سمعها ليك تكورك - الله لي الله لي بالطريقة المعهودة - وسمع بكاء الشافع.
قال ليهاك بت الكلب يا القضارف عارفك ما بتسرتيه لو ما قلت - الله لي حقتنا ديك - خلي اللهُ ليِ.
ودمت ولكم منا التقدير
|
Post: #55
Title: Re: كلام النســوان .. * عيب *
Author: رأفت ميلاد
Date: 09-18-2007, 07:27 PM
Parent: #52
سلام عثمان حمدين
كل عام وأنتم بخير
Quote: الرجال أخي رأفت في الكثير من المرات يستخدمون نفس المصطلحات بس بحرفنة ..... شديدة
أنظر لهذاالشاعر:
الليل والنهار واحد على العميان **** واللوم والشكر واحد على السجمان
وأنظر لهذا حينما قال:
إبكنَّك بنات والدك وبت والديك******وقالن ووب علينا وطال حُزُنّا عليك .. |
كلام النسوان عشان حنين بدى الشعر رونق . وبليغ فى الوصف وتلقا أغانى الحماس والشجاعة أبلغها من النساء وبلغة النسوان . هى لغة شاعرية فعلآ Quote: يضربك الضريب اليسل روحك .
هل الضريب هناالمقصود بيه أبوفرار= السحائي؟
وهل هنالك تفسير للكثير من الكلمات المستعصاة
مثل كر (ماذا تعني؟) - وأجي أيضاً |
والله فعلآ كان لقينا زول يفتى فى أصل الكلمات أو حتى إجتهاد يفلسفا يكون فعلآ إثراء . لكن قصة "الضريب" هى السحائى ما ظنيت . عندنا بقولوا "إضربك الضريب شقاق العناقريب" سحائى شنو البشق ليه عنقريب .
مرات بتكون تكونت من مناسبات وحوادث مثلآ "جوعة بت الغرب الشوت رحطا" مرتبطة بمجاعة سنة ستة والله أعلم Quote: قيل بأنه في مدينة رفاعة جابوا واحدة متقرضمة من الموظفات المتفلهمات للولادة.
من باب المستشفى شابكا ليك الناس "اللهُ ليِ) - ضامة هاء الله وكاسرة ياء لي.
عمك غفير المستشفى حرقته ليك المسألة.
وراح متابعة ليك لغاية مادخلوها العملية ووقف بالشباك.
بعد شوية - سمعها ليك تكورك - الله لي الله لي بالطريقة المعهودة - وسمع بكاء الشافع.
قال ليهاك بت الكلب يا القضارف عارفك ما بتسرتيه لو ما قلت - الله لي حقتنا ديك - خلي اللهُ ليِ. |
طبعآ الولادة تلتلة المرأة الحقيقية وبقت من أدبياتها . تقول والله الليلة كان تلد عديل ما بسوى ليك الشى الفلانى .
خالتى كانت عميدة مدرسة الدايات فى أمدرمان وكنت بزورا كتير . يوم الطالبات إتشاكلن وواحدة زعلانة وتشتكى من الحقارة قالت ليهم "آآآى أنا ما الجاية بالصلب"
مودتى
|
Post: #53
Title: Re: كلام النســوان .. * عيب *
Author: ملكة سبأ
Date: 09-18-2007, 01:31 PM
Parent: #1
يالهوي على الحر النهار دا
يالهوي على الأهلي 
كنت قايلة الكلمة دي برضو بتدخل في كلام النسوان العيب
إلى ان سمعتها متكررة من الرجال عندهم
رمضان كريم رأفت وضيوفه
|
Post: #56
Title: Re: كلام النســوان .. * عيب *
Author: رأفت ميلاد
Date: 09-18-2007, 07:40 PM
Parent: #53
كيفك يا أستاذة
كل سنة وإنتى طيبة
Quote: يالهوي على الحر النهار دا
يالهوي على الأهلي
كنت قايلة الكلمة دي برضو بتدخل في كلام النسوان العيب |
أولا بمبة ديل خلينا منهم . ديل نسوانم أرجل منهم
ما عارف أنا بشوفا شينة فى خشم الرجال
يوم هنا فى سويسرا حضرنا خطوبة أقباط سودانية ومن المدعوين مصريين جابوا ليك أغانى مصرية والرجال إتحزموا ورقصوا . وفيهم واحد بتلولو رقاصة ما زيو وحولهم نسوانم وعيالم كشف للصباح . ديل جندرة ما عندهم مش بقولوا "نحن أخوات"
تحياتى
|
Post: #54
Title: Re: كلام النســوان .. * عيب *
Author: mamkouna
Date: 09-18-2007, 01:42 PM
Parent: #1
كيفك يا رأفت؟ كل سنة و إنت طيب.
صايم؟؟؟ و لا زي كل مرة .
يا سيدي دا موضوع لذيذ و حنين و طااااااااعم..
أها (( طاعم )) دي زاااتها من كلام النسوان.
كلام النسوان يا سيدي بقى عيب على الإتنين...الرجال و النساء
و بقوا يستعملوا مصطلح (( كلام حبوبات )) كدلالة على قِدَمُه و إنتهاء صلاحيته.
الواحد لمن يتكلم كلام حبوبات بيكون....ما شادي حيلو.
الواحدة لمن تتكلم كلام حبوبات بتكون...قليصة و مقدٌرة ومتنسونة و قاهر و ب قلباً مساهر.
أنا شخصياً راضية بكل الأوصاف الفاتت دي..بحب كلام الحبوبات و بحس إنو فيهو الكثير من الحكمة و الخبرة الحياتية و البلاغة اللفظية..
حسي دعوة زي..
تتعلى ما تتدلى
أو..
تتكسي هيبة..بركة الساكن طيبة
أو..
تتبارك عليك شقيش ما تقبل
أو..
ودعتك لسيد الوداعة الما بيخون وداعتو..
..... و لا...
يللا باااااي!!
|
Post: #57
Title: Re: كلام النســوان .. * عيب *
Author: رأفت ميلاد
Date: 09-18-2007, 08:05 PM
Parent: #54
كيفك يا مكونة
تصومى وتفطرى على خير
| Quote: صايم؟؟؟ و لا زي كل مرة. |
ماسمعتى بالمسيحى المشى الجامع لقى حلفاوى قال ليه داير يسلم . قال ليه "وعايز تسلم ليه" قال "مرتى مطلعا روحى داير أطلقا" قال ليه "والله يا خوى عندنا فى الإسلام حاجة إسمو رمضان اظرط من مرتك ده"
Quote: و بقوا يستعملوا مصطلح (( كلام حبوبات )) كدلالة على قِدَمُه و إنتهاء صلاحيته.
الواحد لمن يتكلم كلام حبوبات بيكون....ما شادي حيلو.
الواحدة لمن تتكلم كلام حبوبات بتكون...قليصة و مقدٌرة ومتنسونة و قاهر و ب قلباً مساهر. |
هو من زمان فى مفردات ممنوعة للبنات الصغار والشافعة بقيلوا عليها قليصة . ومستهجنة لغير المتزوجات ودايمآ نهرت السكيت "يا بت إنقهرى"
زمان أختى كان عندها زميلة إتزوجت من المدرسة . قابلتا بعد فترة طويلة فبتقطع فيها قالت "كلاما بقى نسوان نسوان" Quote: تتعلى ما تتدلى
أو..
تتكسي هيبة..بركة الساكن طيبة
أو..
تتبارك عليك شقيش ما تقبل
أو..
ودعتك لسيد الوداعة الما بيخون وداعتو.. |
لكن والله كلام سمح ودعوات تطمن
كل سنة وإنتى طيبة
|
Post: #58
Title: Re: كلام النســوان .. * عيب *
Author: رأفت ميلاد
Date: 09-18-2007, 10:12 PM
Parent: #57
لدينا باقى ليل أو باقى النهار
ياريت نملا المساحة من معجم "لغة النسوان"
قالوا فى طريقها للإنقراض
غدآ الأرشفة أو اليوم
كل عام وأنتم بخير
|
Post: #59
Title: Re: كلام النســوان .. * عيب *
Author: badr alkalika
Date: 09-19-2007, 00:46 AM
Parent: #58
اطالب برفع البوست من الارشفة
|
Post: #62
Title: Re: كلام النســوان .. * عيب *
Author: رأفت ميلاد
Date: 09-19-2007, 08:40 AM
Parent: #59
| Quote: اطالب برفع البوست من الارشفة |
بدر سيبك من كلام النسوان وخليك فى القراية
ياخوى نعمل لى قدام كلام النسوان(2)
مودتى
|
Post: #60
Title: Re: كلام النســوان .. * عيب *
Author: تيسير عووضة
Date: 09-19-2007, 06:35 AM
Parent: #1
لوم السيح والريح
الترابة دي في خشمي
يطرشني ويعمي جيراني
يا النبي حجز بلا عجز
إتفضل يا عشاي
وحات الجمعة الجامعة والكلمة السامعة
بركة الليل الليّل والشيخ النيَّل
وحات سيدي الحسن
|
Post: #61
Title: Re: كلام النســوان .. * عيب *
Author: رأفت ميلاد
Date: 09-19-2007, 08:05 AM
Parent: #60
تيسير
صباحك فل
ما قصرتى
سلام
|
Post: #63
Title: Re: كلام النســوان .. * عيب *
Author: سمية الحسن طلحة
Date: 09-19-2007, 09:35 AM
Parent: #61
Quote: فياريـت لـو راح "البـوسـت" ده واتوسـع واسـتقبل مـصـطلحـات مـن كـل
قبيـلة وتعـم الفائـدة. |
( هاكم البدو ديل )
بري حايداني بوست عاد
متنضرة نضرا سدادو عمري
مزينة راس علي حسان ودبلة
ملحماهو.. برى لحم أبوي فيهو
بري مزوداهو
يبقالي فيهو زاد الختروا وأتقطروا
عاوزين زيادة ولاتفسير ؟ بنرجع ليكم
|
Post: #65
Title: Re: كلام النســوان .. * عيب *
Author: رأفت ميلاد
Date: 09-19-2007, 09:59 AM
Parent: #63
مرحب بالملكة
أهلآ بيك
Quote: بري حايداني بوست عاد
متنضرة نضرا سدادو عمري
مزينة راس علي حسان ودبلة
ملحماهو.. برى لحم أبوي فيهو
بري مزوداهو
يبقالي فيهو زاد الختروا وأتقطروا |
الرصه حلوة وليها نغما لكن .. | Quote: عاوزين زيادة ولاتفسير ؟ |
الإتنين .. كلام فيه معنى والباقى بالإحساس يا ريت
مودتى
|
Post: #64
Title: Re: كلام النســوان .. * عيب *
Author: د.محمد حسن
Date: 09-19-2007, 09:38 AM
Parent: #1
وانا شغال في كسلا
واحدة من بنات كسلا اسرت لي زميلي في الغرفة ( يا حليل زمن الميزات) انه صاحبك الثقيل ابوشنب ده اصلي ما بريده
وطبعا الروم ميت بتاعي نقل لي الخبرية وهو شامت انه جميلة عصره مكجناني
اها انا طبعا قلبي ميت مشي الموضوع
بعد كم يوم وانا في السوق الشعبي بتاع كسلا
التقي معها وجهالوجه ومعاها واحدة صاحبتها
فقامت سلمت علي وعرفتني بالبنت
قمت قلت ليها تعريفك ناقص
قالت لي كيف
قلت ليها
تعرفيها وتقولي ليها
( ده محمد .. الكان بريده الحس المكوة حارة)
|
Post: #66
Title: Re: كلام النســوان .. * عيب *
Author: othman mohmmadien
Date: 09-19-2007, 12:51 PM
Parent: #64
up
يا رأفت
ليه ما تقسم المسألة لأبواب:
باب الشتائم
الصدقة الملاحها شحدة.
وتاكل الحمت رمت.
باب المدح: إن شاء الله حال محمد ولدى.
باب الشكر: قدمك لأبو إبراهيم.
باب المجاملة: زاد الحبان ليه بكان.
لم أزل أتساءل عن المعاني (ماهو الحمت رمت = أمك كانت تستخدمه كسلاح هرش لك كثيراً) ... الظاهر كنت متعبها جدا..
رأفت والله أمك دي يا قريبة أمي (الله يرحمها) يا الاثنين ... من مدرسة ثقافية واحدة ... الغريبة نفس العبارات لنفس المواقف
|
Post: #68
Title: Re: كلام النســوان .. * عيب *
Author: رأفت ميلاد
Date: 09-19-2007, 02:39 PM
Parent: #66
Quote: لم أزل أتساءل عن المعاني (ماهو الحمت رمت = أمك كانت تستخدمه كسلاح هرش لك كثيراً) ... الظاهر كنت متعبها جدا..
رأفت والله أمك دي يا قريبة أمي (الله يرحمها) يا الاثنين ... من مدرسة ثقافية واحدة ... الغريبة نفس العبارات لنفس المواقف |
ولما تقول شوية تقول ليك إشوى العنقرة .. دى عندكم
قصة الحمت رمت دى أظنها زاتا ما عارفاها . أنا كنت سأال وأقول ليها عليك يعنى شنو تقول لى قلبك ميت .
الله يرحمم جميعآ ويحسن إليهم بقدر حبهم لنا
آمين
|
Post: #67
Title: Re: كلام النســوان .. * عيب *
Author: رأفت ميلاد
Date: 09-19-2007, 02:31 PM
Parent: #64
Quote: قلت ليها
تعرفيها وتقولي ليها
( ده محمد .. الكان بريده الحس المكوة حارة) |
والله القطامة عندك
يكون خسرتا لصاحبك الفتان
|
Post: #69
Title: Re: كلام النســوان .. * عيب *
Author: رأفت ميلاد
Date: 09-19-2007, 07:34 PM
Parent: #67
كلام النســوان .. (ما) * عيب *
كلام سمح ومليان حنية .. ودلال .. ومحبة
شكرآ لكل المتداخلين
|
Post: #70
Title: Re: كلام النســوان .. * عيب *
Author: رأفت ميلاد
Date: 09-20-2007, 05:46 AM
Parent: #69
من أحلى الكلام
سلمى الشيخ سلامة
وما تنسى
عشا البايتات
ويبقى لى السم
صباح خيرى
ود امى ـ بت امى
حبيب قساى
ضو البيت
ود بطنى ـ بت بطنى
صباح العافية
نور عينى
ممكونة
تتعلى ما تتدلى
أو..
تتكسي هيبة..بركة الساكن طيبة
أو..
تتبارك عليك شقيش ما تقبل
أو..
ودعتك لسيد الوداعة الما بيخون وداعتو
سمية الحسن طلحة
بري حايداني بوست عاد
متنضرة نضرا سدادو عمري
مزينة راس علي حسان ودبلة
ملحماهو.. برى لحم أبوي فيهو
بري مزوداهو
يبقالي فيهو زاد الختروا وأتقطروا
لازع الكلام
osman righeem
يا ولد قوم من هني تقوم قبل النبي
يابت انسلي يسل رقبتك
تعال هني تجيك الجاتني في ابوي
النايملها شنو نومة اهل القبب
امرقي مروق الدخان
يا يابا كدي يهردك اللا نام و لا اكل الطعام
الليلي بي يركة من صلي وقال يا الله تتكعوج عليك شقيش ما تقبل
ماني عافالك لبن شطري
تشكيلة (خصيم- حليفة - ونسة - أخرى)
تماضر الخنساء حمزه
ماتنسى الخصيم يارأفت
فيو كلمات وعبارات طريفة
النبي
الرسول
اليقيف ليك في السكة
اليعتر ليك
هي النبي فيك
طلبتك بالرسول
يدشدشك
عرّضتك القطاعة
إقيف ليك جبل
إزاول ليك
Ishraga Haimoura
وحات وليداتي
أعدم جناي
وحات نظري وعافيتي
وحات سماعاتي ودماعاتي
وحاتك إنت الما بحلف بيك بالكضب
تيسير عووضة
لوم السيح والريح
الترابة دي في خشمي
يطرشني ويعمي جيراني
يا النبي حجز بلا عجز
إتفضل يا عشاي
وحات الجمعة الجامعة والكلمة السامعة
بركة الليل الليّل والشيخ النيَّل
وحات سيدي الحسن
البوست
كر على
ووب على
أجى يا ولدى
حال التابانى
سجمى وسجم خشمى
بريه يا يمه
أبرى وأستبرى
أريتو بالتابانى
مقطعاو فى حشاي
يخربنى
وتعليقات أخيرة كان فى وكت
|
Post: #71
Title: Re: كلام النســوان .. * عيب *
Author: محمد أبوالعزائم أبوالريش
Date: 09-20-2007, 06:21 AM
Parent: #1
العزيز رأفت ..
بوست شيق وجميل .. بس لمينا فيهو مع الأرشفة.
أذكر أنني في بوست آخر تعرّضت لبعض الكلمات، منها (أجي) و(بري)، والكلمتين ديل تحديداً رجعتهم لأصلهم العربي، وكان الكلام في تقديري منطقي. لكن الشئ الما لقيت ليهو إجابة هو ... ليه أصبحت حكراً على النساء؟، لأنو أصل الكلمتين ومعناهم ما فيهو شئ يخلي إستعمالهم محصور على النساء.
Quote: بنـاتنا الـحـلفاويات ماقاعـدين يسـتعـملواالكلمات بتاعـت البنات العـرب وعـنـدهـن مـصـطلـحاتهـن الأخـري. نفـس الكلام ده ينطبق عـلي بنات الـدينكا او البـجـا!!!.
فياريـت لـو راح "البـوسـت" ده واتوسـع واسـتقبل مـصـطلحـات مـن كـل
قبيـلة وتعـم الفائـدة. |
طيب يا بكري الصايغ ما تبدأ بي ناسك .. وتورينا حاجات زي (بيوي) و(أبيّا) عشان نشوف كمان باقي ألسن المليون ميل ديل عندهم شنو؟ الفكرة جميلة شديد.
| Quote: لما كنا طلبة كنا بنسجر . الوالدة زرت صديقى محمد شايل سجارة . قالت ليه "سجمى يا محمد" قال ليها سجمى أنا الليلة ياحجة . |
دي قوية شديد يا رأفت.
مرة في مثقفاتية (جندرية)، كانت في حالة ولادة في المستشفى، وكانت تتأوه مع آلام الطلق، بس كل البيطلع منها كان (آاااخ) و(آاااه)، النسوان المعاها زعلوا وقالوا ليها: (يا بت ما تتوجعي زي الناس عشان تتحلّي)
|
Post: #72
Title: Re: كلام النســوان .. * عيب *
Author: ماضي ابو العزائم
Date: 09-20-2007, 07:38 AM
Parent: #71
هجمتنى يا رأفت ود ميلاد تهجمك الطاويه حبالا وحات سيدى الحسن من الخرتوم دى...هو الزول ما امشى الشرق و إشرب جبنتم؟؟ بسس.
لك الود كله يا رأفت و اضم صوتى لنقل البوست
|
Post: #73
Title: Re: كلام النســوان .. * عيب *
Author: الطيب شيقوق
Date: 09-20-2007, 07:53 AM
Parent: #72
انت عارف يا رافت اخوى
كنت نائم بالليل واسمع ليك السمحة ام ولدى تصحى فيني قلت ليها مالك قالت لى تعال اقرا بوست منصور المفتاح بتاع مسادير _ قلت ليها افو عادي انا بقرا فيهو كل يوم - قالت لا لا اليوم غير عادي . ليش يا السمحة غير عادى ؟ سالتها انا - قالت لى تعال شوف رأفت ميلاد صار يكتب دوبيت _
قلت ليها هييييييييييييع ده اخر الزمن نتطاول نحن في البنيان ويدوبوا هم بمساديرنا .
|
Post: #76
Title: Re: كلام النســوان .. * عيب *
Author: رأفت ميلاد
Date: 09-20-2007, 09:42 AM
Parent: #73
الطيب شيقوق
ألف مرحب بيك
| Quote: قالت لا لا اليوم غير عادي . ليش يا السمحة غير عادى ؟ سالتها انا - قالت لى تعال شوف رأفت ميلاد صار يكتب دوبيت _ |
بس نعلك ما قلت ليها إتعلمو وين وجبت ليها سيرة المريسة فى رمضان
تحباتى ليك وللحكومة
وكل سنة وانتوا طيبين
|
Post: #75
Title: Re: كلام النســوان .. * عيب *
Author: رأفت ميلاد
Date: 09-20-2007, 09:34 AM
Parent: #72
حبيبنا ماضى أبو العزايم
مرورك بهجة والله
| Quote: هجمتنى يا رأفت ود ميلاد تهجمك الطاويه حبالا وحات سيدى الحسن من الخرتوم دى...هو الزول ما امشى الشرق و إشرب جبنتم؟؟ |
لكن مبالغة ود حبوبات | Quote: اضم صوتى لنقل البوست |
طلبنا التمديد فى الوكت الضايع . نستنى منك صاحب دار كان الأمور مشت .
كل سنة وانت طيب
|
Post: #74
Title: Re: كلام النســوان .. * عيب *
Author: رأفت ميلاد
Date: 09-20-2007, 09:22 AM
Parent: #71
محمد أبوالعزائم أبوالريش
صباحك فل
| Quote: أذكر أنني في بوست آخر تعرّضت لبعض الكلمات، منها (أجي) و(بري)، والكلمتين ديل تحديداً رجعتهم لأصلهم العربي، وكان الكلام في تقديري منطقي. لكن الشئ الما لقيت ليهو إجابة هو ... ليه أصبحت حكراً على النساء؟، لأنو أصل الكلمتين ومعناهم ما فيهو شئ يخلي إستعمالهم محصور على النساء. |
يا زول البوست ما شفناه ياريت تكرر لينا وما عرفنها والله .
ورغم ما عارف المعنى عند النساء لزيزة فى الأداء خاصة فى الإندهاش والخجل . فى الرجال ما راكبة كده . | Quote: مرة في مثقفاتية (جندرية)، كانت في حالة ولادة في المستشفى، وكانت تتأوه مع آلام الطلق، بس كل البيطلع منها كان (آاااخ) و(آاااه)، النسوان المعاها زعلوا وقالوا ليها: (يا بت ما تتوجعي زي الناس عشان تتحلّي) |
بطلى الفلسفة وأولدى ولادك . عاد جنس قرضمة
شكرآ على الطلة
وكل سنة وإنت طيب
|
Post: #77
Title: Re: كلام النســوان .. * عيب *
Author: Muna Khugali
Date: 09-20-2007, 09:45 AM
Parent: #74
مرة في مثقفاتية (جندرية)، كانت في حالة ولادة في المستشفى، وكانت تتأوه مع آلام الطلق، بس كل البيطلع منها كان (آاااخ) و(آاااه)، النسوان المعاها زعلوا وقالوا ليها: (يا بت ما تتوجعي زي الناس عشان تتحلّي)
وهي قصه حقيقيه عن احدي النساء.. يقال من الذين حضروا توجع ولادتها في لندن..انها كانت تصرخ
وتقول أثناء توجعها
God for me….God for me
وترجمتها..
الله لي..الله لي
|
Post: #78
Title: Re: كلام النســوان .. * عيب *
Author: رأفت ميلاد
Date: 09-20-2007, 10:07 AM
Parent: #77
صباحك خير يا منى
Quote: وهي قصه حقيقيه عن احدي النساء.. يقال من الذين حضروا توجع ولادتها في لندن..انها كانت تصرخ
وتقول أثناء توجعها
God for me….God for me
وترجمتها..
الله لي..الله لي |
ولادة بلغات كمان لكن لمن تبقى فى الزرة بتقلب زى بتاعة رفاعة بتاعة عثمان محمدين
مودتى
|
Post: #79
Title: Re: كلام النســوان .. * عيب *
Author: محمد أبوالعزائم أبوالريش
Date: 09-20-2007, 11:22 AM
Parent: #1
منى خوجلي ...
البتاع الختيتيهو لينا ده شنو مكان صورتك؟ لا عرفناهو زول لا قرد لا ..... بسم الله الرحمن الرحيم
سؤال يا رأفت:
عبارة: (إستغفرتك يا مالك روحي) سببها شنو تبقى حقة نسوان؟ ياخي عبارة بتاعة زول بيستغفر في ربو يقوموا النسوان بي قدرة قادر يستولوا عليها وينسبوها ليهم؟ ..... يا زول نحن بعد كدة مفروض نطالب بالمساواة.
برجع ليك لي أجي ... وبري
|
Post: #80
Title: Re: كلام النســوان .. * عيب *
Author: رأفت ميلاد
Date: 09-20-2007, 01:22 PM
Parent: #79
Quote: منى خوجلي ...
البتاع الختيتيهو لينا ده شنو مكان صورتك؟ لا عرفناهو زول لا قرد لا ..... بسم الله الرحمن الرحيم |
منى قامت على جنها ما متعودة على صيام السودان . غايتو بشبه لى زول ... | Quote: عبارة: (إستغفرتك يا مالك روحي) سببها شنو تبقى حقة نسوان؟ ياخي عبارة بتاعة زول بيستغفر في ربو يقوموا النسوان بي قدرة قادر يستولوا عليها وينسبوها ليهم؟ ..... يا زول نحن بعد كدة مفروض نطالب بالمساواة. |
هى لكن لو أدونا ليها بنقدر نقعدا زى فايزة عمسيب كدة .
هم شالوها بوضع اليد وما براها .. يا زول ما تجيب لينا الجندرة كدى خلينا فى.. وكان شفت لينا "كر على" كمان تكون ما قصرت
مستننك
|
Post: #81
Title: Re: كلام النســوان .. * عيب *
Author: الطيب شيقوق
Date: 09-20-2007, 01:51 PM
Parent: #80
| Quote: تحباتى ليك وللحكومة |
دائما بتخلطوا بين الحكومات ومنظمات المجتمع المدني - عليكم الله افرزوا الكيمان ام ناصر نعم حكومات السمحة ام ولدى لا ابدا هي منظمات المجتمع المدنى
|
Post: #82
Title: Re: كلام النســوان .. * عيب *
Author: رأفت ميلاد
Date: 09-20-2007, 06:20 PM
Parent: #81
| Quote: دائما بتخلطوا بين الحكومات ومنظمات المجتمع المدني - عليكم الله افرزوا الكيمان ام ناصر نعم حكومات السمحة ام ولدى لا ابدا هي منظمات المجتمع المدنى |
يعنى لحنتها
المهم السلطة وين ..
تحياتى لأم ناصر وناصر ربنا يخليه ليكم
مودتى
|
Post: #83
Title: Re: كلام النســوان .. * عيب *
Author: Muna Khugali
Date: 09-20-2007, 09:33 PM
Parent: #82
Quote: منى خوجلي ...
البتاع الختيتيهو لينا ده شنو مكان صورتك؟ لا عرفناهو زول لا قرد لا ..... بسم الله الرحمن الرحيم |
أنا ذاتي ماقادره اقرر..لانه سبحان الله لو قرد بيشبه الانسان خالص..
ولو طلع انسان بتلقاه يشبه القرد خالص..
انت فكر وانا افكر وبعدين البيعرف الأكيده يقول لأخوه..سمح؟
لكن اسه انا المحيرني أكتر من شكله.. ماقادره اعرف هو ابيض ولا ملون؟
بيتفرج في شنو وهو بيفكر؟
ودي عكاز المتكي عليها ولا شنو؟
واذا عكاز.. شايلو ليه؟
غايته برضه فكر وانا افكر.. والبيعرف حاجه يقول لأخوه..سمح؟
غايته اكيدما شيطان.. لأنك اتبسلمت وهو لسه قاعد
|
Post: #84
Title: Re: كلام النســوان .. * عيب *
Author: رأفت ميلاد
Date: 09-20-2007, 10:01 PM
Parent: #83
| Quote: لكن اسه انا المحيرني أكتر من شكله.. ماقادره اعرف هو ابيض ولا ملون؟ |
والله يا منى دى خاطرة إنجليزية مية الميه
غايتو هى حاجة إتلعب فيها ببرنامج تصوير . والدليل على التمثيلية النضارة
لكن جد الأصل قرد ولا إنسان ما معروف .
غايتو شيليهو من البرفايل ... شين
|
Post: #85
Title: Re: كلام النســوان .. * عيب *
Author: الطيب شيقوق
Date: 09-21-2007, 07:21 AM
Parent: #84
الاخ رافت يا بختك
الملكة سمية بت طلحة كلفت لجنة لمراجعة كل مداخلاتك في المنبر العام وقد خلصت اللجنة الى ان الاستاذ الوجيه رأفت ميلاد اكثر ميولا لشعر البطانة واصدرت مرسومها الملكى بمنحكم التبعية الى اهل البطانة دون مطالبتكم للتنكر عما انت فيه الان من مدنية العدسات الحديثة .
|
Post: #87
Title: Re: كلام النســوان .. * عيب *
Author: رأفت ميلاد
Date: 09-21-2007, 12:37 PM
Parent: #85
| Quote: الملكة سمية بت طلحة كلفت لجنة لمراجعة كل مداخلاتك في المنبر العام وقد خلصت اللجنة الى ان الاستاذ الوجيه رأفت ميلاد اكثر ميولا لشعر البطانة واصدرت مرسومها الملكى بمنحكم التبعية الى اهل البطانة دون مطالبتكم للتنكر عما انت فيه الان من مدنية العدسات الحديثة . |
ياخى يشرفنى كتير التجنس بفرسان البادية . وشعر البادية من أجمل الشعر .
وينا الملكة مستننا بالجديد
|
Post: #86
Title: Re: كلام النســوان .. * عيب *
Author: هند محمد
Date: 09-21-2007, 07:35 AM
Parent: #1
Quote: من أحلى الكلام
سلمى الشيخ سلامة
وما تنسى
عشا البايتات
ويبقى لى السم
صباح خيرى
ود امى ـ بت امى
حبيب قساى
ضو البيت
ود بطنى ـ بت بطنى
صباح العافية
نور عينى
ممكونة
تتعلى ما تتدلى
أو..
تتكسي هيبة..بركة الساكن طيبة
أو..
تتبارك عليك شقيش ما تقبل
أو..
ودعتك لسيد الوداعة الما بيخون وداعتو
سمية الحسن طلحة
بري حايداني بوست عاد
متنضرة نضرا سدادو عمري
مزينة راس علي حسان ودبلة
ملحماهو.. برى لحم أبوي فيهو
بري مزوداهو
يبقالي فيهو زاد الختروا وأتقطروا
لازع الكلام
osman righeem
يا ولد قوم من هني تقوم قبل النبي
يابت انسلي يسل رقبتك
تعال هني تجيك الجاتني في ابوي
النايملها شنو نومة اهل القبب
امرقي مروق الدخان
يا يابا كدي يهردك اللا نام و لا اكل الطعام
الليلي بي يركة من صلي وقال يا الله تتكعوج عليك شقيش ما تقبل
ماني عافالك لبن شطري
تشكيلة (خصيم- حليفة - ونسة - أخرى)
تماضر الخنساء حمزه
ماتنسى الخصيم يارأفت
فيو كلمات وعبارات طريفة
النبي
الرسول
اليقيف ليك في السكة
اليعتر ليك
هي النبي فيك
طلبتك بالرسول
يدشدشك
عرّضتك القطاعة
إقيف ليك جبل
إزاول ليك
Ishraga Haimoura
وحات وليداتي
أعدم جناي
وحات نظري وعافيتي
وحات سماعاتي ودماعاتي
وحاتك إنت الما بحلف بيك بالكضب
تيسير عووضة
لوم السيح والريح
الترابة دي في خشمي
يطرشني ويعمي جيراني
يا النبي حجز بلا عجز
إتفضل يا عشاي
وحات الجمعة الجامعة والكلمة السامعة
بركة الليل الليّل والشيخ النيَّل
وحات سيدي الحسن
البوست
كر على
ووب على
أجى يا ولدى
حال التابانى
سجمى وسجم خشمى
بريه يا يمه
أبرى وأستبرى
أريتو بالتابانى
مقطعاو فى حشاي
يخربن |
ده كلام محنه استاذ رأفت .. حتى اللازع منه ما بزعل وبدخل القلب على طول ..
كلام الحبوبة والام الحنينة .. بوست جميل جداً ويعتبر توثيق لهذه المفردات الجميلة ..
وربنا يديم المحنة .. تسلم
|
Post: #88
Title: Re: كلام النســوان .. * عيب *
Author: Mamoun Ahmed
Date: 09-21-2007, 01:21 PM
Parent: #86
رأفت
ياخ اتا زول كارثة
ونحنا بنحبك
اها النسعلكم
لاحظتو الاستخدام الحديث لكلمة
يــــــــلا؟
يللا قام قال ليهم.. يللا انا قلت..
اها يللا رايك شنو يا رافت؟
|
Post: #91
Title: Re: كلام النســوان .. * عيب *
Author: رأفت ميلاد
Date: 09-21-2007, 05:19 PM
Parent: #88
سلام يا مأمون أحمد وكل سنة وإنت طيبQuote: اها النسعلكم
لاحظتو الاستخدام الحديث لكلمة
يــــــــلا؟
يللا قام قال ليهم.. يللا انا قلت.. |
"يلا" بتاعتك دى ولله مسالمة بشكل
نحن من زمن
يلا فكنا .. ويلا بلا لمه
شكرآ على الزيارة الأنيقة
تسلم
|
Post: #89
Title: Re: كلام النســوان .. * عيب *
Author: محمد على طه الملك
Date: 09-21-2007, 02:26 PM
Parent: #86
ود ميلاد..
عيني بارده ..
البوست عبر .
|
Post: #92
Title: Re: كلام النســوان .. * عيب *
Author: رأفت ميلاد
Date: 09-21-2007, 05:28 PM
Parent: #89
كيفك يا محمد على طه الملك
Quote: ود ميلاد..
عيني بارده ..
البوست عبر |
عاد ما بعبر كيف ماشفت خصيم بت حمزةQuote: النبي
الرسول
اليقيف ليك في السكة
اليعتر ليك
هي النبي فيك
طلبتك بالرسول
يدشدشك
عرّضتك القطاعة
إقيف ليك جبل
إزاول ليك |
تسلم يا ملك
|
Post: #90
Title: Re: كلام النســوان .. * عيب *
Author: رأفت ميلاد
Date: 09-21-2007, 04:56 PM
Parent: #86
Quote: ده كلام محنه استاذ رأفت .. حتى اللازع منه ما بزعل وبدخل القلب على طول ..
كلام الحبوبة والام الحنينة .. بوست جميل جداً ويعتبر توثيق لهذه المفردات الجميلة ..
وربنا يديم المحنة .. تسلم |
شكرآ ياهند
ما عندك لينا إضافة !!!
ممكن الإستعانة بصديقة
هو التوثيق الشيئ المقصود فعلآ يا هند .. كان أملنا فى شرح للمعانى وأصول الكلمات .
لكن يبدو الجميع أخذها كما هى بدون تدوين لجزورها
شكرآ على المرور الجميل
وكل عام وأنتى بخير
|
Post: #93
Title: Re: كلام النســوان .. * عيب *
Author: سمية الحسن طلحة
Date: 09-21-2007, 06:28 PM
Parent: #90
ماسعلت منك شينة يارأفت ياخوي
يسعل منك الخير بركة من صلي وقال ياالله
نتشرف بإنضمامك لفرسان البطانة
وبشهادتك للدوبيت كأجمل شعر
أها جيتكم للشرح :
بري حايداني بوست عاد
متنضرة نضرا سدادو عمري
مزينة راس علي حسان ودبلة
ملحماهو.. برى لحم أبوي فيهو
بري مزوداهو
يبقالي فيهو زاد الختروا وأتقطروا
حايداني :أحيد عن الكذب : أقول الحق : أمانة ما بوست عاد
متنضرة : بمعني أنذر نذرا
ملحماه ومزوداه : يعني محرماه : يحرم علي كما حرم علي كذا وكذا..
مزينة راس : تعمد النساء لجز شعورهن عند وفاة شخص عزيز .
|
Post: #94
Title: Re: كلام النســوان .. * عيب *
Author: رأفت ميلاد
Date: 09-22-2007, 09:05 AM
Parent: #93
ياسلام يالملكة
Quote: حايداني :أحيد عن الكذب : أقول الحق : أمانة ما بوست عاد
متنضرة : بمعني أنذر نذرا
ملحماه ومزوداه : يعني محرماه : يحرم علي كما حرم علي كذا وكذا..
مزينة راس : تعمد النساء لجز شعورهن عند وفاة شخص عزيز . |
تتصورى تسمع غير ما تقرا
شرحك وصّل النغم أجمل وأبلغ
يعنى يمكن لو سمعتها ما كان سألت
شكرآ ليك ولا عندمناك
ودى
|
Post: #95
Title: Re: كلام النســوان .. * عيب *
Author: رأفت ميلاد
Date: 09-22-2007, 01:20 PM
Parent: #94
فى إنتظار محمد أبوالعزائم أبوالريش
| Quote: برجع ليك لي أجي ... وبري |
وآخرين
|
Post: #96
Title: Re: كلام النســوان .. * عيب *
Author: سمية الحسن طلحة
Date: 09-22-2007, 07:17 PM
Parent: #95
| Quote: لم أزل أتساءل عن المعاني (ماهو الحمت رمت |
الأخ / عثمان محمدين كل عام وأنت بخير
تسمح لي أفتي ليك علي حد زعمي ؟
يقولوا مثلا الجلابية دي أنحمتت .. أنهردت
الحمت هو الشىء الذي يهرى أويهرد أو يمزق زي موية النار مثلا
والرمت هو الرميم او البالي
وتشرب الحمت رمت
بمعتي تشرب الشىء اليقطع المصارين
أما الضريب أو الضريبي فهي فصحي تعني الهواء البارد جدا الذي يحرق الأشجار والنبات الأخضر.
ودمتم .
|
Post: #97
Title: Re: كلام النســوان .. * عيب *
Author: سمية الحسن طلحة
Date: 09-22-2007, 07:19 PM
Parent: #95
| Quote: لم أزل أتساءل عن المعاني (ماهو الحمت رمت |
الأخ / عثمان محمدين كل عام وأنت بخير
تسمح لي أفتي ليك علي حد زعمي ؟
يقولوا مثلا الجلابية دي أنحمتت .. أنهردت
الحمت هو الشىء الذي يهرى أويهرد أو يمزق زي موية النار مثلا
والرمت هو الرميم او البالي
وتشرب الحمت رمت
بمعتي تشرب الشىء اليقطع المصارين
أما الضريب أو الضريبي فهي فصحي تعني الهواء البارد جدا الذي يحرق الأشجار والنبات الأخضر.
ودمتم .
|
Post: #98
Title: Re: كلام النســوان .. * عيب *
Author: رأفت ميلاد
Date: 09-23-2007, 05:51 AM
Parent: #97
يا سلام
شكرآ الأستاذة سمية الحسن
حقآ وجودك كنز لا يقارن ولا يقاوم
Quote: تسمح لي أفتي ليك علي حد زعمي ؟
يقولوا مثلا الجلابية دي أنحمتت .. أنهردت
الحمت هو الشىء الذي يهرى أويهرد أو يمزق زي موية النار مثلا
والرمت هو الرميم او البالي
وتشرب الحمت رمت
بمعتي تشرب الشىء اليقطع المصارين
أما الضريب أو الضريبي فهي فصحي تعني الهواء البارد جدا الذي يحرق الأشجار والنبات الأخضر. |
الضريب أو الضريبي لقد مررت به فى بوست حكايا الديم ( الوطن ) دون أن أعرف إسمه .| Quote: الطيب من غرب السودان لا أدرى من أين ولكنه حكى لى بتيار برد كان يحرق الأشجار ويقتل الأطفال . لا تراه ولكن تري الأشياء تزبل فى مساره كما تأكل النار القصب . يمكن تفاديه بالعدو منه أو تغيير المسار . |
شكرآ على جميل وغالى المعلومات والحمت رمت الذى ياما هردت أمى به مصارينى رحمها الله ويحسن إاليها .
ياليت لو كتبتى لنا شيئآ "الطاوية حبالا" التى طوانى بها أخوى ماضى
| Quote: هجمتنى يا رأفت ود ميلاد تهجمك الطاويه حبالا |
عميق مودتى
|
Post: #99
Title: Re: كلام النســوان .. * عيب *
Author: محمد أبوالعزائم أبوالريش
Date: 09-23-2007, 06:36 AM
Parent: #1
أولاً دي حارقاني شديد:-
| Quote: غايتو شيليهو من البرفايل ... شين |
نؤيد .. نثني .. نطالب ... نصر. ..... ياخي القرول (قرد+زول) بتاعك ده بيعمل لي كاروشة في رموشي.
طيب يا رأفت:
كلمة بري، نلاحظ أن النساء ينطقنها وكأنها مقطوعة أو على يائها همزة (برئ)، و"تعني برئ مما تقول". تقول للمرأة هل فعلتي كذا؟ فترد برئ، أي أنها تنفي أن تكون فعلت ذلك، وهي بريئة.
كلمة أجي: تستعمل عند الإستغراب أو إستنكار شئ، وتأتي بمعني (أجدٌّ ما تقول)، يعني تقول لي واحدة "منى خوجلي ختت في البروفايل بتاعها شيطان" تقوم تقول ليك "أجي؟" ... يعني "صحي بالله؟" .. يعني أجدٌّ ما تقول؟
|
Post: #100
Title: Re: كلام النســوان .. * عيب *
Author: رأفت ميلاد
Date: 09-23-2007, 12:09 PM
Parent: #99
عزيزى محمد أبوالعزائم أبوالريش
Quote: كلمة بري، نلاحظ أن النساء ينطقنها وكأنها مقطوعة أو على يائها همزة (برئ)، و"تعني برئ مما تقول". تقول للمرأة هل فعلتي كذا؟ فترد برئ، أي أنها تنفي أن تكون فعلت ذلك، وهي بريئة.
كلمة أجي: تستعمل عند الإستغراب أو إستنكار شئ، وتأتي بمعني (أجدٌّ ما تقول)، يعني تقول لي واحدة "منى خوجلي ختت في البروفايل بتاعها شيطان" تقوم تقول ليك "أجي؟" ... يعني "صحي بالله؟" .. يعني أجدٌّ ما تقول؟ |
شكرآ جزيلآ .
وصلتنى "برى" كاملة ... و"أجى" لا ينقصها الإقناع والنساء بلا شك أحرف من يدلع الكلمة ويختصرها.
لك مودتى ويبدو أن "كر" ليس لها نصيب عندك .
........
برى و أجى من شيطان منى أبو نضارات
|
Post: #103
Title: Re: كلام النســوان .. * عيب *
Author: Muna Khugali
Date: 09-23-2007, 03:07 PM
Parent: #99
| Quote: نؤيد .. نثني .. نطالب ... نصر. ..... ياخي القرول (قرد+زول) بتاعك ده بيعمل لي كاروشة في رموشي. |
نفسي اشوفك مع القراء من غير رموش
| Quote: كلمة أجي: تستعمل عند الإستغراب أو إستنكار شئ، وتأتي بمعني (أجدٌّ ما تقول)، يعني تقول لي واحدة "منى خوجلي ختت في البروفايل بتاعها شيطان" تقوم تقول ليك "أجي؟" ... يعني "صحي بالله؟" .. يعني أجدٌّ ما تقول؟ |
|
Post: #166
Title: Re: كلام النســوان .. * عيب *
Author: رأفت ميلاد
Date: 12-19-2007, 12:42 PM
Parent: #99
نقل مداخلة .. الى آخر الصفحة
|
Post: #101
Title: Re: كلام النســوان .. * عيب *
Author: محمد أبوالعزائم أبوالريش
Date: 09-23-2007, 12:19 PM
Parent: #1
| Quote: "كر" ليس لها نصيب عندك |
بصراحة ما فكرت فيها قبل كدة .... لكن أديني صنة أحاول ليك تأويلها .... ولو ما رجعت يبقى غلبتني. لكن عموماً موضوع البوست بتاعك ده بحر غرييييق.
مودتي
|
Post: #105
Title: Re: كلام النســوان .. * عيب *
Author: رأفت ميلاد
Date: 09-23-2007, 04:46 PM
Parent: #101
تعرف يا أبو العزايم أبو الريش
"كر" دى سمحة خلاس تدغدغ الواحد
الطفل الصغير لمن "يكح" وأمو تقول كر تلقاه يتصنع الكحة عشان تعيدا عليه
والصبى كان وقع ولا جاهو عارض حضنه من من أمو "وّكر على" تلقاهو إتنفخ ولبد
والله نحن الكباااار ديل بتسر بالنا .
سرها فى نغمتا وطلوعا من القلب
حقو نخليها كدة
ولا شن قولك
|
Post: #102
Title: Re: كلام النســوان .. * عيب *
Author: Safia Mohamed
Date: 09-23-2007, 02:14 PM
Parent: #1
الاستذ رافت تحياتي
ضحكت كترة ضحك ، بالاضافة لانو عرفت زولين ابو العزايم وميلاد فرصة سعيدة.
اخليكم لحد ما اجيكم صادة
سلام
صفية
|
Post: #104
Title: Re: كلام النســوان .. * عيب *
Author: رأفت ميلاد
Date: 09-23-2007, 04:37 PM
Parent: #102
مرحب بيك يا صفية وحبابك
إنتى الشرفتينا كتير والله
| Quote: اخليكم لحد ما اجيكم صادة |
مستننك .. بس ماتجينا يدينك فاضية إنشاءالله دعى
كل سنة وإنتى طيبة
|
Post: #106
Title: Re: كلام النســوان .. * عيب *
Author: othman mohmmadien
Date: 09-23-2007, 08:10 PM
Parent: #104
Quote: الأخ / عثمان محمدين كل عام وأنت بخير
تسمح لي أفتي ليك علي حد زعمي ؟ |
الليلة البرق نفض السحاب واتعمر
وعادت لنا بت طلحة مشبعة بدعاش البطانة
راسية بنا في مراسي الشوق والوطن
فألف حمدا لله على السلامة
و لا يفتى وبت طلحة في المدينة.
سأدون معنى الحمت رمت بلا ريب في مذكرتي التراثية.
ثم ماذا عن "كر"
سمعت أنها كانت ملكة نوبية وكانت شديدة - قاسية في حكمها .... فعندما يقال لك كر عليك - فكأنما نزلت بك مصيبة كمن يقاد إلى الملكة كر لتحكم عليه.
والله رأيك يا رأفت وما رأي بنت طلحة.
رأفت ميلاد:
أمي كانت حينما تعطي شيئاً للناس وأقول لها أنه قليل أو حينما يقدم لها الجيران شيئاً ويقدمون عذرهم بأنه قليل وهو في الحقيقة ليس بقليل وإنما لتهذيب النفس وشحذ الهمة للمزيد من العطاء. كانت تقول "زاد الحبان ليه بكان" - مقلبة الميم باء كالذي في القرآن "للذي ببكة مباركا" وهي في الأصل مكة.
أمك كانت بتقول العبارة دي يا رأفت ؟ - مع العلم أنها ليست عبارة رجالية لا تستخدم ولم أسمعها أبداً من الرجال أو ربما يقول الرجل بصورة أخشن من ذلك.
|
Post: #107
Title: Re: كلام النســوان .. * عيب *
Author: سمية الحسن طلحة
Date: 09-23-2007, 09:52 PM
Parent: #106
Quote: ياليت لو كتبتى لنا شيئآ "الطاوية حبالا" التى طوانى بها أخوى ماضى
|
غايتو يارأفت عمرك طويل بس من الحمت رمت للطاوية حبالا !
دي الدنيا..تتحايل عليك وتصطادك بحبائلها كالمرض الحوادث
يعني الموووت لاحولة ولاقوة إلا بالله العلي العظيم
العيان يديك للمستريح الله يكون قي عونك
| Quote: "زاد الحبان ليه بكان" |
والله ياعثمان أول مرة أسمع حكاية الملكة دي لكن في موروثنا كلمة كر علي تعني :
يكر علي العدو.. وأنت أعلم بالحال حين يهجم العدو يكون هجايم ورجايم مش كدة
زيها وزي واسجم خشمي وواصمت خشمي ووارمادى والترابة التكيل خشمي وكر علي..ألخ
أمازاد الحبان دي تعني عندنا: عندما يدعوك أحدهم لطعام أوشراب وتعتذر بأنك شبعان
ومافي أي طريقة تأكل أوتشرب بقوليك زاد الحبان ليه بكان ، فتضطر للمجاملة
ومنكم نستفيد ونستعيد تراثنا.
|
Post: #110
Title: Re: كلام النســوان .. * عيب *
Author: رأفت ميلاد
Date: 09-24-2007, 04:36 PM
Parent: #107
سلام يالملكة
Quote: غايتو يارأفت عمرك طويل بس من الحمت رمت للطاوية حبالا !
دي الدنيا..تتحايل عليك وتصطادك بحبائلها كالمرض الحوادث
يعني الموووت لاحولة ولاقوة إلا بالله العلي العظيم
العيان يديك للمستريح الله يكون قي عونك |
شفتى كيف ما الوالدة ما كانت بتعادل الحمت رمت بـ "لا تتهد ولا تتمد .. شئ مرات المطرة أم برق ولا أم رعد .. غير وقيف أولاد الحلال محل ما أقبل" طبعآ ده مقابل حزمة نعناع بلدى أو بن "هررى" زمن المعدوم .
المصيبة فى الطاويا حبالا ياها اللافانا لفانا لا بجيبا ماضى ولا بقدر يحوشا Quote: لكن في موروثنا كلمة كر علي تعني :
يكر علي العدو.. |
تتصورى كدة وقعت لى تمام . وهى برضو بتتقال كدة كاملة (كر علي العدو) . كنت بفتكرا جزئين (كر ... على العدو) وبختلف المعنى . Quote: أمازاد الحبان دي تعني عندنا: عندما يدعوك أحدهم لطعام أوشراب وتعتذر بأنك شبعان
ومافي أي طريقة تأكل أوتشرب بقوليك زاد الحبان ليه بكان ، فتضطر للمجاملة
ومنكم نستفيد ونستعيد تراثنا. |
دى وصلت كاملة
مستنين تانى
مودتى
|
Post: #109
Title: Re: كلام النســوان .. * عيب *
Author: رأفت ميلاد
Date: 09-24-2007, 12:54 PM
Parent: #106
عثمان محمدين
سلامات ياحبيب
قصة الملكة بتاعتك بلاقيقيك بيها فى مداخلة الملكة المتوجة سمية
لكن الملاحظة أساطيرنا مليئة بالملكات تتبعهم صفة "القساوة"
تجده فى ملكات النوبة وجسارة الكنداكة وملكات الإنقسنا وقسوتهم على الرجال
عندنا فى الجزيرة قرية إسمها "السوريبة" يتردد أحيانآ السوريبة إسم ملكة قديمة ويتردد السوريبة كانت مملكة ولكن فى الحالتين كانت محكومة بملكة وكانت قاسية وتعدم الرجال بيدها ولأسباب واهية أساسها القهر والدكتاتورية .Quote: رأفت ميلاد:
أمي كانت حينما تعطي شيئاً للناس وأقول لها أنه قليل أو حينما يقدم لها الجيران شيئاً ويقدمون عذرهم بأنه قليل وهو في الحقيقة ليس بقليل وإنما لتهذيب النفس وشحذ الهمة للمزيد من العطاء. كانت تقول "زاد الحبان ليه بكان" - مقلبة الميم باء كالذي في القرآن "للذي ببكة مباركا" وهي في الأصل مكة.
أمك كانت بتقول العبارة دي يا رأفت ؟ - مع العلم أنها ليست عبارة رجالية لا تستخدم ولم أسمعها أبداً من الرجال أو ربما يقول الرجل بصورة أخشن من ذلك. |
زاد الحبان ليه بكان سمعتها مترددة ليس فقط عند الوالدة ولكن فى الجزيرة ولدى أهلنا فى أمدرمان وفعلآ ثقافة نسائية . وتبخيس الجود عندهن يقولن ليك (فضلة خيرك) ولا (أعفى لينا ما قدر المقام) دى عندنا فى أمدرمان .
عندى أخوى متوحش شوية كدى . جيت لقيت ليك أمى شواطين الدنيا راكباها (ده تعبيرها لما تزعل) سألتها فى شنو . قالت جانا ضيف من الجزيرة ومافى زول غير أخونا ده . ختت ليهم الغادا ووصتو تمام عشان عارفاهو . قالت (قاعدة جوة أسمع الضيف قام أخوك قال ليه أقعد ياخ الراجل قال ليهو الحمدلله قال ليهو على كيفك وواصل فى أكلو)
مودتى
|
Post: #108
Title: Re: كلام النســوان .. * عيب *
Author: محمد أبوالعزائم أبوالريش
Date: 09-24-2007, 05:55 AM
Parent: #1
| Quote: زيها وزي واسجم خشمي وواصمت خشمي ووارمادى والترابة التكيل خشمي وكر علي..ألخ |
الكلام عن "كر" كترة ... عشان كدة لن يهدأ لي بال لهدي ما أجيبا ليكم.
أما "السجم" حسب علمي هو ناتج الحريق من السكن (الكربون) عند احتراق فتيل قنديل أو ما شابه. ويكون خفيفاً بحيث يتطاير، ولتجميعه يجب وضع جسم صلب حتى يلتصق عليه. أرجو تصحيح المعلومة يا العارفين أكتر. ..... وانا عارف هنا في (حبوبات)
|
Post: #113
Title: Re: كلام النســوان .. * عيب *
Author: رأفت ميلاد
Date: 09-24-2007, 08:24 PM
Parent: #108
| Quote: أما "السجم" حسب علمي هو ناتج الحريق من السكن (الكربون) عند احتراق فتيل قنديل أو ما شابه. ويكون خفيفاً بحيث يتطاير، ولتجميعه يجب وضع جسم صلب حتى يلتصق عليه. أرجو تصحيح المعلومة يا العارفين أكتر. ..... وانا عارف هنا في (حبوبات) |
مستننك ومستنين الحبوبات
عارفم ليك لميت فيهم قبل كدة فى بوست ياسر الشريف بتاع أغنية الحصاد
|
Post: #111
Title: Re: كلام النســوان .. * عيب *
Author: Amir Omer
Date: 09-24-2007, 06:05 PM
Parent: #1
إزيك يا رأفت ورمضان كريم
بوست مباااااااااالغة عديل
يااااخ أنتو جبتو سيرة (ووووب علي) في البداية
بس ما وريتونا المصدر
أها هسي عايزين وووب علي وفوق عليها "حبيب قساي"
قساي دا منو؟
أمير
|
Post: #116
Title: Re: كلام النســوان .. * عيب *
Author: رأفت ميلاد
Date: 09-24-2007, 09:44 PM
Parent: #111
كيفك أمير عمر
رمضان كريم
Quote: يااااخ أنتو جبتو سيرة (ووووب علي) في البداية
بس ما وريتونا المصدر
أها هسي عايزين وووب علي وفوق عليها "حبيب قساي"
قساي دا منو؟ |
أنا غايتو ووب دى أصلى فكرت فيها . ووب يعنى ووب والمصيبة كسرت
حبيب قساى دى سمحة خلاس
لكن نرفع إلتماس للملكة تشوفم لينا
شكرآ على جمال الطلة يا ملك وإنشاءالله طلبك مجاب
|
Post: #112
Title: Re: كلام النســوان .. * عيب *
Author: Al-Shaygi
Date: 09-24-2007, 06:09 PM
Parent: #1
رأفت
ياخ أنت كل يوم ينبش ليك موضوع زي ما بقولوا أهلنا المصريين "أنأح" من القبله.
المرة دي الموضوع شيق جداً.
Quote: وهذه اللغة ممنوعة على الرجال ويتم إستهجانها عليهم أولآ من النساء
ولصيقة بفئة ذكورية معينة ... |
الفئة هذه التي تعنيها لديها لغتها ومفرداتها الخاصة، وكلها ترد في سلاسة سجعية عجيبة تجعل من كل منهم شاعراً متفرداً ولكن في مجاله فقط.
ديل يا رأفت دايرين ليهم بوست براهن ودايرين دراسة توثيقية بوصفهم جزء من المجتمع وإن رفضهم المجتمع ولكن لا يمكن إنكار وجودهم وبالعكس هم يفرضون وجودهم وواقعهم بالقوة.
كدي فكر في الموضوع ده.
بس طلعت حبوبه كبيره وراجينك طامعين في الكثير.
الشايقي
|
Post: #114
Title: Re: كلام النســوان .. * عيب *
Author: سمية الحسن طلحة
Date: 09-24-2007, 09:19 PM
Parent: #112
في المحارة ولا عند الجارة يايما مافي شيتاً بضر إلا زايد الحديث .
|
Post: #118
Title: Re: كلام النســوان .. * عيب *
Author: رأفت ميلاد
Date: 09-25-2007, 05:43 AM
Parent: #114
صباح الخير عليك يا أستاذة
راجنك بالشرح وجيتينا براك | Quote: في المحارة ولا عند الجارة يايما مافي شيتاً بضر إلا زايد الحديث . |
المحارة شنو ?
من المحرية ولا المحارة الواحدة بتاعة البحر
كدى رقدى لينا المثل
عندنا بقولن فى السياق ده
مابضر إلا الكلام المر
مستننك والطلبات كترت فوق
وليك من الورد أعبقه
|
Post: #117
Title: Re: كلام النســوان .. * عيب *
Author: رأفت ميلاد
Date: 09-24-2007, 10:17 PM
Parent: #112
أهلآ الشايقى حباب الطلة
رمضان كريم
Quote: الفئة هذه التي تعنيها لديها لغتها ومفرداتها الخاصة، وكلها ترد في سلاسة سجعية عجيبة تجعل من كل منهم شاعراً متفرداً ولكن في مجاله فقط.
ديل يا رأفت دايرين ليهم بوست براهن ودايرين دراسة توثيقية بوصفهم جزء من المجتمع وإن رفضهم المجتمع ولكن لا يمكن إنكار وجودهم وبالعكس هم يفرضون وجودهم وواقعهم بالقوة.
كدي فكر في الموضوع ده. |
ديل بقى أختانى منهم بعيييد . دمى ما بمشى معاهم ولا بقدر على رصهم .
لكن الملاحظة النسوان بدورن ونستهم . وطباخين الحفلات تلقاهم معاهم النقر بالنقر "ومغروزين" وسط النسوان و ما بعملن حسابن منهم كرجال .
يعنى كان فى عدم إنكار لوجودهم مجتمع النساء . بديهم إعتراف كفئة أخرى
لكن أنا شايفم رجال خايبين بس .
مرحب بيك حبوبة خطيرة
|
Post: #115
Title: Re: كلام النســوان .. * عيب *
Author: حسين محي الدين
Date: 09-24-2007, 09:31 PM
Parent: #1
حلوة أنه الموضوع مافيه جندرة دي
أستاذي ميلاد لك التحية
على هذه المساحة
|
Post: #119
Title: Re: كلام النســوان .. * عيب *
Author: رأفت ميلاد
Date: 09-25-2007, 08:22 AM
Parent: #115
مرحب بيك حسين محى الدين (مرتين)
فى البوست وفى المنبر
| Quote: حلوة أنه الموضوع مافيه جندرة دي |
ياخوى ماعندنا جندرة ولا بندخل محلها . كلام النسوان ما فيه خطوط حمراء . ده حق أماتنا وحبوباتنا وأهلنا . بنوثق ليه من الإنقراض فخرآ .
وبعدين كلام النسوان كان شكر كان مناصرة وكان تخفيف للألم والحزن نحن الرجال طلعنا منه بنصيب الأسد .
نتتمنى منك المشاركة
وأسعدتنى فعلآ الطلة
كل سنة وأنت طيب
ورمضان كريم
|
Post: #120
Title: Re: كلام النســوان .. * عيب *
Author: salma subhi
Date: 09-25-2007, 08:29 AM
Parent: #119
الأستاذ رأفت ميلاد
كلام النساء هين ...بس خلي بالك من كيد النساء...ان كيدهن عظيم
تقديري
|
Post: #121
Title: Re: كلام النســوان .. * عيب *
Author: رأفت ميلاد
Date: 09-25-2007, 10:23 AM
Parent: #120
الأستاذة الرقيقة سلمى صبحى
كل سنة وإنتى طيبة
| Quote: كلام النساء هين ...بس خلي بالك من كيد النساء...ان كيدهن عظيم |
مافى زول هين و أغنية "كيد النساء عظيم" ساتر بنغطى عيوبنا.
عليك الله الواحدة قاعدة فى بيتم وجارية ورا هم عيالا وقوت بيتا يدخل الراجل طابق ليهو مرة تانية . هسة الكيدهم عظيم منو؟
المصريات قالن (يا مئآمنة للرجال .. يا مئامنة للموية فى الغربال)
يختى مافى زول هين وده كلام بنكّت الجندرة الخايف منها حسين محى الدين
خلينا فى السليم وكلام النسوان وحلاوتو
مودتى
----------
همسة: مرتاح وبوست الأستاذ عدا الأرشفة وصديقى فى السودان
|
Post: #122
Title: Re: كلام النســوان .. * عيب *
Author: سمية الحسن طلحة
Date: 09-25-2007, 10:47 AM
Parent: #120
شكرا يارأفت علي هذا العبق
المحارة ياها الواحدة دي بتاعة قرقور البحر وكان الناس بسخدموها كملعقة
ومعني الكلام : مهما كان الشى قليل لاتستحقره ( من عاف قليله هلك )
أحتفظ بقليلك قد تحتاج إليه فليس هناك شى يضر غير زيادة الحديث
وحاجتك المالكا ولو كانت بقدر مليء محارة أحسن لك مما تشحد من عند الجارة
محمد أبو العزائم كيف الحال
وين بوستك بتاع الكلمات السودانية المغلوصة داك ؟
لونحن ما حبوبات بنعرف كلام الحبوبات (لومامتنا شقينا المقابر)الحبوبات ديل خليهم للحوبات
وحكاية السجم دى ، ووب علي ، وحبيب قساي الواردة أعلاه بنجما( نجم ينجم تنجيما) ليكم :
السجم أو السكن كما تفضلت بشرحه هو ما يسكن أويستقر علي ظهر الحلة أو الصاج أو الطاجن أو الدوكة
من نتاج حرق الحطب عند الطبخ أو العواسة
كلمة ووب دي يارأفت من كلمات الندب أو النكد السوداني الأصيل مثل (ويحي وويلي)، بمعني أموت والناس تقول ووب ووب نائحة علي مثل ( واي علي ) يعني أموت والناس يبكون : واي علي فلانة
أما عشاي وحبيب قساي: تقولها الأم لولدها أو أخيها لأن العشا صعب تجهيزه وخاصة لو الدنيا ضلام ومطر
وحبيب القسا هو صاحبك في الشدة وقسوة صروف الدهر وليس صحبة قرقر الما بتقع فوق الشر
ولكم من الياسمين نقيه ولطيفه.
|
Post: #126
Title: Re: كلام النســوان .. * عيب *
Author: رأفت ميلاد
Date: 09-25-2007, 10:19 PM
Parent: #122
شكرآ للملكة المتوجة فى البطانة و على قلوبنا سمية الحسن طلحة
ما قنعنا ومنتظرين منك الكتير
أرفع البوست ولى عودة
|
Post: #123
Title: Re: كلام النســوان .. * عيب *
Author: محمد أبوالعزائم أبوالريش
Date: 09-25-2007, 11:09 AM
Parent: #1
بت الحسن كيفك؟
ونعلكم طيبين بعد آثار جونو؟
Quote: محمد أبو العزائم كيف الحال
وين بوستك بتاع الكلمات السودانية المغلوصة داك ؟ |
أنا طبعاً لقيت في شوية شبه بين البوست القلتي عليهو، وبوست الغلوتيات وبوست رأفت القاعدين فيهو دة. عشان كده جريت بنبري وهاك يا قعدة.
"المغلوصة" دي بالغتي فيها .... يا زولة الفرق في الكي بورد بين الطاء والصاد بعيد ... القصة قصة صيام باقي لي.
لكن غايتو رأفت طلع حبوبة أكتر منك.
أقعدي عافية
|
Post: #124
Title: Re: كلام النســوان .. * عيب *
Author: محمد أبوالعزائم أبوالريش
Date: 09-25-2007, 11:35 AM
Parent: #1
كلام سمية استفزاني وخلاني أفتش على البوست .... لما أخيراً لقيتو، أتاريهو بكري الله يديهو العافية راح موديهو ومأرشفو تبع المواضيع الهامة:
أخطاء في لهجتنا العامية
ده طبعاً عيب إنو الواحد ما يكون عنده مكتبة
|
Post: #125
Title: Re: كلام النســوان .. * عيب *
Author: سمية الحسن طلحة
Date: 09-25-2007, 11:51 AM
Parent: #124
| Quote: "المغلوصة" دي بالغتي فيها .... يا زولة الفرق في الكي بورد بين الطاء والصاد بعيد ... القصة قصة صيام باقي لي. |
بقينا جارين شمال والطاء يمين
اللهم أجعلنا من أصحاب اليمين
بوستك دا يامحمد كان منغصني ( نسبة لمغلوصة على وزن ممغوصة بالسودانى )
ومالقيت إيدى أتفش فيه لغاية ماراح
شكرا لجلبك إياه لنا هناعشان نتفرج فيه ونفشش في بوست رأفت .
|
Post: #127
Title: Re: كلام النســوان .. * عيب *
Author: محمد أبوالعزائم أبوالريش
Date: 09-26-2007, 05:58 AM
Parent: #1
بعد ما غلب حماري ... قمت استعنت بصديق
وقالوا أحسن صديق هو الكتاب، لذلك وبحثاً عن أصل كلمة "كُر" وجدت أن د. عون الشريف قاسم في "قاموس اللهجات العامية في السودان" أوّلها إلى "الكره" فقال:
"كُر كلمة تقولها النساء عند ذكر ما ينفرن منه، فيقال "كُر يا يُمّا" وكأنها كُره يا يُمّا أي الشئ المكروه"
|
Post: #128
Title: Re: كلام النســوان .. * عيب *
Author: سمية الحسن طلحة
Date: 09-26-2007, 08:19 AM
Parent: #127
شكرا رأفت ياسيدي تسلم قلوبكم من كل سوء يارب
معني كره لايختلف عن المفهوم العام يامحمد لكر يايما
لكن كر علي ممكن تختلف شوية.. مش ؟ شكرا للمعلومة
اللهم زدنا علما وعلمنا ماينفعنا وأنفعنا بما علمتنا.
|
Post: #129
Title: Re: كلام النســوان .. * عيب *
Author: محمد أبوالعزائم أبوالريش
Date: 09-26-2007, 08:37 AM
Parent: #1
| Quote: ضحكت كترة ضحك ، بالاضافة لانو عرفت زولين ابو العزايم وميلاد فرصة سعيدة. |
الأخت صفية:
يا ستي نحن والله سعادتنا بسعادتكم ...... والله يضحكك كمان وكمان.
مودتي
|
Post: #130
Title: Re: كلام النســوان .. * عيب *
Author: ماضي ابو العزائم
Date: 09-26-2007, 08:54 AM
Parent: #129
Quote: وجدت أن د. عون الشريف قاسم في "قاموس اللهجات العامية في السودان" أوّلها إلى "الكره" فقال:
"كُر كلمة تقولها النساء عند ذكر ما ينفرن منه، فيقال "كُر يا يُمّا" وكأنها كُره يا يُمّا أي الشئ المكروه" |
(و كر حقة الجداد)؟؟؟؟؟
فتشو شئ تامنى غير التأويل بالغة العربية.
ودة بقودنا ل(كر , عر , جر , وشششش , بس )
|
Post: #131
Title: Re: كلام النســوان .. * عيب *
Author: رأفت ميلاد
Date: 09-27-2007, 09:15 AM
Parent: #130
صباح الخير يا ماضى
Quote: و كر حقة الجداد)؟؟؟؟؟
فتشو شئ تامنى غير التأويل بالغة العربية.
ودة بقودنا ل(كر , عر , جر , وشششش , بس ) |
ياخى دى أصوات بتختلف من مكان الى مكان المهم يتعود عليها الحيوانات . مثلآ "عر" بقولوا عليها المصرين "حا" . ولما تقول لى زول "عر" زى بتقول ليهو يا حمار .
عندنا عمنا عثمان عبدالله رحمه الله كان غاوى تربية الدواجن ويقوم بإطعامهم بنفسه . كان "بصفر" ليهم بفمه . منظر بديع عندما يستجيب الحمام والدجاج والأوز والبط وحتى عصافير السماء لصفيره المميز .
لكن يا محمد فعلآ "كر" من الكره ما راكبة . "كر علىّ" كلها شفقة . وفعلآ كر العدو محنة "وبشفق" أنا أصوت الى للملكة
سؤال : "مغلوصة" لغة عربية سليمة ؟
مفعوصة أعتقد من "العفص" مسكينة البت المفعوصة
تحياتى
|
Post: #134
Title: Re: كلام النســوان .. * عيب *
Author: ابوبكر يوسف إبراهيم
Date: 09-27-2007, 10:23 AM
Parent: #130
الحبيب العزيز رأفت
سلام على روحك الطيبة
منذ البداية وأنا أتابابع وأقرأ في هذا المعجم الذي كدنا أن نفتقده من تعلاملاتنا وحياتنا الإجتماعية وثقافتنا .. وأتابع كل المداخلات الثرة والجميلة والمرحة .. أستمتع حتى الثمالة .. لك الشكر والتقدير وطيب الله ثرى البروفيسور عون الشريف الذي وثق لما يعتبره الكثيرون غير ذي قيمة
|
Post: #136
Title: Re: كلام النســوان .. * عيب *
Author: رأفت ميلاد
Date: 09-27-2007, 12:16 PM
Parent: #134
مرحب بيك يا أبو بكر
| Quote: وطيب الله ثرى البروفيسور عون الشريف الذي وثق لما يعتبره الكثيرون غير ذي قيمة |
بأمانة معجم د. عون الشريف ما سعت بيه إلا فى البوست ده . وفتشت فى محركات البحث وما لقيت حاجة تشفى الغليل .
فعلآ مافى حاجة ما فيها فايدة أو ليس لها قيمة . وقيم الشعوب يجمعها ناس زى د. عون الشريف له منظار أبلغ من كثيرون لا يرون الأشياء يجمالياتها .
التحية له ولك
وكل عام وأنت بخير
|
Post: #132
Title: Re: كلام النســوان .. * عيب *
Author: محمد أبوالعزائم أبوالريش
Date: 09-27-2007, 09:25 AM
Parent: #1
طيب يا رأفت ... إنت هسة مسكت لينا كلام النسوان اللذيذ، والحنين ... نوع ناس كُر علي ... ويا جنا حشاي، ويا ود أمي ..إلخ. طيب الجماعة ديل ما عندهم كمان كلام تاني ..... زي (سجم خشمك) .... (سجم الرماد) (يا سجمان يا رمدان) ... وجميع السجمات المتوفرة. لكن بيني وبينك ... برضو عندها نكهة لذيذة.
|
Post: #133
Title: Re: كلام النســوان .. * عيب *
Author: رأفت ميلاد
Date: 09-27-2007, 10:16 AM
Parent: #132
سلام يا محمد أبو العزايم
| Quote: طيب يا رأفت ... إنت هسة مسكت لينا كلام النسوان اللذيذ، والحنين ... نوع ناس كُر علي ... ويا جنا حشاي، ويا ود أمي ..إلخ. طيب الجماعة ديل ما عندهم كمان كلام تاني ..... زي (سجم خشمك) .... (سجم الرماد) (يا سجمان يا رمدان) ... وجميع السجمات المتوفرة. لكن بيني وبينك ... برضو عندها نكهة لذيذة. |
ياخى (سجم خشمك) .... (سجم الرماد) (يا سجمان يا رمدان) دايمآ بتخش فى المكاوا والهزار ومرات دلع وكدة يعنى وبتكون لزيزة ولا شنو
الماشفتو إنت خلى بالك كلام عثمان رغيم Quote: يا ولد قوم من هني تقوم قبل النبي
يابت انسلي يسل رقبتك
تعال هني تجيك الجاتني في ابوي
النايملها شنو نومة اهل القبب
امرقي مروق الدخان
يا يابا كدي يهردك اللا نام و لا اكل الطعام
الليلي بي يركة من صلي وقال يا الله تتكعوج عليك شقيش ما تقبل
ماني عافالك لبن شطري |
|
Post: #135
Title: Re: كلام النســوان .. * عيب *
Author: محمد أبوالعزائم أبوالريش
Date: 09-27-2007, 11:36 AM
Parent: #1
| Quote: ماني عافالك لبن شطري |
ياخي دي مشكلة عجيبة ... وده أرجعو ليها تاني من وين؟
خارج الشبكة:
ملاحظ إنو منى خوجلي شالت (القرود) بتاعها ... وجابت ليها كديسة زي ما قالت د. إشراقة تعمل وجع بطن
|
Post: #137
Title: Re: كلام النســوان .. * عيب *
Author: رأفت ميلاد
Date: 09-27-2007, 04:26 PM
Parent: #135
Quote: خارج الشبكة:
ملاحظ إنو منى خوجلي شالت (القرود) بتاعها ... وجابت ليها كديسة زي ما قالت د. إشراقة تعمل وجع بطن |
برضو أخير داك كان حامينى البوست
لكن بشبه لى زول
|
Post: #138
Title: Re: كلام النســوان .. * عيب *
Author: محمد أبوالعزائم أبوالريش
Date: 09-30-2007, 11:25 AM
Parent: #1
| Quote: "قبلك وحححححدك"... |
تعني الشئ ده ما سبقك عليهو زول (لم يأت به أحد من قبلك) .... أو الشئ الأصابك ده .. ما يجي لي غيرك، وتؤكدها عبارة (قبلك وقبالك)
والله أعلم
|
Post: #139
Title: Re: كلام النســوان .. * عيب *
Author: Muna Khugali
Date: 09-30-2007, 11:39 AM
Parent: #138
يا ولد هوووي..
الهوا اليشقك..
يا ولد..
نعم؟
أيوه جاي..
اللاوايا التجيك..
النعامه الترفسك!
كده ولا كده الجماعة شاتمنو
|
Post: #140
Title: Re: كلام النســوان .. * عيب *
Author: محمد أبوالعزائم أبوالريش
Date: 09-30-2007, 12:26 PM
Parent: #1
Quote: يا ولد هوووي..
الهوا اليشقك.. |
يمين الله لما شفت الكلام ده .... قعدت أعاين لي فوق .... يا ربي منى دي أنا قلت ليها شنو هاجت فيني كدة؟ يا رأفت ياخي خليتنا نتلفّت ورانا
|
Post: #141
Title: Re: كلام النســوان .. * عيب *
Author: Muna Khugali
Date: 09-30-2007, 12:41 PM
Parent: #140
| Quote: يمين الله لما شفت الكلام ده .... قعدت أعاين لي فوق .... يا ربي منى دي أنا قلت ليها شنو هاجت فيني كدة؟ يا رأفت ياخي خليتنا نتلفّت ورانا |
بسم الله ..ده ما انت يا محمد..كر!
ده زول كده زمان قال ابوه كان بيناديهم كده..ولما يردوا يقول ليهم الكلام ده
والبيقول نعم يقول ليه النعامه الترفسك
اسه زي ده الا كان يمشوا ليه سريع بدون رد..
وفي الحاله دي ممكن يقول ليه..
مالك ما بترد؟
الخرص اليمسكك!
يعني نظام في الحالتين انا الضايع
|
Post: #142
Title: Re: كلام النســوان .. * عيب *
Author: رأفت ميلاد
Date: 09-30-2007, 01:57 PM
Parent: #141
محمدأبو الريش
Quote: | Quote: "قبلك وحححححدك"... |
تعني الشئ ده ما سبقك عليهو زول (لم يأت به أحد من قبلك) .... أو الشئ الأصابك ده .. ما يجي لي غيرك، وتؤكدها عبارة (قبلك وقبالك) |
سليم ومنطقية
تعرفى يا منى الهوى البشق ده كان ماعرقى الزومة يكون المقصود بيه الضريب أو الضريبى الشرحتو الأخت سمية شقاق العناقريب داك . نحن اللوايا التلوى بطنك يعنى تموت بمغستك
|
Post: #144
Title: Re: كلام النســوان .. * عيب *
Author: رأفت ميلاد
Date: 09-30-2007, 07:52 PM
Parent: #142
العزيزة ميادة
تحياتى
تعلقت مداخلتك فى الصفحة الأولى
سأعود بها هنت مواصلة للمتداخلينى والقراء
وشكرآ على هذا الإثراء
Quote: العم رافت
والعم الصايغ سلامات| Quote: بنـاتنا الـحـلفاويات ماقاعـدين يسـتعـملواالكلمات بتاعـت البنات العـرب وعـنـدهـن مـصـطلـحاتهـن |
أجى يا ولدى
حال التابانى
بريه يا يمه
أبرى وأستبرى
مقطعاو فى حشاي
يخربنى
اللغة الانثوية قديمة والحلفاويات كغيرهن لهن مصطلحات خاصة بلهجتهن وله ما يقابله في العربية
زي | Quote: عندنا الحلفاويين بيقولوا إبيييا لايقا |
والباقي غلبني عديييييييييييييييييييييل |
ما قصرتى
بكرى الصايع ومحمد مكى للمراجعة والتدقيق
عميق مودتى
|
Post: #145
Title: Re: كلام النســوان .. * عيب *
Author: محمد على طه الملك
Date: 10-01-2007, 03:41 PM
Parent: #144
يا رأفت ..
دي فاتت كيف مع إنها قاعده في العنوان ..
يا ( عيب الشوم ) عليكم ..
أها .. فسروها .
|
Post: #146
Title: Re: كلام النســوان .. * عيب *
Author: رأفت ميلاد
Date: 10-01-2007, 04:54 PM
Parent: #145
كيفك يا محمد على طه الملك
Quote: دي فاتت كيف مع إنها قاعده في العنوان ..
يا ( عيب الشوم ) عليكم ..
أها .. فسروها . |
والله فاتتنا يا عيب الشوم علينا
أهلنا الأقباط بقولنها كتير . دايمآ تعبير على الخجل من التقصير الشديد
هل الشوم دى الشؤم ؟
لكن ما راكبة شنو اللما العيب والشؤم !!!
خلى بالك الشوم دا زول عمل عملية مخجله ما سبقو عليها زول
ونستنى كان يجينا زول ينورنا .
فكرك تكون وصلت البطانة عشان ننادى الملكة ؟
وفى الإنتظار
مودتى
|
Post: #147
Title: Re: كلام النســوان .. * عيب *
Author: محمد أبوالعزائم أبوالريش
Date: 10-02-2007, 07:38 AM
Parent: #146
الأخ رأفت ..
الأخ محمد على طه الملك ..
عيب الشوم في اعتقادي تعبير وافد، وأصله عند اخوتنا المصريين (يعني تبع يا لهوي) .... لم أكن أدري أن الأقباط يستعملوه، إلاّ أن هذا لا ينفي أنه وافد.
|
Post: #148
Title: Re: كلام النســوان .. * عيب *
Author: محمد نور أحمد
Date: 10-02-2007, 08:17 AM
Parent: #147
عمنا رأفت .. إزيك
والله بوستك ده قدر ما قلت أقراه من مقاعد المتفرجين غلبني.
أنا بلحيل شديد كدي على الدارجي السوداني وحديث عهد بيه إلى حد ما.
لكن حضرت حاجات جديدة بجانب البتقولوا فيه ده:
1- ترا ترا شبه اللساتك الورا.
2- كرررررركدي وما عرفنا لي
3- بستله وحايمة الحلة .
4- خليك في علبك لامن يجي طلبك.
5- هييييييي يكا .. وتاااااااااني يكا
غايتو دي القدرت اتذكرها .. وهي طبعا استخدامات نسائية بحتة
أنا متأكد أنه الشابات بيعرفوا أكثر
كدا يجوا يضيفوا عليها
ونبدا مقارنتها بالكلام القديم.
ما تسألني من معانيها .. لإني ما بعرف.
|
Post: #150
Title: Re: كلام النســوان .. * عيب *
Author: رأفت ميلاد
Date: 10-06-2007, 11:19 PM
Parent: #148
محمد نور أحمد
سلام ومعليش على التأخير
Quote: 1- ترا ترا شبه اللساتك الورا.
2- كرررررركدي وما عرفنا لي
3- بستله وحايمة الحلة .
4- خليك في علبك لامن يجي طلبك.
5- هييييييي يكا .. وتاااااااااني يكا |
ياخوى ديل جايبم لينا من شكلة فى بيت زار
يوم سمعت لى واحدة فى سوق أمدرمان بتنبز ليها واحد قالت ليه "يا دون يا أرزل ما يكون"
كدى تعال لينا بالترجمة
|
Post: #149
Title: Re: كلام النســوان .. * عيب *
Author: رأفت ميلاد
Date: 10-06-2007, 10:39 PM
Parent: #147
محمد أبو العزايم
سلامات معليش إنشغلت مع البنية وفاتنا الكتير هنا وهناك
| Quote: عيب الشوم في اعتقادي تعبير وافد، وأصله عند اخوتنا المصريين (يعني تبع يا لهوي) .... لم أكن أدري أن الأقباط يستعملوه، إلاّ أن هذا لا ينفي أنه وافد. |
هى إستعال مصرى غزتنا زى الزغنى الحبشى .
الأقباط عندهم لهجة خاصة بيهم جدآ وفيها لكنات وتعابير مصريه صعيدية متوارثة . ورغم أن كل أقباط منطقة يكتسبون لهجة مناطقهم تجدهم متوحدين فى هذه المصطلحات . يعنى أقباط كردفان لهجتهم كردفانبة وأقباط بورتسودان هدندوية وهكذا .
نحن ناس المسالمة مختلفين وبفرزونا بتسمية "أولاد البلد" لأننا لهجتنا أمدرمانية خالصة وبشرتنا سمراء .
|
Post: #151
Title: Re: كلام النســوان .. * عيب *
Author: محمد أبوالعزائم أبوالريش
Date: 10-07-2007, 06:22 AM
Parent: #1
الأخ رأفت ..
حمدالله على سلامة بنتنا ...
طيب بالمناسبة دي .... بيقولوا شنو في حالة المرض والمعافاة؟ مش ياها تبرا .. وبريه ..... والا في مصطلح تاني؟
|
Post: #152
Title: Re: كلام النســوان .. * عيب *
Author: رأفت ميلاد
Date: 10-07-2007, 08:13 AM
Parent: #151
صباح الخير يا محمد أبو الريش
| Quote: طيب بالمناسبة دي .... بيقولوا شنو في حالة المرض والمعافاة؟ مش ياها تبرا .. وبريه ..... والا في مصطلح تاني؟ |
طبعآ بريه "بتترتش" زى بريا سلامتك .. وتبرا وتستبرا .. إنشاءالله الما بريدوك .. والقائمة تطول ..
لكن فى زول ولا حاجة كدة تعبان فى تحمل المصائب والأمراض إسمو "الدقشم"
زى "سلامتك .. والدقشم كرامتك
الله يطرا أختنا رشيدة عبدالله زوجة أخونا وقيع الله عثمان ووالدة بتنا د. منى بالخير
|
Post: #154
Title: Re: كلام النســوان .. * عيب *
Author: doma
Date: 10-07-2007, 10:25 AM
Parent: #152
انشاء الله فلانه عليها حال الشوم والروم أها دي الا تفسرها ليكم الملكه بت الحسن ود طلحه .
هوي انا اهلي مهمشين وانا زاتي مهمشه وما بعرف كلام ناس البندر .اها ان بنفع معاكم حديث النسوان المهمشات بجيكم ان بقيتا ما بتدورو كمان بختاكم امش علي ناس كع وكوف ديك
يا بت اقعدي يقعدن صقارك .
ولا: يا بت ما تقعدي في الواطه يقعد طيرك محني الشدر
يا جماعه هوي انا ما عندي شغلات الشده والسكون سوهن براكون
. ولا ان في جاهل نايم : يا بنوت هوي بتورنو يتاوركن وجع الضرس .
|
Post: #159
Title: Re: كلام النســوان .. * عيب *
Author: رأفت ميلاد
Date: 10-07-2007, 04:57 PM
Parent: #154
شكرآ والله على الزيارة يا دومة
لكن | Quote: يا بت اقعدي يقعدن صقارك . |
| Quote: يا بت ما تقعدي في الواطه يقعد طيرك محني الشدر |
والله مهمشة مع مرتبةالشرف دى أتحدى تراجى تترجما
مستنين الترجمة على الشريط
مودتى
|
Post: #155
Title: Re: كلام النســوان .. * عيب *
Author: othman mohmmadien
Date: 10-07-2007, 10:45 AM
Parent: #152
تحية طيبة ...
مقطوع الطارئ .....
دحين وردت من ذي قبل ....
|
Post: #158
Title: Re: كلام النســوان .. * عيب *
Author: رأفت ميلاد
Date: 10-07-2007, 04:50 PM
Parent: #155
عثمان محمدين سلام
والله إنت الكنت مشاكس
معجمك كلو لبع
| Quote: مقطوع الطارئ ..... |
هى أولآ بنبرة أو بدون ؟
والله ما عارف معناها بالظبط . لكن لمن ينادوك يا مقطوع الطارى معناتو إنت فى ورطة
إتخيل لى ما بقى عندك صليح ولا عدو بقيت زى النبت الشيطانى ولا حاجة بالشكل دة
مودتى
|
Post: #153
Title: Re: كلام النســوان .. * عيب *
Author: أبوالزفت
Date: 10-07-2007, 10:11 AM
Parent: #1
رأفت
ده بوست حنين
وحلو شديد
لما كنت في الجامعة
بمازج البنات المولدات
اقول ليها تعرفي تقولى وب علي
او اي جملة من الجمل الواردة اعلاة
|
Post: #157
Title: Re: كلام النســوان .. * عيب *
Author: رأفت ميلاد
Date: 10-07-2007, 04:42 PM
Parent: #153
كيفك يا أبو الزفت
طبعآ أبو الزفت دى جملة أمدرمانية مية المية . تعنى الموضوع أيآ كان ظبت تمام Quote: لما كنت في الجامعة
بمازج البنات المولدات
اقول ليها تعرفي تقولى وب علي |
زكرنى كلامك ده زمان بت زنزبارية إسمها زكية كانت طالبة فى المعهد الفنى . طبعآ المعهد تغير إسمو عدة مرات الى معهد الكليات التكنلوجية وأخيرآ أعتقد جامعة السودان .
زكية كانت تتكلم بالعربية الفصحة وكان شكل اللغة طريف وتحاول تتعلم العامية . طبعآ النساء أيضآ بينهن ألفاظ نابية بحسن نية إلا يكونن متشاكلات حتى تأخذ الكلمة معناها .
يوم وصلت زكية السكن الداخلى متأخرة قليلآ فقالت ليها إحدى الطالبات "كنتى وين يا مطلوقة" وضحكن . زكية ما فهمت ولكن أحست بأن هناك شيئ خطأ . لم تعلق وفى ليوم التالى ذهبت الى الأستاذ بدون مقدمات وقالت ليهو "أنت مطلوقة" بهت الرجل ولامها على كلامها . طلبت منه الشرح . فشرح لها وهو ليس لديه خلفية . غضبت وغيرت السكن ورفضت أى توضيح لإثبات حسن النية .
ودى من مصايب كلام النسوان
ودى
|
Post: #156
Title: Re: كلام النســوان .. * عيب *
Author: محمد أبوالعزائم أبوالريش
Date: 10-07-2007, 12:57 PM
Parent: #1
لما طفل يكح .... بيقولوا ليهو كُر
لكن لما يعطس ... بيقولوا ليهة (عشت) ........ إشمعنى؟
|
Post: #160
Title: Re: كلام النســوان .. * عيب *
Author: رأفت ميلاد
Date: 10-07-2007, 09:28 PM
Parent: #156
يا محمد أبوالعزائم أبوالريش
لكن نكاش نكش
Quote: لما طفل يكح .... بيقولوا ليهو كُر
لكن لما يعطس ... بيقولوا ليهة (عشت) ........ إشمعنى؟ |
وبقولوا ليه عشت كبرتا . ما عارف لكن بقولوا تسليم الأمانة برضو زى العطسة والله أعلم .
ولما الواحد "يتفنقل" بقولوا ليهو نكبر وتاخد غيرا
|
Post: #161
Title: Re: كلام النســوان .. * عيب *
Author: إيمان صالح
Date: 12-10-2007, 09:36 PM
Parent: #1
اعدم نظري كملتوا الفياقة
حسي الرسول فوقكم
خليتوا الكورة والجرايد
وخليتوا العربيات والموديلات
وقبلتوا على كلام النساوين؟
خليتوا لينا شنو ياخواني؟
النضمي ده نخليه ليكم؟
عاد كان نضمنا نبقى كعبين
وكان سكتنا ياها دي الحالة
الله يلزمنا الصبر بس
ايمان
|
Post: #162
Title: Re: كلام النســوان .. * عيب *
Author: رأفت ميلاد
Date: 12-10-2007, 10:20 PM
Parent: #161
إيمان صالح
هسة ده نكتى من وين ..
والله البحت ده وجيب الخباير بتعرفن ليهو
Quote: اعدم نظري كملتوا الفياقة
حسي الرسول فوقكم
خليتوا الكورة والجرايد
وخليتوا العربيات والموديلات
وقبلتوا على كلام النساوين؟
خليتوا لينا شنو ياخواني؟
النضمي ده نخليه ليكم؟
عاد كان نضمنا نبقى كعبين
وكان سكتنا ياها دي الحالة
الله يلزمنا الصبر بس |
أهو دا بالظبت .. كان إتكلمتن .. نقناقات .. وكان سكتن تشيلنا أم هلا هلا
كل سنة وأنتى بألف خير وشكرآ على البصمة الروعة
مودتى
|
Post: #163
Title: Re: كلام النســوان .. * عيب *
Author: إيمان صالح
Date: 12-11-2007, 05:17 AM
Parent: #162
أهو دا بالظبت .. كان إتكلمتن .. نقناقات .. وكان سكتن تشيلنا أم هلا هلا
وانت يا يابا كل سنة طيب
والقابلة علي امانيك
يخلي ليك وليداتك
والنقناقة
ايمان
|
Post: #164
Title: Re: كلام النســوان .. * عيب *
Author: الطيب شيقوق
Date: 12-11-2007, 06:11 AM
Parent: #163
| Quote: ولما الواحد "يتفنقل" بقولوا ليهو نكبر وتاخد غيرا |
دى خيانة انتو بهنا ما بتكلموني - اتسوّد ختوطكم ( تعرف الكلام ده يا روفي؟)
لقد اجتمع مجلس امناء اهل البطانة وبعد الاطلاع على جميع ملفات الاستاذ رافت ميلات اصدرت القيادة العاليا على لسان سمية بت طلحة الاتي :-
رفع المحاذير في التعامل اللغوى ( بلهجة البطانة) مع رافت ميلاد طالما ثبت بما لا يدع مجالا للشك انه ناقش (بكسر القاف) الكبيرة والصغيرة من تلك المصطلحات البدوية .
منح رافت ميلاد شهادة الاعتراف ببداوته دون المساس بثوابته الحضارية .
صدر تحت ختمى وتوقيعي في هذا اليوم الثلاثاء الثاني عشر من شهر ديسمبر للعام 2007 م
سمية الحسن طلحة
رئيس مجلس امناء اهل البطانة
|
Post: #165
Title: Re: كلام النســوان .. * عيب *
Author: رأفت ميلاد
Date: 12-12-2007, 10:32 AM
Parent: #164
Quote: منح رافت ميلاد شهادة الاعتراف ببداوته دون المساس بثوابته الحضارية .
صدر تحت ختمى وتوقيعي في هذا اليوم الثلاثاء الثاني عشر من شهر ديسمبر للعام 2007 م
سمية الحسن طلحة
رئيس مجلس امناء اهل البطانة |
ياخى الشهادة دى ما علقناها زمااان فى قلبونا .. ولا دى علاوات آخر السنة
تشكر يا سيدى وعبرك للملكة وبصماتها وسام فى كل مكان تزورنا فيه
محبتى
|
Post: #167
Title: Re: كلام النســوان .. * عيب *
Author: سيف الدين مصطفى كرار
Date: 12-20-2007, 11:20 AM
Parent: #1
كل عام وانت بخير يا استاذ ميلاد
وعيد ميلاد سعيد(happy crismass)
كلامك صاح عندهن لغتهن الخاصةليس المراة السودانية فقط بل اى دولة
عربية لها كلام نسوان خاص .
مثلا انا مرة بجوار امراةشابة محترمة قلت ياباى على كذا وكذا....
فردت على سيف انت ماتقول كلمة ياباى !سالتها لية ؟قالت عندنا النساء
فقط هم الذين يقلن ياباى! لذلك تاكد لى بان لهن لغة خاصة.
وايضا لهم جلد خاص .امامى على مشغل الdvdاستطوانة للنان مايكل جاكسن
الذى يتلوى من لوعت الموسيقى كحسناء هوليود,لماذا اجرى عملية جراحية لتغيير جلدة؟
حبا فى الجنس الاخر ويود التحول البيلوجى ام موضة هوليودية؟لست ادرى !!!
اعطنا رايك فى مايكل جاكسون,ممكن الاستاذة عواطف ادريس تشاركك الراى فى جاكسون
وعيدك سعيد
|
Post: #168
Title: Re: كلام النســوان .. * عيب *
Author: رأفت ميلاد
Date: 12-20-2007, 12:33 PM
Parent: #167
عزيزى سيف الدين مصطفى كرار
مرحب بيك هنا وعلى المنبر
وكل سنة وأنت طيب والأهل كاملين طيبين
جيتنا مع قعر الحلة وكدة
Quote: مثلا انا مرة بجوار امراةشابة محترمة قلت ياباى على كذا وكذا....
فردت على سيف انت ماتقول كلمة ياباى !سالتها لية ؟قالت عندنا النساء
فقط هم الذين يقلن ياباى! لذلك تاكد لى بان لهن لغة خاصة. |
يا سيف فعلآ النساء كإناث لهن إصدارات أصوات وحركات أنثوية خاصة بيهن كما جاء فى صدر البوست وذلك طبيعى فى الهرمونات .. مثل أن يقول الرجل "آى" والمرأة "واى" .. فاباى تأتى فى هذا السياق ..
هذا لا ينفى أن باقى النساء ليس لديهن لغة خاصة .. ولكن تجدها فى مواضع .. مثلآ الغنج والدلال .. أو الشر .. فمثلآ ترى فى المسسلسلات المصرية عندما تنوى المصرية الشر تصفق بأياديها وترصها عبارات موسيقية ممطوطة وتختمها بى "شوووووباش"
أما نسائنا لهن لغة أريحية كاملة متكالة وتكون أكثر سلاسة عندما تكون نسائية نسائية .. بدون تأثيرات عاطفية أو اللف حول الأشياء ..
رجعتنا لكلام النسوان "ياباى منك"
مودتى
|
Post: #169
Title: Re: كلام النســوان .. * عيب *
Author: رأفت ميلاد
Date: 12-20-2007, 01:38 PM
Parent: #168
كلام النسوان .. سمح بالحيل
أشكر سكان البوست .. خاصة الرجال
الذين أثبتوا إلتصاقهم بأمهامتهم فخرآ
معزة وحب للأنثى السودانية
الأخت .. الزوجة .. الجارة .. العمة .. الخالة .. الصديقة .. الزميلة
للشكر للأخوات والزميلات اللآى شاركن فى إثراء البوست
ميادة كمال
شيماء
سلمى الشيخ سلامة
منى خوجلى
تماضر الخنساء حمزه
إشراقة حيمورة
فدوى الشريف
تيسير عووضة
ملكة سبأ
ممكونة
سمية الحسن طلحة
هند محمد
صفية محمد
سلمى صبحى
دومه
إيمان صالح
وأسمحوا لى بتخصيص التحية لملكة البوست
الأخت سمية الحسن طلحة
الأخوة والأخوات والزملاء الأعزاء
كل عام وأنتم بخير  أعاده الله عليكم وأهلكم بمكل الخير والعافية
|
Post: #170
Title: Re: كلام النســوان .. * عيب *
Author: سمية الحسن طلحة
Date: 12-20-2007, 09:45 PM
Parent: #169
أخي الكريم رأفت
والله جيت أعيد عليك فوجئت بعيديتك التي هي فخر وشرف لي
وليس بغريب عليك السبق في ميادين المكارم
كل عام وأنت وأسرتك بألف خير
معزتي
|
Post: #171
Title: Re: كلام النســوان .. * عيب *
Author: AMNA MUKHTAR
Date: 12-21-2007, 03:44 AM
Parent: #1
Quote: عاد كان نضمنا نبقى كعبين
وكان سكتنا ياها دي الحالة
الله يلزمنا الصبر بس |
الصبر ذاتو كمل خلاص..
|
|
واااااااي)..تقوم تفكوا!
