1300 جنيه مرتب شهري 700 جنيه بدل سكن 450 جنيه موية ونور وتلفون 1000 جنيه دعم سكن (غير بدل السكن أعلاه) 750 جنيه بدل عربة 1200 جنيه علاوة خااااااصة (بدون أي سبب) 1000 جنيه بدل تمثيل 2000 جنيه دعم اجتماعي (برضو غير بدل التمثيل أعلاه) 108 جنيه بدل ضيافة (مرتب شهر كل عام.. غير الدعم الإجتماعي وبدل التمثيل) 108 جنيه بدل لبس (شهر سنويا) حوافز اللجان والمكافآت (بغير حساب خصوصا إذا كان هو من يحددها)
يعني الجملة 8616 جنيه شهريا (بدون الحوافز والتذاكر وقيمة الإجازة)
إجازة قدرها ثلاثون يوم في السنة تذاكر السفر الداخلية والخارجية على القطاع الأول الخاص العلاج له ولأفراج أسرته
مكافأة نهاية الخدمة = مرتب ثلاثة أشهر عن كل سنة ( يعني كان شالوهو بعد سنة واحدة يدوهو 3900)
لا حولا يالباقر أخوي ... دي مصائب شنو الواقعة على المواطن المغلوب على أمره ؟؟ دي ما بالكوريق وبس دي محتاجة مقاس من حجم آخر ؟؟؟؟ حسبنا الله عليهم ... الشفيع
دا عقد جعان العقودات الخاصة والجد جد من 20 ولي فوق الجاز دا مسكين ادوهو بالشوكة.. غايتو الا يتموها ليهو حوافز ومكافآت وبدلات حضور وكدا شكراً يا باقر فالإنقاذ - كما يقولون - تفوق سوء الظن بكثير
Post: #6 Title: Re: تعالو شوفو الإنقاذ .. لمن تدي أولادها بالكوريق! Author: جعفر محي الدين Date: 07-27-2011, 09:29 PM Parent: #5
الأخ الباقر السلام عليكم انعدام الشفافية ظل ديدنا للإنقاذ التمكين هو الأعلى صوتا والحرص على المال العام يتوارى أمام هذا التمكين
دي لله يا الباقر ياخي ... انتو كفار ما بتأمنوا بالرزق ... و يرزق من جيب وزارة المالية كمان.
Post: #10 Title: Re: تعالو شوفو الإنقاذ .. لمن تدي أولادها بالكوريق! Author: محمد على حسن Date: 07-27-2011, 10:48 PM Parent: #9
في اي حلة/حي على امتداد السودان الفضل تجد انقاذي اخد/ بياخد بالكوريك الفلس بالبلد شنو غير الخم بالكوريك الله يخمهم بالكوريك ويريح الشعب منهم قول امين يا كوز
الاخ الباقر سلام ورمضان كريم اغرب عقد . فيه مفارقات عجيبة ::
Quote: 1300 جنيه مرتب شهري 700 جنيه بدل سكن 450 جنيه موية ونور وتلفون 1000 جنيه دعم سكن (غير بدل السكن أعلاه) 750 جنيه بدل عربة 1200 جنيه علاوة خااااااصة (بدون أي سبب) 1000 جنيه بدل تمثيل 2000 جنيه دعم اجتماعي (برضو غير بدل التمثيل أعلاه) 108 جنيه بدل ضيافة (مرتب شهر كل عام.. غير الدعم الإجتماعي وبدل التمثيل) 108 جنيه بدل لبس (شهر سنويا) حوافز اللجان والمكافآت (بغير حساب خصوصا إذا كان هو من يحددها)
الدعم الاجتماعي اكبر من المرتب الاساسي وبصورة كبيرة العلاوة الخاصة تكاد تكون تساوي المرتب الاساسي ( الفر ق مائة جنيه ) دعم السكن اكبر من بدل السكن بدل التمثيل اكبر من بدل العربة ( الكيزان حتي عقوداتهم فيها العجب ) تعرف العقد ده لو كان في عهد الديمقراطية المفتري عليها لاخرج الكيزان مسيراتهم المليونية للتنديد به