Post: #1
Title: الاستاذ عبد الرحمن عبدالله....طول عمرك مع العافية
Author: مطر قادم
Date: 03-23-2005, 07:34 AM
Parent: #0
ريدا شحّّ واتكلم ريدا للضمير علم ( عبدالله الكاظم)
فى مراتع الغزلان, وتخوم كردفان الغره ,ومابين البوادى والسهوب والبرارى المخضره النضيرة, ترعرع مترعا بروعة الالحان الشجية, التى تنساب مدغدغة للمشاعر, ومن ينسى اطلالته بمحياه السمح ممسكا عوده وواضعا رجله على الكرسى, وسط الجوقه الموسيقيه يدوزن اللحن والاوتار, وينطلق الصوت الشجى العذب,كالعصفور الحر المغرد والمتلالى فى شدو جميل, لكلمات مغزوله ومنسوجة لمعانى آسره وفضيله: يمه لو صحيح ولدك تريدى كلما تصلى............بعفوك زيدى فمن طلبه لعفو احق الناس بحسن الصحبه يذهب لاحق الناس بالتبجيل: اهدى شوق للمعلم والمعلمه نور لبلادها وللمشاعر الانسانية الجياشه,لدرجة ان ترى الحب وتسمعه,حضورا بهيا فى ريدا شح واتكلم ريدا للضمير علم ثم تعال نتمشى فى الغيمه,وقبال صباحنا يبوح وروائع اخرى لاتحصى ولا تعد. ساهمت فى تعمير الوجدان وصياغته بالجمال والجلال.عبد الرحمن عبد الله (ودبارا) فنان بكل ماتحمل الكلمة من معانى .قدم جهدا مقدرا من الافراح والفيوض والتحقق والصفاء,مغنى مفعما وناعم اللحن,ندى العذوبة يمتعك ويريحك ويحزنك ويفرحك حتى الانتشاء, ومع ذلك فارسا عزيزا كريما جوادا فى اعمال الخير, فالصلات الوشيجة والواجب والعرفان كلها تدعو كل الايادى ان تمد بسخاء لعلاج المبدع الكبير ورعاية اسرته,ولاتكن مغلوله تجاهه,فهذا الامر وديعة فى اعناق كل السودانيين من رسميين وغيرهم, وبشكل اخص واجب اكبر لروابط ابناء كردفان بالسعودية للترتيب العاجل الذى تحركوا فيه من مدة طويلة لاجراء العملية الجراحية بالمجر. حتى يعود البلبل الغريد, ويردد الروائع ويضيف لمسيرته الفنية المعطاءة الكثير المنتظر. سيظل (اجمل حلم) عودتك لنا معافى.ايها الفنجرى (طول عمرك مع العافية).
|
Post: #2
Title: Re: الاستاذ عبد الرحمن عبدالله....طول عمرك مع العافية
Author: Marouf Sanad
Date: 03-23-2005, 07:53 AM
Parent: #1
الاخ مطر عاجل الشفاء للفنان عبد الرحمن عبد الله
|
Post: #3
Title: Re: الاستاذ عبد الرحمن عبدالله....طول عمرك مع العافية
Author: امل فاروق محمد
Date: 03-23-2005, 08:10 AM
Parent: #2
الاستاذ الفاضل/ مطر
Quote: سيظل (اجمل حلم) لنا عودتك معافى.ايها الفنجرى (طول عمرك مع العافية). |
نشاركك الحلم ونتمنى له الشفاء العاجل وعودة الفنجرى سالما
|
Post: #7
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-23-2005, 09:36 AM
Parent: #3
الاخت امل عرف عن السودانيين التآزر والتعاضد عند الملمات ولعمرى اكبر الملمات والخطب عندما تاتى ..فى واحد من رموزنا الكبرى..فى الغناء والعطاء..وسمعت ان سبب مرضه يعود لانقلاب سياره..كان يذهب بها لحفلة متبرعا بعائدها لبناء مدرسة...ليرى النور فيها اطفال بلادنا..قبل سنين طويلة..ومع مرور الوقت اثرت ..على الفقرات القطنية.انسانا كبيرا فينا. تتغشاه العافية انشاء الله.
|
Post: #4
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-23-2005, 08:43 AM
Parent: #2
الاخ معروف سند الدعوات وحب الناس للمبدع عبد الرحمن عبدالله يشكلان روافع مهمة للعافية النفسية والبدنية فهى اقل الحقوق له لانه اسهم بشكل فعال فى عافيتناالوجدانية والروحية.فلهو فى القلوب منازل.قلوبنا معه,ليتجاوز هذه المحنة العابره ويكون فى امان الله.
|
Post: #5
Title: Re: الاستاذ عبد الرحمن عبدالله....طول عمرك مع العافية
Author: بلدى يا حبوب
Date: 03-23-2005, 08:51 AM
Parent: #1
الاخ/مطر
اصيل والله وانت تكتب عن بلبل الغرب المغرد اتمنى ان تصل هذه الرسالة الى الجميع ليساهموا حتى ولو كان بالدعوات للمولى القدير ان يكمل عليه الشفاء ليعود بلبل مغردا . تحياتى
|
Post: #8
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-23-2005, 09:41 AM
Parent: #5
الاخ/بلدى ياحبوب
Quote: اتمنى ان تصل هذه الرسالة الى الجميع ليساهموا حتى ولو كان بالدعوات للمولى القدير ان يكمل عليه الشفاء ليعود بلبل مغردا |
. [ سويا من اجل ان يتحرك الجميع كل من موقعه ودعوة خاصة لاتحاد الفنانيين.
|
Post: #6
Title: Re: الاستاذ عبد الرحمن عبدالله....طول عمرك مع العافية
Author: ست البنات
Date: 03-23-2005, 09:02 AM
Parent: #1
رويحة الهاوى يا مجافى
يطول عمرك مع العافى
بريدك من زمن لسه
ولى نغيم نوارك الفقع
بريد عينك يشيلونى
قليبى يدودى ما يرجع
بعيد ذكراك يا ناسى
وبرعاك بى رقة احساسى
وحات شتلا مفرهد لى
ولى نساما وا شوقى ---
اللهم عافه وأشفه ،
فالفنان عبدالرحمن عبدالله علم فى سماوات عروس الرمال والسودان ككل ، وصوت متفرد شجى وطروب ، نضرته نسائم البان جديد ، وجملته الرمال الندية الصافية ، امتزج برقة أهلنا فى غرب السودان البريئة !
فصار هامة بحجم الوطن والفن ...
شكرا مطر .
ست البنات .
|
Post: #9
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-23-2005, 09:43 AM
Parent: #6
الاخت ست البنات شكرا على المرور وتزويدنا باحدى روائعه الشفيفة.
Quote: اللهم عافه وأشفه ، |
آميييييييييييييييييييين
|
Post: #10
Title: Re: الاستاذ عبد الرحمن عبدالله....طول عمرك مع العافية
Author: امل فاروق محمد
Date: 03-24-2005, 02:19 AM
Parent: #9
up
|
Post: #11
Title: Re: الاستاذ عبد الرحمن عبدالله....طول عمرك مع العافية
Author: ابنوس
Date: 03-24-2005, 04:20 AM
Parent: #10
الرائع مطر قادم أتابعك سراً وعلانية وانتظر منك أن ترسل لي مع القادمين (رأيت رام الله ) لمريد البرغوثي ..
قول لي شقيش يا امروح قبال صباحنا يبوحكل ما استمع لهذا الصوت الدافي ، المتشبع بشجن السهول ، والمرتوي من خضرة بارا ، اشعر بحالة وجد وكأني في حضرة صوفية تتجاذبني الأشواق ,, لخطوات على الرمل
لا ادري كيف نسهم في علاج هذا الانسان أفكر في الاتصال بالجالية السودانية بتورنتو لتبني علاج الفنان عبد الرحمن عبد الله ، لا أعرف إمكانية ذلك وهل من منظمات يمكن الاتصال بها لتساعد في هذا الشأن ؟؟ ويمكن أن يفتينا الاستاذ شمس الدين السنوسي عضو البورد ورئيس الجالية السودانية في هذا الامر ، لكن علينا التفكير وهنا اطلب من الجالية السودانية بأستراليا ايضا أن تنظر في امكانياتها إذا كان بالامكان توفير علاج للأستاذ عبد الرحمن عبد الله . دعنا نفكر بصوت مسموع فحالة هذا الفنان مرّت عليها سنوات ولابد من حل . لك الود
|
Post: #12
Title: Re: الاستاذ عبد الرحمن عبدالله....طول عمرك مع العافية
Author: خال فاطمة
Date: 03-24-2005, 05:06 AM
Parent: #11
نسال الله للفنان الأستاذ عبد الرحمن عبد الله عاجل الشفاء التام ...
|
Post: #20
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-24-2005, 11:12 AM
Parent: #12
الاخ /خال فاطمة لك التحايا كلها وكتر خيرك ودعواتك يا خال.
|
Post: #90
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 07-15-2005, 10:24 AM
Parent: #20
*
|
Post: #13
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 03-24-2005, 05:08 AM
Parent: #11
خالص التحايا.. العزيز مطر..
وانا ايضا كما قال الجميل ابنوس عزت..
Quote: الرائع مطر قادم أتابعك سراً وعلانية
|
معك ندعو من كل القلوب ان ينعم عليه هذا المبدع السودانى بالشفاء والعافيه..
بعض رحقيه..
الاستاذ عبد الرحمن عبدالله....طول عمرك مع العافية
الهــــــــــــــــــــــــــــــــاوي:-
الهاوي يا الهاوي00 طول عمرك مع العافيه يطول00 بريدك من زمن (زمان) لسه طول00 فريع نواره دوب فقع00 بريد عينيك يشلونى00 قليبى يدودى ما يرجع00 الهاوي يا الهاوي00 طول عمرك مع العافي يطول00 ******************** حلاة نواره في شروقي00 تقول للدينا عاد روقي00 حلز همو نور لي00 لى رسامه وا شوقي00 الهاوي يا الهاوي00 طول عمرك مع العافي يطول00 ******************** بعيش ذكراك يا ناسي00 معاك بي رقة إحساسي00 وكت عينك يعاتبوني00 وكت نتسامح ونواسي00 الهاوي يا الهاوي00 طول عمرك مع العافي يطول00 ******************** بحن لي شعبة وقوها00 لي نغيم نقارة دقوها00 بحن لي صفة المردوم00 بحن لي لمة المردوم00 بحن لي رمية المردوم00 للحلوة البمرقووها00 الهاوي يا الهاوي00 طول عمرك مع العافي يطول00
******************* احن لي رمية نص الليل00 بحن لي دوبويه نص الليل00 سماح قصبتنا دالق السيل00 ديل ناس بعزونى00 لي اهلا بحزمو السيل00
*الجميل ابنوس عزت.. لو توجد اى خطوه عليك بمناداتى فى عز الهجير فانا طوع نداءك..
|
Post: #14
Title: Re: الاستاذ عبد الرحمن عبدالله....طول عمرك مع العافية
Author: عبد الحميد البرنس
Date: 03-24-2005, 05:25 AM
Parent: #13
شفى الله (الهاوي).. ومحنته العظيمة الممتدة لسنوات لا تكشف سوى عن غربة عظيمة لكل ما هو جميل في هذا الوطن!.
|
Post: #15
Title: Re: الاستاذ عبد الرحمن عبدالله....طول عمرك مع العافية
Author: ابنوس
Date: 03-24-2005, 08:16 AM
Parent: #14
الصديق عبد الحميد البرنس كيفك يا حميم .. أعرف أن لكم جالية قوية ، كما أن مدينتكم حسب ما اعرف عن مقاطعة مانيتوبا إنها تستجيب لطلبات الجاليات .. ولا اعتقد انك تقصر إذا كان بالامكان فعل شيئ ف ( الهاوي) فنان يستحق ان نبحث له في منافينا على مستشفى رحيم ... لا ادري ما هي امكانيتكم لذلك لك الحب
*تروتسكي
لي نداء لك .. نداء طويــــــــــل سيصلك
|
Post: #16
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 03-24-2005, 08:57 AM
Parent: #15
خالص التحايا..
الجميع...
صديقى..
ابنوس .. وانا رهن اشارتك وفى الانتظار ياعزيزى...
هذا بوست قام بكتابته الاستاذ على ويصب فى نفس الجدول..
لجنة دعم وسفر ود بار (بلبل الغرب) - عبدالرحمن عبدالله
|
Post: #17
Title: Re: الاستاذ عبد الرحمن عبدالله....طول عمرك مع العافية
Author: عبد الحميد البرنس
Date: 03-24-2005, 08:59 AM
Parent: #15
يا عزت:
ذلك نغم شديد العذوبة..
بيد أن الأوطان الحقة لا تترك أمثال عبدالرحمن عبدالله رحمة في يد الغريب.
تخريمة:
غدا لدينا في الواقع جاليتان:
واحدة لأولاد... والأخرى لنا!!!!.
|
Post: #21
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-24-2005, 11:52 AM
Parent: #14
الاخ عبد الحميد البرنس تحياتى لك
Quote: شفى الله (الهاوي).. |
واعاده بنعمة العافية والسلامه.
|
Post: #19
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-24-2005, 11:06 AM
Parent: #13
الاخ معتز تروتسكى قرات ماكتبته. واقول عينى عليك بارده.وهيا للمبدع العملاق ندعوا ونحاول رص صفوف الخيرين لاهل بحزموا السيل
Quote: ديل ناس بعزونى00 لي اهلا بحزمو السيل00 |
ود (بارا) لك المعزة والعز ولنا ان نقول قريبا المجد عوفى.
|
Post: #18
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-24-2005, 10:56 AM
Parent: #11
الاخ /ابنوس
Quote: لا ادري كيف نسهم في علاج هذا الانسان أفكر في الاتصال بالجالية السودانية بتورنتو لتبني علاج الفنان عبد الرحمن عبد الله ، لا أعرف إمكانية ذلك وهل من منظمات يمكن الاتصال بها لتساعد في هذا الشأن ؟؟ ويمكن أن يفتينا الاستاذ شمس الدين السنوسي عضو البورد ورئيس الجالية السودانية في هذا الامر ، لكن علينا التفكير وهنا اطلب من الجالية السودانية بأستراليا ايضا أن تنظر في امكانياتها إذا كان بالامكان توفير علاج للأستاذ عبد الرحمن عبد الله . دعنا نفكر بصوت مسموع فحالة هذا الفنان مرّت عليها سنوات ولابد من حل |
اعتقد ان اسهل الطرق لتقديم الواجب والمساهمة فى علاج ورعاية اسرة الاستاذ عبد الرحمن عبد الله هو الاتصال به مباشرة.ومن السهل الحصول على تلفونه عبر اعضاء المنبر بالسعودية او روابط كردفان بالسعودية او عبر الاستاذ عبد القادر سالم فى اتحاد الفنانين بام درمان ولا ادرى هل مازال بالسعودية ام غادرها مستشفيا لبودابست.
|
Post: #22
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 03-24-2005, 11:58 AM
Parent: #18
خالص التحايا.. صديقى العزيز مطر قادم .. اخبارك وصحتك وكل الشباب وسلامى الى المهداوى..
Quote: هل مازال بالسعودية ام غادرها مستشفيا لبودابست. |
الاستاذ لايزال بالسعوديه وبالنسبه لموضوع بودابيست لقد كانت المادة السبب فى عدم اكتمال النصاب بالنسبه للتذاكر.. فماجُمع كان ضيئا..
اما بالنسبه للتفاصيل الاخرى سارسل لك لاحقاء جميع التفاصيل .. ولننقب عن طريقه نفعل بها الموضع..
شكرا كتير ياجميل.. مطر قادم
وسلمت ياعبد الرحمن..
|
Post: #23
Title: Re: الاستاذ عبد الرحمن عبدالله....طول عمرك مع العافية
Author: عبد الحميد البرنس
Date: 03-24-2005, 12:27 PM
Parent: #22
up
|
Post: #24
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-26-2005, 03:17 AM
Parent: #23
الاخ عبد الحميد البرنس كل الامنيات الطيبة , وموفور الصحة والعافية للاستاذ عبد الرحمن عبد الله.
|
Post: #25
Title: Re: الاستاذ عبد الرحمن عبدالله....طول عمرك مع العافية
Author: cantona_1
Date: 03-26-2005, 08:22 AM
Parent: #24
كل الأحباب الذين عبروا عن مشاعرهم وأحساسيهم الفياضة وعلى رأسهم الأخ مطر قادم (العطوي) طبعا يا مطر العطوي ماحيفهما إلا زول عطوي يا أبنوس.
عندما علمت بمرض صديقي عبد الرحمن عبدالله وزرته في الرياض بالمملكة تأثرت لحالته الصحية وقررت فعل شئ وعندها نشرت بوستا مطالبا الجميع بالمساهمة في علاجه وفي فترة وجيزة وصلتني التبرعات من اليابان وهولندا وأمريكا وتايلاند ولندن . سافرت مرة أخرى إلى الرياض وسلمت المبلغ نقدا للأستاذ عبدالرحمن في يده.
وحكى لي الرجل ما يشيب له الولدان عن ما فعله به بعضا من أبناء الجالية بالرياض ومنهم من جمع مساهمة باسمه وحولها لمصلحته الشخصية. انبرى هؤلاء واولئك وتداعوا عليّ كما تتداعى الأكلة على قصعتها وطلبوا مني تسليمهم المبلغ المتبرع به للأستاذ للجنة الرياض وعندها كانت التبرعات بيد الأستاذ.
بعدها كتبوا في النت وقالوا مالم يقله مالك في الخمر. وعندما واجناهم بالحقائق وكيف ان بعضا منهم وهم الأكثرية قد تاجروا بقضية ومرض الفنان الشهير سكتوا وانزوا جانبا وهاك يا اعتذارات. قلت لهم عندما عرفته كان جلكم لا يفك الخط ولم يسمع ولا قبيلته بالكمبيوتر وهو يرقد جنبكم بالرياض منذ عامين فماذا فعلتم.
تركت أمر التبرعات وكان بوسعي لما لي من حرية الحركة أن أسافر ما بين طوكيو ولوس انجلوس ولكن خفت على أن اتهم في ذمتي في مبالغ لا تستحق وهي لا تتعدي المائة الف ريال.
قام الأستاذ الموصلي مشكورا بنسخ سي دي به اغنيات الأستاذ عبدالرحمن وكانت الفكرة أن نبيع السي دي بما يعادل 10 ريالات في الخليج و10 دولارات في اميركا و5 جنيهات استرلينية في لندن و10 يورو في اوروبا وكان هنالك كثيرون مستعدون للتعاون في التسويق كل في بلده لنجمع المبلغ وهو في حدود المائة ألف ريالا... ولكن خفت على سمعتي وكانت الفكرة ناجحة بنسبة 100% ولكن ناس الرياض ديل ينطبق عليهم المثل البقول........... خايف الرقابة تمسح الكلام خليها في سرك.
كوّّّن ناس الرياض لجنة لجمع التبرعات ومضى عليها الآن عامين وما عارفهم عملوا شنو؟؟؟ نرجو منهم إفادتنا وعلى رأسهم ذلك الذي يدافع عن السفارة وهوإعلامي !!!
ما هو رأيكم بعد الآن وبعد مرور أكثر من عامين من ذلك الكلام.
كباشي الصافي
العوج رأي والعديل رأي
|
Post: #26
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 03-26-2005, 09:01 AM
Parent: #25
خالص التحايا الجميع..
لااضيف كثير على ماقله الاخ cantona_1
فى الوقت حالى ..
لكن يجب علينا تستمر القضيه ان نتلافى المرات السابقه تناقشنا والاخ مطر فى بعض الامور ..
وعلى العموم اتمنى ان ننصرف لقضيه يا اعزاء..
وساعود قريبا..
عزيزى.. cantona_1
راجع ايميلك..
|
Post: #27
Title: Re: الاستاذ عبد الرحمن عبدالله....طول عمرك مع العافية
Author: عبد الحميد البرنس
Date: 03-26-2005, 09:23 AM
Parent: #26
الأخ العزيز/
مطر:
أنا معك أتابع حال (الهاوي)..
ومرة ثالثة.. شفاك الله.. (ياالهاوي)!.
|
Post: #28
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-26-2005, 03:19 PM
Parent: #25
الاخ كباشى التحايا كلها
Quote: اعتقد ان اسهل الطرق لتقديم الواجب والمساهمة فى علاج ورعاية اسرة الاستاذ عبد الرحمن عبد الله هو الاتصال به مباشرة.ومن السهل الحصول على تلفونه عبر اعضاء المنبر بالسعودية او روابط كردفان بالسعودية او عبر الاستاذ عبد القادر سالم فى اتحاد الفنانين بام درمان |
وكل ماذكرته عن المجهودات السابقه.هو اكبر دافع للتدافع فى المساهمة والواجب الان.فالامر المستعجل هوطريقا سالكا وبمشاركة اكبر قدر من الناس فى ترتيب رحلة العلاج ويعود الاستاذ رافلا فى ثوب الصحة والعافية. وكل مافوق التراب تراب.
|
Post: #29
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 03-27-2005, 08:07 AM
تـــــــــــــــومــــــــــــــــي :- ياتومى طرينا00 دقات النقارة00 ياتومى طرينا00 صفقات الطمباره00 الحلوات بريدينا بنات البقاره00 ******************** الجات وارده الرهيده00 لاقتى بريده00 دى النديان خديده00 وين العين الريده ألبي بي شديده00 وحبيبتي وبريده00 ياتومى طرينا00 دقات النقارة00 ياتومى طرينا00 صفقات الطمباره00 الحلوات بريدينا بنات البقاره00 ******************* الجات مارقه القميره كاسره الليل مسيره كاسره الليل ضفيره دى السمحه ام خديره وين والعين سعيره ياتومى طرينا00 دقات النقارة00 ياتومى طرينا00 صفقات الطمباره00 الحلوات بريدينا بنات البقاره00
|
Post: #30
Title: Re: الاستاذ عبد الرحمن عبدالله....طول عمرك مع العافية
Author: ابنوس
Date: 03-27-2005, 11:27 PM
Parent: #29
الاخوة سلام اعتقد إننا بإزاء حالة ليست جديدة فمنذ عامين والاستاذ يعاني وينتظر اللجنة المكلفة بجمع ما يلزم لعلاجه ، وبما إننا لسنا طرفا في تكوين تلك اللجنة ولا نعرف الكثر من التفاصيل التي ذكرها اخونا العطوي كانتونا ، علينا القيام بالممكن الذي بيدنا و( الهاوي ) شخصية لا تخصنا وحدنا وهي تخص وطن وشعب كامل .. وما يلزمنا إتباع ما قاله مطر وهو التحرك العملي في هذا الاتجاه ... وبداية السيل قطرة .. يمكن أن يتكلف الاخ كانتونا بمتابعة اللجنة ومجهوداته السابقة وان نحاول نحن محاولاتنا ، بالنسبة لمطر إن اي مجهود فردي او إتصال فردي او مساهمة فردية لن تحل المشكلة التي نحن بصددها لان المطلوب كبير .. والمسالة عاجلة . البرنس : اعرف يا صديقي ما رميت اليه .. نعم إن امثال الهاوي يجب ان تتصدى حالتهم المرضية دولة واتحاد فنانيين وموسسات غائبة جميعنا نعرف من غيبها ، لكن دعونا ان نحصر الحالة في ما يمكننا فعله الان ، وبعدها نحاكم من كان السبب لكم الود ولقدام
|
Post: #31
Title: Re: الاستاذ عبد الرحمن عبدالله....طول عمرك مع العافية
Author: Habib_bldo
Date: 03-27-2005, 11:57 PM
Parent: #30
مطر قادم اهلا بك سيلا يتدفق ويروي حقولنا وأوديتنا أمطار خير وبركة نعود لبلبل الغرب الفنان الرائع عبدالرحمن عبدالله الذي نتمنى له عاجل الشفاء والعودة لعشاقه من جديد دعواتكم له بعاجل الشفاء وأن تكلل العملية بالنجاح
|
Post: #32
Title: Re: الاستاذ عبد الرحمن عبدالله....طول عمرك مع العافية
Author: cantona_1
Date: 03-28-2005, 01:17 AM
Parent: #31
الإخوة الأعزاء السلام عليكم ورحمةالله وبركاته
لماذا لم يشارك عدد كبير من البورداب في هذا البوست؟؟؟ وهنالك بوستات فارغة تتحدث عن اللاشئ ولكنها تحظى بمداخلات أفرغ من فؤاد أم موسى!! هل تعلمون السبب؟؟ إذا عرف السبب بطل العجب .. السبب يا مطر قادم ويا تروتسكي ويا الماهري أن كاتب البوست الأول ليس جكسوية من نوع ناس هنايا وعلانة وفرتكانة ... النوع الذي لا يفرّق بين الذال والزين والثاء والسين ...وهلم جرا ولكن بوستاتهن تحظي بنوع فارغ من المداخلة مثل البنت الحديقة وتفاحة البورد وما شابه!!!
يا جكسويات ما تكتبن عن هذا المشروع ولا ما بهمكن علاج فنان شفيف - شفيف دي حلوة مش يا مطر- وتكسبن أجر في الآخرة... ولا الكتابة عن هزيمة الهلال من الترجي أهم من علاج الأستاذ عبد الرحمن عبد الله يا ......
المثل بقول: الجفلن خلوهن أقرعوا الواقفات
ماذا تودون أن تفعلون الآن للمساهمة في علاج بلبل الغرب؟؟؟ هل لنا من مقترحات عملية تدفعنا خطوة إلى الأمام لهذا الموضوع الخيري الكبير؟؟؟
ما رأيكم في موضوع بيع السي دي الخاص به في كل من المملكة والخليج أوروبا وأميركا؟؟ نحب أن نسمع منكم أدام الله عليكم نعمة الصحة والعافية
كباشي الصافي
العوج رأي والعديل رأي
|
Post: #112
Title: Re: الاستاذ عبد الرحمن عبدالله....طول عمرك مع العافية
Author: معاوية التوم محمد طه
Date: 10-23-2005, 06:26 PM
Parent: #25
الاخ العزيز كباشى الصافى لك التحية و التقدير على مجهوداتك التى قمت بها تجاه الفنان الكبير ود بارا و لقد كنت شاهد عيان و انت تجمع التبرعات لعلاج الفنان عبد الرحمن عبد الله فى احدى الندوات التى جمعت حشد كبير من السودانيين بعاصمة الضباب لندن ربنا يجعل لك ذلك فى ميزان حسناتك . و عشان ليك سنتين كما ذكرت فى البوست ما عارف حاجة عن عبد الرحمن عبد الله قمت باتهام اللجان التى تكونت لذات الغرض و التى انبثقت منها لجان بعدم النزاهه. اخى كباشى المجال لا يسمح بالنقاش فى تفاصيل قلته فى حق هذه اللجان و عن الجالية السودانية بالرياض و لكن ابشرك نان الاستاذ بخير و فى اخر اتصال معه من مدينة بودابست العاصمة المجرية و حسب افادة سعادة البروفسير عبد الحميد عبد الحى عابدين الطبيب المعالج ستجرى العملية الاخيرة فى العاشرة من صباح اليوم الاثنين 24 اكتوبر 2005 . لذلك نطلب منك و من الجميع الدعاء له بنجاح العملية و ان يعود سالما غانما و بلغنى ان اشكر كل الذين وقفوا معه و ربنا يجزى الجميع خير الجزاء . و انتهز هذه الفرصة لتوجيه رسالة الى جميع محبى و اصدقاء الاستاذ بان هنالك مبلغ 4 ألف دولار (اربعة الف دولار )ستكون دين على بلبل الغرب فى بودابست مع الطبيب المعالج لذا اناشد الجميع بالمساهمة لحل هذا الدين الذى التزمنا به كلجنة . الاج كباشى---- حتى تكون مواكب و متابع للعلاج فان تلفون الاستاذ هو 003630937622 مع شكرى و تقديرى اخوك دوما معاوية التوم محمد طه رئيس لجنة دعم و علاج و سفر الفنان عبد الرحمن عبد الله الرياض تلفون 00966509212086 جوال 0096614633667 تحويلة 1388 شركة مجموعة الطيار للسفر و السياحة الرياض
|
Post: #88
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 07-08-2005, 01:04 PM
Parent: #24
Quote: وسلمت ياعبد الرحمن.. |
فوق
|
Post: #89
Title: Re: الاستاذ عبد الرحمن عبدالله....طول عمرك مع العافية
Author: امل فاروق محمد
Date: 07-13-2005, 02:28 PM
Parent: #10
up
|
Post: #33
Title: Re: الاستاذ عبد الرحمن عبدالله....طول عمرك مع العافية
Author: haleem
Date: 03-28-2005, 02:06 AM
Parent: #1
فوق
|
Post: #34
Title: Re: الاستاذ عبد الرحمن عبدالله....طول عمرك مع العافية
Author: ابنوس
Date: 03-28-2005, 08:19 AM
Parent: #33
ده واحد من المقترحات العملية ، بيع السي دي .. من ناحيتي مستعد للإلتزام بالبيع في كندا وتوصيلها لكل الناس . وملتزم بالقيام بكل ما يطلب مني في هذا الصدد لكم الود
|
Post: #35
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-28-2005, 12:46 PM
Parent: #34
الاخوة المتداخلون كل التحاياوبعد الغرض من البوست واضح وجلي. فمرحبا بكل المقترحات العملية والمفيدة فى هذه الحالة وكذلك ما اجمل ان تبذل كل الجهود مع الاتصال بالاستاذ عبد الرحمن عبدالله ليكون بنفسه لجنة لهذا الامر تكون محل ثقته التامه ولها القدرة الكاملة على العمل العاجل والدوؤب وتفتح حساب باسم الاستاذ باحد البنوك القريبة منه. وبعد ذلك عبر هذه اللجنة يمكن ان تجد المساهمات الفردية طريقها للمشاركه فى هذا النفير الانسانى الذى لايغيب عنه, الا من ابى !!! فلتتضافر الجهود اذن لعافية استاذنا المبدع وتتواصل لرعاية اسرته خلال فترة العلاج التى ربما تطول ولو بمشروع يدر عائدا ليوفر حياة كريمه وخير البر عاجله.
ساعة ساعة انا بتاوقين00 ولحظه ما بقدر افارقن0 لى عيونى الشوق حارقن00 والدموع داير تغرقن00 والدن قال ما يمرقن00 خايف النظرات تلحقن00 وخايف العين لاتعوقن00 هن وين تانى بيتلقن00 ولى يحفظن الخالقن00 متلى كم زول مات بالشجن0 وقبلى ود الزومه اتسجن00 كان زمان لى شتلو بيسقن00 وديمه فى اللوبه يورقن00 مره فى القعده ينقنقن00 يحلفنو ولا يصدقن00 أنا ما بخاف الموت والسجن00 ولسه جسمى الصدى بتعجن00
|
Post: #36
Title: Re: الاستاذ عبد الرحمن عبدالله....طول عمرك مع العافية
Author: عبد الحميد البرنس
Date: 03-29-2005, 07:00 AM
Parent: #35
up
|
Post: #37
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 03-29-2005, 09:47 AM
Parent: #36
خالص التحايا.. الجميع..
العزيز مطر ماذا عن الجديد..
العزيز كانتونا ارسلت لك رساله هل وصلت؟؟
مــــــــــــا كفـــــــــــاك:-
*ماكفاك ياتومى يلا00 شوف قليبن موجو علا00 لو هناك يرضيهو حالى بس خاف ياتومى الله00 ******************* انت يا ري الخزامه 00 يا جدى يشاغلنا يامه00 ياحبب وماشاف ندامه00 يادعاش حق الوسامه00 ******************* ماكفاك ياتومى يلا00 شوف قليبن موجو علا00 لو هناك يرضيهو حالى 00 بس خاف ياتومى الله00 ****************** ياجدى ويردو غبه00 يافريع تريان محبه00 انت ياشوتال جبه00 يامنى كل الاحبه00 ***************** ماكفاك ياتومى يلا00 شوف قليبن موجو علا00 لو هناك يرضيهو حالى بس خاف ياتومى الله00 ********************
|
Post: #38
Title: Re: الاستاذ عبد الرحمن عبدالله....طول عمرك مع العافية
Author: عبد الحميد البرنس
Date: 03-29-2005, 12:24 PM
Parent: #37
up
|
Post: #40
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-30-2005, 04:03 AM
Parent: #38
الاخ عبد الحميد البرنس اليك وانت تهتم بهذا الامر اسمى ايات الشكر والامتنان,مع الاخ معتز تروتسكى.ومعا حتى نحقق غايتنا فى ان يكون لنا نوع من الاسهام البسيط فى هذا الشان , والى الامام وبالتوفيق قريبا.
|
Post: #39
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-29-2005, 05:00 PM
Parent: #37
الاخ معتز تروتسكى طابت اوقاتك كل الجديد هو فى اطار التفاكر فحسب, وبعض التفاصيل فى الماسنجر عندما نلتقى, ولنرفع البوست من اجل الغرض المنشود. والامل والتفاول يحدونا لانفراج يلوح فى الافق.
|
Post: #41
Title: Re: الاستاذ عبد الرحمن عبدالله....طول عمرك مع العافية
Author: Ameer Farouq
Date: 03-30-2005, 04:52 AM
Parent: #1
نعم.. فهو وطن يتخطى الجغرافيا وهو الحب والجمال وداعية الفرح والعشق..و الحياة وهو بالفعل جدير لأن نهتم لأمره
خالص أمنياتي له بعاجل الشفاء.. و
أقترح وأثناء مداولات المهتمين حول أمر التنسيق لعلاج الفنان العظيم: * نشر كافة المناقشات والمساهمات قدر الإمكان علناهنا في البوست وتمليك كل ما يستجد للمتابعين * البدء فورا في فعل إيجابي واقترح أن يكون دلك بتنظيم حملة سريعة ومباشرة لتفعيل مشروع بيع الـ CD ونشر أسماء المسئولين عن مناطق البيع في البوست لسهولة متابعة حصيلة البيع ونشر تجارب الآخرين تعميما للفائدة أقيم بالمنطقة الشرقية بالسعودية ورهن إشارتكم
همسة: نسعى جاهدين لدعم حبيبنا داعية الحب والجمال.. ولا يناسب أمرنا محاولة تجريح الآخر.. فالعواطف لا تستجدى
دمتم وعجل الله بشفاء مبدعنا المرهف و... يطول عمرو مع العافية
|
Post: #42
Title: Re: الاستاذ عبد الرحمن عبدالله....طول عمرك مع العافية
Author: عبد الحميد البرنس
Date: 03-30-2005, 07:20 AM
Parent: #41
شفى الله (الهاوي).
|
Post: #43
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 03-31-2005, 05:15 AM
Parent: #42
up
|
Post: #44
Title: Re: الاستاذ عبد الرحمن عبدالله....طول عمرك مع العافية
Author: امل فاروق محمد
Date: 03-31-2005, 07:30 AM
Parent: #43
Quote: نصارحك لا نخاف إنسان00 ننسى الماضي والأحزان00 نلاقى القمري لابس الطوق00 يغني يغني للوجدان00 يفر جنحيهو زى توبه00 يصفق للزهور نشوان00 |
الامنيات بالشفاء العاجل للاستاذ عبد الرحمن عبدالله.
|
Post: #45
Title: Re: الاستاذ عبد الرحمن عبدالله....طول عمرك مع العافية
Author: امل فاروق محمد
Date: 03-31-2005, 10:43 PM
Parent: #44
up
|
Post: #50
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 04-03-2005, 04:29 PM
Parent: #41
الاخ امير التحايا الكثيرة
Quote: دمتم وعجل الله بشفاء مبدعنا المرهف و... يطول عمرو مع العافية |
|
Post: #51
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 04-03-2005, 04:29 PM
Parent: #41
الاخ امير التحايا الكثيرة
Quote: دمتم وعجل الله بشفاء مبدعنا المرهف و... يطول عمرو مع العافية |
|
Post: #46
Title: Re: الجراري راميني ..والمردوع مجنني
Author: Agab Alfaya
Date: 04-01-2005, 01:48 AM
Parent: #1
الوالدة سيبيني
الجراري راميني
زولا سمح صورة بالفاتحة بندورا
الليلة والليلة دار ام بادر يا حليلها
2-
يا تومي طرينا دقات النقارة الحلوات حلاتن بنات البقارة
3-
الجراري في شمال واواسط كردفان ،
والمردوع كما ينقطها اهله ، من الردع ، والمردوم من الردم والمعني واحد في جنوبها وغربها.
فالتحية لك يا مطر ود قادم والي كل اهلنا بكردفان
وعاجل الشفاء للمبدع عبد الرحمن عبدالله - ود بارا
|
Post: #47
Title: Re: الجراري راميني ..والمردوع مجنني
Author: مطر قادم
Date: 04-01-2005, 10:06 AM
Parent: #46
الاستاذ عجب الفيا معا لرفع البوست ورفع درجات الامل والتفاول نحو غد قريب والاستاذ فى كامل الصحة , والعطاء المتجدد.
|
Post: #48
Title: Re: الجراري راميني ..والمردوع مجنني
Author: معتز تروتسكى
Date: 04-01-2005, 04:26 PM
Parent: #47
جــــــــــــــــــــدى الريل:-
ساعة ساعة انا بتاقوين00 ولحظه ما بقدر افارقن0 لى عيونى الشوق حارقن00 والدموع داير تغرقن00 والدن قال ما يمرقن00 خايف النظرات تلحقن00 وخايف العين لاتعوقن00 هن وين تانى بيتلقن00 ولى يخفظن الخالقن00 متلى كم زول مات بالشجن0 وقبلى ود الزومه اتسجن00 كان زمان لى شتلو بيسقن00 وديمه فى اللوبه يورقن00 مره فى القعده ينقنقن00 يحلفنو ولا يصدقن00 أنا ما بخاف الموت والسجن00 ولسه جسمى الصدى بتعجن00 جدى الريل ابو قسيمه تعال نتمشى فى الغيمه00 ماغيمة ريد تكب فىريهد شواطيهو الخدر ديمه00 نصارحك لا نخاف إنسان00 ننسى الماضي والأحزان00 نلاقى القمري لابس الطوق00 يغني يغني للوجدان00
يفر جنحيهو زى توبه00 يصفق للزهور نشوان00 جدي الريل أبو قسيمه00 تعال نتمشى في الغيمه00 ما غيمة ريد تكب في رهيد00 شواطيهو الخدر ديمه00
أنت هناك ياحليلك00 بفر فى قلبى ونشيلك00 وتلقى الدنيا ياحبيب00 تشيل افراحه تمشيلك00 جدى الريل ابو قسيمه تعال نتمشى في الغيمه00 ما غيمة ريد تكب في رهيد0 شواطيهو الخدر ديمه00
|
Post: #49
Title: جدى الريل
Author: امل فاروق محمد
Date: 04-02-2005, 12:46 PM
Parent: #48
Quote: أنت هناك ياحليلك00 بفر فى قلبى ونشيلك00 وتلقى الدنيا ياحبيب00 تشيل افراحه تمشيلك00 جدى الريل ابو قسيمه تعال نتمشى في الغيمه00 ما غيمة ريد تكب في رهيد0 شواطيهو الخدر ديمه00 |
الاستاذ عبد الرحمن عبدالله طول عمرك مع العافية.
|
Post: #52
Title: Re: جدى الريل
Author: Balla Musa
Date: 04-03-2005, 05:47 PM
Parent: #49
ياناس كردفان الغرة أم خيرا جوه وبره
يطول عمركم كلكم مع العافية
وهل يأتى منكم إلا الغيم والدعاش ونسيم الروح الحلوة
عبد الرحمن عبد الله بلبل السودان ونجمة سطعت من بارا
بارا التى كلما ذكرت دق فى ناقوس خاطرى أخى وصديقى التجانى أبو الفيض والذى إلتقيته فى جدة وتوسلت للزمان أن يلتقينى به مرة أخرى. هل عرفتموه؟
|
Post: #58
Title: Re: الجراري راميني ..والمردوع مجنني
Author: يحيي مصطفي
Date: 04-08-2005, 03:27 AM
Parent: #48
الاخ معتز ان المبدع الاستاذ عبد الرحمن عبدالله فنان تجاوز انتمائه الجغرافي وصار فنان السودان ومحبيه في الشمال يفوقون امثالهم في غربنا الحبيب ولكل ابناء الوطن واجب تجاه فنانا الكبير والذي طالت معناته مع المرض وكلنا شركاء وان تفاوتت درجة المسوؤلية في عدم التجاوب السريع ومد يد العون واعتقد ان اقتراح حملة بيع CD اقتراح عملي وامل ان تغطي الحملة جميع المهاجر ودعواتنا للهاوي بعاجل الشفاء
|
Post: #53
Title: Re: الاستاذ عبد الرحمن عبدالله....طول عمرك مع العافية
Author: لؤى
Date: 04-04-2005, 02:59 AM
Parent: #1
أمنياتي لبلوم الغرب وبلبله المغرّد ، الرائع عبد الرحمن عبد الله بالشفاء التام ، والعودة لنا سليماً معافى ..
شكراً مطر قادم
ـــــ انا في البعيد مشتاق لهمسة من الوطن يانسمة [email protected]
|
Post: #54
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 04-06-2005, 05:25 AM
Parent: #53
خالص التحايا العزيز لؤى وشكرا للاغنيه وانا بدورى اهديها للجميع محبى الاستاذ واخص (الاستاذ على).. طبعا انااتلوم معه فى اننى امتلكها لكن كيفة وضعها هنا هذا ماينقصنى لكن البركه فيكم لؤى تشكر كتير ياعزيز..
ونبدا...
انا عن حبيبتى بحكى ليكى00 (عن ست الفريق انا بحكى ليكم)..وماكانت صدفه نتقابل ونحب بعض 00 هى حاجه اكبر من عوالم حبى ليها حاجه مكتوبه علي 00 بستنشقها واكتم هواها جواى على مر السنين وعايشه فينى على الدوام وابدا وابدا ما بتنفسها كان اموت00 تتخلل الروح والمسام واتخطبيها صخب الصغاير واللئام 00 وبحبها تانى ومن جديد وابداها معاى وحدثها00 عن الزوله البرسل فيها الاغنيات ومن الصغر كنت بعشقها 00 تزدهر فينى الفصول 00 ولم انم انا بى غناها قامتى بتطول وابدا قادر اتممد على طول الزمن00 ومن المحن يا (الابيض) ام الكرام انا والمعاى بنحرسك 00 ومن المحن وحدة نضالنا بتحرسك00 ما احمله شى من هؤلئك الممددون على طرقاتها يوقدون النار بها ويلعون سجايرهم والشاى للكيف 00والجنبه بى مزاج بس انتو شدو اوتار الضلوع عشان تسمعوا بداية القصة000
نعم احبها لانها شهدت مواقف لهذا العظيم وهى ايضا لم تبخل كان احداها...
حكاوى ابوعركى معاها 00جاها وصدح بالغنى يوم زارنا فى الهجير وزود ضلنا00 انه ابوعركى ماقصر تب 00وهذه مرة من مرات الموجوده على النقش والرمال هى زيارته لاحياء حفل بنادى الضباط بالابيض لصالح علاج الفنان الجميل (عبدالرحن عبدالله) 00
حلوه عيونكم فيهم روعة00 بدا الحفل (حكاية حبيه-غنوا معانا –واحشنى-ضانه بيك الدنيا مالها-وعندما اتت الاغنيه التى تليها وكان المقطع الاتى بدعوه حب صادقه للشفاء بلبل السودان000 دخل علينا الصديق المذيع (حسن) بمقدمه كانت كالاتى.. فان اسمع الان وادون لك ولياتيكم الاحساس مفعما بحب الابيض وغناء ابوعركى لاخيه وزميله الاستاذ عبد الرحمن عبدالله تخيلوا كم كانت لوحه اه000
*عبدالرحمن المغنى وهو يعانى من المرض00 ومن هنا انا بقول ليهو ياعبد الرحمن انشاء الله تسلم لينا وترجع لينا بالسلامه 00اهلك فى الابيض كان عندهم احساس جميل بيك 00 وبى كل ما قدمتو ليهو هنا فى كردفان وفى وكل انحاء السودان00 والليله نحن يعنى كل واحد بساهم بطريقتو الخاصه00 ومن نادى الضباط بالابيض00 ونحن بنتقول ليك انشاء الله السلامه0 وترجع لينا وبنسال ربنا يلطف بيك وبى عائلتك كلها واجمل عافيه00
واتكت الكمنجات وبكى الناس وصدح ابو عركى بى (نظرات عيونك)00ثم بستشقك ويوم رحيلك....الخ العقد من الامزيكه واغانى ابوعركى00فلن ننسى له انه فجر دموع والنحيب ونحن نتذكر (الهاوى)00 كانت لمسة انسانيه عايشناها فى محاولة لتقديم شى لهذا العظيم.. اشكر كل الصحاب فى اذاعة الابيض لما قامو به فى ذالك اليوم ومن اهدونى نسخه ومن التسجيل00شكر كتير من الابيض كتير00لانها كل شى ياتنى منها وكم انا حزين بها 00 تحى تحى محبويتى الحنينه- ست الفريق (الابيض )000
وكان يوم يدون لهذا العظيم على صفحات المدينه..
|
Post: #55
Title: Re: الاستاذ عبد الرحمن عبدالله....طول عمرك مع العافية
Author: امل فاروق محمد
Date: 04-06-2005, 08:53 AM
Parent: #54
كروان الفن السودانى الاستاذ/ عبدالرحمن عبدالله
الله يعطيك الصحة ويواليك بالعافية انشاالله
|
Post: #56
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 04-07-2005, 01:45 PM
Parent: #55
يابلومى شيل السلام كردفــــــــــــــان كردفان الصيد وقويزو.. والتبلدى الشامخ بعزو... والشباب النفخر بكنزو.. الجمال النفخر بكنزو.. ياحليها عروس الرمال.. يابلومى شيل السلام .. ----------------------- طوف سهوله واعبر جبالها.. مر بكل وديانها وتلالها.. تلقى ريلا يغيرك دلها... والاسود الحارسه الحجال.. يابلومى شيل السلام .. ------------------------ امشى بارا ومر بام روابه... بارا بارا وديك ام روابه... والنهود الاثر شبلبها... والابيض غرد حبابها دره رايعه وقايد الكمال.. يابلومى شيل السلام .. -------------------------
|
Post: #57
Title: Re: الاستاذ عبد الرحمن عبدالله....طول عمرك مع العافية
Author: لؤى
Date: 04-08-2005, 02:19 AM
Parent: #54
شكراً يا معتز
ومعاً لرفع البوست ، عسانا نتذكّر هذا الرجل النبيل ، والذي ظل يبدع لتتسبّب حقيبة صغيرة في إبتعاده عنّا بهذا الشكل ..
التحيّة لك أستاذ عبد الرحمن وأدعو لك بالشفاء العاجل وتمام العافية وموفور الصحّة .
ـــــ انا في البعيد مشتاق لهمسة من الوطن يانسمة [email protected]
|
Post: #59
Title: Re: الاستاذ عبد الرحمن عبدالله....طول عمرك مع العافية
Author: امل فاروق محمد
Date: 04-11-2005, 04:01 AM
Parent: #57
الاخوة الاعضاء فليكن البوست دائما فوق.ليحقق غرضه ويعود البلبل الغريد لشدوه العذب.
|
Post: #60
Title: Re: الاستاذ عبد الرحمن عبدالله....طول عمرك مع العافية
Author: لؤى
Date: 04-11-2005, 10:02 AM
Parent: #59
لكِ التحيّة أخت أمل ، ومعك لرفع البوست إلى أعلى .
ـــــ انا في البعيد مشتاق لهمسة من الوطن يانسمة [email protected]
|
Post: #61
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 04-12-2005, 11:18 AM
Parent: #60
الاخوة الاعزاء معتز تروتسكى والبرنس لؤي وامل شكرا لجميل مساهماتكم فى رفد البوست واعلائه ومعا حتى يتوشح استاذنا ثوبا من العافيه قشيب.
|
Post: #62
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 04-14-2005, 12:51 PM
Parent: #61
Quote: الاخوة الاعزاء مطر قادم والبرنس لؤي وامل شكرا لجميل مساهماتكم فى رفد البوست واعلائه ومعا حتى يتوشح استاذنا ثوبا من العافيه قشيب. |
|
Post: #63
Title: Re: الاستاذ عبد الرحمن عبدالله....طول عمرك مع العافية
Author: mulhim
Date: 04-15-2005, 03:00 AM
Parent: #62
up
|
Post: #64
Title: Re: الاستاذ عبد الرحمن عبدالله....طول عمرك مع العافية
Author: أحمد يونس مكنات
Date: 04-16-2005, 10:11 AM
Parent: #63
الأستاذ الصديق مطر تحياتي كم سعدت بك في " البورد " ، وسعدت أكثر حين وجدتك مثقلاًًً بذات الهوي القديم ، تحب عبد الرحمن عبد الله وذكري بارا ورائحة الدعاش ، والوقفة الرجولية وتذكار الواجب . يا مطر ياخوي ود بارا جرح غائر في خاصرتنا ، صحيح أنه جرح من جراح السودان الناجمة عن كثرة السكاكين ، لكن جرحا كردفانيا مملحا ، تزداد وطأته علي أهل كردفان كلما برق " مربط عجيل " وكلما شم الخلوق ريحة دعاش . لذلك فعبد الرحمن صرخة كردفانية تنطلق من هن
|
Post: #65
Title: Re: الاستاذ عبد الرحمن عبدالله....طول عمرك مع العافية
Author: أحمد يونس مكنات
Date: 04-16-2005, 10:12 AM
Parent: #63
الأستاذ الصديق مطر تحياتي كم سعدت بك في " البورد " ، وسعدت أكثر حين وجدتك مثقلاًًً بذات الهوي القديم ، تحب عبد الرحمن عبد الله وذكري بارا ورائحة الدعاش ، والوقفة الرجولية وتذكار الواجب . يا مطر ياخوي ود بارا جرح غائر في خاصرتنا ، صحيح أنه جرح من جراح السودان الناجمة عن كثرة السكاكين ، لكن جرحا كردفانيا مملحا ، تزداد وطأته علي أهل كردفان كلما برق " مربط عجيل " وكلما شم الخلوق ريحة دعاش . لذلك فعبد الرحمن صرخة كردفانية تنطلق من هناك لتعم كل البلاد !! بالمناسبة كنت مع عبد القادر سالم في اتحاد الفنانين بالخرطوم ، وأثناء الجلسة جاء شاب لا أذكر اسمه يحمل رسائلا من عبد الرحمن لعبد القادر ، وكان عبد القادر يجله كثيرا ، عرفوني به علي أنه من لجنة علاج مطربنا الكبير في الرياض ، وانه من المهتمين بالأمر ، فجلست معه وتدارسنا الأمر وخرجت بنتيجة مفرحة نشرتها كخبر في جريدة " الخليج " الصادرة في الإمارات . سأحاول نشر الخبر مع هذا البوست . أود اعلامي بما تم بشأن علاج الفنان الكبير . بالمناسبة بريدي الإلكتروني : [email protected]
Quote: upالصفحة الأولى> فنون 02:01 آخــر تحديــــث 2005-03-11 "بلبل غرب السودان" يغادر الى المجر للعلاج الخرطوم - أحمد يونس: أوشكت رحلة المعاناة الطويلة التي يعيشها بلبل غرب السودان الفنان عبدالرحمن عبدالله مع آلام الانزلاق الغضروفي على النهاية، وقال ميرغني أحمد عثمان الأمين المالي للجنة سفر وعلاج الفنان التي تشكلت في مدينة الرياض بالمملكة العربية السعودية إن لجنته قد قطعت شوطا كبيرا في جمع المال اللازم لعلاج وسفر المطرب الشهير في دولة المجر. وكشف ل “الخليج” عن اتصالات أجرتها اللجنة مع الطبيب السوداني عبدالحميد عبدالحي عابدين المختص في علاج مثل تلك الحالات، والذي يقيم بالمجر، وأنه تبرع بعلاج الفنان عبدالرحمن عبدالله . من جهة أخرى قام اتحاد الفنانين السودانيين بحملة لدعم علاج الفنان شملت الشعبيين والرسميين من أبناء البلاد، بعد أن تعثرت وزارة الثقافة السودانية في تمويل علاجه، وذكر الأمين العام لاتحاد الفنانين السودانيين المطرب عبدالقادر سالم أن اتحاده ظل يتابع مع السلطات المعنية بالثقافة أمر تسفير الفنان للعلاج بالخارج، الا أن متابعاته لم تصل لنتائج محددة مما اضطره للتوجه لعشاق الفن للاسهام في حملة العلاج، وكشف عن استلامه لتبرعات تبلغ قيمتها نصف تكلفة العلاج، وأشاد بالدعم الشخصي الذي وصفه بأنه سخي الذي تقدم به وزير التجارة الخارجية السوداني عبدالحميد موسى كاشا. وأعلن أمين اتحاد الفنانين عن اجتماع يضم لجنة سفر وعلاج الفنان واتحاد الفنانين لوضع الترتيبات النهائية لسفره للعلاج مطلع يونيو/ حزيران المقبل. وناشد الأمين المالي للجنة الدعم وأمين اتحاد الفنانين الخيرين التبرع لانهاء معاناة الفنان الكبير التي قالا انها استمرت.
يذكر أن تكلفة العلاج والاقامة بالخارج حسب اتصالات اللجنة تبلغ ثلاثين ألف دولار تم جمع نصفها تقريبا من السودانيين في المملكة العربية السعودية، وجمع اتحاد الفنانين السودانيين النصف الآخر، وسيسافر مغني اقليم كردفان غربي السودان الى دولة المجر صيف هذا العام، حسبما أوصى الطبيب المعالج.
إطبع الخبر أرسل الخبر لصديق
للرد أو التعليق على أي نص ينشر في موقع "الخليج" في المجالات كافة: [email protected]
|
|
Post: #66
Title: Re: الاستاذ عبد الرحمن عبدالله....طول عمرك مع العافية
Author: امل فاروق محمد
Date: 04-18-2005, 01:55 PM
Parent: #65
Quote: وناشد الأمين المالي للجنة الدعم وأمين اتحاد الفنانين الخيرين التبرع لانهاء معاناة الفنان الكبير التي قالا انها استمرت. |
|
Post: #67
Title: Re: الاستاذ عبد الرحمن عبدالله....طول عمرك مع العافية
Author: معتز تروتسكى
Date: 04-30-2005, 02:40 PM
Parent: #66
Quote: عبدالرحمن المغنى وهو يعانى من المرض00 ومن هنا انا بقول ليهو ياعبد الرحمن انشاء الله تسلم لينا وترجع لينا بالسلامه 00اهلك فى الابيض كان عندهم احساس جميل بيك 00 وبى كل ما قدمتو ليهو هنا فى كردفان وفى وكل انحاء السودان00 والليله نحن يعنى كل واحد بساهم بطريقتو الخاصه00 ومن نادى الضباط بالابيض00 ونحن بنتقول ليك انشاء الله السلامه0 وترجع لينا وبنسال ربنا يلطف بيك وبى عائلتك كلها واجمل عافيه00
|
|
Post: #68
Title: Re: الاستاذ عبد الرحمن عبدالله....طول عمرك مع العافية
Author: Dia
Date: 04-30-2005, 10:52 PM
Parent: #67
بارا يابلدى يا جنة سواقي الريد يا مرتع الغزلان وادي النخيل والصيد أرضك يا بارا وجنا ينك فيها البوابير دايرة تغرى السلام وأمان تشفى القلوب الحايرة ترويها ريد وحنان
|
Post: #69
Title: Re: الاستاذ عبد الرحمن عبدالله....طول عمرك مع العافية
Author: مطر قادم
Date: 05-01-2005, 03:45 PM
Parent: #68
الاخ ضياء الدين التحايا والسلام
Quote: بارا يابلدى يا جنة سواقي الريد يا مرتع الغزلان وادي النخيل والصيد أرضك يا بارا وجنا ينك فيها البوابير دايرة تغرى السلام وأمان تشفى القلوب الحايرة ترويها ريد وحنان |
|
على صحيفة الخليج اخر التطورات بخصوص رحلة علاج الكروان المبدع الاستاذ عبد الرحمن عبد الله.
|