Post: #1
Title: الله يرحمك يا فاروق كنت حتقول شنو في دي ؟؟
Author: abubakr
Date: 12-29-2007, 12:26 PM
Parent: #0
في السنوات الاخيرة كنا في غربتنا ننتظر مع نهاية كل عام الاقتصادي المعروف والساخر الموجوع المرحوم فاروق كدودة وهو يعلق علي حال البلد الاقتصادية و2007 يوصد ابوابه رحل فاروق دون ان يوضح لنا ما اعلن اليوم هكذا:
| Quote: اعلنت وزارة المالية ان صادرات السودان هذا العام بلغت 9 مليارات من الدولارات منها8.3 مليار صادرات البترول و 580 مليون دولار (فقط) بقية الصادرات ....!!!.. |
يعني لو قفلو انبوب البترول دة فصادرات السودان هي اقل من قيمة مداولات يوم واحد في بعض الاسواق المالية الخليجية واقل من نصف قيمة طائرة ايربص خاصة لا حد امراء المنطقة واقل من ربع قيمة محطة مجاري في بعض المدن الخليجية والعجيبة اقل من ميزانية ولاية النيل الازرق التي اعلنها واليها قبل شهر (600 مليون ) ....
يالله يا بلد موجوع برحيل الموجوع حتي الموت ...
يا اقتصادي السودان ورفقاء فاروق لقد رحل فاروق ساعدونا نفهم الحاصل لحين يحصل المحتوم ونلحق بركبه وكلنا هالك ابن هالك
اللهم ارحم وسامح واغفر لفارق واكرم نزله
وانا لله وانا اليه راجعون
|
Post: #2
Title: Re: الله يرحمك يا فاروق كنت حتقول شنو في دي ؟؟
Author: هاشم أحمد خلف الله
Date: 12-29-2007, 12:57 PM
Parent: #1
Quote: اللهم ارحم وسامح واغفر لفارق واكرم نزله
وانا لله وانا اليه راجعون |
كل سنة وانت طيب ياخال وربنا يحقق الأماني
ونشوف السودان في احسن حال , قادر يا كريم .
|
Post: #3
Title: Re: الله يرحمك يا فاروق كنت حتقول شنو في دي ؟؟
Author: الزوول
Date: 12-29-2007, 01:07 PM
Parent: #1
السلام عليكم
أبوبكر ازيك
السؤال الأهم : كم من هذه المليارات يذهب للمواطن السوداني ؟
وكم منها يذهب لمنسوبي المؤتمر الوطني وبقية الكيزان ؟
كم منها يذهب للوزراء الذين بلغ عددهم ما يقارب عدد المواطنين؟
آخر احصاء ( قبل سلام الشرق والترضيات الأخيرة ) 576 وزير
ويمكن دلوقت وصلوا الألف
هسه عليك الله الصين فيها الف وزير؟
كم منها يذهب لوكلاء الوزارات الذين لا يدري أحد عددهم
كم منها ينفق في الاحتفالات والمهرجانات والمؤتمرات؟
كم منها يذهب للسلاح ؟
كم منها يذهب لمنسوبي الحركات الكانت مسلحة واصبحت متصالحة؟
تصدق أعرف فندق يعتبر من الفنادق الفخمة في الخرطوم
محجوز بصفة دائمة (على حساب الحكومة) لجهة تم التصالح معها
ونرجع لنقول
كم يصل منها للسوداني الأغبش التعيس ؟
يا زول انسى
وربنا يرحم فاروق كدودة
............................
وما الناس إلا هالك وأبن هالك *** وذو نسب في الهالكين عريق
|
Post: #4
Title: Re: الله يرحمك يا فاروق كنت حتقول شنو في دي ؟؟
Author: Adam Omer
Date: 12-29-2007, 01:57 PM
Parent: #3
| Quote: 580 مليون دولار (فقط) بقية الصادرات ....!!!.. |
850 مليون دولار نحن مقتنعين بس يغنعو سيفا وباقان اموم
اضاحى هذا العام يجمعوها مع صادر السنة الجاية؟
|
Post: #5
Title: Re: الله يرحمك يا فاروق كنت حتقول شنو في دي ؟؟
Author: abubakr
Date: 12-29-2007, 04:33 PM
Parent: #1
| Quote: السؤال الأهم : كم من هذه المليارات يذهب للمواطن السوداني ؟ |
يا صديقي المليارات اها الواحد بيقرء عنها في التقارير والاخبار ..قلنا نشوف ال 580 مليون يعني كل وزير ياخد دولار والباقيين الكام وتلاتين مليون بس يشمو ريحة البترول والبنكنوت ...
|
|