إتصل بي قرابة منتصف ليل الجمعة بتوقيت مسقط قائلا: شايف الحاصل في لندن دا؟
الله يسامحك يا ودالقرشي، عارِفا ومتردد في الشوفه.. كالنعامة دوما أهرب من مشاهدة هذه الأعمال (الإرهابية ) المبهرة لأني سرعان ما أعقد المقارنات المحبطة النتائج دوما، تسمرت أمام شاشة التلفاز ، وما هي إلا دقائق من الخيال حتى وجدتني أعقد مقارناتي السخيفة بين حال أولئك وحالنا، مع سؤال بايخ : هل ننتسب لذات الأرض !!
بدون فلسفه ومطاولات كانت المقارنة بين إيست لندن 2012 والجريف شرق 2012 وبين ليدز وكادوقلي وبادنقتون وحي العرب، بين ناس أنجزوا كل ما يريدون وتفوقوا في كل ما أرادوا ثم تفرغوا للبهجة والبهاء والأناقة والجمال في كافة التفاصيل،
أقل تذكرة بألف جنيه إسترليني (مش جنيه ناس لا لا ناس لا لا وربيع) .. الجنيه يهز الجنيه..
في ذات الوقت وفي نفس اللحظة لدينا من يقضي سحابة يومه باحثا عن ملعقة سكر أو حفنة دقيق تطفئ جوع أطفاله، الملكة لابسه بصلي (طبعا ماعندها مشكلة بصل) تجلس في المنصة وقد أنجز شعبها الثورة الصناعية ومعظم الإكتشافات والإختراعات التي غيرت وجه التاريخ وقلبو ومخه وكرعينو، قارنتها بسرعة مع الناعقين صباح مساء بخطب الخشخاش المخدرة ..
المزعلني توقعت إليزابيث بعد كل هذا البهاء والقوة والجبروت تقوم ترقص على أغنية بول مكارتني المدفع الرزام.. بالإنجليزي. فلم تفعل.. هدوء ورزانة الواثق..
لا تنسى أن الشمس تتعامد عندنا في موسم الصيف ويحفنا ظلام دامس الأركان .. أو حينما تأخذ المعرفة قدرآ من الراحة فيمد أبوحنيفة رجليه فوق رؤوسنا! واصل حكيك الجميل ولولا أناسآ مثلك في المنبر لغادرناه زمرآ .. تحياتي يا رائع ..
فزلكة: كنت في بوست فتحته قبل إفتتاح الأولمبياد نعقد مقارنة بين بكين 2008 ولندن 2012 ..!! Just Imagine That
يا جمال ، دي اللقطه القال عنها سيد عبدالعزيز وعزيزتنا تيسير عووضه:
عدل الطبيعة جعل (رمح الجميل) مسموح..
-
طبعا أنة المجروح دي في المغرب تسمعا وتكب ليها بدل البنسلين جمكسين ودجبرين..
Post: #7 Title: Re: حسناء الأولمبياد.. Author: عبد الحي علي موسى Date: 07-29-2012, 01:15 PM Parent: #4
Quote: يا اخوانا نحن مستهدفين
من الكفرة ديل. تعرف بعدنا عن الدين هو الخلانا متخلفين. وأعني دين الحزب الحاكم. هسع لو كلنا كيزان، كان تلقانا في كافوري البشبه ماليزيا. تقدم واللا ما تقدم.
هسه نحن فى الشهر الفضيل ده نجاهد الانجليز ، نجاهد النفس الامارة، نجاهد ابليس ، نجاهد محمد المرتضى ده؟؟ غايتو فى بشر كده الواحده لا بدرة ولا احمر، تستكمل عدة الجمال الالهى 30 قيراطاً وتجى بازغة فمن شهد منكم الشهد فليصنه ... اللهم اكلأ البوست برعايتك وجنبه ود القاضى وحبيب نورة وطارق جبريل والطيب شيقوق. ومن كل وغدة حائمة . جنس استهداف هو ، مولانا ترفق فنحن من ماء وطين،،،
Quote: الملكة لابسه بصلي (طبعا ماعندها مشكلة بصل) تجلس في المنصة وقد أنجز شعبها الثورة الصناعية ومعظم الإكتشافات والإختراعات التي غيرت وجه التاريخ وقلبو ومخه وكرعينو، قارنتها بسرعة مع الناعقين صباح مساء بخطب الخشخاش المخدرة ..
المزعلني توقعت إليزابيث بعد كل هذا البهاء والقوة والجبروت تقوم ترقص على أغنية بول مكارتني المدفع الرزام.. بالإنجليزي. فلم تفعل.. هدوء ورزانة الواثق..
من الكفرة ديل. تعرف بعدنا عن الدين هو الخلانا متخلفين. وأعني دين الحزب الحاكم. هسع لو كلنا كيزان، كان تلقانا في كافوري البشبه ماليزيا. تقدم واللا ما تقدم.
والله يا عبدالحي كان الشفتهم بعيوني البياكلا الدود ديل هم المستهدفننا جد لي وجد ليك وجد لأمنا وجد لحبوتنا.. وجد لعبدالعاطي؟
كنت آمل أن تمر أمام المنصة بعثة ضخمة من أبناء ما تبقى من السودان ثم تنتقل الكاميرا إلى المنصة لتعرض صورة رئيس سوداني منتخب وهو يحيي أبنائه الأولمبيين والعَلَم.. زي العملوهو باقي خلق الله .. لكن ، وكما قال ود المكي : إن الأماني إذ نشتهيها .. تعلقنا من سراويلنا في الهواء
وأن اللواتي تولين عنا و (ضيعننا) كن خير النساء وأن الحياة سلو عن الموت تعزية عن عزاء..
Quote: يا ابو الحسين الزول دا عشرات السنوات بدقس فينا
لكن بمزاجنا .... عارفنها دقسه وبندقس ليهو
رمضان كريم ولك كل التحية والود
غايتو يا دكتور ما أديتني أي فرصة علشان أتضامن معاك أو أمشي ليك البتسوي فيه دا.....
أرجع لي مداخلتي كدي شوف أنا قلت بدقس و ل بدقش
يا جماعة من كان منكم مريضاً أو على سفر دي ما قريتوها في آية الصيام و لا حتى على الذين يطيقونه ....؟؟؟
Post: #27 Title: Re: حسناء الأولمبياد.. Author: عمران حسن صالح Date: 07-29-2012, 09:50 PM Parent: #25
Quote: كالنعامة دوما أهرب من مشاهدة هذه الأعمال (الإرهابية ) المبهرة لأني سرعان ما أعقد المقارنات المحبطة النتائج دوما، تسمرت أمام شاشة التلفاز ، وما هي إلا دقائق من الخيال حتى وجدتني أعقد مقارناتي السخيفة بين حال أولئك وحالنا، مع سؤال بايخ : هل ننتسب لذات الأرض !!
يا مولانــا والله كأنكـ كنت جلوساً معنا ، أنا ، معتصم والوغد صلاح شتات هربت من وحدتي إليهم طلعت منهم قرابة الرابعة صباحاً " شفت الثقالة كيف ؟ " دموعي تفضحني دائماً في هكذا مواقف ما زلنا نتمنى لهذا الوطن يقوم على حيلو يردد شتات مقولتي التي أخافها " وطنيتنا على المحكـ !! "
>>>> Leryn Franco قوقل لم يراعي وضعنــا الحالي ، أحرجني كثيراً وهو يعطيني خيارات أخرى ، لم أدقق كثيراً :) حتماً سأحتفظ بالإسم في ذاكرتي المتمرده
Post: #28 Title: Re: حسناء الأولمبياد.. Author: Ahmed al Qurashi Date: 07-29-2012, 09:57 PM Parent: #27
Quote: يا جماعة من كان منكم مريضاً أو على سفر دي ما قريتوها في آية الصيام و لا حتى على الذين يطيقونه ....؟؟؟
Quote: البوست دا يا ابو الحسين بتفصلو شعرة بسيطة من ابطال الصوم
لا أتفق معك يا أحمد مع علمي أنك لاتعني ما تقول، مبطلات الصوم معروفة، البذاءة والسرقة وغياب العدالة وأكل أموال الناس بالباطل وقطع الأرزاق وقتل النفس التي حرم الله إلا بالحق.. المسألة قطعا ليست إمتناعا عن شهوتي البطن والفرج وأنت أدرى مني.. رمضان غير بعيد من جمال الروح والنفس وحب الناس ..
هسه يا قرشي منظر لندن والملعب الأولمبي من فوق ومهرجان الألوان وقوس قزح البشاشة والفرح الينثال ويسري بين المقاعد ويكهرب القلوب على اختلاف الجنس والعرق واللون أم منظر الوجوه المكفهرة العابسة ولاهم لها غير التلصص والتجسس وشعر النساء وبناطيلهن؟ ياخ الخرطوم وكل المدن بالليل نائحة ثكلى لربع قرن ..
دعواتك يا شيخنا..
حتى لو بالأمرضني وما طباني..
Post: #33 Title: Re: حسناء الأولمبياد.. Author: Hisham Ibrahim Date: 07-30-2012, 01:35 AM Parent: #32
Quote: جنس استهداف هو ، مولانا ترفق فنحن من ماء وطين،،،
ولعلك يا مبجّل حين تحدثت يوماً عن حضاراتِ ما بين النهدين لم تكن تعلم بأن يطول بك الصبر حتي تبلغ تضاريس حسناوات لندن، وتمرّغ عينيك في ( ميري ) ثمارهن الناضجة، وأنت تعلم مسبقاً بأنهن يتهددنك بالويل والثبور وعظائم الأمور . ولكن ربك رب الخير كتب لك ميتةً أقل ما توصف به أنها ( لئيمة ) . يا هداك الله عيون المها التي كانت تتمشّي لواحظها بين الرصافةِ والجسرِ لو شاهدن ما شاهدت لأنطفأ نورهن قبل أن يبلغن شجرة البيعة . لباقة وأناقة ورشاقة .. ياربي ديل ما غنن مع سيدنا قدّس الله سرّه حين قال ( قلب المخضوب فوق الفاقل ودلّي اليمني ومشي متّاقِل ) ؟
يقال أن لاعبة التنس التي تظهر صورتها أدناه قد شوهدت وهي في حالة ( أم فكّو ) مكتمل النصاب وحلّ عليه الحول من قبلِ شهودٍ عدول وذلك قبل بداية أولمبياد لندن بعدة أيام . نسأل الله السلامة ونشكره علي فضله وجليل نعمائه أن جعلنا من سكان جمهورية مرسي الإسلامية . الجدير بالذكر يقال أن جل من شاهدوها قد أصيبوا بالشد العضلي وقليلٌ من الحيرقان ونشاف الريق والله تعلم !!
أنظر لتلك الشجرة ذات الغصون النضرة، ثم بسمل وحوقل ولا تأخذنك شفقةً بالوسواس الخناس الذي يوسوسُ في صدور الناس :)
أها يا مولانا سِفْ وقارن ويا عزيزي الصايم لو ما فاطِر ما تخاطِر ولا عذر لمن أنذر
أها دي قطِع شك تستحق الميدالية الذهبية في رمي قلوب العزاري والحياري والسكاري
الغريبة بعد ده كلوووو يجيك واحد من شذاذ الآفاق يقول ليك هتلر كان سفاح ؟؟؟ عجبي !! أها كيتاً عليكم يا رجرجة يا دهماء إنشاء الله ألمانيا تتعلّي وما تتدلّي بركة من صلي وقال يا الله
أتذكرت زمان عندي شلة كده كانت عندنا مصطلحات خاصة بنستعملا برانا مثلاً لمن نشوف بنت بعيدة مهوي القرط بنطلق عليها الدنمارك وساحل العاج لصنف التقيل ورا ولما نشوف بنت عندها خصر نحيل ( دِبلة ) بنقول ( والله فيها نص في البرازيل مافي ) في إشارة لخط وسط المنتخب البرازيلي المتفوق علي مرّ العصور !! :)
استاذنا محمد المرتضى..حبابك يا صديقي,, غايتو يادوبك وقع لينا: ليه استاذنا و صديقنا احمد القرشي مكسر في الحقيبة.. الجماعة سوها وصف..و احمد تماها شوف..! و يا احمد القرشي الحربة هينة ياخي.. الكلام الديس ياعمك..ياخي ده كن ماغطى الجبال يكون قرب..!
كبر
Post: #42 Title: Re: حسناء الأولمبياد.. Author: ناذر محمد الخليفة Date: 07-30-2012, 09:29 AM Parent: #41
يا ود المرتضى سلام ..
العيد عندكم ثبتوهو ولا شنو ؟!!
Post: #43 Title: Re: حسناء الأولمبياد.. Author: د.محمد حسن Date: 07-30-2012, 09:43 AM Parent: #42
ولاني اعلم نواياك المعلنة والمستترة حاولت جاهدا الحفاظ على ما تبقى من صوم ان ابتعد متدثر بالقول المأثور جينا الزقازيق شفنا لعجب شفنا الجراد وقمل الخشب ارجع ليك بعد العمرة ان شاء الله قوموا الى صيامكم هداكم الله
كده يا مولانا المرتضى شلت ذنوبك وذنوبنا مع ذنوبك بفتح هذا البوست النائح الباكى المبهر البكسر الضلع............أقترح عليك تقضى العيد مع الأولاد...ويا كندا جاك بلا وجن أحمر.
أعتقد الأولمبياد القادم حتشوف الرئيس المنتخب وهو يحيى وفد السودان المشارك.....لك تحياتى ولحبيب نورة الذى تسبب لنا بأذى بليغ......وجبر الله كسرنا ( الضلوع وكده)
Post: #45 Title: Re: حسناء الأولمبياد.. Author: Ahmed al Qurashi Date: 07-30-2012, 11:06 AM Parent: #43
Quote: و يا احمد القرشي الحربة هينة ياخي.. الكلام الديس ياعمك..ياخي ده كن ماغطى الجبال يكون قرب..!
شفت يا كبر ابوصلاح وصف الشعر كيف في هذه الأبيات ..
الشعور وأخر امــتدادا ............... مــع القـــديم اتصــل ودادا والســـهام زايد اشــتدادا ............. جروحي هل تدرى بى عدادا ************* ليك لحاظ ماسكه في القيادا ........... ولى جروح ماشه في الزياده أرجو من صاحب السياده ............. قليـــل مـــراهم من العــــياده
ولا هنا ************** عالي صدرك لي خصرك برا فيهو جوز رمان جلّ البرا الخطيبة وردفك منبرا الشعور البسطل عنبرا ************** الصدير أعطافك فترا والنهيد باع فينا وأشترا الوضيب إقدامك سترا لقطيبو قلوبنا البعثرا
وشوف هنا كمان
ديسه للقدم وصل الخبر............والصدير برز قلع انتبر والنهيد رخص لسه ما جبر........ قلبي هج طار عنه ما صبر ******* الشعر نزل للدرع ستر ................زاحم القدم فيه كم عتر الصدر قلع والردف نتر .........والضمير تعب حالته في خطر
والله زي ما بقولوا حب الناس مذاهب..! كدا خلينا من "حسن" يعتمد على مزاج الناظر... ان شاء الله يا مولانا تكون شفت الافريقية العربية بنت البوبكري في مبارياتها التلاتة...
Quote: إنسحبت التونسية إيناس بوبكري من الدور الربع نهائي لمنافسات المبارزة بالسيف في الألعاب الأولمبية لندن 2012 و ذلك بعد هزيمتها أمام البطلة الأولمبية لثلاث دورات متتالية و حاملة العلم الإيطالي في النسخة 30 من الأولمبياد الإيطالية فالنتينا فيزالي بنتيجة 7 مقابل 8.
و قد قدمت ايناس البوبكري المصنفة في المرتبة الثامنة عالميا أداءا رائعا أمام الإيطالية فيزالي المتوجة بـ5 ميداليات ذهبية أولمبية و 13 بطولة عالم و 10 بطولات أوروبية.
الحسنوات ديل المتفرجات ولا المساكين البتدربو عشرة ساعات في اليوم لمدة اربعة سنين عشان يفوزو بي ميدالية ...؟؟؟؟ مع احترامي للجميع بوست ذكوري ... وارجو انكم ما تزعلو مني
Quote: لا أتفق معك يا أحمد مع علمي أنك لاتعني ما تقول، مبطلات الصوم معروفة، البذاءة والسرقة وغياب العدالة وأكل أموال الناس بالباطل وقطع الأرزاق وقتل النفس التي حرم الله إلا بالحق.. المسألة قطعا ليست إمتناعا عن شهوتي البطن والفرج وأنت أدرى مني.. رمضان غير بعيد من جمال الروح والنفس وحب الناس ..
هسه يا قرشي منظر لندن والملعب الأولمبي من فوق ومهرجان الألوان وقوس قزح البشاشة والفرح الينثال ويسري بين المقاعد ويكهرب القلوب على اختلاف الجنس والعرق واللون أم منظر الوجوه المكفهرة العابسة ولاهم لها غير التلصص والتجسس وشعر النساء وبناطيلهن؟ ياخ الخرطوم وكل المدن بالليل نائحة ثكلى لربع قرن ..
دعواتك يا شيخنا..
حتى لو بالأمرضني وما طباني..
احيك واحبك بجد لوجه الله تعالى ...................... ريحتني كلو كلو كلو واحب الوعي المتقدم فيك يا بالله تحول الوعي دا لفيروس معدي وتنشره في اجواء هذا المنبر بالكوتة مش حبة حبة .
------------ التوقيع: واحدة حاسدة وشنافة كان تخلونا على الصور الاولى
Post: #54 Title: Re: حسناء الأولمبياد.. Author: Adil Isaac Date: 07-30-2012, 03:42 PM Parent: #52
Quote: كالنعامة دوما أهرب من مشاهدة هذه الأعمال (الإرهابية ) المبهرة لأني سرعان ما أعقد المقارنات المحبطة النتائج دوما،
محمد المرتضي و ود القرشي رمضان كريم، و الله المقارنات الوهمية ما عارف بتجيكم من وين :) ياخي زمااااان الناس قالت compare likes with likes يعني أولمبياد لندن مع أولبياد بكين أو أسبانيا....وهلم جراً و لو لااااااازم تدخلو السودان في الموضوع بتاع المقارنات ممكن تقولوا مثلاً هل سيصوم السودان مع ناس أم القري أم مع ناس الأزهر ....و كدة و بتاعين قصة إرتباطنا مع العالم الخارجي في أي شئ دي لازم تنسوها لزوم المحافظة علي ما تبقي من مرارة نصل بيها لي عيد الضحية بس إنشاء الله. نحن شغالين بي مكنة خليج سلفية ما فيها بنات حلوات بيرمو الرمح ، و كلام فارغ زي دة.... أجى !! لازم تجي الأولمبياد مع أبوها أو أخوها أمها بس ما ينفع :)
أها بعد ده الكلام كِمِل تب يا مولانا . ياهو ده صدر المحافل القاصدو سيدنا أبو صلاح رضي الله عنه، لكن نسوّي شنو الفهم قِسَم ! ما النور ال في حليه رافل في حُقْ نهدُه قلوبنا قافل كالظبي الفي مقيلُه غافل تارة يميل والتانية جافل وجهه ينور والبدر آفل فوق للبدرِ يزيد نفيلة أنا غايتو بقترح يعملوها النشيد الوطني لأولمبياد لندن بعد نشاف الريق الإنت شايفو ده . وبعدين ما تسمع لي كلام صديق الموج ومن لفّ لفه . أديني فرصة يا مولانا . وشرط الحاكم يبقي عادل كما تفضّل أبو صلاح في مرافعته العاطفية أعلاه .
أسعدتنا واسعدت ناظرينا بكل هذا الجمال الرائع. رمضان كريم.
Post: #62 Title: Re: حسناء الأولمبياد.. Author: محمد إبراهيم علي Date: 07-30-2012, 07:37 PM Parent: #61
ودالمرتضى تعليقك ده
Quote: أضاعت حكومتنا فرصة لن تتكرر في حصد ميدالية ذهبية في حالة مشركة نادي كافوري في لعبة القفز بالزانة.
يتساهل دي
Post: #64 Title: Re: حسناء الأولمبياد.. Author: عمران حسن صالح Date: 07-30-2012, 08:13 PM Parent: #62
ثم ضاع البوست يا رباه من بين يديه
Post: #65 Title: Re: حسناء الأولمبياد.. Author: Ahmed al Qurashi Date: 07-30-2012, 08:29 PM Parent: #64
الحق يا مرتضى حبيب نوره مرق ليك البوست من رمضان ودخله الفطر
حالتو دا يا حبيب نوره فاز محمد مرسي ، لو فاز صباحي كانت جبت لينا شنو؟
Post: #67 Title: Re: حسناء الأولمبياد.. Author: عمران حسن صالح Date: 07-30-2012, 08:47 PM Parent: #65
Quote: الملكة لابسه بصلي (طبعا ماعندها مشكلة بصل) تجلس في المنصة وقد أنجز شعبها الثورة الصناعية ومعظم الإكتشافات والإختراعات التي غيرت وجه التاريخ وقلبو ومخه وكرعينو، قارنتها بسرعة مع الناعقين صباح مساء بخطب الخشخاش المخدرة ..
مسكين محمد المرتضى ويا عملاة حبوبتي " ما حبوبة فلان داكـ " جاتو في صمة خشمو ، لا إيدو لا كراعو الكوت أعلاه بداية بوست أعطاني إنطباع الديمومة حتى الربع الأخير من هذه السنة الكبيسة على أهلي في شهر المحبة والتسامح والإنسانية وجد مولانــا نفسه مزنوق " مسكين " لا هو قادر يواصل ويقول يا ناس لا ما كدى لا قادر يجي يقول " يا لهذا الجمال " يا أحباب : الجمال أكثر عمقاً في الكلام والوصِف ركزوا في الوصف خلو رمضان يمر على خير
Quote: والله كأنكـ كنت جلوساً معنا ، أنا ، معتصم والوغد صلاح شتات هربت من وحدتي إليهم طلعت منهم قرابة الرابعة صباحاً " شفت الثقالة كيف ؟ " دموعي تفضحني دائماً في هكذا مواقف ما زلنا نتمنى لهذا الوطن يقوم على حيلو يردد شتات مقولتي التي أخافها " وطنيتنا على المحكـ !! "
يا عمران ، بتعرف إحتشاء عضلة الروح؟ طيب.. سمعت بقرحة الخاطر؟ أو تورُّم الضمير؟ أو أي إحساس في الإتجاه دا؟ مش مرات كده بتكون في حاجه بتريدا لكن دايمن مفشلاك ودايمن مئلماك ؟ حاجه كلما تحلف يمين تشطبا تقوم تجدد إتفاق حبك معاها زي التقول كاتباك؟ بالله كتير علينا نحلم إننا ناس أو حتى زي الناس؟
أي حاجه بنريدا تاعبانا يا عمران .. أي حاجه.. يازول ابكي وافتح بوابات خزان فؤادك قبال تنقفل بطمي الحُرقه الجاي من شرق الهزيمة....
أفتحا..
Post: #70 Title: Re: حسناء الأولمبياد.. Author: Ahmed al Qurashi Date: 07-30-2012, 09:37 PM Parent: #68
هاهاهاهاهاهاهاها قصدك إذا جاء ود جبرين طبعاً وعرفت إنها غلطة إملائية :)
غايتو يا أبو حسين أنا لقيت خيتي
ياخ ربنا يخلي لينا مولانا ده ويجيزه خيراً في الدارين
ده جنسو شنو ؟؟
Post: #88 Title: Re: حسناء الأولمبياد.. Author: محمد المرتضى حامد Date: 07-31-2012, 00:10 AM Parent: #81
Quote: إتذكرت الزول الذى جاء للخرطوم
وشاف العمارات وقال تبانة الجن
دى بوصلوها كيف قادر الله والله
إيدم تكون لى هنا فى الشعيريه ولحس
كوعه وذات المشهد سيتكرر لو ذهبت
كل عمارات الخرطوم إلى هناك.
ألف رمضانكم كريم والرمضاء تلك
أدخلوا منها جوه
المنصور مفتـاح الأدب
إبن الشرق الجميل أبوآمنه حامد ، له الجنة ، كان كمن يقرأ الغيب ..
تخيل من سال من شعرها الذهب فكتب ما كتب ..
تشارك في هذا الأولمبياد وتضيف إليه بهاءا بضربات سرعتها
تزيد على 200 نبضة في الساعه ، حسب رادار المتفرج ..
شارابوفا ما هينه لكن ما بتلحق خلاسية الهنود الحمر والإسبان
أهل الدكتاتور فرانكو
يا المنصور ، شفت المقاتلة السوخوي في مناورة إسمها الكوبرا؟
.
Post: #89 Title: Re: حسناء الأولمبياد.. Author: محمد المرتضى حامد Date: 07-31-2012, 09:02 AM Parent: #88
Quote: يا جماعة الخير الكورة السودانية لا تزال بخير نحن أزمتنا الحقيقية أزمة مشجعات !!
جيبوا لينا مشجعات زي ديل وما طالبني حليفة موردة العيلفون يجيب ليكم كاس العالم في الكريكيت
من توصيات حبيب نوره ..
وماتنسى الزول الكان رئيس نادي كرة قدم بتاع إتحاد الملاكمة وأكيد في أقرب ماتش حايكون بطل في رمي الجله..
لو أن حاج ماجد سوار بقي وزيرا للرياضة لأحرزنا عددا من الميداليات ذهبية.. هناك عدة ألعاب كنا سنبرز فيها..
لكن تقول شنو يا حبيب ..
Post: #90 Title: Re: حسناء الأولمبياد.. Author: محمد المرتضى حامد Date: 07-31-2012, 09:29 AM Parent: #89
حقيقة يا عبدالكريم.. ريودي جانيرو 2014 ستكون مهرجان جمال الأرض والإكليل والسماك الأعلى شخصيا.. تمشي البرازيل كنسيب العربي وفي الخاطر (غابرييلا قرفة وقرنفل ) وكل فانتازيا جورج أمادو المُسكِرة.. وتنسى في مزارع الكاكاو كل (غناوي الحسره) و(المواعيد الوهم) وبعد داك شوف كان تغني (ندمان انا ..)
Post: #94 Title: Re: حسناء الأولمبياد.. Author: محمد المرتضى حامد Date: 07-31-2012, 11:27 AM Parent: #81
Quote: غايتو يادوبك وقع لينا: ليه استاذنا و صديقنا احمد القرشي مكسر في الحقيبة.. الجماعة سوها وصف..و احمد تماها شوف..! و يا احمد القرشي الحربة هينة ياخي.. الكلام الديس ياعمك..ياخي ده كن ماغطى الجبال يكون قرب..!
Kabar يا حبيبنا ، قت ليك ناس أحمد القرشي ديل مستهدفين .. يعني لامن يدفنوهم حتى تصدقوا ؟؟
ما اكتفت بسهام العين
الهنديه ديبيكا كوماري
خداري ..
Post: #95 Title: Re: حسناء الأولمبياد.. Author: محمد عبد الماجد الصايم Date: 07-31-2012, 11:33 AM Parent: #94
Quote: الهنديه ديبيكا كوماري
فعلا .. كوماري!!
Post: #96 Title: Re: حسناء الأولمبياد.. Author: محمد المرتضى حامد Date: 07-31-2012, 11:44 AM Parent: #95
Quote: فعلا .. كوماري!!
أرمي سهمك يا كوماري قشه قشه
Post: #97 Title: Re: حسناء الأولمبياد.. Author: محمد المرتضى حامد Date: 07-31-2012, 11:49 AM Parent: #96
Quote: يا ود المرتضى سلام ..
العيد عندكم ثبتوهو ولا شنو ؟!!
بلى يا ناذر
لكن يبدو إنو الناس دي كلها ما زالت (تتحرى الرؤية)
Post: #98 Title: Re: حسناء الأولمبياد.. Author: محمد عبد الماجد الصايم Date: 07-31-2012, 11:57 AM Parent: #97
Quote: لكن يبدو إنو الناس دي كلها ما زالت (تتحرى الرؤية)
Quote: أعتقد الأولمبياد القادم حتشوف الرئيس المنتخب وهو يحيى وفد السودان المشارك.....لك تحياتى ولحبيب نورة الذى تسبب لنا بأذى بليغ......وجبر الله كسرنا ( الضلوع وكده)
آمين يا أسامه،
من خشمك (بالسوداني) ولباب السماء ( أنا عارف الإستجابة ما عندها علاقة بالأبواب والنوافذ لكن مشيِّها) باقي ليك يا ودميرغني في أمل لاستضافة المولد دا في الساحه الخدرا وزريبة العيش؟ باقي ليك بنجمع السمحين ديل كوووولهم لاعبين ولاعبات ورؤساء وملوك ونرقص ليهم صقريه وعرضه في العرضه؟ غايتو جهزوا الرغيف وكان لقينا بنجيب ليكم الكسره من سوق العناقريب وناس الكلاكله عليهم التقليه.بجيبوا ليكم حمل من عشان تنستروا مع ناس فرانكو وشارابوفا ديل..
والإفتتاح يشرفه عبدالعاطي ..
تصوَّر روعة المشهد .. .
Post: #101 Title: Re: حسناء الأولمبياد.. Author: حمد عبد الغفار عمر Date: 08-02-2012, 11:25 AM Parent: #100
عذرا
بدأ هذا البوست
جميل ما سألناه ولكنا (خربناه) بديع في تثنيه وديع حين تلقاه عجيب في معانيه إذا أدركت معناه جمال فيه اشراق تريح النفس رؤياه
ولأنه جميل وتوثيقي،
ورغم ما بنا من ثورة ودماء ، فقد رأيت (وأنا العبد الفقير إلى الإبداع والنضال معا)
أن ارفع هذا البوست ليمضي هذا الجمال جنبا إلى جنب مع ثورة الجمال والغد المشرق
واليكم هذه المرفرفة
ونقول ليها يا طير يا طاير من بعيد فوق الغمام من فؤادي أحمل الشوق يا حمام
Quote: لقد كوجنت الصورة يا حبيبا لي نورة .. كوجنتها كلو كلو ول شنو يا دكتور احمد القرشي!؟
رغم إنو السؤال موجه لودالقرشي يا قيقراوي لكن لامن لقيت أحمد سكت قلت اقول ليك إنو الصاح ( قلب المخضوب فوق الفاقل وتلَّ اليمني ومشي متّاقِل ) ودي صوره تصلح في عروض الأزياء وتتوفر في تصفيات خطوه اتنين مستحيل..
Quote: رغم إنو السؤال موجه لودالقرشي يا قيقراوي لكن لامن لقيت أحمد سكت قلت اقول ليك إنو الصاح ( قلب المخضوب فوق الفاقل وتلَّ اليمني ومشي متّاقِل ) ودي صوره تصلح في عروض الأزياء وتتوفر في تصفيات خطوه اتنين مستحيل..
ما فيها فدعة يعني!؟
-----------
برضو حبيبا لي نورا جلا حيث قدم للصورة بي (الرشاقة) ياخ الصورة دي ما اولمبية كلو كلو ياخي .. ولا عندها علاقة بالحركة ذاتو! بي وين عاد الا كان حركات جيش!؟ اما الحسن فحدث ولا حرج
Quote: ان شاء الله يا مولانا تكون شفت الافريقية العربية بنت البوبكري في مبارياتها التلاتة...
إيناس بوبكري دي يا رمانه لم أسمع بها سوى في مداخلتك التي فاجأتني .. حاتقولي لي سبب المفاجأه شنو بقول ليك إنو البوست ظل حتى حضورك ذكوري المنشأ والمشاركة والهوى ونحن نقدِّر ذلك ..
أهل تونس يهتمون بكافة أوجه الرياضة للجنسين ، ديل ناس قيافه يا رمانه .. شدة ما قيافه قيَّفوا معاهم كم دوله مجاوره ومقصهم وصل اليمن، قت ليك زينين برشا..
Quote: برضو حبيبا لي نورا جلا حيث قدم للصورة بي (الرشاقة) ياخ الصورة دي ما اولمبية كلو كلو ياخي .. ولا عندها علاقة بالحركة ذاتو! بي وين عاد الا كان حركات جيش!؟ اما الحسن فحدث ولا حرج
قيقرة يا راجل كيف ما أولمبية ؟ ده ألومبياد حقيبة فيه فدعة وفيه فنسة وحاجات تانية حامياني إنت شكلك ما قريت حاجة عن الإستاندرد بتاع الأولمبياد المشلّخ تلاتة لا ورا
Post: #109 Title: Re: حسناء الأولمبياد.. Author: محمد المرتضى حامد Date: 08-04-2012, 00:01 AM Parent: #108
Quote: بوست ذكوري ... وارجو انكم ما تزعلو مني
أتفق معك 100% يا أسامه، نزعل منك ليه ياخ؟ نحن روحنا أولمبيه.. بعدين الحاصل دا طبيعي ومجرب..
Post: #110 Title: Re: حسناء الأولمبياد.. Author: محمد المرتضى حامد Date: 08-04-2012, 11:30 AM Parent: #109
Quote: Quote:
Quote: لا أتفق معك يا أحمد مع علمي أنك لاتعني ما تقول، مبطلات الصوم معروفة، البذاءة والسرقة وغياب العدالة وأكل أموال الناس بالباطل وقطع الأرزاق وقتل النفس التي حرم الله إلا بالحق.. المسألة قطعا ليست إمتناعا عن شهوتي البطن والفرج وأنت أدرى مني.. رمضان غير بعيد من جمال الروح والنفس وحب الناس ..
هسه يا قرشي منظر لندن والملعب الأولمبي من فوق ومهرجان الألوان وقوس قزح البشاشة والفرح الينثال ويسري بين المقاعد ويكهرب القلوب على اختلاف الجنس والعرق واللون أم منظر الوجوه المكفهرة العابسة ولاهم لها غير التلصص والتجسس وشعر النساء وبناطيلهن؟ ياخ الخرطوم وكل المدن بالليل نائحة ثكلى لربع قرن ...
دعواتك يا شيخنا..
حتى لو بالأمرضني وما طباني..
احيك واحبك بجد لوجه الله تعالى ...................... ريحتني كلو كلو كلو واحب الوعي المتقدم فيك يا بالله تحول الوعي دا لفيروس معدي وتنشره في اجواء هذا المنبر بالكوتة مش حبة حبة .
يا سيدي أستغفر الله فأنا لست في مقام من ينشر الوعي أو مجرد النصح، كل ما هناك أن بعض الناس يعتقدون أننا يجب أن نمسك عن شهوتي البطن والفرج و(أشياء) أخرى في نهار شهر رمضان وحسب وما أن ينقضي رمضان فكل شئ مباح ، وأرى أن الإمتناع يسري على شهوتي البطن والفرج فقط ، إلا أن بقية (الأشياء) التي تتناقض مع القيم الفاضلة فيجب الإمتناع عنها كل العام وأما الجمال وإبداع الخالق فهو يستدعي التأمل والتفكر فيه ما بقي الإنسان حيا، رسالة رمضان أعظم من السطحية التي يتعامل بها البعض مع الشهر الكريم، بل إن الرسول الكريم (ص) أوجز رسالته كلها - وليس رمضان وحسب - بقوله ( إنما بعثت لأتمم مكارم الأخلاق)..
يا عزيزي ، بلغ بنا الحال ما وصل إليه الأزارقة ، نحل قتل صبية المدارس في نهار رمضان و نحرم مشاهدة صور الحسان..
Quote: و الله المقارنات الوهمية ما عارف بتجيكم من وين :) ياخي زمااااان الناس قالت compare likes with likes يعني أولمبياد لندن مع أولبياد بكين أو أسبانيا....وهلم جراً و لو لااااااازم تدخلو السودان في الموضوع بتاع المقارنات ممكن تقولوا مثلاً هل سيصوم السودان مع ناس أم القري أم مع ناس الأزهر ....و كدة
يا د. عادل الجملة الأخيرة أضحكتني حتى ارتاب الجار في صومي، أنا معاك في الأمثلة التي ضربتها لكن المقارنه ياود اسحق جايه من إننا مصدقين إننا عندنا لاعبين أولمبيين وفرق أولمبيه وكمان مشاركات ، ياخ مش كده وبس ، نحن عندنا حاجه إسمها اللجنة السودانية الأولمبية.. بل نحن كمان أعضاء في الأمم المتحدة زي الشايفم ديل، يعني (أرضية) المقارنه موجوده ..
من المحزن والمؤسف القاض للمضاجع أن السودانيين سجلوا نتائج فضائحية في المنافسات العربية الأخيرة ولكن وزارة الشباب والرياضة لم تداري خيبتها فقررت الخروج بها على الملأ ليشهد عليها مليار شخص.. أنا أعلم جيدا بأن الوزير اللي ما عارف إسمو شنو دا يعلم جيدا أنه لن يحرز شيئا لكنها فرصة للتبضع والإستمتاع بالحضور على حساب الدوله الفاشلة.
Quote: يا رحاب إنتي تبكي بجاي وبي هناك ؟ حددي ليك جهة ما تلخبتينا Asim
عاصم ده مش البيقولو عليه كر و فر و معرفش ايه؟
ــــــــ اسي انت بس قول لي يا عاصم، الخلا صورة محمد المرتضي الفي بوست الاسبوف قابلة لانها تكون مفطرة و الصور الهنا ديل كلهن، بي حقت حبيب نورة، ما مفطرات شنو :)
عجبتني القبقبة، ده كله بركة الانذار الصرفو لينا :)
يا تضى و الله عجبتني قصة كافور ي و القفز بالزانة لووول
لم أوف المعنيين حقهم يا سفيان، ديل قفز الزانة بالنسبة ليهم مجرد بروفه، الناس ديل ركبوا ديسكفري ووصلوا الفضاء عشان كدا بيشوفونا من عليائهم وبيطلقوا علينا شزاز اللافاغ..
جدي العزاز الجيدو قزاز يلينا إيزنباييفا الحليوه، قفز الزانه الما فيهو هزار.. فوق للخمسه أمتار.. دي يا سفيان لامن تقفز وتنزل بيغادي مع نقزه وترفع يديها شكرا لله بالروسيه تهبط معها قلوب الملايين ويهتف لها المجد (حبابك) لم تترك رقما قياسيا في القفز لم تحطمه ولم تترك ميداليه لم تحصدها..
قت ليك حظنا كعب وما عندنا غير نغني (زمني الخاين)
Post: #118 Title: Re: حسناء الأولمبياد.. Author: محمد المرتضى حامد Date: 08-05-2012, 00:36 AM Parent: #117
Quote: الفى الصوره دى غايتو من يدها مفروض تتعرف........firm but yet feminine
زمن يا أمين، إي والله، كان عندنا أصحاب بيعرفوا البيت الفيهو بت سمحه من الحيطه وشكل الجهنمية أو سقف البرنده حتى لو مروا بالحي لأول مره.. يقولوا ليك البيت دا من بابو فيهو ناجازاكي .. تخيل يطلع كلامم صاح.. مزودين بأجهزة عالية الحساسية زي كاشف الإشعاع النووي ، الغريبه قدر ما مشيت معاهم ما كشفت سرهم .. عشان كدا طلعنا مساكين بنمشي بضل الحيطه ..
فيك رايح بالي... تفديك الروح اظهر لاتبالي يا غزال الروض في دجاك يا ليل كم طيب هبا لي.... ده الجنن قيس وكثير قبالي ما بسمع فيك أقوال عزالي... بسمع وأطيع أمرك يا غزالي طيفك في النوم لو كان يصحا لي.... أتغزل فيهو ينظر لي حالي حبك يمزج اعضاي إجمالي... لو كنت يمين يهواك شمالي متي مني يعود عقلي ويصحا لي... ده رحيق مختوم بي لهيجو الحالي فيك راحة بالي تفديك الروح اظهر لاتبالي
نسأل الله السلامة
Post: #120 Title: Re: حسناء الأولمبياد.. Author: محمد المرتضى حامد Date: 08-05-2012, 01:13 AM Parent: #118
Quote: والله لو سمح ليّ سيد البوست أن أهديه للحسناء:
محاسن فضل الله (من محاسن حسنو المحاسن!)
فيبدو أنها منافسة شرسة من الناحية الجمالية (لو لم يكبّل حسنها "قانون النظام العام")
يا سلام وتبارك الله على بنتنا يا تبارك، عليك الحرام أجمل وجه في هذا البوست بدون مجامله .. مفروض الواحد يسقف على كدا .. شوف الهدوء والأدب والثقة والإعتداد بالذات دا كيف.. ياخ دي ميداليتها أديناها ليها من يوم الإفتتاح غض النظر عن النتائج.. قت ليك بناتنا لا يجارين .. للأسف الشديد بناتنا وأولادنا لامشاركات لهم سوى في ألعاب الجري والشلهتة.. بعد ذهاب اللنغاز قريبا سنكتشف مواهب في سباق الحواجز.. إنت بس أصبر وحا تشوف..
المهم...
Post: #122 Title: Re: حسناء الأولمبياد.. Author: محمد المرتضى حامد Date: 08-05-2012, 01:33 AM Parent: #120
Quote: Quote:
Quote: هي وراكيل ويلش
ياخ كل ما أحاول أغش الناس ديل و أقول ليهم الزول دا لسه شباب تقوم تحرجني.... ياخ راكيل وولش دي من سنة دو لكن لقيتك ناقش كويس
أبوحسين، بطريقتك دي لو كتبت عن مارلين مونرو تطلعني فردة كيندي وتوديني المقابر بأثر رجعي.. يعني تاني ما نكتب إلا عن هيفاء وهبي وبيونسيه بعد الحجاب؟
Post: #123 Title: Re: حسناء الأولمبياد.. Author: محمد المرتضى حامد Date: 08-05-2012, 11:03 AM Parent: #122
Quote: قلبي لا يسلاك ولا يطيق نكران .... بين شاهد جفني البى الدموع وكران درعك البتقمز بالوضيب عكران ....والضمير الميل صاحي أم سكران
شكرا يا أحمد يا قرشي؟ الضمير في الحقيقه ثعبان سكران...
والله يا أحمد كلمة (البتقمَّز) دي عجبتني بالحيل وقصة إنو عكران بالوضيب دا موضوع تاني..
شايف .. المسألة ما أولمبيه بس ، زولتنا منافسة في مسابقات ملكات البشتنه..
Quote: أها بعد ده الكلام كِمِل تب يا مولانا . ياهو ده صدر المحافل القاصدو سيدنا أبو صلاح رضي الله عنه، لكن نسوّي شنو الفهم قِسَم !
حبيب نوره يا زعيم التيار الصدري, الكلام ما كمل ولا بيكمل، ناس لاتين أمريكا يا حبيبا من الضروري تلبس ليك حجاب فيى ضراعك عشان تمشي تتفرج في ألعابهم وألاعيبهم في الأولمبياد أو كرة القدم أو الكرنفالات ..وبمناسبة الكرنفالات دي ياخ كل شعوب الأرض عندها يوم بتعمل فيهو كرنفال وتتحرر من قناع الجديه الصارم البايخ إلا نحن ، السنه كلها صارين ، حكومة وشعبا .. الله يديك فرصه تحضر حاجه زي بتاعت ريودي جانيرو وتشوف وفد باهيا.. الكاكاو بالدراق Peach والحي الله والكاتل الله.. يا خِنِق يا جيت بالِعا .. ولو لقيت ختفت رجلك لكوبا أو فنزويلا وقابلت أبطال الأولمبياد يكون أمك داعيه ليك.. الشيوعيين ديل خطرين .. التحيه لكاسترو وشافيز
الجزائر كانت هناك.. فريق الكرة الطائرة النسوي قدم عروضا جميلة كانت متوقعة بعد مشاركاته في كأس العالم باليابان العام الماضي ، تلك دول تحترم مشاركات المرأة في كافة الإتجاهات لتخرج جيلا معافى من من تشوهات النفس التي لاتفضي إلا إلى الفشل والهزيمة والإنكسار.
يا سلام وتبارك الله على بنتنا يا تبارك، عليك الحرام أجمل وجه في هذا البوست بدون مجامله .. مفروض الواحد يسقف على كدا .. شوف الهدوء والأدب والثقة والإعتداد بالذات دا كيف.. ياخ دي ميداليتها أديناها ليها من يوم الإفتتاح غض النظر عن النتائج.. قت ليك بناتنا لا يجارين .. للأسف الشديد بناتنا وأولادنا لامشاركات لهم سوى في ألعاب الجري والشلهتة.. بعد ذهاب اللنغاز قريبا سنكتشف مواهب في سباق الحواجز.. إنت بس أصبر وحا تشوف.. ______________________________________
يا سلالم علي الدنيا وحلاوتها..
قلنا نرفع البوست لغاية ما ترجع من المطار.. هاتوحشنا شديد والله وكذلك سيفتقدك الأولمبياد..
Quote: ف زي ما قال أبوصلاح : خلي نصيحتك عني شيلا ، ونسأل الله أن يجازي كل إنسان على ما فعل في هذه الدنيا .. قول آمين..
نحن ناس بنعيش حياتنا صافية بالنية السليمة
Post: #131 Title: Re: حسناء الأولمبياد.. Author: محمد المرتضى حامد Date: 08-07-2012, 00:15 AM Parent: #130
Quote: أسعدتنا واسعدت ناظرينا بكل هذا الجمال الرائع. رمضان كريم.
مولانا الشاعر الصناجة زمراوي، الجمال من صنع الخالق إلا أن بعض البشر هم من يرسم القبح ، الإنسان في الأصل خلق في أحسن تكوين وغير الأسوياء هم من يصوروه على أنه فضيحة يتوجب سترها في زمن الملالي المريب...
سنفتح النوافذ يا مولاي طلبا للهواء النقي و(الهمبريب) كيما تصح الأنفس والأبدان عسانا نلحق بمهرجان البشاشة والجمال والإنجاز والإبداع ودرءا للركود الذي ما ولَّد سوى البكتريا الضاره التي أرسلت أوطانا بحالها إلى اللحود..
Post: #132 Title: Re: حسناء الأولمبياد.. Author: محمد المرتضى حامد Date: 08-07-2012, 10:52 AM Parent: #131
Quote: ودالمرتضى تعليقك ده
Quote: Quote: أضاعت حكومتنا فرصة لن تتكرر في حصد ميدالية ذهبية في حالة مشركة نادي كافوري في لعبة القفز بالزانة
.
يتساهل دي
محمد إبراهيم ، هذا (أخف) الألعاب التي يمكن نسبها لأولئك البشر، بنظرة سريعة إلى السلطة ومن يتسنمها والثروة ومن يحوزها يمكنك أن تعرف أني كنت متواضعا في وصف الزانة، ديل تشالنجر ما بيحصلهم.. شكرا على الميداليه يا عزيز.
Quote: مراهقة باكستانية ممنوعة من الذهاب إلى المدرسة لأنها فاتن
قررت عائلة باكستانية مهاجرة في إيطاليا منع ابنتها البالغة من العمر 19 عاما من الذهاب الى المدرسة، بحجة أنها جميلة لدرجة الفتنة، وان الفتاة عادت الى مدرستها بعد أيام من مفاوضات مع الأهل، تدخل فيها قنصل باكستاني ونقابات عمالية والشرطة.
وذكرت وسائل إعلام ايطالية أن أهل الفتاة الباكستانية (جميلة) منعوها من الذهاب الى الثانوية في بريشيا شمال ايطاليا، خوفا من أن يثير جمالها إعجاب شباب إيطاليين، وتقيم علاقات معهم، في حين أنهم يفكرون في تزويجها من شاب باكستاني.
وكالات
قبل ان يتحول اسم البوست الي (مزار شريف)
Post: #134 Title: Re: حسناء الأولمبياد.. Author: محمد المرتضى حامد Date: 08-07-2012, 11:11 AM Parent: #132
Quote: يا ناس هنا في شنو؟
عبدالرحمن قرشي، هنا مقارنات بين الناس الكسحوا والناس الإتكسحو.. أيام المدرسه كنا بنقرا الجريده في الكشك الفي محطة البص ونبدا بصفحة الرياضه ، ما ممكن ننتظر نرجع البيت عشان نشيلا من الوالد ونشوف أخبار الرياضه وناس كيجاب وساره جادالله وممدوح عملوا شنو في المانش، وناس سامي طلعت في التنس وووليم أندريه وحبيب اصطمبوليه وإعيسر في السله ورائدات المريخ والهلال والنادي القبطي وابطال المصارعه إلخ.. هسه مافي حاجه من الحاجات دي ، نهائي ، عندنا أطول نهر في العالم ولاسباح واحد ، هل جفت أنهارنا وحماسنا إلى هذه الدرجة؟ ما فضل لينا إلا (الجري) ..
أندرينا بنتو بطلة 200 متر فراشه ، وعاش الحزب الشيوعي الفنزويلي ماويا كان أم بلشفيا أو منشفيا وعاش تروتسكي ، وعاش شافيز ابقميصن أحمر ومعاهو حركة (حق) فرع كراكاس .