الونسه أهم من المعيشي , مسلسل الشفاهه الذي لابطل له.

( الونسي أهم من المعيشه) . طبعاً ده متل عند اهلنا الشوايقه

بقولوه تهكمنا بفكره سايده عن خمالتهم وحبهم للونسه التثاقف والمجالسه عموم او بقولوه تعبير صميمي عن ده الله اعلم المهم هم بقولوه ...
لكن عموماً لو عملنا مسح فلكلوري وسيكولجي ودراسات مسحيه انساينه ممكن نلقي انو في سودانا ده اهم مميزات الشخصيه المحبوبه والبتلقي عليها اجماع انو (وناس) وصاحب مجلس وبتاع ملمات وهو ذاتو قبل كده عبدالرحمن منيف قال ( ثقافه الحكي والسوالف والسرد من بنات البيئه الرعويه الريفيه علي الخصوص شرقاً اكثر)
والفكره بتاعه الونسه دي عندها علاقه بنمط الحياه وانماط الانتاج البسود المكان , عشان كده لتاخر ادوات الحداثه وعفشها في الشرق عموماً وميل الشرق الفلسفي والنزوع غير البراغماتي وهشاشه البني الاسطوريه ففففففففففاااا بتسود روح السوالف جو الونسه الملمات في المجتمعات دي ويحدي ما ينجض العيش ولا يجن الغنم النتومنس طالما الناي البنعزفبو مكسور

بس عشان ما نسرح من سودانه ده داير اقول انو من ثمات الشخصيه السودانيه انو بميل للونسه دون الحوار الموضوعي والمثاقفه الجاده ولا انا ماكنت داير اقول مكده كنت داير اقول .... شنو ياربي نسيت
اممممممممممممممم خلاس اها

عاين سليم بركات قال شنو

(( لكي نكتب روايه جديده علينا ان نبعد عن كوننا بدويين وننسي روح السرد في الحقل)).

؟؟؟؟؟؟؟ زول عجيب موش ... اسهى قاصد شنو هو

علي فكره العنوان ده مره عبدالخالق محجوب كان عنده مقاله في الايام زمان اسمها (متي ينتهي هذاالمسلسل الذي لابطل له) كان برد علي احمد سليمان المحامي وادعاءاته الثوريه الفجه). فانا اذكرتو اسه.


بصراحه (همساً عن الباندوث) انا عايز اتونس ساي

عنكم استعداد لونسه معاي عن الونسه في السودان