Post: #1
Title: قال استقلال قال !!
Author: Munir
Date: 01-01-2010, 09:10 PM
Parent: #0
قالها صديقي مستهجناً - قبل عشر أعوام - وكان القوم يلوكون ذكري الاستقلال وعلي عبداللطيف والمهدي والأزهري وغيرهم :-
ده شنو ده كمان؟؟ علي عبداللطيف شنو وأزهري شنو؟ ..
ديل شنو العورا ديل؟ ..في زول قال ليهم تعالوا أعملوا العملتوه ده؟ ..
ناس الانقليز بجلالة قدرهم قاعدين ليهم في الحر ده وشغالين ليهم تعمير واستعمار في بلدهم وعاملين ليهم برلمان كمان - يجو يقوموا يطردوهم؟؟.. ده شنو ده ؟؟..
لمن الانقليز زاتهم اتحيروا فيهم !!! .. ناس شغالين ليهم عمار واستعمار في أمان الله ، يقوموا يجوا العالم الوهم ديل يجوطوا فيهم ، يوم يجيهم واحد ناطي ليهم بحربة، واحد بكوكاب ، وواحدين جايين ببنادقهم عديل وكمان زعلانين دايرين يطرشقوا !!!! ..
في الآخر قالوا ديل ناس شنو المواهيم ديل؟؟ !!! .. وشالوا عدتهم وفرتقوا .. وخلوا الوهم ليوم الليلة ما عارفين راسهم من قعرهم !!! ..
|
Post: #2
Title: Re: قال استقلال قال !!
Author: Munir
Date: 01-02-2010, 08:35 PM
وإلي الآن قاعدين نفتش في رأس الخيط ..
|
Post: #3
Title: Re: قال استقلال قال !!
Author: jini
Date: 01-02-2010, 10:53 PM
Parent: #2
| Quote: وإلي الآن قاعدين نفتش في رأس الخيط .. |
تعرف خياطة خوجلى!
يخيط بدون ما يعقد الخيط!
ناسنا ديل ياهم ولاد ام خير الخيارهم الخير وكان للخير الخلا اخير!
باقي لينا الانتحار الجماعى زى ما قالوا موت الجماعة عرس!
جنى
|
Post: #4
Title: Re: قال استقلال قال !!
Author: Munir
Date: 01-07-2010, 09:05 PM
Parent: #3
Quote: تعرف خياطة خوجلى!
يخيط بدون ما يعقد الخيط! |
ههه ..
يخيطه بي جاي ويسله بي جاي ..
حالة صعيبة ..
|
|