بوردابي صورة بروفايله تلائم كل مشاركاته ..

محل الاقامة: أم طرقا عراض

لا قرقرقر .. ولا هاهاها ولا هيهيهي ..

لا وشوش ضاحكة ولا وشوش زعلانة ..

لا بيرفع صورة ولا بيرفع فيديو ..

كوتات بس ..
.
.

يخاف من الشريعة موت ..

___
جني

Quote: يخاف من الشريعة موت ..

منير يا رائع .. سلامات ياخ.

قريبي ده زول مية مية ياخي بس مشكلتو ما بحب الطائفيه

الحكم؟؟
___________________________
حكممباريات كوره القدم..
_____________________________
جنى ..ما تمسح بيى الارض ...انا بهظر..
حاكم جنى لسانو طويل و انا ما بقدر عليه

Quote: يخاف من الشريعة موت

..
..

جنى من الناس الــ أونلاين هنا يا منير له منى كل التحايا والتقدير.










سلام منير

جني عبارة تيرو متر اسفيري متحرك..ومرات كثيرة تبحث بين فجاج المداخلات لكي تري الراي السديد عند جني
وتري معه سخرية من النوع العجيب جداجدا..
واحسن زول بيعرف يجيب اخبار طازجة في سودانيز اونلاين
لذا انا like
(علي طريقة الفيس بووك الشهيرة)


وسلام وتحية يا منير

منير سلام

جني

مرجع

مهم جدا

ورقم لا يمكن تتجاوزه

تعلمنا منه منذ السبعينيات

له تحياتي أخونا الكبير فعلا حيدر محجوب

،،،،أبوقصي،،،،

Quote: ومرات كثيرة تبحث بين فجاج المداخلات لكي تري الراي السديد عند جني وتري معه سخرية من النوع العجيب جداجدا

جني يا عبدالكريم - كيكي - خطه واضح ودوغري .. والخط الدغري هو أقصر مسافة بين نقطتين .. عشان كده يمكن الناس كتير تلف وتدور وتتشقلب في المواقف ويجوا يلاقوا جني في اللفة ..
..
لكين طبعاً كل شيخ بطريقته .. وغايتو أنا ما من ناس طريقته ..


.
.


وين يا أبوقصي تعلمت منه منذ السبعينات دي؟ .. إنت برضو قريب ود الكونت وقريب جني؟ ..

.
.

الأخ معاذ حسن شكراَ علي الزيارة والمشاركة ..

العريس تمبس منور جداً ياخ والله.. قلنا لزولك ده طالما الشريعة دي مغلباك كده قاعد في السعودية دي كيف .. قال لو قبضك العسكري السوداني شايل تمر يوديك القسم ويقول للضابط الزول ناوي يعمل من التمر ده عرقي.. لأنه لو كان عاوزه تمر أكل كان إشتري البركاوي مش الجاو الشايله ده ..

.
.
.

شول اشوانق ياخي زمآآن أنا فتحت لي موضوع كده وجيت إنت دخلت وقلت فوق لغاية ما نرجع .. ولغاية الليلة ياخ أنا مشرور .. علي كل حال عافين ليك .. وخلينا مع المخضرم جني ده .. وهو طبعاً باذل مجهود نفسي كبير جداً ضد الانفصال ومتشبث بالوحدة بإيدينه وكرعينه - قال إيه .. خايف من أهل القبلة ناس الميرغني والصادق والترابي يوروه نجوم الضهر ..

تحياتي وخطوة عزيزة ياخ..

بتعامل مع الناس كلهم بمنتهى الأدب والذوق و الاحترام

Quote: ومرات كثيرة تبحث بين فجاج المداخلات لكي تري الراي السديد عند جني وتري معه سخرية من النوع العجيب جدا

اخى منير لك خالص الشكر وفائق الاحترام .


جنى الشاب الاصيل ونبيل العجزت بوصفو كل الأقاويل
وبكل العالم مالو مثيل شبابه ذكاء وجمال على المدى الطويل
وبمجال العلم الأول بالأساطيل بالعمل والتنفيذ تعيب وشغيل

[ جن صنع خصيصا للمزاج السودلنى)
التحية للاخ منير

الأخ عبدالمحسن .. أوفيت الرجل حقه .. ويبدو أنه إحقاق حق عن شهادة عيان .. لك وافر التقدير والاحترام ..

.
.

الأخ أحمدعثمان .. طبعاً أنا افترعت العنوان لأني أخمن أن الزول ده من العينة البتكون ملامح وجهه متماسكة في تعابير محدودة كما في الصورة - رغم الطرف والتعليقات الذكية التي يطلقها فتبهر السامع أو القارئ وتضحكه ..

الصورة تلائم كل مداخلاته ..

سلامات محمدعبدالله مختار .. جني ليبرالي شديد .. جنه وجن الجهاد وحماس ..
.
.

ود الكونت .. إنت قريب جني وطائفتك أنصار؟؟ إن بقي كدي إنت زاتك طائفيتك مشاترة ..
.
.

سمارت-أنا .. اذكر صورة الحكم الداقيهو الجمهور .. وكان قاشر بيها كمان ..

Quote: تعلمنا منه منذ السبعينيات

مجدي يا جني بيقول ليك تقريبا يا عمو

كان كدا انت ما واطاتك اصبحت - تطلع لينا سيدنا ادم

انا مخدوع فيك الوقت دا كله تطلع زول بيقول ليهو مجدي عمو؟

النصيحة لله اليوم داك لقيتو (جاكي) المغربية كدا في جدة من الخجل لي رقبتي قربت ازوغ من الشارع

ـــــــــــ
اول تفاعل انساني بيني وبين جني كان سنة الفين وتلاتة الفين واربعة كدا, ما لاقيتو , لكن ضرب لي تلفون زعلان بحذرني ويتوعدني من التعرض للدكتورة بيان (لكن علي منو)
اسع انا كايس في اليمسكو من دكتورة بيان , غايتو الصبر جبر
جني زول اخو اخوان , كائن بيتوتي غير اجتماعي وزول بتاع شغل
لمن تلاقيهو بدخل في الموضوع طوالي كان مافي موضوع زاتو , ما بيحوجك لمقدمات كتيرة , زول واقعي جدا ووناس ونسة الف بس البطلعوا من البيت شنو؟
زول لبرالي جدا وعلماني جدا وقادر يفرز بين الاسلام المنهج والنظريات الاسلامية اللاحقة, وقادر يفرز بين الحكومة وبين السودان كوطن ودا الشرك الما بيقدر يتجاوزوا معظم كتاب المنبر من معارضي الحكومة .
مرتب في افكاره ويتحدث بتاني ولا يرفع صوته بالصراخ عند الحوار كعادة السودانين
بالاضافة الي انه زول حنفولي يمتطي برادو اخر موديل

Quote: كائن بيتوتي غير اجتماعي وزول بتاع شغل

Quote: مرتب في افكاره ويتحدث بتاني ولا يرفع صوته بالصراخ عند الحوار كعادة السودانين بالاضافة الي انه زول حنفولي يمتطي برادو اخر موديل

و موطنه الاصلي ... اسيا

الأخ أساسي .. جني طبعاً ظل شخصية غير معروفة حتي ظهوره المفاجأة في أحدي إجتماعيات بورداب جده .. ومن ديك يادوب الواحد أخد انطباع عن هذه الشخصية .. وعلي كل حال أنا الانطباع الأخدته عنه من الصورة بتاعة البروفايل الحالية تكاد تنطبق علي ما ذكرته أنت عنه ..

منير سلام

جنى (انسان) واضح لا يميل للابتذال ,جدير بالاحترام

التحية لجنى وشكرا منير

Quote: وقادر يفرز بين الحكومة وبين السودان كوطن ودا الشرك الما بيقدر يتجاوزوا معظم كتاب المنبر من معارضي الحكومة .

وده الفرق بينه وبين مناضلي الضل البارد.

شكرن يااساسي.


________

تحياتي يامنير

Quote: جني عبارة تيرو متر اسفيري متحرك..ومرات كثيرة تبحث بين فجاج المداخلات لكي تري الراي السديد عند جني وتري معه سخرية من النوع العجيب جداجدا.. واحسن زول بيعرف يجيب اخبار طازجة في سودانيز اونلاين لذا انا like (علي طريقة الفيس بووك الشهيرة)

منير (سيزر )
امسك كلام كيكي ده قوي











-----------------
بالمناسبة يامنير واحد قال ماقادر يتذكرك عشان انت واضع قناع وهو معجب بكتاباتك (وهو صلاح كراكة)

يا منير والله ود جيرانا دة ما منه اتنين

جني له خطه الذي يميزه وهذا يكفي

أحسن زول

في معظم مداخلاته تجد الفهم الراسخ والمهذب ..
لا اعتقد انه ضد الشريعة الاسلامية انما ضد الفهم المتخلف للدين..
فالتحية لجني ..