لـلـغـائـب: سيـدي وصالـك.. زاد عليً حنيـني

Post: #1
Title: لـلـغـائـب: سيـدي وصالـك.. زاد عليً حنيـني
Author: Raja
Date: 09-29-2007, 09:15 PM
Parent: #0

سيدي وصالك
زاد علي حنيني..
زادني دلالك عشق وإنت ناسني
ده انت النسايم اللي بيها العمر حالي
امتى يا سيدي تحسً بي ترأف بحالي
سيدي وصالك.. سيدي وصالك
سيدي وصالك.. سيدي وصالك
زاد عليً حنيني

**
سيدي وصالك
زاد علي حنيني..
زادني دلالك عشق وإنت ناسني
**

آآه من بعادك.. طال وليه راضي
يا ضي عيني
راح فين ودادك.. ليه عز التلاقي
بينك وبيني..
سيدي وصالك .. سيدي وصالك
زاد علي حنيني

**
سيدي وصالك
زاد علي حنيني..
زادني دلالك عشق وإنت ناسني
**

سيدي وصالك فين.. قلبك لغيري
ولا انت شاري؟!!
سيدي.. مناها العين تحيا بقربي
ليلي ونهاري
سيدي وصالك .. سيدي وصالك
زاد علي حنيني

سيدي وصالك
زاد علي حنيني..
زادني دلالك عشق وإنت ناسني
ده انت النسايم اللي بيها العمر حالي
امتى يا سيدي تحسً بي ترأف بحالي
سيدي وصالك.. سيدي وصالك
سيدي وصالك.. سيدي وصالك
زاد عليً حنيني

* مهداة لكل من له حبيب غائب.. عسى الله أن يلم الشمل
الفنانة "أنغام" من أعذب الأصوات وصاحبة إحساس عالي.. أغنياتها جميعا جميلة، وهذه أجملها

Post: #2
Title: Re: لـلـغـائـب: سيـدي وصالـك.. زاد عليً حنيـني
Author: سمندلاوى
Date: 09-29-2007, 09:21 PM

انت الاجمل يارجوية
تسلمى

Post: #3
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-29-2007, 09:27 PM
Parent: #2

بكري يا حبيب..

من الصباح وأنا أدندن بهذه الأغنية..
دخلت المنبر لأجد الحرب العالمية الخامسة قد بدأت..
وسألت نفسي: هل المتحاربون هنا لديهم شخص ما غائب..؟
هل يستطعمون الأنغام والشجن..؟

الإجابة لم تكن مهمة بالنسبة لي.. لأن الأهم ان يسمع ذلك الغائب وأن يعرف كم نفتقده

ودي لك والأولاد

Post: #4
Title: Re: لـلـغـائـب: سيـدي وصالـك.. زاد عليً حنيـني
Author: نهال الطيب
Date: 09-29-2007, 09:29 PM
Parent: #2

ياسلام عليك ياست الذوق
تسلمي يارجوية الحبيبة
وكل سنة إنت طيبة

حبي

Post: #5
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-29-2007, 09:35 PM
Parent: #4

نهولة يا غالية..

إنت زاتك من الأحباب الغايبين..

وينك؟ والدنيا عاملة معاك شنو..؟ وليه عز الوصال بينك وبيننا..؟

حمد لله على الطلة الحلوة.. إستمتعي بالغنية يا حبيبة

ودي

* التعديل كان لأني لخبطت بين نهال ونهًولة.. فجاء الإسم نهلة..

Post: #9
Title: Re: لـلـغـائـب: سيـدي وصالـك.. زاد عليً حنيـني
Author: Emad Abdulla
Date: 09-29-2007, 09:42 PM
Parent: #2

الله عليك يا رجاء ..
أنا من المكجنين لسرقة أذننا و مرونتها العبيطة ( أو عبقريتها ) في التجاوب مع اللحون شرقاوية السلم , و كافة إيقاعات الدنيا و تنويعات موسيقاها ..
و من عنصرية عندي , و عنوة و حقارة , أبيت إلا أن أنحاز للون الخماسي ( كده بس .. مستعلواتي سودانوي ) على نسق ما يقدنا به بشاشا عليه السلام ..
عطفا على أعلاه , فليس بأخوي و أخوك ما أرخي أذني لسماع مزيكا الشرق ..
لكن هذه البنت غلبتني ..
و تحديدا هذه الأغنية الفلتة ..
و أكثر تحديدا تنغيمها لهذه الجملة
Quote: آآه من بعادك طال ..
وليه راضي ..
يا ضي عيني ..
ماذا تفعل البنت المصراوية هذه في تلك الـ : آه من بعااااااااااااادك .. ثم .. طال ؟؟ .
هذا التلوين في كلمة ( بعادك ) بديع يعلم الله ..
و هو وحده يغفر للسلم السباعي و سامعيه حقرتهم بنا ( أو قصور ذوائقهم .. أو تقصيرنا .. او جهلهم , الله أعلم ) .

كل عام و إنتي بخير يا رجاء ..
و الغائب عندك بألف خير ..
و .. شكرا لمساء حلو .

Post: #11
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-29-2007, 09:55 PM
Parent: #9

عماد عبدالله يا عزيز النفس والمكانة..

لا أستطيع إضافة أي شئ لحديثك أعلاه.. لأنك وببساطة لخًصت الأغنية ومضمونها ولحنها وإحساسها ورسالتها..

وتسلم إنت ويسلموا كل الغائبين

وكل يوم وأنت طيب

Post: #6
Title: Re: لـلـغـائـب: سيـدي وصالـك.. زاد عليً حنيـني
Author: محمد عثمان
Date: 09-29-2007, 09:38 PM

رجاء..

شكرا كتير
مساء جميل و اغنية اجمل...

يديك العاافية...

Post: #8
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-29-2007, 09:40 PM
Parent: #6

الغالي محمد عثمان..

ويسعد مساك يا رب..
ويهدئ بالك ويرجًع ليك كل الغايبين

قول آآمين

Post: #7
Title: Re: لـلـغـائـب: سيـدي وصالـك.. زاد عليً حنيـني
Author: نصار
Date: 09-29-2007, 09:38 PM

العزيزة رجاء
الله يقرب البعيد

Post: #10
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-29-2007, 09:44 PM
Parent: #7

نصار يا حبيب
Quote: الله يقرب البعيد

يااا رب

غايتو الغنية دي شرك لكل الناس المرهفة.. ولغاية هسع ما خسرت الرهان مع نفسي..

ودي الأكيد

Post: #12
Title: Re: لـلـغـائـب: سيـدي وصالـك.. زاد عليً حنيـني
Author: awad okasha
Date: 09-29-2007, 10:33 PM

Quote: غايتو الغنية دي شرك لكل الناس المرهفة..
الاخت رجاء
كم ... هو ... شقي ...
من .. يبتلى ... بها ..
تلك ... المدعوة ... الرهافة..
عموما ... ( شركك ) ... قبض ..
لانو .. المنبر ... به .. بعض ... الاشقياء ..
وازعم ... اني ... احدهم .....
كل المودة
احد اغرب الايام ... !!!

Post: #25
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 08:12 PM
Parent: #12

عوض عكاشة يا غالي..

مرحب بيك في ديار الأشقياء الرائعين..

الغريب ان النفس تسعد حين تكون معذبة بإنتظار ما..

ليتهم يعلمون..

كل الود

Post: #13
Title: Re: لـلـغـائـب: سيـدي وصالـك.. زاد عليً حنيـني
Author: bushra suleiman
Date: 09-29-2007, 10:37 PM

رجوية .. سلامات
وين بنقدر نخبى احلامنا وأمانينا..!!
مافى غير الليل واحضان اغنية مليانة احاسيس ومشاعر فياضة..
احنا عندنا ايه غير نوقد نار الاغنيات فى ضلوع الليل عشان نتدفا..
ونغنى اغنيات تشبهنا، أو تشبهك ..
مين عارف ، يمكن تتحقق احلامنا.. ولو بالقطاعى.

وسيدى وصااااااااااااااالك !!

Post: #14
Title: Re: لـلـغـائـب: سيـدي وصالـك.. زاد عليً حنيـني
Author: Muna Khugali
Date: 09-29-2007, 11:00 PM
Parent: #13

شكرا رجاء حبيبتي..

بالأنابه عن ذوي القلوب الخاويه من الأحاسيس..
والأصاله عن نفسي!

Post: #27
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 08:34 PM
Parent: #14

منًوية يا حبيبة..

مرحب بيك يا سفيرة القلوب المليانة ريد..

يعجبني شديد المقولة: Love is: reason to live

ودي الوافر

Post: #26
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 08:19 PM
Parent: #13

بشرى يا حبيب من طرف الحبايب..

مش كده..؟

كلنا محتاجين ندًي روحنا حقها كامل.. وما اكتر ما بنظلمها لما ننشغل بماديات الحياة اليومية..

..

والله أرواحنا دي مظلومة..

لك الود

Post: #15
Title: Re: لـلـغـائـب: سيـدي وصالـك.. زاد عليً حنيـني
Author: طارق جبريل
Date: 09-29-2007, 11:20 PM

والله كان ما عارفين الحاصل
كنا قلنا دة كسير تلج عدييييل
ياخي عوض الطلبة ما كان بكاي كدة

طلبة سابق

Post: #16
Title: Re: لـلـغـائـب: سيـدي وصالـك.. زاد عليً حنيـني
Author: مجدي عبدالرحيم فضل
Date: 09-30-2007, 08:19 AM
Parent: #15

رمضان كريم رجاء العباسي وياستي وصالك وصل

،،،،أبوقصي،،،،

Post: #31
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 08:49 PM
Parent: #16

أبو قصي يا غالي..

يعني جبت البعد التالت المهم..

تكرم يا ذوق.. ووصالك وصل ولك ضعفه،،

Post: #30
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 08:43 PM
Parent: #15

طارق يا حبيب..

هو داب كسًير..؟

خليهو في سرك..

الإمضاء: البت الشديدة البتحب الطلب

Post: #17
Title: Re: لـلـغـائـب: سيـدي وصالـك.. زاد عليً حنيـني
Author: alsngaq
Date: 09-30-2007, 09:19 AM

رجوية رمضان كريم

كتر خير انغام كتيييير

خلتك تظهري ونسمع عنك
يا رجوية

سلام

Post: #32
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 09:03 PM
Parent: #17

عبدالله يا غالي..

فعلا كتًر خير أنغام الجابتك لديارنا..

أتمنى ان الغنية تكون عجبتك..

ودي

Post: #18
Title: Re: لـلـغـائـب: سيـدي وصالـك.. زاد عليً حنيـني
Author: فيصل عباس
Date: 09-30-2007, 01:01 PM

اكتب شنو ولا اقول
شنو بس؟؟؟؟

كل سنه وانت وضيوفك والبت (انغام) والاغنيه وكلكم وكلنا
تامين ولامين

يا رجاء ده كلام صعب بالجد
نضم ومزيكا لا حولاااااااااااااااااااااااااااااااااااااااااااااااااااااااااااااااااااا...

شكرا وبس..

Post: #33
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 09:25 PM
Parent: #18

فيصل الغالي..

وانا بقرأ في كلامك الفوق ده. كنت بسمع في المزيكا الحلوة الفي اول الغنية. والبعدها بيجي السحر..

كل يوم وانت بخير..

إفتقدت تواصلنا القاهري..

Post: #19
Title: Re: لـلـغـائـب: سيـدي وصالـك.. زاد عليً حنيـني
Author: د.محمد حسن
Date: 09-30-2007, 01:19 PM

تعرفي يا رجاء انا ما بعجبني الا الزول البكاي جهرا

المهم الى ان ياتي بالسلامة
نزف لجمع البتلين بمثل هذا النوع ان الفراش سيكون بالقاهرة
والى حين إشعار آخر

تسلمي

Post: #34
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 09:30 PM
Parent: #19

هههههههه يا محمد حسن..

وتعرف شئ. أنا برضو بيعجبني البكا جهرا.. لأنه في وقت كده ما بتعرف تعمل شنو.
تكتب؟ حيدًفن في الورق..
تكتم؟ حيدًفن في الجوف..

تبوح..؟ عسى ولعل يسمع الغائب

وإلى أن يعود الغائب لك كل الحب يا غالي

Post: #20
Title: Re: لـلـغـائـب: سيـدي وصالـك.. زاد عليً حنيـني
Author: ماجدة عوض خوجلى
Date: 09-30-2007, 01:23 PM

رجوية رمضان مامقصر براهو تجى تتمى انتى الناقص اساسا لو هو فى ناقص
عموما شايفة شركك قبض كم لون ولون ولسة الباقى بيظهر مع قلبة الزمن ولسه البتفكو بعد المغارب
تحياتى حبيبه وتصومو وتفطرو بخير وتحياتى للحجه وراويه وهدى وسارة وتسلمى يارب

Post: #21
Title: Re: لـلـغـائـب: سيـدي وصالـك.. زاد عليً حنيـني
Author: جمال ادريس
Date: 09-30-2007, 04:07 PM
Parent: #20

رجاء سلامات
فعلا البتعمل فيهو انغام ده ما غنا
ده شئ ارق من الغنا ذاتو
تسلمي يا ذوووووووق

Post: #36
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 10:13 PM
Parent: #21

جمال صديقي الجميل..

أنغام دي كوم رقة إتخلق منه بني آدم
والأجمل إنها بتعرف تختار كلمات تدخل جووووووه الروح وتتحكًر
ده لو ما وصفت ليك حالك وإنت قاعد تسمع ..

دمت

Post: #35
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 09:41 PM
Parent: #20

الحبيبة ماجدة..

كل يوم وانت ماما جارة ووليدك وكل اخواتك بخير..

شركي أثبت مهارة ما كنت قايلاها قدر ده.. لكن إطمأنيت إنو المنبر لسة بخير..
وإنو الخبط والرزع الحاصل بي برة ما كسر حاجاتنا الحلوة الجوًانا..

وشكله بدل ما ينقسم المنبر لجلابة وكاوبويات .. حيتقسم لناس قلوبها لسة حيًة وناس ماتو زمااااان

ودي الأكيد

Post: #22
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 09-30-2007, 04:27 PM

لااااااااااااا

كل الناس الجميلة بي هنا.. يظهر إنه شرك خطير

راجعة ليكم بعد الفطور

Post: #23
Title: Re: لـلـغـائـب: سيـدي وصالـك.. زاد عليً حنيـني
Author: sanaa gaffer
Date: 09-30-2007, 06:06 PM

Quote: آآه من بعادك.. طال وليه راضي
يا ضي عيني
راح فين ودادك.. ليه عز التلاقي
بينك وبيني..
سيدي وصالك .. سيدي وصالك
زاد علي حنيني

احييييييييي يا رجاء مالك علينا يابت الناس ؟؟؟

كنا دخلنا في مود العشر الاواخر ونسينا كل ما عداها وجيتي ذكرتينا .. ووجعتينا ...

ويا سيدي وصالك ... زاد علي حنيني ....

وعدلنا عشان نقول ليك الله يسامحك..

Post: #24
Title: Re: لـلـغـائـب: سيـدي وصالـك.. زاد عليً حنيـني
Author: عبد المنعم سيد احمد
Date: 09-30-2007, 06:14 PM
Parent: #23

كيف لنا ان يفوتنا هذا الجمال
شكرا ..لاصدقاء من الزمن الجميل
كل سنة وانت طيبة رجاء

Post: #48
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-04-2007, 05:32 PM
Parent: #24

منعم يا غالي..

الجمال يكون حينما يجتمع الأحباب جميعا.. كما هو الحال الآن..

سعيدة برؤيتك وقراءتك.. وسعيدة اكثر بحضورك الجميل..

وكل عام وانت وأهل بيتك طيبين..

ودي

Post: #47
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-04-2007, 05:28 PM
Parent: #23

سناء يا حبيبة..

حمد لله على سلامة عودتك..

لما قلتا البوست ده شرك للمرهفين، كنت وبأمانة شديدة كاتبة لستة كنتي إنتي رقم 8 فيها..

بعد كده الواحد يشتغل فكي عدييل ..

ودي وامنيتي بإستماع وإستمتاع

وربنا يسامح الغايب

Post: #28
Title: Re: لـلـغـائـب: سيـدي وصالـك.. زاد عليً حنيـني
Author: هند محمد
Date: 09-30-2007, 08:40 PM

الآغنية جميلة .. وجميلة أنغام ..

والآجمل إحساسك رجاء ..

كل عام وأنتِ بألف خير ..

Post: #49
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-04-2007, 08:41 PM
Parent: #28

الرقيقة الراقية هندوية..

كل يوم وإنتي زي ما إنتي.. نسمة تنعش كل من حولها

أعجبني إعجابك بالأغنية.. وأهو الشرك شغًال مية مية..

ودي العامر..

Post: #29
Title: Re: لـلـغـائـب: سيـدي وصالـك.. زاد عليً حنيـني
Author: عاطف عمر
Date: 09-30-2007, 08:42 PM

Quote: مهداة لكل من له حبيب غائب.. عسى الله أن يلم الشمل

إنت حبيبنا الغايب
وراوية التي ( نرى حرفها ) مع كل قمر أو قد تتأخر عن ذلك كثيراً

Post: #50
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-04-2007, 08:56 PM
Parent: #29

عاطف يا حبيب..

يا سيدي أنا موجودة دايما بعد الفطور ..
راوية كانت معي الأسبوع الماضي. وقمنا بسياحة في البلد الجميل الأردن. وتركتني أعود لوحدتي لأعد الأيام للذهاب للقاهرة في العيد..

سنجتمع الأسبوع القادم باذن الله وساخبرها بأن تعاود الوصل..

كل يوم وإنت وأبنائي وسعدية بخير

Post: #37
Title: Re: لـلـغـائـب: سيـدي وصالـك.. زاد عليً حنيـني
Author: سلمي النصري
Date: 09-30-2007, 11:19 PM

سلام
روعه...
انغام.., هي عندي الاغنيه دي وبس..
لكي الشكر وكل عام وانت بخير..
سلام

Post: #51
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-04-2007, 09:01 PM
Parent: #37

سلمى النصري يا حبيبة..

أولا ليك وحشة قدر طن كده..
تانيا كل عام وانتي وأسرتك بألف خير..

حلوة الأغنية الجابتك.
بالمناسبة مشاركاتك تعني لي الكثير. ارجو ألا تحرمينا من تواجدك..

كل المنى بالإستماع الممتع

ودي

Post: #38
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-01-2007, 08:50 PM

Post: #39
Title: Re: لـلـغـائـب: سيـدي وصالـك.. زاد عليً حنيـني
Author: معاذ حسن
Date: 10-01-2007, 09:44 PM
Parent: #38

العزيزة رجاء
تحية وسلاما
شكرا على الاغنية الروعة
أنا من اشد المعجبين بانغام وبالاغنية دي بالذات
عارفه كتير بصحا من النوم معلق في اغنية معينة,وبكون سامعا في راسي في الشارع وفي البيت في المطبخ وفي الحمام وفي الشغل.
.وعندي نظرية في الحتة دي انوالاغاني البتجي ناطة زي دي بتفضح مشاعر الزول وبستعمل النظرية دي شرك افهم بيهو نفسيات الناس الحولي . ولو عايزة تجربي اليك الطريقة في هذا البوست.

Curriculum vita سيرتي الذاتية... العطره!!

رغم إنني أبدو للناظر لي من الوهلة الأولى إني شخص بريء وساذج إلا إن الحقيقة غير ذلك تماما فاعرف عن نفسي أنني شخص ينطوي على مكر وخبث شديدين ,وقد عرفت هذه الصفة عن نفسي من واقع مراقبتي لسلوكي خلال الثلاثين عاما الماضية.
ولدى في الخبث والمكر طرائق شتى إكتسبتها بالفطرة وطورتها بالممارسة واحدة من هذه الطرق الخبيثة هي محاولاتي معرفة ما تنطوى عليه نفس الشخص الذي يجلس معي وشعوره الحقيقي تجاهي وسأهدي إليك هذه الطريقة المجربة وسوف تبهرك النتيجة.

إذا كنت تجلس مع صديق أو حبيب أو حتى شخص تقابله لأول مرة وأردت أن تعرف شعوره الحقيقي نحوك أو شعوره عن حول رأيك في الموضوع الذي تحدثتما فيه فاتبع الأتي :-افتح موضوع للحوار وبعد دقائق حاول تقفل الموضوع بعبارة من القفلات المعروفة كعبارة ( ياخي خليها على الله ) .
بعدها اختلق صمتا مصطنعا ثم أعقب ذلك بان تاخد راحتك كأنما تجلس وحدك وتدندن بأي أغنية تخطر على بالك لمدة دقيقة أو دقيقتين ثم اصطنع صمت آخر في 99,9% من الحالات ستجد إن الشخص الضحية قد بدا يدندن بأغنية تفضح شعوره تماما وتعريه أمامك فإذا كان سعيد بالجلوس والحديث معك فسيغني على شاكله:-
ما بنسى ليلة كنا تايهين في سمر بين الزهور...

واذا كان حزين لانصرافك عن الحديث معه ولمس بعض القسوة منك فسيغني على شاكلة :-
.......يا حبيبي جفيت لوصالي نفيت مالك......

وإذا كان مغيوظ منك او من ما قلته فسيغني على شاكلة
أتحداك وأتحدى غرورك ...

وإذا كان معجب بعينيك النجلاوين فسيغني على شاكلة
أمسكي عليك عيونك ديل .......دا ما قدر الله جانا عديل......

بقي ان اشير انه لنجاح هذه الطريقة يجي أن تتقن الدور وتكون طبيعي جدا ويحبذ أن تطبقها في وجود شخص أو شخصين بالأكثر.

Post: #40
Title: Re: لـلـغـائـب: سيـدي وصالـك.. زاد عليً حنيـني
Author: tmbis
Date: 10-01-2007, 10:01 PM
Parent: #38

Quote: * مهداة لكل من له حبيب غائب.. عسى الله أن يلم الشمل
الفنانة "أنغام" من أعذب الأصوات وصاحبة إحساس عالي.. أغنياتها جميعا جميلة، وهذه أجملها
..
يا رجــوية ..
إن شاء الله الغائبه .. تــعود .. .. مافي مستحيل تحت الشمس ..
بعدين انغام دي يا رجــاء .. حاجة تانية .. تانية خالص ..
غايتو عرفتي لي ..
.. إنت بتفرقي شنــو من عافية حســن .. ؟
كنتي وين إنت الوكت داك ..؟

Post: #41
Title: Re: لـلـغـائـب: سيـدي وصالـك.. زاد عليً حنيـني
Author: salma subhi
Date: 10-02-2007, 06:16 AM
Parent: #40

رجاء

اذيك ...جابنا الحنين ونقول ليك مشتاقيييييين.

وينك يا رجاء

Post: #42
Title: Re: لـلـغـائـب: سيـدي وصالـك.. زاد عليً حنيـني
Author: نجوان
Date: 10-02-2007, 08:47 AM
Parent: #41

سلام يا رجاء..
وشكرا للجمال..

إقرار من الملك..
____

اقر انا المذكور اعلاه
ساكن فى العنوان إياه
ان الصبر عليا صَبَر
طعم المر فى قلبى فضِل
يمرّر فيه ولا عمره قدِر
يغيّر حبك من جوّاه

انك مهما ح تيجى عليه
يبعد ضلك من حوليه
تدى لغيره اللى بتاخديه
ما يتحملش عليكى الآه

اقر انا المذكور اعلاه
ساكن فى العنوان إياه
بأنى سهرت العمر ونس
عشت بكل كيانى حرس
وطفت بلادك ناي وجرس
والعاشق بينقط بهواه

انى مشيت على شوك وحجر
ياما شقيت فى بعاد وسفر
إن هواكى فى روحى قدر
وإن عذابي معاكي حياه

Post: #43
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-02-2007, 02:37 PM

سيدي وصالك
زاد علي حنيني..
زادني دلالك عشق وإنت ناسني
ده انت النسايم اللي بيها العمر حالي
امتى يا سيدي تحسً بي ترأف بحالي
سيدي وصالك.. سيدي وصالك
سيدي وصالك.. سيدي وصالك
زاد عليً حنيني

..
....
.....
.......
..........
...............
...................
.......................

راجعة ليكم..

Post: #44
Title: Re: لـلـغـائـب: سيـدي وصالـك.. زاد عليً حنيـني
Author: Souad Taj-Elsir
Date: 10-02-2007, 02:39 PM
Parent: #43

رجاء يا غالية،
دائماً جميلة ودائماً تجلبين الجمال.
شكراً على هذه العذوبة
رمضان كريم

كل المحبة وصادق المودة

سعاد

Post: #45
Title: Re: لـلـغـائـب: سيـدي وصالـك.. زاد عليً حنيـني
Author: Alsa7afa_30
Date: 10-02-2007, 03:00 PM

Quote: نقول ليك الله يسامحك..

Post: #46
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-03-2007, 03:53 PM

سيـدي وصالـك.. زاد عليً حنيـني

الأحباب جميعا..
سلام ومحبة

والله ما جفا.. لكن تضافرت عدة عوامل ادت إلى تقاعس الدولة العباسية من الردود والمتابعة(داخلية وخارجية ).. أدونا ليها كده في التاريخ..
ح ارجع ليكم وكلماتكم المرهفة الجميلة الأعطت البوست روح ولحم وعضم

ودي

Post: #52
Title: Re: لـلـغـائـب: سيـدي وصالـك.. زاد عليً حنيـني
Author: د.محمد حسن
Date: 10-06-2007, 09:37 AM

عشان خاطر الدولة العباسية والموردة وبيت المال

وطبعا حي العمدة حلتنا

Post: #53
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-06-2007, 03:35 PM
Parent: #52

Quote: عشان خاطر الدولة العباسية والموردة وبيت المال

وطبعا حي العمدة حلتنا

محمد حسن يا غالي..
سلاماات كتاار..
تتعلى ما تتدلى.. قول آآآمين

ودي برضو رفعة لغاية بعدين..

Post: #54
Title: Re: لـلـغـائـب: سيـدي وصالـك.. زاد عليً حنيـني
Author: محمد الطيب حسن
Date: 10-07-2007, 06:39 AM
Parent: #53

صدقيني انتي عندك تضخم في الغدد الزوقيه

Post: #55
Title: Re: لـلـغـائـب: سيـدي وصالـك.. زاد عليً حنيـني
Author: معتصم الطاهر
Date: 10-07-2007, 08:41 AM

يا سلام

رجاء الجراسى
سعيد بتدفقك البكائى

مرحب بك فى بيت البكا
و زمان ما سمعنا عويلك ..

دا منو ..
داير أديهو وسام ..

Post: #56
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-08-2007, 03:00 PM
Parent: #55

ترا لا لا تراا
لالاللا..

إستمتعوا لغاية ما أرجع..

Post: #57
Title: Re: لـلـغـائـب: سيـدي وصالـك.. زاد عليً حنيـني
Author: عبد الرحمن الشبلي
Date: 10-08-2007, 04:51 PM

ياالطال غيابك سنة وزيادة

شكرا جميل علي هذا الجمال

Post: #58
Title: الله..الله
Author: lana mahdi
Date: 10-08-2007, 05:20 PM

Quote: يا سلام

رجاء الجراسى
سعيد بتدفقك البكائى

مرحب بك فى بيت البكا
و زمان ما سمعنا عويلك ..

دا منو ..
داير أديهو وسام ..

Quote: دا منو

..دة شنو يا معتصم
بالله ما تحرف البوست
حسة دة سؤال
رجاء بالله فوروورد سريع للجزئية الركز عليها معتصم دي

Post: #59
Title: Re: لـلـغـائـب: سيـدي وصالـك.. زاد عليً حنيـني
Author: أحمد الشايقي
Date: 10-08-2007, 05:44 PM

شكرا رجــاء

واحـة ظليلة من النغـم

وافر التقدير

أحمـد الشـايقي

Post: #60
Title: Re: لـلـغـائـب: سيـدي وصالـك.. زاد عليً حنيـني
Author: جمال ادريس
Date: 10-08-2007, 07:49 PM
Parent: #59

رجاء ....
سلامات وكل سنة وانتي طيبة
زهجان وبتصفح في البورد
لاقاني بوستك اللطيف ده
وما لقيت شي غيرو يستحق الرد
العيد كيف وياك
تحياتي

Post: #61
Title: Re: لـلـغـائـب: سيـدي وصالـك.. زاد عليً حنيـني
Author: Raja
Date: 10-23-2007, 02:23 PM

*
عشان الغائب والناس العجبها البوست وفضًلوا يتاوقوا ويغلبهم الحنين لغايبنهم..

Post: #62
Title: Re: لـلـغـائـب: سيـدي وصالـك.. زاد عليً حنيـني
Author: انعام عبد الحفيظ
Date: 10-23-2007, 03:40 PM
Parent: #61

Quote: *
عشان الغائب والناس العجبها البوست وفضًلوا يتاوقوا ويغلبهم الحنين لغايبنهم..

كل سنة وإنتي طيبة والغائب حاضر

Post: #63
Title: Re: لـلـغـائـب: سيـدي وصالـك.. زاد عليً حنيـني
Author: امل احمد عمر
Date: 10-23-2007, 04:39 PM

مرهفة الحس رجاء..

كل سنة وانتي طيبة

والسنة الجاية زي ما عايزة .. ويتلم شمل كل الغائبين

تسلمي لينا