Quote: الف سـودانية فاتهـن قطار الزواج في الخليج ومصر120 يـشن الشـباب السـوداني والغـير متزوجين ويعملون في دولة الامارات العربيـة ويرغبون في الزواج من بنات جنسـهن والـمقيمات معهم في نفس الدولة هجومآ ضـاريآ وعنيفآ عليهن وإنهن..( رافعات نخرتهن ) ولايرغبون في الزواج الامن هو وعلي إستعداد وأن يعيشـهن في مسـتوي البنات الخليجيات،وأن الزوج القادم لهـن لابد وأن يتمتع بمستوي عال وراقي وجاهـز و..( من مجاميعة!!!) كما يقول أهلنا المصرييـن أي بمعني أن الراغب في الزواج يكون مقـيم بصـفة دائـمة ( فهـن علي غير إستعداد للعيشـة في السـودان!!!)،ويـقول الشـباب أيضـآ في سلسـلة هجومهـم الـحامي،أن الفتاة السودانية التي تربت وترعرت وأكملت كل مراحل دراستها الوسطي والعاليـة بـمدارس وجامعات دولة الامارات نادرآ مايكون حلمها وان تتزوج سوداني!!!! وانها تتطلع الي شـاب وكما في المسلسلات العربية!!!! من ناحية الآبهة والمكانة الأدبية او العلمية والغــــني وسـفر في الصيـف الي لندن، وشــتاءآ الي مصر او الهند، وانة وبالبيـت اكـثر من (خـدامة!!!!!)،انهـم يقـولون ان البنت السودانية تطـمح في زوج الايكـون مثل أبوها الســوداني الـمغترب الـتعبان الذي يعتمد علي أكل اليوم باليوم!!!،انهـا- كـمايقول ومن التقيـت ومعهم في حـوار حـول هذا الـموضوع الشائك الذي غدا يشغل بال كثير من الاسـر السـودانية هناك ـ ان الفتاة السودانية ضائعـة مابيـن أحلامـها الكبيـرة والـواقع الـمعاش. يتهـم بعض من هؤلاء الشـباب اولياء أمورهـن وعدم ربطهم بـواقع الامــور. مـن ناحيـة فهـناك إنتقادات حادة وضاريـة من الفتيات السـودانيات الائـي فـي سـن الزواج ويعشـن في الامـارات علي الشـباب السـوداني الذي لايعـيرهن إهتـمامآ ولايفكرون في الاقتـران باي سـودانيـة في ظـل وال...( السـوق ) الامـاراتـي ممتلئ بفتيـات من كل جـنس ولـون ومـلة!!!، وإنهـم واولآ يهـتمون ـ كـما قالت إحدي السـودانيات بمـغصـة شـديدة ـ بالبنات الأجنبيات حـتي وإن كان فارق السـن كبيـرآ، وأن نسـبة كـبيـرة من السـودانيين قد تزوجوا من بنات فليبنيات ولبنانيات بحـجة انهـن أنسـب من السـودانيات....( الـمسدريات!!!). قال لي والـد سـوداني وعندة تلاثـة بنات بلغـن من العمر وماأصـبح معة الشـغل الشـاغل لـة " إنهـا مشكلة حقيـقية وحـادة هنا في دولـة الامارات العـربية ونسـميها نـحـن ـ المـسكوت عنة سـودانيآ!!!،ومن والـد لاتشـغلة في الغربـة مثل هـذة الـمسئـولية الخطـيرة خصـوصآ وان بناتنا هـن اقـرب للـتربية الاماراتية من السـوددانيـة،وهــو ايضـآ يشـغلنا نحـو اولادنا الذيـن يحـبون الحــياة بعـيدآ عن السـودان". كـان من الصـعب جـدآ ومـعرفة كـم عـدد بناتنا والائــي ووصـلنا مرحلة ومافوق الثلاثيـن عامآ ولـم يتـزوجـن بعـد، ولـكن وبمســاعدة عـدد من الاخـوة القـدامي بالامارات والسـعودية ومـصـر و....بتـضـريبات حسـابيـة ، ووتخـمينات غـير علميـة وعـلي إفتـراض ان عـدد السـودانييـن بهـذة الدول قد وصـلـوا الي سـتة مليـون سـوداني،وبعـد إسـتبعاد الاطفال والقـصر والـمتزوجـين........." قلـنا العـدد 120 ألف!!!!). وكتب كمال محمد من السعودية الأخ بكري الصايغ لك التحية والتقدير و الإحترام رمضان كريم وكل عام وأنت بخير في البدء أشكرك كثيرآ علي التطرق لمثل هذه الموضوعات الهامة ولاشك أن موضوع الزواج من المواضيع المعقدة والشائكة في المجتمع السوداني نتيجة لحب المظاهر المبالغ فيه وإرتفاع التكاليف المادية والإهتمام بالأشياء الفارغة من حفلة ورقيص وفنان و لبس مكلف وعشاء فاخر وصالة في فندق خمس نجوم إلخ ........
وفي إعتقادي أن عدد الشابات السودانيات غير المتزوجات في الخليج (السعودية والإمارات وقطر والبحرين والكويت وسلطنة عمان)بالإضافة لمصر يصل المليون أو يزيد وطبعآ في السودان يبلغ الملايين ولكن موضوع النقاش الذي ينحصر الأن في ظاهرة العنوسة بكل وضوح سواء كان العدد 200 ألف أم مليون بالتأكيد الأعداد ضخمة وتمثل جيش جرار والمشكلة أعمق وأكبر مما يتصور البعض فلذلك إنعكاسات إجتماعية وإقتصادية و بيوغرافية سكانية خطيرة وإذا أردنا بإختصار تحليل خلاصة الأسباب الرئيسية فإن ذلك يتركز في الآتي في تقديري:
1-العقلية الخيالية وغير الواقعية للشابة السودانية في دول الخليج والتي ترتكز علي الأحلام الوهمية و التفكير غير الواقعي فالشابة السودانية رغم صعوبة وضع أهلها حيث تقلصت المرتبات كثيرآ في الخليج مؤخرا وشبح أنهاء الخدمة يطارد ذوي أمرها إلا أنها تظل تحلم وتحلم بشاب ثري علي مواصفات المسلسلات المصرية وأفلام هوليود إلي أن تستيقظ من أحلام اليقظة ذات يوم علي فوات قطار الزواج وأنها لم تعد مرغوبة لأن معظم الشبان السودانيين يفضلون فتاة لا تتجاوز الثلاثين بأي حال من الأحوال و في نظر المجتمع السوداني بأن المرأةالتي تتعدي الأربعين فقد إنتهت أنوثتها و إنتهت كإمرأة و دعوني أطرح هذه النقطة الحساسةبصراحة وهي أن المرأة التي تتعدي الأربعين ينقطع عنها الطمث ويصبح إنجابها للأطفال فيه مخاطر صحية كبيرة وهذا هو كلام العلماء المختصين رغم أنه مازال حوله جدال كثير وخلاصة القول أنه لايوجد شاب سوداني علي إستعداد للإرتباط بفتاة وصلت الأربعين إلا قلة قليلة.
2-تعنت الشابة السودانية ورفضها المتكرر لمن يتقدم لطلبها وهو ذو دين وأخلا ق ومؤهل علمي عالي ووظيفة جيدة و لكن رغم ذلك تجد الشابة ترفض !!!!!!! لأنها لم تجد فيه مواصفات فارس أحلامها الأسطوري وتظل ترفض وترفض إلي أن يفوتها قطار الزواج ولايطرق بابها أحد وهذا واقع حدث للآلاف من الشابات بالخليج.
3- وضع شروط تعجيزية للشاب المتقدم من مهر وشيلة غالية الثمن وذهب ومجوهرات وألماس وأساور وحفلة في أفخم الفنادق و عشاء فاخر لمئات المدعوين وفرش الشقة أو البيت بأغلي العفش وكل ذلك يؤدي لتطفيش العريس المفترض وهكذا دواليك وهذه أشبه بالدائرة الشريرة و الحلقة المفرغة قولةخير فمهر فشيلة فحفلة فشهر عسل أوروبي فأثاث فاخر ويبدأـالعروسان حياة زوجية مليئة بالديون والهموم شخصيا لدي صديق مقيم بالولايات المتحدة تزوج من سودانية هناك في أفخر الفنادق وأشتري لها أفخر الملابس والعطور الباريسية و الذهب بتاع دبي و فرش الشقة بأثاث مبالغ فيه وكان حديث الساعة في الولاية التي يقيم فيها (عمل و سوي و جاب وجاب...........عريس السرور) و ذهب شهر عسل للمكسيك وكل ذلك من الكريدت كارد ليفاجأ بأنه سحب من رصيد الكريدت كارد مايزيد علي الخمسين ألف دولار وذلك بسبب إفتراء الشابة و أهلها(النسيبة) والفشخرة و المظاهر الفارغة وعقدة نقص المجتمع السوداني ومرضه اللعين المتمثل في المظاهر.
4- تعالي وتكبر الشابة السودانية بالخليج والعقلية الفوقية وأعتقادها بأنها قبلة الأنظار ومحل إهتمام الشباب ونسيانها بأن العمر يمضي سريعآ;;;;;;; كما تذبل الزهور وهذا نتيجة للتفكير غير العقلاني وتفكير رزق اليوم باليوم دون التفكير في المستقبل في ظل تأزم الأوضاع الإقتصادية والإجتماعية في الخليج و إنهاء عقودات مئات الآلاف من السودانيين في الخليج في السنوات الأخيرة.
5-لجوء غالبية الشباب السوداني بالخليج للزواج من داخل السودان من فتيات صغيرات السن من خريجات الثانوي حديثآ ووفق شروط الشاب وليس الفتاة من منطلق قوة بسبب كثرة العرض وقلة الطلب (أي كثرة الشابات الصغيرات الجميلات المتواضعات ) من وجهة نظر معظم الشباب و قلة العرسان وهناك إشكالية أخري خطيرة جدا في السودان و هي كثرة أعداد النساء مقارنة بالرجال وهذا أدي لمشكلة زواج كبيرة جدآ لمئات الآلاف من النساء.
6-إتجاه عدد كبير من الشباب السوداني بالخليج والخارج عمومآ للزواج من أجنبيات مثل آسيويات فلبينيات وإندونيسيات وهنديات و عربيات مصريات ومغربيات وسوريات أو أوروبيات روسيات أو ألمانيات علي سبيل المثال وذلك بسب تفكير الشابة الأجنبية العملي والواقعي فهي لا تهتم بالمظاهر الفارغة و الفشخرة و البوبار علي الإطلاق بل تفكر في المستقبل وتأمين حياة أسرية كريمة وتعمل جنبآ إلي جنب مع الشاب للمشاركة في التكاليف المالية و تركز فقط علي الضروريات يعني مافي داعي لحفلة كبيرة بل فرح مبسط بأقل التكاليف وأثاث معقول و ملابس وعطور بسيطة والميزة في الأجنبية أنها تفكر وتخطط مع الشاب لصرف أقل المبالغ والتوفير للمستقبل لشراء شقة أو مسكن ملائم و تأثيثه قشة قشة وليس بأسلوب المظاهر الفارغة. ودعني أتحدث بصراحة أكبر فالكثير من الشابات الأجنبيات سواء آسيويات أو عربيات أو أوروبيات لامجال أبدا علي الإطلاق لمقارنتهن بالسودانيات من ناحية الجمال والمظهر والقوام والذكاء و مستوي الفهم والوعي و المدنية و التحضر والصدق في الأشياءوالتفكير والمبدأ الثابت (مش أي زول يملآ راسها) علي سبيل المثال فالمتدينة من مسلمات الفلبين أو الهند متدينة بقناعات ثابتة والليبرالية ليبرالية بقناعات ثابتة أيضأ وعمومآ الأجنبية شخصيتها وثقتهافي نفسها أفضل بمليون مرة من السودانية ولك مودتي
ياااااااااااااااااااااي يا كمال والله بالغت المهم إنه الفكرة تكون أوكي عشان بكري أبوبكر ما يزعل
ويسحب الباسورد وأقوم أمشي الخور لأني ما حألقى خور أستايل ... شكرا على مداخلتك الواو .
Post: #16 Title: Re: براد بيت يتزوج سودانية !!!!!! Author: Kamal Karrar Date: 01-20-2007, 12:59 PM
أنا أخوك يا عواطف....
بدون مجاملة ما حصل قريت ليك موضوع بدون فكرة وهدف.. مواضيعك تمام.. وزي ما قلت ليك من السهل الممتنع..
وإلى الأمام...
Post: #17 Title: Re: براد بيت يتزوج سودانية !!!!!! Author: Dr. Abdalla Siddig Date: 01-20-2007, 01:49 PM Parent: #16
العزيزه عواطف
تحياتي ويا سلام علي المواضيع التمام
أنا (شخشياُ)أعرف سودانيتين متزوجات من برادين وعايشين في امان الله وكمان البرادين اسلموا وقربوا
يبقوا مطوعين.
مع خالص الود
Post: #24 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 07:48 AM Parent: #17
أخي العزيز د. عبدالله
مودتي
لا أنكر أن هناك زيجات ناجحة وموفقة وقد تزوجت إبنة خالي من هولندي أبا عن جد قبل 15 عاما وتعيش
في قمة السعادة ولكن هذا ليس قاعدة بل حالات استثنائية وطبعا الهدف من هذا الطرح هو الدخول في
أعماق البنات لنعرف كيف يفكرن ... شكرا على العبور .
Post: #19 Title: Re: براد بيت يتزوج سودانية !!!!!! Author: Emad Abdulla Date: 01-20-2007, 02:13 PM Parent: #16
الأخت عواطف .. تحيات و .. هاو يو دوين ؟؟
إيه حكاية براد بيت مع البنات الأيام دي ؟؟ قبلها كان ليوناردو دي كبريانو , قبلو ( قبلو وحّدو ) كان أندريه أغاسي , و قبالوا كان توم كروز . وحده فيهم فكرت في محمد قرني مثلا .. أو مصطفى احمد الخليفة .. عبد السلام جلود .. صالحين .. الطيب شعراوي .. وللا حتى محمد السني .. ما لهم ديل ؟ .. ما نجوم يعني وللا شنو ؟؟ براد بيت وللا براد شارع ده .. السلطو على بناتنا شنو ؟ .. هو بيني و بينك الود قيافة و سمبتيك , لكن نحنا حرّم رجال حارة و أخوان بنات و حلالين مشبوك و مرافعين عدييييل كده مقاييس بناتنا البقاها حوصة شنو ؟ .. ياخي بعدين صراحة نحنا كشعب شينين ( و الله البنات ليهم حق ) .. و على العلينا كمان مبهدلين , و فوق ده و داك مفلهمين . ود أختي من الأولاد الحناكيش بتاعين الأيام دي ( بنطلون خرتاية قاعد في نص صلبو .. و شعر كيف كيف و حالق دقينتو الياداب شوية صويفات .. حالقها شخيت ضعيييف ) ببساطة يقول لي : عارف يا خالو أنا ما بحب الغنا السوداني بتاعكم ديّه .. دمه تقيل و سووووو بورنق , وللا طريقتكم في الأكل ,, وللا حفلاتكم .. ماي قوووش , شي متخلف , حتى البنات ما واااو ( أنا واو دي يوم بكتل فيها رقبة ) .. طيب و الحل ؟ لو يا خالوو ح أخش في كوميتمينت وأرتبت ( أرتبط ) ح تكون زولة زي جينيفر مثلا .. او كامرون دياز أو ليندسي لوهان أو هيلاري داف .. ساره ميشيل قالار .. مثلا يعني .. لكن أبدا ما أقل .. يعني يا خالو حرام أضيع عمري مع زولة أوول براون .. ون سيللي كلر يا خالو .. شعر بني و عيون بنية و بشرة بنية .. إت كانت بي , بالجد بورينق يا خالو .. آي وونت زولة تكون فُل كلر : عيون زرقا و بشرة بِنك و شعر بلوند و شفايف دارك مارووون .. حاجة تكون موتيف و إنسبايرينق ليك من الصباح , حاجة تو ميك يور داى .. يو سي ؟؟ عاينت لأختي و زوجتنا ( و لونهم البني ........ ) و بهبالة ( و فيها أم فريحانة بتاعت تشفي كده ) قلت ليهو : شارون ستون كيف ؟ بعوارة قال لي : أووووه خاااااللللو .. دامننننن نووووو !!!!!
Post: #29 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 08:13 AM Parent: #22
أخي العزيز معاوية
تحياتي
أشكرك على ثنائك على الموضوع وعلى مرورك الأنيق .
Post: #30 Title: Re: براد بيت يتزوج سودانية !!!!!! Author: Mannan Date: 01-21-2007, 08:35 AM
الاستاذة عواطف اسلوبك فى تناول هذه المسألة الاجتماعيةالتى صارت قنبلة تهدد الاجيال الجديدة.. اسلوب جميل ويعتبر من انواع فن الكتابة الراقى فى ايصال المعلومة..
نحن من جيل بروفيسور جاغوم بن بلاع رحمه الله الذى كان يقول: " جنى وجن البنات البيشبهن الاولاد البيشبهو البنات" واكملها صديقنا الحلمنتيشى فتحى القدال بقوله: وحين ذاك جاط وجاط ذاك حين وحين جاط ذاك وذاك حين جاط وجاط حين ذاك وذاك جاط حين .... ... ... الحكاية جاطت
نورالدين منان
Post: #31 Title: Re: براد بيت يتزوج سودانية !!!!!! Author: nadus2000 Date: 01-21-2007, 09:07 AM Parent: #30
واااو أواتف....ات از ريلي نايس بوست، فاني توبك..
دا شنو دا يا عمدة
Quote: و مرافعين عدييييل كده
عليك الله يا عمدة جنس كلامك دا ما يا هو زاتو البخلي الجكس دا يفتش لي ناس برات بت (أخو حمادة بت).
يا ي قال مرافعين قال.
Post: #33 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 09:25 AM Parent: #31
نادوس العزيز
ريقاردس
و ماي أدفايس تو فايند نايس جكس يو هاف تو بي واو أور ستايل أزر وايز يو ول قو تو خور أز
سون أز بوسيبل دونت بي إديت .
Post: #34 Title: Re: براد بيت يتزوج سودانية !!!!!! Author: Emad Abdulla Date: 01-21-2007, 09:27 AM Parent: #31
Quote: عليك الله يا عمدة جنس كلامك دا ما يا هو زاتو البخلي الجكس دا يفتش لي ناس برات بت (أخو حمادة بت).
عبدو ياخ إشتغل معانا كويس !!! .. مالو المرفعين ؟ .. عيبو لي ؟؟ شين ؟؟؟ نان مالو .. ما سمعت الشاعر قال : تور عفين الشين أني ؟ . أها , تور عفين ده ياهو الشغل كلو .. و ياهو الشُكُر لي حدو .. و جات عليها الشين كمان تمت الناقصة ( قيم مقولبة في قمة البلاغة ) .. وللا أخونا الفي هيبان , دق صدرو و وقف في نص البنيات : أنا بُرمه أزرق .. أنا دابي كرو كرو .. أنا سلمنق دلمنق .. أنا الحسكنيت .. أنا أبو اللصيق .. أنا الشافو خلو .. أنا الككو الفجخ الطين .. أنا أب زَرد .. أنا أخوك يا عواطف .. ( يا قول عوض حمزة ) .. شفت العزة و المنجهة دي ككيف ؟؟ .. شغل أصلي . تقول لي قال .. هو غير ناس حمادة بت و حمادة طيارة ديل في زول خستك بنات الزمن ده ؟؟ المشكلة الأولاد زاتم لحقوا السمحين ..
هاو دير يو سيد أوول ذات يا جُله ياخ .. وات أ شيم ؟؟ ..
Post: #35 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 09:38 AM Parent: #34
أخي العزيز عماد
تحياتي والله يا عماد مرافعين ولا شينين ما مشكلة دي خلقة ربنا لكن مبهدلين دي يسو ليها شنو ؟ ولمن
تلقى ليك واحد لابس قميص بكم طويل ومكفكف القميص مش كان أخير يلبس نص كم ؟ ولا تلقى ليك واحد لابس
شبشب مع بنطلون وشاكي القميص كمان ؟؟؟ ولا بدلة من بلد وقميص وبنطلون ليس لهم علاقة بالموضوع ؟
إذا لبنات إتخستكن فالأولاد ليهم دور في هذه الخستكة يعني الواحدة بتفضل نوع حمادة بت ولا واحد عفش
يفقع مرارته بالبهدلة . مودتي .
Post: #42 Title: Re: براد بيت يتزوج سودانية !!!!!! Author: abuguta Date: 01-21-2007, 10:32 AM Parent: #31
ِ استاذة عواطف.. انتو بنات عمارتكم ديل ما بلقى فيهم عروس لدكين اخوى.. الزول دا حاج ..وراتبو وااااااااااو..وسيارتو كريسيدا وااااااااو..
استاذة عواطف المحمدة الوحيدة التى جنيناها من دول الخليج عدم استوعاب الطلاب السودانين فى الجامعات..اسى فى السودان عال العال....واحد من بلدياتنا بنتو مشت تقراء فى السودان وكانت مدلعة شديدة ..كل كلامها وااااو وحاو ..وجاو..مشت الجماعة ..تعرض ليها كم واحد من اولاد البلد الملمعين فتحت ليهم..بحجة انهم اهل ومو لايقين سو شينييييييييين .. اسى عرست ليها واحد كان ملمع...اسى شغال سواق يونيت(بوكسى 81 ) من الورقة..شغال بيه فى سوق الخضار..شفت كيف نهاية ..واااااااااو..احسن ليها من حاااااااااو.. واحسن من ديل كلهم مغترب فى رماح..قرية من ريفى الرياض...
زمان اولاد المغتربين جو بقرو معانا فى الهند..وبنسميهم اولاد الخليج..اول ايامهم مدلعين وبعدها برجلو وببقو حديد..وبنسو ...وااااااااو ..وتعلمو جااااااااو..والاخيرة كلمة هندية.. وقد قال فيهم ابقوتة شاعر الهند العظيم
ديمة عاملين هيصة عاملين ضجيج ساكنين .. شقق عاملين.. هجيج بتقروا كورسات حاجة سمحة ركابين مواتر سرعة مييج كدا ياناس الخليج.. انتو مولودين صغار ولونكم فاقع صفار ديمة شايلين نوار مالكم ودخان السجار لو لا الجواز لونو قرين اقول جاين من النرويج.. ديمة شيكاتكم بالسريع لو فلس واحد دا يوما فظيع الولد عاوز ينتحر عاوز يطيع ونلقاكم فى التلفون بكاكم اجيج.. عيب ياناس الخليج.. نحن شيكاتنا قاعدة تتاخر شهور وديمة داكين وجبة فطور الولد عاوز ينتفض عاوز يثور نموت ياناس الخليج.. عاوز اغترب ياخوان عشان القى عملا ضمان اروق واعيش فى امان وينتى تكون من بنات الخليج..
ابقوتة الهند 1994
Post: #46 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 10:45 AM Parent: #42
الأخ العزيز أبو قوتة
تحياتي
والله بوستك رائع جدا ومليء بالطرائف والمفارقات وناس جاو وحاو ديل حكايتهم حكاية الله يعين أهلهم
عليهم بعدين دكين صاحبك دا خليه يشوف واحدة من ابعشر ولا ابحراز وإذا ما لقى يشوف عد الغنم أو
الطين عشان راتبو الواو دي ما بكفي للكوافير والكريسيدا دي بقت أوت أوف ديت .. تصدق يا أبوقوتة
واحة خطبها واحد بيشتغل في السودان سألته راتبك كم ؟ قال ليها تلاتة مليون قالت ليه ديل ما بجيبوا
مكياج تصور؟؟؟
Post: #32 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 09:21 AM Parent: #30
أخي العزيز نورالدين
مودتي مع شكري الجزيل على ثنائك على البوست لقد صدقت يا عزيزي فهناك الكثير من القضايا الإجتماعية
جديرة بالطرح أما حين ذاك جاطت دي خليها ساكت أنا لم أدخل الأسانسير مابعرف الولد من البنت !!!
شكراعلى البوست الرائع . . . تحياتي .
Post: #36 Title: Re: براد بيت يتزوج سودانية !!!!!! Author: كمال علي الزين Date: 01-21-2007, 09:50 AM Parent: #32
(أنا ساكن في عمارة فيها 25 شقة, في كل شقة 25 سوداني عزابي )
فيهم عشرة بورداب ( مستخببن )
خليني أحسبا وأجيك
Post: #39 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 10:13 AM Parent: #36
أخي العزيز كمال
تحياتي
ناس عماد عبدالله ديل رجال حارة وأخوان أخوات مابحبو المسخرة هاي هيه المرجلة القالها صدام حسين
يعني كيفن هم قاعدين والبنات يجكسن نس براد بيت وليوناردو دي كابريو والله قلة أدب فاضية بعدين
سجمي يا وأدمي دي عمارة شنو الساكن فيها دي الكلها عزابة دي ؟ إنت ساكن في الصحراء الكبرى
ولا القطب الشمالي ؟؟؟ وبخصوص عمارتنا عاد تعال شوف لمن تكون عندنا مناسبة ما محتاجين لزول من
برة زيتنا في بيتنا اقصد في عمارتنا . أشكرك
Post: #38 Title: Re: براد بيت يتزوج سودانية !!!!!! Author: Ahmed Yousif Abu Harira Date: 01-21-2007, 09:53 AM Parent: #32
العزيزة عواطف ،،،
موضوع جميل وشيق كالعادة ،
لكن ...أخبار بتنا أنجلينا جولي شنو بعدما طلقها الزويل ده...؟؟؟ السؤال بدافع الإطمئنان عليها فقط !!!
Post: #40 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 10:17 AM Parent: #38
الأخ العزيز أبو حريرة
مودتي
والله إنت إنسان طيب قلبك على البنية تصدق قام واحد سوداني حمش من أمدرمان قال لازم يتبناها قامت
انجلينا عرستو ليك كيتن في براد بيت شنو رايك مش معاه حق اليمني لمن قال تصوري كيف يكون الحال
لو ما كنت سوداني وأهل الحارة ما أهلي .
Post: #37 Title: Re: براد بيت يتزوج سودانية !!!!!! Author: خالد عبد الله محمود Date: 01-21-2007, 09:50 AM
الأخت عواطف
كل بوستاتك أجمل من بعض الله يديك العافية و واصلي على كدة.... بعدين الشابات ديل أحلامهم دة بتكون عادية لما يكونوا في طور المراهقة لسه لكن ناس في العمر دة مفروض يعيشوا في الواقع شوية .. ولا كيف؟ :D حاجة صغيرة:
Quote: ولما قام غدر بي وعرس الفرنسية
الغبيانة دي قولي ليها الزول دة ما متزوج فرنسية عشان ترتاحي زوجتو أسبانية
Post: #41 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 10:21 AM Parent: #37
أخي الغالي خالد
شكرا على عبورك الأنيق وبعدين هو الغبا دة من شوية المشكلة في ناس بتكبر بي جهلها والأمهات بلعبن
دور في هذا الغباوالله في واحدة قالت عايزة تعرس أجنبي بأي صورة عشان أولاده يطلعو بيض وعيونهم خضر
قالت لي يا خالتو ساعديني ألقى لي واحد أجنبي قلت ليها أعملي إعلان في الديلي مرور ... عجبي !!!
Post: #43 Title: Re: براد بيت يتزوج سودانية !!!!!! Author: Emad Abdulla Date: 01-21-2007, 10:32 AM Parent: #37
كمال أسحن ليك ..
( الأستاذ قال ليها أعربي : نادى الراعي الغنمَ , قالت ليهو : نادى دي آم نوت شور , لكن الراعي ديّه هوّ اللي بيمشي بي رجولو و يفسح الغنمات .. صح ؟؟ .. يبقى بعد ديّه الغنم , و ديل تبعاً ( طبعاً ) حيوانات كده ديّه ما هناي لاكين تيبين ( طيبين ) ..
نبقى في جنس ده يا كمال ؟ .. .. عامل عمارتكم أم شنب دي
Post: #44 Title: Re: براد بيت يتزوج سودانية !!!!!! Author: انور تاج السر Date: 01-21-2007, 10:33 AM Parent: #37
الاخت الكريمة عواطف و الاخوة المشاركين،تحياتي
انتو لسه شفتوا حاجة،
مرة بسلم علي واحدة من بنات الزمن ده قالت لي انا لا اصافح و لكني اعانق!!
Post: #47 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 10:51 AM Parent: #44
أخي العزيز أنور
مودتي
كويس إنها بتعانق وبس دي ما مشكلة في الحقيقة المشكلة أكبر من كدا بكتير .. شكرا على المرور .
Post: #49 Title: Re: براد بيت يتزوج سودانية !!!!!! Author: Khalid Saeed Date: 01-21-2007, 11:13 AM Parent: #44
الأخت الفاضلة / عواطف لك التحية ولجميع المتداخلين .. وتحية خاصة للأخ / عماد ( يابقلباً تقابة للنيران ) في سنة 1996م ، كنت في إجازة للسودان وكنت مغروراً بنفسي حاسي إنوا مافي زول زيي .. المهم مشيت عرس كارب ولقيت لي بت أسمح من العرس زاتو .. المهم الشلاقة ماتخليني أتخففت ليها وإتعرفت عليها وعلى أهلها وقلت داير أخطبه .. لمن مشينا وزرناهم في بيتهم لقيتهم ياهم ذي ناسكم البتتكلموا عليهم ديل .. كلام كتر كتر .. شي رطانة وشي عوج خشم .. وجابوا لينا شاي المغرب بي التورته والشوكه والسكين .. والجماعه المعاي جاتم الرجفه باقي هم عرب جعليين وعلى العليهم السكين دي مابشوفوها إلى في الضبح ولا عند النسوان في قطيع البصل .. المهم كلهم إعتذروا عن الأكل بحجة إنهم كلهم مشوا لي دكتور وقال ليهم ماتاكلوا التورته وبذات بالشوكة والسكين . وربك رب الخير الجلسة كانت ونسة ساكت وتبادل لوجهات النظر حول الزواج في وتكاليفه ومادخلنا في الغريق .. رجعنا البيت الجماعة قعدوا يحسبوا في المهر والشيلة والحفلة والحاجات ( حسب الشئ الشافوهوا ) لقينا الحكاية دي ماممكن تتم قبل عام 2025م ميلادية ده لو ما الكفيل سفرني يعني أنا محتاج لي 29 سنة غربة عشان ألم القروش .. فعندنا واحد مشهود بالنصيحة قال لي عليك أمان الله ناسك ديل لو جابوا لينا شاي المغرب ذي الرجال كان بودوهم النار ؟ وقال لي شوف ياولدي أخيرليك بناتنا ( والله نحنا الواحدة لمن خلاص يكون عندها طلب تقعد تذوزي اليوم كله ذي القمرية .. تناديها تقول ليها مالك .. تبلع ريقها وتتراجف تقول ليك أبو فلان دايره لي بابور جاز عشان الواقود وجع لي عيوني ) ... وباقي أنا بحب النصيحة عليك أمان الله من دربي داك القريشات المعاي عرست بيهم بت من بناتنا والباقي إشتريت بيه بيت في أمان الله . دحين عليكم بتعلم الإنجليزي والفرنساوي وما إستطعتم إليه سبيلا من اللغات وإن لم تستطيعوا فأقعوا أهل العوض .. القريشات بتجيب ليك عروس والباقي بيت صغير ولا حواشة .. والسلام عليكم ورحمة الله وبركاته ،، أخوكم / خالد الأرباب
والله عجبتني بلحليل راجل من ضهر راجل بلا شوكة بلا سكين يعني عايزاك تقعد لغاية عام 2025 وبعدين تقول
ليك يا عجوز أنا ماديراك زي ديل ما عندهم دم ولا استحاء البركة في عروسك الزينة بت القبايل الما
بتطلب والبركة في البيت والحواشة الكم فدان يعني ناس هاي وباي ديل لوقلت للواحدة حواشة تقول ليك
حواشة يعني أيه وت دو يو مين توك أرابك بليز دونت بوزر مي أيه رايك في الخشم المعوج . ِشكرا خالد
كتر الله من أمثالكم .
Post: #45 Title: Re: براد بيت يتزوج سودانية !!!!!! Author: Haitham El Galal Date: 01-21-2007, 10:40 AM
الاستاذة عواطف بارك الله فيك وبارك لكى و انتى تتطرقى لاحد اهم المواضيع الاجتماعيه فى الوقت الحاضر. فى تقديرى ان الامر برمته يرجع اولا و اخيرا للبيت و التربيه, المعروف ان الشخصيه السودانيه لعدم استنادها الى ارث ثقافى متين لديها القابليه للتحول السريع حسب البيئه المحيطه بها لست اعنى هنا التآقلم فهو شئ جميل و مطلوب ,فمنذ ان دخلت كلمة عادى الى القاموس اللغوى خرجت كثير من القيم و مكارم الخلق الحميد و لله درك يا مجتمع متطلع دونما اساس متين. ارجع و اقول البيت الما فيهو اب مربى او ام مربيه به خلل.
الجماعه البتتكلمى عليهم ديل يا عواطف لى معهم تجربه ما بطاله, لا بخافو لا بختشو لا من ام و لا اب مافى كلمة لا و عيب فى قاموسهم لانهم رموه قبل ان يغادرو.
ارجع و اقول التربيه هى الاساس يا عواطف
لكى التحيه و الاحترام
Post: #48 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 10:55 AM Parent: #45
أخي الحبيب هيثم
تحياتي وشكرا لطرحك الجاد في الحقيقة البيت هو الأساس لكن المشكلة إنو الأمهات بفتكرن إنه الدلع نوع
من الحضارة مع إنه قمة الجهل بعدين لما البت تلقى ود حلال مصفي تجي راجعة مطلقة بعد شهرين تقوم
الأم تسب وتلعن الزوج لأنهن ما عرف يتعامل مع بتها اللي ما بتعرف تغسل حتى العدة والله يا هيثم أنا
مرات كتيرة بقول الحمد لله ما عندي بنات . مودتي .
Post: #50 Title: Re: براد بيت يتزوج سودانية !!!!!! Author: Haitham El Galal Date: 01-21-2007, 11:22 AM Parent: #48
الاساتذه الفضلى عواطف
ما هم الامهات ديل زاتهم المصائب البتكلم ليك عنهم...... مساكين هن بلا ارث ثقافى متين و مشو بلاد مذقت فواتير الاحتيجات الاساسيه و يحاولن ان يبتدن من مكان ما وجدو الناس موجودين
انشا الله ربنا يرزقك ما تقر به عينك و من معك فانتى استاذه و مربيه فضلى وانك والله تربى جيل مش بنات مساكين ما عارفين نفسهم دايرين شنو
Post: #51 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-21-2007, 11:46 AM Parent: #50
الأخ العزيز هيثم
مودتي وجزيل شكري على ثقتك الغالية لكن وبالمناسبة أمهات البنات ديل عايزات كورسات في فن التربية
عشان الجيل العايش في بلد الإغتراب لو حصلت أي ظروف ومشوا السودان حتحصل مصيبة والله يكون في العون
وزي ما بقولو
الأم مدرسة إذا أعددتها
أعددت شعبا طيب الأعراق
فأين المدرسة ؟؟ وأين التلاميذ ؟؟
Post: #53 Title: Re: براد بيت يتزوج سودانية !!!!!! Author: ابوبكر يوسف إبراهيم Date: 01-21-2007, 12:03 PM Parent: #50
الأخت العزيزة / عواطف
تفاجئيننا كل يوم بجديد مثير .. حقائق نهرب منها إلى الأمام !! أليس الجمال غريزة محمودة أليس من حقها أن تحلم بالوسيم الأنيق الجميل.. نعم مشكلتنا مشكلة أجيال؟ ألم نكن في يوم من الأيام نعشق وونتغزل ونتمني أن تكون لنا حبيبة وزوجة مثل مارلين مونرو.. ألم تكن برجيب باردو تمثل الجمال الفرنسي الرائع .. ألم تكن صوفيا لورين تمثل الجمال الإيطالي المتوحش مثل فاكهة إستوائية ؟ ألم تكن مدام هفوانيه بوانيه زوجة رئيس ساحل العاج في الستينات قد خلبت أنظار الأمريكان وعقدوا مقارنة بين جمالها الأفريقي الأبنوسي الآخاذ وبين جاكي وأغلبهم مال لمدام هفوانيه.. مشكلتنا أن ما نسمح به للرجل نصادره ونحجره على الأنثى!! الموضوع كتب بحس راقي .. حقاً تملكين الإمكانات والأدوات والحس والإحساس ..
حاشية: على فكرة كما تعلمين وأنت ذات ثقافة فرنسية أن الفرنسيين من عشاق الأجبان وأكلها خاصة في بداية أو نهاية كل وجبة.. وهي أنواع ولها نكهات ومنها ذو النكهة التي (لا يطاق) في يومٍ من الأيام تناولنا وجبة الغداء والمرحوم صلاح أحمد إبراهيم في فندق ( إيبس كلاشيه) وبعد أن إنتهينا من وجبة الغداء جاء المتر يجر عربة كنت أحسب أن محتوياتها ( جاتوهات) لأن أشكالها جميلة وبينما هو يمر بجواري إمتدت يدي بحركة لا إرادية كنشالٍ محترف وأخذت قطعة وحشرتها في فمي.. أجارك الله لم أشم رائحة أعفن من تلك في حياتي .. إسبوع كامل وأنا أفرش أسناني (3) مرات في اليوم ولم أستطع إزالة تلك الرائحة التي جعلتني أتحاشى الحديث خوفاً من إذاء الناس .. الحمدلله في اليوم الثامن بدأت بالتلاشي .. قال لي المرحوم صلاح إن هذه التي إلتهمتها هي أغلى أنواع الأجبان الفرنسية.. كان المرحوم صلاح ساخر في هدوء وجدية وكان رده حين قلت له ( غالية شنو يا أخي دي بالظبط زي زي الناس .. وزي الناس مالي السودان) فقال وليه ما تصدرو ليهم زي الناسكم مدام مالي السودان) ضحكنا وهو ميت من منظري وأنا أنشل الجبنة وأنا قايللا جاتوه وقال بالفرنسية مواسياً إياي ( أنا عايش في باريس يوم واحد ما مديت إيدي على نوع الجبنة دي .. على كل حال (سيلا في)
والله جينفير دي حننتني ما محظوظة أبدا لمن براد بيت إتعرف على أنجلينا جولي وحباها أثناء تصوير أحد
الأفلام قررالإنفصال منها لكن منعته والدته لأنها تعرف أن جينيفر تحبه حبا جنونيا لكنه لم يستمع
لنداء الأم لأن نداء القلب كان أشد المهم في الآخر طلقها أول حاجة عملتها جينفير بعد الطلاق حرقت
فستان الزفاف ... مسكينة والله .
Post: #56 Title: Re: مرافعين "عدييييييييييييييييييييييييييييييييييييييييييل كده يا عماد !!!!!!!!! Author: Emad Abdulla Date: 01-21-2007, 12:30 PM Parent: #52
معليش يا عواطف .. الحكاية جابت ليها شكك في موروثنا كمان !!
فاروق بالله ما تعقدنا .. ما ناقصين .. ياخ يعني خواجاتك ديل بيفهمو أخير من عكاشة ود أبوفاطنة ؟؟؟ .. أتحداك .. نحنا سمعناها كده من جدود جدود جدود جدود جدونا .. تجي تقول لي ما بعرف شنو ؟؟ يا زول أحسن من المرفعين مافي .. عديل كده .
( بالله قلت لي منتهي خالص مرفعين الجن ده ؟ .. شكيتو على الله كان داير يمقلبنا فيهو ) ..
.. . looool @ ur post والله يا يا سستر اواتف .. اى زول بدخل بوستيك دا لسانو بنعوج مالو !! التقول بتكلموا لاوندى !!
Quote: يا خالتو يكون مودرن متحرر من كل العادات الأوات أوف ديت يعني يمشي الديسكو والنايت كلب ويحب الفاست فود والبكنك وأهم شيء تكون عنده سيارة روزلرويس أو جاكوار على الزيرو وكمان يا خالتو اهم شيء يكون عنده رصيد في البنك لايقل عن 150 الف يورو عشان يقدر يعمل لي عرسي في قصر الامارات وعيد ميلادي في برج العرب
wooow زيزس توووو متش والله !!
Quote: لا تعتزلي لا حاجة إنت يادابك تلاتين سنة خلي روحك رياضية عارفة روجيه ميلا بيلعب لغاية ما وصل ستين وما أعتزل
تووووووووووت !!
عمارة فيها 18 سن زواج يا عواطف دى حى كامل !! بالله دى يحلوها هنا ولا هناكـ ..
قلت لى يا عمدة قال ليك السودانيات بورينغ !!
غايتو فيصل نوبي اوجه من براد بيت .. وعندو قابلية يمعمل مثنى وثلاث فضل فى العمارة كم !!؟ _____________________
الأخت عواطف كل ما أشوف اسمك أتذكر تكريم روجية ميلا فى أبوظبى يوم جابوك تترجمى لروجية ميلا ( يتحدث الفرنسية فقط) حلفو قالو فتشو أبوظبى دي بيت بيت ما لقو زول يتكلم فرنسي غير عواطف والسفير الفرنسي بس المشكلة سعادة السفير ما بعرف عربي!!! كانت سعادتنا كبيرة و نحنا شايفين التوب وسط الميدان وبين الشيوخ سألنا: يا جماعة ميلا ده متزوج سودانية ولا شنو؟؟ قالو لا ....دى المترجمة وزادت فرحتنا و سعادتنا بيك اها أسه الفرحة تضاعفت بعد بقينا اخوة فى البورد
شكرا على هذه السياحة الموغلة في النقد الذي أراه مهما لجانب مهم من حياتنا .. ألا و هو أمر بناتنا .. بنت اليوم تضع مواصفات تنبع من : 1. أشياء من واقع أحلامها 2. أو من واقع ما تراه من زميلات لها أو جارات.
مما يبعدها عن الواقع.. و من ثم تبدأ في التنازل عن مواصفاتها شيئا فشيئا حتى تقنع باليسير. من الأجدر أن تبني أحلامها مع من تراه مناسباً خلقا.
Quote: أنا إنسانة رياضية جدا وحبيت كرة القدم عشان خاطر زين الدين زيدان لأني بموت فيه دو يو بليف
يا خالتو إنه داد بيقطع لي تذاكر أحضر كاس العالم عشان خاطره ولما قام غدر بي وعرس الفرنسية
أضربت عن الجنك فود لمدة 18 يوم لغاية ما دادي طيب خاطري وقال لي عايزة بيه شنو دا إنت قايلاه بيور
فرنسي دي عربي وجده عربي وإنت عارفة العرب فاشلين في كله شي حتى زيجاتهم ربنا أنقذك يا بنتي طوالي
دي غايتو ربنا شافها من :
دمت
Post: #65 Title: Re: بيت يتزوج Author: حيدر حسن ميرغني Date: 01-21-2007, 03:53 PM Parent: #64
تصدقي طولي عمري فاكراك إنت الممكونة لكن طلع في الآخر هو الممكون لكن بيني وبينك راجل عزال شديد
بيونسي شخصيا عاد سجمك واطاتك أصبحت قولي ليه يا ممكون وصابر المشعوذ قال بيونسي وابوها كمان
تحياتي وشكري لمرورك الأنيق .
Post: #69 Title: Re: براد بيت يتزوج سودانية !!!!!! Author: Bashasha Date: 01-22-2007, 03:59 AM
ذات الانصراف الحساني المشهود في الجلابة والجلابيات.
مرة اخري، ده مااحتجاج ولااعتراض، ولامطالبة باي شئ.
ده فقط تذكير واستشهاد بي واقع حي علي صحة كلامنا علي انبتات الجلابة وتبلد احساسم تجاه مايحدث وحدث من ماسي علي ايديهم، في ديارم.
من فتحنا، هنا امدرمان، كانت كدا، ومجلة الاذاعة والتلفزيون، كانت كده، الايام، الصحافة..الخ، كانت كده!
لو الموت الفي واو كان في دنقلا، ولا الاغتصاب للنساء الفي دارفور كان في القرير، لما كان اطلاقا ده الحال!
اوعشان كده، في الاخر السودان وبفضل عبقرية الجلابة الافذاذ، حيتوزع علي الجيران، والشمالية حتكون من نصيب مصر، اوياما حتربطو المخروقة او ترجعو سفرجية او بوابين في عزب البهوات، في المتمة في كريمة في القولد في عبري في حلفا، زي اخوكم عم عبدو الخدام في المسلسلات المصرية ايضا من مافتحنا!
هنيالكم!
Post: #78 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-22-2007, 11:38 AM Parent: #69
أخي العزيز بشاشا
تحياتي
من حقك أن تعترض ومن حقك أن تطلب ما هو بالإمكان ومع ذلك فالموضوع إجتماعي بحت و لا يتعلق بجهة
ولا فئة ومنذ البداية قلت لا أحب الخوض في السياسة لأنها فن الممكن والكذب معا وأنا لا أجيد أي
من الإثنين , إذا كان الشيء غير ممكن لا أستطيع أن أجعله ممكنا أما الكذب فموتي دونه وأهلنا
في دار فور هم في عيوننا ومايمسهم يمسنا بالضرورة في الصميم ولا نحتاج لإعلان ذلك عبر المنابر
عموما أتمنى أن لا أكون قد خرجت عن الموضوع وتأكد يا بشاشا أن اختلاف الرأي لا يفسد للود قضية
مودتي .
Post: #70 Title: Re: براد بيت يتزوج سودانية !!!!!! Author: Abdelmuhsin Said Date: 01-22-2007, 04:09 AM
يا بشبش حاول ساعدنا شويه في اسلوب المخاطبه يعني بالبلدي كده ركز ركز ما تجي داقش ساي في اي موضوع
Post: #72 Title: Re: براد بيت يتزوج سودانية !!!!!! Author: كمال علي الزين Date: 01-22-2007, 08:07 AM Parent: #70
Quote: ما بعرف تاريخ ميلاد ولا تاريخ زواج ولا أي نوع من
Post: #75 Title: Re: براد بيت يتزوج سودانية !!!!!! Author: حليمة محمد عبد الرحمن Date: 01-22-2007, 11:10 AM Parent: #72
Quote: براد بيت يتزوج سودانية !!!!!!
حتة واحدة يا عواطف..!!؟؟؟ العافية درجات ما تخلي العريس على مستوى القارة الافريقية وبعدين نلف شوية على القارة الاسيوية وبعدها الاوروبية ثم الامريكية عديييل وبعدين في امريكا ذاااااتو نمرحلو.. يعني الممثلين الزنوج الواقفين معانا في يوم الحارة ونطلع على جورج كلوني وبعدين هناااااك فوق برات بيت..ولا عشان ابوه اسمه بيت.. انشاء الله ما يضع قدام اسمهو الف.. تبقي مشكلة.. والله يا عواطف انا مكشنة الحكنشة جنس كشين.. زمان زميلتنا في الاداب كنت شايفاها غبشة اكتر مني.. بس زي ما تعرف قسمي اللغة الفرنسية جامع.. المهم يوم ماشة معاها بدأت تحكي في عمايل الهبوب الجات امبارح.. كنت مستنياها تقول لي الهبوب ام دلاقين بعد ما تنفخ (شدوقها) كويس وتمط شفايفها الى الامام.. تفاجات حين قالت تسوري امبارح اخوي رمتو الهبوبة.. ايوة الهبوبة.. انا خليت اي شئ وبس كنكشت في الهبوبة الرمت اخوها دي.. فرديت دي هبوب شنو دي ؟ دي هبوب ولا عُصار ؟ ردت لا موش اعسار..دي هبوبة اديل.. يا دي النيلة دا انا لم اتجاوز محطة الهبوبة طلعت لي محطة اديل.. وبس من يومها وانا احاول تغبيش اولادي مع سبق الاصرار والترصد.. غايتو ولدى الاوسط قاعد يقول المرهات، يقصد ..انا ذاتي غلبتني.. جمع المرة شنو؟ النسوان ولا المرهات؟ شفت العمايل؟ نسكت ولا نخلي كل زول يتكلم لغته.. غابت كلمة ايوة عن اولادي وحلت محلها إلا وغابت كلمة لزاني ، اي دفعني وحلت محلها دفاني.. وبقينا نخاف نستعمل لغتنا المحلية تتطلع عندها معاني كعبة خلاص هنا.. ودا مقلب برات بيت الثقافي او الاستلابي اللي كلنا واقعين فيهو..
الأستاذة عواطف .. تحياتي .. على هذا الحكي المهم والموحي عن شطحة أبوالدرداق الذي تاق ليتزوج القمر شريطة أن ينظف ظهر الأرض من مخلفات الماعز والضان والإبل فأضاع في التنظيف عمرا ..
ولو توقفنا عن ترف طموح نماذجك وجسامة تهويم أحلام يقظتهن فهنالك مشكلة عنوسة حقيقية في المنطقة وفي السودان وهذا أمر يحتاج أن تفتح له البوستات وتخصص له خطب المساجد وكل الوسائط الاعلامية .. وقد استفحلت المشكلة ولا زال قادة مجتمعاتنايناقشون قضايا الأرض ويهربون من وجه قضاياهم!!
يختي الفكي بتاعك ده جضيم ولا كنتة ساكت؟ انا باقي مكسر لي في واحدة من بنات هوليوود الوراني، و اصلاً انا ما كنت بعرفا لكن عندي صاحبي براي و علي العليو جنو افلام و قاديني بي قناة ام بي سي تو. مرة فرجني علي فلم اسمو لورد اوف ذا رينغس(مذكر اسمو عشان الدامة دي) و شفتها في الفلم ده و استحملت بريتو و كلامو عن جوايز الاوسكار الاخدا الفلم عشان خاطرا. الدامة اسمها ليف تايلور، اها ان الفكي بتاعك ده قدر جازفا لي بديهو عربية جاغوار علي الزيرو، شنو ليك؟
كسرة: المشكلة انو ثقافتي السينمائية ضعيفة و كمان ما بعرف اقرا ولا اكتب انجليزي بالعربي فبالله خلي يجضمن لي في نفس البروغرام.
مودتي
Post: #91 Title: Re: براد بيت يتزوج سودانية !!!!!! Author: فاروق حامد محمد Date: 01-22-2007, 01:41 PM Parent: #83
Quote: والله يا خالدة صدقت في كل كلمة قلتيها وليكم حق تتشالكلو فيه نحنا كنا بنتشاكل في ألن ديلون
مشاغبات بريئة:
بالذمة يا عواطف !!!!! ألان ديلون عديييييييييييل كده !!!!
ما أعرفه ان البنات على زمنكم كانوا بتشاكلوا على يوسف وهبي !!!!!
Post: #98 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-23-2007, 08:51 AM Parent: #91
مشاغبات غير بريئة
عم فاروق ليه الغلط دا؟ يااخي كنا بنتشاكل في زكي طليمات ومع ذلك قرينا الإبتدائي والثانوي العام
والجامعة في عهد نميري والديمقراطيات الفاشلة يعني أصغر منك بعشرين سنة يا القريت الكتاب وكلية
غردون والله أم ناصر زميلتنا في شعبة اللغة الفرنسية قالت لمن خطبتها كنت شغال ليك تلاتين سنة ياأخي
ما تغير المواضيع وتكون إنصرافي زي يعني هسة لو جبت ليك عروس زي بيونسي أنا متأكدة كنت بتقول لي
.. . يا عواطف بشاشا دا من عرفناهو من 8 سنوات زولاً اشتر ودمو بقري وحتى ذخيرتو اللغوية محدودة وضعيفة وتدور فى فلك واحد شيزوفرينيا.. الله يشفيهو .. ويوزن ليهو شخصيتو اساساً سايق ليهو بطاح وحايم بيهو كل ولايات الولايات المتحدة الا ما قدر يصل الاسكا لانو دق الصاجات دا ما بقدر ليهو سنه ناعمة ونعيم العم سام وكدا عشان كدا ما بتوقع انك تكونى المترجمة الاولى للفرنسية عقدتيهو يا استاذة عشان كدا لازم يجى رفه راسو الكوبرائى - دى من كوبرا - هنا
حشسى انتظرنى اقرى ردى على .. 3 كلمات .. متجولب .. غرباوى حاقد .. ومتمسح
Post: #103 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-23-2007, 11:31 AM Parent: #102
عمو فاروق
تحياتي
الخدرا مسامحاك عشان المسامح كريم لكن أرجى الحمرا لمن تجي من السودان ياويلك وسواد ليلك !!!
Post: #104 Title: Re: براد بيت يتزوج سودانية !!!!!! Author: فاروق حامد محمد Date: 01-23-2007, 11:50 AM Parent: #103
Quote: عمو فاروق
تحياتي
الخدرا مسامحاك عشان المسامح كريم لكن أرجى الحمرا لمن تجي من السودان ياويلك وسواد ليلك !!!
أوعك تبقي فتانة !!!!!
زمان في الكي جي 2 المسات قالوا لينا
الفتان بودوه النار !!!!!
Post: #117 Title: Re: براد بيت يتزوج سودانية !!!!!! Author: Abdulbagi Mohammed Date: 01-25-2007, 02:53 PM Parent: #96
الاخت عواطف حقيقة الطريقة و المدخل للموضع عجبني وخلاني افكر معاكم في مثل هذه القضية المطروحة، وهي" اي القضية" بتفتح أسئلة كثيرة لقضايا تتعلق بعلاقتنا و تفاعلنا مع العالم ، لكن أسئلتي حاتكون بسيطة في نفس الاطار سلامات ومودة خالصة للجميع. بعض الأسئلة أحتمال تساعدني على أن أفهم أو أحس اكتر بهذا النوع من المعاناة 1- هل البنات المذكورات و الابناء المذكورين غير مدركين لهذه المحنة هنا، اقصد الفي المنافي؟ 1-هل كنا "نحن الذين نتحمل أعباء التفكير لابنائنا" راضين عن كل افكار ابائنا وخططهم لمستقبلنا ام كنا نتضايق من بعض افكارهم التي لا تواكب"نسبياِ" العصر الذي نشانا فيه؟ 1- هل لنا الحق في التفكير لابنائنا او نيابة عنهم ؟ أذا كانت الإجابة "نعم"لمتين؟ 1-هل هذه المحنة" اذا جاز لنا ان نسميها محنة،مع انني لا أقبل هذا النعت" يمر بها ابناء السودانيين وحدهم ام تشمل كل المجتمعات التي لاذت بالغرب ، الدول العربية و المجتمات الموجودة في تلك المنافي من اصله؟
كسرة في السؤال والسؤال واحد اساساًًٍَِ 1- عايزين ناكل الرأس وخايفين من العيون؟
Post: #118 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-26-2007, 08:43 AM Parent: #117
أخي العزيز عبدالباقي
مودتي
أسئلتك موضوعية وفي محلها في الحقيقة نحن نعاني من إزدواج الثقافات وتداخل الحضارات فكلما حاولنا
إعادة أبنائنا إلى قيمنا المجتمعية الزاخرة بالمثل والأخلاق تطغى ثقافة الشارع ... المدرسة ...
المجتمع الذي يتضمن مئات الثقافات على إرادتناوتحول بيننا وبين ما نريده لأبنائنا خوصوصا وأن
تأثير الأصدقاء في هذه المرحلة أكبر من تأثيرنا بكثير وفيما يتعلق بأبنائنا في الدول الغربية
فالحال يا عزيزي أسوأ من حال الذين يعيشون في دول عربية وهذه ضريبة الغربة والهجرة .
Post: #119 Title: Re: براد بيت يتزوج سودانية !!!!!! Author: Abdulbagi Mohammed Date: 01-26-2007, 09:33 AM Parent: #96
ياأستا>ة عواطف سلامات ، أعجبني جداً مدخلك للمشكلة التي يبدو انها مشكلة معظم سوداني المنافي بقية الإخوة لكم مودتي ن ممكن اسال بعض الأسئلة ؟ 1-هل هي فعلاً مشكلة للفتيات و الفتيان معا، ام انها مشكلتنا نحن الأباء ال>ين نريد ان نصمم أبنائنا بالطريقة التي نريد؟لم نكن نحن ك>لك مع أبائنا حينما احسسنا بأن زمننا مختلف عنهم و لابد أن نتطور مع الزمن؟ 1-هل هي ظاهرة ناتجة عن تأثرنا نحن السودانيين فقط بثقافة المهجر ام ان هنالك مجتمعات اخرى متورطة في نفس المشكل؟ 1- هل المجتمات الأصلية في المنافي لم تتاثر بثقافة وسلوك المهاجرين لها؟ 1-هل نحن كاقلية نريد فقط ان نأخد دون أن نعطي ؟او أن نعيش بين الأخرين دون أن نتأثر بهم؟ يا اخوانا ان كتبت الكلام ده أمبارح لكن ما عارف الحصل شنو ما لقيتو، يكون ما كلام كويس بكري حزفه ولا شنو؟ يعني علشان قلت الناس ما تكون دايره تالك الرأس و خايفة من العيون ولا شنو؟
Post: #127 Title: Re: براد بيت يتزوج سودانية !!!!!! Author: فيصل نوبي Date: 01-29-2007, 02:50 PM Parent: #96
عواطف اولا حبابكـ في المنبر " آسف للترحيب المتأخر "
والله عندك حق ياهيثم عمو دا شخصية إنصرافية قاعد يضيع المواضيع الأساسية بمواضيع جانبية وبعدين
إنت تشرف في أي وقت كلامك أوامر يا ودأختي العزيز ودمت يا هيثومي ...
Post: #111 Title: Re: براد بيت يتزوج سودانية !!!!!! Author: othman mohmmadien Date: 01-24-2007, 08:02 AM Parent: #110
تحية واحترام أختي الفاضلة أنا عارف السبب حداثة الحبوبة واختفاء النجر بتاعها "قصص النوم" وبنات العمارة بقين ما بسممعن اذاعة توفى "هنا أم درمان" علا بيشاهدن ناس ............. الواحد مستحي ... لو سمحتوا نقول ...ناس ... أأأأخ ... ناس
بونجور لا آسفي بونسوار لإلكون، مين بتوأعوا يا حبايب ألبنا تكون الشخسيي المجهولى هون عندنا علا البروفايل الـ لإيلها الظاهر على الشاشي؟أَمَرَةَ يما ندى القلعي، يما حنان بلبلو يما نانسي عجرم يما ...... ما بؤلكون؟
احزروا وبتربحوا هاي السياري الظاهري ع الشاشي البلوري وكمان تظكرتين مع شباب ومواهب تتجوا تحضرون هون عنا في ........ بحفلة البرايم وممكن يكون الحز من نسيبكون كلياتكم وتفوزوا احزرو وما تتأخرو أو اتصل اس ام اس ع ها الأرام المكتوبي ع الشاشي الله يكون في العون ... والانترنت عالم آخر
Post: #112 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-24-2007, 09:21 AM Parent: #111
أخي العزيز عثمان
مودتي
شكرا على هاالمداخلة الحلوي تئبر ألبي شو مهضوم مداخلتك بتاخد العئل تصور إنه الصبايا في البناية
كتير كتير متأثرين بقناة البي سي من شان هيك كلاتن عايوين يتجوزو واحد نتل براد بيت شو بدنا نعمل
ميرسي لالله إنو ما عندي بنات وميريسي لئلك تئبرني .
Post: #113 Title: Re: براد بيت يتزوج سودانية !!!!!! Author: Haitham El Galal Date: 01-24-2007, 09:27 AM Parent: #110
سمحه الخصال و طويلة البال
الفاضله المفضال عواطف......
يشكرك الشكور باكثر مما تشكرى الناس
فوق.....
Post: #114 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-25-2007, 07:31 AM Parent: #113
هيثوم الحبيب
تحياتي
والله أخجلت تواضعي وكل ما قلته نابع من أصلك الطيب لك مني ألف شكر وتقدير على هذا الشعور النبيل .
Post: #115 Title: Re: براد بيت يتزوج سودانية !!!!!! Author: Haitham El Galal Date: 01-25-2007, 09:27 AM
اها يا ام الحبان
الليله الخميس و بكره الجمعه ًweek end كارب.. كدى حاولى شوفى لينا الجماعه وصلوا وين
اوكى هاف نايس وويك ايند سويت هارت
الله يستر من وويك اينداتنا هنا من الصباح الجزر اااو سوورى ااى مين الفيجيتابل و المييت ماركت و فى النص زيارات و مستشفيات و فاتحات وهلمجرا يا قول........
والله يا هيثومي البنات من ما قرن البوست وشافن مداخلاتكم تعال شوف آخر جدية وعايزات يتعلمن كل
شي حتى عواسة الحلو مر وملاح الثلج بالبامية شنو رايك عاد ؟ مودتي
Post: #120 Title: Re: براد بيت يتزوج سودانية !!!!!! Author: Yasir Elsharif Date: 01-26-2007, 10:38 AM
عواطف سلامات
ليْ كم يوم أشوف في عنوان البوست.. ما فهمتو!! وعشان المشغولية كل مرة أقول "كدي لمن نفضى ليهو". وقد أعجبتني بوستات سابقة لك خاصة بتاع العريس المتأخر والوزير المتأخر، وبوست مشكلة الزوجين المنفصلين ولسة عايشين في بيت واحد وهم في هذه الغربة الحزينة.. ثم بوستات أخرى اجتماعية ومفيدة من الطراز الأول.. ربنا يوفقك.. اليوم قرأت قصة عبد الغني كرم الله أنا وإلهام "الطريق إلى المدرسة".. وتذكرت بوستا قديما دار بخاطري أن أضع رابطه إليك هنا.. هذا البوست من زوجتي إلهام.. وقد وعدتها بأن يكون بإسمها
ملحوظة: حتى الآن لم أكمل البوست هنا.. فهو يحتاج وقتا وليس غريبا أنك تسرقين كل القراء وهذا يجعل البعض يظنون أن السودانيين في سودانيز أونلاين لا يهتمون بقضايا بلدهم ولا بمآسيها، ويظنون أن مثل هذه البوستات فارغة.. أنا لا أرى أنها فارغة..
يمكن لكل إنسان جاد بمشاركته أن يضع بصماته ويترك بعض الكلمات..
والزارعا الله في الحجر بتقوم..
والسايقة واصلة..
وشكرا
ياسر
Post: #123 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-27-2007, 08:44 AM Parent: #120
أخي الحبيب د. ياسر
لك ولعصفورتك الحلوة إلهام كل الود والمعزة , أدام الله مودتكم وما تشوفون شر إنشاء الله .
أخي ياسر عاجزة عن الشكر لمرورك الرائع وقد قرأت البوست اللطيف بتاع عصفورتان في الحجاز
وفعلا يا ياسر لا شيء يعدل الوطن .. مودتي .
Post: #121 Title: Re: براد بيت يتزوج سودانية !!!!!! Author: حسن الجيلى سعيد Date: 01-26-2007, 05:53 PM
الاخت/عواطف لو وصفت ليك قدر شنو بتعجبنى كتاباتك ما وفيت مزيج بين الواقع مع اسلوب لايخلو من المرح,طبعا الواحد فينا اقعد ارطن الاسبوع كلو فى الشغل عشان القا ليهو سودانى اخر الاسبوع اكنكش فيهو وابريهو لحدى ما اقول كفاية يا ابنى مليتنا فقر ...لذلك ياتينا المدد دوما من كتاباتك اللذيذة نرجع لموضوعنا موضوع البوست الرجل السودانى رجل حظو نحس محل ما اقبل والسودانية مصيبتها انها تتقاسم الحياة مع انسان منحوس ,وحتى لو تزوج اجنبية برضو حظو نحس - حا تقولى ليه التشائم دا? - اقول ليك ليه? السودانى اتولد فى بيت مليان بالاهل والضيوف والجيران لا لعب فى حديقة عامه لا شاف مراجيح لا اشتروا ليهو اللعاب من Toys"R"Us ,وسائل اللعب كورة شراب وترتار عجل وعربية مصنوعة من الصفيح عجلاتها عجلات سفنجة قديمة ولا تلاقيهو سارق سفنجة اختو ولا حبوبتو..علبة ولا برطمانية مليانة بليى ولا تلاقيهو فى الخريف بلب فى الطين,لا اكل شوكلاتة ولا شاف بسبوسه لا اتعمل ليهو عيد ميلاد لابعرف حاجه اسمها fast food لابعرف hamburger لا سمع بال milk-shake طيب ابقى حنين كيف ,قمة السعادة شاى باللبن تغمس فيهو بسكويت ولا لقيمات خفاف وبرضو منتظرينو اكون رمانسى... لينشاء هذا المنحوس ويترعرع فى فى خدمة الضيوف فى البيت ياولد جيب الابريق ياولد تعال كبا لى موية عشان اتوضا ياولد الملاح كمل امشى خليهم ازيدونا....كمية من الاذية وحراق الروح .... ويدخل الطفل المعجزة المدرسه ومن اول يوم ضرب بسوط العنج وكلام كتير عن قلة ادبو وانو عديم تربية وووووو..... يكبر هذا المسكين وهو دايش من بيت عرس لبيت بكا حياتو كلها مجاملة, ياويلك لو قصرت الناس بتشيل حالك وتوطى راس اهلك فى التراب.
اواصل
------------------------
مهما انتقدنا نفسنا برضو اجمل حياة واجمل شعب
Post: #122 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-27-2007, 08:30 AM Parent: #121
أخي العزيز حسن
تحياتي
أشكرك على مرورك الأنيق وعلى ثنائك على كتاباتي المتواضعة التي أحاول من خلالها أن أعكس شيئا من
الواقع ... أحزن كثيرا لحال المهاجرين الذين يبحثون عن سوداني ليتكلمو معه بالعربية وقد صادفتني
هذه الحكاية كثيرا عندما أسافر برة حيث يلاحقني إخوة وإخوات بس لأني سودانية عموما يا أخي حسن قد
صدقت القول السوداني لا شاف مراجيح لا أكل جنك فود ولا سمع بعيد الحب فمن أين يأتيه الحب تصدق مرة
يا حسن واحدة زميلتي فلسطينية جات يوم 14 فبراير طبعا عيد الحب بالنسبة ليهم شيء مقدس قالت لي
شوفي نبيل شو جاب لي بمناسبة عيد الحب كان ياحسن عقد ألماظ يجنن قلت ليها مبروك قالت لي إنتي
زوجك شو جاب لك ؟ قلتي ليها شريط أم كلثوم بتاع أغنية حب أيه اللي إنت جاي تقول عليه ؟؟؟
Post: #124 Title: Re: براد بيت يتزوج سودانية !!!!!! Author: حسن الجيلى سعيد Date: 01-27-2007, 11:20 AM
الاخت العزيزة/عواطف, صباح الخير... قلت لى عيد الحب Valentines day طبعا بعد ما عدينا العشرين عرفنا انو فى حاجة اسمها عيد الحب ,اول يوم عرفتا فيه عيد الحب كنا فى السنة التحضرية لغة وكنا كمية من البرالمة جمع برلوم فى المعهد جينا الصباح خاشين تووشك ,البنات والاولاد لابسين وملمعين وبائعات الورود ساكين الناس قلنا يالله الحاصل شنو طبعا الواحد فينا حق الفطور ما عندو بالله هى دى منو الغبيانه البتحب ليها واحد حق الفطور ماعندو,المهم دخلنا الدرس وكان عندنا مدرسة اسمها تركان هانم باركت عيد الحب للجميع الفصل اشى اسيويين اشى عرب اشى افارقة يعنى مالذ وطاب نحن السودانيين نتلفت زى مروحة الطربيزة ,لمن رجعنا الداخلية اخدنا الدرس الاول فى الحب من السناير وهم اخوننا الذين سبقونا فى الايمان . اول مرة اشترى ورود لجكسويه من شدة الخجل لبتها ( دسيتا) تحت المعطف وخدودى قد توردت واحمرت خجلا ( توردت واحمرت دى صيغة مبالغة واللبيب بالاشارة يفهم ) قلت لروحى ياحسن لو شافوك الجماعة(الجماعة Sudanese community طبعا) وطاطك اصبحت ,وطفقت ادعو ربى بان لا تصطادنى اعين الجبناء اعداء الحضارات واحد فرده من اعداء الحضارة سالتو : - عملت شنو فى عيد الحب الجواب - لعن الله قوما كثرت اعيادهم... فعلا يا اخت عواطف حب ايه الانتا قاى تاوول عليه ( الله ارحمك ياست )
Post: #125 Title: Re: براد بيت يتزوج سودانية !!!!!! Author: حسن الجيلى سعيد Date: 01-27-2007, 02:33 PM
عواطف الاخت العزيزة والاخوان/ت العقد الفريد ارجع ليك تانى لموضوع الرجل السودانى ذو الحظ المنيل بستين نيله.. تبداء المعاناة الثانية مع مرحلة الدراسة الجامعية يارب اواصل جوه البلد ولا اهاجر لبلاد الخواجات والعرب والعجم طلبا للعلم فهو فريضة ,لو اختار السودان مصيبة ولو اختار بلاد ماوراء النهرين تلاتة مصايب وهكذا تدور عجلة الحياة مابين فلس مزمن وتقشف مقيت ... ليشيخ ذالك الشاب اليافع قبل يومه...وخصوصا لو ربد بالشدة(repeat) بالجامعة كم سنة ... ويتخرج من الجامعة عشان انصدم بالحياة العملية ونظرا لضيق ذات اليد فى السودان يفكر فى الخيارات التالية: 1-السعودية 2-السعودية 3-ابوظبى 4- ليبيا وذلك اضعف الايمان
اواصل ------------------------
مهما انتقدنا نفسنا برضو اجمل حياة واجمل شعب
Post: #126 Title: Re: براد بيت يتزوج سودانية !!!!!! Author: عواطف ادريس اسماعيل Date: 01-28-2007, 07:35 AM Parent: #125
اخي العزيز الجيلي
تحياتي
في الحقيقة مش الحظ المنيل ب60 نيلة كمان في ناس ما بستفيدو من غيرهم يعني تلقى الواحد بعد ستين
سنة محلك سر نفس طريقة الكلام واللبس والسلوك الله يكون في العون ومع ذلك أجمل شعب .مودتي