قولى كلامك فى التلفون

قولى كلامك فى التلفون احلى كلاما كيف ما يكون
نبض الكلمة اجمل لون
و لون الحب
اخضر فاتح
و كلمة حب جات امبارح
لسة بتنبض فى التلفون

شوفى الرجفة
زولك سايح
طالع نازل زى الرايح
مرة يهاتى زى مجنون
و مرة سكون
الا انو وحاتك انتى
لسة بيحضن فى التلفون

شن قولتيلو ست الناس
اصلو حبيبك ولع نار
يمكن حمى لا يا يمة
يمكن طار
لف الكون
شايل ريدك جوة ضلوعو
و مدى اضانو للتلفون

يمكن يقدر يسمع صوتك
و تبقى الكلمة مرسال شوق
تفك الطوق
و ترجع طاير فوق الريح
تصبح فوق
و تمسى النجمة تحتك دون
وبرضو معلق فى التلفون

كيف اللحظة تبقى سنين
لما الكلمة تبقى معين
تغسل المك و يا عذابك
تنعش روحك يا مسكين
هدى حصون
وبكى عيون
بس
ما تقفلى التلفون