الليلة يا المرشح الرئاسي و يا نانسي عجاج الله قال بي قولكم ..

أولاً و قبل كل شيئ إعتذاري الشديد للمبدعة الفنانة / نانسي عجاج إن أقحمتها في هذا البوست وهي لا ناقة لها فيه و ربما و لا حتى معاينة أو مداخلة ..
ـ
و حقيقة الأمر أن أخاً كريما و زميلاً و صديقاً صدوقاً فاضلا من أعضاء هذا المنبر نبهني بلطف إلى واحدة من خطرفات و ( محن ) و ( وهمات ) المرشح الرئاسي الدكتور ـ و الله العظيم يا جماعة أنا هسع بكتب و ناسي إسمو رغم إني عارف أسم أبوه و جده و جد ابوه كمان ـ أقصد الدكتور بتاع القواعد الإنتخابية و الموية الأبت تنزل من الماسورة ، الزول بتاع الجاكات الغريبة داك ياخي ..
كتب هذا الموهوم وهمة السنين ..

Quote: لقد قام المدعو عصام دياب بعمل بوست فى موقع سودانيز اون لاين وقام بأنتحال شخصية نانسى عجاج بعلم وموافقة صاحب الموقع ، ادعى فيه انها تكذب مقالتى بأنضام بعض الفنانين لمجموعاتى لرئاسة الجمهورية بموقع الفيس بوك ، مع العلم ان الفنانة نانسى عجاج منضمة لأكثر من 7 جروبات لى فى موقع الفيس بوك وهى من اقوى الداعمين لها، يمكنكم التأكد من ذلك بالضغط على مجموعاتى بالفيس بوك اعلى الصفحة .

و تابعوا ..

امانة
ما
وقعوا
في
شر
بوستاتهم

مرحباب فناننا القامة ..

Quote: امانة ما وقعوا في شر بوستاتهم

ـ
و لو تسمح يا أستاذ عايز أهدي أخونا المرشح دة أغنية ..

Quote: يا السني طمني

نظام ( ترقيدة ) و كدة ..

العار و الشنار لمن يتداخلون باسم الفنانة نانسي و بعلم بكري ابو بكر لدعوا ان الفنانة لا تؤيد المرشح الذري رغم انها على قمة مجموعاته الداعمة في الفيس بوك و عددها 7 مجموعات في عين العدو و الصلاة على النبي

يافردة الزول ده تاني جاب سيرة العجاجة؟











غايتو كان فاز

تهج البلد

وتعمل إنفصال وحركات مصلحة عدييل

يا فردة ..

Quote: غايتو كان فاز

الله و النبي ياخي تف من خشمك ، محمد معانا ما يغشانا ..

Quote: تهج البلد

عاد هو جنس هجيجن ..

Quote: وتعمل إنفصال وحركات مصلحة عدييل

يازول هييه و الله الإنفصال ذاتوو ما يحلك ..
و بعدين الزول ( القداد ) دة ما يقدر عليهو إلا أخونا ( كمال خداري ) أكيد فهمتني يا مان ..

و من هسة دي يا جماعة عشان ما في زول يجيئ يشبكنا ليك باركوها و أركنوها و بركنوها و الذي منو ، و عشان ما في زول يجيئ يقول ليك انتا ( متلقي حجج ) و ( كايس ليك سبب ) و حركات و هناي و إسمو شنو ..
و عشان ما في واحد يجيئ يتفلسف و يقول ليك الزول دة قال ( عصام دياب ) و ما قال إسمك ..

أهة انا من هسع دي إسمي عصام دياب ..

و عصام دياب الدين ذاتو كان عايزين !!

موش على كيفي ؟؟

ـ
بالله خلونا نشوف شغلنا ..

رزقاً تكوسو !!

الزول المدهش / حمور

Quote: العار و الشنار لمن يتداخلون باسم الفنانة نانسي و بعلم بكري ابو بكر لدعوا ان الفنانة لا تؤيد المرشح الذري رغم انها على قمة مجموعاته الداعمة في الفيس بوك و عددها 7 مجموعات في عين العدو و الصلاة على النبي

و كدة يا حمور أنت أكدت لي شكوكي بشان علاقة المثقف بالسلطة ـ بفتح أي حاجة ياخي ـ ما صدقتو إنو الراجل خلاص قرررب ، قمتو تشتغلوا ليهو بي ( تقلكم ) .. لدرجة ( النيل ) من ( سيد الشي ذاتا) أخونا / بكري خليك من عصام العامل فيها نانسي دة ..

ـ
الله في .

( حقيقة ) في البدء كانت ( الوهمة ) أو تادباً قل ( الكضبة ) ..

Quote: بسم الله الرحمن الرحيم اخوة المنتدى السلام عليكم ورحمة الله وبركاته تحيات عطرات لكل من دعم مجموعاتى لرئاسة الجمهورية فى موقع الفيس بوك واخص منهم : الاستاذ عبد الكريم الكابلى ( سفير النوايا الحسنة ) الاستاذة نانسى عجاج الاستاذة شروق ابو الناس الاستاذ سامى المغربى الاستاذ وليد زاكى الدين

تحية من د/ عثمان الريح مرشح الرئاسة للفنانين السودانين خصوصا

و من ثم و من حيث لا يحتسب صدر في كليمات كتاب
( الرد في الحنان على المرشح إبن أبي عثمان ) :

Quote: السيد عثمان الريح انا نانسي عجاج ، لم انضم لاي مجموعة من مجموعاتك . ولا اعرفك ولا ادعم توجهاتك. الرجاء شطب اسمي من قائمتك اعلاه وعدم الزج باسمي في اي من كتاباتك مستقبلا وشكراً

تحية من د/ عثمان الريح مرشح الرئاسة للفنانين السودانين خصوصا

ـ
و نحنا لحدي هسع ما قلنا ااااااي حاجة ..

Quote: و عصام دياب الدين ذاتو كان عايزين !! موش على كيفي ؟؟

علي كيفك يا عصام دياب . وفعلا انت راعى مشاكل . السيد الرئيس كان قاصد عصام دهب.

انت يا ود دهب النسعلك
هو الزول دة مترشح وين

أهة يا شباب ..
أنا زيي و زيي خلق الله في البورد دة قمت قريت المداخلة بتاعت / نانسي عجاج في البوست داك ..

و صنننننننن صنيت ، زي التقول قشطوني كف صاموطي كدة ..

فتحت خشمي لمن ( ريلت ) عدييييل كدة ..

اتخيلت ليك نفسي في محل أخونا القال نانسي ( دعمتو ) دة ..

طوالي قمت بكيت ..

أعاين لي صورة نانسي أقوووم ( أبكي ) زيادة ..

زيادة يا حمور ..

فجاة أعاين لي صورة الزول داك ..

و أتخيلوا و هو بيقرأ في الرد بتاع نانسي ..

أحس نفسي زي عايز ( اريل ) تاني ..

و فجأة كدة القى ليك روحي بقيت عوير ..
ــ
الله يصبركم علي ..

أهة لمّن يقيت عوير ..

قمت قلت لازم أشاطر ( العوير ) دة في ( مأزقو ) الإنتخابي دة ..

الشلاقة ما خلتني ..

قمت ( فتوحت فتوحت ) فتحت ليك ليهو ( بوستي ) ..

ياهو ( ديل ) ..

نانسي عجاج تحطم آمال المرشح الرئاسي د. عثمان !!

نظام مواساة و عوارة و الذي منو ..

هذا كل ما في الأمر ..

عصام دهب ( و في مقولة عصام دياب ) يا حاقد
يقال إنو المرحوم مايكل جاكسون ظاااتو كان من مؤيدي المرشح الرئاسي و قاليك كان فردتو لزم ...دي كمان تعال غالط فيها ؟؟


والله المرشح ده لو فاز أنت و حيدر الزين شوفو ليكم بلد تانية غير السودان !!

المدعو عصام دياب الدين دهب
اتابع مشاركاتك في موضوع المرشح و من الواضح انك مدفوع من جهة ما و ان ايادي خفية اثمة كتلك التي لوثت حيطة المرشح تحركك و تدفك لكتابة ما تكتب.
انا انصحك ان تكف يدك الملوثة بالجير عن المرشح المحترم.
هل لي ان اسألك اين تعمل ؟






ــــــــــــــ

و الله بعد مداخلة زي دي ما اقبل من الريس القادم اقل من وزارة خارجية.

كدي قبل الرئيس العويص
يا عصام ليه يعني ما بتبارك لينا
مولودنا زعلان مننا يعني ولا ايه يا ابو النسب؟
======================
بعدين السيد المرشح لو قال نانسي معاهو و ما هماه
تبقي معاهو
و لو قال عصام دياب عمل حركة في شكل نانسي
يبقي عصام دهب و عمرو دياب عملوا الحركة
الما لذيذة دي
حقد منهم علي السودان شخصياَ
مع انه عمر دياب داعم المرشح دا لبلدية
مرسي مطروح،، دي انا مالي يدي منها
الله و الرسول
نقول قولنا هذا تحوطا و تحسبا من ان نطر
لقضاء عمرنا في المعارضة و المجابدة
كومو انه فوز المرشح
اقرب من حبل الوريد
يقوم يحيلنا للصالح العام
ايميل ساكت ما نقدر نكتب

يا أستاذ دهب..
وانت اللصيق بالموازين.. ومقاييس العدالة..
الرجل الآن صامتٌ وغائب ولا يستطيع الرد عليك..
إذن المنافسة من جانب واحد.. والراجل من اسه مغلوب عشرة صفر..

Quote: والراجل من اسه مغلوب عشرة صفر..

بسيطة والله ..!!

رويدكم و حنانيكم يا شباب ..

وسعوا المنقة و روقوا اللعب و خلوا الربشة دي ..

أديني المايك دة بالله يا دفع الله ..

و حقيقتن الواحد زي عايز يستغل البوستي دة و شهرة المرشح الرئاسي لأغراض شخصية ..

و عائلية بحتة ..

يا جماعة أول حاجة عايز أقول ليكم باركوا لي ..

( مواهب ) بت خالتي جابت ولد ..

و الولد دة ولد زميلنا و أخونا / نصار ..

و يا علاء الدين و الله يطرشني و يقدد إضنيني كان سمعت قبل كلامك دة ..

و ياخي ألف حمد لله على السلامة و ألف مبروك و إن شاء الله ربنا يجعلو من الأخيار و يبعد المعارضة من سكتو ، و يرشحو في نفسو دي و يفوزو بالتزكية و الإجماع الجهري الما خمج ، و نشوفكم كدة في التلفزيون تحكوا لينا عن نشأة السيد الرئيس و إهتماماتو و إعتمادو على نفسو من ما هو سغنتوتي و إصرارو على تغييير ( حفاضاتو ) براهو من يوم ولدوهو ..
و بصفتي ( خال ) الرئيس يبقوني ليك مدير التلفزيون ويمسكوني معاهو وقاية النباتات زي الما حصل شيئ ..
مبروك يا أبو النسب و مبروك لبتنا و للسيد الرئيس و يحفظكم كوللكم ..
و بجيكم بي رواقة ..
ــ
شكراً جماهير ..

و خليكم معانا ..

اهدي للمتداخلين
اغنية
ارفع علي مسدسك
واملاني رصاص ...
ـــــــــ
قال ترقيدة
وهوقايم بي نمرة 4
وشايت ضفاري
رفقا يالقوارير
يا دياب
بادهب
يا من هناك
هل تسمعني

و يبدو أن المرشح الرئاسي يريد أن ( يفوووز ) على حسابي ..
لكن أقول له ( يسمك ) و يبقى ليك ( بأمر قبض ) ..

تسلم اضنيك يا خال الريس
بعد التلفزيون ما بتعمل انتباهة؟
لوووول