Post: #1
Title: هلال الساحل السوداني سادس الدوري يفجر المفاجأة ويضم الليبي طارق التائب / توجد صورة لحظة التوقيع
Author: نورالدين صلاح الدين
Date: 06-26-2009, 08:21 AM
فجر فريق هلال الساحل السوداني مفاجأة كبيرة بضمه للاعب الليبي طارق التائب قادما من نادي الهلال السعودي في صفقة اعارة لمدة 6 اشهر .
الكل في السودان كان يعتقد في حالة قدوم اللاعب الليبي للملاعب السودانية فأنه سينضم الى احد فريقي القمة الهلال او المريخ للاستفادة من قدرات اللاعب الكبيرة في مشوار الفريقين في البطولة الافريقية خصوصا مع الانباء التي ذكرت اهتمام الفريقين بضم اللاعب ولكن انضمام التائب للهلال الاخر في الدوري السوداني والذي يحتل المركز الساس شكل مفاجأة كبيرة لم يتوقعها البعض بانضمامه لهلال الساحل .
اللاعب الليبي عبر عن سعادته بهذا الانتقال الى الدوري السوداني وانه يتمنى ان يقدم اداء جيد حتى انتهاء اعارته ومن ثم سيدرس كل العروض التي ستقدم له في في شهر ديسمبر المقبل .
وسيسافر اللاعب الى تونس لقضاء عطلة وسيعود بعدها الى السودان للانضمام في تدريبات الفريق استعدادا للجولة الثانية من الدوري .
|
Post: #2
Title: Re: هلال الساحل السوداني سادس الدوري يفجر المفاجأة ويضم الليبي طارق التائب / توجد صورة لحظة الت
Author: أبو عبيدة البصاص
Date: 06-26-2009, 09:20 AM
Parent: #1
Quote: اللاعب الليبي عبر عن سعادته بهذا الانتقال الى الدوري السوداني
.وانه يتمنى ان يقدم اداء جيد حتى انتهاء اعارته
ومن ثم سيدرس كل العروض التي ستقدم له في في شهر ديسمبر المقبل . |
اهااااا
يبقى التخزين كيف ياشداد
ابحث عن فضولي !!!
|
Post: #3
Title: Re: هلال الساحل السوداني سادس الدوري يفجر المفاجأة ويضم الليبي طارق التائب / توجد صورة لحظة الت
Author: Abdlaziz Eisa
Date: 06-26-2009, 09:34 AM
Parent: #2
Quote:
اهااااا
يبقى التخزين كيف ياشداد
|
ابوعبيدة
سلام
التايب موقوف من الإتحادي الآسيوي وجاي يختبئ في الأفريقي.. صحيح.. برضو تخزين
|
Post: #4
Title: Re: هلال الساحل السوداني سادس الدوري يفجر المفاجأة ويضم الليبي طارق التائب / توجد صورة لحظة الت
Author: haroon diyab
Date: 06-26-2009, 09:47 AM
Parent: #3
عبد العزيز
مشتاقين
ماصحيح....!!!!!
| Quote: التايب موقوف من الإتحادي الآسيوي وجاي يختبئ في الأفريقي.. صحيح.. برضو تخزين |
والصحيح.....
المريخ دخل في مفاوضات مع التايب
وعشان يقفل الطريق عليهو ولانوا ماعندو خانة
لتسجيل اي لاعب اجنبي ...قام صلاح ادريس خزنوا
في هلال الساحل.....
وده التخزين ....ياهو ده التخزين
ياهو ده التخزين
سلامات
|
Post: #5
Title: Re: هلال الساحل السوداني سادس الدوري يفجر المفاجأة ويضم الليبي طارق التائب / توجد صورة لحظة الت
Author: محمد عبد الماجد الصايم
Date: 06-26-2009, 12:21 PM
Parent: #4
كااااااااااااااااكـ ياخ!
دياب الخزين إزيكــ!
|
Post: #6
Title: Re: هلال الساحل السوداني سادس الدوري يفجر المفاجأة ويضم الليبي طارق التائب / توجد صورة لحظة الت
Author: محمد الامين احمد
Date: 06-26-2009, 12:55 PM
Parent: #5
لا نقول له الا ..........
دقست يا عمك !!! كاااااااااااااااااااك كااااك
|
Post: #7
Title: Re: هلال الساحل السوداني سادس الدوري يفجر المفاجأة ويضم الليبي طارق التائب / توجد صورة لحظة الت
Author: عبد الدائم سيد أحمد
Date: 06-27-2009, 12:06 PM
Parent: #6
* التائب ( البرنس الليبى ) موقوف من الاتحاد الدولى تبقى منها مدة
ثلاثة شهور تبتدى من بداية اى موسم يلعب فيه اللاعب ( دى نقطة مهمة حنرجع ليها )
* يمتلك اللاعب بطاقته الدولية يعنى كلمة ( اعارة ) غير صحيحة .
* ينتهى عقد اللاعب مع الهلال السعودى يوم 1/7/2009 م
* فى استفتاء على قناة ( الزعيم ) التى يمتلكها الهلال السعودى
صــوت حوالى 97 % من انصار النادى باعادة تسجيل اللاعب للموسم المقبل
وعليه :
* يبتدى الموسم الكروى السعودى فى شهر سبتمبر المقبل .
* الان الدورى السودانى شغال ( اوكى ) مما يعنى ابتداء عقوبة
التائب المتبقية له اى التلاتة شهور .
* فى الفترة دى الهلال السعودى حيسجل تلاتة لاعبين اجانب ولما
التائب ( يكمل ) مدة الايقاف مع هلال الساحل حيرجع للهلال السعودى
كلاعب اجنبى رابع .
وده الكلام الدائر فى الاوساط السعودية الكروية والاقرب للحقيقة
ونفس السؤال اتوجه للامير عبدالرحمن بن مساعد رئيس نادى الهلال
ولكنه انكر ذلك .
ويا خبر بفلوس بكرة ببلاش ،،،،
لاعب مكانو اوربــــا تقول هلال الساحل
|
Post: #8
Title: Re: هلال الساحل السوداني سادس الدوري يفجر المفاجأة ويضم الليبي طارق التائب / توجد صورة لحظة الت
Author: عبد الدائم سيد أحمد
Date: 06-27-2009, 12:14 PM
Parent: #7
معليش ارجع ليك للاحتمال التانى
* تقدم الاهلى الامارتى ( مستضيف كاس العالم للاندية )
فى شهر ديسمبر المقبل بعرض الى اللاعب
وعليه برضو ارجع لكلامى الاولانى :
الان الدورى السودانى شغال ( اوكى ) مما يعنى ابتداء عقوبة
التائب المتبقية له اى التلاتة شهور
وبعد كده ممكن يسجل للاهلى الاماراتى بدون اى خسائر او ايقاف ..
خالص الود
|
|