Post: #1
Title: بالقانون الجديد للسجون حفظة القران والكتب السماوية افراج
Author: بلدى يا حبوب
Date: 06-25-2009, 03:01 PM
Quote: مجلس الوزراء يجيز مشروع قانون السجون ومعاملة النزلاء القانون يفرج عن النزلاء حفظة القرآن الكريم أو الكتب السماوية
الخرطوم في 25/6(سونا ) اجاز مجلس الوزراء برئاسة المشير عمر البشير رئيس الجمهورية في جلسته اليوم مشروع قانون السجون ومعاملة النزلاء لسنة 2009 مؤكدا اهمية القانون في جعل السجن مؤسسة اصلاحية غايتها مساعدة النزيل علي الاقلاع عن الجريمة والإندماج الإيجابي في المجتمع
وقال دكتور عمر محمد صالح الناطق الرسمي باسم مجلس الوزراء في تصريحات صحفية ان مشروع القانون الذي الغي قانون 1992م جاء مستوعباً لدور مستويات الحكم في إدارة السجون بموجب الدستور، واضاف ان المشروع راعى المعايير الوطنية والدولية في معاملة النزلاء مشيرا لاستحداث فصل جديد بعنوان تواصل النزلاء بالعالم الخارجي " الاسرة والتواصل والطلاع علي الاخبار " بجانب تناوله لموضوع الإفراج عن النزلاء حفظة القرآن الكريم أو الكتب السماوية الأخري
|
|
Post: #2
Title: Re: بالقانون الجديد للسجون حفظة القران والكتب السماوية افراج
Author: بلدى يا حبوب
Date: 06-25-2009, 03:04 PM
Parent: #1
القانون الجديد يترك عدة تفسيرات اهل القانون اهلن لها
افتكر بعد هذا القانون كل واحد داير يهبر ما عليهالا حفظ القران الكريم او الكتب السماوية الاخرى ويضمن خروجه بعد شهور
ده اخر تقليعه انقاذية
والله افتكر دعاية انتخابية لزوم اصوات نزلاء السجون
تحياتى
|
Post: #3
Title: Re: بالقانون الجديد للسجون حفظة القران والكتب السماوية افراج
Author: مزمل خيرى
Date: 06-25-2009, 03:22 PM
Parent: #2
بلدى ياحبوب
السجون والمعاملة بداخلها يحتاج الى بوست خاص ، تعامل افراد الشرطة مع المساجين يجب الوقوف عندها كثيراًُ
بجيك راجع وبحكى ليك قصة واحد قريبنا قعد فى السجن اكثر من 5 شهور بسبب زول ضمنو وذاغ منو .!!
معاملة رديئة للغاية وضرب بسوط العنج زى البهائم والله ، وبحكى ليك قصة الموبايلات جوة السجن والمـآسى والبلاوى وعن اشياء كتيرة عيونك حتدمع عشانة .. انتظرونى بس ..!!!
|
Post: #4
Title: Re: بالقانون الجديد للسجون حفظة القران والكتب السماوية افراج
Author: بلدى يا حبوب
Date: 06-25-2009, 03:26 PM
Parent: #3
الاخ مزمل
اتفق معك فالسجون والسجان وجهان لعلمله واحده والسجين مهضوم بين مطرقة السجون وسندان السجان
وياما فى الحبس مظاليم
بس الغربية ظهور المشروع الحضارى للافراج عن السجين
تحياتى
|
Post: #5
Title: Re: بالقانون الجديد للسجون حفظة القران والكتب السماوية افراج
Author: سيف النصر محي الدين محمد أحمد
Date: 06-25-2009, 05:08 PM
Parent: #4
| Quote: يفرج عن النزلاء حفظة القرآن الكريم أو الكتب السماوية |
سلام يا بلدي يا حبوب
يعني حكاية المسجون البيحفظ القرآن اثناء مدة محكوميته يقوموا يخففوا ليهو المدة او يفرجوا
عنه باعتبار أنو حفظه للقرآن الكريم يعتبر دليل على حسن سيره و سلوكه خلال تلك المدة..دي
مسألة مبلوعة و مفهومة لحد ما...لكن حكاية حفظ الكتب السماوية دي شنو؟؟
هل المسيحيين في السودان بقى عندهم خلاوي و شيوخ و مسابقات حفظ الانجيل الكريم و للا الحكاية
شنو؟ لأنو حسب علمي الناس ديل ما بيحفظوا كتابهم بنفس طريقة المسلمين!
و بعدين قول واحد مسيحي مسجون اتبنى بدعة مجلس الوزراء دي و حفظ الانجيل..آها البيسمّع ليهو
منو في الحالة دي؟؟
و بعدين شايف انو المشروع بيقول حفظ القرآن أو الكتب السماوية..طيب هل المسألة اختيارية؟
يعني ممكن مسلم يلقى انو التوراة اصغر من القرآن يقوم يختار أنو يحفظها..بيفرجوا عنو باعتبارو
حافظ كتاب سماوي و للا بيخرخروا؟
المهم يا قول تبارك.
|
|