Post: #1
Title: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 05:44 AM
Parent: #0
الشدره كِن وقعَتْ
بتقع فوق أختْها...
أنا خدم نقًارتى.....عجوز ....قٌمْ....قمْ
الغاشى يكلم الماشى ...والحاضر يكلم الغايب ....
بدور الفزع من عيال البقاره ....
الدلقاسم ول قور أبوحامد
|
Post: #2
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 06:01 AM
Parent: #1
The feeling of helplessly existence
They impoverishes us to the ashes
|
Post: #3
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 06:07 AM
Parent: #2
Crybabies
|
Post: #4
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 06:10 AM
Parent: #3
Lamentation
|
Post: #5
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 06:13 AM
Parent: #4
مِتِلْ ألوليد ألضيف.....
|
Post: #6
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 06:16 AM
Parent: #5
الوليد الضيف ...كان جميلا متل النخلة..
كان غريبا ....غريب أهل ,غريب ديار ...
|
Post: #7
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 06:29 AM
Parent: #6
كان كائنا من الكائنات ....
وشيئا من الأشياء .......
جاء الى العالم من غياهب الامعرفة .....
ثم نمى بين الجروف ، والوديان ..
انه أسطورة الوجع....والحُرقة الغائرة فى الصدر ..
|
Post: #8
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: طارق عمر مكاوي
Date: 06-25-2009, 08:02 AM
Parent: #7
كباشي من جهة الأم بينفع للفزعه دهـ يا استاذنا قور ؟
|
Post: #9
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: حماد الطاهر عبدالله
Date: 06-25-2009, 08:13 AM
Parent: #8
متابعين. الزول بلا أهلا شنو غلا
أفصح يا دكتور ؟
|
Post: #11
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 09:22 AM
Parent: #9
أستاذى حماد
Quote: متابعين. الزول بلا أهلا شنو غلا
أفصح يا دكتور ؟ |
زول فى عمرى أنا دا ..
يوم يخدم نقارتو مسار ...
بتن الوضوح الا كن دايرنى أسوى لى ضعينه عديل ....
|
Post: #10
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 09:15 AM
Parent: #8
يا أستاذ طارق
| Quote: كباشي من جهة الأم بينفع للفزعه دهـ يا استاذنا قور ؟ |
Quote: أهلنا الكبابيش
البعقروا الناقة الشايله
ناس الشيخ المر
والتوم ...ها دول يوم يجوك فازعين
معناه فرجها عليك....
الخلفو رجل فوق الرجل فوق ضهر السعور
أيوه أنت سيد الفزع |
عمك قور
|
Post: #12
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: احمد الامين احمد
Date: 06-25-2009, 10:09 AM
Parent: #10
شنو بتن قم لبلباصك؟؟؟
|
Post: #13
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: ضحيه ابراهيم
Date: 06-25-2009, 10:19 AM
Parent: #12
الزول الداير الفزع مابسير
بخدم نقارتها وبتحزم
وبلزم الجابره
وبرجى اخوانها
الا المسار معناها عرد
وانت ول قور ابوحامد
دفاع الشايله بى لبنها
تحكى لى امامتى زمان
ونحنا عيال دقاق
قالت قور ابوحامد
يوم يجى من الصيد
بوزع فى صيدها للناس
فى الدرب وكتير بيلحق فريقها
الا بى بندقيته
ومره قالوا بندقيته زاتها دفعها
زايله يا ام بنايا قشا
الله يفرجها عليك
ارقد عافيه
باقى نحنا الخليج كتل قلبنا دت
ورجالنا بقت دى العندك دى
تعاين لى اخوك وما بتقدر تفزعه
|
Post: #14
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Tabaldina
Date: 06-25-2009, 10:22 AM
Parent: #13
..
.
ان شاء الله خير بس
___________
تحياتى يا دكتور
|
Post: #17
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 10:40 AM
Parent: #14
الفارس تبلديا
| Quote: ان شاء الله خير بس |
كو ما خير ...
أنا بربط فى خمامى وعانى المطار
|
Post: #22
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-26-2009, 02:17 PM
Parent: #14
Quote: ان شاء الله خير بس
___________
تحياتى يا دكتور |
أخوى تبلدينا دا أنا من اللعد مالى بيًه ايدى..
لكن تاريِه هو زاقلنى بايده العسره..
لوكات لفتان على ما بلْفت
حرارى ماهنْ حرارى..
كِنْ عالهْ
بسمع كوراكْ وظغراطْ
شنوه؟ قال فلان كرًموه
شنوه ؟ قال فلان يِيِنْ يِيِنْ
وأنا قاعد متلْ شجرةْ النُخَامهْ!!!
|
Post: #16
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 10:36 AM
Parent: #13
ولد ضحية
Quote: باقى نحنا الخليج كتل قلبنا دت
ورجالنا بقت دى العندك دى
تعاين لى اخوك وما بتقدر تفزعه |
هاى يا المهدى
جع عج أت دا شنوه
أنا ذاتى يا ولضمى ترى مانى حارى منك فزع ...
و صحى كلامك حقى معراد.....
الا هيه الرجاله شراده ووراده ...
ها أقعد طيب
قور أبو حامد .....
مافى زول طاريه ......
مات سنة 1975م
حتوا.. ايدوهم ومشوا
********
|
Post: #15
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-25-2009, 10:28 AM
Parent: #12
الدكتور أحمد الامين
| Quote: شنو بتن قم لبلباصك؟؟؟ |
كو أنا مانى بلباصى ...
لكن بدور الفزع ..
|
Post: #18
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: احمد الامين احمد
Date: 06-25-2009, 09:53 PM
Parent: #15
الاخ دكتور ابو القاسم تحيه:
يقع على عنقك توظيف امكانياتك الجماليه والعلميه والدراميه الهائله والمبادرة بتوثيق عبر لهجه المسيريه التى تتنفسها توثيق تاريخ وتراث وفن منطقتنا المهمله تنمويا وجماليا واعلاميا خصوصا بعد هجره الاستاذ فضيلى وانشغال الاستاذ احمد عبدالله " ول مارن" بالعمل السياسى اليومى عليه ارجو ان تسعى باى شكل لتثبيت برنامج راتب عبر اذاعه ام درمان او البيت السودانى وذلك ضرورى يكون لك برنامج تلفزيونى توثيقى ثابت بتلفزيون المجلد الوليد لان تراث المنطقه الغنيه بالجمال فى طريقه الى الضياع عبر تسرب كبار السن الى المقابر الى جانب التحول الحياتى السريع السالب والتحول الديمغرافى بالمنطقه بسبب البترول الذى لم نرى خيره بمنطقتنا حتى الراهن هذا عشمى فيك يا دكتور وعشم كل ابناء المنطقه فى امكانياتك الدراميه ...
كتبت اعلاه وفى ذهنى حوار اذاعى طويل معك قبل سنوات طويله برنامج " عندما كنت صغيرا" وطريقتك فى الحكى بذلك اللسان الجميل بلهجه المنطقه اضف الى كتاباتك قديما بصحيفه الوان " بعد الانتفاضه" عن بعض الظواهر التى تشكل مهرجان بانورامى رائع بتلك المنطقه المجلد تحديدا كسوق الخميس وقطر نيالا ومروره ببابنوسه والتبون التى قضيت بها بعض عمرك وما يحدثه فى المنطقه من حراك وفرح عليه ضرورى تكتب وتوثق عبر الكاسيت والقلم واكثر من حادب من ابناء المنطقه تحت رهن اشارتك!!!
|
Post: #19
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-26-2009, 01:26 PM
Parent: #18
الدكتور أحمد
Quote: الاخ دكتور ابو القاسم تحيه:
يقع على عنقك توظيف امكانياتك الجماليه والعلميه والدراميه الهائله والمبادرة بتوثيق عبر لهجه المسيريه التى تتنفسها توثيق تاريخ وتراث وفن منطقتنا المهمله تنمويا وجماليا واعلاميا خصوصا بعد هجره الاستاذ فضيلى وانشغال الاستاذ احمد عبدالله " ول مارن" بالعمل السياسى اليومى عليه ارجو ان تسعى باى شكل لتثبيت برنامج راتب عبر اذاعه ام درمان او البيت السودانى وذلك ضرورى يكون لك برنامج تلفزيونى توثيقى ثابت بتلفزيون المجلد الوليد لان تراث المنطقه الغنيه بالجمال فى طريقه الى الضياع عبر تسرب كبار السن الى المقابر الى جانب التحول الحياتى السريع السالب والتحول الديمغرافى بالمنطقه بسبب البترول الذى لم نرى خيره بمنطقتنا حتى الراهن هذا عشمى فيك يا دكتور وعشم كل ابناء المنطقه فى امكانياتك الدراميه ...
كتبت اعلاه وفى ذهنى حوار اذاعى طويل معك قبل سنوات طويله برنامج " عندما كنت صغيرا" وطريقتك فى الحكى بذلك اللسان الجميل بلهجه المنطقه اضف الى كتاباتك قديما بصحيفه الوان " بعد الانتفاضه" عن بعض الظواهر التى تشكل مهرجان بانورامى رائع بتلك المنطقه المجلد تحديدا كسوق الخميس وقطر نيالا ومروره ببابنوسه والتبون التى قضيت بها بعض عمرك وما يحدثه فى المنطقه من حراك وفرح عليه ضرورى تكتب وتوثق عبر الكاسيت والقلم واكثر من حادب من ابناء المنطقه تحت رهن اشارتك!!! |
كما أنت صريح معى سأكون صريح معك يا أخوى
كلامك دا كله فوق بكانه ...أنا حاول أسوى شقل ...
حاولت أن أبنى كوزى أو حتى أم كدينق دينق ...
بقيت وحيدى فوق النقعة....
يا ولضمى التراب بقى خلى ...والعيشه صعبة
ناس الخراتيم دول زى الموية تحت التبن...
العيال كبروا ...
والعمر جرى ......
أنا خدم نقارتى معرًد عديل ...
داير بكان زى بكانك الشقال فوقه دا
أو كن لقيت بكان آخر كمان بدوره ...
زولك ول ضحية بلكلم قال فى قور أبو حامد .....
قور أبوحامد مافى زول طاريه ....
دكتور أحمد أن خلاص مهاجر ....
دار الله واسعه ...
وألله ما شق حنكا ضيعه....
التور دخل الفساله ...
|
Post: #20
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-26-2009, 02:06 PM
Parent: #19
أحمد ول ضحية عرُد
أحمد ول الامين عرُد
حامد ول شارف عرُد
محمد ول الدقم عرٌد
آدم ول بريمه عرد
شحتو عرد
فضيلى ول جماع عرد
كلكو عرُدتُوا....طب كى
أنا البقعدنى شنوه .....
حارس لى نقره ورلها سارح ....
من النهار دا ....أنا معرد
خبرى يجيبنه دقاقات التاش
|
Post: #21
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-26-2009, 02:08 PM
Parent: #20
زقلتونى عٌوُد مشْماشْ!!!
|
Post: #23
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Hamid Sharif Abdelrasoul
Date: 06-26-2009, 02:52 PM
Parent: #21
الأخ / دكتور أبو القاسم قور
كيف حالك
وحيات عود القنى أبو شام ( كان ما بتعرفه دا عود الحربة
الكبيرة ) أنا ماني مجرب و ما جرى مني دم إلا في ( لكت )
وريني عدوك وين و أمشي أرقد نوم .
إت يا أبوالقاسم أنا قبل كدة كلمتك الهجرة ما بسموها تعريد
و نحن من زمان قلنها شعرا ........
نحن الرعاة...... نرحل
* * * * * *
متى ما تكاثر الذباب
* * * * * *
وتناطحت خرافنا
* * * * * *
وجفت الأضاة
* * * * * *
يا أبوالقاسم أنا رأي فيك زي رأي أحمد الأمين ( البلباص )
ما بنفع أحزم قرافك تعالني هنا .
وشكرا
حامد شارف
|
Post: #24
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: طارق عمر مكاوي
Date: 06-26-2009, 03:55 PM
Parent: #23
انت يا ود قور كان عردت بتبقي خسارة كبيرة و الله ..
خسارة تضاف لمجموع هزائمناو خساراتنا اليومية في ها البلد .
وردي غنا مره
قالـوا شتو و راحو
وفي المنافي مشو إستراحو ..
|
Post: #26
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-26-2009, 05:51 PM
Parent: #24
الحبيب طارق
كيف حالك
Quote: انت يا ود قور كان عردت بتبقي خسارة كبيرة و الله ..
خسارة تضاف لمجموع هزائمناو خساراتنا اليومية في ها البلد . |
لا مفر يا أخى ..
عندنا مثل بقول ( البنونى بغنى) ..
أنا نونيت من زمان...
لكن كل يوم بقول أخير أصبر ..
العيال كبروا .....
بعدين يا أخوى البلد أنا أديتا الكفاية ..
كنت عاوز يوم واحد يجينى زول يقول لى شكرا
البقدر عليهو كلو عملتو يا أخوى ...
بعدين ربنا بسألنا كمان من نفسنا ...
|
Post: #25
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-26-2009, 05:45 PM
Parent: #23
ولد أبوك حامد
دا الكلام النجيض
أنا حاله كن عرًد عديل أخوانى المثلك بضارونى وبالحجى فيهم
Quote: أحزم قرافك تعالني هنا .
وشكرا
حامد شارف |
يا أخوى انا جيتك
الصيدِه دخلت فساله ...
والله خلاص قلبى طمى ..
من بحل بالايدى ...بقيت أحل بالسنون...
|
Post: #27
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: محمود الدقم
Date: 06-26-2009, 09:07 PM
Parent: #20
ولض ابا بلقاسم كيكيفك؟
الشجرة دوت كيه ماوقعت، شجرتك خدرة، والبار (البقر) سارحات فوق الخدار، عيالك جمبك، كِِن جاك وجع راس ساااااكت، كل ناس الفريق بفزعوك، وكّلوكّ كيه سواسية مثل اسنان المشط، وانحنا في درنقل الغربة الصقيع في غربتنا سواسية متل اسنان كلاب البوطة.
ولض ابا، يوم ركبنا القطر، انحنا خليناك ورانا تسد الفرقة، اتا ولض ابا ماالفكي ذاااتا، شُغلنا دادا ما مُعراد، الا دي سنة الجَحم، مرقنا قال طلب للعلم، ووكت تواقنا في المرايه، الا الجلحات سرحت، والرقبة كنكشت، والهم قنطّر في القلب، الا تسمع فلان ازوج، فلان اشتري بقر، فلان عندي تلاته اولاد، وناس السودان، الا ما يطلبه المستعون، وداك ول بريمة في واشنطن الا بيقول يا عَدَي..ياعدَي..ياعدَي، دي امريكا؟ جا عج؟ ولض ابا كان داير نصحيتي، خلييك بكانك، في لُب الفريق، مع الكوّل والدخُن والسمن والشرموط، انحنا الدرب راح لينا في الموية دوت، وسلّم على الجميع.
اخوك محميد ول الدقم.. جوار المحيط الاطلنطي.. الهوان..
|
Post: #28
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: حماد الطاهر عبدالله
Date: 06-27-2009, 07:50 AM
Parent: #27
يا د. أبو القاسم
تحياتي
انت ولد الضكر البعشي الفريق والفرقان المجاورة.
و قور أبوحامد ( عليه رحمة الله ) الناس طاريناو طاربيين عياله والجاب عيال ما مات.
والدنيا فلندقس والزمان دفيس. والوصية ليك في أبو مهلة.....
كن قمت ساير لا تكتر العواير. والبوبية خلي ليك فوقها شعبة إمكن تخدر وتسوي ليك ضل.
ودارا ما ها درك ارنبها بتاكل عيالك. والبخيت يشوف في أخوه.الناس العردوا ما جابو فال.
والسمعة أخير من طولة العمر. بكانك الإتا قاعد فوقوه دا أخير ليك.
والعرجة لمراحها. وإحنا مقبلين ليكم بس الفرق بينا وبينكم ضحوة.
|
Post: #29
Title: Re: عيال بقاره الشدره كن وقعت بتقع فوق أختها داير الفزع خلاص أنا بدور المسار
Author: Abuelgassim Gor
Date: 06-27-2009, 08:00 AM
Parent: #27
ولد أبوك الدقم
Quote: ولض ابا، يوم ركبنا القطر، انحنا خليناك ورانا تسد الفرقة، اتا ولض ابا ماالفكي ذاااتا، شُغلنا دادا ما مُعراد، الا دي سنة الجَحم، مرقنا قال طلب للعلم، ووكت تواقنا في المرايه، الا الجلحات سرحت، والرقبة كنكشت، والهم قنطّر في القلب، الا تسمع فلان ازوج، فلان اشتري بقر، فلان عندي تلاته اولاد، وناس السودان، الا ما يطلبه المستعون، وداك ول بريمة في واشنطن الا بيقول يا عَدَي..ياعدَي..ياعدَي، دي امريكا؟ جا عج؟ ولض ابا كان داير نصحيتي، خلييك بكانك، في لُب الفريق، مع الكوّل والدخُن والسمن والشرموط، انحنا الدرب راح لينا في الموية دوت، وسلّم على الجميع.
اخوك محميد ول الدقم.. جوار المحيط الاطلنطي.. الهوان.. |
يا المهدىىىىىىىىىىىىىىىىىىىىىىىىىىى
الفَرقًهْ بِقِتْ لىَ كبيرهِ ...ات الفرقة الخليتها وراك قبيلة كاملة مابتقدر تسدها ...
أنا يوم صباى سن الفيل وحيدى بشيله...
لكن يا ولض أمى العمر دحلوب ....
والدنيا القايطت فوقنا طب ....
والعيال كبروا وقعدوا بسألوا من بيتهم .... بشوفوا ابوهم من ايجار لبيت ايجار بطردوا مثل كلب
الجزاره ...
الزول ما بداوس ببخسته فوق كوعه ..أخوانا دول بقو بطرانين حار..
كن قل ليك كليمى صغيره بركبوك أم حدبو..هيه يا ولد أبوك خدم نقارتى مسار عنيت جنوب
أفريقيا ....تحت ...تحت فى جامعِه هناك قالوا لى تعال درس معانا...زمان فى صباى زرتها قًدًم فوقها
محاضرات ..فى لب الخواويج الا (فيس وييس)...
| Quote: جوار المحيط الاطلنطي |
سوعالى ليك ...المحيط هنا الأطلنطى دا قدر الجُرف ؟ مثل الماروية ، تميس وكونقا الطلحه !!!
وفقوها حوت مت بلابيط بحرنا ولا بحر هنا خواجات عيال جون ساكت...
أقعد طيب
أخوك الدلقاسم ول قور ( ابو عرقوب بطل الرياضيات)
|
|