Post: #1
Title: سقوط عربة قلاب هينو من كوبري كوبر
Author: omer osman
Date: 06-24-2009, 12:52 PM
قبل قليل
|
Post: #2
Title: Re: سقوط عربة قلاب هينو من كوبري كوبر
Author: omer osman
Date: 06-24-2009, 12:56 PM
Parent: #1
العربة كانت في طريقها من الخرطوم - كوبر
سقطت جهة محطة المياه الواقعة شمال محطة كهرباء بري
ارتبكت حركة السيارات تماماً في منطقة الكوبري والشوارع المجاورة.
لا معلومات عن ضحايا حتى الان.
|
Post: #3
Title: Re: سقوط عربة قلاب هينو من كوبري كوبر
Author: مزمل خيرى
Date: 06-24-2009, 12:57 PM
Parent: #1
بس ..؟؟
|
Post: #4
Title: Re: سقوط عربة قلاب هينو من كوبري كوبر
Author: omer osman
Date: 06-24-2009, 01:00 PM
Parent: #3
لا ......... السواق رجعه الكبري تاني !!!!!!!!!!!
|
Post: #5
Title: Re: سقوط عربة قلاب هينو من كوبري كوبر
Author: مزمل خيرى
Date: 06-24-2009, 01:04 PM
Parent: #3
طيب ياابوعفان
سبب الحادث شنو ؟؟
العربية كان فيها كم نفر مثلاً ، فى عربات تانى فى الكبرى اتضررت يعنى الهينو صدم اى عربية ولا وقع فى البحر طوالى .؟؟
متابعين .. ادينا الاخبار اول باول ونسأل الله السلامة للجميع
|
Post: #6
Title: Re: سقوط عربة قلاب هينو من كوبري كوبر
Author: نوفل عبد الرحيم حسن
Date: 06-24-2009, 03:52 PM
Parent: #5
ربنا يكتب سلامة من عليها
جاء في الاخبار ايضا سقوط عربه امجاد قبالة ساحل توتي
بداخلها 4 افراد ... تم انقاذهم وهم جميعا بخير والحمد لله
|
Post: #7
Title: Re: سقوط عربة قلاب هينو من كوبري كوبر
Author: حيدر حسن ميرغني
Date: 06-24-2009, 04:14 PM
Parent: #6
عمر
خوفي القلاب ده يكون "طاشم" بالوقود المستخلص من قصب السكر اللي دشن انتاجه البشير قبل ايام
قالو كريستال بلح عديل
نسأل الله سلامة عربات بلادنا من الادمان
|
Post: #8
Title: Re: سقوط عربة قلاب هينو من كوبري كوبر
Author: عبدالعزيز الفاضلابى
Date: 06-24-2009, 04:45 PM
Parent: #7
ربنا يلطف ,,
العربات دى كابين ليها ايثانول ولا مالا بتترتح فى الكبارى.
|
Post: #9
Title: Re: سقوط عربة قلاب هينو من كوبري كوبر
Author: awad okasha
Date: 06-24-2009, 06:23 PM
Parent: #8
سونا: سقطت شاحنة هينو مؤجرة لشركة سيقا للدقيق اليوم من على كوبري القوات المسلحة ، واصيب شخص واحد ونقل إلى حوادث مستشفي الشرطة لتلقي العلاج، وحالته الصحية مستقرة.
وصرح اللواء الطاهر محمد رباح مدير الادارة العامة للمرور ان الحادث وقع نتيجة عطل في ماكينة الشاحنة مما افقد السائق السيطرة عليها وادى إلى سقوطها أسفل الكوبري على عربة اجرة بدون ركاب كانت تقف اسفل الكوبري واضاف ان الشاحنة كانت تسير من الخرطوم في طريقها إلى الخرطوم بحري واضاف أن قوات الشرطة هبت إلى موقع الحادث واتخذت الاجراءات الفنية والقانونية اللازمة ، مما ادى إلى انسياب حركة المرور داخل الكوبري وازالة اثار الحادث.
|
Post: #10
Title: Re: سقوط عربة قلاب هينو من كوبري كوبر
Author: willeim andrea
Date: 06-25-2009, 10:54 AM
Parent: #9
حمدلله علي سلامة البشر....
لما سمعتا الكبري اتخيلته الناس وقعت البحر... والمنظقه ديك غريقه شديد.... اها جات في عربية التكسي ... الله يعوض الناس ديل كلهم ويسلمهم من المحن ...
مع التسليم بالقضاء والقدر
بس عايز اوقول الاتي:
اكيد في فحص دوري قبل الترخيص وجهد مبزول للرقي بالخدمه .... بس ياربي كافي .... وهل هناك اي لوائح تاخذ في الحسبان العمر الافتراضي للعربات ... وهل هناك اتباع صارم للمواصفات العالميه لسلامة البشر والطريق...
وهل هناك اهتمام بالبيئه وكمية ثاني اوكسيد الكربون الطالعه من العربات العتيه دي وغيره.....
من الصوره دي عربيه لوري هينو 4 في 2 وزيها 6 في 4 والمحاور الخلفيه 16 طن والاماميه يمكن حوالي 8 طن ....يمكن موديل اؤاخر السبعينيات بداية الثمانينيات من القرن الماضي واكيد في اقدم من كده ....... في شوارع اوربا وغيره مافي ليها طريقه تمشي وما مصرح ليها بالسير يعني ما بتترخص ( يمكن المتحف بس ) ..... ياربي سمعنا بي يور 4 وما فووق
الموضوع طويل .... وهي رساله للمسئولين في الحركه والطرق والجسور والجمارك وغيره من جهات الاختصاص بالاهتمام بترخيص العربات الصالح للسير في هذا الزمان خاصتا بعد ما بقي عندنا كباري وجسور ماشاء عديده وطرق دائريه والامور ماشه في تطور ..... ولا مجال للمجامله لانو الحكايه فيها هدر للاقتصاد وارواح الناس كمان.
احترامي وتقديري للكل
|
|