Post: #1
Title: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 02:06 PM
قبل 3 أشهر تقريبا وأنا سايق فى شارع الوادى ، جاء واحدسايق دفار وخش فى عربيتى من الخلف ولحقا أمات طه ، نزلت شيل وخت شيل وخت ، الراجل قال
مافى داعى نستدعى شرطة المرور لانه مخمور وده بيدخلوا فى حيص بيص .ومستعد لصيانة العربية ، قلنا خير ، وبينما بنزل فى عربيتى من
الاسفلت لنتفق على موعد اللقاء ليقوم بصيانة العربية ، فإذا بالراجل يقوم جارى ويهرب ... وبعد مطاردة وتدخل من شرطة النجدة تم القبض
على الراجل ، ودخل الحراسة ، وجاء أهله واتلملموا على الطريقة السودانية ، وشيل خت شيل خت تااااانى تنازلت عن حقى بعد طلب من من
أعتبرهم فى مقامى والدى عليه الرحمة ....
ده الموقف الأول
والتانى
كنت برفقة احد الزملاء فى الخرطوم وفى وقت متأخر صدمنا من الخلف أحد الشباب عند توقفنا وفقا لتعليمات الاشارة الضوئية ... وبرضو
الراجل قال ياجماعة مافى داعى نمشى الاقسام والاجراءات وكان معاه والدته واخواته ... فتعهد الشاب بالصيانة وأعطانا رقم جواله... ومن
الصباح قفل شريحتو ... ولى اليوم ...
أما الموقف المحيرنى هسى وداير فتواكم انى اعمل فيهو شنو هو ... أمس الاول وانا سايق فى بحرى شارع الازهرى جاء حاج كبير فى السن
يقود عربة امجاد وخش فى الشارع غلط ، وحصل الامر المؤسف ... حادث ... وكان شرطى المرور حاضرا ... ووبخ الرجل وشرع فى الاجراءات
الرسمية ، عمنا شايل ترحيل اطفال ... وقال لى ياولدى مافى داعى للاجراءات وانا بتكفل بالصيانة ... فاقنعت شرطى المرور بان لاداعى
نودى الراجل الكبير ده القسم طالما التزم بالصيانة ... وفعلا شكرنى على ذلك احد اباؤه الذى تكفل بدوره بالصيانة ...
وبعد داك .... دى بى طينة ودى بى عجينة .... الولد حالف مايرد على اى تلفون ...
الحاج الكبير قال ما ح يدفع لانو اصلا مابيقدر
عنوان بيتو عندى ... ساكن الركابية ...
طيب الموضوع ما موضوع قروش
لكن اعمل شنو .... أسيبم وبس ؟
اولاد الراجل الالتزمو ونقضوا العهد ... اخليهم ساكت ؟
ما تشتغل بأيى زول تانى وتتمسك باقانون حتى ولو الزول قدر ابوك ؟
محتار والله ...
منتظر رايكم
|
Post: #2
Title: Re: يا جماعة أفتونى عليكم الله ... حاجة تحير والله .
Author: ممدوح أبارو
Date: 06-23-2009, 02:20 PM
Parent: #1
وإنت ياخوي لزومو تعمل تلاته حوادث؟
|
Post: #4
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 02:26 PM
Parent: #2
أبارو
أنا ما عملت ، اقرأ كويس ... كلهم خاشين فينى ....
وبرضو منتظر رايك اعمل شنو فى الاخير ده
|
Post: #8
Title: Re: يا جماعة أفتونى عليكم الله ... حاجة تحير والله .
Author: ممدوح أبارو
Date: 06-23-2009, 02:31 PM
Parent: #4
عارف يا محيو أكبر مصيبه عند كسودانيين هي (حصل خير وعوجه مافي )
ديل موش يضيعو حقك يضيعوك إنت في رقبتك
ياخ نحنا لسه بنعفي الرقبة!!!
|
Post: #3
Title: Re: يا جماعة أفتونى عليكم الله ... حاجة تحير والله .
Author: محمد عبد الماجد الصايم
Date: 06-23-2009, 02:25 PM
Parent: #1
البتلم فيهو من ديل أصلوا ما تخليهو .. البوليس بس!
|
Post: #5
Title: Re: يا جماعة أفتونى عليكم الله ... حاجة تحير والله .
Author: الطيب شيقوق
Date: 06-23-2009, 02:29 PM
Parent: #3
محيو ات بتتلفت مالك وات سائق؟
|
Post: #6
Title: Re: يا جماعة أفتونى عليكم الله ... حاجة تحير والله .
Author: الطيب شيقوق
Date: 06-23-2009, 02:29 PM
Parent: #3
محيو ات بتتلفت مالك وات سائق؟
|
Post: #9
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 02:33 PM
Parent: #6
| Quote: محيو ات بتتلفت مالك وات سائق؟ |
ودشيقوق .... فى داعى ياعمك ....
وبعدين انت عارف انا مابتلفت ( بطلنا زمااااااان )
عالم تجيب الهوا بس
|
Post: #7
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 02:29 PM
Parent: #3
ود الصايم ياعمك
البوليس مابقصر طبعا
لكن واحد سكران .. وانت عارف البوليس ح يعملو شنو ... وواحد معاه امو واخواتو وديل ليهم حرماتم ... والأخير كبير فى السن
يعنى كلهم مافى داعى للبوليس .... طيب
حاجة تحير
تخريمة...
الحادث بتاع امس الاول كنت جايى من العوض المسلمى ووهبة
|
Post: #10
Title: Re: يا جماعة أفتونى عليكم الله ... حاجة تحير والله .
Author: نوفل عبد الرحيم حسن
Date: 06-23-2009, 02:36 PM
Parent: #7
سيبك من العربات الكوريه دي .. اي زول حاقر بيها في الشارع
سوق دبابه وخلي واحد تاني يجي يصدمك
تقديرك للسن وللتلاته مواقف مقدر جدا
لكن كمان ما اي زول بستحق الطيبه دي كلها
خلي القانون ياخد مجراهو
تحياتي
|
Post: #11
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 02:39 PM
Parent: #10
Quote: سيبك من العربات الكوريه دي .. اي زول حاقر بيها في الشارع
سوق دبابه وخلي واحد تاني يجي يصدمك
|
نوفل ياحبيبنا
الغريبة الحادث الاخير عمك كان سايق امجاد ....
لكن ما وريتنى اعمل شنو للاخير ده ....
|
Post: #13
Title: Re: يا جماعة أفتونى عليكم الله ... حاجة تحير والله .
Author: محمد عبد الماجد الصايم
Date: 06-23-2009, 02:42 PM
Parent: #10
| Quote: لكن واحد سكران .. وانت عارف البوليس ح يعملو شنو |
أهو دا بالذات مفروض ما تسيبو كلو كلو
دا عدم مسؤولية منو إنو يسكر ويطلع يدقش في خلق الله!
هسي لو ما ربنا ستر وجات فيكـ ممكن كان
صحبكـ دا يخش ليهو في عائلة ويتسبب في وفيات!
أها بي فكتكـ ليهو دي بتخليهو يمشي في حركاتو دي زيادة!
|
Post: #15
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 04:02 PM
Parent: #13
ود الصايم
ركز معاى برضو شوية ... إنى فى الحادث الأخير كنت جايى من العوض المسلمى ووهبة امس الاول
|
Post: #12
Title: Re: يا جماعة أفتونى عليكم الله ... حاجة تحير والله .
Author: ASHRAF MUSTAFA
Date: 06-23-2009, 02:40 PM
Parent: #7
ولدنا محي
ازيك ياخ
مشتاقين
انا رايي انك تسلم نفسك لاقرب شرطة مرور
ورجعك ليهم الرخصة كمان
او علي الاقل سلم نفسك لجنابو عمر عثمان
وذلك اضعف الايمان
|
Post: #16
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 04:06 PM
Parent: #12
أشرف مصطفى
كيف يازول أسلم نفسى .... ركز معاى أنا مجنى عليه .... يعنى ( طاقشنى) من الخلف ....
ولا أنا ما فهمتك يكون
|
Post: #14
Title: Re: يا جماعة أفتونى عليكم الله ... حاجة تحير والله .
Author: مزمل خيرى
Date: 06-23-2009, 02:45 PM
Parent: #3
اخ محى الدين
اولا الف حمدلله على السلامة والبركة الجات فى الحديد زى مابقولوا
والله امر مؤسف البيحصل دة .. الواحد يكون غلطان ويقعد يتجرس عشان مايمشى قسم الحركة لانو ما مؤمن او ماعندو رخصة او ..او ..او
ونحن السودانيين ناس طيبين جدا ودا من اكبر العيوب عندنا ..!! الواحد عشان طيب حقو يضيــع ..!!
ويتدخلوا الاجاويد وهاك ياوعود .. حرم العربية عربيتنا تب ، على بالطلاق اصلكـ ماتشيل اى هم انا ابوك يا السرة ,, هيييع ..!!
هاك دة تلفونى وبكرة من الفجر نمشى لود عمنا فى المنطقة الصناعية والعربية يوم يومين ترجع عروس ..
اها خلاص مسكل لى فى تلفونى .. سجلتوا خلاص .؟؟
يازول ودعناك الله للصباح ..
وووووو ..
الصباح ..
صاحبنا جبريل يتشنط يلبس ويمسك التلفون ويضرب لصاحبنا وو .. وو .....
عفوا هذا المشترك لا يمكن الوصول الية حاليا .. الرجاء التكرم بالاتصال لاحقــاً..
محيي الدين ..
معليش يعوضك صاحب العوض ....!!
|
Post: #17
Title: Re: يا جماعة أفتونى عليكم الله ... حاجة تحير والله .
Author: نوفل عبد الرحيم حسن
Date: 06-23-2009, 04:10 PM
Parent: #14
| Quote: إنى فى الحادث الأخير كنت جايى من العوض المسلمى ووهبة |
في الحاله دي يعوضك العوض بعربيه كرت كرتونه
ووهبه يدفع قروش الترخيص والبنزين لمدة سنه
|
Post: #19
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 04:14 PM
Parent: #17
Quote: ووهبه يدفع قروش الترخيص والبنزين لمدة سنه
|
ينصر دينك يانوفل
|
Post: #18
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-23-2009, 04:11 PM
Parent: #14
Quote: محيي الدين ..
معليش يعوضك صاحب العوض ....!! |
مزمل انت عارف ذكرتنى واحد قريبنا ... عنده قطية بصل ، البلطجية حرقت لسبب ما .. المهم لاقيتو فى السوق وقلت ليهو : ربنا يعوضك
ياحاج ... فالراجل رد على بزعل : نان باقى ؟ مانى قايل
وهسع أنا برنا يعوضنى
|
Post: #20
Title: Re: يا جماعة أفتونى عليكم الله ... حاجة تحير والله .
Author: Khalid Saeed
Date: 06-23-2009, 04:17 PM
Parent: #14
الأخ العزيز / سعد الدين
تحياتي ،
مفروض .. تعمل الآتي :
1- تمشي تشرب ليك خمرة [ من باب الضرورة ] .
2- تسلف ليك أمجاد من أي واحد بتعرفوا .
3- تشيل ناس البيت كلهم معاك في الأمجاد [ الوالدة والأخوات والزوجة والأولاد ] .
4- تقطع إشارة .. وتصدم ليك واحد من الخلف قدام البوليس ..
نجي للجد :
الغربة علمتنا أشياء سيئة .. وإشياء جيدة ..
من الأشياء السيئة .. أنها كتلت بعض حاجاتنا الحلوة [ الجودية والواسطات وحسن النية في التعامل في هذه الأشياء] ..
ومن الأشياء الجيدة [ علمنتنا كيف نتمسك بحقوقنا ] ..
في أول أيام غربتنا قبل أكثر من 19 عام .. كنت أستغرب عندما أرى سعودي [ يقود عربية ثمنها ملايين الجنيهات بالسوداني ] .. ولكنه لايتنازل عن صدمة صغيرة في عربيته [ قد يكون الضرر لايكلف 100 ريال سعودي ] ولكنه يصر على حضور الشرطة .. ودفع تكلفة الإصلاح .. بل يصر على أن تصلح سيارته في الوكالة ..
فبمرور الزمن أصبحنا مثلهم .. لانتنازل عن حقنا أبداً .. لابد من الإجراءات القانونية .. ثم بعد ذلك نرى مايمكن أن ينتج من حلول ..
تحياتي،
أخوك/ خالد الأرباب
|
Post: #24
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-24-2009, 08:17 AM
Parent: #20
الأرباب
Quote: من الأشياء السيئة .. أنها كتلت بعض حاجاتنا الحلوة [ الجودية والواسطات وحسن النية في التعامل في هذه الأشياء] ..
|
طبعا دى نحن متمسكين بيهابيدينا وكرعينا لكن التمن على طوووول ندفعوا
شكرا الارباب
|
Post: #21
Title: Re: يا جماعة أفتونى عليكم الله ... حاجة تحير والله .
Author: GamarBoBa
Date: 06-23-2009, 04:20 PM
Parent: #14
يا ود جبريل كييفك
اشتري ليك صدام خلفي وامامي واربطهم فوق يضربوا انزل غير وامش
ونصحية اخوية..لو لاقاك زول سكران ولا شايل ترحيل ولا اسرة ولا قيامة رابطة.. جيب ليهم انت بتاع تكسي ولا امجاد من حسابك وأوعي تفك الزول المعاك..خلي البوليس يجي وبعد تلاتة ايام تشيل قروشك من التأمين
انا ذاتي اتنكبت لي في زول شارع راجل كبير بفهمك ده ذاتو ضربني قروش وزارغ بأوراق ليه شهر قافل تلفونه
|
Post: #22
Title: Re: يا جماعة أفتونى عليكم الله ... حاجة تحير والله .
Author: سيف الدين حسن العوض
Date: 06-24-2009, 08:07 AM
Parent: #21
الحبيب / محي الدين حبريل
اعمل كما عمل صاحبنا في القصة دي وما تمشي تاني للعوض بتاع الكرين ده
رجل طلق زوجته .. لا لعيب خلقي فيها وانما لأنه يعتقد بأنها نذير
شؤم عليه ... ففي المحكمة ... وقف الزوج امام القاضي يحكي ويشكي ويشرح
أسباب ودوافع الطلاق حتى لم يدع شيئاً لم يقله ..
بينما وقفت الزوجة الصامته ولم تنطق بكلمة ... قال الزوج .. تصور يا
سيادة القاضي .. اول يوم رأيتها فيه كانت في زيارة الى بيت الجيران
فأوقفت سيارتي عند الباب الخلفي وذهبت لأتلصص من بعيد، وما هي الا ثوان
حتى سمعت صوت اصطدام عظيم فهرعت لأجد عربة جمع القمامة قد هشمت سيارتي.
وفي اليوم الذي ذهب اهلي لخطبتها .. توفيت والدتي في الطريق وتحول
المشوار .. من منزل العروس الى مدافن العائلة .. وفي فترة الخطوبة كنت
كل مرة اصطحبها إلى السوق يلتقطني الرادار. واذا حدث وخففت السرعة
استلمت مخالفة مرورية بسبب وقوف في مكان ممنوع !! فهل هذا طبيعي سيادة
القاضي ..؟!
ويوم العرس شب حريق هائل في منزل الجيران، فامتدت النيران الى منزلنا
والتهمت جانباً كبيراً من المطبخ. وفي اليوم التالي جاء والدي لزيارتنا
فكسرت ساقه، بعد ان تدحرج من فوق السلم ودخل المستشفى وهناك قالوا لنا
انه مصاب بداء السكري على الرغم من تمتعه بصحة جيدة وأخذناه للعلاج إلى
الخارج ولم يعد يومها للبلاد ... الى الآن. وكلما جاء اخي وزوجته
لزيارتنا، دب خلاف مفاجئ بينهما، واشتعلت المشاجرات واقسم عليها بالعودة
الى بيت اهلها. وكانت كل عائلة تهمس لي بأن زوجتي هي سبب المصائب التي
تهبط علينا، لكنني لم اكن اصدق فهي زوجة رائعة وبها كل الصفات التي
يتمناها كل شاب .... لكن يا سيادة القاضي .. بدأت ألاحظ إن حالتي المادية
في تدهور مستمر وأن راتبي بالكاد يكفي مصاريف الشهر، وبالامس فقط، فقدت
وظيفتي .. فقررت الا ابقى هذه الزوجة على ذمتي ...!
فأمر القاضي أن يرد زوجته الى عصمته وأقنعه بأن كل هذه الحوادث طبيعية
لا دخل لها فيها، وأن تشاؤمه منها مبعثه اللمز المتواصل عنها. لكن قبل
ان يغادر الرجل القاعة مع زوجته، تسلم القاضي رسالة بإنهاء خدماته ..
فعاد القاضي ونادى على الزوج .. وقال له .. اقولك .. طلقها يا ابني ..
طلقها .. طلقها بسرعة ..
كمان ما تفهمني غلط وتقول المرة هي السبب انا قلت ليك ناس العوض وبس
|
Post: #23
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-24-2009, 08:12 AM
Parent: #22
أستاذى سيف الدين العوض كيف حالك
صاحبك ده أحسن منو الطلق مرتو عشان عصرت صباع المعجون من النص
أستاذى طبعا أنا متأسف إنى ما قابلتك فى ملتقى الإعلاميين
كن بخير دائما
|
Post: #25
Title: Re: يا جماعة أفتونى عليكم الله ... حاجة تحير والله .
Author: محي الدين جبريل
Date: 06-24-2009, 08:21 AM
Parent: #21
قمر بوبا يانجم الإنجمامة
Quote: يا ود جبريل كييفك
اشتري ليك صدام خلفي وامامي واربطهم فوق يضربوا انزل غير وامش
|
قال صدام قال .... إنت عارف انا كنت رابط واحد للبوكس ... فى بتاع مرور فى شارع الوادى بقى محارسنى كل صباح ب 30 ألف
الغريبة دى مخالفة ما مكتوبة ضمن المخالفات المرفقة بالإيصال ...
فكيتو وشكيتم لى الله
|
Post: #26
Title: Re: يا جماعة أفتونى عليكم الله ... حاجة تحير والله .
Author: العوض المسلمي
Date: 06-24-2009, 08:35 AM
Parent: #25
اولا الفيك اتعرفت يا ود جبريل ,,,
حادث حركه وما تديني خبر ؟؟!!!!!
ثانيا شايل حالي ساهي ..انت كنت معانا في السوق وكنا نتمني تكون معانا في البيت ,,,
وعفي الراجل وزح بعيد يا عمك ,,,
كفارة يا شقيقي ود جبريل ابوي ,,,
|
Post: #27
Title: Re: يا جماعة أفتونى عليكم الله ... حاجة تحير والله .
Author: Hisham Ibrahim
Date: 06-24-2009, 09:00 AM
Parent: #26
يا محي الدين
أنا غايتو بعزي حوادثك دي لي إنو ما عندك تقدير كويس في السواقه
السواقه دي 70 % منها تقدير
يعني لمن تقيف في إشاره ما تقيف ببـ كدا !
شوف الوراك دا فاتح شديد والا ممكن يفرمل
ولو في واحد بي الجمبه داخل الشارع !
قدر بتتحاشاهو والا بينحشر فيك بي الجنبه
ولمن تسوق ما تتونس والا تتكلم في الموبايل خصوصاً الخرطوم دي بقى
آي زول بيسوق فيها ما زي زمان !
زمان الناس البتسوق كانت واعيه !
وما تخلي زول عمل معاك حادث يمشي منك الا بعد البوليس يجي !
هسه لو بعد حادث لقيت تفتيش ! والا كشه ! ،،،،
ثقافة الحوادث عندنا مفروض تتغير لي أحسن من كدا كتير
إنت الناس خلو سب الدين والشكل بعد الحوادث والا شنو ؟
هسه إنت كان سبيت دين وجريت ليك عكاز كان صلحوها ليك ،،
لكن كلهم قالوا دا ماسوره ساي وما بسوي حاجه عشان كدا
إتزحلقوا منك وخلوك في الطراوه !
وخلوك تجي تفتش بي البوستات تعمل شنو !!
يا دقوسه !
صلح عربيتك وإستعوض الله وتاني ما تعمل كدا لو دقشك عمر الجُـزلي زاتو !
بالمناسبه مره في سوق أمدرمان لقيت جمب بيت عمر الجزلي وراء البنك التجاري لقيت
ليك عمر الجزلي دا ماسك ليك واحد بتاع دفار وبيسوي فيهو البدع !
لكن بيني وبينك بتاع الدفار كان غلطان !!
أكيد أكيد حا نتطاقش يوم أكيد انشاء الله ( اقصد نتقابل )
هشام
|
|