Post: #1
Title: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخيرة !!
Author: سفيان بشير نابرى
Date: 06-22-2009, 01:11 PM
Parent: #0
التحية والتجلة والتقدير للجميع
كذلك الاحترام لكافة الاخوة في حزب الأمة القومى
وهو احد اهم الاحزاب السودانية في تاريخ السودان
ومنذ بداية تكون الاحزاب إلي الأن وظل هذا الحزب
مُحرك رئيسي في كافة القضايا والاحداث التي تحدث
في السودان مما يرجح تأهل كادره في كل الموضوعات
التي تؤكل اليه .
ومن خلال رؤيتى هذه ومتابعتى في الفترة الاخيرة وعن
كثب لحزب الامة وما يحدث فيه من ازمات عقبت المؤتمر
العام الاخير لا بل سبقته بمراحل متقدمة نتج عنها ازمة
المؤتمر العام وجدت ومن خلال المنبر كوادر رآت في نفسها
الكفأة والتقدم لتكتُب معبرة عن مفاهيم الحزب وعن عمله
وتعاطيه السياسي وهذه الكوادر في وجهة نظرى اطلقت في
رأسي سؤال ظل يتردد كثيراً وبشكل يومي حتي غدا هاجس
دائم ليّ رايت اشراككم فيه علنا نتوصل لموقف واضح نجلئ
به ما يحدث او نقارب المُشكل المتواجد وهذا السؤال هو :-
(هل مستوى تاخر كادر حزب الامة في التعاطي الحوارى والنقاشي
ظل لتفشي خطاب الهيمنة الاسرية علي الحزب واستمرارية خدمة
الاسرة وتغييب الشخصية المستقلة داخل المؤسسة)؟
أتمني حقاً أن لا يساء فهم السؤال لانه بكل بساطة ومن اقرب
بوستات العضوية الجديدة لحزب الأمة في هذا المنبر يمكننا
أن نجد من الامثلة الكثير والكثير جداً .
لكم كامل المحبة والتقدير
سفيان نابرى
|
Post: #2
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: معتز تروتسكى
Date: 06-22-2009, 02:01 PM
Parent: #1
خالص التحايا
سفيان بشير نابرى
اولا سلامات وعوافي اخبارك وصحتك...
ثانبا دعني ارفد هذا البوست الذي كتبته سابقا الى حين المجي ان كُتب لنا ..
قوى الحداثة داخل حزب الأمة؟!!!؟...
عدلت مداخلتي ، عشان صاحبك ده جهجه باكاتي لووول
انو قناعتي لازلت بان هذه البلد هنالك حزبان يتستطيعان تغير الكثير هما (الشيوعي وحزب الامة) فقط(لو)..
ولو دي بتفتح نقة كتيرة .. ده غير اني طلعتها من جلدي حكاية حزب الامة دي لووول، لكن دي قرايتي من واقع جماهيرتهم وحراكهم فقط نرجع تاني لو دي..
الشيوعي اصلو قدر وبقينا عليهو ؛ في زول بهرب من قدرو..لووول..
التحايا النواضر...
|
Post: #3
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: محمد عبدالرحمن
Date: 06-22-2009, 02:23 PM
Parent: #2
معتز تروتسكى .. ا خبارك ...
انت قاصد حداثة ياتو بتاع الهلال ولا بتاع الا تحاد ...
هههههههههه....انتو بتجيبو البوستات دى من وين ؟!..
لكن يا الارشيف (محنك محن ) ...حقو نفرض ضريبة
على البوستات البتتكلم عننا دى ..سوقنا رائج ياخ ...
نحن و(حزبنا) نجوم شباك ..العايز يكسب يركز
علينا ....
سفيان اخبارك وامورك ..ماعندى لا رغبة لازمن.. عشان اكتب
فى البوست .. لكن ماعندى اعتراض انك تكتب فى الموضوع
دا .. من حقك ...
حبيت اشاغل معتز دا شوية ..
|
Post: #4
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: معتز تروتسكى
Date: 06-22-2009, 02:58 PM
Parent: #3
خالص التحايا
محمد عبدالرحمن
ابو حميدياخ ايامك يازول ، انت قصتي معاك طويلة خلاص ده خليهو بحتاج لي حتة تانية ، وحبيت عشانك كسلا. .
بعدين ياباشا ..البتعمل فيهو معاي ده ترويض عديل ما كفاك ناس الوالي والبقية..
ثم حكاية الشيوعي دي بس عشان الواحد لقى حاجتو زي حاجات ناس الشيوعي خضر لااكثر عشان ماتمشى بعيد..
يعني انت انسف ناس خضر ولا شوفوا ليك طريقة اطردوهم من البلد بنقبل عليكم. .
انا ذاتي دلوقت نوعا ما ليست لدي رغبة الكتابة حاسي روحي بعيد منها ده غير الجري ، فمرات الواحد بتاوق يطرق اصابعينو ، يعنى البوست ده حيكون نصب العيون لو اتفكت العقدة..
يعني لو اتفكت العقدة يا محمد الا تقوم جاري ولا تقفلوا شبابكم ده...
التحايا النواضر..
|
Post: #5
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: الطاهر ساتي
Date: 06-22-2009, 03:20 PM
Parent: #4
العزيز النابري ..
(هل مستوى تاخر كادر حزب الامة في التعاطي الحوارى والنقاشي
ظل لتفشي خطاب الهيمنة الاسرية علي الحزب واستمرارية خدمة
الاسرة وتغييب الشخصية المستقلة داخل المؤسسة)؟
خدمة الأسرة أو طاعة القيادة وتغييب الشخصية المستقلة داخل المؤسسة الحزبية أو فصلها .. ليست من سمات حزب الامة فقط ..!!
كل الأحزاب السودانية سواسية في تلك السمات
وعليه يبقى السؤال الحنظل :
إلي متى تغييب الديمقراطية داخل أجهزة الأحزاب السودانية ..؟
وما الحل ..؟
........
معليش يا النابرى على تجنيح البوست
( حزب الامة جزء من الكل)
|
Post: #8
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: سفيان بشير نابرى
Date: 06-22-2009, 11:25 PM
Parent: #5
| Quote: معليش يا النابرى على تجنيح البوست |
الطاهر يا مجنح مشتاقين يازول يعلم الله
Quote: خدمة الأسرة أو طاعة القيادة وتغييب الشخصية المستقلة داخل المؤسسة الحزبية أو فصلها .. ليست من سمات حزب الامة فقط ..!!
كل الأحزاب السودانية سواسية في تلك السمات
|
طبعاً الغلات معاك انت مابينفع ههههه وعموماً كلامك بيبقي صاح
لو كنا عايزين نشخص الازمة داخل كافة المؤسسات لكن
جد انا حددته حزب الأمة القومي هنا تحديداً لانه اخر
حزب حصد اكبر عدد من مقاعد البرلمان في ماسمي بالحكم
الديمقراطى الاخير وفي نفس الوقت يا الطاهر سبب تحديدى
للنقاش ده كتبتو واضح جداً جداً وهو ظهور عضوية هنا في
سودانيز اون لاين ده وفي الفترة الاخيرة تحديداً تكتب
وتنافح وتدافع عن حزب الأمة القومي (وهذا من حقها بالطبع)
لكن طريق دفاعها ومنافحتها ولغ في حدة وفقدان للمنطق واستخدام
اساليب مقززة وجارحة وفي بعضها منفرة لا عقل لها بل تسعي للاقصاء
دون اي وأعز واظنك تدرك هذا جيداً وتتابعه .
سلامي لك يا الطاهر وطالبك عودة عشان تقول رايك في البيحصل ده
وهل عندو علاقة بتلك الهيمنة الاسرية وخدمة اغراضها ؟
|
Post: #7
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: سفيان بشير نابرى
Date: 06-22-2009, 11:11 PM
Parent: #3
Quote: سفيان اخبارك وامورك ..ماعندى لا رغبة لازمن.. عشان اكتب
فى البوست .. لكن ماعندى اعتراض انك تكتب فى الموضوع
دا .. من حقك ...
|
سلام يا محمد عبد الرحمن
كيفك ياخ والبركة فينا وفيكم
في الفقيد الحكاية عماد ...
ياريت يامحمد تجيك رغبة وتكتب
وتتداخل في الحكاية دى لانه جد
الموضوع بقي فيه مافيه من تحجيم
وتقزيم لحزبكم والسلطة الاسرية
اضحت اكثر هيمنة عن زمان سابق
رغم انو حزب الأمة القومي هو حزب
الأمة إلا اننا في زمان سابق كنا
نشعر نوعاً ما بوجود مؤسسية لكن
الفترة الاخيرة حتي الاحساس ده غاب
وظهرت السيطرة عليه بشكل كامل
كما أنه هنا في الفترة الاخيرة ظهرت
عضوية لحزب الامة القومي تعنف وتكتب
ما لا يصدق بانه ياتى من حزب أمة قومي
وتجاوزو في خلافاتهم كل منطق وكل عقل
ولا أظن الامر يخفي عليك ولأ اظنك مِن من
يسكتون علي هذا ...
لك المحبة والتقدير .
|
Post: #6
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: سفيان بشير نابرى
Date: 06-22-2009, 10:55 PM
Parent: #1
معتز بشير
ياخ سلامات والاشواق شديدة
وشكراً للرابط القديم اكتر
حاجة عجبتني لما فتحته الرابط
جاني العنوان :- مكتبة الدكتور
معتز بشير يا سلاااااام العيال كبرو
لوووووول
المهم يا صديقي بالجد العشم قائم في
القوى دى من اجل التقدم الديمقراطى
وح انتظر مداخلتك بفارغ الصبر .
كن بخير .
|
Post: #9
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: lana mahdi
Date: 06-28-2009, 04:21 PM
قالوا دعوة للنقاش مش دعوة للطناش
فوووووووووووووووق
|
Post: #10
Title: Re: دعوة للنقاش الفاعل :- ما يُكتب من بعض كوادر حزب الأمة (الاعضاء الجدد) هنا في الفترة الاخير
Author: سفيان بشير نابرى
Date: 06-28-2009, 04:33 PM
Parent: #9
Quote: قالوا دعوة للنقاش مش دعوة للطناش
فوووووووووووووووق |
شكراً يا لنا لرفع البوست
الطناش مرات راد ورد مفهوم جداً
بس أتمني أنو ما يكون طناش من
عدم رؤيتهم للمشكل في العضوية
الجديدة وطريقة تقديم خطابها
واسلوبها الكتابي !؟
|
|