Post: #1
Title: فساد الكيزان.الوفد الكيزاني لواشنطن يحمل معه مية ألف يورو كاش؟
Author: Deng
Date: 06-20-2009, 08:21 PM
وصل الوفد الكيزاني لواشنطن وهو يحمل معه مية ألف يورو كاش.
والاسئلة الذي نطرحها هنا هي:
لماذا هذا المبلغ الكبير لحضور مؤتمر مدفوع تكاليفه بواسط الحكومة الامريكية؟
لماذا هذا المبلغ الضخم وعدد أفراد الوفد هم عشرة فقط؟
لماذا هذا المبلغ الضخم لدولة أقتصادها متهالك ؟
لماذا هذا المبلغ الضخم وأنتم يا كيزان فرضتم مؤخرا سياسة جديدة لحيازة العملة الصعبة في البلاد؟
هذا السلوك يكشف لنا فساد الكيزان ويكشف لنا عن كيفية إهدار اموال الشعب السوداني . ويجب أن لا ننسى إعدام الشهيدين مجدي وجرجس بواسطة هولاء المجرمين. طبعا المية ألف يورو دي خلاف ما كان يحمله أفراد الوفد في حوزتهم الشخصية.
Deng
|
Post: #2
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: وليد محمد المبارك
Date: 06-20-2009, 08:30 PM
Parent: #1
وانت عرفت كيف ؟
واذا سلمنا انه ده حاصل وده فساد
المليون دولار الدخلت بيها السيد ربيكة زمان مطار هثروا نعتبره شنو؟
والوكت داك ما كانت في اموال بترول
|
Post: #3
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: أبو عبيدة البصاص
Date: 06-20-2009, 08:36 PM
Parent: #2
Quote: وانت عرفت كيف ؟
واذا سلمنا انه ده حاصل وده فساد
المليون دولار الدخلت بيها السيد ربيكة زمان مطار هثروا نعتبره شنو؟
والوكت داك ما كانت في اموال بترول |
اسكت ياكوز
|
Post: #4
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: khalid abuahmed
Date: 06-20-2009, 08:52 PM
Parent: #3
Quote: لماذا هذا المبلغ الكبير لحضور مؤتمر مدفوع تكاليفه بواسط الحكومة الامريكية؟
لماذا هذا المبلغ الضخم وعدد أفراد الوفد هم عشرة فقط؟
لماذا هذا المبلغ الضخم لدولة أقتصادها متهالك ؟
لماذا هذا المبلغ الضخم وأنتم يا كيزان فرضتم مؤخرا سياسة جديدة لحيازة العملة الصعبة في البلاد؟
هذا السلوك يكشف لنا فساد الكيزان ويكشف لنا عن كيفية إهدار اموال الشعب السوداني . ويجب أن لا ننسى إعدام الشهيدين مجدي وجرجس بواسطة هولاء المجرمين. طبعا المية ألف يورو دي خلاف ما كان يحمله أفراد الوفد في حوزتهم الشخصية.
Deng |
.
اخوي دينق شنو يا خي حاكيها كده..
عليك الله بلاش لبط معاك..يعني إلا يكتبوا خبر في الجرائد ويقولوا ما شين يدعموا كيزان أمريكا وما جاورها..؟؟.., وكيف يعني..؟؟.
يمكن عاوز يرشوا ناس البيت الأبيض وكده..وطبعا بكونوا قالوا في الخرطوم بان الرئيس اوباما من أصل أفريقي وحا يقبل الرشوة زي ناس هناي... وهناي..
وزمان كانوا بجيبوا د. (فلان) من نيروبي لمن يزعل ورسلوا ليه الشنطة السوداء (ديييك) ومما يشم ريحة الدولارات يرجع للخرطوم ويعمل مؤتمر صحفي ويقول فيه والله زوجتي كانت عيانة مشيت بيها نيروبي..وفي مرة قال في مؤتمر صحفي انه ما زعلان ولا اي حاجة بس مشيت أغير جو في نيروبي وأجي راجع..
الآن مقوم الدنيا ما مريحها..
فا يا أخوي دينق الجماعة ديل يتعودوا يحل المشاكل بالدولارات لكن المرة دي جابت ليها (يورو) تطور كبير والله..
يا أخي والله حقوا تشكرهم على هذه اللفتة الانسانية الكبيرة لإغاثة كيزان الولايات المتحدة الامريكية وما جاورها..وطبعا بعد الازمة المالية هناك الجماعة تضرروا شديد والحمدلله قام الوفد باللازم..
|
Post: #5
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: Elbagir Osman
Date: 06-20-2009, 09:07 PM
Parent: #4
للكيزن خبرة كبيرة في شراء lobbiests في أمريكا
وتمويل منظمات تتظاهر بأنها منظمات مجتمع مدني
ونشر مواد صحفية مدفوعة الثمن
الباقر موسى
|
Post: #6
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: ود الباوقة
Date: 06-20-2009, 09:14 PM
Parent: #5
للكيزن خبرة كبيرة في شراء lobbiests في أمريكا
طيب انتو قاعدين هناك بتسووا في شنو ؟
ما تلحقوا الحكاية ...
|
Post: #7
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: وليد محمد المبارك
Date: 06-20-2009, 09:22 PM
Parent: #6
| Quote: طيب انتو قاعدين هناك بتسووا في شنو ؟ |
بناضلوا اون لاين
|
Post: #8
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: khalid abuahmed
Date: 06-20-2009, 09:26 PM
Parent: #7
.
وليد المبارك...يازول يا حلو والله قوية..
|
Post: #10
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: وليد محمد المبارك
Date: 06-20-2009, 09:43 PM
Parent: #8
والله يا خالد او احمد نسي شنو
البلد ما عندها وجيع
مافي زول بفول هذا كتابي
كل ول باني برنامجه على اظهار عيوب الاخر
وكانه بقول انا احسن ليكم عشان التاني كعب شديد
؟؟؟؟؟
|
Post: #9
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: SAIF MUstafa
Date: 06-20-2009, 09:28 PM
Parent: #6
الأخ دينق
سلامات
المبلغ دا طبعا بالأضافة للدولارات...اللى مافى زول عارفها قدر شنو..
الشىء الأهم يا دينق أنو ما مقدار القروش ... بل هو أنهم جايين أمريكا وجايبين معاهم يورو وكاش كمان. .. عشان بيفتكرو أنو ما فى زول بيعرف حاجة عن حركة قروش الأسلاميين حول العالم...
هو مش كويس أنو ما فرشو اليورو دا مع الطماطم فى ملجة بحرى..
بمناسبة دعم الكيزان دى... نحن من دخلنا البلد... ما لاقانا زول واحد .. لا راجل ولا مرة بيقول أنو مؤتمر وطنى ...
والكاتلاهو الأمانة بيقول ليك أنا أسلامى وبختلف مع الحكومة فى بعض الحاجات....
ولك الود
سيف
|
Post: #11
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: رؤوف جميل
Date: 06-21-2009, 04:00 AM
Parent: #9
Quote: للكيزن خبرة كبيرة في شراء lobbiests في أمريكا
وتمويل منظمات تتظاهر بأنها منظمات مجتمع مدني
ونشر مواد صحفية مدفوعة الثمن |
|
Post: #12
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: Hassan Makkawi
Date: 06-21-2009, 11:15 AM
Parent: #11
Quote: وصل الوفد الكيزاني لواشنطن وهو يحمل معه مية ألف يورو كاش.
والاسئلة الذي نطرحها هنا هي:
لماذا هذا المبلغ الكبير لحضور مؤتمر مدفوع تكاليفه بواسط الحكومة الامريكية؟
|
إنتة مال حبايبك؟؟
حقكم من البترول يسلم للحركة...
روح أسألهم كيف واين تصرف!!!
شابكنا مبلغ كبير مبلغ كبير... مية الف يورو
أى سودانى هبش كوتة ملح يمتلك هكذا مبلغ
_____________________
الشاويش يتأثر بالأزمة المالية العالمية............كااااااااااااك
|
Post: #13
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: ود الباوقة
Date: 06-21-2009, 11:24 AM
Parent: #12
إنتة مال حبايبك؟؟
حقكم من البترول يسلم للحركة...
روح أسألهم كيف واين تصرف!!!
حبيبنا مكاوي .
6 مليار دولار عدا نقدا ..
ودوها وين يا ربي ؟؟؟
|
Post: #14
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: محمد الامين محمد
Date: 06-21-2009, 11:25 AM
Parent: #2
هسع لو ادوك منها عشرين مابتقلب كوزيادينق
طيب ياروح بابا انت عرفت المعلومة دي كيف
ماتقول لي CIA
|
Post: #15
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: Deng
Date: 06-21-2009, 11:50 AM
Parent: #14
يعني يا كيزان منتظرني أقول لكم من وين حصلت على المعلومة دي ؟
العالم ده ضيق بشكل.
خليكم معلقين كده بس.
دينق.
|
Post: #16
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: Hassan Makkawi
Date: 06-21-2009, 12:15 PM
Parent: #15
Quote: حبيبنا مكاوي .
6 مليار دولار عدا نقدا ..
ودوها وين يا ربي ؟؟؟ |
7 مليارات يا ود الباوقة
وجايينا الشاويش الضايع
يسأل عن مية الف يورو لا تخصة فى شى
______________________
لا أملك سوى ان أقول لة قولة وهبة : قوم لف
|
Post: #17
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: Deng
Date: 06-21-2009, 03:33 PM
Parent: #16
يا صبيان الجبهة الاسلامية بالبورد.
بلاش تبريرات فارغة معاكم.
طبعا زي الاخبار دي بتجهجهكم تماما ، وهو المطلوب .
|
Post: #18
Title: Re: فساد الكيزان.الوفد الكيزاني لواشنطن يحمل معه مية ألف يورو كاش؟
Author: رأفت ميلاد
Date: 06-21-2009, 09:44 PM
Parent: #17
| Quote: يعني يا كيزان منتظرني أقول لكم من وين حصلت على المعلومة دي ؟ |
ياريت يا دينق وبالصوت والصورة .. خلينا نستمتع بالجرسة .. أصلوا القصة قربت
|
|