Post: #1
Title: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 10:59 AM
Parent: #0
عمر البشير عاوز ياكل ايسكريم لاهل المكابراب
في زيارة قام بها الرئيس عمر البشير لولاية نهر النيل
بالتحديد لاهلنا في المكابراب و الفدا
قال لهم بالحرف الواحد حتاكلوا ايسكريم بعد ما يعم
الرخاء منطقتكم
لا ادري لماذا خطر في بالي
ماري أنطوانيت ملكة فرنسا وزوجة الملك لويس السادس عشر صاحبة المقولة المشهورة "إذا لم يكن هناك خبزاً للفقراء .. لماذا لايأكلون بسكويتا".
|
Post: #2
Title: Re: عمر البشير عاوز ياكل ايسكريم لاهل المكابراب
Author: عزاز شامي
Date: 06-17-2009, 11:02 AM
Parent: #1
خطاب عميق في لغته كما عودنا سعادة الرئيس حماه الله في حله و ترحاله
و ينم عن احساس عالي بمشاعر الشعب و يعكس روح كريمة
تسعى سعيا حثيثا ليعم الرخاء و الاسكريم السودان.
|
Post: #3
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 11:11 AM
Parent: #2
وكمان قال يا عزاز
الباوقة ماحتغرق و السد حيقوم.
اكيد السد بتاعو دا حيكون سد طائر
اي سد معلق
مسكاقنا
|
Post: #4
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 11:44 AM
Parent: #3
و كمان قال الناس
الما هاجرت و قعدوا في مناطقهم
حيكفل ليهم الحياة الكريمة
متين يا سيادة الرئيس ?
لان حالهم الان يقول غير ذلك-
|
Post: #30
Title: Re: عمر البشير عاوز ياكل ايسكريم لاهل المكابراب
Author: abubakr
Date: 06-19-2009, 08:05 PM
Parent: #2
Quote: خطاب عميق في لغته كما عودنا سعادة الرئيس حماه الله في حله و ترحاله
و ينم عن احساس عالي بمشاعر الشعب و يعكس روح كريمة
تسعى سعيا حثيثا ليعم الرخاء و الاسكريم السودان. |
بختنا ياعزاز اصلو انا كنت عايز بعد تخرجي مهندجسا ان يكون عندي كافتيريا وهسع بعد كام وترتين سنة وبعدما عرفنا باسكن روبز انا اهو قررت الكافتيريا يكون للدندرمة ( دي يا عزاز الايس الكريم بتاع السودنة )...اهو تدخلي شريك وممكن تبقي كفيل كمان لكام واحد واحدة يعملو في المحلات ..ما حتكون عندنا فروع وناس فيصل في حلفا برضو حنفتح ليهم محل وفي مك الناصر وعبري ودلقو ودنقلا وكل مناطقنا ...
__________
ماري انطوانيت قالت جاتو وما كانت عارفة باسكن روبنز
|
Post: #5
Title: Re: عمر البشير عاوز ياكل ايسكريم لاهل المكابراب
Author: عزاز شامي
Date: 06-17-2009, 11:45 AM
Parent: #1
لا يساورني ادني شك في صدق التصريحات
و قريبا جدا سنرى سدا معلقا كالسيف المعلق فوق الرقاب
و ستُضاء الخرطوم و الدولة بأسرها ليلا حتى لتظنها ساحة مولد
_________
ويّا فيل ووه اننقتو -- إر اوقا وجا لوق هاسكجنم
|
Post: #6
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 11:53 AM
Parent: #5
و ظمرت له فئة.
و غدآ يقولون ظمرناه لله
حويدا كير
|
Post: #7
Title: Re: عمر البشير عاوز ياكل ايسكريم لاهل المكابراب
Author: Hassan Makkawi
Date: 06-17-2009, 12:43 PM
Parent: #6
Quote: عمر البشير عاوز ياكل ايسكريم لاهل المكابراب
|
أخونا فيصل
تحلية ولا وجبة رئيسية؟
|
Post: #8
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 12:57 PM
Parent: #7
كتب صديقنا حسن مكاوي
| Quote: تحلية ولا وجبة رئيسية؟ |
و هو على البلاج
بلاج صحراء العتمور
|
Post: #9
Title: Re: عمر البشير عاوز ياكل ايسكريم لاهل المكابراب
Author: azz gafar
Date: 06-17-2009, 01:01 PM
Parent: #7
زيارة البشير للمكابراب والفداء رسالة واضحة لخم اهل الشريك لكى يقول لهم انا اهتم بالمتأثرين ..
والآن المناصير يعانون وحالتهم لاتوصف ..
ياناس الشريك ماتتخموا ..
|
Post: #10
Title: Re: عمر البشير عاوز ياكل ايسكريم لاهل المكابراب
Author: Hisham Ibrahim
Date: 06-17-2009, 01:02 PM
Parent: #7
| Quote: تحلية ولا وجبة رئيسية؟ |
في داعي يا حسن اخوي
أكيد أكيد تحليه !
لأنو الفطور بيكون أكيد برجر دجاج
الغداء أكيد شـيـش طاووق ! سـمك فرايد أو بيتيلو
والعشاء أكيد مارتديلا مع شاورما لحم ودجاج - أو دجاج مشوي على الفحم
وبعد كل وجبه من ديل يا حسن وفيصل بيحلوا بي الآيسكريم القالوا دا !! ( وش مُطلع لسانو يلحس )
لقيتني كيف يا فيصل ؟
النشوف لينا جواز مكابرابي عـاد !! ( التعديل هنا)
هشام
|
Post: #11
Title: Re: عمر البشير عاوز ياكل ايسكريم لاهل المكابراب
Author: dardiri satti
Date: 06-17-2009, 01:05 PM
Parent: #7
Quote:
عمر البشير عاوز ياكل ايسكريم لاهل المكابراب |
ياخي الراجل بهظر معاهم ساكت !!
Quote:
تحلية ولا وجبة رئيسية؟ |
دا ما المهم ياخي؛
المهم كم واحد حيكونوا سألوا :
""الآيسكريم دا شنو؟""
مسكين شعبنا، كل واحد يجي يضحك عليهو ويترورح!!
تحياتي
|
Post: #12
Title: Re: عمر البشير عاوز ياكل ايسكريم لاهل المكابراب
Author: Hassan Makkawi
Date: 06-17-2009, 01:25 PM
Parent: #11
| Quote: ياناس الشريك ماتتخموا .. |
أخونا عز جعفر
الشاوارما ما عجبتكم ولا شنو؟؟
|
Post: #13
Title: Re: عمر البشير عاوز ياكل ايسكريم لاهل المكابراب
Author: Hassan Makkawi
Date: 06-17-2009, 01:32 PM
Parent: #12
Quote: لقيتني كيف يا فيصل ؟
|
صديقنا العزيز فيصل لقاك ماشى على البيت للغدا!!!
ما تشارك فى إنحراف البوست لو سمحت...
|
Post: #14
Title: Re: عمر البشير عاوز ياكل ايسكريم لاهل المكابراب
Author: azz gafar
Date: 06-17-2009, 01:33 PM
Parent: #12
لكن شكلو ناس الشريك ياحسن ح يأكلم حاجات افضل من الإيسكريم ...
|
Post: #15
Title: Re: عمر البشير عاوز ياكل ايسكريم لاهل المكابراب
Author: Hassan Makkawi
Date: 06-17-2009, 01:41 PM
Parent: #14
| Quote: لكن شكلو ناس الشريك ياحسن ح يأكلم حاجات افضل من الإيسكريم ... |
عز
الريس مشرك ليهم بى آيسكريم
|
Post: #16
Title: Re: عمر البشير عاوز ياكل ايسكريم لاهل المكابراب
Author: Nagi Ahmed
Date: 06-17-2009, 01:59 PM
Parent: #15
يا جماعة الزول دا ما قلنا يقرا الخطاب من ورقة و يشددوا عليه انه ما يطلع من النص
|
Post: #17
Title: Re: عمر البشير عاوز ياكل ايسكريم لاهل المكابراب
Author: عزاز شامي
Date: 06-17-2009, 02:02 PM
Parent: #1
أخشى ما أخشى يا اخ فيصل ان معارضة الكي بورد
ستفوتعلى نفسها فرصة قراءة ما بين السطور
الاسكريم ما ببقى دندورمة براهو
وفي رمزية لا يلتقطها إلا الحادبون
|
Post: #18
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 02:18 PM
Parent: #17
كتبت قريبتي عزاز
| Quote: وفي رمزية لا يلتقطها إلا الحادبون |
طبعآ الحادبون هم من يرون ثوب فرعون
|
Post: #19
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 02:27 PM
Parent: #18
كتب استاذنا هشام ابراهيم
| Quote: النشوف لينا جواز مكابرابي عـاد !! ( التعديل هنا) |
ما بيدوك الجواز لا تشوفهم هم بيلحسوا الايسكريم لمدة
سنة دون مشاركتهم
|
Post: #20
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 02:28 PM
Parent: #18
كتب استاذنا هشام ابراهيم
| Quote: النشوف لينا جواز مكابرابي عـاد !! ( التعديل هنا) |
ما بيدوك الجواز لا تشوفهم هم بيلحسوا الايسكريم لمدة
سنة دون مشاركتهم
|
Post: #21
Title: Re: عمر البشير عاوز ياكل ايسكريم لاهل المكابراب
Author: اينانا
Date: 06-17-2009, 02:35 PM
Parent: #17
ايسكريم داندرمة ؟
|
Post: #22
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-17-2009, 02:51 PM
Parent: #21
و تعرف يا قريبي الدرديري
قال ليهم شنو ?
قال حتنبسطوا ذي ما الناس
انبسطت من نتائج سد مروي
هو في ناس من ورانا و نحن ما عارفين ?
|
Post: #23
Title: Re: عمر البشير عاوز ياكل ايسكريم لاهل المكابراب
Author: بكري الصايغ
Date: 06-18-2009, 00:07 AM
Parent: #1
الأخ الـحـبـيـب الـحـبـوب،
فيصل محمد خليل،
تـحـياتي ومـودتي،
*** - اخرلقاء كان بيـن النوبييـن والبشـيـر في ديسـمبـر 2005 لـما شـتمنا وسـبق كـتبنا عن الموضـوع ده ب(المنبـر العام) وبهـدلناه بهـدلة شـديدة... وعلي ماأظن وصلته اخبار لعنات النوبييـن عـبـر مستشاره الصحـفي (المطرود) ....لذلك راح المرة دي ويسـتعدل في كلامه واسـتعمل معانا لغة " الايسكـريـم "!!!
***- ملاحـظة تانية في لقاء البشيـر بالنوبييـن، وهـي ان البشيـر ولاول مرة وفي لقاء جماهيـري وخـلال عام كامل مايجـيب سـيـرة اوكامبو ،... طبعآ هـو عارف انو ناس النوبة بعتبـروا اوكامبو..... " من انـدينا "!!!
*** - بـخـصوص الايسـكريـم، اقول لـما نحـنا اهل النوبة ومن زمن بعانـخي وعـندنا الايس...... كانوا جـدود البشـيـر في الوقت داك ماعنـدهم من غـذاء غيـر (الـقنـقـليـز) !!!، وده ماكلامـي ده موثق في دار الوثائق المركزية بالخرطوم.
*** - لك مـودتي فيصل .
|
Post: #24
Title: Re: عمر البشير عاوز ياكل ايسكريم لاهل المكابراب
Author: مصطفى توفيق
Date: 06-18-2009, 05:28 AM
Parent: #23
انا فكرت اعمل مشروع استثمارى فى المكابراب مصنع آيسكريم عشان اكون اول من باع آيسكريم هناك وحيكون اسمه ( آيس كاب ) على وزن مكابراب
|
Post: #25
Title: Re: عمر البشير عاوز ياكل ايسكريم لاهل المكابراب
Author: Abdlaziz Eisa
Date: 06-18-2009, 05:47 AM
Parent: #24
عزيزي فيصل
سلام
آيسكريم عدييييل كده!!
يعني نقدم عطاءاتنا للبيزنس.. ممكن اتعاقد مع شركة نيوزيلندية شهيرة في المجال ده!!
ونتفق معاهم على انتاج ايسكريم بالمواصفات الآتية:
* يؤكل على الريق.
* يتماشى مع فقر الدم والأنيميا.
* غني بالفايتمينات المعوضة للهزال والضعف.
* لا تتعارض مكوناته مع أدوية: الملاريا, الدسنتاريا والبلهارسيا.
* يقوي الذاكرة للتهليل والتكبير..
تحياتي
عبدالعزيز
|
Post: #26
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-18-2009, 08:04 AM
Parent: #25
المقادير:
4قشطه + 4دريم ويب + 6 م حليب بودره + نص علبة نستله كبيرة
( حسب الرغبه يوضع 2م زبده الفول السوداني )
2_ توفي: نضع السكر حتى يذوب والقشطه ثم انتم عارفين
3_شوكلاته: 2 جالكسي +قشطه في حمام مائي
4_مكسرات مروشء
5_ بسكويت شاي يكسر باليد ثم رشة ماء ممزوج بالنسكافيه
الان : في صينيه بايركس ضعي الخليط (1) وضعي عليه
توفي وشكولاته ثم مكسرات وبسكويـــــــــــــــــت
توضع في الفريزر وقت كافي لتستطيع تكويره
|
Post: #27
Title: Re: عمر البشير عاوز ياكل ايسكريم لاهل المكابراب
Author: MOHAMMED ELSHEIKH
Date: 06-18-2009, 08:09 AM
Parent: #26
يا اخونا في شيء حيرني:
كلام الرئيس كلو امبارح عن الرباطاب
هل ناسي انو كان بيخاطب في المناصير؟؟
|
Post: #28
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-18-2009, 07:05 PM
Parent: #27
يا ود الشيخ طبعا حتكون فى برامج توعية عن الايس كريم
خاصة فى برنامج البيت السعيد فى التلفزيون وعلى سبيل
المثال لا الحصر ستقدم هذة المعلومات
* أثناء الحرب العالمية الثانية منع موسوليني تناول الأيس كريم؛
لأنه أصبح رمزاً أمريكياً خالصاً، في نفس الوقت كان الجنود الألمان
يسخرون من الجنود الأمريكيين وأطلقوا عليهم (أكلة الآيس كريم)!!
* اكتشف المهاجر السوري ( إرنست حموي) القرطاس أو ما نسميه
الكونو (Ice Cream Cone ) عام 1904، والذي كان يبيع الزلابية داخل
معرض عالمي بسان لويس، فعندما فرغت الأطباق عند بائع الأيس كريم الذي
كان واقفاً بجانبه، لف إرنست البسكويت في شكل قرطاس وعرضه على البائع!!
* تقدر أرباح صناعة الأيس كريم حول العالم بسبعة ونصف مليار دولار سنوياً.
* هل تعلم أن الناس في أوروبا والدول الأخرى كانوا يتناولون الأيس كريم
في الشتاء فقط قبل إختراع الثلاجات، وكانوا يحتفظون بالثلج في غرف معزولة
تحت الأرض وفي بيوت ثلجية، حتى أن الموسيقار الشهير (بيتهوفن)، قال: "هذا الجو
الدافئ يجعل النمساويين يفقدون الأمل في تناول الأيس كريم حيث أن الثلج
أصبح نادراً مثل الشتاء"!
* في القرن السابع عشر في أوروبا كان تناول الأيس كريم مقتصراً على
الملوك و الأثرياء، حتى انتشرت فكرة المطاعم الصغيرة أو الـ (Coffee houses)
التي كانت تقدم الأيس كريم للعامة.
|
Post: #29
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-19-2009, 07:57 PM
Parent: #28
اعرف شخصيتك من نوع الايس كريم الذى تحب
ـــــــــــــــــــــــــــ
آيس كريم الجوز:اذا كان طعمك المفضل الجوز ، أنت قد توصف كالعامل الممتاز ، أنت مخلص ، متفاني ، وقور وماليا محافظ . تملك المستويات العالية للصواب والخطأ والاستقامة في كل أفعالك ، وهذا يتضمن حساسيتك لمشاعر الآخرين ، تقاسم أعمق أفكارك مع العائلة وأصدقائك الحميمين
آيس كريم الشوكولاتة:كعشيق الشوكولاتة أنت منافس وبارع ، لا نصر وفوز بدون عمل شاق . أنت كفء وطموح في الحب والعمل ، أنت كريم بوقتك ومالك ، تجعلك شخصيتك الجذابة نجم لامع في الأوضاع الاجتماعية
آيس كريم القهوة:
كعشيق القهوة ، أنت نشيط ، درامي ولعوب ، تميل الى أن تكون ملتزم أكثر من اللازم ، تبدأ المشاريع الجديدة بدون انهاء القديمة ، انت تسئم من العلاقات المملة وتنتقل الى النغامرات الجديدة والمثيرة
آيس كريم الشوكولاتة بقطع الكاكاو:اذا أحببت قطعة الشوكولاتة بقطع الكاكاو ، تميل الى أن تكون نشيط ، ابداعي ، درامي وتحب حياة الحفلات ، تسحر الجميع من حولك بسحرك وحماسك وحسك لأسلوب الحياة . تحب أن تكون مع الأصدقاء بدلا من أن تبقى وحيدا لتفكر في الحياة . تفضل العاطفة والاثارة في علاقاتك الرومانسية ، وتطلب الكثير من الاهتمام من الطرف الآخر
آيس كريم الشوكولاتة بالنعناع:كعاشق للشوكولاتة بالنعناع ، تميل الى أن تكون طموح وواثق ، أنت مرتاب بالحياة الواقعية وحريص على المستقبل ، تحتاج الى خطة للشعور بالأمان . بينما عنادك هو أحد أصول حياتك وعناصر التحدي في علاقاتك ، مع ذلك اخلاصك وأمانتك وثقتك تخلق لديك صداقات دائمة وعلاقات عائلية قوية
آيس كريم الموز:أنت كعاشق للموز ، تتميز بالجاذبية والتوازن والعملية ، تكون اجتماعيا وجذابافي الأوضاع والعلاقات الاجتماعية ، في عالم التجارة تميل الى أن تكون اكثر عدوانية ، و موجه بالهدف . أنت حساس جدا وتميل الى التشجيع بدلا من النقد
آيس كريم الفراولة:يكشف الحب للفراولة انك شخص مهذب ، يزن الخيارات قبل الأخذ بالقرارات أنت تابع اكثر من أن تكون رئيسا ، تفضل أن تعمل بعيدا عن الأضواء ووراء الكواليس . في العلاقات انت خجول ومتحفظ ، وأنت لا تؤمن بالحب من أول نظرة بمجرد ان تلتزم بعلاقة تخلص لها.
آيس كريم الفانيليا:اذا أحببت الفانيليا فأنت تحب الأخطار وتعتمد اكثر على الحدس من المنطق . انت عاطفي ، معبر ومثالي ، تميل الى وضع الأهداف العالية لنفسك ، وتدفع نفسك لأن تتجاوزها . على الواجهة الرومانسية تميل الى الاعتماد على العلاقات الرومانسية الآمنة التي تحقق حاجاتك العاطفية أثناء العمل نحو تحقيق الأهداف المستقبلية ...
|
Post: #31
Title: Re: عمر البشير عاوز ياكل ايسكريم لاهل المكابراب
Author: ابراهيم احمد سليمان
Date: 06-20-2009, 08:49 AM
Parent: #29
المناضل فيصل لك تحياتى
والله البسطاء ديل مادايرين أيس كريم ولا لبن بدرة
كل المطلوب كهرباء بالمجان وتوفير المياه بالمجان فى الترع حتى يقوموا بالزراعة على طول العام الزراعى هذا بالنسبةللمكابراب والفداء
أما بقية المناصير الذين لم يهاجروا فحالهم والله صعب وكعب . مايحتاجونه بناء مساكن وبصورة عاجلة , طريق الكاب ابوحمد والكاب كريمة
توصيل الكهرباء تخيل حتى الان ماعندهم كهرباء وهم المتأثرون بالسد والجنب الحج المفروض يحج والكرامة أكان ماكفت أهل البيت حراااام على الجيران , مدارس ومؤسسات صحية وحملات رش والله الناس محتاجين لأى شئ ممكن تتخيلو .والكلام كتير .......
شكرا فيصل
|
Post: #32
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-20-2009, 08:52 AM
Parent: #29
قريبى سيد احمد
ودى صورة مارى انطوانيت اول من اقترحت بأن يـأكل
شعبــها الجاتوة عندما علمت انو مالاقى رغيــــف
وعندنا قالوا كيلو الطماطم بقة بى 14 الف
|
Post: #33
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-20-2009, 09:03 AM
Parent: #32
الاستاذ ابراهيم احمد سليمان
اولا شكـرا على صورة نخيــل وادى حلفــا فى البروفايل
وهى ذكرى قد تنفع اللذين يسعون للمزيد من الاغراق والتهجير
لشعبهم والنهاية... (كزمة) ايس كريم
ثانيا شكرا على المرور
|
Post: #34
Title: Re: عمر البشير عاوز ياكل ايسكريم لاهل المكابراب
Author: abubakr
Date: 06-20-2009, 09:32 AM
Parent: #23
| Quote: *** - اخرلقاء كان بيـن النوبييـن والبشـيـر في ديسـمبـر 2005 لـما شـتمنا وسـبق كـتبنا عن الموضـوع ده ب(المنبـر العام) وبهـدلناه بهـدلة شـديدة... وعلي ماأظن وصلته اخبار لعنات النوبييـن عـبـر مستشاره الصحـفي (المطرود) ....لذلك راح المرة دي ويسـتعدل في كلامه واسـتعمل معانا لغة " الايسكـريـم "!!! |
ياسمي وقريبي ابوبكر (بكري) يعني النبذ داك كلو والموجود اونلاين بس يسيح زي الدندرمة بس الموجود اونلاين ما بيسيح زي الدندرمة ..اها عايزين دندرمة ما بتسيح
|
Post: #35
Title: Re: عمر البشير عاوز ياكل ايسكريم لاهل المكابراب
Author: هواري نمر
Date: 06-20-2009, 11:56 AM
Parent: #34
يا فيصل
ازيك ياخي..
قلته لي ايس كريم
و الله احتمال ايس كريم بلح
وكلو شئ جايز من سيادة المشير.....؟؟!!
قال ايس كريم...قـــــــــــــــــال
اها كان كده..النرجع و نسوي لي محل سريع ..
قبل التماسيح ما يعملوه استثمار و كده..
|
Post: #36
Title: Re: عمر البشير عاوز ياكل ايسكريم لاهل المكابراب
Author: كمال سالم
Date: 06-20-2009, 03:02 PM
Parent: #35
يافيصل ,, نهارك إسكريم ,,
هاك الطريقه التى وصفها الرئيس لأهل المكابراب
حتى يأكلوا الآيسكريم :
1/ الإنتظار حتى الإنتهاء من المرحله النهائيه لسد مروى
2/ توصيل الكهرباء للحواشات
3/ زراعة القمح والفول بالتحديد
4/ شراء أبقار من عائد الزراعه أعلاه
5/ تربية الابقار وتنميتها
6/ تصدير الحليب للولايات المجاوره
7/ عمل مصانع للجبنه وتصديرها أيضا
8/ ثم من فائض أرباح كل ذلك ومع وفرة الحليب
يمكنكم يا أهل المكابراب صنع الآيسكريم وأكله .
يعنى أهل المكابراب ديل ياسيادة الرئس ينتظروا ألف
عام عشان يأكلو آيسكريم ؟؟
وعشان ياكلوا كافيار يافيصل حينتظروا كم سنه ؟؟؟؟
غايتو ياعمر البشير والله مابتخجل !!!!!!!!
|
Post: #37
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-21-2009, 09:57 AM
Parent: #36
عزيزنا كمال سالم
ودى حتكون الحالة بعد الوصول لمرحلة الكافيار
ونضحك مما نسمع و....
..هذا زمانك يامهازل فامرحى
شكرا على المرور
|
Post: #39
Title: Re: عمر البشير عاوز ياكل ايسكريم لاهل المكابراب
Author: Abdlaziz Eisa
Date: 06-23-2009, 03:56 PM
Parent: #38
يعني ممكن نعمل ايسكريم بلح.. بدل الكريستال!!
|
Post: #40
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-23-2009, 05:46 PM
Parent: #39
يـا عزو
السؤال دة محول لصاحب البوست دااااااك
|
Post: #41
Title: Re: عمر البشير عاوز ياكل ايسكريم لاهل المكابراب
Author: Abdlaziz Eisa
Date: 06-24-2009, 03:17 PM
Parent: #40
Quote:
يـا عزو
السؤال دة محول لصاحب البوست دااااااك |
خلاص يا سي فيصل..
ممكن أغير عنوانك ده زي ما انا شايفوا..!!
( عمر البشير عاوز يأكل برسيم لأهل المكابراب!!!!)
ونستورد السماد من ..... اليونان!!
|
Post: #42
Title: Re: عمر البشير عاوز ياكل ايسكريم لاهل المكابراب
Author: فيصل محمد خليل
Date: 06-26-2009, 04:15 PM
Parent: #41
فيصل محمد خليل يحيكم من فرنسا
|
Post: #43
Title: Re: عمر البشير عاوز ياكل ايسكريم لاهل المكابراب
Author: Abdlaziz Eisa
Date: 06-26-2009, 05:13 PM
Parent: #42
سلامات فيصل
زيارة طيبة ان شاء الله..
ننتظرك ومعك الصور الجميلة في بوست منفرد
تحياتي
|
|