طائفة "مسيحية" روسية .. يغتسلون قبل دخول الكنائس وتغطي النساء رؤوسها(توجد صور)

BBC ARABIC
طائفة "مسيحية" روسية ..
يغتسلون قبل دخول الكنائس وتغطي النساء رؤوسها

frankly ازيك
بصراحه ما فهمت الجديد او الغريب فى الموضوع ده شنو؟
يا ريت توضح اكتر

أزيك يا مزمل التريكى

آسف جداً لتخييب ظنّك

الموضوع هو كما تراه هنا

ولم يقل أي أحد أنّ هناك جديد أو غريب في هذا الموضوع

لذلك يا أخي أنا لا أبيع فهّامات حتى أوضّح أكثر ممكا هو واضح

* الشكاوى والتنديد توجّه للبي بي سي ارابيك

تحياتي كمال

على ضفاف نهر دنيستر جنوب اوكرانيا تعيش هذه المجموعة من طائفة الروس الارثوذكس لحوالي 300 عام

وتغطي النساء المتزوجات من هذه الطائفة رؤوسهن على الدوام.

البى بى سى خليها
انت يا frankly ما حصل لاقتك مسيحيه مغطيه راسها ؟
لو ماشه الكنيسه ولا ماشه فى الشارع ساى ؟
بعدين ما قلت ليك بيع لى فهامه .. اشتريت واحده من زول تانى
طلبت منك توضح الغريب فى الموضوع
لانى ما شفت برنامج البى بى سى .. ادينى رابط او اشرح لينا الشى الغريب شنو فى انه مسيحيه لبست طرحه او اغتسلت
طيب اسهل ليك السؤال مضمون البوست ده شنو؟

مزمل التركي

للجد في لكن ماقدر ده

يمين دي لوجات ماره جنبكم اكان قلتو البان كوكو اقصد كوسوفو
واسلام سياسي وعييييييك

سؤال فطير

البصاص

أبو عبيدة البصاص

Quote: مزمل التركي للجد في لكن ماقدر ده يمين دي لوجات ماره جنبكم اكان قلتو البان كوكو اقصد كوسوفو واسلام سياسي وعييييييك سؤال فطير

مزمل دا بس جايي يتظارف

ويعمل فيها مقدّدا وبيطفي السجارة في لسانو

فأنسى سؤاله الفطير بلبن

يا حبيب هنا في أوروبا عادي جداً المرأة تدخل الكنيسة بميني روك خلي راسها يكون مكشوف

تغطية الرأس دي تجدها فقط عند الراهبات و"الأخوات"

لذلك الغرب يفرّق جداً بين المسيحي العادي و"رجال ونساء الدين"

وحجاب "الأخوات" هذا هو في حد ذاته أثر للماضي الأصيل كما حال هذه المجموعة الدينية تصوّر نفس هذا الأثر للأصل القديم

تحياتي كمال

يا مزمل

كيف يعني البي بي سي أخليها ؟

علشان خاطرك ولا شنو؟

يا أخوي أنا الذي يحدد ما ينشر وكيف ينشر ما ممكن تحدد لي أخلي شنو وأتكلم عن شنو

عندك رأي قولو ما عندك الباب يفوّت زرافة

يا حبيب إنت الموضوع لو ما جديد عليك ما في زول جابرك تجي كل دقيقة والتانية ناطي وتقول أنا الموضوع دا عارفو من زماااااااااااان.

روّق وما تضيّع وقتك ووقتنا في ما لا يفيد

تحياتي كمال

يا مزمل التريكي

Quote: لانى ما شفت برنامج البى بى سى .. ادينى رابط

إنت عايز تشوف برامج البي بي سي لشنو؟

وأديك رابط ليه؟

مش قلت الموضوع ما جديد ولا غريب

خلاص طنّش على كدا

وشتت

كمال

بينما ترتدي النساء غير المتزوجات والبنات الصغيرات زياً تقليدياً ووشاحاً يشبك بدبوس على الدوام ولا يربط أبداً.

Quote: خلاص طنّش على كدا وشتت

ده القدرت عليه؟
يا خينا لو جا واحد فتح بوست بعنوان :
طائفه مسلمه ترتدى الحجاب وتغتسل

شى طبيعى انك تسأل الغريب شنو

بعدين مين قال ليك انه موضوع البوست من حقك؟
وانك انت البتحدد البتنشر شنو؟
اذا ما عايز زول يناقشك فيه ، أمشى أكتبه فى مذكراتك الخاصه
ياخينا كل الديانات السماويه وغير السماويه عندها غطاء الراس
السيخ والهندوس والبوذيين عندهم نفس التقليد
ومتفقين برضو فى موضوع الزنا والقتل والسرقه ...الخ
وداخل الديانه الواحده هناك من يلتزم وهناك من يتساهل

ما تجينى انت ولا البى بى سى وتقنعونى انه الموضوع جديد

انا سالتك من التوضيح .. قناه زى البى بى سى بتكون بثت البرنامج لى سبب
والله أعلم يكون القصد موضوع الطرحه أو الاغتسال بس
لسه فى انتظارك يا حبيب .. جاوب على السؤال الفوق ده


البصاص ازيك
ايوه مظبوط ما كلهم ملتزمين لكن الاساس انه لبس الطرحه موجود عند المسيحيين
كل الود والورد يا حبيب

Quote: البصاص ازيك ايوه مظبوط ما كلهم ملتزمين لكن الاساس انه لبس الطرحه موجود عند المسيحيين

يا التريكي اعتقد ان فرانكلي سدد هدفاً في العارضة
وهو يقول للعلمانية وين عينكم السمحه عشان اطنبزه

وقبله طبزها رئيس الوزراء الايطالي اظن الذي رفض
منع ارتداء الحجاب للنساء المسلمات وكانت حجه ان السيدة
العذراء كانت ترتدي حجاباً فكيف يطلب منه منع الحجاب

اها يلا ياصاحبي انت مع الحجاب ولا مع التانيين
الذين يرون ان الحجاب منقصة في حق المرأة وتسليعها
وغيرها من الدعاوي التي تسير بلاساقين ...

Quote: ياخينا كل الديانات السماويه وغير السماويه عندها غطاء الراس السيخ والهندوس والبوذيين عندهم نفس التقليد ومتفقين برضو فى موضوع الزنا والقتل والسرقه ...الخ وداخل الديانه الواحده هناك من يلتزم وهناك من يتساهل

اها جنس قولك ده بمرقك من العصريه والعصرنه والذي منه (وش يستعد للشماته)



ثم ياخي انت ما سمعت بي مقولة ناقل الكفر ليس بكافر
وهو هسي عشان اتفضل فرانكي وجاب ليهو خبر زي ده

تقوم تزرزروا قدر ده

ماهم الناس الهنا في كتيرين مقضين معايشهم كوبي بست
ومش كفاية الزول ده اشار للمصدر

وتاني ماصحي هو الافترع الموضوع هو المديرالرئيس ليهو
والضابط لي محاورو وممكن بي بساطه يرسل لي الادمن
يقول ليهو اسحب البوست بتاعي

وتاني ياخي ما كل شي بجيبو في الاخبار
ولا الناس الفي المنبر ده بكون (جديد )
ولا الزول عاوز (يقنع) بيهو الناس

كل مافي الامر انها عمليات تسليط الضوء على بعض المناطق المعتمه
او التي اصبحت لاترى نسبة مالوفيتها ويكفي هذا التسليط
انه يقدر على اثارة كثير من الغبار بعد ذلك

ويلا نرجع ليك الكوره ضفاري
والنسالك (انت فهمت شنو من البوست والخبر) ياريت
ترد بعد ما تمش لحدي البي بي سي تديها طله وبعدين جاوب



مدخل للخروج :
فرانكي ياخي قومت نفسي
ما كان تشرح وتريحنا

البصاص

Quote: مدخل للخروج : فرانكي ياخي قومت نفسي ما كان تشرح وتريحنا

أبو عبيدة
أشرح وين يا الحبيب ولمنو؟

أنا الفهّامات خلصانا عندي أها إنت عرضت ليهو فهّامة وبالمانويل وما قصّرتا معاه تب

باقيلك بشتري؟

تحياتي كمال

Quote: بعدين مين قال ليك انه موضوع البوست من حقك؟ وانك انت البتحدد البتنشر شنو؟

خلاص يا مزمل خت لي ضابط أمن يعمل لي مراقبة قبلية

يا زول إنت بصحك بتفتكر دا نقاش

شوف يا ولدنا دا موضوع البوست وما في أي توضيحات زيادة من كدا عجبك عجبك ما عجبك أركب البحر

أنا أفهّمك ليه وأوضح ليك ليك؟

منو البلزمني أنّو أعمل كدا

يا زول دي بضاعتي عايز تشتري أهلاً عايز تتفرّج أهلاً وسهلاً عايز تفحّط ما في زول جابرك على حاجة

فأنا يا أبو العريّف لو الموضوع دا ما جديد عليك ما قلنا ليك جديد ولا قديم ولا غريب

غريب أنت دا

فما تعملي فيها عباطة شفّع أنا ما فاضي ليها

أقول ليك مرّة أخيرة أنت ما ملزم تقرأ خبر أنت تراه ليس بجديد أو غريب عليك

أرمي الخلف وفحط طوالي

الجابرك منو؟


كمال

وقد رفعت الكنيسة الارثوذكسية الحظر الذي فرض على هذه الجماعة عام 1971، لكن لا زال الانقسام باقياً بين الطائفتين.

وتتميز الطائفة بطقوسها المغايرة للاورثوذكس

Quote: يا زول دي بضاعتي عايز تشتري أهلاً عايز تتفرّج أهلاً وسهلاً عايز تفحّط ما في زول جابرك على حاجة

كلام معقول ومناسب يا خينا
يله سلام عليكم
وانشاءالله تربح بضاعتك دى

آسف يا بصاص كنت اتمنى اواصل معاك بس زولك ده فقد المنطق وبقى يقول فى كلام غريب
ما اتعودت اناقش زول بالاضمحلال ده

Quote: عجبك عجبك ما عجبك أركب البحر

Quote: أنا أفهّمك ليه وأوضح ليك ليك؟

Quote: فما تعملي فيها عباطة شفّع أنا ما فاضي ليها

فقد المنطق مع منو؟

وأنت كنت بتناقش بياتو منطق؟

يا ولدنا نحن نزلنا لمستواك دا عشان الفهم دا يدخل دغري في النافوخ

لو جيت بأدب السائل لمعرفة لوجدت عندنا كرم الضيافة وزيادة

لكن داخل لي بالفهلوة والود حريف فبنديك على راسك طوالي وبدون هداوة


كويس معاك؟

قال منطق

دا منطق جديد وغريب

كمال

فهلوة شنو يا زول البتتكلم عنها
سؤالى كان واضح زى عين الشمس
هاك أقراه تانى
دى اول مداخلها كتبتها ليك فى البوست ده

Quote: ازيك يا frankly بصراحه ما فهمت الجديد او الغريب فى الموضوع ده شنو؟ يا ريت توضح اكتر

أدب السائل أكتر من كده كيف ؟... فهمنى
بس انت نفسك كانت فيها حاجه
صاح؟

ما جاوبت على السؤال الفوق لسه ؟

اهليين ياكمال
في رأي الخاص الموضوع دا مرتبط بالثقافة اكتر من كونه ممارسات دينية
بدليل سكان جنوب مصر (الصعيد) بيلبسوا بطريقة واحدة غض النظر عن دينهم
ولكل تفسيراتو... فبينما يعزي المسيحيين لبسهم للاسود للسيدة مريم العذراء بنلقى المسلمين منهم بيلبسوا اسود تيمنا بفاطمة بت رسول الله
والزي الاسود البلبسوهو لو مرده السيدة مريم ولا السيده عائشة هو هو مافيهو اي فرق

دا بالاضافة لانه في حالتك العارضها دي هي إنه المسيحيية هي الاصل
ممارسات دينية كتييرة إحنا جايبنها من المسيحية واليهودية والاديان القديمة الاخرى
وللتأكيد فإن طقوس الحج هي طقوس كانت تقام قبل الاسلام وفي العهد المسمى (جاهلي)

أهلاص وسهلاً راوية

Quote: في رأي الخاص الموضوع دا مرتبط بالثقافة اكتر من كونه ممارسات دينية

كلمة ثقافة هذه نفسها فضفاضة يا راوية فالثقافة ليست مناقضة للممارسة الدينية بل الممارسة الدينية هي نفسها ثقافة

وقد يكون من الأنسب قول عادة وهو ما يمارسه الناس دون إرجاعه لأصل ظاهر وحتى كلمة عادة لا تخلو من خاصية مطاطية ما إذا صارت بعض الممارسات الدينية عادات

المهم في هذا الموضوع وحسب بي بي سي هو أنّ هذه طائفة دينية تمارس حياتها وفق منهج ديني محدد المعالم وبطقوس تخصّهم وهذه الطقوس كانت هي السبب في عزلهم عن الكنيسة الأرثوذكسية وإن تم لاحقاً الإعتراف بهم مع بقاء الإختلاف في المنهجين

لذلك يصعب علينا عزل هذه الممارسات عن كونها نابعة من خلفية عقائدية دينية تلزم أعضاء هذه الطائفة دون غيرهم من الأرثوذكس ودون غيرهم من بقية المسيحيين ودون غيرهم من محيطهم في القرى المجاورة من السكّان

Quote: دا بالاضافة لانه في حالتك العارضها دي هي إنه المسيحيية هي الاصل ممارسات دينية كتييرة إحنا جايبنها من المسيحية واليهودية والاديان القديمة الاخرى وللتأكيد فإن طقوس الحج هي طقوس كانت تقام قبل الاسلام وفي العهد المسمى (جاهلي)

نعم هذه صحيحة وتدلل بصورة أخرى لأصل هذه الأديان الواحد غير أنّ الله سبحانه وتعالى جعل لكل منهم شرعة ومنهاجاً

وتدليلك بالحج بأنّه كان يقام في العهد الجاهلي غير صحيح على إطلاقه, فهناك أثار من الحنيفية دين إبراهيم عليه السلام كانت موجودة فعلاً ولكن جاء الرسول الكريم ليسُن للعالمين آداباً وأركاناً للحج لم تكن تعرف بهذه الكيفية ولا الطريقة

تحياتي كمال

ويرى افراد هذه الطائفة إن من الضروري لدى دخول الكنيسة غسل الاقدام، كما انهم يكتبون اسم "المسيح" بطريقة مختلفة

* الصورة المرافقة للتعليق بموقع البي بي سي

Quote: وتاني ياخي ما كل شي بجيبو في الاخبار ولا الناس الفي المنبر ده بكون (جديد ) ولا الزول عاوز (يقنع) بيهو الناس

يا بصاص برضو ما كل شى بجيبوهو فى البى بى سى معناها صاح
انا عشت مع اخوانا المسيحيين سنين طويله جدا
والشهاده لله الطرحه ما كانت بتفارق ريسين بناتهم

الزول ده لو كان اختار عنوان غير ده باقي ليك ما كان مناسب؟

عنوان البوست بوحى انه الطائفه دى ابتدعت موضوع الغسل ولبس الطرحه عند المسيحيين
وده كلام ما سليم أبداَ

لو كان موضوع البوست او برنامج البى بى سى بتكلم عن ثقافات أو عادات غريبه للطائفه الروسيه دى كنا حا نقبله بالتأكيد

لا وزيد عليها استخفاف من صاحب البوست
وبلمح لى انى صغير فى العمر وما مفروض اناقشه
اتخيل بكتب لى بكل سخف

Quote: فما تعملي فيها عباطة شفّع أنا ما فاضي ليها

جاى أسى يقول لى بكتبوا اسم المسيح بصوره مختلفه
طيب دى ما الحاجات الغريبه السألتك منها؟

Quote: ممارسات دينية كتييرة إحنا جايبنها من المسيحية واليهودية والاديان القديمة الاخرى

يله لم عليك
شكرا راويه

هذه الصورة وجدتها فقط في النسخة الإنجليزية وتمثل "الصليب" ذو الثمان أذرع الذي تختص به هذه الطائفة عن غيرها


Unlike other faiths, gravestones - 8-pointed crosses - are placed at the foot of the grave so when they rise from the dead, true Old Believers will see their cross.

Words and pictures by Taras Burnos.

هذه الصورة لم ترد أيضاً في النسخة العربية


When the Old Believers refused to accept the liturgical reforms of Patriarch Nikon in 1666, they were excommunicated and fled to the fringes of Russia's empire. Today, they continue the old practices.

الخلاصة يا التريكي يا المابتفهم
انه كل مولود يولد على الفطرة وانه (الكفار) ديل اصلاً كانوا مسلمين واوربا دي مفروض تكون مسلمة ويبقي وجودنا فيها كمسلمين موجودين في ارضهم عشان ما يجي (الكافر) دينق ويفتح لنا مواضيع فارغة.
نصيحة لوجه الله تعالي

بوستات فرانكلي دي زي قصة سيدنا اباذر الغفاري يمشي وحده ويموت وحده ويبعث وحده، كما تشبه قصة الدجاجة الصغيرة الحمراء زرعته وحدي وحصدته وحدي وااكله وحدي ، اكتبه وحدي واتداخل فيه وحدي، باختصار ون ما شو (البيخش) رشوا.

عنوان البوست طائفة "مسيحية" روسية .. يغتسلون قبل دخول الكنائس وتغطي النساء رؤوسها

هو نفسه العنوان من مصدره BBC Arabic

بالنسخة الإنجليزية نزل بعنوان

Russian Orthodox Old Believers


تحياتي كمال

Quote: عنوان البوست طائفة "مسيحية" روسية .. يغتسلون قبل دخول الكنائس وتغطي النساء رؤوسها

بالنسخة الإنجليزية نزل بعنوان

Quote: Russian Orthodox Old Believers

يا ربى ده يكون من شنو؟
غلط فى الترجمه؟

أريتك لو كتبت العنوان بالانجليزى كنت ريحتنامن ده كله

يا محمد عمر نصيحتك اتاخرت شديد(:

يعني هسّع بالإنجليزي فهمتها أحسن؟

كنت نكلمني أنّك بتقهم أنجليزي يا جدع

ما أظنّي كنت أقصر معاك

بس يا فالح العنوانين نزلا بال بي بي سي

طائفة "مسيحية" روسية .. يغتسلون قبل دخول الكنائس وتغطي النساء رؤوسها

Russian Orthodox Old Believers

بجد مرّات بتحسسني إني في مدرسة أساس

كن بخير

كمال