نعى اليم الزميل عبدالوهاب علي الحاج...المستنير وهبة فى رحمه الله
|
|
 نجوم الغد مبشتنين والبرنامج في الناااازل
|
بالله بكرة تجو كلللكم لابسين قميص احمر وجينز بلو !!!
وهاااك يا تفتيش في الحلة كوكوكوكوكو عليك الله يا سلوى عندك لوزة حمرا؟
لا والله يا سلمى لكن عندي واحدة كده كبدي بي كلوش تنفع؟
جيبيها يا زولة الاحمر قريب من الكبدي ..
تررن تررن تررن سامر عليك الله عندك جينز بلو ؟
والله يا الفاتح ما عندي لكن في واحد كده اشتريتو زمااان اتسحق بقى قريب للابيض بيخارج ؟
جييبو يا مان ما بيناتنا بمشي الحال..
سلافة النبي فوقك عندك طرحة ياباني حمرا؟
لالالالا لكن عندي طرحة هندية بمبي !!
ما مشكلة اديني ليها بتجي مع الاحمر ..
المحصلة طفشطاشر بت وولد قاعدين في كراسي مصفوفة الفكرة العامة احمر وجينز بلو كل جينز من بلد وكل بلوزة من بلد وكل قميض من بلد وكل طرحة من بلد ..
الفنان او الفنانة او الشاعر او الشاعرة لسة بيجو بي اللبس المكرمش لا تفرزو من الموضة لا تفرزو ما مكوي!!!
البدلة بتكون ظااااهرة ما حقتو لأنو اكتافها بتلبس معاهو سبعة تانيين !!
وده كلو كوووم والاداء بقا كوم تاني!!!
مع إنو البرنامج اصلا انا اتوقع ما قدم المرتجى منه وطلع زوبعة في فنجان فكلللل العدد الهاااائل ده من الشباب والشابات والمحصلة زيييييرو !!!
فنانين يزولون بزوال المؤثر ..ضجة اعلامية مدتها اسبوعين بعدها يجيك احمد المك شايل العود ويعمل حلقة مع واحدة من البنات ويديها لحن علماً بي إنو البرنامج من ما اتعمل لحددددددي اسة ما حصل جابو لينا فيهو فنان واعد وكلللل الواعدين بيكونوا بنات بي مواصفات معييينة وملامح شبه متقاربة !!!
اصوات اكثر من نشاز تقووم ليك شعرة جلدك ..
كوراااك وعزف مزعج !!!!
لجنة بتخرمج وغرضها محاكاة البرامج العالمية من نوعية امريكان ايدول وسوبر استار !!!
برنامج نجوم الغد برنامج لاقى رواج اكبر من حقه و السبب الفراغ البرامجي التلفزيوني ..
من من نجوم الغد واصل بثبات وبنفس الخطى الثابتة وسط هذا الكم الهائل من المجموعة المقدمة ؟؟؟؟؟؟
الاف من الفنانين ان وافقنا نقول ليهم فنانين والمحصلة اتنين او تلاتة بس وديل برضو ما خالص..
الاعجب والاغرب يقولوا ليك حا يعملوا جولة في الخليج !!!!!!!!
معقولة زول وااااعي يدخل حفل بي تزكرة عشان يسمع مستوى هزيل من الغناء بي الصورة دي؟؟؟؟
تخريمة :
غايتو الحسنة الوحيدة من الربنامج ده شغل لينا ناس كوستاوي من البورد ..
|
|
 
|
|
|
|
|
|
|
|
Re: نجوم الغد مبشتنين والبرنامج في الناااازل (Re: علاء الدين يوسف علي محمد)
|
| Quote: البدلة بتكون ظااااهرة ما حقتو لأنو اكتافها بتلبس معاهو سبعة تانيين !! |
لا لا لا يا عمر ..
إلا المرة دي بس ..
يوم الخميس كنت أنا و عديلي و زوجتي و شقيقتها نحضر في البرنامج ، و لما جاء الولد اللي لابس البدلة و اللي غنى للمرحوم / إبراهيم عوض ، زوجتي و شقيقتها علقوا على البدلة اللابسها الولد ،و قالوا إنها مظبوطة جداً و كأنها ( مفصلة ) عليه تفصيلاً ..
و صراحة يمكن هذه المرة الأولى التي أسمع فيها تعليق إيجابي عن زول لابس بدلة في برنامج تلفزيوني سوداني ، ما عارف القصة شنو ؟؟
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: وليد محمد المبارك)
|
السلام عليكم
.......
(الأستاذ) عمر الفاروق
والله ما قلت إلا الصاح
ولكنو صاح متوقع
فبعد "التفريخ" الهائل الحصل في الفترة الفاتت
أكيد المواهب الحقيقية حا تنقص شوية شوية
وأكيد مقاييس الجماعة البيوافقوا على استضافة هؤلاء حتوسع شوية شوية
وبعد ما كانوا متشددين في قبول الشباب ديل اضطروا يتجاوزوا عن بعض الأصوات المش ولا بد
ويقبلوا مواهب نص كم ووصلوا حالياً لربع كم ذاتوو
بالأضافة إلى أن الأغاني السودانية الجميلة
الجماعة الأولانيين غنوها ...وشبّعوها غنا
فبقى لهؤلاء الجدد أن يحاولوا نبش الغير مطروق
ليظهروا به
والغير مطروق ده اصلاً بقى غير مطروق لضعفوا الشعري أو اللحني
الحاجة الأخيرة يا "أستاذ" عمر
هو الفرقة الموسيقية
صحيح الشباب ديل ما عندهم عوجة وما عندهم غلطات كثيرة
ولكن الفرقة الفاتت بقيادة عمك اسماعيل عبد الجبار شغلم نضيف
فيه موهبة ومحاولة تطريب تعطي العمل بعداً آخر
وكثيراً الواحد ينطرب من العزف الجميل ...قبل ما الفنان يقول بغم
وكثير ما كانوا بينجدوا الجماعة لما يلخبتوا الحكاية
.....
يخيل لي لو قللوا عدد المشاركين
وقللوا من زمن البرنامج ... ستكون الأمور أفضل حالاً
بعدين يا جماعة ... حسب رأي لجنة التحكيم
ولا واحد يقولوا ليهو انت كعب مافي
كلهم يا كافي البلا أصواتهم جميلة وبالتدريب والإنتباه لملاحظات اللجنة حا يكونوا فنانين ممتازين؟
نفسي ومنى عيني
يقولوا لواحد (أو واحدة) من المتسابقين : نحن لا نرى لك مستقبل في عالم الغناء
وننصحك تشوف ليك شغلانة تانية
....
تحياتي (استاذ) عمر
........
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: abuguta)
|
Quote: ايامك يت عمر..
انحنا لافين في البوستات شمال ويمين ما ادونا ليها الاستذة .. |
ما تزعلي يا سارة أنت تستحقين الأستاذية
و بجدارة وفي رأيي أن كل من يسطر حرفا في
المنبر هوأستاذ أليس كذلك ؟
شكرا أستاذة سارة 000
مع مودتي 000
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: بكري اسماعيل)
|
الدهب عصام :
تحياتي يا زقزوق انت ..
موضوع البدل ده تحديدا انا ما قصدت بيهو حلقة الخميس والود البيقلد ابراهيم عوض واللي فعلا غير البدلة ماف شي تاني كان ظابط معاهو اللهم إلا الوووه اوووه هوووه الجابا في الاخير وقطعا من كنوكوجو ديك ..
بالمناسبة في الفضائية السودانية في مزيع اخباري اسمو ضياء اظنو برضو بيلبس بدلة قدرو ..
عثمان سيد احمد يا حبوب :
والله عايز اقول ليك يا استاذ برضو عشان الكورة تبقا 1-1 في الاستاذية لكن خايف ليك من لسان سارة علي الحاقدة دي وتجي تمسخ ليك استوذيتك دي ..
وبعيدن ياخ انا استااااذ ما تشوفني كده درست اجيال (منهم غاندي بتاع الفلوت عشان اغيظ ناس كده :)
وبالمناسبة معظم المشاركين يا عثمان والله حتى الطريق ما متلمسنو اللهم الا اذا كانوا بيقصدو طريق الموردة حيث كانت تقام البروفات والمعاينات فهو الطريق الوحيد الممكن يتلمسوهو ..
استغرب تماما لكيفية عمل المعاينات واجتيازها ومرات كده لمن اسمع صوت واحد او واحدة بحلف يميني انو يا بيكون بيبقا لي بابكر صديق لوا لي اسماعيل عبد الجبار او لي ناجي تاج السر او ود حلة واحد فيهم !!
مجاااملة شديييدة من البداية مع انو ما ممكن فنانين كبار زي ديل نكون نحن السميعة افضل منهم في تقييم الاصوات ..
تسلم يا استاااذ كيييييييتا في سارة الحاقدة دي ..
علاء الدين ياخ بطل شغل الكسل والكوتات ده ..
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: بكري اسماعيل)
|
Quote: ايامك يت عمر..
انحنا لافين في البوستات شمال ويمين ما ادونا ليها الاستذة .. |
اووووووو ..اضيف عندك يا نادر الفضلي لي لستة المحقود عليهم واحد عمر الفاروق وصلاااحوووو !!
يعني عشان انا خمري اللون تقومي تحقدي علي كده ؟؟
عرفنا ذهبيين اللون بي سببهم :)
وبعدين ياخ انتي مشكلتك بتلفي غلط !!! ما بتعرفي تلفي كويس ؟؟؟اسة عليك الله في زول عايز يبقا استاذ بوردي ويستشير دينا خالد في الاراء؟؟
غايتو وللضمان كده نهديك اغنية شرحبيل ادناه لترقيص العروس في زمن ما في مكان ما:
لف يميين ..لف شمااال.. لف يمين ..ياخي لف شماااال .. ودووور دووور دووور دوووور يا لابس البمبي ..
بمبي يا بمبي.... تيييراااا ....موووردة ...تيييرارا..
قال استاذية قال والله انتي حدك ألفة بس وبي واسطة بعد..
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: وليد الطيب قسم السيد)
|
لا يا عمر ياخ
فيهم واحدة كده انا مرة حضرتها بتغني اغنيه اسمها (مجنوونة) وبتمط العبارة دي هكذا (مجنونة ، مجنونة ، مجنوووووووووووووووووونة)
الاغنية جميلة ولقت استحسان من الحكام وقبول مني انا ده كمشاهد
والاغنية انتاج خاص حقت الفنانة زاتها (نسيت اسمها للاسف)..
البنية سمحة وصوتها حلو وعندها حضور مسرحي
ان شاء الله تكون شفتها....
انا منتظر تمبس يجي عشان نتبناها اسفيريا
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: azhary taha)
|
عمر الفاروق
كالعادة ... لابيعجبكـ العجب ولا الصيام في رجب (رمضان قرب)
انا بختلف معاكـ شديد،، ما ممكن تنسف للراجل تجربته الكبيرة والطويلة في نجوم الغد،ففي تقديري برنامج نجوم الغد استطاع ان يخر اصوات كثيرة مميزة واثبتت تميزها على ارض الواقع (ارض الواقع دي يعني برا البرنامج)، دا اذا كنت بتقصد البرنامج ككل ، اما اذا كنت وزي ما بيقول ود الصايم بتقصد الدورة الاخيرة ، انا ما متابع ليها شديد (المجموعة الاخيرة دي الفيها بتين بيشبهو بعض والاتنين بيشبهو منال بدر الدين؟؟؟) ،، فنجوم الغد خرجت :
رماز ميرغني - صوت واداء ماينشبع منه
حرم النور - شعبية عريضة
افراح عصام - ياخي حرااااااااااااااااااااام يا عمر والله الله بيسألكـ
هو مالو الغنا كلو بقى بنات
برجع ليكـ يا ابو لسان مترين
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: بكري اسماعيل)
|
المبارك وليد:
| Quote: ودي محاولة جادة منهم لاستعدال الوضع القائم الان |
هي محاولة نعماوفقك الراي بس جادة لأ يا وليد .
البرنامج بدا كويس في دورته الاولى ولكن للاسف كالعهد دوما بي السودانيين الحاجة عندهم ما بتمشي لي قدام بل بالعكس بتتعولق وتتبشتن بالاقتراحات اللي بيتصوروا انها بتطور لكنهاللاسف بتنسف..
البرنامج بقا يستوعب كل من هب ودب وشر البلية لسة بقول انهو بابكر مصر انها بتم بعد معاينات!!!!
البرنامج فشل في ترسيخ فنان بمعنى كلمة فنان وكلهم كانوا عبارة عن زوبعة في فنجان وان اعتبرنا فعلا انها اصوات كانت جميلة لكن الاصوات دي ما بنشوفا ونسمعا الا في قناة النيل الازرق اما في برامج العيد او في مشوار المسا ..
زمان لمن يقولوا ليكم الفنان ه نتاج للدورة المدرسية فبتلقاهو فعلا بعدها مشى وتطور ووضع بصمة ..
يعني زي الفناااااااااااااااااانة حنان النيل دي ممكن تقول نتاج لي نجاح برنامج اسمو الدورة المدرسية ...
لكن عافية حسن ويرها كانوا فورة وان اقررنا فعلا فعلا فعلا بي جمال صوتهم ..
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: عمر الفاروق)
|
أخي عمر الفاروق وضيوفه الكرام ،،، لكم التحية
عمر بوستك موفق وجاد جدا علي الرغم من المسحة الكوميدية التي أعترته من بعض الأصدقاء.
ليي فترة طويلة بفكر في الموضوع دة ....
حقيقي البرنامج فكرته كويسة ولكن اعداده متعجل وغير مدروس والتعامل مع المادة يتم بكثير جهل .
البرنامج ملأ الساحة الغنائية بأصوات فطيرة وهناك أصوات غير مقبولة بالمرة .
علي مستوي لجنة التحكيم لها كل الاحترام لا اري سببا لوجود المذيع محمد سليمان بين أعضاء اللجنة وذلك لعدم التخصص .
وهناك سؤال هل تتم تصفيات قبل الاستديو أم ماذا ،،، اذا تمت تصفيات وما قدم بالاستديو هو نتيجة هذه التصفيات فأنها كارثة
أما اذا ما نراه الآن هو التصفيات نفسها فهذا خطأ مهني لا يغفر أبدا.
وهناك أشياء كثيرة ،،،،،،،،،،،،،،،،،،،،،،،،،،،،،، فتكم بعافية
| |
|
|
|
|
|
|
|
|
|
Re: نجوم الغد مبشتنين والبرنامج في الناااازل (Re: Abd-Elrhman sorkati)
|
الاعزاء ،،، سلامات مرة أخري
المثال الذي تحدث عنه أخي ميرغني علي الامين عن الشابة التي تغني أغنية بأسم مجنونة في رايي هو أضعف مثال
فهذه الشابة ذات صوت ضعيف جدا ،،، وبتتكلم ما بتغني وصوتها عادي ولاتجنح لاي تطريب وطبعا دة لضعف الامكانيات
أنا أثق تماما في ذائقة الاخ ميرغني وعرفت منه الكثير عن الحقيبة ودروبها لذا ارجو من الاخ ميرغني أن يستمع الي هذه الشابة بتروي
الطريق وعر لكن لازم نواصل
| |
|
|
|
|
|
|
| |
عمر الفاروق
علاء الدين يوسف علي محمد
عثمان سيد أحمد
سارة علي
الزوول
خالد عبد الله محمود
Mirghani Ali AlAmin
abuguta
وليد الطيب قسم السيد
Ahmed Yousif Abu Harira
محمد عبد الماجد الصايم
شمائل النور
Abd-Elrhman sorkati
omer osman
فيس بوك
تويتر
انستقرام
يوتيوب
بنتيريست