|
|
 ممكن؟
|
داير أبقى إعلامي ...
أصلو وكت الشغل فتّة، ولحم راس
إشمعنا أنا؟
|
|
 
|
|
|
|
|
|
|
 Re: ممكن؟ (Re: هشام آدم)
|
Quote: داير أبقى إعلامي ...
أصلو وكت الشغل فتّة، ولحم راس |
مرحب بيك فى {قبيلة} الاعلامين والاعلاميات ياهشام
فى رد على اخ كريم فى سودانيات رديت على سؤال ماهو الاعلامى/الاعلامية كالتالى, وهو تعريف حسب وجهة نظرى محتاج لمقاربات علمية لضبط هذا التعريف منهجيا
Quote: لو اعتمدت على بداية كلامك هو مهنتك كمعلم فلا شك ان تخصصك يخول لك ان تعمل فى هذا المجال..
لو انطلقت من موقعى كمتخصصة فى الاعلام والعلوم السياسية اقول انو الاعلامى مفروض يكون متخصص فى الاعلام او تخصص شبيه بذلك..
ومع ذلك اقول انو ماكل متخصص اكاديميا فى الاعلام هو بالضرورة اعلامى ناجح
وماكل من دخل بوابة الاعلام وهو متخصص فى مجال آخر يقرب ويبعد من الاعلام
هو بالضرورة اعلامى فاشل..
ممارسة المهنة فى اى مجال ذات صلة, اعتبره اعلامى..وبالضرورة التسلح بالمعرفة فى هذا المجال {فهل يستوى الذين يعلمون والذين لا يعلمون}
وفوق لكل هذا فالاعلامى هو المنحاز للشارع ولصوت الناس ولدروبهم, الاعلامى لابدّ ان يكون مسلحا بالوعى السياسى وقادرا على تحليل الواقع وفقا لاجندة تتعلق بالناس وتنميتهم, الناس هم قمة الهرم التنموى, التى اساسها احتياجاتهم المادية والروحية.
|
http://sudanyat.org/vb/showthread.php?t=11157
يا اخوى اكتب كتبتك وابحت وتأمل فى شئون هذا الكون
اقرأ قرايتك وفيدنا بالثمر
الله يثّمّر عقلك كمان وكمان
| |
|
|
|
|
|
|
|
|
|
Re: ممكن؟ (Re: Ishraga Mustafa)
|
Quote: ماكل متخصص اكاديميا فى الاعلام هو بالضرورة اعلامى ناجح
وماكل من دخل بوابة الاعلام وهو متخصص فى مجال آخر يقرب ويبعد من الاعلام
هو بالضرورة اعلامى فاشل..
ممارسة المهنة فى اى مجال ذات صلة, اعتبره اعلامى..وبالضرورة التسلح بالمعرفة فى هذا المجال |
دكتورة: إشراقة مصطفى
يسعد لي أيامك ياخ
تصدّقي كنتَ داير أطرح السؤال ده؟ (ما هو الإعلام، ومن هو الإعلامي؟) لأنو الشغلة جاطت شديد. تعريفك الفوق للإعلامي تعريف داير ليهو قعدة، وتركيز. وأكيد مفيد للزول إنو يفرّق بين التخصص الأكاديمي في الإعلام والمَلكة الإعلامية.
روقة الراس ما متاحة حالياً، لكن برجع ليكي لأنو الموضوع هاميني شديد
| |
|
|
|
|
|
|
|
|
|
Re: ممكن؟ (Re: هشام آدم)
|
المؤهلات المتوفرة (حتى الآن):
• سوداني
• مُكجّن الكيزان لـالله والرسول
• غالاط لمّن غلط
أيّ مؤهلات أخرى يُمكن توفيرها عند الطلب
| |
|
|
|
|
|
|
|
|
|
Re: ممكن؟ (Re: هشام آدم)
|
لمّا قبلوني في جامعة الخرطوم (93/94) كان أوّل تفكيري الدخول في شعبة الإعلام، ولكن لم أنجح في المقابلة الشخصية interview ويظهر إنو الجماعة الطيّبين ما عجبهم رأيي عن الإعلام ووظيفته ودوره. وظلّ عشقي للإعلام عشق من طرف واحد، وبالتأكيد العشق اللي من طرف واحد، هو عشق مُهين، بس هذا قسمي في ما لا أملك (نسوّي شنو عاد) كانت لديّ قناعة إن وظيفة الإعلامي الأساسية هو الربط بين (الحدث/السُلطة/الشارع) والانحياز التام إلى الحقيقة. ولمّا كبرتَ شوية عرفت إنو في فرق كبير بين الحقيقة والحق من حيث إنو الحقيقة متلوّنة، في حين أن الحق قيمة ثابتة، ولا لون لها. الحقيقة كائن والحق مكوّن ... ومجموعة من الفروقات الأساسية خلتني أغيّر قناعاتي تجاه الإعلام وبالتالي تجاه الإعلاميين.
| |
|
|
|
|
|
|
|
|
|
Re: ممكن؟ (Re: هشام آدم)
|
هشام
تحياتي
بالله مالك عايز تمرض وتتأزم وتبقي حاجة كده لا طيارة ولا معلقه كفاك الكتابة الابداعية وهمومه والله انا واحد من الناس لو عندي طبليةفي سوق لبياأحسن كتير من الشقوة دي قال أعلام عايز أموت كمد !!!
| |
|
|
|
|
|
|
|
|
|
Re: ممكن؟ (Re: زهير عثمان حمد)
|
أبو الزوز يا حبيب
وهو (عليك الله) فرق الإعلام السوداني من سوق ليبيا شنو حسي؟
ياخ قبل فترة كان في لقاء تلفزيوني مع شُلّة من الإعلاميين، غايتو أنا قنعتا من يوما من حاجة اسمها "إعلام سوداني" يعني تمسكا من مسألة الهندام واللبس، لغاية طريقة الكلام واختيار الألفاظ ... تخيّل في واحد منهم كان بيلعلب في نخرتو وهو بيتكلّم! تقول لي سوق ليبيا؟
| |
|
|
|
|
|
|
|
|
|
Re: ممكن؟ (Re: هشام آدم)
|
في الكتابة والصحافة:
اللغة علم، والكتابة فن. وخاصة عندما تكون الكتابة حِرفة ومهنة. يعني في سوق الله الكبير ده (سودانيزأولاين) لمّا يغلط الأخوة الإعلاميين في الإملاء والكتابة، تبقى كارثة حقيقية. ومعلومة لوجه الله تعالى: عند جمع المفردات المنتهية بياء النسب؛ يجب أن يكون الجمع محتوي على عدد (2) ياء
إعلامي = إعلاميين
شيوعي = شيوعيين
ديمقراطي = ديمقراطيين
سوداني = سودانيين
وهكذا
إلا أن تكون الياء أصيلة في الكلمة:
راعي: راعين
شادي: شادين
هادي: هادين
غادي: غادين
| |
|
|
|
|
|
|
|
|
|
Re: ممكن؟ (Re: هشام آدم)
|
الكلام الفوق ده يُطبق فقط في حالات النصب والجر
ولكن في حالات الرفع يُكتفى بياء واحدة فقط
إعلامي = إعلاميون
شيوعي = شيوعيون
سوداني = سودانيون
| |
|
|
|
|
|
|
|
|
|
Re: ممكن؟ (Re: هشام آدم)
|
Quote: لمّا قبلوني في جامعة الخرطوم (93/94) كان أوّل تفكيري الدخول في شعبة الإعلام، ولكن لم أنجح في المقابلة الشخصية interview ويظهر
إنو الجماعة الطيّبين ما عجبهم رأيي عن الإعلام ووظيفته ودوره. |
اها باهشام النجيك للانترفيو بتاع الجامعة الاسلامية..
وقبل ما ادخل ليك فى الغريق خلنى اقول لاخونا عماد الطيب انو صاحبك عاد سنة واحدة عشان يدخل الاعلام
اختك القدامك دى عادت خمسة سنوات وراء بعض عشان تقرأ اعلام..والسلسلة تلقاها هنا..
http://www.sudaneseonline.com/arabic/index.php?option=com_con...4-08-25-00&Itemid=55
اها عليك النبى يا هشام لمن يجى زول يتسلبط فى الاعلام ويعمل فيها اعلامى
مامن حقى, بس غيرة ساى على سنواتى الخمسة دى احتجّ, كدى انسى الباقى!!
رجعتنى بكلامك ده لسنة الانتفاضة
تصدق كانت الدنيا انتفاضة وهناك فى كلية البنات كان الواقع غير
تحت الشجرة اللى قدام مكتب الانترفيو كانن البنات الجداد منتظرات دورهن للمعاينة
و{الكوزات} يوصن فيهن وبدأن رحلة التجنيد
اها اختك فصاحتها كانت ايامها شديدة, ورفضت اى توجيهات منهن وناقشتهن قدام البنات,,
مع العلم انو الانترفيو ده بيحدد قبولك من عدمو رغم انو المجموع رسميا بدخلك من مكتب القبول
فى المعاينة سالونى عن آخر كتاب قريتو, وصادف كان كتاب بمجد للناصرية عنوانو على ما اذكر
{هل كان عبدالناصر ديكتاتوريا؟} او نحو ذلك
وسألتنى استاذة عن اجابتى لو انه كان ديكتاتوريا..
قلت لها ان لا استطيع ان اقول عن ديكتاتوريتو ولكنى استطيع ان اقول عن موقفو الصارم من الاخوان المسلمين, موقف كان قوى
{طبعا ياهشام ده كان ردى فى الوقت داك, لو سألتنى حسع بتكون حتما قرايتى مختلفة}
اها من هناك طوالى قرروا يكونوا لىّ لجنة موحدة برئاسة سعاد الفاتح..
وبتذكر كان معاى بنية اسمها عايدة, مشكلتها انها من رفاعة ولها صلة قرب بالاستاذ محمود محمد طه
اليوم داك اتربطت وماخليت {عضمةو شيطان} ظاهرة
واللجنة كان فيها ستة سابعهم د. سعاد الفاتح..
المهم سين وجيم
جيمات تؤكد لاى مدى تم قهرى
وكان علىّ ان احفظ جزء عمّ وان لا امارس اى نشاط سياسى وكان علىّ ان اوقع على هذا القرار
ما حاتقدر تتخيل الضغط النفسى اللى عشتو بعدها وخصوصا ابتعاد البنات عنى خوفا من {تهمة} الشوعنة
ولم يكن لىّ حتى ذلك الوقت الاّ عضويتى فى الاتحاد النسائى السودانى فرع الحلة الجديدة بكوستى..
اول حاجة عملتها مما طلعت من مكان الانترفيو بكلية الاولاد فى بانت زمانئيذ
هو رحلتى لقصر الشباب والاطفال لاقدم طلب انضمامى للجبهة الديمقراطية والحزب الشيوعى
حيث يلتقى {اصحابى} هناك من كلية الاولاد.
قادر تتخيل النزاع اللى عشتو بين رغبتى فى ان اقول وجهة نظرى كما هى
وبين الخوف من رفضى وكنت على حافة انهيار بعد خمسة سنوات
عانيت فيها ماعانيت..
النتيجة ياهشام كانت قبولى فى كلية الصحافة والاعلام {كمنتسبة}
نسبتى كانت 71,3%.. والانتساب حينها كان يتطلب الحضور يوميا
يفرقنا فقط فقر داخلياتنا..
فى القسم كان لنا اساتذه مازلت امنّ لهم باى نجاح حققته فى هذا الجانب الاكاديمى..
د. بشير صالح كان يعتقد ان معيار الانترفيو مفروض يكون التأكد فى الاول من موهبة الطالبه, لانو ده الاساس المتين للنجاح
وكنت ومازلت متفقة معه,
لانو كان فى طالبات بيحفظن المقرر صم,
من غير اى اضافة منهن فى رؤية خاصة فى مادة زى {اعلام وتنمية}
اختك اجتهدت السنة الاولى وصممت بمعاناة لا تضايها اى معاناة فى الدنيا {فقر ومجابدة حياة وظروف تانية}
خطتى كانت انجح بجيد جدا, وبالتالى لايمكن تصيدى بحجة انى فاشلة اكاديميا وكان ممكن فصلى ببساطة لو فعلا مارست اى نشاط فى ذلك العام, اعنى نشاط مكشوف,
بديت ممارسة النشاط بعد المعاينة التانية مباشرة ولم اتوقف الاّ فى عام 1992
ونيتى كانت اتخرج بمرتبة الشرف وقد حدث ياهشام ومع ذلك رفض تعيينى معيدة فى الكلية وتمّ تعين خريجة {دعوة ودراسات اسلامية}
الاعلام ودراستو ابداع, مرتبط بالافق الحر
وبيرفض اى شكل من اشكال التقييد التى مورست علينا.
ياخ حسع مالك فاتح الباب ده..
يعنى لو قعدت احكى ليك جلسات المحاسبة لبكرة مابنخلص..
كلو لانو نشاط الجبهة الديمقراطية صار علنى,
ومن جانبى شجعت اى تنظيم جديد للبنات حينها وعلى رأسهن
الاتحاديات وبنات حزب الامة
ورؤيتى كانت كلما تكتر المنابر كل ما تسع افق الممارسة الديمقراطية..
هذا وقرابة الخمسة وعشرون عاما تصحو الآن..
---------
شتان مابن الانترفيو فى الاسلامية والانترفيو { مهذب امامك يطيل الجلوس}
اما استاذى د. الطيب حاج عطية..
شروط القبول للدبلوم العالى فى علوم الاتصال بكلية الدراسات العليا بجامعة الخرطوم
كان ان تكون خريج اعلام ولك خبرة على الاقل سنتين فى العمل الاعلامى..
سمعنى ساتاذى عطية بذهن عالم وتمّ قبولى..
وقف معى حين تأخرت من امتحان تاريخ الصحافة بسبب بتاع الامن وانا براجع فى التواريخ وقرأ جملة
عن حال الصحافة بعد انقلاب الانقاذ
نزلنى من البص ومعاى صاحبتى هويدا
وقال لىّ تعدلى الجملة دى, ده ما انقلاب, دى ثورة..
هويدا كانت عارفة انى ممكن ببساطة اضيع زمن الامتحان ومشيتها ليهو
طيب ومالو {ثورة وبتوقف الصحف}..
ولانو بحث التخرج كان عن دور الصحافة الحزبية فى معالجة قضية الجنوب مقارنة بين الميدان والراية} لك
ان تتصور معاناتى فى طباعتو, كلما يشوف زول الميدان يقول لىّ لاّ..
دكتور الطيب ساعدنى فى حاجات كتيرة
كان اولها اعفائى من الرسوم, وتشهد بذلك تلك القاعة التى بعت فيها الساندوتشات لبعض زميلاتى وزملائى
سندا لىّ لانجاز هذه المرحلة... { لكل هؤلاء امتنانى العظيم}
والقصص تطول لكن ممكن تحليلها لقراية الواقع داك ياهشام
شكرا ياخ على التحريض
| |
|
|
|
|
|
|
|
|
|
Re: ممكن؟ (Re: Ishraga Mustafa)
|
د. إشراقة مصطفى
ما قلنا مِحن التعليم السوداني مِحن تسوّي المغايس، بس كويس إنّك اتفشيتي حسّي، شكلك كنتي شايلة وكاتمة :) :)
كلامك ده يا دكتورة، ذكرّني قصة حصلت معاي في الجامعة. طبعاً أخوك القدامك ده قرا لغة عربية وعلم نفس. أها في سنة من السنوات (وحاتك ما متذكر الكلام ده سنة كم) كان في مقرر في علم النفس اسمو (علم النفس الإسلامي) ولأني أساساً ما حريص على حضور اللكاشر، فالناس استغربت وجودي في أول لكشر لعلم النفس الإسلامي ده، والحقيقة إنو كان في سببين بدل واحد للموضوع ده. أول حاجة إنو الدكتورة الكانت بتدينا المحاضرة دي (د. انتصار) كانت زولة سمحة سماحة مبالغ فيها. وتاني حاجة إنو اسم المقرر ده كان مستفز، وخشيت أشوف حكاية العِلم الجديد ده.
بعد المحاضرة سألت الدكتورة عن مدى صحة نسبة (علم) إنساني إلى دين معيّن، لأنو أساساً علم النفس ده علم إنسانيات في المقام الأول، وما ممكن نوصف لينا علم بأنو إسلامي ولا غيرو.. ولأنو الإسهامات في علم النفس ده أساساً إسهام غربي من قولة تيت، فأنا كنتَ رافض الاسم ده نهائياً، لأنو لو صدقنا إنو في حاجة اسمها (علم نفس إسلامي) معناتو لازم يكون في علم نفس مسيحي أو يهودي؛ لاسيما إنو إسهامات علم النفس الكبيرة كانت على يد علماء يهود أساساً.
وعينك ما تشوف إلا النور ...........
غايتو القراية دي عملت في عقولنا قطايع ماكنة، لأنو اضطريت أجاري الوضع البيش ده عشان أباصي وأنجح .. تخيّلي؟
| |
|
|
|
|
|
|
|
|
|
Re: ممكن؟ (Re: هشام آدم)
|
س1: ماذا أضافت تقنيات الإنترنت الحديثة للإعلاميين والصحافيين السودانيين؟
ج1: ساعدتهم على الانتشار، وسُهولة الحصول على الموضوعات.
| |
|
|
|
|
|
|
|
|
|
Re: ممكن؟ (Re: هشام آدم)
|
الحمد لله الباقي كلو هين
الموهبة اهم حاجة في الشغلانة اذا عندك موهبة بتكون قطعت شوط كبير في الشغلانة يعني ناس تلاقيهم عندهم شهادات كبيرة في الاعلام لمن يتكلم تقول ده اتعلم الكورة كبير لووول يكه
لكن في واحدين ماعندهم علاقة بالاعلام لكن لمن يتكلموا تقول بالع ليهو رادي يقنعك بي اي حاجة
حاول ادخل المجال بالتدريب والمشاهدة والدراسة انت لسع صغير وعاقل لووول يكه بس الحق نفسك قبل ماتعرس لانو بعد العرس ما ح تلاقي زمن تشوف نفسك في المراية خليهو التلفزيون لووول
تحياتي
زاتوووو
| |
|
|
|
|
|
|
|
|
|
Re: ممكن؟ (Re: ALZOLZATOO)
|
ALZOLZATOO
لقد صبأ، خسئت يداه...
هذا الهشام ابن ابي الحكم..
ده يعمه في غيه ، فهو هالك لامحالة...
| |
|
|
|
|
|
|
|
|
|
Re: ممكن؟ (Re: معتز تروتسكى)
|
المعتز لدين الله التروتسكي
قالوا: "المُسافر عينو قوية" ياخوي
ومن هذا المنطلق فانت معذور في كل
ما تقوله ... بس أمانة عليك ياخ
تسلّم لي على ناس بلجيكا
وما تنسى تقيف على قبر هيلموت وتقرا ليهو الفاتحة
عارفو هيلموت ده؟ بتاع "عقيدة الأرواح الإنسانية"
يمكن في بلاد الله الغريب ديك تتغيّر وتبقى بني آدم
| |
|
|
|
|
|
|
|
|
|
Re: ممكن؟ (Re: هشام آدم)
|
ايها المرتد هشام..
خاطب الانبياء بادب..
بعدين اوعاك تجيب شماراتي هنا ، الظاهر انك ابتزيت ود الزين ووراك الحاصل شنو..
تعرف انا قربت اكون معاك هناك في لبنان لكن تقول شنو ..
بس انت عملت مني نايم عواليك ..
هي الدينا ايه غير لمة ناس صحاب؟!؟
تبت يداك ..
الشى الاخر انت شنو حكاية سؤالك بتاع اعلامي اعلامي ده ؟
مالك طايره ليك ..؟!
واظهر على داير عشان اورييك التفاصيل قبل ما اشيل حالك..
| |
|
|
|
|
|
|
|
|
|
Re: ممكن؟ (Re: معتز تروتسكى)
|
يا النبي نوح تصل سالم :)
يا زول لا تشيل حسّي ولا أشيل حسّك
أنا شحنت الليلة، وبتصل عليك .. أرجاني العصُر
لكن كان المفروض تجي تعمل عمرة قبل كل شي ..
ولا كيف؟ :) :)
| |
|
|
|
|
|
|
|
|
|
Re: ممكن؟ (Re: هشام آدم)
|
| Quote: لكن كان المفروض تجي تعمل عمرة قبل كل شي .. |
ده ما يٌقال عنو اغتيال الشخصية ايها الاستاليني؟!؟
الشى الاخر داير ابلغك انو الشحموطة ربما تكون من كُتاب هذه الجريدة..
مبروك ... الصباحية .. صحيفة اجتماعية يومية اعتبارا من الاثنين 15 يونيو
ده برضو برجعني لسؤالي هو نقتك في اعلامي اعلامي دي ،
انا مارق رد على سؤالى ده عايز اعرف السر شنو يادين...
ومنتظر وقسما ولاتي والعزة اشيل حالك...
تقعد تتبز لي في ود الزين صاحبي ، قايل مابتلقى ليك موسى يافرعون...
النبي تروتسكي ذو باس شديد فعال لما يُريد. .
| |
|
|
|
|
|
|
|
|
|
Re: ممكن؟ (Re: معتز تروتسكى)
|
جنّي وجن "ربما" دي
لكن برضو شمار في السِلك يا مان :)
أما بخصوص إعلامي .. فأعتقد إني مؤهل للحتة دي
ولا إنتا راقد ليك فوق راي؟ وود الزين ده مالك
ومالو .. هو "الله" بيسألني أنا ولا بيسألك إنتا؟
وإنتا ياولدي بيسألوك كمان؟ :) :) :) :)
| |
|
|
|
|
|
|
|
|
|
Re: ممكن؟ (Re: ALZOLZATOO)
|
ALZOLZATOO
أكتر حاجة عجبتني في مداخلتك دي هي شهادتك لي بأني صغيّر
عاقل دي ممكن نختلف فيها أو نتفق على حسب الموضوع لكن يا
ودّ أبوي ريّحتني راحة كده ما طبيعية، أهل بعد ده باقي لينا
شهادة في الوجاهة عشان نمشي بيروت وأنحنا مُطمّنين لووول يكه
وبرضو الله في !!
| |
|
|
|
|
|
|
| |
هشام آدم
Ishraga Mustafa
emad altaib
زهير عثمان حمد
ALZOLZATOO
معتز تروتسكى
فيس بوك
تويتر
انستقرام
يوتيوب
بنتيريست