Post: #1
Title: مبالغة مركز مالك الثقافي!!
Author: Hussein Mallasi
Date: 06-13-2009, 08:51 AM
Parent: #0
جاء في الرأي العام الصادرة اليوم 13
يونيو 2009 في الصفحة الأخيرة التالي:
بدعوة من مركز مالك الثقافي يصل الخرطوم صباح اليوم الناقد المصري المعروف
د. سيد البحراوي لتقديم محاضرة بفندق القرين هوليدي فيلا مساء اليوم بقاعة السينما
بالفندق المحاضرة بعنوان "نحو مساهمة عربية في نظرية النقد" و الدعوة عامة.
____
فتأمل!!
|
Post: #2
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 08:59 AM
Parent: #1
دا شنو دا يا وجدي كامل .. مساهة عربية شنو
و سيد بحراوي شنو و قرين هوليدي شنو!!
_____
ألهذا أسس مركز مالك
الثقافي في الدمازين 
|
Post: #3
Title: Re: مبالغة مركز مالك الثقافي!!
Author: Rawia
Date: 06-13-2009, 09:03 AM
Parent: #2
مالك منو؟
ووجدي منو؟
|
Post: #4
Title: Re: مبالغة مركز مالك الثقافي!!
Author: Rawia
Date: 06-13-2009, 09:06 AM
Parent: #3
ماهأسأل من البحيراوي لانه حيكون مغمور شديييد
|
Post: #5
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 09:11 AM
Parent: #4
تسليم الثقافة للشماليين يا ناس الحركة إن ما وداكم التوج لوموني.
|
Post: #6
Title: Re: مبالغة مركز مالك الثقافي!!
Author: عبدالكريم الامين احمد
Date: 06-13-2009, 09:16 AM
Parent: #2
الميم
الميم
وين يا مرجف
|
Post: #7
Title: Re: مبالغة مركز مالك الثقافي!!
Author: HAIDER ALZAIN
Date: 06-13-2009, 09:22 AM
Parent: #6
مشكلتك شنو بالضبط ؟
عشان البحيراوي والا عشان مصري !!!
قال ثقافة قال !!
|
Post: #8
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 09:24 AM
Parent: #6
أتمنى أن يضطلع "ماو" بدورة الطليعي المرتجي و يعمل
– ما وسعه - على إيقاف هذا العبث بأعجل ما تيسر.
_____
بلاش نحو مساهمة عربية بلاش كلام فاضي.
|
Post: #9
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 09:27 AM
Parent: #8
Quote: مشكلتك شنو بالضبط ؟
عشان البحيراوي والا عشان مصري !!!
قال ثقافة قال !! |
مشكلتي إنو الزيك بيكتب في البورد.
|
Post: #10
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 09:52 AM
Parent: #9
| Quote: ماهأسأل من البحيراوي لانه حيكون مغمور شديييد |
ما مغمور و لا حاجة .. بس مكانو المناسب
الخرطوم عاصمة للثقافة و ليس مركز مالك الثقافي.
|
Post: #11
Title: Re: مبالغة مركز مالك الثقافي!!
Author: محمد عبدالقادر سبيل
Date: 06-13-2009, 09:57 AM
Parent: #9
Quote: بدعوة من مركز مالك الثقافي يصل الخرطوم صباح اليوم الناقد المصري المعروف
د. سيد البحراوي لتقديم محاضرة بفندق القرين هوليدي فيلا مساء اليوم بقاعة السينما
بالفندق المحاضرة بعنوان "نحو مساهمة عربية في نظرية النقد" و الدعوة عامة.
|
انا لله وانا اليه راجعون
يعني هسع د. وجدي كامل هو مدير مركز مالك الثقافي الذي مقره في الدمازين ؟
وهل استطيع ان استنتج ان وجدي بات حركة شعبية ؟
طيب هل الهدف من المركز هو التوثيق ورفع الوعي وشحذ الحراك الثقافي في الولاية الاكثر طينا وبعوضا وعطشا وظلمة وظلما في السودان ام هدفه اولا الاسهام في تنمية مجتمع المركز عبر تعزيز الجانب العربي فيه؟
اهتمام د. وجدي بالسينما الافريقية هو ابرز ما اعرفه عنه وله في ذلك كعب عال ومؤلفات فماذا حدث ؟
ثم يا وجدي اخوي
انت تعلم جيدا ( وشخصيا ) انني من النيل الازرق وعلاقتي بالثقافة لا تخفى عليك
فلماذا لم تكلف نفسك عناء مكالمة واحدة فقط للمشورة ؟
أم لعلمك انني ذو توجهات ايمانية لا علمانية لذا همشتني ؟
عموما يتعين علي الا استعجل
فلربما د كامل ليس هو مدير المركز او ربما تم تعيينه قبل اسبوع واحد فقط
ياخي والله غايتو مافي فايدة كله كله
______________
رب لا تذرني فردا وانت خير الوارثين
|
Post: #12
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 10:04 AM
Parent: #11
Quote: عموما يتعين علي الا استعجل فلربما د كامل ليس
هو مدير المركز او ربما تم تعيينه قبل اسبوع واحد فقط |
استعجل يا سبيل ما استطعت لذلك سبيلا؛ فوجدي هو
مدير المركز و لم يتم تعيينه قبل اسبوع واحد فقط.
|
Post: #13
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 11:03 AM
Parent: #12
خليت شنو يا وجدي لمركز التنوير المعرفي
|
Post: #15
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 11:16 AM
Parent: #13
بمناسبة التنوير .. مرة جابوا أسرار بابكر في مركز الخاتم عدلان تغني:
أنا سوداني أنا ..... إلى أن قالت: و إلى العرب تنسب الفطنُ ُ ُ ُ ُ ُ ُ ُ ُ ُ ُ ُ ُ ُ و الجماعة فرحانين و يهزوا .. فتأمل!!
|
Post: #30
Title: Re: مبالغة مركز مالك الثقافي!!
Author: أيزابيلا
Date: 06-13-2009, 01:55 PM
Quote: بمناسبة التنوير .. مرة جابوا أسرار بابكر في مركز الخاتم عدلان تغني:
أنا سوداني أنا ..... إلى أن قالت: و إلى العرب تنسب الفطنُ ُ ُ ُ ُ ُ ُ ُ ُ ُ ُ ُ ُ ُ و الجماعة فرحانين و يهزوا .. فتأمل!!
|
انت متاكد من الكلام دة؟؟
لانو انا متذكرة لما اسرار غنت (امة السودان) بدل امة العرب وكلنا بشرنا ليها
*ـــــــــ
كلموها يا ملاسي قبل الحفلة..ما تبهت الناس ساى
|
Post: #14
Title: Re: مبالغة مركز مالك الثقافي!!
Author: الطاهر ساتي
Date: 06-13-2009, 11:15 AM
Parent: #12
عريان ولابس كرافتة ..!!
قال مركز مالك .. منتهى النرجسية ..!!
Quote: بدعوة من مركز مالك الثقافي يصل الخرطوم صباح اليوم الناقد المصري المعروف
د. سيد البحراوي لتقديم محاضرة بفندق القرين هوليدي فيلا مساء اليوم بقاعة السينما
بالفندق المحاضرة بعنوان "نحو مساهمة عربية في نظرية النقد" |
بحراوي بتاع شنو و نظرية النقد بتاعت شنو في ولاية الناس والبهائم بتشرب من حفرة واحدة ..؟
نظرية النقد وهوليدي فيلا والبحراوي وكل الكلام الفارغ ده علاقتو شنو بدور المركز فى النيل الازرق ..؟
مافي علاقة غير انو وجدى كامل داير يشبع رغباتو على حساب الناس الزيتم طالع في النيل الازرق
ودى مشكلة البلد ..
اى واحد يقعد فى موقع المسؤولية بيفصل هموم الناس على مقاسو الخاص
شي يخوت ، شي قصور ، شي ثلاثي ورباع ومسيار، شي بحراوى وقرين هوليدي و ...و....
نخب انصرافية قابعة فى ابراج عاجية .. والناس تحتم عايشة في بؤس وضنك
|
Post: #17
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 11:34 AM
Parent: #14
| Quote: بحراوي بتاع شنو و نظرية النقد بتاعت شنو في ولاية الناس والبهائم بتشرب من حفرة واحدة ..؟ |
لا أظن أن من مهام المراكز الثقافية حفر آبار المياه الجوفية.
Quote:
نظرية النقد وهوليدي فيلا والبحراوي وكل الكلام الفارغ ده علاقتو شنو بدور المركز فى النيل الازرق ..؟
مافي علاقة غير انو وجدى كامل داير يشبع رغباتو على حساب الناس الزيتم طالع في النيل الازرق
|
يعني لازم – يا الطاهر ساتي - تقول للأعور أعور في عينو
|
Post: #19
Title: Re: مبالغة مركز مالك الثقافي!!
Author: الطاهر ساتي
Date: 06-13-2009, 11:44 AM
Parent: #17
| Quote: لا أظن أن من مهام المراكز الثقافية حفر آبار المياه الجوفية. |
كلامك صاح ..
لكن من مهام المراكز الثقافية تثقيف الناس وتوعيتهم بمخاطر ان تشرب انت وبهائمك من برك آسنة
وكدة بتكون المراكز شكلت رأى عام يضغط مالك عقار على حفر آبار جوفية ومحطات مياه نقية
رأس طول اليوم مدقر مع جملو في ترعة الطحالب والبكتريات بقدر يستوعب ليك نظرية النقد والبحراوى ولا طه حسين ..؟
وجدى ده بى ثقافتو دى كلها مع سمع بالمثل الشعبي : الزول بونسو بى غرضو ..؟
|
Post: #18
Title: Re: مبالغة مركز مالك الثقافي!!
Author: Gafar Bashir
Date: 06-13-2009, 11:40 AM
Parent: #14
Quote: بمناسبة التنوير .. مرة جابوا أسرار بابكر في مركز الخاتم عدلان تغني:
أنا سوداني أنا ..... إلى أن قالت: و إلى العرب تنسب الفطنُ ُ ُ ُ ُ ُ ُ ُ ُ ُ ُ ُ ُ ُ و الجماعة فرحانين و يهزوا .. فتأمل!! |
دي اشد من بتاعة مركز مالك الثقافي ...
لكن بالحق النسألك ... انت بقيت حركة شعبية ولا مالها العروبية؟
أما بعد وفيما يخص مركز مالك والبحراوي والنقد والبطيخ فليس سوي امتداد للملهاة الوطنية .........
|
Post: #27
Title: Re: مبالغة مركز مالك الثقافي!!
Author: أيزابيلا
Date: 06-13-2009, 01:05 PM
Parent: #8
Quote: أتمنى أن يضطلع "ماو" بدورة الطليعي المرتجي و يعمل
– ما وسعه - على إيقاف هذا العبث بأعجل ما تيسر |
ماو؟؟؟
ــــــــــــــ
الوش ابو استفهامات دة بعملو كيف؟؟
|
Post: #16
Title: Re: مبالغة مركز مالك الثقافي!!
Author: عزاز شامي
Date: 06-13-2009, 11:28 AM
Parent: #1
Quote: انت تعلم جيدا ( وشخصيا ) انني من النيل الازرق وعلاقتي بالثقافة لا تخفى عليك
فلماذا لم تكلف نفسك عناء مكالمة واحدة فقط للمشورة ؟
أم لعلمك انني ذو توجهات ايمانية لا علمانية لذا همشتني ؟
عموما يتعين علي الا استعجل
فلربما د كامل ليس هو مدير المركز او ربما تم تعيينه قبل اسبوع واحد فقط
ياخي والله غايتو مافي فايدة كله كله |
اثني رأيك يا سبيل انو مافي فايدة كلو كلو ... بس حقتي بالواو وانت بالهاء
|
Post: #20
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 12:01 PM
Parent: #16
| Quote: لكن من مهام المراكز الثقافية تثقيف الناس وتوعيتهم بمخاطر ان تشرب انت وبهائمك من برك آسنة |
أبداً .. دي مهام مراكز الإرشاد البيئي؛ الصحي؛
و البيطري و نحوها؛ و لا علاقة للمراكز الثقافية بذلك.
|
Post: #21
Title: Re: مبالغة مركز مالك الثقافي!!
Author: الطاهر ساتي
Date: 06-13-2009, 12:18 PM
Parent: #20
ابدا شنو ..؟
أثر عمل ثقافي واحد اكبر من عشرين ندوة علمية
مسرحية ، غناء ، منلوج ، كورال ووووو كلها مواعين ثقافية قابلة للحشو بافكار وبرامج علمية
ماقاعد تسمع فى الاذاعة : اوعك تقطع صفقة شجرة عشان ماتصيبنا جفاف وتصحر ..؟
الاغنية دى الفها مثقف ولا وزير البيئة ..؟
.........
انسى مداخلا تي وخليك مع وجدى الكردي والبحراوي ونظرية النقد بتاعتم ..!!
|
Post: #22
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 12:23 PM
Parent: #21
| Quote: انسى مداخلا تي وخليك مع وجدى الكردي والبحراوي ونظرية النقد بتاعتم ..!! |
وجدى الكردي
|
Post: #23
Title: Re: مبالغة مركز مالك الثقافي!!
Author: الطاهر ساتي
Date: 06-13-2009, 12:29 PM
Parent: #22
عفوا .. وجدى كامل
تحياتى له ولكردي أيضا
...
وليك برضو ..
|
Post: #24
Title: Re: مبالغة مركز مالك الثقافي!!
Author: عصام دهب
Date: 06-13-2009, 12:39 PM
Parent: #23
| Quote: مركز مالك الثقافي!! |
و هل مالك الذي سمي المركز بإسمه هو والي النيل الازرق / مالك عقار ، أم مالك آخر في المدينة ؟؟
|
Post: #25
Title: Re: مبالغة مركز مالك الثقافي!!
Author: Frankly
Date: 06-13-2009, 12:43 PM
Parent: #1
يطّلع
|
Post: #26
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 12:56 PM
Parent: #25
يضطلع.
|
Post: #28
Title: Re: مبالغة مركز مالك الثقافي!!
Author: HAIDER ALZAIN
Date: 06-13-2009, 01:07 PM
Parent: #26
الزي مالو يا ملاسي ..؟
|
Post: #29
Title: Re: مبالغة مركز مالك الثقافي!!
Author: Adil Isaac
Date: 06-13-2009, 01:48 PM
Parent: #28
| Quote: أم لعلمك انني ذو توجهات ايمانية لا علمانية لذا همشتني ؟ |
السيد سبيل يستهبل على عقول القراء بمقابلة الإيمان و العلمانية كنغيضين! و بهذا يستقل الدين كشأن المتأسلمين السياسين الذين يحكمون السودان الآن بترهات مثل هذة و يشرفون على على أسوأ نظام -أخلاقيا و سياسياً- منذ إستقلال السودان بدليل و جود قمة النظام في قائمة لستة الإنتربول و مطلوب القبض عليه!!
العلمانية ليست نقيض الإيمانية يا سبيل (المثقف), أنت ذو توجهات إسلام-سياسية وحسب و من حقك, ة لكن إيمانيتك دي يحاسبك عليها ربك بعد جرد الحساب و لا تخصنا في شئ, و لا داعي للإشارة للآخرين ممن تعتقد أنهم همشوك, بعدم الإيمان لأنهم علمانيين, و قد يكون هذا المجدي مؤمن, و شايفك غير مهم لمشروعه-دة من حقو و لا حرام عشان إيمانك اللذيذ دة؟.
بالمناسبة هل كل يريد ممارسة الثقافة في و بإسم الدمازين مفروض يتصل بيك؟ :) نكتة بايخة شديد دي ياخ.
|
Post: #31
Title: Re: مبالغة مركز مالك الثقافي!!
Author: محمد عبدالقادر سبيل
Date: 06-13-2009, 02:06 PM
Parent: #29
| Quote: بالمناسبة هل كل يريد ممارسة الثقافة في و بإسم الدمازين مفروض يتصل بيك؟ |
لا
ولكن هذا كان عشمي في وجدي كامل لما بيننا من حوارات
ثم ماذا تقصد بممارسة الثقافة ؟
الثقافة هي طريقة الحياة فكيف تمارس باسم الدمازين؟
ثم انني اعرف من مفردات ثقافة ذلك المكان ما يمكن ان يفيده في مسعاه
هذا اذا كان الغرض هو خدمة الثقافة واثراءها
واما استغلال الثقافة لصالح السياسة فهو يشبه استغلال الدين لصالح السياسة سيان ، الا تتفق معي؟
واخيرا
طالما العلمانية هي منهج يقضي بتحجيم دور الدين في حياة المجتمع فلابد انها تخصم من نتائج الايمان المشفوع بالعمل العام الصالح ابتغاء مرضاة الله عز وجل.
________________
ان الانسان لفي خسر الا الذين آمنوا وعلموا الصالحات وتواصوا بالحق وتواصوا بالصبر
|
Post: #32
Title: Re: مبالغة مركز مالك الثقافي!!
Author: عبدالله شمس الدين مصطفى
Date: 06-13-2009, 02:26 PM
Parent: #31
أيوه يضّطلع يا فرانكلى،
لكن بِدورِه الطليعى يا ملآسى،
مش .
|
Post: #33
Title: Re: مبالغة مركز مالك الثقافي!!
Author: عبدالله شمس الدين مصطفى
Date: 06-13-2009, 02:36 PM
Parent: #32
وبعدين بِقت على مركز مالك عقّار يعنى،
ما البلد الجعانة وعطشانة و.... فى
السهلة دى كانت عاصمة للثقافة العربية
فى أحد أعوام رمادة شعبنا هذا ولم يفتح
الله على أحدٍ بكلمة حق فى وجه سادتها الفقراء
من كل شئ إلآ مِمّا يأكلونه من عرق الغلابة.
ولآ المشكلة فى المساهمة العربية، أم فى
النقد يا تُرى، ولآ تكون فى وجدى كامل؟؟!!
شكل كمال الجزولى حيرتاح حبتين اليومين ديل،
و أهو كلّو ثقافة ومثقفين، فتحسس غدارتك طويلاً
وكثيراً ملآسى، أو الذى ينقد بإسمه.
|
Post: #34
Title: Re: مبالغة مركز مالك الثقافي!!
Author: Hussein Mallasi
Date: 06-13-2009, 09:09 PM
Parent: #33
| Quote: انت متاكد من الكلام دة؟؟ |
1000%
| Quote: لانو انا متذكرة لما اسرار غنت (امة السودان) بدل امة العرب وكلنا بشرنا ليها |
أول مرة أشوف لي ناس بتبشر على التعليمات و ليس الكلمات!
|
Post: #35
Title: Re: مبالغة مركز مالك الثقافي!!
Author: Hussein Mallasi
Date: 06-14-2009, 05:37 AM
Parent: #34
حركة شعبية .. حرابة .. هوية .. نيفاشا .. حكومة وحدة و طنية .
و آخر النهاية نحو مساهمة عربية في نظرية النقد!!
|
Post: #36
Title: Re: مبالغة مركز مالك الثقافي!!
Author: Hussein Mallasi
Date: 06-14-2009, 08:08 AM
Parent: #35
وكت هو كدا .. التعب فوق كم!
|
Post: #37
Title: Re: مبالغة مركز مالك الثقافي!!
Author: محمد عبدالقادر سبيل
Date: 06-14-2009, 08:23 AM
Parent: #36
Quote: أيوه يضّطلع يا فرانكلى،
لكن بِدورِه الطليعى يا ملآسى،
مش
Quote: بدورة الطليعي
|
لا يا عبد الله شمس الدين
يضطلع ليست بتشديد الضاد وانما بتسكينها
وملاسي ليست بالمدة
محبتي
|
Post: #38
Title: Re: مبالغة مركز مالك الثقافي!!
Author: haleem
Date: 06-14-2009, 09:17 AM
Parent: #37
مركز الملك فهد الثقافي ..مبلوعة
لكن مركز (مالك عقار) في السودان الجديد؟؟؟
|
Post: #39
Title: Re: مبالغة مركز مالك الثقافي!!
Author: حيدر حسن ميرغني
Date: 06-14-2009, 10:33 AM
Parent: #38
| Quote: أول مرة أشوف لي ناس بتبشر على التعليمات و ليس الكلمات! |
مبالغة
|
Post: #40
Title: Re: مبالغة مركز مالك الثقافي!!
Author: عبدالله شمس الدين مصطفى
Date: 06-14-2009, 04:57 PM
Parent: #37
أستاذى محمد عبدالفادر سبيل.
أتفق معك وأعتذر حول يضطلع،
بس ملآسى دى أبييت يلآ أقنعنى.
محبتى لك
|
Post: #41
Title: Re: مبالغة مركز مالك الثقافي!!
Author: محمد عبدالقادر سبيل
Date: 06-15-2009, 09:30 AM
Parent: #40
| Quote: بس ملآسى دى أبييت يلآ أقنعنى |
كل حرف متحرك في اللغة العربية له مد مقداره حركة واحدة
وحينما يمد الحرف المكسور بحركتين فانه ينتج عن ذلك ياء ليست من اصل الكلمة كقولك ( سعيد ) والاصل ( سعد)
وحينما يمد الحرف المضموم ينتج واو : غفور من غفر
واما مد الحرف المفتوح فيفضي الى ألف مثل ( ملاسي ) حيث ان اللام المشددة مفتوحة نجم عنها ألف
هذا الأف يمد اللام وكفى ، فلا مبرر لمد الألف نفسه مرة أخرى
ولكن متى نمد اللألف ؟
نمده عند الضرورة وحينما يكون اصيلا بذاته ( من اصل الكلمة )
فمثلا نقول : ملآن ، نمد الأف الذي هو من اصل الكلمة ( ملأ ) تنتهي بهمزة/ ألف تضاف اليها ألف زائدة هنا اذ لحق بالكلمة( الف ونون زائدتان توجبان المنع من الصرف )
مهما يكن
فحينما تمد الأف المفتوح ، فانك تفعل ما فعلته قبلا مع غيره من الحروف المفتوحة حينما تمدها
أي انك تلحق به ألف
فاذا ألحقت الأف بالألف المفتوح ، يصبح عندك ألفان
ألف من اصل الكلمة ( ملأ ) وألف المد فيكون الناتج حينئذ( ملآ ) بدلا عن ( ملأ )
في ملاسي فان الاصل ( ملس ) يملس فهو ملاس وليس ملأس يملئس فهو ملآس
هذا والله اعلم
________________
رب اغفر لي ما قدمت وما اخرت وما اسررت وما اعلنت وما اسرفت وما انت اعلم به مني ، انت المقدم وانت المؤخر لا اله الا انت .
|
Post: #42
Title: Re: مبالغة مركز مالك الثقافي!!
Author: Hussein Mallasi
Date: 06-16-2009, 09:44 AM
Parent: #41
و الحال كذلك .. فمن الراجح أن تكون المحاضرة القادمة لمركز
مالك الثقافي في قاعة الشهيد الزبير للمؤتمرات عن إسلامية المعرفة.
|
Post: #43
Title: Re: مبالغة مركز مالك الثقافي!!
Author: طارق ميرغني
Date: 06-17-2009, 08:29 AM
Parent: #42
الاستاذ ملاسي تحية واحتراما.
اخي وصديق العمر د. وجدي كامل لا اذكيه فتذكيه اعماله في مجالات الاعلام والادب والقصة والسينما والاخراج والشعر وفن التشكيل .
لمعرفة امتدت ما يزاهي الاربعة عقود اعرف وجدي جيدا . اعرف دواخله ومخارجه وآله وصحبه اجمعين وما يمتاز به من خلق جم. وما يتميز به من علائق متميزه مع الكثيرين في المجالات التي ذكرتها.
ربما يظن البعض انه حركة شعبية وهذا ما نفاه لي آخر مره التقيته بالسودان ورفضه عروض عده لتولي العديد من المناصب رغم ان هذا لا يمنع من حرية توجهه السياسي للحركة الشعبية او المؤتمر الوطني او غيرهما.
جائتني رساله رقيقه منه ومهذبه كما عهدته فارجو من الاساتذه تقبلها بصدر رحب.
Quote: الفكرة المركزية تتمثل فى ان مركز مالك الثقافى تم تاسيسه وتعود ملكيته بصفة شخصية للفريق مالك عقار.
وقد تولدت لديه منذ ان كان محاربا بالغابة. ومالك معلوم لمن يعرفه حبه وولعه بالقراءة والبحوث منذ ان كان يعمل معلما ثم مساعد باحث بمعهد الدراسات الافريقية والاسيوية
المركز بدا العمل على تاسيسه منذ عامين وتم افتتاحه فى 1/12/2008 ويقوم على عدد من الاهداف التى منها : تنمية ثقافات النيل الازرق وفنونها والمساهمة فى ازالة الامية التقنية و كما ربط المركز الثقافى وتغذية علاقته بتلك الثقافات على الا يغفل المركز تفعيل حضوره بكافة مناطق السودان ومنها العاصمة القومية. وقمنا بعمل العديد من الندوات والسمنارات والليالى الثقافية بالدمازين. ونؤسس الان لموقع الكترونى ومجلة ثقافية. زارتنا الكثير من الشخصيات السياسية والثقافية وقدمت مساهمات متنوعة
الندوة محل الهمز واللمز هى الثانية لنا بالعاصمة حيث كانت الاولى لمجموعة من الباحثين السودانيين فى ادب الطيب صالح واتتنا من هولندا الدكتورة جوكا بيونغ التى قامت بترجمة موسم الهجرة الي الشمال الى الهولندية قبل عشرين عاما وسنقوم قريبا بتنظيم مؤتمرا عن اللغات والسياسات اللغوية كما سنقيم مهرجانا افريقيا للسينما
. المركز يحتوى على: مكتبة بها قرابة الخمسة الف مؤلفا ويؤمها منذ الافتتاح عشرات القراء من الجنسين يوميا
-قاعة مؤتمرات وسينما ومسرح سعة 600متر ولا يوجد لها مثيل فى السودان و هنالك قاعة صغرى مجهزة باحدث تقنيات الاتصال ويوجد متحفان احدهما للنيل الازرق والاخر لدول الجوار الافريقى.
يؤم المركز اعداد مقدرة من ابناء وبنات الولاية والدمازين لدراسة الكومبيوتر وتقنية المعلومات وكذلك دراسة اللغة الانجليزية.
الندوة التى قامت بحضور نوعى كبير اقتضى موضوعها تنفيذها بالخرطوم للتواجد الكثيف للمستهدفين منها وهم اساتذة الادب والنقد بالجامعات والطلاب والطالبات والروائيين والروائيات وكتاب القصة القصيرة والصحافة الثقافية. وموضوعها لا يتناقض مع سياسات المركز فلماذا يعادي المركز الثقافة العربية؟.
المعلومة الاكيدة فهى عدم تبعية المركز للحركة الشعبية او التعبير عن رؤيتها.هو مركز مفتوح للجميع وعلي الجميع.
محمد عبد القادر سبيل صديق اكن له كل الاحترام ويعرف امكانات التفكير عندي جيدا علي ما اعتقد وما كان فى داعى لقصة المشورة وغيرها. ومفردات ثقافات النيل الازرق لا اري ان توفيرها او طلبها يتم عبر المشورة الشخصية، بل عبر البحوث النظرية والتطبيقلت الاجتماعية مع الناس, محمد لماذا لا يعود ويقود مبادراته الثقافية من هناك ؟ بدلا من ان يخلق بغيابه فراغا يستدعي الاجانب السودانيين امثال وجدي كامل لسده
|
|
Post: #44
Title: Re: مبالغة مركز مالك الثقافي!!
Author: محمد أبوالعزائم أبوالريش
Date: 06-17-2009, 08:40 AM
Parent: #43
| Quote: بدورة الطليعي المرتجي |
|
Post: #45
Title: Re: مبالغة مركز مالك الثقافي!!
Author: Hussein Mallasi
Date: 06-17-2009, 08:59 AM
Parent: #44
شكراً يا طارق.
Quote: المعلومة الاكيدة فهى عدم تبعية المركز للحركة الشعبية
او التعبير عن رؤيتها. هو مركز مفتوح للجميع وعلي الجميع. |
فتح الله عليك و بارك فيك يا وجدي. و بهذا زادت
منابر الطيب مصطفى منبراً .. التقول محتاج.
|
Post: #46
Title: Re: مبالغة مركز مالك الثقافي!!
Author: عزام حسن فرح
Date: 06-17-2009, 09:34 AM
Parent: #45
كتب محمد عبدالقادر سبيل:
Quote: انت تعلم جيدا ( وشخصيا ) انني من النيل الازرق وعلاقتي بالثقافة لا تخفى عليك
فلماذا لم تكلف نفسك عناء مكالمة واحدة فقط للمشورة ؟
أم لعلمك انني ذو توجهات ايمانية لا علمانية لذا همشتني ؟ |
كتب د. وجدي كامل
| Quote: محمد عبد القادر سبيل صديق اكن له كل الاحترام ويعرف امكانات التفكير عندي جيدا علي ما اعتقد وما كان فى داعى لقصة المشورة وغيرها. ومفردات ثقافات النيل الازرق لا اري ان توفيرها او طلبها يتم عبر المشورة الشخصية، بل عبر البحوث النظرية والتطبيقلت الاجتماعية مع الناس, محمد لماذا لا يعود ويقود مبادراته الثقافية من هناك ؟ بدلا من ان يخلق بغيابه فراغا يستدعي الاجانب السودانيين امثال وجدي كامل لسده |
التهميش ببقى كارثة لامِن يِكون < شعور ذاتي >
| Quote: أم لعلمك انني ذو توجهات ايمانية لا علمانية لذا همشتني ؟ |
لو عاوِز تكسب أجر إتَوسع لينا بِالله يا محمد عبدالقادِر سبيل في الجُزئِية دي ... ثقِفنا ...
عرفنا مثلاً :
- إنك مُثقف ومهتم بِالثقافة
- إنك مِن النيل الأزرق
- إنو كان حقو المراكِز الثقافِية في النيل الأزرق كلو تشاورك في ندواتا
بس جُزئِية < توجهات ايمانية لا علمانية > ما واقعت لي ... العتب على عدم التثقِف ...
لكِن ما مُشكلة ده سبب إشتراكي في المنبر ...
درقه:
توجهاتك الايمانية يا محمد عبدالقادر سبيل المفروض تمنعك من حاجتين:
(1) إنك تهمشني مِتل ما همشوك
(2) إنك ما تجادلني بالتي هي أحسن
|
Post: #47
Title: Re: مبالغة مركز مالك الثقافي!!
Author: Hussein Mallasi
Date: 06-17-2009, 09:48 AM
Parent: #46
Quote: هى الثانية لنا بالعاصمة حيث كانت الاولى لمجموعة من الباحثين
السودانيين فى ادب الطيب صالح واتتنا من هولندا الدكتورة جوكا بيونغ
التى قامت بترجمة موسم الهجرة الي الشمال الى الهولندية قبل عشرين عاما |
أليس أفضل من هذا التكرار الممل إن يقوم مركز مالك بتعريف ناس العاصمة بثقافة النيل الأزرق؛
بدل الكلام المكرور و الممجوج عن أدب الطيب صالح و نحو ذلك من مساهمات عربية في نظرية النقد.
|
Post: #48
Title: Re: مبالغة مركز مالك الثقافي!!
Author: محمد عبدالقادر سبيل
Date: 06-17-2009, 12:03 PM
Parent: #47
Quote: ومفردات ثقافات النيل الازرق لا اري ان توفيرها او طلبها يتم عبر المشورة الشخصية، بل عبر البحوث النظرية والتطبيقلت الاجتماعية مع الناس, محمد لماذا لا يعود ويقود مبادراته الثقافية من هناك ؟ بدلا من ان يخلق بغيابه فراغا يستدعي الاجانب السودانيين امثال وجدي كامل لسده
|
أخي الدكتور وجدي كامل
مدير مركز ملك عقار الثقافي - الدمازين
السلام عليكم ورحمة الله
اولا صداقتنا لن تتأثر باختلاف الرأي
ثم يادكتور ( الشورة) ثقافة سودانية اصيلة وما خاب من استشار
فكون انك مثقف ودكتور لا يعني استغناءك برأيك عن امثالي
ومهما علمت عن مجتمع النيل الأزرق واهلها فلن تصبح معرفتي بذلك المكان سقط متاع بالنسبة اليك، لأنني تربيت هنالك ورضعت من حياتهم واعرف الناس
وعمليا اضيف لك مثلا
انت تعرف ، والجميع كذلك، ان الاعلام قدم مجتمع النيل الأزرق دائما كمرادف لقبيلة الانقسنا وحدهم مع ان اهلنا الانقسنا ( ربما بسبب ان والينا عقار منهم ) لا تتجاوز نسبتهم ال 5 % من التركيبة الديمغرافية واما اسهامهم الثقافي فأقل من هذه النسبة بكثير ( أليست هذه قضية مهمة يجب تركيزكم عليها؟)
ويا دكتور اللهجة الغالبة على مجتمع الولاية الآن ليست هي لهجة الانقسنا وانما لهجة (البرتا) الذين لا وجود عمليا لهم في سطح المجتمع ولا في السلطة
فاين البرتا اصحاب هذ اللسان الخطير والمهيمن والذي يتحدث به معظم سكان الولاية؟ هل هم سكان ( فانزجر ) و( فازوغلي ) ؟ وكيف لأناس نسبة عددهم 1% يهيمنون ثقافيا على 99% بلهجتهم وموسيقاهم ( الوازا ) العظيمة ؟
ان انقراض البرتا وتأثيرهم الضخم امر عجيب ، واظن انهم بالذات الكانوا مستهدفين بالاسترقاق ( قضية ثقافية غاية في الاهمية )
اين تجد ثقافة مجتمع النيل الأزرق امتدادها الطبيعي ؟ نحو الجنوب اعالي النيل أم نحو بقية مملكة سنار شمالا ( قضية مهمة في ظل استحقاقات تقرير المصير الذي تقبل الولاية نحوه قريبا)
ومن جانب آخر ( قضية الوطاويط ) اهل الوالي السابق ابومدين ، يجب تسليط الضوء عليها من كل الجوانب ، كيف نشأت ظاهرة الوطاويط ، علما بأن هذه المفردة شديدة الثراء والدلالة الثقافية ، حيث انها لا تنم عن قبيلة بعينها، وانما عن مجموعة قبائل سودانية مرت بظروف تاريخية مشتركة غريبة جدا ، منذ السلطنة الزرقاء والمهدية والتركية السابقة ، شادوا ممالك ، وتاجروا في الرقيق وتصاهروا مع القبائل المحلية ونقبوا عن الذهب وقام الخليفة التعايشي بتأجير ارضهم ( بني شنقول ) لملك الحبشة ومن ثم جاء الانجليز وباعوا تلك الارض للحبشة ، فانقسم هؤلاء بين وطاويط السودان الذي عبروا الحدود الجديدة الى النيل الازرق ووطاويط الحبشة الذين حصلوا على حكم ذاتي حاليا
هؤلاء يتألفون من ركابية ورباطاب ومغاربة وجعليين وغيرهم انصهروا مع السكان المحليين وقد شكلوا نموذجا فريدا في الحكم حينما نصبوا الملكة آمنة على عرش ابيها وخضعت لها الرقاب والذهب والعبيد ( مبحث ثقافي غاية في الثراء وضرورة التوثيق هنا بارزة جدا خاصة وان شق منهم نزح الى السودان وحكموا النيل الازرق فكان الوالي والوزراء والمعتمدين منهم وحدهم قبل ست سنوات فقط )
وثمة قضية الفونج ملوك سنار ، هنالك قول انهم نزحوا من جنوب النيل الآزرق اساسا ، فما اصل هذا الأمر وما هو حجم اسهام النيل الازرق الحالية في مملك سنار القديمة ( المك يوسف حسن عدلان في الروصيرص مرجع مهم بهذا الصدد)
العديد من القضايا الحيوية التي من شأنها تعريف اهل الولاية بانفسهم ، نعم الأمر يتطلب ذلك فعلا ، اذ يجب ان يعرفوا بعضهم بوجه صحيح وواقعي لكي يتعايشوا بانصاف وتفهم للظروف
وصدقني ان خير من يفيدك بهذا الصدد هو الاستاذ صديق النور البشير ، يجب تعيينه نائبا لك ، فهو قد وضع قاموس للسان البرتا وقدمه عبر الاذاعة كما انه خريج معهد الموسيقى والمسرح كذا تجده ضليعا في موسيقى الوازا وغيرها من الموسيقات المحلية للقبائل التي تنوف على العشرين في ولاية مجموع سكانها 600 ألف نسمة
وحقيقة يا دكتور فان تاريخ النيل الازرق غير مكتوب او غير مجموع في مؤلف واحد
هذه لعمري مهمة خطيرة وملحة يجب تكليف احدهم رسميا بالقيام بها، فمركزكم يجب ان ينشر ويوثق ويكلف مختصين بهذا الصدد
كلها شؤون وشجون يجب ان تهتم بها قبل الندوات في الخرطوم
هذا ان كانت اهداف المركز فعلا هي كما تكرمت واعلنت لنا في الرسالة اعلاه
واما ايحاؤك بانني احتج على توليك ادارة المركز بدلا عني فهذا شئ عجيب فعلا لا ادري من اين جئت به؟
اذ انني لا اشك في قدراتك الكبيرة وانت اولى مني ولكنني اصر على ضرورة المشورة التي تسمح لأمثالي بالمطالبة بتقديم الثقافي على الاجندة السياسية وتقديم الاشعاع التوعوي المحلي على القومي ( الملحوق )
وان لا تعتمد وجهة نظر واحدة او جماعة ذات توجه ايدولوجي دون غيرهم
ثقافتنا منوعة ويجب ان تنفتح عليها وتنطلق بها منها وليس اليها بغيرها.
لك محبتي واتمنى لك التوفيق مخلصا.
( بس ايه حكاية اجنبي دي يا وجدي ؟ انت اجنبي كيف ؟ )
______________
رب اشرح لي صدري
|
Post: #49
Title: Re: مبالغة مركز مالك الثقافي!!
Author: Hussein Mallasi
Date: 06-17-2009, 12:41 PM
Parent: #48
الطيب صالح .. الطيب صالح .. الطيب صالح .. الطيب صالح
خلاص يعني .. النيل الأزرق؛ جبال النوبة؛ و الجنوب عدموا المبدعين!
_____
ثم يحدثونك - متضجرين - عن الاستلاب.
|
Post: #50
Title: Re: مبالغة مركز مالك الثقافي!!
Author: محمد عبدالقادر سبيل
Date: 06-17-2009, 01:34 PM
Parent: #49
Quote: توجهاتك الايمانية يا محمد عبدالقادر سبيل المفروض تمنعك من حاجتين:
(1) إنك تهمشني مِتل ما همشوك
(2) إنك ما تجادلني بالتي هي أحسن |
اخي الكريم عزام فرح
اهو بكدا اكون نهيت الاتنين بتاعنك
خاطبتك باخي الكريم ودي من باب التي هي احسن وفي الوقت ذاتو اثبت عدم تهميشك
اها باقي لينا بس ( تجادلني )
ودي مابقدر أعملها ، لأنها لا تنطبق عليك شرعا
فهي مختصة باهل الكتاب
{ وَلا تُجَادِلُوا أَهْلَ الْكِتَابِ إِلاَّ بِالَّتِي هِيَ أَحْسَنُ إِلاَّ الَّذِينَ ظَلَمُوا مِنْهُمْ} العنكبوت
شفت انا بحبك وبحترمك كيف
موفرك وداخرك للخير
انت بس ضامر لي الشر من يوم داك
مع انك من اهل الذكر القالوا ( العندو محبة ما خل الحبة والما عندو محبة ما عندو الحبة )
________________
اللهم لا تجعل في قلوبنا غلا للذين آمنوا
|
Post: #51
Title: Re: مبالغة مركز مالك الثقافي!!
Author: عزام حسن فرح
Date: 06-17-2009, 02:04 PM
Parent: #50
أخي الكريم / محمد عبدالقادر سبيل ...
إنت يا شيخنا بتنقي آيات الكِتاب الكريم حسب البتخدِم كلامك ... ما علينا
حأفترِض إنك ما عارِف ... إسمع يا شيخنا :
< ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ
رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ > النحل 125
| Quote: انت بس ضامر لي الشر من يوم داك |
أُقسِم بالله العظيم وكِتابِهِ الكريم أُسأل علَيهِ يَوم تُرجف الراجِفة إني لا
أذكُر الأن وفي هذا الوقت < يوم داك > الذي تُعنيهِ ... أها شِن قولك
يا مؤمِن يا مُصدِق ... و< يوم داك > كان في شنو حلفتك بِرب البَيت أن
تقول ، فأنا والله والله ثُم والله لا أذكُر ما تغديت بِالأمس القريب ...
< يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ... > الحجرات 12
أما مُداخلتي أعلاه ... فقد تعجبت أن تستجدي الناس مُشاروتك كأن النيل
الأزرق إرث قد آل لك دون العالمين وإن تخطاك أهل الثقافة فإن توجُهاتِك
الايمانِية هي التي حالت دون ذلِك! هل تعلم الغَيب؟ ولِما كُل هذا الإحتِفاء
بِثقافتك وتوجُهاتِك الايمانِية؟ هذِهِ هي سبب مُداخلتي ...
|
Post: #52
Title: Re: مبالغة مركز مالك الثقافي!!
Author: Elmosley
Date: 06-17-2009, 06:14 PM
Parent: #26
Quote:
Quote: أتمنى أن يضطلع
يطّلع
يضطلع.
==============================
يطّلع على بتشديد الطاء/ تعني يعرف/ ينظر الى / يقرا ان كان الشيئ مقروء
يضطلع ب وبغير تشديد للضاد / تعني القيام بالشيئ (تنفيذا)
==========================
Frankly كده
أخطا Frankly
حين اصاب ملاسي
==============
أهو برضو بنساندك لمن تكون محق ياملاسي
|
Post: #53
Title: Re: مبالغة مركز مالك الثقافي!!
Author: Al-Mansour Jaafar
Date: 06-17-2009, 07:43 PM
Parent: #52
الأستاذ الدكتور سيد البحراوي والأستاذ الدكتور صلاح فضل أعلام في نقد النصوص الأدبية
المكتوبة باللغة العربية إنتقاداً محملاً بمعاناة الكادحين وآمالهم
ولكن صدق حسين ملاسي في إستغرابه عناية مركز من الهامش بقضية
رئيسة في ثقافةالمركز وهي النصوص الأدبية والإنتقاد( وليس النقد) الموجه لها!
بيد ان المامول بالطبع غير الممكن وللظروف أحكام
ولكن حتى تنجلي الأمور يمكن لمن يرغب النظر إلى الأسئلة الآتية:
ما هي هذه ""الثقافة العربية""؟وما هي إختلافاتها الرئيسة عن "" الثقافة السودانية""؟
وما فرق الإثنين عن ""ثقافةالمركز""و""ثقافة الهامش""
والثقافة التقدمية
وبعدين الندوة دي ما تتعمل في الدمازين، كنا بنحضر ندوات سيدالبحراوي ذاته
في صعيد مصر وفي نجوع مصر وكفورهايجي السودان تعملوا ندوته هاي لايف
ولا اراكم الله مكروه في عزيز لديكم
|
Post: #54
Title: Re: مبالغة مركز مالك الثقافي!!
Author: محمد عبدالقادر سبيل
Date: 06-18-2009, 07:01 AM
Parent: #53
كتب عزام فرح يقول
Quote: < يوم داك > كان في شنو حلفتك بِرب البَيت أن
تقول ، فأنا والله والله ثُم والله لا أذكُر ما تغديت بِالأمس القريب ... |
ياخوانا والله انا عندي مشكلة عويصة خلاس
كلما افتكرت لي زول كعب ولئيم اقوم اكتشف انو احسن زول في الدنيا
والله بديت اشك في نفسي زاتو
نسيان الشينة عادة الصالحين عديل يا عزام بركاتك
بالله انت كدا وانا فاكرك حاجة تانية
ياخي يوم داك
يوم انا قلت ( اطفال الكرمك اولى من اطفال المايقوما ) شنو نسيت؟
____________________
رب اني ظلمت نفسي وان لم تغفر لي وترحمني لأكونن من الخاسرين
|
Post: #55
Title: Re: مبالغة مركز مالك الثقافي!!
Author: اسامة دفع الله ابوالحسن
Date: 06-18-2009, 07:21 AM
Parent: #54
| Quote: و هل مالك الذي سمي المركز بإسمه هو والي النيل الازرق / مالك عقار ، أم مالك آخر في المدينة ؟؟ |
لا ياعصام
دا
مالك الحزين
|
Post: #56
Title: Re: مبالغة مركز مالك الثقافي!!
Author: عزام حسن فرح
Date: 06-18-2009, 07:51 AM
Parent: #55
محمد عبدالقادر سبيل
| Quote: يوم انا قلت ( اطفال الكرمك اولى من اطفال المايقوما ) شنو نسيت؟ |
والله يا مؤمِن يا مُصدِق لِغاية هسِع برضي ناسي ... المُهِم إنت الما نسيت ومُفتكِر
مُداخلتي بسبب كلام أنا قُلتو في أطفال الكرمك لِصالح المايقوما أنا ما مُتذكِر
الموضوع شنو بِالضبط ولا مُتذكِر إنو حدث بيناتنا كلام في الموضوع ده ... على
كُل حال أنا شغال بنص اليوم بِاليوم ... يعني بجي داخِل المنبر وبقرأ وبتداخل
في المواضيع البتهمني وبقول رأي وأتخارج ...
| Quote: بالله انت كدا وانا فاكرك حاجة تانية |
مالي أنا ياخ؟ والله أنا
ما مُتذكِر موضوع أطفال الكُرمك ... لكِن إحتِياطي كِده أنا مُتأسف وبعتذِر وندمان
على الكلام الما مُتذكِرو والقلتو ليك ... بِالله أقيف على كِده ...
|
Post: #57
Title: Re: مبالغة مركز مالك الثقافي!!
Author: Hussein Mallasi
Date: 06-18-2009, 12:58 PM
Parent: #56
و الحال كذلك .. أتوقع أن يساهم مركز مالك بالدمازين تحت إدارة
وجدي كامل في مناقشة أثر غناء الطمبور إثراء وجدان إنسان الشمال.
|
Post: #58
Title: Re: مبالغة مركز مالك الثقافي!!
Author: رغيم عثمان رغيم الحسن
Date: 06-18-2009, 01:53 PM
Parent: #57
Quote: الحال كذلك .. أتوقع أن يساهم مركز مالك بالدمازين تحت إدارة
وجدي كامل في مناقشة أثر غناء الطمبور إثراء وجدان إنسان الشمال.[/QUOTE
لو عمل كدا بتكون خطوة يستحق عليها التحية
بس يغير العنوان يخليه أثر غناء الطمبورفى إثراء وجدان الانسان السودانى
|
Post: #59
Title: Re: مبالغة مركز مالك الثقافي!!
Author: Hussein Mallasi
Date: 06-18-2009, 02:15 PM
Parent: #58
| Quote: بس يغير العنوان يخليه أثر غناء الطمبور فى إثراء وجدان الانسان السودانى |
بالشايفو دا - و تحت إدارة وجدي كامل - ما تستبعد أي حاجة.
|
|
|