المطبلاتي وصهوة جياد السمبلة...!!!!

تطبيل عجيب وتكسير ثلوج رهيبة ومشكار للحكومة تخلي (يونس محمود)في زمنه يقعد يتحير في المطبلاتية الجدد ديل شغاليين بياتو مكنة...
قمة الاستغراب والاسي في زول عينو في الشي الحق يطعن في فيل التغبيش ويبرر للخطاء والبلاوي الكيزانية التي هي ظاهرة عينا بيانا لكل من ليس في عينه رمدا..


المطبلاتية والابواق والانهازيين تحت صفيح السلخ الساخن حتي يشوفو انفسهم بمراة الاخريين

اناا اعتقد بان المطبلاتي السياسي للانظمة الشمولية لا يخرج من هذه الاشياء..
1- منظر وله فلسفة طويلة الامد ويعتقد بان من يراه الاخريين خطاء هو سبيل لاصلاح قادم
(يعني ميكافيلي اللون واللحن)
2-زول مغيب ما عارف ما يدور حوله بوعي وادراك ويعتقد ان الحكومة شيئا مقدسا وما عندو خلل في فهم مفهوم السلطة وحقوقه هو كمواطن
3-زول عندو مصلحة شديدة قوية خلف هذا التطبيل وعاوز يحافظ عليها بكل ما اوتي من قوي عين

المطبلاتي التفتيحة المثقف بكون واعي وناقش الامور ماشة وين وجاية من وين
ولكن للمحافظة علي الامتياز وقبوعه في دائرة السلطة والثروة يجدد تبرير وتفسير لكل الانتهاكات
والتجني بحقوق الاخريين لكي يحافظ علي النظام الذي يحقق له فلسفته بعيدا من مكابسة الاخريين....
لذا نجد وعبر التاريخ السياسي للسودان الكثير من المثقفين والناس الفاهمين لعبة الاشياء رهنوا قرارهم ومصيرهم للطغاة...
وبذلو من اجل ذلك الغالي والنفيس وتفتحت مواهبهم في ايجاد النظم واللوائح والقوانين التي ترسخ
وتمد ايامات تلك الانظمة التي هم جزء منها ويتحالفون فيها من اجل مصالحهم حتي مع الشيطان

المطبلاتي المغيب...
ده في الغالب بكون عندو مشكلة كبيرة فهم مدلولات الاشياء وعمقها..
يعني ممكن يدجن ويخلق منه مطبلاتي من نفاذة الدين
ممكن يدجن ويخلق منه مطبلاتي من نواحي الوطن ومفهومه
ممكن يدجن ويخلق منه مطبلاتي فقري وبنوم بدري من ناحية العداء للغرب
ممكن يدجن ويخلق منه مطبلاتي لايشق له غبار من نواحي الجهوية...
....
والعينة دي يتولي الاعلام صناعتهم والاستقطاب عبر ندوات وورش صناعة مطبلاتية
مع جدع جذرة مصلحة ذاتية مباشرة تتيح للمطبل ان يمسك قوووي في هذا الشطر السمبلة...
الذي يخلق منه شمعة عليها التطبيل والاحتراق حتي تمد ايام وعمر النظام ويفتح الطريق لانتهاكات قادمة
وبرصيد مومن بضرورتها

Quote: اناا اعتقد بان المطبلاتي السياسي للانظمة الشمولية لا يخرج من هذه الاشياء.. 1- منظر وله فلسفة طويلة الامد ويعتقد بان من يراه الاخريين خطاء هو سبيل لاصلاح قادم (يعني ميكافيلي اللون واللحن) 2-زول مغيب ما عارف ما يدور حوله بوعي وادراك ويعتقد ان الحكومة شيئا مقدسا وما عندو خلل في فهم مفهوم السلطة وحقوقه هو كمواطن 3-زول عندو مصلحة شديدة قوية خلف هذا التطبيل وعاوز يحافظ عليها بكل ما اوتي من قوي عين

4- زول له تاريخ حافل فى معاداتهم يطبل اتقاءا لشرهم.