Post: #1
Title: اسئلة شخص داير يعرس فى السودان !!!
Author: محمد الامين احمد
Date: 06-12-2009, 08:49 AM
Parent: #0
تحية طيبة للجميع ،
يا جماعة عندى واحد صحبى مفكر يعرس شهر سبعه الجاى ده فى السودان ، فبيسأل عن الاسعار و كده
يعنى الصالات او النوادى وين اماكنها و اسعارها كم ؟ و هل احسن ياخد الصالة بالعشاء او من غير العشاء ؟
و سعر صحن العشاء كم و بيكون فيهو شنو فى حالة انو داير يجب عشاء من غير النادى ؟
و تكاليف الفنان مع الفرقة كم (تقريبا ) ؟
و تكاليف التصوير الفيديو حق العرس و التصوير الثابت (لمن يمشو الاستديو) ؟
و تكاليف و الكوافير للعروس و صاحبتها ؟
و احسن يشترى فستان عرس ولا يأجر و بكم الاتنين ؟
و لو عندكم اضافات تانيه قولوها !!!!!!!!!!!!!
----------------------------------------------------------------------------
هههههههههه
والله و انا بكتب ليهو ساى شلت هم ، الله كريم غايتو
اهه يا جماعة البقدر يساعدو ما يقصر بالله
|
Post: #2
Title: Re: اسئلة شخص داير يعرس فى السودان !!!
Author: البشير دفع الله
Date: 06-12-2009, 10:29 AM
Parent: #1
الأخ محمد الأمين أحمد
تحية وتقدير
لو صاحبك ده حسبها قبل ما يعرس , حيصرف النظر عن المشروع ده
لأنو حيخش في أرقام فلكية وتفاصيل التفاصيل , ولو ما حسبها برضو حتظهر ليهو بعدين تفاصيل ما كان
خاتيها في بالو .
فأخير ليهو يتوكل على الحي الدائم و يغمد بس ويخش في الموضوع وزي ما تجي تجي
احترامي وتقديري
ومبروك لصاحبك مقدما
|
Post: #4
Title: Re: اسئلة شخص داير يعرس فى السودان !!!
Author: Abdlaziz Eisa
Date: 06-12-2009, 10:50 AM
Parent: #2
Quote:
فأخير ليهو يتوكل على الحي الدائم و يغمد بس ويخش في الموضوع وزي ما تجي تجي
|
البشير
سلام
ده كلام خطير..
الراجل عايز يعرف ولو بالتقريب كده.. بعد داك يدخل.. هكذا هو التوكل.. يعقلها اولا بدل الدخول في موال لا اول له ولا آخر..
وهل في لازمة للقائمة الطويلة دي؟
تحياتي
عبدالعزيز
|
Post: #3
Title: Re: اسئلة شخص داير يعرس فى السودان !!!
Author: مريم بنت الحسين
Date: 06-12-2009, 10:40 AM
Parent: #1
لا حوله... قول ليه كله غالي.. يعني في كوافير غالي في اغلى.. وفي فنان غالي وفي فنان اغلى...
خليه يشيل اي قرش عنده ويمشي بس.. وما يقول بجي راجع بي شي...
انا طبعا ما عندي خبرة في الحاجات دي.. تنظير ساي...
|
Post: #5
Title: Re: اسئلة شخص داير يعرس فى السودان !!!
Author: حسن الجيلى سعيد
Date: 06-12-2009, 11:11 AM
Parent: #3
العزيز.محمد الامين ,
ياخى الف مبروك لصاحبك اولا وثانيا أخوك العبد لله برضو بجهز للزواج شهر سبعة قبل ما أمشى السودان نفسى إتقطع لكن أخونا البشير دفع الله إختصرليك الموضوع
| Quote: فأخير ليهو يتوكل على الحي الدائم و يغمد بس ويخش في الموضوع وزي ما تجي تجي |
وقول ليهو الجاتك فى مالك سامحتك وبتتعوض مقدور عليها
مودتى
|
Post: #6
Title: Re: اسئلة شخص داير يعرس فى السودان !!!
Author: هيثم درار
Date: 06-12-2009, 05:23 PM
Parent: #5
| Quote: و لو عندكم اضافات تانيه قولوها !!!!!!!!!!!!! |
الزول ده يشيل ليهو كيس بلح وعلى اقرب جامع، يمشى يعقد والمساء يسوق مرتو وعلى المطار
القروش الكان بيدفعا فى الكلام الكتير ده اخير يمشى يستمتع بيها مع زوجتو ويقضى احلى شهر عسل فى اجعص عاصمة
لانو صدقنى زولك ده لو كتبو ليهو التكاليف دى كلها وبالتقريب بس ؟ حيخلى فكرة العرس ويقول ينتظر سنة تانى ، واهو العمر حيجرى ولا حيطول بلح الشام ولا عنب اليمن
كيس بلح وعلى الجامع عدل
|
Post: #7
Title: Re: اسئلة شخص داير يعرس فى السودان !!!
Author: Hassan Makkawi
Date: 06-12-2009, 07:00 PM
Parent: #6
Quote: الزول ده يشيل ليهو كيس بلح وعلى اقرب جامع، يمشى يعقد والمساء يسوق مرتو وعلى المطار
|
هذا هو الرأى
من مطار الخرطوم لمطار البحرين
وشهر عسل زيو ما حصل!!!
ويوفر المال للأجيال القادمة ( يكون راجل براكتكل)
_________________________
هواتفنا على البروفايل
|
Post: #8
Title: Re: اسئلة شخص داير يعرس فى السودان !!!
Author: smart_ana2001
Date: 06-12-2009, 07:16 PM
Parent: #7
بعرف ناس عرسوا ب 2 مليون "الجنيه القديم"....و ناس عرسوا ب 50 الف دولار.
و كلهم مبسوطين الان....و حالهم ماشى.
موضوع العرس ده ....كلو زول و مزاجوا....لو عاوز تصرف مال قارون...بيتصرف فى عرس...و لو عاوز نلم قروشك عليك...ممكن برضو
و على قول المصريين" اللى عندو قرش محيرو...يجيب حمام و يطيروا"
|
Post: #9
Title: Re: اسئلة شخص داير يعرس فى السودان !!!
Author: مزمل خيرى
Date: 06-12-2009, 07:29 PM
Parent: #8
محمد الامين
مسالة الزواج دى حاجات مكتوبة ومسطرة من الكريم ، وعمل الخير ربنا بيتمو ، قول لية اتوكل على الحى القيــوم وادخل وانت مغمض وبالعندك ربنا بيتمها ليك .!!
الف مبروك لصاحبك ..
|
Post: #10
Title: Re: اسئلة شخص داير يعرس فى السودان !!!
Author: خالد عبد الله محمود
Date: 06-13-2009, 08:25 AM
Parent: #9
يا أخوانا عايزين أرقام ..
أرقااااااااااام
الزول ده أكيد عارف حكاية البلح دي و عارف إنو في عرس بكلف كتير و في عرس بكلف شوية الزول ده ما جاي من بلاد الواق واق ما سوداني زينا لكن الزول ده سؤالو بإختصار عايز يعرف تكلفة عرس متوسط في كل شئ حالياً في السودان بكلف كم ؟؟
السؤال ده بهمنا كلنا
بطلو التنظير الكتير !!
|
Post: #11
Title: Re: اسئلة شخص داير يعرس فى السودان !!!
Author: محمد الامين احمد
Date: 06-13-2009, 10:16 AM
Parent: #10
تحية طيبة للجميع ، شكرا ليكم جميعا على المشاركة
البشير دفع الله
التوكل على الله موجود ، و الله يبارك فيك يا عزيزى
Abdlaziz Eisa
القائمة الطويلة دى هو مجبور عليها ما بيكيفو ! الله المستعان ،و تسلم على المرور
مريم بنت الحسين
هو القروش شايلها شايلها ، ده اكيد ، لكن الخوف تقطع !!
حسن الجيلى سعيد
مبروك يا عريس مقدما، و ربنا يوفقك و يسعدك ان شاء الله
هيثم درار
بقدر جمال الفكرة، الا انو اذا عمل كده اهلو ذاتو ما بعرسو ليهو، خلى اهل العروس !!
Hassan Makkawi
شكرا ليك يا اصيل ، و دى المحريه فيكم
smart_ana2001
هو قرشو اصلا ما محيرو ، و عايزو !! لكن يعمل شنو و يتصرف كيف؟
مزمل خيرى
و هو ان شاء الله ماشى فيها، و الله يبارك فيك
خالد عبد الله محمود
ايوااا ، عايزين ارقام ، ده مربط الفرس
صراحة يا جماعة الزول ده مقتنع بفكرة العرس و اصلا نازل يعرس ، يعنى مافى طريقة جقلبه
لكن هو داير يعرف التكاليف ، عسى و لعل يكون فى ناس عندهم خبره بالامور دى و يوره الاحسن
و الاجود و الاقل سعر ، عشان ما يدقس ساكت ، فعشان كده عايز يعرف الاسعار ، و صحن العشاء
بيكون فيهو شنو و بكم ، و تصوير العرسان بكم و ما الى ذلك ، و هو مدرك انو اذواق الناس تختلف
و تقديراتهم تختلف برضو ، لكن بس بياخد فكره على الحاله السائده حتى يكون من ارض الواقع
و لا يفسد عليه اجمل ايام حياتو 
فيا ليت و لو ارقام تقريبة لمن يستطيع ، و برضو الدعم اللوجستى من ناحية النصائح مطلوب
و شكرا مره آخرى
|
Post: #12
Title: Re: اسئلة شخص داير يعرس فى السودان !!!
Author: DKEEN
Date: 06-13-2009, 10:16 AM
Parent: #10
الكلام ما هو ماشي يصرف كم
الكلام هو ماشي يعرس منو؟؟
صدقني القروش دي مسالة تافهة جدا قدام الاختيار..
القروش بتجي وتروح..بس المرة بتجي تاني مابتروح بالهين..
|
Post: #13
Title: Re: اسئلة شخص داير يعرس فى السودان !!!
Author: محمد الامين احمد
Date: 06-13-2009, 10:25 AM
Parent: #12
Quote:
القروش بتجي وتروح..بس المرة بتجي تاني مابتروح بالهين
|
دى فى حد ذاتها حكمة
لكن كما قلت الزول ما عندو مشكلة فى مبدء العرس ، هو اساسا مشى فى الموضوع ده
كلامو كلو عايز يعرف قروشو دى بتقضيهو ولا لا ؟؟
|
Post: #14
Title: Re: اسئلة شخص داير يعرس فى السودان !!!
Author: Rawia
Date: 06-13-2009, 10:27 AM
Parent: #12
| Quote: القروش بتجي وتروح..بس المرة بتجي تاني مابتروح بالهين.. |
مشم(مصمصت شفتيها مع رفعة حاجب واحد)
حكم ... الود بيقول حكم ياخواتي
________
ياشين قال إختيار قال
دكين عاوزة أفرح بيك وأشوف عيالك قبل ما أموت
|
Post: #15
Title: Re: اسئلة شخص داير يعرس فى السودان !!!
Author: هيثم درار
Date: 06-13-2009, 10:43 AM
| Quote: دكين عاوزة أفرح بيك وأشوف عيالك قبل ما أموت |
كلنا والله يا رايوة
بس ما اظن
|
Post: #16
Title: Re: اسئلة شخص داير يعرس فى السودان !!!
Author: khaleel
Date: 06-13-2009, 10:48 AM
Parent: #15
استاذي
قديما قالو
اذا كنت فقيرا فلا تبالغ في مواصفات زوجتك
يعني كلو بي تمنو
لكن موقتا خليهو يجهز خمسون مليون جنيه (بتاع نيفاشا)
|
Post: #17
Title: Re: اسئلة شخص داير يعرس فى السودان !!!
Author: حسن الجيلى سعيد
Date: 06-13-2009, 12:12 PM
Parent: #16
| Quote: لكن موقتا خليهو يجهز خمسون مليون جنيه (بتاع نيفاشا) |
عشرين الف دولار لانو مغترب
خليل أخوى جابا ليكم من الاخير , ودا فى السودان بقو إسموهو زواج متواضع
|
Post: #18
Title: Re: اسئلة شخص داير يعرس فى السودان !!!
Author: محمد الامين احمد
Date: 06-13-2009, 01:45 PM
Parent: #17
الاخوان خليل و حسن الجيلى ،
سبحان الله ، ده الملبغ الهو خاتيهو بالضبط ، و ما عندو عليهو اى زيادة ، لكن لو قدر ينقص بيكون مبسوط ههههه
ده كلام جميل ، بعد كده يجرى على النادى و الفنان و صحن العشاء و الكوافير و و و ، يا اخ العرس ده موضوع
يعنى تبقى الحكاية تقسيم كلو مبلغ يمشى وين للاستفادة القصوى
اهه يا جماعة اسعار النوادى و الصلات فى حدود كم ؟
|
Post: #19
Title: Re: اسئلة شخص داير يعرس فى السودان !!!
Author: سيف اليزل جعفر عبد الرحمن
Date: 06-13-2009, 01:55 PM
Parent: #18
صديقك ده المستعجل ليها لشنو ؟
|
|