Post: #1
Title: ما هى العلاقة بين انتشار رفع الدعاوى القضائية فى س.اون لاين ودكاكين الفول!!!
Author: Hisham Amin
Date: 06-10-2009, 09:52 AM
ما هى العلاقة بين انتشار رفع الدعاوى القضائية فى س.اون لاين ودكاكين الفول
الكل يرفع قضايا على الكل بداية ببت خوجلى ونهاية بود حيمورة
اذا عرفت الاجابة فنحن تواقون لسماعها وفى الانتظار
|
Post: #2
Title: Re: ما هى العلاقة بين انتشار رفع الدعاوى القضائية فى س.اون لاين ودكاكين الفول!!!
Author: Hisham Amin
Date: 06-10-2009, 10:08 AM
Parent: #1
ود الجيران فتح ليهو دكان فول سماهو فوال ود الجيران
بعد يومين زباينة كتروا والعربات بقت قافلة السكة والقروش نزلت مطر
بعد يومين تانى ما نشوف الا واحد تانى فى نفس الشارع وعلى بعد 3شوارع
واحد يفتح ليك دكان فول تانى سماهو فوال على الله ما يفوت اسبوع الا
وتلاقى ود عمتة ود الجيران يفتح لية محل فول فى نفس الشارع وعلى بعد شارعين
من فوال على الله ويسميهو فوال الاثارة ودة يعاين للتانى ولمن مرة شهر شارعنا بقى كلة دكاكين فول
وغلبنا النسويهو .... فى واحد عجوز كدى قاعد معانا قال لينا انتو عارفين السودانيين ديل لية ما ناجحين فى البزنس
قلنا اها قول قال لانهم ما بيفكروا صاح وما يشوفوا ليهم واحد عمل حاجة الا يمشوا يسوا زيها ... مافى ابتكار
وقال عليكم الله يا اولادى كدى شوفو فى محل كم فول فى الشارع دة والله انا بقيت خايف امشى بكرعينى المكعوجات ديل
اقوم انزلق فى قشرة فول اسى .
|
Post: #3
Title: Re: ما هى العلاقة بين انتشار رفع الدعاوى القضائية فى س.اون لاين ودكاكين الفول!!!
Author: بدر الدين اسحاق احمد
Date: 06-10-2009, 10:44 AM
Parent: #2
الحبيب : هشام
سلامات ياعريـــس
ظاهرة التقاضـــى ظاهرة حضارية ..
النزاعات تحــل عبر الحوار
او التقاضـــى
او الــ ........ ( حمانا الله واياك ورواد المنبر )
.......
استنساخ الافكار ظاهرة سودانية 100% ناتجة من الخوف من المغامرة
ليــس الموضوع فى مجال الاعمال والاستثمار بل فى كل مجالات الحياة
الثقافية منها ( الفرق الموسيقية ) الاجتماعية ( 3900 ) منظمة طوعية
بنفــس الاهداف والغايات ومجالات العمل والمشروعات ..
وكمان فـى مجال العمل السياسي حتى الاسماء للاحزاب تتشابه فى الحروف
والاهداف والبرامج ..
يا حبيــب .. نحــن الى حــد مــا شعب غير منتج ..
...
.. الفكرة طوروها ..
|
Post: #4
Title: Re: ما هى العلاقة بين انتشار رفع الدعاوى القضائية فى س.اون لاين ودكاكين الفول!!!
Author: Hisham Amin
Date: 06-10-2009, 02:35 PM
Parent: #3
الاخ بد الدين تحياتى
انا لا اعادى فكرة الدعاوى القضائية التى تعيد للشخص المصاب حقة لا بل اثنيها وادافع عنها
ولكن كثرتها وتزامنها على صفحات الموقع مؤخرا جعلتنى اكتب هذا البوست
|
|