Post: #1
Title: ميلاد حـــربـــر
Author: Yasir Aloob
Date: 06-10-2009, 08:10 AM
Parent: #0
ميلاد شخصية كركتيرية جديدة اسمها حــربــــر (سودانية) على Sudaneseonline (الانترنت)
هى شخصية من كل القبائل السودانية بتحكى اشياء كثيرة و بتعكس وجهات نظر مختلفة.
....................................
حربــــــــر على الانترنت
|
Post: #2
Title: Re: ميلاد حـــربـــر
Author: Yasir Aloob
Date: 06-10-2009, 08:35 AM
Parent: #1
حـــربـــر هو:
خليط بين الحار و البارد
الابيض و الاسود
الشمال و الجنوب
الشرق و الغرب
اليمين و الشمال
|
Post: #3
Title: Re: ميلاد حـــربـــر
Author: Yasir Aloob
Date: 06-10-2009, 08:49 AM
Parent: #2
الجميل الحلوا و الشين المر
الفوق و التحت
المرطب و التعبان
الرجل و المراة
يعنى ممكن تقولوا اى اضداد
اى اتجاهات معاكسة, او وجهتا نظر عكس بعض.
حر بر ممكن يكون/تكون شخصية سودانية (بت قضيم مثلا) تشارك فى علاج كثير من الاحداث اليومية كلاً على هواه.
بس اهم شي هو اقتراح و عمل تصميم للشخصية بحيث تكون معبرة عن اى اضداد
|
Post: #4
Title: Re: ميلاد حـــربـــر
Author: بت قضيم
Date: 06-14-2009, 12:19 PM
Parent: #3
سلام ياسر علوب
كنت بعمل بحث عن موضوع كتبته زمان
لقيت اسم بت قضيم مذكور في هذا البوست
طبعا الفضول وكده
والفضول اكتر عايزة اعرف يعني شنو؟؟
ما كتبته أعلاه ماذا يعني بالجد يعني
كل الشكر
|
Post: #5
Title: Re: ميلاد حـــربـــر
Author: محمد عبدالقادر سبيل
Date: 06-14-2009, 02:22 PM
Parent: #4
ياسر يا اخو عماد
مرحب بيك ياخ
شنو ما بتسلم على اخوك الكبير يعني
يحليلك والله في الهاشماب
قالوا لي هسع في لندن صحي ؟
اسمح لي بمشاركة هنا
توم وجيري مثلا فكرة كرتونية قائمة على ثقافة الاضداد ونجحت
والحياة والكون قائمين على الاضداد
فالحياة لا تتطور بلا حوار وصراع وتلاقح اضداد
وفكرة ( الموحد synthesis ) عند هيغل تتطلب مضاد جديد للفكرة الجديدة الموحدة حى يتم استكمال عملية الجدل التاريخي
اما فكرة توحيد الاضداد فحسب لغاية فهي جديدة لنج
لا ادري كيف فكرت فيها
ننتظر وجهة نظرك ياعظيم
_________________
رب اشرح لي صدري
|
Post: #6
Title: Re: ميلاد حـــربـــر
Author: Yasir Aloob
Date: 06-15-2009, 01:37 PM
Parent: #4
سلام عليكم يا بت قضيم و شكرا على المرور
حا احاول اوصل ليك ولو شوية عن حربر
بت قضيم (الفاضل سعيد الله يرحموا) كانت/كان شخصية Virtual, و هى شخصية انثوية باديها راجل (الفاضل سعيد) حكت و اوصلت كثير من الواقع السودانى عبر التمثيل و الكوميديا الساخرة.
فصارت شخصية متعارف عليها من جميع السودانيين. دة الانا قصدتوا من انها شخصية ممكن تكون كبت قضيم.
و البقية تاتى .................
|
Post: #7
Title: Re: ميلاد حـــربـــر
Author: Yasir Aloob
Date: 06-15-2009, 03:22 PM
Parent: #6
الاخ محمد
سلام كتير للاخ الكبير
بس انا ما الزول الانتا قاصدوا, انا ياسر علوب و علوب بتاعتنا دى شايقية صغيرة و للاسف ما عندى اخوان اكبر منى, لاكن من اليوم حا اعتبرك اخ اكبر اذا سمحت لى.
و بسمح ليك تشارك و تقول الانتا عاوز تقولوا طالما الفكرة وقعت ليك.
حربر هى شخصية فى جانب من ملامحها تسعى للتوحيد الفكرى بمعنى كلاً منا لديه تفكير ايجابى و اخر سلبى. بس ايهما اقوى دى حاجة بترجع للمعطيات المتوفرة لهو/هى و من ثم يبداء الافصاح عن ما يرغب سوا كان ايجابى او سلبى.
اما حربر بعبر عنهم الاثنين معاً السلبى و الايجابى.
مثلاً:
حربر لو عاوز يتكلم فى موضوع ذى موضوعك بتاع ليكن واضحاً لمن لا يعلم : ان دخول العلماني في دين آخر ليس خروجاً من الاسلام ما كان حا يقول اكتر من الانتا قلتوا (يعنى انتا نفسك حربراوى اصلى)
الفكرة جات بالصدفة بس رسخت فى بالى لوقت طويل حتى اتخمرت و صارت اكبر من ان اتحمل خاصة و انوا كل الاحداث صارت عجيبة محتاجة لشخصية جديدة ذات تركيبة عجيبة.
..........................................................
هسى انا شايف انوا اوباما دة شكل من اشكال حربر
ليكن واضحاً لمن لا يعلم : ان دخول العلماني في دين آخر ليس خروجاً من الاسلام
|
Post: #8
Title: Re: ميلاد حـــربـــر
Author: بت قضيم
Date: 06-28-2009, 05:20 AM
Parent: #7
شكراُ للتوضيح
بس برضو
يعني انت يتنادي بمذهب جديد، واللا شنو الموضوع بالظبط؟
سلمت
|
Post: #9
Title: Re: ميلاد حـــربـــر
Author: منى على الحسن
Date: 06-28-2009, 07:10 AM
Parent: #8
الاخ ياسر سلام
| Quote: بس اهم شي هو اقتراح و عمل تصميم للشخصية بحيث تكون معبرة عن اى اضداد |
فكرة عميقة لكن بتكون اعمق بالتصميم وعشان كمان تقع لينا كويس
انا بفكتر شخصية واحدة لالتقاء الاضداد صعبة
ممكن تكون شخصتين ويكونوا في حوار .....
|
Post: #11
Title: Re: ميلاد حـــربـــر
Author: Yasir Aloob
Date: 06-28-2009, 07:19 PM
Parent: #9
سلامات اخت منى
| Quote: فكرة عميقة لكن بتكون اعمق بالتصميم وعشان كمان تقع لينا كويس |
انشاء الله لو لقيت لى و احد من النوع المجنون شوية عشان يعمل التصميم و تقع لى الشخصية دى و اعرف اوصلة ليكم بطريقة احسن.
| Quote: انا بفكتر شخصية واحدة لالتقاء الاضداد صعبة |
الزمن دة بقت الاضداد تتلاقى فى شخصية و احده بكل سهولة مثلا: (بليل بسبح و بالنهار بضبح) دة ما حــربـــر زاتو
و احسن حاجة انو تكون شخصية و احدة تجمع الاتنين.
.............................................................................................................................
انا حاسى بانو الموضوع دة حا ياخد منى وقت طويل حتى اقدر اوصل الفكرة الفى طايوقى دى.
|
Post: #10
Title: Re: ميلاد حـــربـــر
Author: Yasir Aloob
Date: 06-28-2009, 06:59 PM
Parent: #8
سلام يا بت قضيم
| Quote: يعني انت يتنادي بمذهب جديد، واللا شنو الموضوع بالظبط |
يبقالى انتى كترتى المحلبية, مذهب دى ممكن تلحقنى امات طة,
انا بنادى بشخصية كرتونية/كركتيرية جديدة همها الاول الوحدة بين اطراف متنازعة مع احترام وجة نظر الاخر. على ان تكون الشخصية دى سودانية 100 ال100
|
|