Post: #1
Title: حنين البلد بالرياض (يوجد شوايقة)
Author: عمر الفاروق
Date: 06-09-2009, 10:59 AM
Parent: #0
يقيم تجمع البشمرقة بالرياض ندوة ثقافية بعنوان (حنين البلد) نناقش فيها حنك الشوايقة بتاع انو الواحد منهم يجي يضرب الكندشة والموية الصاااقطة ويكتفي فقط بي " ياااا يمة رسلي لي عفوك" مع كمية من الدموع والجرس ويا حلييل الساقية ويااا حليل الجروف وحش التمر ..
الدعوة عامة باستثناء ود الصايم ما لم يجينا بي تقرير طبي ممهور( عاجبني الكلمة دي ان شاء الله اكون اتوفقت في ختها صاح) بتوقيع وختم المدير الطبي لخلوه من انفلونزا الطيور بعد صورة الجداااد حق بكري ..
يتم استثناء عزاز شامي للدخول لتمثيل بوردابيات الرياض وتمنع حليمة عبد الرحمن لاسباب سااااي كده ..
يمنع دخول صلاح غريبة لاسباب تصويرية خصوصا والشغلانة فيها حنين وشوايقة وبلح !!
السماح لي تمبس بالدخول تحت مسمى اصدقاء تجمع البشمرقة شريطة إنو ما يجينا بي بنطلون الجينز وفنليتو المخططة رمادي بي اسود ديك ..
طارق نقد وادريس علم الهدى اختلف حولهم اعضاء التجمع وانقسم التجمع قسمين سبنت في امرهم النهائي الليلة الساعة 9 وتلت مساء.
احمد حنين معزوم بس حا نرسل ليهو الكروكي غلط ونديهو كروكي استراحة في الشفاء بينما الندوة غاليا حا تكون في مخرج 18 او اي مخرج تاني ان شاء الله مخرج طوارئ..
الريس او جهينة حا يكون ضيف شرف اللقاء وعلى هامش المناسبة حا نغشك وننده اسمك في المايك ونقول ليك عندنا ليك درع ووشاح بمناسبة الماجستير بس لسة ما اتاكدت من الحتة دي وهل الشيرنق تم ولا لأ ..:)
تخريمة :
الراغبين في الحضور للندوة تسجيل الاسماء هنا لأنو بصراحة نحن اشترينا كمية محدودة من الموز !!
|
Post: #2
Title: Re: حنين البلد بالرياض (يوجد شوايقة)
Author: محمد عبد الماجد الصايم
Date: 06-09-2009, 11:08 AM
Parent: #1
قايل وقفوني .. مش!
|
Post: #4
Title: Re: حنين البلد بالرياض (يوجد شوايقة)
Author: عمر الفاروق
Date: 06-09-2009, 11:18 AM
Parent: #2
ود الصايم :
والله يقيف بكري انت ما تقيف !!!
لكن النصيييحة جيتك خصم على الندوة :)
وبي مناسبة الوقفة دي عندي نكتة قديمة بقولا ليك لمن نتلاقا في الندوة :D
|
Post: #5
Title: Re: حنين البلد بالرياض (يوجد شوايقة)
Author: محمد عبد الماجد الصايم
Date: 06-09-2009, 11:24 AM
Parent: #4
| Quote: والله يقيف بكري انت ما تقيف !!! |
لازني من جبل ولا شنو؟
______
أها .. أنجهونا
|
Post: #7
Title: Re: حنين البلد بالرياض (يوجد شوايقة)
Author: عمر الفاروق
Date: 06-09-2009, 11:35 AM
Parent: #2
يا شبلي:
| Quote: ومحدودية الموز مربوطة بمحدودية الكراسي ..؟؟ |
ياخ جملتك دي تنفع تكتب في بص سفري ..ما عارف لييي ادتني احساس العفش داخل البص على مسئولية صاحبه ..
لكن عموما للضمان كده ما عندنا كراسي ..:)
|
Post: #3
Title: Re: حنين البلد بالرياض (يوجد شوايقة)
Author: عماد الشبلي
Date: 06-09-2009, 11:10 AM
Parent: #1
Quote: تخريمة :
الراغبين في الحضور للندوة تسجيل الاسماء هنا لأنو بصراحة نحن اشترينا كمية محدودة من الموز !! |
عمر الفاروق ..سلام
ومحدودية الموز مربوطة بمحدودية الكراسي ..؟؟
ندوة جميلة انشاء الله ..
|
Post: #6
Title: Re: حنين البلد بالرياض (يوجد شوايقة)
Author: عماد محمود علي
Date: 06-09-2009, 11:31 AM
Parent: #1
| Quote: الراغبين في الحضور للندوة تسجيل الاسماء هنا لأنو بصراحة نحن اشترينا كمية محدودة من الموز !! |
عمر ياخي أنا ما بحب الموز ... بأكل باسطة وبشرب سفن أب ( أصلي مريخابي )!!! أها في ولاّ ما نجي ؟
|
Post: #8
Title: Re: حنين البلد بالرياض (يوجد شوايقة)
Author: عزاز شامي
Date: 06-09-2009, 12:03 PM
Parent: #1
انا حنكوشة كابر عن كابر ولا مكان لي بين ناس بلح و جرافات و حواشات
اعتذر عن الحدور ... ما بقدر ما بقدر
|
Post: #9
Title: Re: حنين البلد بالرياض (يوجد شوايقة)
Author: ahmed haneen
Date: 06-09-2009, 12:15 PM
Parent: #1
الفاروق
ازيك يا ابو صلعة
| Quote: احمد حنين معزوم بس حا نرسل ليهو الكروكي غلط ونديهو كروكي استراحة في الشفاء بينما الندوة غاليا حا تكون في مخرج 18 او اي مخرج تاني ان شاء الله مخرج طوارئ |
يا خوي انا عازمني الشايقي الضكر عمران حسن صالح ...
مش الجماعة التايوان المضروبين ناس محمد الحسن وحسن الشايقي
| Quote: الراغبين في الحضور للندوة تسجيل الاسماء هنا لأنو بصراحة نحن اشترينا كمية محدودة من الموز !! |
بعدين يا الفاروق .. ان شاء باقي الموز تأكلوا ويشبعك تب
نحن بنشرب عصير بلح وبث
|
Post: #10
Title: Re: حنين البلد بالرياض (يوجد شوايقة)
Author: انعام حيمورة
Date: 06-09-2009, 12:47 PM
Parent: #9
ياخ امس بقنع فيها ساعة اني شايقية غير الاجندة يا عمر
|
Post: #11
Title: Re: حنين البلد بالرياض (يوجد شوايقة)
Author: عمر الفاروق
Date: 06-09-2009, 01:28 PM
Parent: #10
يا عمدة:
| Quote: عمر ياخي أنا ما بحب الموز ... بأكل باسطة وبشرب سفن أب ( أصلي مريخابي )!!! أها في ولاّ ما نجي ؟ |
بس لو كنت بتحب السحلب كان وافقنا ليك ..
جلت يا قريبك الرجاء المحاولة مرة اخرى فالكراسي مشغولة ..
|
Post: #12
Title: Re: حنين البلد بالرياض (يوجد شوايقة)
Author: عمران حسن صالح
Date: 06-09-2009, 08:42 PM
Parent: #11
| Quote: يا خوي انا عازمني الشايقي الضكر عمران حسن صالح ... |
لووووووووووووووووول يكا يا حنين ......
.
.
وش زول بفرفر من الضحكـ ...
|
Post: #13
Title: Re: حنين البلد بالرياض (يوجد شوايقة)
Author: محمد عادل
Date: 06-09-2009, 09:09 PM
Parent: #12
Quote: انا حنكوشة كابر عن كابر ولا مكان لي بين ناس بلح و جرافات و حواشات
اعتذر عن الحدور ... ما بقدر ما بقدر |
حتى العربى ساقطين فيهو حضور ما حدور الخوف لو جاء زول اعمى ممكن يقراها حدود
كاااااااااااااااااااااااااااااااااااك
|
Post: #14
Title: Re: حنين البلد بالرياض (يوجد شوايقة)
Author: Hussein Mallasi
Date: 06-09-2009, 09:18 PM
Parent: #13
| Quote: حتى العربى ساقطين فيهو حضور ما حدور الخوف لو جاء زول اعمى ممكن يقراها حدود |
|
Post: #15
Title: Re: حنين البلد بالرياض (يوجد شوايقة)
Author: محمد عادل
Date: 06-09-2009, 09:26 PM
Parent: #14
خليك موثقاتى ياملاسى
عشان بعدين تكتب تقول من يكتب لمحمد عادل
|
Post: #16
Title: Re: حنين البلد بالرياض (يوجد شوايقة)
Author: عزاز شامي
Date: 06-09-2009, 09:29 PM
Parent: #15
دي غلبتني تب !!
جيبو وشوش ضاحكة بعدد سكان الصين الشعبية
|
Post: #17
Title: Re: حنين البلد بالرياض (يوجد شوايقة)
Author: محمد عادل
Date: 06-09-2009, 09:33 PM
Parent: #16
مابنفع بعدد الكوريتين
|
Post: #18
Title: Re: حنين البلد بالرياض (يوجد شوايقة)
Author: علاء الدين حيموره
Date: 06-09-2009, 09:35 PM
Parent: #15
Quote: حتى العربى ساقطين فيهو حضور ما حدور الخوف لو جاء زول اعمى ممكن يقراها حدود
كاااااااااااااااااااااااااااااااااااك |
ان شاء الله الكي بورد دا يخذل كل الناس المكاجرنك ديل وتقطع لسانهم بالاخطاء الاملائية عشان مافي زول يقول محمد عادل تاني ...
تعجبني يا ود عادل
بس نستثني الاخت عزاز لانها من الناطقين بغيرها ... ( رايك شنو )
|
Post: #19
Title: Re: حنين البلد بالرياض (يوجد شوايقة)
Author: mohamed osman bakry
Date: 06-09-2009, 09:37 PM
Parent: #14
كنت قايلك حنكوش يا محمد آدل
|
Post: #20
Title: Re: حنين البلد بالرياض (يوجد شوايقة)
Author: عمر الفاروق
Date: 06-10-2009, 06:40 AM
Parent: #19
بيان من اللجنة الإعلامية بتجمع البشمرقة بخصوص "حدور" و "حضور":
بسم الله الرحمن الرحيم
أيها الشرفاء ..
في البدء نود أن نذكر مستخدمي الكيبوردات أن حرفي الدال والضاد هما على النقيض تماما حيث أن حرف الدال في القطب اليميني من قارة الكيبورد بينما الضاد في القطب الشمالي منه ..يعني بي العربي كده عزاز زول واعية وشايفة وقاصدة اخوتي الشرفاء (الشرفاء فقط اكرر)..
ولمن لا يعرفون صديقة التجمع عزاز ال شامي فهي وكما ذكرنا في بيان سابق انها تتبربر بي البرووورة ويكفي انها في مرة من المرات رماها ابن اختها الصغير هيما بي قطنة فتم خياطة جبهتها بي إطناشر فتلة مع البنج الكامل !!
وكذلك ننوه للإخوة الما شرفاء أننا في التجمع تعودنا علي هذه اللغة المتفق عليها بين رئيس تجمع البشمرقة وصديقة التجمع عزاز ال شامي ونفهم جيداً انها على سبيل الحفاظ على لسانها النوبي الممهور بي حنكشة (ياخ ممهور دي كده المرة التانية القا ليها حتة )..
وننتهز هذه الفرصة ونعلن عن تبرعنا بي عدد خمسة أزيار لي مدرسة ود الحاجة بي كتفية ريفي ود حامد ..
يعني يا الشرفاء والماشرفاء عزاز قاصدة الكلمة بي اختصااار كده وانا فهمتها وكما قيل سابقاً عند الإغريق :
" سيد الحق راضي شن دخل القاضي"..
وسير سير يا البشير ..
الرد الرد السد السد ..
|
Post: #21
Title: Re: حنين البلد بالرياض (يوجد شوايقة)
Author: حيدر حسن ميرغني
Date: 06-10-2009, 06:47 AM
Parent: #20
عزيزي محمد عادل
مرات البعض يخطئون في كتابة كلمة او اكثر عن قصد كشيئ من الممازحة ليس إلا
..
عزيزي عمر
هنيئا لكم بالحنين واللَمة الطيبة
عمران ولدنا ده مشلخ وللا لا؟
|
Post: #23
Title: Re: حنين البلد بالرياض (يوجد شوايقة)
Author: Abdlaziz Eisa
Date: 06-10-2009, 07:12 AM
Parent: #21
Quote:
عمر ياخي أنا ما بحب الموز ... بأكل باسطة وبشرب سفن أب ( أصلي مريخابي )!!! أها في ولاّ ما نجي ؟ |
الأخ عماد
سلام
ياخي الجاب الكورة هنا شنو!!
أخير نحن 7 مقابل 4.. ده لو كان الهليل لكانت 9/ صفر..
الأخ عمر الفاروق
سلام
لي ساعة بفكر لي في كاتوقري أدخل بيها حلف البلح ده..
لكن لقيت الفيزا مالتي حدها مكة- المدينة- جدة..
افكر اغطس لي في تنكر ماء زمزم..عشان أصل!!
انتظروني بشوية بلح
تحياتي
عبدالعزيز
|
Post: #24
Title: Re: حنين البلد بالرياض (يوجد شوايقة)
Author: خالد عبد الله محمود
Date: 06-10-2009, 07:17 AM
Parent: #21
|
Post: #29
Title: Re: حنين البلد بالرياض (يوجد شوايقة)
Author: عمران حسن صالح
Date: 06-10-2009, 10:46 AM
Parent: #21
عمران ولدنا ده مشلخ وللا لا؟
>
>
>
حيدر سلام ....
إلا الشلوخ دي يا حيدر ... ما عندنا ليها (جضوم) ..لكن تربالي (صَر) ...
بي طيني .. ومرضان ويكة مفروكة بالقراصة والبصل الأبيض (رغم إحتجاج الحكومات ) ... وحنييييييييييين وبكاي ودمعتي قريبة كان سمعت صوت الطمبور ...
وزول جابرة سااااكت ...
بس تعرف ود أم درمان (الحنكوش) ده ما عاديني معاهم وحاسي بي رطبت ونسيت القضية ...
|
Post: #22
Title: Re: حنين البلد بالرياض (يوجد شوايقة)
Author: عزاز شامي
Date: 06-10-2009, 07:11 AM
Parent: #1
Quote: بيان من اللجنة الإعلامية بتجمع البشمرقة بخصوص "حدور" و "حضور":
بسم الله الرحمن الرحيم
أيها الشرفاء ..
في البدء نود أن نذكر مستخدمي الكيبوردات أن حرفي الدال والضاد هما على النقيض تماما حيث أن حرف الدال في القطب اليميني من قارة الكيبورد بينما الضاد في القطب الشمالي منه ..يعني بي العربي كده عزاز زول واعية وشايفة وقاصدة اخوتي الشرفاء (الشرفاء فقط اكرر)..
ولمن لا يعرفون صديقة التجمع عزاز ال شامي فهي وكما ذكرنا في بيان سابق انها تتبربر بي البرووورة ويكفي انها في مرة من المرات رماها ابن اختها الصغير هيما بي قطنة فتم خياطة جبهتها بي إطناشر فتلة مع البنج الكامل !!
وكذلك ننوه للإخوة الما شرفاء أننا في التجمع تعودنا علي هذه اللغة المتفق عليها بين رئيس تجمع البشمرقة وصديقة التجمع عزاز ال شامي ونفهم جيداً انها على سبيل الحفاظ على لسانها النوبي الممهور بي حنكشة (ياخ ممهور دي كده المرة التانية القا ليها حتة )..
وننتهز هذه الفرصة ونعلن عن تبرعنا بي عدد خمسة أزيار لي مدرسة ود الحاجة بي كتفية ريفي ود حامد ..
يعني يا الشرفاء والماشرفاء عزاز قاصدة الكلمة بي اختصااار كده وانا فهمتها وكما قيل سابقاً عند الإغريق :
" سيد الحق راضي شن دخل القاضي"..
وسير سير يا البشير ..
الرد الرد السد السد .. |
تول عمرك بتفهمها وهي تايرة ...
|
Post: #25
Title: Re: حنين البلد بالرياض (يوجد شوايقة)
Author: أيمن الطيب
Date: 06-10-2009, 07:41 AM
Parent: #22
| Quote: حتى العربى ساقطين فيهو حضور ما حدور الخوف لو جاء زول اعمى ممكن يقراها حدود |
 يا ابوحميد لم العالم ديل وأفتح ليهم فصول محو أمية يا أمية,,,,,وصاحبك المتصور معاه دا مالو صارى وشو كدا!!!! زعلان منك ولا شنو؟؟؟
عزاز شامى بضاعتكم ردّت إليكم,,(بخصوص الوشوش وكدا),,
|
Post: #26
Title: Re: حنين البلد بالرياض (يوجد شوايقة)
Author: Khalid Saeed
Date: 06-10-2009, 08:30 AM
Parent: #25
البشمرقة إزيكم .. لعلكم طيبين في حييكم ..
على رأسهم المتبشرق الفاروق قدس الله سره ..
بالنسبة للحنين والشوايقة .. فلا خلاف في ذلك فمثلهم [ مثل ود الطالب والهلباوي في تهمة حملة وليد دارفور ] منسجمين إنسجام السنين ..
أما فيما دار من لغط حول لفظ العرب والمستعربة .. فإن تحليلنا [كرياضيين ] [ سبق لنا إقامة العديد من الإحتفالات الخاصة والعامة ] [ يعني بالاوضح كده شفوت حفلات ] وبصفتي أمين مال لبورداب الرياض [ هيهيهي] فإن هذا يدخل في باب أعجمي فألعب به .. فالكي بورد أعجمي [ المنشأ والمصنع ] .. فجاز لنا أن نلعب به ..
أنظر يارعاك الله إلى مايدور في منبرنا العام من خربطه وبرطعة وخرمجة بالكي بورد ...
رغم ذلك تجدنا نغبط [ من الغبوطية ] للحبيب جناح الحبيب حرصه على اللغة العربية ..
ختاماً .. ندين أوكامبو .. ونطالبوا برجوع تمبس وحميدة ..
عاش كفاح الطبقة المستنرية ..
عاش كفاح البشمرقة لفك الإرتباط بين الطناش في الغربة والحنين ..
عاش الشوايقة بكايين وغنايين ..
الأرباب
|
Post: #27
Title: Re: حنين البلد بالرياض (يوجد شوايقة)
Author: Khalid Saeed
Date: 06-10-2009, 09:04 AM
Parent: #25
حذف للتكرار
|
Post: #28
Title: Re: حنين البلد بالرياض (يوجد شوايقة)
Author: عمر الفاروق
Date: 06-10-2009, 10:46 AM
Parent: #27
الحنين احمد :
| Quote: يا خوي انا عازمني الشايقي الضكر عمران حسن صالح ... |
تعرف يا حبوب عمران انتفت منو صفة الشوايقوية لي سبب واحد ..
الزول ده بيستمتع بي القرش وفي اليدو ما حقتو وهي اكتر صفة حا تخلي الشوايقة يتبرو منو ..
ويبدو جليا انو ام محمد الامدرمانية اثرت فيهو وخربتو (يا قول اهلو الشوايقة)..
بيكونوقاعدين قولوا الجنا خرب بقا يركب العربات السمحة ويقري ولدو في المدارس الخاصة وبيستمتع بي حياتو :)
ياخ انا مشيت لقيتو مشتري لي ولدو المريخابي ده سبورة وايت بورد :D:D:D:D:D:D:
الله يرحم ايام عمران بيحسب بي مصاص البلح ونص قاريتو كانت في الواطـــة والكراس مليان عرق ومجلد بي جريدة الصحافة وفيهو زيت شندويتش الطعمية :)
هيييييييييييييييييييييييييه قال شايقي قال ..
الود خلاااااص صار لبناني خيييو لك تؤبرني احمدووو
|
Post: #30
Title: Re: حنين البلد بالرياض (يوجد شوايقة)
Author: عمران حسن صالح
Date: 06-15-2009, 11:24 AM
Parent: #28
Quote: الله يرحم ايام عمران بيحسب بي مصاص البلح ونص قاريتو كانت في الواطـــة والكراس مليان عرق ومجلد بي جريدة الصحافة وفيهو زيت شندويتش الطعمية :)
هيييييييييييييييييييييييييه قال شايقي قال .. |
ياخي حرام عليكـ يا عمر ..
نسيت الفانوس ياخي ..
والله بالفانوس يا عمر .. ما أم نويويرة عشان ما تظلمني ساكت ...
|
Post: #31
Title: Re: حنين البلد بالرياض (يوجد شوايقة)
Author: عزالدين آدم علي
Date: 06-15-2009, 01:46 PM
Parent: #1
أنا شايقي مظلل وأجعد
أجي ولا ما أجي؟
|
Post: #32
Title: Re: حنين البلد بالرياض (يوجد شوايقة)
Author: صديق الموج
Date: 06-15-2009, 02:08 PM
Parent: #31
عمر يا اخوى سلام
انت قصدك الراس والا الكراس
فقد تشابهت علينا الكاسات والاختساسات،،،
|
|