Post: #1
Title: الكوره تاني في اطلس العالم يا هلال مدريد
Author: طارق شاطر
Date: 06-08-2009, 07:20 PM
نحنا زمان المغصه كاتلانا ساكت من اعلام المريخ مبارنهم من طابق لي طابق
ومن نفره لي نفره ومن وارغو لي الشجره قلنا مجلس الهلال ده نايم نوم والفيهو
اتعرفت اتاريه المجلس متمهل فوق راي جابو لينا ناس امولادي وكوارزما الجاب اقوان اكتر من وارغو
زهجنا من المواسير والصفقات الفاشله اخيرا اكتشفنا انو امو لادي بلتحديد جايبنو
لسقايه النجيله الامريكيه اسه قامت وحولو ليه مستحقاتو لي نيجيريا نجيلتنا
سقيناها كان قعد بخمج الارض كوارزما بنودي حي العرب اقعد وين في الاطلس ده
|
Post: #2
Title: Re: الكوره تاني في اطلس العالم يا هلال مدريد
Author: طارق شاطر
Date: 06-08-2009, 07:29 PM
Parent: #1
طلعت حكايه قودوين والكاردنال الجماعه شالو حسنا
والمجلس شغال في صمت شي نجيله امريكيه جايه
وشي سور بلجيكي وشي معترفين من الكنقو وشي مدرب حراس من مصر
المهم الجماعه ماخلو ليهم دوله ولا قاره ما دخلوها في الاستاد
بعد دا كولو الهلالاب عينم ما اتملت
طيب دي البملاها شنوووووووووووو
|
Post: #3
Title: Re: الكوره تاني في اطلس العالم يا هلال مدريد
Author: طارق شاطر
Date: 06-08-2009, 07:46 PM
Parent: #2
قامت صحيفه النادي طلعت خبر قالت سانتو باي باي صلاح ادريس طبعا قتيت
نفي الخبر وهاجم الصحيفه فجائه كده وبدون مقدمات قالو سانتوس ماشي
وجاي كامبوس وطيب الجاي ده بي صفتو شنو قالو الراجل ده كان في الجهاذ الفني للريال
ريال شنو يا ناس دي عمله انتهت بدري قالو ريال مدريد اها ناس نحنا سمعو بلخبر مره
يسخروا ومره يتبخترو قايلين كل المدردم قودوين اليوم الجا فوقو المدريدي
الجماعه نفسم اتقطع هو بيني وبينكم كده الهلالاب ديل مرات بمدردو كومن ساي
استمتعووووووووووووووووا مع هلال الملاين حصريا علي الابداع
الكوره في استادنا الحجز ببدا من صلاه الصبح والامام امبييلي
|
Post: #4
Title: Re: الكوره تاني في اطلس العالم يا هلال مدريد
Author: طارق شاطر
Date: 06-08-2009, 08:01 PM
Parent: #3
اخر حروف للحرفا/
*استاد الهلال العمل فيهو يمشي علي قدم وسور ونجيله وساق المدرب
*الله يستر الباكات والاجهزه الفنيه مع الخبره المدريديه
*امبيلي اعتنق الاسلام وهذا جزء من اخلاق الاهله ودورهم الرسالي
*قالو صلاح ادريس فتح خط مع قودوين تاني هلالاب ذي الحسكنيت
*استيقن شداد لحقنا امات طه نطالب بماذدا تلاتات بلدنا ولا تعادلات انجلترا
سؤال/
ياناس الهلال ده استاد ولا اطلس
|
Post: #5
Title: Re: الكوره تاني في اطلس العالم يا هلال مدريد
Author: طارق شاطر
Date: 06-10-2009, 02:36 PM
Parent: #3
لاول مره الواحد يشعر بلرضا من مجلس اداره نادي الهلال
في حوار لصحيفه قون بتاريخ 10/6 اكد الارباب صلاح ادريس
عدم مشاركه الهلال في سيكافا الحمام الميت والوصيف الدائم
وقال من منح المريخ الحق بتنظيم البطوله في اشاره له بان كل مابنيه
بدون هلال فهو باطل كان حديثه جريئ وقال المجلس يعمل في صمت لاجل
التسجيلات التكميليه احسنته يا مجلس اداره نادي الهلال
ملحوظه/
هلال مدريد رافض سيكافتكم
|
|