ألو منو .. أيوه مين .. ألو ألو معاك أنا ؟ ..

ألو .. منو ؟
ألو .. ألو ..
أيوه .. مين ؟؟ ..
ألو .. ألو ..
معاك أنا ..
لقيتني أتكلم وأقول ..
باندهاش طال المدى ..
معقول دي إنتي ؟؟ ..
أصلي ما مصدق وحاتك ..
وينك إنتي ..
ومن وين بتتكلم حروفك ..
إنتي وينك من زمن ..
راجيك تطلي ..
وطلتك ياها البريد ..
قولي كلمة ..
أي كلمة ..
تفرح القلب الحزين ..
قام جاني ردك ..
ألو ..
منو ..
إنت بتقول في شنو ؟؟ ..
من وين بتعرفني وتقول ..
وينك إنتي ..
راجي حنك ..
وراجي ودك ..
وفي القلب شاقيني حبك ..
والزمن غير هواك ..
لكني يالزول الشفيف ..
أنا بس عرفتك ..
من جوى الشوق اللي فيك ..
ما قدرت تفرق الصوت الحنين ..
اللي ساكن في الحنايا ..
القاصدو إنت ..
بس حقيقة أقولها ليك ..
وأنا في غاية الأسف ..
ما أظني زولتك ..
وربنا يسهل طريقك ..
ألو .. ألو ..
ألو .. ألو ..
مافي رد ..
وانتهت لحظات جميلة ..
عشتها بكل المنى ..
والمنى اتحول سراب ..
ألو ..
ألو ..
ألو ..