( راس خروف) اهداء لحيدر الزين وحافظ وسيف النصر والزبانية ..

Post: #1
Title: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-07-2009, 10:20 PM
Parent: #0

في بوست مجاور كتب الاخ الشبلي :

Quote: وانا راجع من السودان للدوحة ..

سودانية معرفة معاها عدد اطفال وموصني عليها ..

قلت اساعد .. شلت منها شنطة هاند باق تقيله وطلعت بيها الطيارة ..

وكان نفسي اعرف المرة دي شايلة فيها شنو ..

وفي مطار الوصول وضعت الشنطة في مكنة الاكس ري ,,

وحرصت اعاين في الشاشة ..

انقرو ظهر شنو في الشاشة ..؟؟

مش حاتصدقو ..

راس خروف ,,,

بكامل لحمه وشحمه ,,, اد الشبلي :

قلنا نشوف علاقة راس الخروف بـ( دوحة الجميع) ربما كانت له علاقة بالجزيرة الوثائقية ..

Post: #2
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حافظ حسن ابراهيم
Date: 06-07-2009, 10:31 PM
Parent: #1

حيدر و سيف النصر و الزبانية ... بعدين الزبانية ديل منو و ايه علاقتهم برأس الخروف؟ ....لكن يا منعم نحن بتاعين سمك سااااااي
و لو عندك نيفة (رأس) سمك قول لينا لانو رأس خروف دا فيهو مشاكلو .... ما عارف حمة مالطية و الوادي المتصدع و الله يسترنا من انلفونزا الخنازير ... و اخيراً بقول ليك يا منعم فليحفظ الرب السودان و رسين الخرفان

فتكم بعافية ..... خميس مبكر او خميس جنا سبعة

Post: #3
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-07-2009, 10:45 PM
Parent: #2

الاخ حافظ
الله يسلم راسك

الذي يحيرني ان كيكي وهو مقيم بالدوحة لم يطلب مني من قبل ولا من بعد راس اي من الانام ..
ربما لراس الخروف السوداني معنى عند اهل الدوحة ..
غايتو نشوف ناس الدوحة لو ما عندهم راي نقول راينا

__

الاخ كوستاوي سبق ان طلب مني تيراب جرجير ليزرعه بنورث اميركا
سالت عن طلبه الغريب فقال لي اهل الذكر ان :
المراة لو عرفت قيمة الجرجير لزرعته تحت السرير ..

كدي انشوف زراعة راس الخروف دا لشنو ؟

Post: #5
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-07-2009, 10:47 PM
Parent: #3

Post: #4
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عاصم ابوبكر حامد
Date: 06-07-2009, 10:46 PM
Parent: #1

يا منعم
كيفك ..

انت بتحكها كدة مالك ...

Post: #6
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-07-2009, 11:04 PM
Parent: #4

هاصم

تحياتي ..

ارحوان تخبر الحركات (هناك) ان راس الخروف فيه مشقة للناس ومنافع

Post: #7
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عاصم ابوبكر حامد
Date: 06-07-2009, 11:16 PM
Parent: #6

العزيز دوما منعم ..

تحياتى لك .
Quote: ارحوان تخبر الحركات (هناك) ان راس الخروف فيه مشقة للناس ومنافع

يجب ان نحزر وفدنا بالدوحة من اكل لحم اى راس خروف ولا شنو ...

ولا ممكن يكون رحمة للتقدم فى عملية التشاور والدخول فى تفاوض مباشر ..

تسلم

Post: #8
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: Hassan Makkawi
Date: 06-08-2009, 07:31 AM
Parent: #7

Quote: انقرو ظهر شنو في الشاشة ..؟؟

مش حاتصدقو ..

راس خروف ,,,

منعم

كلام غريب فعلاً!!!

هل كان رأس الخروف كامل المواصفات..Full Options؟

يعنى قرون وكدة؟؟

وما هو السر؟؟؟

حاجة تحير

Post: #11
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 07:55 AM
Parent: #8

والله ما عارف يا حسن اخوي
بس تحت تحت كدا سمعنا المراة كانت تغني
انا شايلة للباسم (الزوج) صورة الباسم
احييييي انا

Post: #9
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سيف النصر محي الدين محمد أحمد
Date: 06-08-2009, 07:31 AM
Parent: #7

سلامات يا منعم
غايتو انا بقترح انو راس الخروف يكون شعار جالية الدوحة..هو باسم و هم ما شا الله برضهم باسمين
و مرطبين.
بعدين عمك الشبلي ده الوداهو يتاوق في عفش المرة ديك شنو؟؟

Post: #10
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 07:50 AM
Parent: #9

والله يا سيف انا ميت من الضحك
من شلاقة الشبلي ومن راس الخروف
المراة وصلتها للاكس ري تجي كمان داير تشوف الجو شنطها شنو ؟
اما هي بالغت كمان معقول راس خروف عدييييل كده
غايتو نقول شنو
بس الحمد لله

Post: #12
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سيف النصر محي الدين محمد أحمد
Date: 06-08-2009, 08:18 AM
Parent: #10

Quote: غايتو نقول شنو
بس الحمد لله

الحمد لله انو الشبلي ما كان جاهز بالكاميرا زي العادة و الا كنا شفنا الراس موثق.

Post: #13
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 08:23 AM
Parent: #12

يا ريت يا سيف لو اكتفى بتوثيق الكاميرا
الا توثيق الاسافير دا الله يسترنا منه

___
دا بوست السهرة ياااخ تعال بعدين

Post: #14
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-08-2009, 08:37 AM
Parent: #13

اصبحنا وصبح الخروف بااااع ...

منعم، حافظ ، سيف و( الزبانية ) صباحاتكم ..

الحريم يا قول ( السيدح ) مدورات انه الرجال شرطو عينهم في السفر ..

هسع الشبلي دا موقفو شنو ..

والله البوست مفروض يكون هدية وتضامن مع الشبلي في منظرو اما الاكس راي ههههه

بناخد لفة وارجع للبوست دا بمزاج بعدين ..

** هديتك مقبولة يا منعم خاصة انه ( راس خروف ) اسرة ببربر وجد لينا

Post: #15
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حافظ حسن ابراهيم
Date: 06-08-2009, 09:33 AM
Parent: #14

Quote: اسرة ببربر وجد لينا

كويس يا حيدر انت قاصد جد لنا مهدي؟؟؟؟
بس صبرك

Post: #16
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: Salah Abdulla
Date: 06-08-2009, 09:46 AM
Parent: #15

منعم

إنت الدوحة دي ما واحد من مؤسسيها
وبرضو ما عارف العلاقة بين راس الخروف والدوحة شنو ؟؟

وبرضو كل زمن وليهو راس خروفو..

Post: #17
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 09:51 AM
Parent: #16

Quote: وبرضو كل زمن وليهو راس خروفو..

بس خروف لخروف يفرق يا ابوصلاح

بالجد يا صلاح بتعملوا براس الخروف شنو هناك ؟

_____

وانا اقول البلد هنا بقت جلد سااي ول راس واحد ما فيها

Post: #19
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-08-2009, 09:59 AM
Parent: #15

صباحاتك حافظ ..

اسمع ياخ بدل قصة العمرة والسفر والزرعية البتضربها المطرة ياخي دي فكرة مشروع وكدة من امس بفكر فيها ..
رايك شنو يبدو في ندرة خرفان بالدوحة او روسيين خرافهم ما اوكي فنعمل بزنس تصدير وكدة لاهل الدوحة واهو الشباب كلهم فرد هناك وبضمن ابو ساندرا براهو بيكون من كبار الزبائن وكيكي دا اقلاها شهرو بستين راس خروف ..
فكر في الموضوع ووفر راس ( الخروف ) عشان ما نقول راس المال .. ومنعم نوظفوا علاقات عامة واعلام بحكم المهنة وكدة ..

( بالمناسبة الحاجات ما وصلتني ياخ )

Post: #18
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبدالكريم الامين احمد
Date: 06-08-2009, 09:54 AM
Parent: #9

Quote: بعدين عمك الشبلي ده الوداهو يتاوق في عفش المرة ديك شنو؟؟

ياخ انتو يوم بتكتلو ليكم زول بالضحك وبتقعدوا.....
...

يا بيجو انت متحكحك في الدوحة دي مالك يا زول هوووي..
الدوحة ما فاضية لراس خروفك القاطعو من راسك ده
فيها وفيها
فيها
راس ابو فنطاس
راس ابو باعبود
راس النعسة
راس غاز
وفيها الرويس كمان
وفوووق لده فيها اكبر راس فاضي في الاسافير العربية والافريقية
هو راس معتز قريش

Post: #20
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 10:04 AM
Parent: #18

يا كيكي بالله خلينا من راس لفان وابوفنطاس
انتوا الرجال المتزوجين ديل بتعملوا شنو براس الخروف لما النسوان يجيبوه ليكم من السودان
ياخ لو فيه فايده تحت تحت كدا ورينا وبارك الله في من نفع واستنفع
__
لو كلمتنا بصراحة ليك علي 2 راس خروف برسلهم ليك بـ الDHL

Post: #22
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سيف النصر محي الدين محمد أحمد
Date: 06-08-2009, 10:22 AM
Parent: #20

واحدة من ناس الدوحة اجازتها قربت تخلص و بتتصل بزوجها في الدوحة:
-الو..كيفك
-كيييف مشتاقين و كده.
-هيهيهي..بالاكتر ..اسمع اكدت لينا الحجز؟
-ايوه .كل شي تمام .بس اسمعي اوعي تنسي الراس.
-ما ممكن لكن يا ابوعطوط..ما قلت ليك خليني من الحكاية دي..ياخي ما بقدر..دي فضيحة عديل. هسه
ناس الجمارك يقول علي شنو بالله؟
-اسمعي انا لا بعرف جمارك و لا قوات الامم المتحدة..كان ما جبتي الراس ما تجي.
طراخ. قفل السماعة.

Post: #21
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حافظ حسن ابراهيم
Date: 06-08-2009, 10:20 AM
Parent: #18

شباب سلامات .... والله انتو بالصورة دي حترفدوني من الشغل ... بعدين المديرة اليومين دي سمها فاير...
تشاكل في الفارغة و المليانة لكن اخوكم طبعاً حريف
Quote: فكر في الموضوع ووفر راس ( الخروف ) عشان ما نقول راس المال .. ومنعم نوظفوا علاقات عامة واعلام بحكم المهنة وكدة ..

والله يا حيدر دا بيزنس كويس ... اقلاها الزول يختا صرصرة المديرات ديل ... بالمناسبة يا حيدر انا من ما بديت الشغل 90 من مدرائي نسوان .... لكن والشهادة لله احسن من الرجال .... ما تنسي اليومين دي مديرتي سيدة فاضلة ( انا قلت مرة)... ما علينا نشوف موضوع البيزنس .... اها قلت لي انت ضامن الزبانية عفوا قصدي الزباين؟ قلت ابو ساندرا حيشيل 2 في اليوم يعني 60 في الشهر , 720 في السنة تمام بس لو شفت معاهو ميه كدا بيكون مظبوط 7200 في السنة طيب دي واحدة من نقاط القوة strength , نجي نشوف نقاط الضعف weakness شوف ناس الخليج يقولها لينا.... اما الفرص opportunity اسعار الخراف هنا رخيصة جد و الرأس يعني رأس النيفة ممكن يدوك ليها ب جنيه بس شوف لينا هناك بتباع بكم؟ ... نجي نشوف المهددات threat يلا المهدادت شوفها انت و عبدالكريم ... يا فردة انا عملت تحليل بحاجة اسمها SWOT analysis
S=Strength
W=Weakness
O= Opportunity
T= Threat
يلا يا حنين منتظرين اجابات عشان نمشي لينا لفكي يحوط لينا البيزنس دا و نبدأ علي بركة الله و الخاين الله يخونوا؟

عبدالكريم مرحب بيك في عالم الزبانية و نحن دايرين رسين بتتأكل ما تقول لينا رأس قريش او رأس الرجاء الصالح .... فتك بعافية يا منقة

Post: #23
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 10:32 AM
Parent: #21

Quote: ايوه .كل شي تمام .بس اسمعي اوعي تنسي الراس.

لووووووووووووووووووووووووووول

___
حمد الله ع السلامة
اها جبت البتاع ؟
بتاع شنو
الراس؟
اي في الشنطة ديييك ..
يجس من برا كدا
ومالو كبير كدا ؟
الكبير شنو ؟
الراس
__
اي كبير قدر حبي ليك عشان اعبر ليك عن حبي جبت ليك المره دي راس
تور

Post: #24
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حافظ حسن ابراهيم
Date: 06-08-2009, 10:36 AM
Parent: #21

زبانية للرؤس ....
يسر شركة الزبانية ان تعلن لزبائنها الكرام عن وصول دفعة جديدة من رؤوس الخراف من السودان الشقيق ...
زبانية للرؤوس .... تقدم رؤوس حليقة , و للذين يحبون رائحة شواء الصوف توجد رؤوس غير حليقة ...
زبانية دقة في المواعيد و امانة في التسليم ...
احجز حصتك فالكمية محدودة ,
و هنالك مفأجاة و مفأجات
و لمزيد من المعلومات هواتفنا علي الشاشة
السودان 99999999999999999999999
قطر 8888888888888888888888
ابو ظبي: 7777777777777777777
دبي66666666666666666666666
سلطنة عمان 555555555555555555
لا تدعي الفرصة تفوتك

Post: #25
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 10:43 AM
Parent: #24

لسنا الوحيدون ولكننا الافضل

Post: #26
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-08-2009, 10:48 AM
Parent: #24

مافي اي مهددات يا حافظ ..
بالنسبة للجودة فالسوداني جيد في كل شئ خاصة فيما يتعلق بالروؤس

ولولا جودة الراس السوداني لما تكبدت هذه المهيرة مشقة حمله من السودان وحتي شواطئ الخليج العربي

اما الاسعار يكون شعارنا ( الرخيص برخصتو يضوقك مغصتو والغالي بغلاوتو تضوق حلاوتو )

ترخيص واوراق حكومية وخلافو بنبيع كيكي الضحي الاعلم ونشوف معتز قريش ( مقابل راس بس ) ونستفيد من

جهده وتعبوا مع مجلس الجالية الاعرج بتاع الدوحة دا واهو يساعدونا بالتصاديق من السفارة ..

وياعمك ما تشيل اي هم بس صلح ( راسك ) وكلو بيتسهل .. لووووول

Post: #28
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حافظ حسن ابراهيم
Date: 06-08-2009, 10:57 AM
Parent: #26

حيدر ... تمام جدا انا هسي كنت بتكلم مع واحد بتاع عقارات و قال لقي لينا موقع في سوق قندهار ... و قندهار دا سوق الناقة زمان و بعد التعديلات الوزارية الاخيره بقي فندهار لكن حته مضرب يا حبة
Quote: اما الاسعار يكون شعارنا ( الرخيص برخصتو يضوقك مغصتو والغالي بغلاوتو تضوق حلاوتو )

شعار جميل لكن نعمل في الخليفة 3 رسين واحد بصوف و التاني محلوق و التالث مسلوخ ... و اهم شئ نقول لبتاع التصميم الايضاحي يبرز لينا البسمة في كل من البواسم الثلاثة .... يعني ابتسامة بيضاء تسر الناظرين....

تمام يا فرده كدا الامور مطمنه

Post: #27
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حافظ حسن ابراهيم
Date: 06-08-2009, 10:49 AM
Parent: #24

منعم سيف و بقية الزبانية نواصل في حوار الرأس

الزوج: كدي خلينا من قصتي حبي و حبك دي .... يا ولد ( ينادي علي ابنه الصغير) .... يا ولد جيب لي الشنطة بتاعت الرأس دي...
عمك بحلق ليك في الرأس كدااااا مرة يبتسم و مره يصرصر ؟
الزوجة: اها لقيتو كيف؟
الزوج: والله يعني كويس لكن شكلوا داير يعفن الا ننجزو هسي
الزوجة: يا راجل تنجز شنو خليهو لحد الصباح ... بعدين انا جايبا معاي فسيخ جاهز
الزوج: فسيخ مين يا وليه .... ما قلتو لي اها الفقر ديل عملوا معاكم اي نقة في المطار؟
الطفل: ايوا يا بابا لكن ماما قالت ليهم و الله يا اولاد امي انا مودياهو للرجل الفقر .... الراجل الله ابتلاها اسوي شنو... بعدين الظابط قام ضحك و قال لماما: الله يكون في عونك .... بعدين طوالي دخلنا
الزوج: لم يعير انتباه لكلام الطفل علق قائلاً : الرأس جاء الباقي هين و اخذ يدندن و هو ينظف في الرأس اخذ يدندن ( رأسي ما رأسي بمشي ليهو ... رأسي ما رأسي )

Post: #29
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 10:58 AM
Parent: #27

الضابط القطري بمطار الدوحة للزوجة : ايش هادا .. ايش هاد
الزوجة : هادا راس
الضابط: وليش جايبه راس يا حرمه
الزوجه : لابوالعيال يا حضرة الظابط
الضابط : وايش ابو العيال يسوي بالراس
الزوجة : .. تنظر لتحت وبخجل .. ما عارفة لكن نحن السودانيين بنحب الراس
يعني تقدر تقول كدا بقوي النسوان ويكافح التسوس يا حضرة الضابط
الضابط : افراج مؤقت لوووووول

Post: #44
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-08-2009, 12:29 PM
Parent: #29

حملة ترويجية ودعائية لمؤسسة راس الزبانية

تبدأ بصورة (زولة ) امام صف الجوازات بالمطار .. لابسة توب قصير لا يغطي اكثر من منتصف الساق التي

تحدها حنة سوداء منقوشة بصبر وتعب تصور معني الاغنية ( ما بقطف زهورك بعاين بعيوني ) ويزيد من لمعان ( الحنة ) ما بذلته من زمن وضني في حفرة دخان طلحها يلعلع ..

وتحت التوب الشفاف ببعض اجزائه المطرزة يبين فستان لا يكاد يصل لحدود هذا التوب .. وبينما تمد يدها المخضبة والمُثقلة بالذهب من كل الاصناف لرجل الجوازات وهي تزجر طفلها المشاغب المتعلق بها بينما تحمل الاخر بيدها وتوبها يسقط من راسها كاشف عن شعر بذلت عناية كبيرة لتصفيفه ..

ويناظر رجل الشرطة للصورة والجواز ويطالع وجهها الممتلئ باستدارة خدودها واحمر الشفايف الفاقع لونها وكحل غليظ وبعد تفتيش الشنطة يدور بينهم الحوار التالي :

Quote: الضابط القطري بمطار الدوحة للزوجة : ايش هادا .. ايش هاد
الزوجة : هادا راس
الضابط: وليش جايبه راس يا حرمه
الزوجه : لابوالعيال يا حضرة الظابط
الضابط : وايش ابو العيال يسوي بالراس
الزوجة : .. تنظر لتحت وبخجل .. ما عارفة لكن نحن السودانيين بنحب الراس
يعني تقدر تقول كدا بقوي النسوان ويكافح التسوس يا حضرة الضابط
الضابط : افراج مؤقت لوووووول

فتخرج ويتغامز صف ضباط الجمارك ..

بعدها موسيقي تصويرية مع شعار الحملة

( في داعي للاحراج دا ) تعامل معنا مؤسسة الزبانية للروؤس المصدقة واكفي زوجتك شر الاحراج ..

ترن ترن تنتنتن ترررن ..

اطلب من مؤسسة الزبانية للروؤس وتصلك حتي الباب

روؤسنا مضمونة ومنتجة وفق احدث المواصفات والمعاييير ..

ترررن تن تن تن

اتصل ونصل وجنب زوجتك الحرج .. اتصل وعلينا ونضمن لك الجودة ..
روؤس حليقة .. روؤس محفحفة .. روؤس ابكار لم يمس شعر راسها احد ..

ارقامنا تظهر لديك على الشاشة اتصل ولن تسمع الحوار اعلاها مع زوجتك ..

Post: #30
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: ابو مهند
Date: 06-08-2009, 11:23 AM
Parent: #1

Post: #31
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: هشام آدم
Date: 06-08-2009, 11:34 AM
Parent: #30

عبد المنعم سليمان
أنحنا تبع الزبانية ولا الله لينا؟

Post: #32
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: محمد عبد الماجد الصايم
Date: 06-08-2009, 11:36 AM
Parent: #31

أحيييي أنا
أها صحبكـ جا بيّض لينا!

Post: #33
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 11:37 AM
Parent: #31

شرفت الحته يا هشام
انتو تبع ناديه يا هشام
راس الخروف نور بطلتك والله ..

Post: #34
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 11:39 AM
Parent: #33

Quote: أحيييي أنا
أها صحبكـ جا بيّض لينا!

كدى حاول جيبوا المره دي في شكل خروف
عشان يشهيك البيضة

Post: #35
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: محمد عبد الماجد الصايم
Date: 06-08-2009, 11:41 AM
Parent: #34

ولو قام رفسني! أخش وين أنا

Post: #38
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 11:53 AM
Parent: #35

Quote: ولو قام رفسني! أخش وين أنا

ما برفس بهنق ساااي
ارسمه وتوكل يااخ
قول فصلك من المنبر يعني شنو ؟
امشي سودان فور اول وارسم حسن موسى
فصلك ..
ابقا زي خدر
خلي الرسم والف اغاني في اصحاب المنابر رضي الله عنهم

Post: #39
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: محمد عبد الماجد الصايم
Date: 06-08-2009, 11:58 AM
Parent: #38

Quote: ما برفس بهنق ساااي
ارسمه وتوكل يااخ
قول فصلك من المنبر يعني شنو ؟
امشي سودان فور اول وارسم حسن موسى
فصلك ..
ابقا زي خدر
خلي الرسم والف اغاني في اصحاب المنابر رضي الله عنهم

Post: #36
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: هشام آدم
Date: 06-08-2009, 11:42 AM
Parent: #33

تسلم يا عبد المنعم
قول لي صاحبك ده .. لحقنا طرف ضنب الخروف
جينا شاقين امتداد لي ونسة أمبارح الأثيرية
كلام في حلق المعنى:"الله يصرّف العارضي تجينا"
كان مابينا بنفوت دغري
إلا عندي باقي كلام مع أخونا حافظ شايفو هبّش
في ذاكرتي المربوطة بجامعة الخرطوم بي فتلة

Post: #37
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 11:49 AM
Parent: #36

مثلك تذبح له الخراف وترسل رؤسها الي الدوحة كارغو يا هشام
مرحبتين بيك

Post: #40
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حيدر حسن ميرغني
Date: 06-08-2009, 12:01 PM
Parent: #37

أها قنطرتو ليكم يامنعم

إن شاء الله ينفعكم

Post: #42
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: محمد عبد الماجد الصايم
Date: 06-08-2009, 12:07 PM
Parent: #40

Quote:

حيدر يا عمكـ!
التحت الباسم دا شنو؟

Post: #41
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: هشام آدم
Date: 06-08-2009, 12:03 PM
Parent: #37

قول وفعل يا عبدالمنعم، والكارغو مابناباهو
إلا أنا نباتي زي صاحبنا ودّالإحيمر في تاريخ
الشوايقة المنسي "عنوة كده واقتدار" وقريبات
اتعلّمت تقشير وأكل الجمبري طلباً لفيتامين D&E
بس شيل ليّ منابي من الكرش والجغاجغ

_______-
نادية دي منو بالمناسبة؟

Post: #43
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: Salah Abdulla
Date: 06-08-2009, 12:10 PM
Parent: #41

حيدر حسن ميرغني ،،،
يا خوي راس الخنزير ده جبتو لينا من وين
غايتو ده لا بيشبه ريسين السودان ، ولا الدوحة ..
يكون ده ( راسبوتين) ؟؟؟

يا منعم

والله صاحبك ميرغني (الريان) بدل ما كان بيدور في ( الباسم ) يوم الخميس
بقى الأسبوع كلو ( مبتسم ) ..

الدوحة اتغيرت يا منعم ، وكذلك الرؤوس الباسمة ...

Post: #45
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 01:06 PM
Parent: #43

عرفنا الراس يا حيدر الـ (جنبوا) دا شنو ؟

Post: #48
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عصام علي أحمد
Date: 06-08-2009, 01:26 PM
Parent: #45

Quote: عرفنا الراس يا حيدر الـ (جنبوا) دا شنو ؟

ده البقوي النسوان وبكافح التسوس

Post: #54
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 02:14 PM
Parent: #48

Quote: ده البقوي النسوان وبكافح التسوس

لووووووووووووووول

علم يا عصام

___
راجع الماسنجر

Post: #46
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: Khalid Saeed
Date: 06-08-2009, 01:12 PM
Parent: #43

Quote: Quote:

حيدر يا عمكـ!
التحت الباسم دا شنو؟

ده قعــر الخروف ياعمــــك ... هيهيهيهي [ ماسمعت بي خروف عنده راس وقعر ]

التحية للزبانية .. ولرأس السوداني ..و خليك سوداني ..

Post: #47
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 01:18 PM
Parent: #46

باسم شنو يا اخوي .. بسم الله
انا عاينت لصورة البروفايل يا خالد
قلت اشرف الكاردينال ال جابوا لبوست الباسم دا شنو

Post: #49
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عصام علي أحمد
Date: 06-08-2009, 01:36 PM
Parent: #47

رسل لي رقمك ورقم اتيم

Post: #50
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عصام علي أحمد
Date: 06-08-2009, 01:36 PM
Parent: #47

ورسل لي راس خروف

Post: #51
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عصام علي أحمد
Date: 06-08-2009, 01:38 PM
Parent: #47

ورسل لي التحت راس الخروف عشان ابوساندرا محتاج ليهو

Post: #52
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سلمى الشيخ سلامة
Date: 06-08-2009, 01:56 PM
Parent: #51

Quote: الزوجة : .. تنظر لتحت وبخجل .. ما عارفة لكن نحن السودانيين بنحب الراس
يعني تقدر تقول كدا بقوي النسوان ويكافح التسوس يا حضرة الضابط

لقيتك زى الواطة دى يامنعم
وانا اقول ريحة العفنة دى شنو؟
تعرف يا بيجو الحاجات "البلدى دى "او "البيئة دى "
ياها المغتسة حجرك انت بالذات "جمع بزة عسكرية"

ياااااااى بلدى خالص

بعدين سؤال ياحب
دى اغنية ماتفرح وتقول حاجات ما فى
طولت قاطع اخبارك
ما بترسل الا لمن راسك ينقطع وما ارسل ليك المواد
نتن وجعر
يااااااااى بلدى خالص

Post: #53
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 02:08 PM
Parent: #52

عصام علي دقيقة ياااخ
سلمى بت عمي الشيخ
تورتي الخروف بالحروف
والله تقولي شنو .. متلومين وكدا ..
حاتصل بيك لمواضيع مهمة ..
__
ممكن اسالك النسوان بودو للرجال المغتربين ريسين الخرفان ..ليه ؟

Post: #55
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سيف النصر محي الدين محمد أحمد
Date: 06-08-2009, 02:16 PM
Parent: #51

Quote: روؤس ابكار لم يمس شعر راسها احد ..

LOL
يا حيدر الروسين من النوعية دي بالله احجزها لاخوانا ناس شيخ الطقي و عماد موسى.

_____________________________________________
ربنا يجعل كلامنا خفيف عليهم و نذكرهم و انفسنا بالحديث الشريف :(روحوا عن القلوب ساعة
بعد ساعة فأن القلوب اذا كلت عميت) او كما قال (ص).

Post: #56
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-08-2009, 02:35 PM
Parent: #55

سلام ياسيف النصر ..

ديل مُش حلف معتز قريش بالجالية .. ؟

طوالي وفي سبيل انجاح المشروع مع اخونا حافظ سنتحالف معاهم للتصاديق وكدة ..

ويكون تحالف تكتيكي وفق منظور الحديث ( الضرورات تبيح المحظورات ) ...

وسنمدهم بكل انواع الروؤس مثني وثلاث ورباع عسي تبدل الدعاية المضرة بمشروعنا الجبار بان المؤمن حلوي . ..لوووول

تحياتي

Post: #57
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حيدر حسن ميرغني
Date: 06-08-2009, 02:54 PM
Parent: #56

Quote: عرفنا الراس يا حيدر الـ (جنبوا) دا شنو ؟

دي الغاليغ يابيجو

حتكون قطرة عقال يعني

Post: #58
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 03:03 PM
Parent: #57

دقت في العارضه يا حيدر
الحمد لله .. دا كان ظني فيك ما بتخذلني ابدا ..
حمد الله طلعت لغاليغ

Post: #59
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سيف النصر محي الدين محمد أحمد
Date: 06-08-2009, 03:05 PM
Parent: #57

Quote: تبدل الدعاية المضرة بمشروعنا الجبار بان المؤمن حلوي

يعني الزول الاطلق مقولة المؤمن حلوي ده احسن مننا؟ هو قالها عشان يمشي بضاعتو زي الكنافة
و الذي منه مما يحبه اخوتنا في الله..فدحين انت و حافظ ممكن ترفعوا شعار المؤمن "روسي" عشان
تكسبوهم لي مشروع الروسين ده.

Post: #60
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 03:07 PM
Parent: #59

Quote: الزول الاطلق مقولة المؤمن حلوي

ال اطلق المقولة دي واحد انصار سنة عنده محل باسطة

والله اعلم ..

Post: #61
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سلمى الشيخ سلامة
Date: 06-08-2009, 03:37 PM
Parent: #60

Quote: ممكن اسالك النسوان بودو للرجال المغتربين ريسين الخرفان ..ليه ؟

الحمد لله لقد وضعنا "شخيت "ووقنا بعيد عن هذه الاجواء لزمان طويل
وبعدين امكن الراس دا يكون اكتر فهما من راس الزول الموصولنه ليهو
وش ماعارف يعمل ياتو حركة

Post: #65
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-08-2009, 03:47 PM
Parent: #61

استاذة سلمي سلامة تحياتي

Quote: وش ماعارف يعمل ياتو حركة

دا كيف معاك ..!!

Post: #62
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-08-2009, 03:39 PM
Parent: #60

الاخ عبد المنعم...

اكبر تحية لك
وشكرك لاقتباس راس الخروف ووضعة في عنوان جميل لبوست اجمل ..
وهذا يدلل علي انك لماح وفنان ..

بس طلب منك تديني سحبة في البوست دا اسوقو شويه ..
عشان عاوز ادلي بشهاتي في راس الخروف دا ..

مودتي

الشاهد الاول والاخير

عماد الشبلي ..

Post: #63
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-08-2009, 03:39 PM
Parent: #60

اسف للتكرار

Post: #64
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-08-2009, 03:45 PM
Parent: #63

سلام الاخ عماد الشبلي

Quote: بس طلب منك تديني سحبة في البوست دا اسوقو شويه ..

ننتظرها بفارغ الصبر وياريت لو معاها صورة كمان :)

Post: #66
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-08-2009, 04:41 PM
Parent: #64

شكرا ليك حضرة حيدر الزين عضو المحكمة..

و اول حاجة يا سيادة القاضي عايز ااكد عليها..

انو انا...............

دا انا بخاف من كرتونة الطلح و الشاف..

يطلع لي ................. راس خروف..؟؟

Post: #67
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 04:56 PM
Parent: #66

يا اخ عماد شكرا للطلة
فليس كل من سمع بالراس كمن راى
ولكن لنا بعض الاجراءات المعروغة والمتبعة قبل ان تدلى بدلوكم :
هل سبق ان ادنت باي جريمة تخل بالشرف والامانة .. مثال اتحرشت بمضيفة جوية ؟
هل قبض عليك بمطار دولة صديقة او شقيقة وانت تحمل ال شاف او الطلح ؟
هل سبق لك حمل خمرة (بالفتحه) او خمرة (بالضمه) داخل امتعتك ؟
ما علاقتك بالمرأة السودانية صاحبة الراس ؟
هل كان الراس واضحا من خلال الجهاز؟
وهل كان الجهاز شفافا لدرجة رؤيتك للراس ؟
وفقكم الله لما فيه خدمة الراس والناس
__
اجب بلا او نعم
متى كان ذلك الموضوع ؟

Post: #68
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حيدر حسن ميرغني
Date: 06-08-2009, 05:11 PM
Parent: #67

Quote: يا حيدر الروسين من النوعية دي بالله احجزها لاخوانا ناس شيخ الطقي و عماد موسى.

د. سيف

انت زول بتاع مشاكل ياخ

الراس ده اصلوا استشهد في تورا بورا؟

ياخي اصحابي الشيوخ ديل الخروف ده مابشيلو منو إلا الجلد لفروة الصلاة وبس

غايتو الزبانية دي بتجيب كراعهم للبوست

ان شاء الله يجو ويفتو لينا في الرأس السرو باتع ده

Post: #69
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سيف النصر محي الدين محمد أحمد
Date: 06-08-2009, 05:45 PM
Parent: #68

سلامات يا حيدر حنين و مشتاقين شديد ياخي
قلت لي:
Quote: ياخي اصحابي الشيوخ ديل الخروف ده مابشيلو منو إلا الجلد لفروة الصلاة وبس

طيب تعال شوفهم في بلد المنشأ هنا في السعودية بجيهوا الخرفان دي كيف..هييع حرم مش روسينها
بس ..ضلافينها ظااااتها ما بيرحموها.

Post: #70
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-08-2009, 06:22 PM
Parent: #67

Quote: يا اخ عماد شكرا للطلة
فليس كل من سمع بالراس كمن راى
ولكن لنا بعض الاجراءات المعروغة والمتبعة قبل ان تدلى بدلوكم :
هل سبق ان ادنت باي جريمة تخل بالشرف والامانة .. مثال اتحرشت بمضيفة جوية ؟
هل قبض عليك بمطار دولة صديقة او شقيقة وانت تحمل ال شاف او الطلح ؟
هل سبق لك حمل خمرة (بالفتحه) او خمرة (بالضمه) داخل امتعتك ؟
ما علاقتك بالمرأة السودانية صاحبة الراس ؟
هل كان الراس واضحا من خلال الجهاز؟
وهل كان الجهاز شفافا لدرجة رؤيتك للراس ؟
وفقكم الله لما فيه خدمة الراس والناس
__
اجب بلا او نعم
متى كان ذلك الموضوع ؟

سيادة قاضي المحكمة الموقرة ,, عبد المنعم سليمان
سوف اجاوب علي جميع الاسئلة حسب الترتيب ,,
لكن عاوز كوكا كولا ,,كما قال عادل امام ..

Post: #71
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: الطيب شيقوق
Date: 06-08-2009, 08:21 PM
Parent: #70

باسم - موليتة - عتي - شطوط

انتوا شايتين وييييييييييييين ؟

Post: #72
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-08-2009, 08:30 PM
Parent: #71

يا جماعة في زول جاب سيرة الطلح فووووق ..

و ذكرني مقولة عادل امام دا انا بخاف من ( الشاف ) يطلع لي ( طلح )

اوز النكتة عن المغتربين تجيبوهم ( طلح ) وترجعوهم ( شفع )

...

Post: #73
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عبد المنعم سليمان
Date: 06-08-2009, 09:09 PM

الحمد لله واحد من (رجالات) الدوحة رسل لي ع الماسنجر
وقدرت افك شقرة راس الخروف ..
غايتو ال فيكم اتعرفت ..
ههههههههههههههههههههههه

Post: #74
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: Hassan Makkawi
Date: 06-08-2009, 09:21 PM
Parent: #73

Quote: روؤس ابكار لم يمس شعر راسها احد ..

الصحيح

رؤوس أبقار لم يمس شعر رأسهن أسد

Post: #75
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: Hassan Makkawi
Date: 06-08-2009, 09:30 PM
Parent: #74

Quote: الحمد لله واحد من (رجالات) الدوحة رسل لي ع الماسنجر
وقدرت افك شقرة راس الخروف ..
غايتو ال فيكم اتعرفت ..
ههههههههههههههههههههههه

أسعفنا يا منعم

هبستة الفريزر لقيت عدد تلاتة رؤوس خروف!!!

إتنين سودانى وواحد نعيمى

هات من الآخر...وكدة

Post: #76
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-09-2009, 09:24 AM
Parent: #75

Quote: هل سبق ان ادنت باي جريمة تخل بالشرف والامانة .. مثال اتحرشت بمضيفة جوية ؟

لا ..بالعكس دائما المضيفات هم البيتحرشو بي لاني وسيم وشعري سبيبي ..

Post: #77
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-09-2009, 09:33 AM
Parent: #76

Quote: هل كان الراس واضحا من خلال الجهاز؟
وهل كان الجهاز شفافا لدرجة رؤيتك للراس ؟

نعم ..لدرجة انه ظهر باسما ومبسوطا لمروره بسلام من الجمارك ..

Post: #78
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-09-2009, 09:43 AM
Parent: #77

Quote: ما علاقتك بالمرأة السودانية صاحبة الراس ؟

علاقة الرجولة والشهامة والنخوة والكرامة والشجاعة ..

واخيرا ... ( الشلاقة )

Post: #79
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-09-2009, 09:59 AM
Parent: #78

Quote: هل قبض عليك بمطار دولة صديقة او شقيقة وانت تحمل ال شاف او الطلح ؟

لا ,,

لكن مرة شفت كرتونة اتفتحت في السير ..

والشاف والطلح طار وضرب واحد في عينو لمن كبت الدم ..

وصاحبة الكرتونة ...................... كبت الزوقة ,,

ونكرت وحلفت انو دا لاطلحا ولاشافا ولاشافتو قبل دا ..

وتم فتح البلاغ ضد مجهول ,,

Post: #80
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: سيف النصر محي الدين محمد أحمد
Date: 06-09-2009, 10:11 AM
Parent: #79

Quote: واخيرا ... ( الشلاقة )

تبرى و تستبرى من الشلاقة يا عماد الشبلي.

Post: #83
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-09-2009, 10:57 AM
Parent: #80

Quote: تبرى و تستبرى من الشلاقة يا عماد الشبلي.

سيف النصر ..

نعمل شنو مع نسوان السودان ؟؟

هن لنا ..
ونحن لهن ..

Post: #81
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-09-2009, 10:19 AM
Parent: #79

Quote: هل سبق لك حمل خمرة (بالفتحه) او خمرة (بالضمه) داخل امتعتك ؟

لا ,, ولكن خلال الرحلة كنت بشم مرة ريحة ( البفتحة ) ومره ( البضمة ) وتشابه علي الخمرتين ,,

Post: #82
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عماد الشبلي
Date: 06-09-2009, 10:23 AM
Parent: #81

هل تود هيئة الدفاع والاتهام توجيه اي اسئلة للشاهد قبل رفع الجلسه ؟؟؟

Post: #84
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عصام علي أحمد
Date: 06-09-2009, 11:18 AM
Parent: #82

Quote: الحمد لله واحد من (رجالات) الدوحة رسل لي ع الماسنجر
وقدرت افك شقرة راس الخروف ..
غايتو ال فيكم اتعرفت ..
ههههههههههههههههههههههه

ده راس خروف ولا الصندوق الاسود

Post: #85
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: عصام علي أحمد
Date: 06-09-2009, 11:28 AM
Parent: #84

Quote: طيب تعال شوفهم في بلد المنشأ هنا في السعودية بجيهوا الخرفان دي كيف..هييع حرم مش روسينها
بس ..ضلافينها ظااااتها ما بيرحموها.

العزيز سيف النصر تحياتي

الشيوخ يحبون الطعام والنساء
وبما انه راس الخروف يتبع للطعام فلاجناح عليهم
واما الذي ظهر بالصورة تحت راس الخروف فهو من
ضمن مايخص النساء ، في الحالتين يتوجب علي الشيوخ
الاكل و (الاكل ) ولا جناح عليهم

الجناح علينا نحن يا سيف يا اخوي

Post: #86
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: حافظ حسن ابراهيم
Date: 06-10-2009, 12:44 PM
Parent: #85

خرفان في الميدان وينك يا حيدر

Post: #87
Title: Re: ( راس خروف) اهداء لحيدر الزين وحافظ وسيف النصر والزبانية ..
Author: HAIDER ALZAIN
Date: 06-10-2009, 12:57 PM
Parent: #86

حافظ سلام ..

قاعدين بنعمل دراسة الجدوي وكدة انت عملت لينا شنو في وتوفير الراس (مال )..!!