Post: #1
Title: إختفاء النيل......!!
Author: أحمد عبدالوهاب الأحمدى
Date: 06-07-2009, 02:05 PM
Parent: #0
فجأة....
وبدون سابق إنذار.....
قمت (ى) من نومك....وسمعت(ى) فى أخبار الصباح..وإنت بتشرب(ى) فى الشاى..وقبل ماتمشى الشغل
إنو..الخرطوم وأمدرمان وبحرى.....بقوا حاجة واحدة..!!
مدنى وحنتوب......حاجة واحدة......!!
كوستى وربك.......حاجة واحدة......!!
شندى والمتمة.....حاجة واحدة......!!
كريمة ومروى......حاجة واحدة......!!
دنقلا والسليم.....حاجة واحدة......!!
ميدان التحرير والزمالك والمهندسين......بقوا حاجة واحدة....!!
مافى .....نيل....(إختفى النيل)....!!
معقولة .....!!
وفعلاً إتحركت (ى)....وثبت لك برأى العين...إختفاء النيل..تناقلت الخبر وكالات الأنباء العالمية..!!
سؤال لكل واحد..!!
رد فعلك شنوالمباشر؟
تفتكر(ى) الأسباب التى أدت لإختفاء النيل أو جفافه شنو!!؟؟
إيجابيات وسلبيات الموضوع؟
خت(ى)....نفسك فى الموقف ده!!
شيل (ى) نفس عميق....وفكر(ى)!!
لا ما كده........!!
غمض (ى) عيونك أول حاجة "الموضوع كبير وما بالسهولة دى"
هدئ (ى) نفسك "يا أخى البنى آدم قاعد يموت"....وأطلق (ى) لخيالك العنان..!!
بى إختصار شديد جيب(ى) لينا من الآخر..........................................
|
Post: #2
Title: Re: إختفاء النيل......!!
Author: أحمد عبدالوهاب الأحمدى
Date: 06-07-2009, 02:16 PM
Parent: #1
يعنى الكبارى الكتيرة دى....نموصا ونشرب مويتا ولا شنو.....!!
............
............
............
ولا الأسمنت والسيخ الكبوها فيها دى نستفيد منها كيف!!؟؟؟؟؟؟؟
|
Post: #3
Title: Re: إختفاء النيل......!!
Author: أحمد عبدالوهاب الأحمدى
Date: 06-07-2009, 02:18 PM
Parent: #2
ولا....
ناس كماين الطوب ديل.....حا يسووا شنو!!؟؟
|
Post: #4
Title: Re: إختفاء النيل......!!
Author: أحمد عبدالوهاب الأحمدى
Date: 06-07-2009, 02:22 PM
Parent: #3
والبناطين.....؟؟
البناطين ديل نسوى بيهم شنو؟؟
وحتى لو قلنا نرجعهم لى أسيادهم أو نبيعهم..!!
حا نرحلهم كيف..!!؟؟؟؟؟؟؟
|
Post: #5
Title: Re: إختفاء النيل......!!
Author: أحمد عبدالوهاب الأحمدى
Date: 06-07-2009, 02:36 PM
Parent: #4
ولا......
لا حوللللللاااااااااااااااااااا.....
الرد الرد.....السد السد...........
سد مروى.....حايسد شنو!!؟؟والكهربابتاعتو...!!؟؟
|
Post: #6
Title: Re: إختفاء النيل......!!
Author: أحمد عبدالوهاب الأحمدى
Date: 06-07-2009, 02:39 PM
Parent: #5
ولا السمك.....
أيوا......ناس المورده...حايسوو شنو!!
ناس سوق السمك ....لا إله إلا الله محمدا رسول الله......
|
Post: #7
Title: Re: إختفاء النيل......!!
Author: أحمد عبدالوهاب الأحمدى
Date: 06-07-2009, 02:46 PM
Parent: #6
وشارع النيل.....نسميهو"شارع كان النيل"
حلو الإسم ده!!؟؟
بس ناس "مهرجان كان" ما يقومو ينطوا لينا ويقولو الإسم ده مسجل عالمياً
ولو أصروا على الحكاية دى ممكن نسميهو"شارع النيل زمان"
.......
........
........
هو متين بقى زمان!!؟؟
بالله شوف الزمن ده بيجرى كيف؟؟
كلو من عمرنا الله يدينا حسن الخاتمة
|
Post: #8
Title: Re: إختفاء النيل......!!
Author: السيد المسلمي
Date: 06-07-2009, 03:21 PM
Parent: #7
عطشتنا ونشفت ريقنا ياخ
|
Post: #9
Title: Re: إختفاء النيل......!!
Author: ALZOLZATOO
Date: 06-07-2009, 03:31 PM
Parent: #8
تاني مصطلح كسالى للسودايين ح يروح لانو بيقولوا عندكم نيل قدر ده وكسلانين تزرعوا اها نقول ليهم النيل راح شمار في مرقة .
لكن طبعا الكباري مهمة لانو المنطقة ح تكون خور وبدل شارع النيل يسموهو شارع الخور
وقناة النيل الازرق ح يسموها التوب الازرق
وجامعة النيلين ح يسموها الشريكين
نحن هينين يازول في ناس قدام هنااااك ح يتعبوا تعب شديد لوووووووول يكه
اها تاني لو لاقاك مصري ما ح يقول ليك يا ابن النيل والتهميش ح يضرب اولاد البحر كلهم لوول يكه
غايتو ربنا يحفظ لينا نيلنا ده ونيلك هيلك جرى قدامك
زاتوووو
|
Post: #10
Title: Re: إختفاء النيل......!!
Author: عبد اللطيف السيدح
Date: 06-07-2009, 03:42 PM
Parent: #9
ود الاحمدي
رمضان كريم يا زول العطشة الدخلت فيك دي يمرقا سابل الستر
|
Post: #16
Title: Re: إختفاء النيل......!!
Author: أحمد عبدالوهاب الأحمدى
Date: 06-08-2009, 01:52 PM
Parent: #10
Quote: عبد اللطيف السيدح
ود الاحمدي
رمضان كريم يا زول العطشة الدخلت فيك دي يمرقا سابل الستر |
الله أكرم يا عبداللطيف......
ماتقول.....عندى إمساك كمان اليومين ديل....!!
|
Post: #11
Title: Re: إختفاء النيل......!!
Author: عاصم الحاج
Date: 06-07-2009, 03:53 PM
Parent: #9
يا أبو حميد الحبيب
ما فى اى مشكلة
بترولنا نشترى الموية ذى ما الناس الما عندها موية بشتروا فيها
و لو بترولنا كما نشترى من غازنا
و لو غازنا كمل نشترى بدهبنا
و لو دهبنا كمل نشترى من نحاسنا
و لو نحاسنا كمل نشترى من حديدينا
و لو حديدنا كما نشترى من يورانيومنا
و لو يورانايومنا كمل نشترى من صمغنا
و لو هشابنا كمل نشترى من بهائمنا
و لو بهامينا كملوا نزرع أرضنا بمطر الله
و لو مطر الله كمل نأجر 2 مليون فدان صالحة للزارعة للعندهم قروش فنشترى الموية
عرفتا يا الزول لماذا يهتم بنا رسل الإنسانية و حقوق الإنسان
أما الكبارى فنعتبرها طايرة
سلام حار للمثلين الامريكان جورج كلونى و الحسناء أجلينا جولى و سلام شديد للمغنى ماتفيكس !!!
آل إنسانية آل !!!
|
Post: #12
Title: Re: إختفاء النيل......!!
Author: أحمد عبدالوهاب الأحمدى
Date: 06-08-2009, 09:10 AM
Parent: #11
عاصم الحاج
نعومى كامبل.....خليناها..!!
دايرين نعوم ياأخى....
|
Post: #13
Title: Re: إختفاء النيل......!!
Author: عاصم الحاج
Date: 06-08-2009, 11:22 AM
Parent: #12
لو بقت على العوم هينة دى !!!
عوم فى البانيو !!!
سلام يا نيلنا العاوزين ينشوفك علينا قبل يومك !!!
الكلام ده ما ليك ... يا المنطط عينيك
|
Post: #17
Title: Re: إختفاء النيل......!!
Author: أحمد عبدالوهاب الأحمدى
Date: 06-08-2009, 01:59 PM
Parent: #13
| Quote: سلام يا نيلنا العاوزين ينشوفك علينا قبل يومك !!! |
تم فتح بلاغ بإسم المدعو"عاصم الحاج".....تحت المادة((دبل زيرو ون))...وهى إدعاءه ملكية ما لا يملك....
|
Post: #15
Title: Re: إختفاء النيل......!!
Author: أحمد عبدالوهاب الأحمدى
Date: 06-08-2009, 01:44 PM
Parent: #9
Quote: Author: ALZOLZATOO
تاني مصطلح كسالى للسودايين ح يروح لانو بيقولوا عندكم نيل قدر ده وكسلانين تزرعوا اها نقول ليهم النيل راح شمار في مرقة . |
أها رأيك شنو موية النيل دى ....ذاتا سبب الكسل النحنا فوقو ده....لأنها بتنقل العدوى من دول الجوار.....والله بعد ده.....إلا يصدرو كسلهم ده عبر المحيطات
| Quote: لكن طبعا الكباري مهمة لانو المنطقة ح تكون خور وبدل شارع النيل يسموهو شارع الخور |
وعشان ناس شارع الخور بتاعين الإسبيرات ما يتضرروا وبما إنو الإسم أصلاً حقهم....نقوم نلزمهم يردمو لينا الخور((مخلفات النيل))بى أىّ حاجة إن شاء الله.......شاسيهات قديمة أو إسبيرات سكند.....ولا أقول ليك رأيك شنو......يجعلون لنا خوراًمنساباً من الزيوت الراجعة....وبالطريقة دى يخف الضرر...وعلى الأقل مانفقد الملاحة النهرية"أقصد الزيتية"
| Quote: وقناة النيل الازرق ح يسموها التوب الازرق |
والله سترتها.....كتر خيرك....!!
| Quote: وجامعة النيلين ح يسموها الشريكين |
أها نقع فى جنس ده....ما كان أخير بدل نشمت الشمات....نبقى على ((الفرع))....أقلاها ده شغلتو ملحوقة ....وكان حلاتو أكان بقى الفرعين.....وركز معاى الفاء قبل الراء وليس العكس..ماناقصين نحنا
| Quote: اها تاني لو لاقاك مصري ما ح يقول ليك يا ابن النيل |
لاااااااااااا.....أبداً..!!حايقول ويقول ويقول.....لأنو أصلو هو من البداية ماقاصد الفهم الساذج الفاهمنو نحنا........كدى فكر......وأصحى يابريش
وشكراً.......................زاتوووووووووووووووووووو
|
Post: #14
Title: Re: إختفاء النيل......!!
Author: أحمد عبدالوهاب الأحمدى
Date: 06-08-2009, 01:21 PM
Parent: #8
Quote: Author: السيد المسلمي
عطشتنا ونشفت ريقنا ياخ |
يمين قبل نيلك ده ما ينشف إنتا عطشان.....!!
خلاس دايرين لكم سبب....
أحلف قول ما عطشان.....!!
ساكن وين إنتا يالمسلمى يا أخوى!!
|
Post: #18
Title: Re: إختفاء النيل......!!
Author: السيد المسلمي
Date: 06-08-2009, 02:12 PM
Parent: #14
أحمد الاحمدي
شكلك زعلته ياعمك
Quote: يمين قبل نيلك ده ما ينشف إنتا عطشان.....!!
خلاس دايرين لكم سبب.... |
يازول كدي أستغفر الله ......
وما طالبني حليفه ... عمري ماعطشته إلا في بوستيك الجاف حار دا!!!
| Quote: أحلف قول ما عطشان.....!! |
إنت حكمت علي قبيل في داعي تحلفني وتسألني؟؟؟
| Quote: ساكن وين إنتا يالمسلمى يا أخوى |
ساكن تاني ناصيه من الكبري الكان زمان حق البحر النشف وبقي صحراء و........
فهمت حاجه؟؟؟؟ انازاتي مافهمت
ود الأحمدي فاوضني برا زعل سمح
|
Post: #19
Title: Re: إختفاء النيل......!!
Author: أحمد عبدالوهاب الأحمدى
Date: 06-08-2009, 03:21 PM
Parent: #18
أها....ودى عرفتها كيف ياعمك....حاوى إنتا....
سبق وقلتا عندى إمساك....يكون ده من الزعل وللا شنو!!
| Quote: يازول كدي أستغفر الله ...... |
إستغفرتك يامالك روحى......كدى عليكم الله شوية موية....!!؟؟
.......
.......
.......
وللا كدى شوية رملة من الخور الناشف داك....ال...نتيمم
| Quote: وما طالبني حليفه ... عمري ماعطشته إلا في بوستيك الجاف حار دا!!! |
واحده من إتنين....
يا.......ماقاعد تشرب من الإدارة القوميه للمياه
أو......زرت مناخ البحر الأبيض المتوسط فى الشتاء بس..
إ| Quote: نت حكمت علي قبيل في داعي تحلفني وتسألني؟؟؟ |
عليك الله تحلف.....!!
| Quote: ساكن تاني ناصيه من الكبري الكان زمان حق البحر النشف وبقي صحراء و........ |
منو القال.....كده!!؟؟أنا لسع ماسويتو صحراء....شوف لك نيل تانى نشفو وصحرروا ياخى..!!بعدين البحر حق الكبرى ما الكبرى حق البحر...!!عمرك سمعت بى زول دفع حق عبور بحر...الناس بتدفع حق عبور الكبارى....يبقى الكبرى هو سيد الأسية.....!!
| Quote: فهمت حاجه؟؟؟؟ انازاتي مافهمت |
من حقك....لكن أنا فاهم حاجاتى كلها....مش نظريتى
| Quote: ود الأحمدي فاوضني برا زعل سمح |
برا.....وللا.......بلا
إن بقت الأولى يبقى أمرقاك لا بررة
وإن كمان بقت التانية.......إنت الجابك جختى بى جاى شنو...لمن ختيت راسك بى راسى ...وفى محللى
....
....
.....
جنس صلبطة
....
....
....لك التحية..السيد المسلمى..والشكر كمان بى غشوتك
|
Post: #20
Title: Re: إختفاء النيل......!!
Author: السيد المسلمي
Date: 06-08-2009, 04:07 PM
Parent: #19
الاحمدي
Quote: أها....ودى عرفتها كيف ياعمك....حاوى إنتا....
سبق وقلتا عندى إمساك....يكون ده من الزعل وللا شنو!! |
طيب ياعمك وأستعملت لي الإمساك شنو ؟؟؟؟
وأعمل حساب البواسير لانك شكلك كده مزنوق علي الأخر ....ربن يحلك بالسلامه،،،
Quote: واحده من إتنين....
يا.......ماقاعد تشرب من الإدارة القوميه للمياه
أو......زرت مناخ البحر الأبيض المتوسط فى الشتاء بس.. |
قرقرقرقرقرقرقرقرقرقرقرقرقرق
| Quote: منو القال.....كده!!؟؟أنا لسع ماسويتو صحراء....شوف لك نيل تانى نشفو وصحرروا ياخى..!!بعدين البحر حق الكبرى ما الكبرى حق البحر...!!عمرك سمعت بى زول دفع حق عبور بحر...الناس بتدفع حق عبور الكبارى....يبقى الكبرى هو سيد الأسية.....!! |
كويس إنك فهمته حاجه في النهايه،،!!!!
Quote: إن بقت الأولى يبقى أمرقاك لا بررة
وإن كمان بقت التانية.......إنت الجابك جختى بى جاى شنو...لمن ختيت راسك بى راسى ...وفى محللى |
جختك دي تاني ماجايها .....
وراسك دا أبقي عليهو عشره من الجفاف والتصحر الي إنت عايش فيه
وبعدين محللي دي شنو أوع تقول لي قصدك عايز تبقي محلل هاهاهاهاهاها
اضحكتني ياهذا قال صلبطه قال هاهاهاهاهاهاهاها
بس شكلك لسه زعلان!!!!!!!!!!
انا حاوي ياعمك أعمل حسابك !!!!
قوم لف،،
|
Post: #21
Title: Re: إختفاء النيل......!!
Author: كمال حسن
Date: 06-08-2009, 10:12 PM
Parent: #20
أها المصريين لمن النيل ده يختفي
بدل يقولو يا (نيله)
يقولو يا (هـ) والله شنو ؟
تحياتنا
وبردو النفس شويه ياحبايب
باركوها
|
Post: #26
Title: Re: إختفاء النيل......!!
Author: أحمد عبدالوهاب الأحمدى
Date: 06-09-2009, 12:00 PM
Parent: #21
Quote: بدل يقولو يا (نيله)
يقولو يا (هـ) والله شنو ؟ |
الحبيب كمال حسن
شكراً على المناشفة
بدل بلا ((نيلة))
حايقولو بلا ((نيللى))
|
Post: #27
Title: Re: إختفاء النيل......!!
Author: أحمد عبدالوهاب الأحمدى
Date: 06-09-2009, 12:05 PM
Parent: #21
| Quote: وبردو النفس شويه ياحبايب |
يبردوهو بى شنو ياحسن يا أخوى.....موية مافى..!!
عوم مافى.....
الله كريم.....اللداهم بالكوريق..يدينا بال...............!!
|
Post: #22
Title: Re: إختفاء النيل......!!
Author: أحمد عبدالوهاب الأحمدى
Date: 06-09-2009, 09:35 AM
Parent: #20
موتور....ولا ...خَدْرا...!!
ياصللللللللللبطة
| Quote: انا حاوي ياعمك أعمل حسابك !!!! |
ما أنت إلا صلبطة......ياصلبطة
| Quote: اضحكتني ياهذا قال صلبطه قال هاهاهاهاهاهاهاها |
بى ياتو..سنون!!؟؟
| Quote: وبعدين محللي دي شنو أوع تقول لي قصدك عايز تبقي محلل هاهاهاهاهاها |
ياها ذاتا.......يلزم أىّ خدمة..؟؟
| Quote: وراسك دا أبقي عليهو عشره من الجفاف والتصحر الي إنت عايش فيه |
بدا ينشقق....زى شقوق الكرعين تحت..ويمكن أكبر كمان..!!
يعنى ضب متوسط الحجم ممكن يلقى ليهو فرقة..!!
مازمان سألناك ساكن وين!!؟؟
قعدت تنطط..
نجى نديها ترطيبة بى جهتكم......!!؟؟
يعفن وينشمّ......
بس ما تخيب ظنى......كافورى ولا فوق
| Quote: جختك دي تاني ماجايها ..... |
لك يالغة الضاد...العتبى....وليس لغيرك
ممن يكتبون......
| Quote: ربن يحلك بالسلامه،،، |
غفر الله لك....أيها الآمر بالإستغفار
Quote: طيب ياعمك وأستعملت لي الإمساك شنو ؟؟؟؟
وأعمل حساب البواسير لانك شكلك كده مزنوق علي الأخر |
هو بالله الإمساك بجيب بواسير...سبحان الله
أسأل مجرِّب....
نعمل حسابنا.....لكن!!؟؟
هنا....جفّ النيل....وليس برنامج صحة وعافية!!؟؟
وحيث الجفاف....والشِّقِّيق...تجدنا
ومادام مرطب......
أختانا.....
يا لُبط
|
Post: #23
Title: Re: إختفاء النيل......!!
Author: السيد المسلمي
Date: 06-09-2009, 10:24 AM
Parent: #22
Quote: موتور....ولا ...خَدْرا...!!
ياصللللللللللبطة |
المهم تلف ..... بي شنو مامشكله،،،
| Quote: ما أنت إلا صلبطة......ياصلبطة |
قرقرقرقرقرقرقرقرقر
ياخ حالتك بقت تحنن لا مويه؟؟ ولا سنون؟؟ داير تشتغل هزاز؟؟؟
Quote: مازمان سألناك ساكن وين!!؟؟
قعدت تنطط |
كويس إنك عرفته إنك مافاهم حاجه،،،
في تقدم ملحوظ هاهاهاهاهاها.
| Quote: هو بالله الإمساك بجيب بواسير...سبحان الله |
النكران مابحلك .......برضو ربنا يحلك بالسلامه،،،
| Quote: هنا....جفّ النيل....وليس برنامج صحة وعافية!!؟؟ |
معلومه صحيحه ....شكرا للإضافه هاهاهاهاهاها.
برضو قوم لف .....بالطريقه البتريحك المره دي عشان ماتسال كيف قرقرقرقرقرقر،،
_____________________________________________________________________
الزعل خليهو بعيد.... ....
|
Post: #24
Title: Re: إختفاء النيل......!!
Author: Hassan Makkawi
Date: 06-09-2009, 10:40 AM
Parent: #23
نرتاح من المصريين واطماعم فى عيشتنا!!!
|
Post: #28
Title: Re: إختفاء النيل......!!
Author: أحمد عبدالوهاب الأحمدى
Date: 06-09-2009, 12:12 PM
| Quote: نرتاح من المصريين واطماعم فى عيشتنا!!! |
بالعكس ننسده فيهم الفات كلو!!؟؟
قول لى كيف!!؟؟
المجرى الفاضى ده كلو نملاهو "سماد طبيعى"......!!!!
فهمتنى....!!
لك التحية ود مكاوى على مناشفتك العاضّة
|
Post: #25
Title: Re: إختفاء النيل......!!
Author: أحمد عبدالوهاب الأحمدى
Date: 06-09-2009, 11:47 AM
Parent: #23
| Quote: برضو قوم لف .....بالطريقه البتريحك المره دي عشان ماتسال كيف قرقرقرقرقرقر،، |
زول يقول الحاجة وهو مفتكرة نكتة وويقوم يضحك فيها براهو.......
قررررررررررررررررررررررررررررررررررررر
القرقرابة....!!
| Quote: الزعل خليهو بعيد.... .... |
زى بعضو
زمان جدعناهو مع الموية النشفانا
تزعل إنتا يا أخوى....أكان بس الكندشة خفّت شوية
ألوليك....ولا تلولى نفسك براك
أريتك تبقى طيب......
.....
......
......
وبنتلاقى فى الرملة الدقاقة
.....ولا......ماب تتعاطاها
.....
....
قوم لز
|
Post: #29
Title: Re: إختفاء النيل......!!
Author: السيد المسلمي
Date: 06-09-2009, 02:49 PM
Parent: #25
الاحمدي... ياصاحب البوست
| Quote: ألوليك....ولا تلولى نفسك براك |
ياعمك أنا بلولي وبفسح وبشوت في القون توشك ..... !!!!!!!!
ياخ أنا ممكن الز معاك في البوست دا لي عشره سنه لي قدام!!!!!
شوف ياحبيب عندنا لز حسب الطلب ..ألزك بي ياتو جنبه ؟؟؟....ولا إنت قصدك لز تاني...أستغفر الله حاجات زي دي شوف زول تاني يلزك،،،،
Quote: أريتك تبقى طيب......
.....
......
......
وبنتلاقى فى الرملة الدقاقة
.....ولا......ماب تتعاطاها |
اريتك انت بخير ،،،
وماعندي مشكله ياعمك ..ناعمه ولا خشنه كلو بندوسو بس أبقي مارق،،،،
___________________________________________________________________
أتمني ان يكون قد فارقك الزعل ،،،
ولو دايرني أفك دربك ساعدني بالالفاظ،،،
وإن عدتم عدنا
|
Post: #30
Title: Re: إختفاء النيل......!!
Author: أحمد عبدالوهاب الأحمدى
Date: 06-09-2009, 03:27 PM
Parent: #29
Quote: ولو دايرني أفك دربك ساعدني بالالفاظ،،،
وإن عدتم عدنا |
هاك (MPC3) دى ((عــــــــــدنا))حيث العالم ((سفارى))...!!
ممكن أشترك فى المسابقة.......!!
إنت زعلتا يا TOM
| Quote: ولا إنت قصدك لز تاني...أستغفر الله حاجات زي دي شوف زول تاني يلزك،،،، |
ده إيه الهنا اللى إحنا فيهو ده
شوف سماحة الألفاظ دى.....
ياربى ده الواعظ ولا قرينو
أجيب ليك مراية......
باقى ماعندنا موية صافية تشوف صورتك فيها.....
ولا صافية ولا عكرة
نيل وإتلحس
.....
.....
.....
.....
آآآآآآآآآآآدى صنقيرة
.....
.....
.....
تانى بتجى
|
Post: #31
Title: Re: إختفاء النيل......!!
Author: السيد المسلمي
Date: 06-09-2009, 04:15 PM
Parent: #30
شكلك كده لزه واحده جابت أخرك،،،
ولو حرقتك ممكن نسحبه فورا ....أها ياجماعه قصرت معاهو؟؟
طيب تاني مابلزك ولابشتغل بيك الشغله ،،،
خلينا نشوف حاجه غيرك .....عطشتنا ونشفتا ريقنا!!!
ودي الزعلتك في الاول هسي كدي عاين ليها شوف في حاجه بتزعل فيها؟؟؟
واوعدك تاني اي بوست حقك أشرب جردل حتي أخش عليك فيهو....
دا طبعا لو فكرت إني أجاسف بي جردل المويه
تحياتي وأشواقي الحاره الجافه هاهاهاهاها.
______________________________________________
أزعل لكن شويه بس
|
Post: #32
Title: Re: إختفاء النيل......!!
Author: أحمد عبدالوهاب الأحمدى
Date: 06-10-2009, 09:54 AM
Parent: #31
| Quote: طيب تاني مابلزك ولابشتغل بيك الشغله ،،، |
عليك الله ....ماتمشى
نيل...ونشف
داير تنشف البوست مالك.......
وأكان بقت على الجردل......أنا بملاهو ليك
إن شاالله موية صحة...
....
....
....
....
والله مانى زعلان
أكان فى الأول ...وأكان هسع
مانى زعلان...
وعافيلك..لله والرسول
....
ما حننتك
...
... ((لز)) بدون ماتقوم
|
Post: #33
Title: Re: إختفاء النيل......!!
Author: صلاح أبودية
Date: 06-10-2009, 09:59 AM
Parent: #32
عند منتصف الليل ..
وقف المسطول فى أعلى جسر الإنقاذ ..
ونظر إلى الأسفل ..
وطفق متسائلا ..
يانيل يانيل !!
بالليل ده ماشى وين ؟
|
Post: #34
Title: Re: إختفاء النيل......!!
Author: أحمد عبدالوهاب الأحمدى
Date: 06-10-2009, 11:38 AM
Parent: #33
Quote: صلاح أبودية
عند منتصف الليل ..
وقف المسطول فى أعلى جسر الإنقاذ ..
ونظر إلى الأسفل ..
وطفق متسائلا ..
يانيل يانيل !!
بالليل ده ماشى وين ؟ |
الأخ صلاح أب دية
والله إن لم نكن قد فقدنا النيل.....ماءً!!فقد فقدناه.....معنىً
وين السمر!!؟؟
وين الرملة!!؟؟وجلسات الأنس...والقمرة!!
صاحبك ده لو النيل مانشف ...شويتين كدة...وكان تم البيتين ديل قصيدة
|
Post: #35
Title: Re: إختفاء النيل......!!
Author: أحمد عبدالوهاب الأحمدى
Date: 06-10-2009, 11:48 AM
Parent: #34
سمعنا تحت تحت..!!
قالوا فى واحد مسئول قرا البوست ده.....
قال شنو؟؟
عليكم الله شوفوهو قال شنو؟؟؟
قال النيل نشف....والزول متلحنا سلبيات سلبيات.....مع إنو نشاف النيل ده رغم السلبيات إيجابياتو كتيرة!!؟؟
.....
.....
.......
..........
.............
فى مساء ذلك اليوم شوهد البعض من أصحاب المناظير الصفراء ذات الحامل الثلاثى وهم "يُمتِّرون" ذلك الخور ((النيل زمان)).......!!
....
.....
.......
.........
بالمتر
|
Post: #36
Title: Re: إختفاء النيل......!!
Author: أحمد عبدالوهاب الأحمدى
Date: 06-10-2009, 11:59 AM
Parent: #35
(1)عليك الله باقتين موية صحّة....!!؟؟
.....
......
(!)ما تكون مفتوحة!!؟؟؟؟؟؟؟
........
...........
(2)أبداً والله........شركة!!
......
........
(1)بى كم الواحدة!!؟؟
........
..........
(2)750
.....
......
........
..........
أشكرك..!!!!!!!!!!!!!!!!!!!!!!!!!!!!!
|
Post: #37
Title: Re: إختفاء النيل......!!
Author: أحمد عبدالوهاب الأحمدى
Date: 06-10-2009, 12:28 PM
Parent: #36
صافية
سوبا
فرات
كريستال
أكوا
إبلال
unknown
unknown
unknown
unknown
unknown
unknown
توتيل
رحيق
....
.....
........
.........
...........
..............
................والأمة لسع عطشانة.....!!
نشفت ريقنا يانيلنا...!!
|
Post: #38
Title: Re: إختفاء النيل......!!
Author: أحمد عبدالوهاب الأحمدى
Date: 06-10-2009, 09:33 PM
Parent: #37
ولسع.....
أورينتال.....
.....
.....
.... .
ريان
.....
.....
.....
وبى 750 قرش
.....
.....فى حارة السقايين....يبيعون الماء
....
.....
وعلى بعد
....
50 متر من النيل...أقصد كان نيل
...
على الكورنيش.....حيث العطش الشديد....على شاطئ الخور
|
Post: #39
Title: Re: إختفاء النيل......!!
Author: أحمد عبدالوهاب الأحمدى
Date: 06-10-2009, 09:48 PM
Parent: #38
بالله فى شقاوة أكتر من كده.....
نشف.....وبقينا نشرب موية الصحة.....بالقرب من مجراه
.....
.....
أهو بكاء على الأطلال
....
....
مانى كضّاب
....
....لو رميتا فاضية ماب تصل
....
لكن مليانة ومن محل إشتريتا ده
....
....
وفنيتا....فننننننننننننننننننننننننن
.....
أكان ما قالت .....جُنْبُلُغْ.....
....
.....
أكون كضاب....والنيل ده لسع مانشف...!!!!!!!!!!!!!!!!!!!
|
Post: #40
Title: Re: إختفاء النيل......!!
Author: أحمد عبدالوهاب الأحمدى
Date: 06-10-2009, 10:11 PM
Parent: #39
نشف وشبع نشاف كمان...!!
(1)مافى واحد تانى يقول الهيئة المركزية للمياه...ماشايفا شغلها.....!!تسوى شنو يعنى !!؟؟وتجيب لكم موية من وين؟؟...نيل ونشف....!!وقدر القدرت عليهو....سقتكم منو لامن نشف!!؟؟نشفت ريقو يعنى
ده بدل تقولوا أدوها درع الإن((ج))از ...على الأقل قدرت تغرف النيل ده كلو وتكبّو ليكم فى بيوتكم!!
شوفتوا ليكم فى العالم كلو إدارة موية غرفت نيل حّدادى مدّادى وكبتو فى بيوت المواطنين....!!؟؟
قولوا الحمدلله الما فتحت فيكم بلاغ إستنزاف موارد
(2) تانى مافى واحد يقول مفلسين وما قادرين ناكل.....يعنى نعمل ليك شنو....الحكاية ما عدم قروش ...الحكاية إنكم نشفتو الأكل زاتو....وهو يا أخى إنتو النيل نشفتوهو.....
ثم ثانياً....إنتو حق الأكل ده قاعدين تشتروا بيهو موية....فى رفاهية أكتر من كده....مفروض توفروهوا والموية دى تركبوها تركيب.....هى دايرا شنو!!؟؟
.....
.....
......
شوية....هيدروجين وشوية أكسج.........
.......
.....
أسسسسسسسسسسسسسسسسسسسس
...
....
....
إن شا الله مايتمها......يقوم يقبِّل على الهواء
.....
......
......
شفااااااااااااااط ياناس
....
....
النيل ريقو نشف....الماب ينشف ريق الهههههههههههههوا......ششششششنو
|
Post: #42
Title: Re: إختفاء النيل......!!
Author: أحمد عبدالوهاب الأحمدى
Date: 06-11-2009, 07:33 AM
Parent: #41
| Quote: فتشواا للنيل ده للناس ديل وبطلوا قرقره وضحك وهترشات |
الحبيب.....MUSHAL ALLAM
أشكرك يا أخى على حِرّة القلب.
تسلم .....يا جادِّى
جماعتك ديل ما مصدقين...وقايلننا قاعدين نهظر
دايرنهم....أول حاجة يقتنعو بأنو النيل خلاص (بابببببببببح)....
بعدين غصبا عنهم حايفتشوهو.....
....
......
.......
خجلةالقرقرابة فى بيت البكا....والما عارف يقول عدس
.....
.......
.........
نظرية
يتناسب النيل عكسياً مع البترول
....
....
والتانى كمان قررررررررررررررب
...
...
وبرضو مافى مشكلة.....
....
.....
لأنو...البترول كمان يتناسب عكسياً مع الدهب....
...
...
ده ....لو فضل فيها دهب
...
غايتو أكان ربنا مدَ فى الأيام بننتظر اليورانيوم
...
....
سودان(نا) خيرو كتير
....
الضمير (نا) مُتحفظ عليه لحين إحضار شهادة البحث
|
|