سيف الجامعة: ((يتورط )) فى قصة عثمان حسين يوم حوليته الاولى؟

سيف تحديداً
بكل روعته التى عهدناها فيه
طلاوة صوته..عذوبته..عباراته التى يموسقها بطريقة سيف الجامعة
يضفى على اغانى الاخرين اسلوبه الرائع
عشقناه فى (لحن الحياة للشفيع، وفتنت بيه للكاشف و واغانى خليل فرح ووو)
سيف ما كان له ان يتورط الورطة دى كلها فى اغنية ابو عفان قصتنا

اداء مهزوز.. وزمن فارق..
كان سيف يبحث عن نفسه ولم يجدها لان الاغنية كانت غد فلتت منه.. وكان بادياً عليه الانزعاج
وقد حاولت الفرقة الموسيقية لملمة الموضوع لكن للاسف ما كان ممكن يتلم

اقلاها يا سيف كان تبرف الاغنية دى اكثر من عشرة مرات
قصتنا موش زى اى اغنيه ممكن تغنيها لمجرد انو انت فنان فى قامة سيف الجامعة
او كان ممكن تختار اغنية ايقاعها خفيف من اغنيات ابو عفان مثل (مسامحك يا حبيبى مثلاً)

فشل اكثر الذين حاولو ان يؤدوا اغانى الراحل ابو عفان يوم تكريم وديده بازرعه
يومها حزنا جداً للمبتدئة (نهى عجاج ) يوم ان تورطت اكبر من ورطة سيف فى (الوكر المهجور)
الى حدٍ ما اجاد صلاح بن البادية (المحلق)..
وبالامس سقط اكثرهم فى ذكرى ابو عفان الاولى.. بعد فشل عابده الشيخ
لم نكن نتوقع سقوط سيف الجامع

سنوسى
رغم إنى ماسمعت تجربة سيف الجامعة دى
فى فنانين ..ماب يتقلدوا..
وغناهم مفصل عليهم بالملى..أو غناهم إتخلق ليهم..يعنى الغنية بتاعتهم ماب تقبل التجزئة
وغناهم ماب تقدر تتمو موية.....لأنوغناهم إكتسب جمالو من نكهتهم هم نفسهم...
والزول العاقل يبعد من الحكاية دى.....
وأى محاولة لذلك غير تهبلك وتجيب ليك الكلام ما تعمل ليك حاجة
ومن هؤلاء القامة "عثمان حسين"وغيره كالفنان "محمد الأمين"

العزيز احمدى
شكراً على المداخلة الراقية
وياريتك لو كان شفت ورطة سيف
وانا لانو بحب سيف وبعرف كل اغانيه كنت اتمنى لو غنى بطريقتو هو
يعنى حاجة زى طريقة عصام محمد نور فى اغانى الغير
من اجمل التحف الفنية اغنيات الكاشف التى اداها عصام
اجمل من ذلك خمسة سنين) رائة العملاق ود الللمين
وزى ما قلت انت فى اغانى ما بتنتم موية
شكراًمرة اخرى

لكم التحية يا اهل الفن..
والعزاء في فقيد الوطن والفن الاستاذ الراحل المقيم..
والله يا أخوانا الحكاية دية برغم أنها إحياء لذكرى الراحل المقيم الفنان عثمان حسين والحفل مقام في دار الفنانين إلا انو تحس بان الجماعة ديل ما كان في تنسيق واضح بينهم والحاجة دية ترجع للسادة المنظمين للبرنامج وأكيد الموبايلات اشتغلت بعد الظهر عشان في المساء يكون في برنامج وكأنها حفلة في بيت طهور ممكن أي 2 بجهاز اورغن يمشوها.....؟؟

الفنان سيف الجامعة بذل مجهود خارق .. وعمل مايسترو ... وردد بي نفسو الطويل عشان يغطى المساحات الموسيقية الفارقة والواضحة .... والمحير انو فطاحلة العازفين المخضرمين موجودين في الفرقة المصاحبة.. وبنكن ليهم كل الإعجاب والاحترام والتقدير لمجهوداتم .لكن التنسيق ما كان موجود... ما كان موجود...
وقناة النيل الأزرق ما قصرت..كونها تورينا حاجات زي ديه.. عشان الناس تتعلم انو ما في حاجة جماعية بتتم (للمناسبة) بصورة ممتازة او جيدة من غير إعداد مسبق متكامل(تجربة)أولية على الأقل...؟؟
احياء ذكرى الفنان الراحل عمل كبير ومقدر.. واعتقد انو فترة زمنية سنة كاملة ممكن تجهز لاعداد مهرجان بحالو... ولا شنو يا جماعة..؟؟

ألف رحمة ونور عليك يا أستاذ عثمان حسين.

اخوكم صالح كردي

صالح كردى
تسلم
اكثر ما يميز احتفائياتنا على قلتها الكلفتة
وممكن يجيك واحد يقول ليك: ان تأتى متأخراً افضل من الا تأتى
لكن ياخى لكل مقام مقال
يعنى دا عثمان حسين وكفى
وعثمان فى رأيى المتواضع ما بشبه الهرجلة الحصلت فى دار الفنانين دى
برغم الجهود المقدرة التى بذلتها منظمة عثمان حسين
لكن يا اتحاد الفنانين حفلة عن ابى عفان كان يجب ان يتم الترتيب لها بشكل استثنائى
وماكان فى داعى تقحموا زميلكم سيف فى الموقف المحرج دا..
شكراً يا سيد كردى

صالح كردى
تسلم
اكثر ما يميز احتفائياتنا على قلتها الكلفتة
وممكن يجيك واحد يقول ليك: ان تأتى متأخراً افضل من الا تأتى
لكن ياخى لكل مقام مقال
يعنى دا عثمان حسين وكفى
وعثمان فى رأيى المتواضع ما بشبه الهرجلة الحصلت فى دار الفنانين دى
برغم الجهود المقدرة التى بذلتها منظمة عثمان حسين
لكن يا اتحاد الفنانين حفلة عن ابى عفان كان يجب ان يتم الترتيب لها بشكل استثنائى
وماكان فى داعى تقحموا زميلكم سيف فى الموقف المحرج دا..
شكراً يا سيد كردى

.
الأخ / حسن سنوسى ، وزوار البوست ، لكم التحايا....


فعلا كانت حفله عباره عن قزم بجانب قامة الراحل / الأستاذ عثمان حسين
لا أريد أن أفند لكل فنان ما غناه ، وأغلبهم لم يكونوا موفقين فى أداء
أغانى الراحل ، وأتفق معكم أنه حتى الفرقه الموسيقيه كانت دون المستوى
وكان يجب ليوم مثل هذا أن يتم الترتيب له قبل فتره كافيه ، ولكن أعود
وأقول هذه حال السودان ، وكل شىء يأتى فجأه حتى فيضان النيل ، يأتى فجأه
أيضا . شىء مؤلم ما حدث ليلة أمس بإتحاد الفنانين .

لك الرحمه والمغفره يا عثمان حسين بقدرما أعطيت هذا الشعب سببا للفرح
وقد أعطيته الكثير .


.

اداء سيف الجامعة لا بأس به بالرغم من انه كان يخرج من الزمن الموسيقى للأوركسترا المصاحبة ولكن عبد القادر سالم حلق بعديا جدا بصوته الأجش الذى خانه تماما بدأء لى كصوت الخروق العجوز

فعلا" سيف الجامعة بشتن "قصتنا " بشتنة السنين !!!


ولن تتمحي قصة سيف مع هذه الأغنية من زاكرتنا بسهولة !ّ!

الأخ حسن

سلام

بالله قل لي واحد منهم ما إتورط؟؟
الاحتفال كان عبارة عن هرجلة وفوضى
وهذا ما يميز أي فعالية في السودان رسمية كانت أو شعبية ، الفوضى والهرجلة
لكن إمبارح كانت هرجلة وسقوط مؤسس
أسماء - بيقولوا عنها - كبيرة في عالم الغناء والموسيقى سقطوا سقوط مريع ،، شئ مؤسف
كل (الغنايين) الشاركوا أمس ، إنتهت مدة صلاحيتهم ، لا تقول لي سيف الجامعة ولا أي واحد منهم
ديل مفروض تاني غنا ما يسمعوا
معتمدين على أسمائهم ، والواحد يصحوه من النوم يقولوا له في حفلة ، يغسل وشو ويجي ينبح!!!
والعازفين ، هل معقولة ما حافظين غنا عثمان حسين ؟؟ الشفع الصغار حافظينو صم !!
ما في بروفات ، وما في احترام للغنا البيتقدم ، وما في احترام للمستمع ،
وما في إحترام للمناسبة وعظمة صاحبها عليه الرحمة




زمان لمن قلنا الغنايين ديل أحجروا عليهم ، قربوا يودونا السجن ..

الله يرحمك يا عثمان حسين

صلاح يا اخوى
كلنا لما قلنا زى كلامك دا ثاروا جميعاً
انا مقتنع انو الفنان السودانى لا يسعى للتطور
بفتكر انو باغنية او اتنين خلاص وصل وهاك يا اهميات وعنتريات
عموماً ما كان جميل فى حق الراجل دا الحصل فى نادى الفنانين
مع مودتى

اغانى سيف الرائعة وحتى اغانى الاخرين التى رددها
انطبعت فى آذان المستمعين وخلدت
ياريت يا ابو عثمان ننسى ليهو بشتنتو لقصتنا
مع تحياتى

لكم التحية

في متابعتي ليلة امس لحفل قاعةالصداقة، الذي تم اعداده وتنظيمه من قبل منظمةعثمان حسين وما بذل فيه من جهودطيبة لاتمام هذا الحفل، والذي جاء فيه اعلان قيام المنظمةوعضويتها المفتوحة لمحبي الراحل المقيم الفنان القامة عثمان حسين فقدتأكد لي من خلال متابعتي ومن معى من محبي فنه الراقي انه لا احد سواه يستطيع ان يتغنى بألحانه ويوصلها مموسقةتطرب وتشجي..

وبدون أي تعليق آخر...

واحسن الله عزاكم في فقيد الامة.

صالح كردي

كردى
شكراً على المتابعة
وانشاء الله تكون استمتعت
غايتو انا سمعت محاضرة عمر الجزلى ولو انو الوضع ما كان بستحمل كلمة طويلة زى دى
وبعدها سمعت تاور بغنى ربيع الدنيا ودى تعتبر مراقة لهم جميعاً
اما المفارقة فى حفلة القاعة فهى اداء مجذوب اونسه لاغنية بعد الصبر تتصور
ولو انو كنت داير اسمع ابو الزيق بغنى ما بصدقكم واظنه اختار حسب امكاناته الصوتية
المنظمة واعدة والطريق امامها طويل نحن جنود لها
وحسب الاسماء التى سمعناها من بروف السر دوليب فهذه اسماء ما بختلفو فيها اتنين
بس انشاء الله يضعوا منهجية عمل واضحة لتحقيق اهداف واضحة
تشكر يا كردى فكلنا رهن اشارة المنظمة
بس يتعظوا من حفل نادى الفنانين

Quote: المنظمة واعدة والطريق امامها طويل نحن جنود لها وحسب الاسماء التى سمعناها من بروف السر دوليب فهذه اسماء ما بختلفو فيها اتنين بس انشاء الله يضعوا منهجية عمل واضحة لتحقيق اهداف واضحة

تحية كبيرة للاستاذ الدكتور الفنان عبدالكريم الكابلي
فقد كان حضوره مشرف...؟؟؟؟


صالح كردي

سلام عليكم....
ياجماعة أنا آسف جدا
بحاول اغير الصورة في الملف وفجاة ظهرت عندكم...معذرة..
وسامحونا...

صالح كردي

مصطفى
طبعاً انت عارف عقلية بعض السودانيين
الواحد عامل فيها ابو العريف
يا خى فيها شنو لو د. عبد القادر سالم اعتذر عن تكليفه بان يغنى لعثمان
اولاً اغانى عثمان لا تتفق وطريقة عبد القادر الراقصة بغض النظر عن اغانى التم تم
البفتكر عبد القادر انو هو رائدها الاوحد
لكن برضو سيف اتورط
تحياتى لك

الاخ بشير
انا افهم ممكن يجيك زول من غير ميعاد
ياها الحاجة الاساسية التى وسمت سلوكنا كسودانيين
اذا كان هنالك فرق فى الاعداد لحفل نادى الفنانين
عثمان رحل قبل عام.. فاذا كان هنالك نية لتكريمه
ماذا يضير لو تمت بروفات تليق باغانى الراحل
زى بروفات السر قدور مع الجماعة فى رمضان
ولا ديك حفلات بعدادات وكدا؟؟
تعيش يا بشير وما تشوف زى دا تانى

سلامات يا سنوسي

لم أشاهد فقرة سيف الجامعة تحديداً لكن برأيي المتواضع أنه أدى أغنية شجن في تكريم عثمان حسين أداءاً جيداً
وفي تناسق تام مع الفرقة الموسيقية .. سميرة دنيا أكثر من يتقن أداء أغنيات الراحل عثمان حسين

لاخ الاستاذ حسن والاخوة الكرام

تحياتي

أسف جدا جدا..فقد كنت احاول تغيير الصورة في الملف وفجأة ظهرت عندكم ...
أعتذر...
وسامحونا...

اخوكم صالح كردي